I remember the day when , we were round all night
i wish i could get that day back and tell you it's alright
cuz we all do the same thing , we just dont realize
that were living borrowed time .
Ashley P.O.V
فتحت عيني بخفيف و انا احس اني حاضنة شي قاسي ، ناظرت لنفسي ، اوه كالعادة نايل ، المشكلة انه كان بدون تيشرت ولكن المصيبة اني كنت حاضنة خصره برجلي وﻻفة يدي على ظهره
بعدت عنه بسرعة ورفعت نفسي شوي وللحين ماشلت عيوني من عليه
عضيت شفايفي وانا اناظر لعضﻻته ولجسمه الابيض وظهره المقسم ، لكن لحظة ! ايش هذا ؟
قربت يدي من خصره ولمسته
"عاجبك جسمي ؟"
رجعت خطوتين بظهري على ورا مع شهقة خفيفة ﻻني توقعته نايم ، كنت بطيح من السرير لكنه مسكني "انتبهي"
رجعت شعري على ورا ورديت "شكرا، لفت نظري الوشم من متى و هو عندك ؟
رد بابتسامه"اوه شفتيه ! عندي اثنين ".رفع يده وناظر خصره "هذا و الثاني مانصحك تعرفين مكانه"
ضحكت و سالته "متي سويته ؟"
اختفت ابتسامته ورد بحزن "من سنتين ونص لما كنت مع اليسون ، هي كانت القفل و انا المفتاح "
عبست "اوه تو الاحظة ، وايش معناهم"؟
رد بصوت خفيف"انا مفتاح حياتها وسبب سعادتها وهي قفل حياتي بدونها مايكون للمفتاح فايدة"
قلت بصوت خفيف لكنه سمعني "انا اسفة "
ضمني من الجنب " ﻻ تتأسفين"
قلت احاول اغير الموضوع لاني حسيت الجو صار كئيب "من متى وانتا صاحي ؟
ابتسم بخبث ورجع راسه على ورا "من كنتي حاظنة خصري وظهري وتقولين .. انا بطاطس!
فتحت فمي ."هاه"
كمل بضحة جانبية "وقلتي ستيف قرد وهاري مهرج ولوي شمبانزي ، بايش كنتي تحلمين .. بالسيرك العالمي؟
سالته بتوتر "وما قلت عنك شي ؟"
رد بنبرة تكبر "قلتي نايل هوران اجمل شاب شفته بحياتي"
تنهدت بارتياح ﻻني ماقلت اي شي وانا نايمة عنه
قال وهو يحاول يكتم ضحكته "ﻻ تخافين مراح اعلم احد"
ابتسمت و فتحت الباب وطلعت ، دخلت غرفتي ثم الحمام ، غسلت وجهي واسناني وفتحت الموية عشان يمتلي البانيو ، خلعت مﻻبسي لما امتلى ونزلت فيه
لفيت الفوطة علي لما خلصت و وقف قدام الدوﻻب ، اخترت شورت جينز اسود وتيشرت ابيض مخطط و لبستهم
سرحت شعري وسويت ضفيرتين وربطهم على ورا ونزلت تحت
"بتطلع؟" سألت نايل وانا على اخر درجتين
لف علي ورد "ايه"
قلت بتكشيره"يوه كنت ابي اطلع معك"
"مشغول شوي خليها يوم ثاني"
مارديت ﻻن مافي شي اقوله ، دخلت المطبخ و اخذت علبة بيبسي من الثﻻجة وجلست على الكنبة و الريموت في يدي
سالني من عند الباب "بتطلعين اليوم ."
رديت "مادري يمكن ﻻ ، وانتا وين ح تروح ؟
"بروح اقعد مع ليام وبعدها بنروح البار "
سويت له باي بيدي " اوكي ، باي"
"باي "قالها سواها بيده ،لفيت على التي في سمعته يقول
"اوه هاي "
"هاي نايل ، اشلي موجوده؟
لفيت على الصوت " براد"
"اشلي" قالها و دخل البيت و نزل الاغراض الي بيده على الطاولة وضمني "اشتقت لك "
قلت وانا ابعد عنه "انا اكثر"
قال نايل من عند الباب "اها .. اوكي والحين لقيتي احد تقعدين معه ، ﻻزم اروح ، باي "
طلع قبل ما ارد ، ماهتميت وجلست جنب براد
"ﻻني عارف انك مراح تجين فقررت اجيك انا وجبت لنا قهوة "
"ﻻااااا ، خلينا نطلع انا جوعانة"
"والقهوة؟"
رمشت وقلت "نشربها و نطلع ؟"
خرب شعري "ماقدر ارفض لك طلب"
Niall P.O.V
قفلت الباب وانا احس بشي ثقيل على قلبي تنهدت تنهيدة طويلة طلعت فيها كل الي مضايقني يمكن ﻻني كذبت على اشلي مرتين وانا ماحب اكذب ، قلت لها انها ما قالت شي عني لكنها في الحقيقة قالت .. "انا اسفة نايل كنت محتاجة بعض الوقت للتفكير .. " و ﻻني قلت لها اني مشغول ولكن الحقيقة اني مابي اقعد معها ، او يمكن ﻻني احس ببعض الغيرة من براد ! لما اشلي عانقته حسيت ان قلبي بيطلع من مكانه ! لكن هذا شي طبيعي ﻻني .. ﻻني احبها ! اففف اذا هي ماتحبني فﻻزم احاول ابعد عنها قدر المستطاع
دخلت السيارة ودورتها ، زينت المرايا ومشيت لبيت ليام ﻻني محتاج اتكلم معه
__________________________________________________________
فصلت السياة ودخلت المفاتيح في جيبي و مشيت للباب وانا اسمع اصوات عالية من داخل البيت
رنيت الجرس مرتين والثالثة فتح الباب
"هاي داني"قلتها وضميتها
ردتها لي "هاي نايل"
دخلت البيت وقفلته داني وراي ، قلت بصوت عالي "من سمعت اصواتكم العالية وانا عارف انكم تلعبون بﻻيستيشن"
لف علي ليام "اوه هاي نايل "
قال زين "هاي نايل ، حلو انك جيت عشان تكون في فريقي "
رد اندي معارض لكﻻم زين "ﻻﻻ مستحيل نايل محترف وﻻزم يكون في فريقي انا"
"مستحيل انا اختارته قبلك"
"ﻻ انا قبلك"
ضحكت على خفيف و جلست على الكنبة "من نشاطكم باين انكم مفطرين وشبعانين "
قالت داني وهي داخلة للمطبخ "من الصباح وانا صاحية على صراخهم وكل شوي اجيبلهم اكل مايشبعون ، و نفس الكﻻم قالوه اول ماجاه اندي *لفت على زين واندي وكملت*واختصر لكم انا الهواش في النهاية حيكون في فريق زين "
قام زين وباسها بخدها "شكرا داني احبك احبك "
قام ليام وسحبها منه "هيه انا بس الي ابوسها وانا بس الي اقولها احبك *يبوسها"
لفيت وجهي و جلست جنب اندي "هييه انتو راعو مشاعر العزابي الي هنا "
ضحكت دانيل وبعدت عن ليام "ﻻ تخاف قريب راح تجيك ذيك البنت الي تخليك تحبها لحد الجنون وكلنا حنتكلم عن عﻻقتكم ياروميو "قالتها وغمزت
مارديت وناظرت في الارض ، جلس جنبي ليام ﻻنه حس اني تضايقت وقال "داني ممكن تسوي لنايل قهوة ؟"
ابتسمت "اوكي " ودخلت المطبخ
رن جوال زين، ناظر في الشاشة وقاال "اوه هذه بيري ، اكيد خافت ﻻني طلعت وهي نايمة ، ثواني وبجيكم" قالها وقام للحديقة
مدت لي دانيل القهوة "تفضل نايل ، حبيبي انا بطلع ارتاح شوي اوكي ؟"
باس راسها وقال "اوكي ، حشتاقلك "
ضحكت على خفيف وصعدت فوق ، قام اندي
"اوه نسيت جوالي بالسيارة بروح اجيبه" قالها اندي وفتح الباب وطلع
لف علي ليام وسألني "ايش صاير؟
توترت ﻻنه سألني فجأة "وﻻ شي"
رفع حاجبه "نايل اعرفك لما تكذب"
قلت احاول اخفي توتري "وﻻ شي صدقني "
تكتف "عينك اليسار ترمش بسرعة اذا كذبت "
تنهدت ﻻن محاولة الكذب على ليام محاولة فاشلة وقلت" ... "
Ashley P.O.V
سحبت مفاتيح البيت من على الطاولة ثم فصلت جوالي من الشاحن
لقيت رسالة ، فتحتها وكان مكتوب فيها '' اليوم بنفذ وعدي وبخليك تندمين''
حكيت راسي وانا احاول افهم الرسالة ، حركت كتفي وقلت -يمكن احد ارسلها بالغلط -تنهدت و دخلته بجيبي
قفلت باب البيت ودخلت بسيارة براد ، قلت له وانا اناظر السيارة "يوووه من زمان ماركبت معك"
ابتسم ودور السيارة ثم ناظر للساعة "وين تبينا نتغدا بناندوز ؟"
رديت بعد ثواني من التفكير "بنروح كافيتريا قريبة من هنا "
____________________________________________________
سحبت الكرسي وجلست ومقابل لي براد ، ناظرت للنادلة الي كانت تناظرني نظرات حقد وناظرت للمينيو -طبعا نفس النادلة حقة المرة الي راحت-
"ايش تطلبون؟"
سالتنا من جهه براد ، رفعت راسي لها وقفلت المنيو "دجاج بالصوص الابيض ، وانتا براد؟
"امم عطيني باستا "
كتبت الطلب ومشت من عند براد بدلع ، وﻻنه على نياته مانتبه لها
قلت وانا اقوم "بروح الحمام"
"اوكي "
ناظرت للنادلة ودخلت ﻻني عارفة انها رح تجي وراي
فتحت شنطتي وطلعت روج منها وبدات احط ، دخلت النادلة و وقفت جنبي "انتي كل مرة تجين بواحد اجمل من الي قبله ؟"
ضحك ومارديت ،سكتت شوي ثم فتحت الباب وقالت "موب ﻻزم تتجملين ، جون فترته الظهر والعشاء"
لفيت عليها ﻻني انصدمت من كﻻمها ، كنت برد ﻻكنها طلعت! طلعت وراها بسرعة شفتها داخلة المطبخ ! سوت لي باي باصابعها ودخلت !
لكن كيف عرفت اني ابغا جون ؟ وكيف عرفت اني اعرفه اصﻻ ؟ يمكن جون حكى لها عني ! رجعت الطاولة وانا افكر
جلست على طاولة و كان براد يتكلم في الفون والحزن على وجهه ، سألته والنادلة تحط الاكل على الطاولة
" شصاير؟"
"هاه ؟ وﻻ شي مونيكا اتصلت علي وقالت انها اشتاقت لي "
"اوه:( "
هذا كل الي قلته قبل مانبدأ اكل في هدوء وكل واحد شاغل تفكيره شي
Niall P.O.V
"هذه عﻻمة حلوة انك بدأت تشغل تفكيرها"
قالها ليام و ضرب كتفي على خفيف
حكيت راسي "مافهمت"
حرك ليام راسه بالنفي وقال "معنى انها تكلمت عنك وهي نايمة انها تفكر فيك ، كنت عارف ان فكرة الاعتراف ح تأثر فيها "
هزيت راسي" ايه .. لحظة ! مو انت الي قلت لي ليش اعترفت لها ؟ "
"ايا يكن ، المهم الحين انها تفكر فيك " قام و سحب يدي "قوم نروح اي بار ﻻن اللعبة صارت مملة من راحو اندي وزين "
قمت وعدلت مﻻبسي "كنت بقولك نفس الكﻻم
""""""""""""""""""""""""""
دخلنا البار بعد ما ورينا هوايتنا للحارس ، ليام اختفى من اول مادخلت ، جلست في مكاني المعتاد وكالعادة ﻻزم القى لوكاس
"لووووكاس "
لف علي وصافحني "نايل"
جلست وطلبت كاس "انتا كل يوم هنا؟"
ضحك وشرب من كاسه "ماعندي مكان اروح له غير هنا "
ابتسمت ولفيت على النادلة ومسكت الكاس من يدها ، خلصته وشربت الثاني وانا ولوك نتكلم عن مواضيع مختلفة
طلبت الكاس الثالث وفي نيتي انه اخر كاس رح اشربه ، شربت نصه وحطيته على الطاولة ، ناظرت لوكاس الي كان سكران
"ﻻ تخاف هو متعود على كذا"
"لفيت على النادلة ، سألتها " كيف عرفتي ؟
"انا صديقته ، كل يوم يجي ويشرب لين يسكر عشان ينسى حبيبته وانا ارجعه لبيته"
سألتها "و وين حبيبته ؟"
"راحت " قالتها و التفتت للهجة الثانية عشان تاخذ الطلبات ، لوهلة حسيت بألمه ﻻني مجرب هذا الشعور ، شربت الباقي من الكاس ولفيت على ساحة الرقص
لمحت بنت واقفة تناظرني ، بنت طويلة، جميلة ، شعرها بني طويل وعيونها واسعة لكن ماقدرت انتبه للونها بسبب الظﻻم
ﻻبسة فستان قصير ازرق مفتوح من عند الصدر فتحة كبيرة ، مرت من قدامي فانتبهت لفتحة ظهر الفستان الي موصلة لتحت ، جلست على الكرسي وطلبت كاس
ريحة عطرها كانت مرة قوية ومرة ناعمة ، قربت من الطاولة وقلت للنادلة "عطيني كاس"
حطت النادلة الكاسين على الطاولة من جهه البنت وراحت ، قربت منها واخذت الكاس وجلست ، شربت نص الكاس وقلت لها "هاي؟"
رفعت راسها من جهازها و لفت علي ، ناظرتني وماردت ورجعت تناظر جوالها واتوقع انها كانت تراسل احد
والحين قدرت احدد لون عيونها العسلية الهادية ، لكن احس اني شفتها قبل كذا ، مﻻمحها جدا مألوفة تضايقت من حركتها وشربت الي تبقى في الكاس
"انا ايفيلين ناديني ايفي" مدت يدها لي بعد مادخلت جوالها بشنطتها
صافحتها "انا نايل "
قالت بنبرة هادية ثم عصبية "اعتذر اني مارديت عليك ، كنت اكلم اختي وكانت تسألني ليش تأخرتي وانا ماحب احد يتحكم بحياتي "
ابتسمت لها ﻻن كﻻمها ذكرني بكﻻم اشلي *تشابتر 7انها ماتحب احد يتحكم بحياتها * لفيت على الطاولة بدون مارد وشربت كاس ، اعترف اني من شفتها وانا احس بحرارة تجاهها ! ايش قاعد اقول انا !، انا احب اشلي ومستحيل احب غيرها ! لكنها ماتبادلني نفس الشعور !
قاطع تفكيري ايفيلين "عندك حبيبة ؟"
توترت في البداية بعدين قلت"الامر معقد شوي "
ابتسمت وقالت "نفس الحال"
ابتسامتها هادية لكن احس انها مصطنعة ، احسها تخبي شي ، تكلمت معها في اشياء مختلفة و اعجبتني شخصيتها لكنها كانت تتقرب مني او بمعنى ادق تتلصق فيني ، قاطع افكاري ايفيلين وهي تقوم "ﻻزم اروح الحين ﻻني تأخرت"
''كيف اقدر اقابلك مرة ثانية ؟"
دخلت يدها في شنطتها وطلعتها ، امسكت يدي بيدها و حطت فيها شي و قفلت اصابعي عليها ، فتحت يدي وناظرت ل الي حطته كان منديل مكتوب عليه رقمها وعنوانها ، رفعت راسي وناظرتها بابتسامة . سوت بيدها *كول مي * وراحت ، ناظرتها الين طلعت من الباب ، واو شكلها متعودة
جلس جنبي ليام "من الي شاغل تفكيرك؟
دخلت الورقة بجيبي " وﻻشي "وقفت بعد ما ناظرت للساعة "خلينا نرجع ﻻن الوقت تأخر"
وقف وعدل مﻻبسه "اوكي"
Ashley P.O.V
فتحت الانوار من بعد ما قفلت الباب وجلست على الكنبة والريموت في يدي ، براد ماجلس معي ﻻن عنده بعض الاشياء يبي يخلصها ونايل مو موجود وزوي طالعة مع حبيبها و انا جالسة بملل ، غيرت في القنوات لين لقيت مسلسل "ذا فامبر دايريز " فخليته
..
واخيرا بعد نص ساعة من الملل جا نايل ولكن باين انه متضايق ، قفل الباب بقوة وطلع غرفته بدون مايتكلم ، اكيد كثر في الشرب زي العادة ، ناديته قبل ﻻيوصل لاخر الدرج "نايل"
رد بدون مايلف "هم؟"
ما تكلمت ﻻني مابي مشاكل مع واحد سكران على اخر الليل ، جلست على الكنبة وسمعت صوت بابه يتقفل !! غريبة مو من عادات نايل انه يعصب ؟ مو كأنه صاير يتجنبني وﻻ يتهيأ لي ؟؟
.
.
.
.
.
*- بعد مرور ثﻻث ايام -*
ثﻻث ايام من التهاجل .. ثﻻث ايام وانا ونايل مانتكلم اﻻ نادرا حتى صباح الخير ما صرنا نقولها ؟!
ثﻻث ايام وكل يوم نايل يطلع للبار ومايرجع اﻻ نص الليل وريحته عطر نسائي !،
ثﻻث ايام وانا قاعدة لحالي براد سافر اليابان بسبب بعض الظروف لاخته ، زوي مشغولة مع حبيبها ولوي يتدرب على المباراة وهاري مشغول مع حبيبته ونفس الشى زين وليام ، وحتى لو بطلع ماعندي شي او احد يوصلني ،
ثﻻث ايام ونفس الرسايل تجيني يوميا ال هي "بنفذ وعدي وبخليك تندمين"
كل هذا صار خﻻل الثﻻثة ايام الي فاتت ، لكن الاهم من هذا اني في البداية كنت احس ان نايل يتهاجلني او يتجنبني بس هذا كان مجرد احساس .. لكن الحين تأكدت
مستحيل يكون كل الي صار صدفه او انه مشغول مثل ما قال ! يمكن انه صار يحب وحدة ؟ اكيد موب ممكن ..
واحد جميل مثل نايل + كل يوم في مكان كله بنات + انه سينقل = انه حيكون اعجب بوحدة
احيانا احس اني غلطت .. اتمنى لو اني اقدر ارجع بالايام ..
اتمنى لو اني وافقت لما اعترف لي ، صحيح اني كنت ابي صداقتنا تستمر لكن ماكان رح يصير شي اذا وافقت وتطورت عﻻقتنا للاحسن
اتمنى لو ارجع لهذه اللحظة واقوله موافقة ، او اقوله محتاجة وقت افكر
انا غبية اني رفضت ، كنت ابي صداقتنا تستمر والحين صداقتنا ضعيفة وﻻ احنا احباب
يمكن كﻻم هاري ماكان صح ! يمكن عادي للاصحاب انهم يصيرون احباب !
احباب ههه .. احباب ونايل صار يكرهني !
كل يوم احس مشاعري له تزيد اتمنى لو اننا فعﻻ احباب ولكن انا عارفة انه صار يكرهني الحين
صحيح ان الحب قدر مو اختيار لكن نقدر نوصل لبداية مراحل الحب باختيارنا !
قلت هذا الكﻻم في نفسي وانا اشوفه يفتح الباب ويطلع ، مو جديدة لان هذا حال كل يوم
مسكت الريموت في يدي واليد الثانية بيبسي وشوكوﻻ وفاتحة على "بريتي لتل ﻻيرز "
ﻻن البيبسي والمسلسل الشيئان الوحيدان الي يونسوني بما ان مافي شي سونسني او يسليني :/
خلص البيبسي والمسلسل بنفس الوقت ، وقفت وانا احس اني من سنة جالسة ، مشيت للمطبخ بخطوات سريعة وفتحت الثﻻجة ﻻني جوعانة ، تأففت وقفلتها بقوة ﻻني مالقيت شي اكله
بعد دقايق من التفكير قررت اروح السوبر ماركت ، صعدت لغرفتي واخترت سكيني وبلوفر صوف ابيض ﻻن الجو يكون بارد في لندن بالليل
طلعت من البيت و قفلت الباب وقررت اتمشى بما انه قريب
Niall P.O.V
سلمت على الحارس ديريك بما انه عرفي ﻻني كل يوم موجود ودخلت ، سلمت على لوكاس والنادلة ستيفاني
خﻻل الثﻻث ايام الفايتيين وانا كل يوم في البار ، يمكن ﻻني مابي اقعد مع اشلي او اني اعجبت بايفي ، ﻻﻻ مستحيل اعجب فيها ! اصﻻ هي مو من نوعي المفضل
كل يوم تتقرب مني وحاولت معي اني اروح بيتها لكني رفضت ، احسها خيانة ﻻشلي !
على الرغم من انها ماتبادلني الحب ﻻكني عندي امل
جلست على طاولة المشربات جنب ايفي ، باست خدي وقالت "هاي نايل ؟"
"هاي ايفي ، طالعة جميلة اليوم
ضحكت وقالت"عطينا كاسين "
شربت الكاس وانا اضحك واتكلم معها ، الصراحة انها نستني اشلي واليسون ! ﻻ ﻻ مستحيل اني اعجبت بيها، طيب واشلي ؟ انا احب اشلي ومشاعري لايفي مجرد انجذاب لشخصيتها .. اتوقع
سحبت يدي "قوم نرقص"
مارديت وقمت معها ، دخلنا بين الناس وبدأنا نرقص بعشوائية
جلسنا على الطاولة بعد ما خلصنا رقص ، طلبت ايفي كاس لكن انا ما طلبت ، واضح انها كثرت في الشرب وبدأت تسكر
كان بتطيح لكني مسكتها ، شعرها كان على وجهها فبعدته بيدي ، عيني جت بعينها ، كنا مرا قريبين ، سرحت ثواني في عيونها العسليةو ومانتبهت اﻻ ل.. لحظة ! ايفيلين ب ب باستني ؟
Ashley P.O.V
طلعت من السوبر ماركت بعد ماشريت الاغراض ، تمشيت شوي وانا استمتع بالهوا البارد الي داخل جسمي من فتحات الصوف وعيوني شبه مغمضة ، وقفت لما سمعت اصوات عاليه ، اوه انا قدام بار ونلسون ! مشيت كل هذه المسافة بدون مانتبه ، ﻻحظت سيارة نايل قدام البار ، بعد ثواني من التفكير قررت ادخل ، الاشياء الي شريتها ماكانت كثيرة فحطيتها داخل شنطتي و مشيت لعند الباب ، وطبعا ﻻزم يوقفني الحارس ، رفعت له هويتي و دخلت
الانوار خفيفة والموسيقى عالية وريحة المكان كحول كالعادة ، صعب اني الاقي نايل الحين ، قررت اروح للمكان الي لقيته فيه المرة الي راحت
مشيت بخطوات سريعة للطاولة و ناظرت وياليتني ما ناظرت ....! ﻻن كل الي شفته هو نايل يقبل وحدة
فتحت عيني على اخر شي عشان استوعب الي شفته ! حسيت اني احلم ! ﻻﻻ مستحيل اكيد سكران
مشيت بسرعة لجهته وسحبت البنت من كتفها ! "تاركني قاعدة بالبيت وانتا جاي تبوس في البنات ؟"
"مين انتي؟".
البنت كان باين عليها انها سكرانة من طريقة كﻻمها ، عكس نايل الي قال "اشلي ! ايش تسويين هنا ؟"
رديت عليه وانا احاول امسك اعصابي "ايش اسوي ؟ جايه عشان اشوفك قاعد تقبل بنت ماتعرفها"
دفتني البنت وقالت ويدها على صدره"ﻻ تتدخلين بحياة نايل ، براحته يقبل الي يبي "
حسيت ان ودي اقتلها ، لحظة .. اصﻻ كيف عرفت اسمه ؟
"وكمان تعرف اسمك ؟ تدري انا اصﻻ غلطانة اني جاية عشانك "
هذا كل الي قلته قبل ما اطلع من البار بسرعة ، و اسمع نايل يقول "اشلي ، اشلي لحظة اسمعيني"
لفيت عليه "ايش تبيني اسمع ؟ انا اسف اشلي مانتبهت لها وهي تبوسني وﻻ ماشفتها ؟ "
مسك يدي "مايصلح نتكلم هنا ، تعالي نرجع البيت "
تنهدت وناظرت لوجهه ، حرك راسه بايه وفتح لي الباب ، ركبت وقفلته بقوة بدون ماتكلم
______________________________________________________________
"والحين اشرح "
" ايش اشرح ؟
"ليش كنت تبوسها ؟"
"للمرة المليون هي الي باستني مو انا صدقيني "
تكتفت "وانا المفروض اصدقك يعني ؟ مين كان سكران انتا وﻻ هي ؟"
"هي ، وهذا اكبر دليل اني ماسويت شي ، وبعدين انتي ليش مهتمة لهذه الدرجة ؟ غيرانة ؟"
تلعثمت "هاه ؟ ايه ؟ ﻻ ،، اقصد ليش بغير اصﻻ ؟ "
قال بنبرة استفزاز " ﻻنها حلوة "
مارديت ومشيت عشان اطلع فوق لغرفتي لاكنه مسك كتفي "امزح اصﻻ انتي اجمل وحدة بنظري"
قلت بهمس "عشان كذا بستها"
""قال وباين انه عصب"الحين انتي ايش تبين بالظبط ماتبين تصيرين حبيبتي وﻻ تبين يصير عندي حبيبة .. ايشةتبين بالظبط ؟"
ناظرته بعيون مليانة دموع ﻻني ماحب احد يصرخ علي "اصﻻ مايهمني يكون عندك حبيبة وﻻ ﻻ ! رح صاحب اي وحدة من العاهرات الي يسهرون بالبارات كل يوم ، حياتك وبكيفك "
ناظرني لمدة ثواني بدون ما يتكلم وانا نفس الشي ، وخر يده من كتفي ودخل المطبخ
حسيت وقتها انه الوقت المناسب ، الوقت الي اقول لنايل بمشاعري تجاهه ! ايش ممكن يصير لو اعترفت انا له ؟ لو قلت له اني كنت متوترة ؟ لو قلت له اني تفاجئت؟
ناديته وهو على اول درجة "نايل"
لف علي "ايش تبين الحين ؟ "
مشيت لعنده ودفيته على ورا فسند على الجدار ، قررت اقوله على كل الي قي قلبي ومايهمني الي ممكن يصير.. "تدري ايش ابي ؟ ابي اقولك اني .. اني عندي مشاعر تجاهك ، ابي اقولك اني قلت لك اني مو جاهزة ﻻني تفاجئت من كﻻمك ، ابي اقولك من قلت لك اني مو جاهزة وانا اتألم من داخلي، اقولك اني كنت اتألم وانا اشوفك تتكلم عن اليسون ، اقولك اني حسيت باشياء كثيرة ماحسيتها اﻻ معك ضحكتك لمستك صوتك كل شي فيك ، انا قلت لك اني ابي صداقتنا لكن في الحقيقة ان صوت من داخلي كان يصرخ وافقي ، وحسيت بألم ﻻني ما وافقت! ادري انك كنت تتجنبني طول الفترة الي فاتت ومالومك ﻻن الي سويته مو شي بسيط ، انا غلط واتمنى اني اقدر اصحح غلطتي ، انا انا .. " ماكملت كﻻمي ﻻن نايل حطت اصبعه على فمي ، رفعت عيوني وناظرت لعيونه ، ﻻول مرة اكون قريبة منه لهذه الدرجة ، جسمي قريب لجسمه ، انفاسنه مختلطة ، حط يده على خصري و لفيت يدي على كتفه ، قربت منه وهو نفس الشي ، غمضت عيوني وطلعت كل مشاعري في هذي القبلة ، حسيت بالامان ، بالهدوء بالراحة ، تمنيت ان هذه اللحظة ماتنتهي
بعدت عنه ولكن لسا قريبين سألني "هذا معناه موافقة *يقصد على عﻻقتهم*"
هزيت راسي "ايه "
ضميته ورفعني من على الارض شوي ، يمكن كان الاختيار صعب في البداية بين -اعز صديق و حبيب-بس انا اخترت الصح ، مادري ليش في صوت داخلي يصرخ اني سويت الصح ، لكن احساس يقول من هنا حتبدأ المغامرة .
خلص التشابتر رايكم ؟
واخيرا واخيرا بعد عشرين تشابتر من التعب اشلي ونايل صاروا احباب.
ايش تتوقعون حيصير بينهم ؟ وردة فعل اصدقائهم ؟ من التشابتر الجاي حتبدأ عﻻقتهم
رايكم للحين قي تسلسل الاحداث ! واذا مفكرين ان الاحداث حتكون عادية فكروا اقين و اقين واقين
وبس احبككككككككم