طلع صباح وبدات الشمش تشرق وانا تجمدت بالبرد .. أول مرة نعس برا .. تا حسيت بحلاقمي تنفخو ..الله ياخد الحق فلي كان حيلة وسباب .. نضت قاديت الجلسة وبديت ندير ديماري ولميزاجوغ باش نتفكر أش وقع ونقاد المجاج .. ولكن هاد الأخير حلف ولا يتقاد ... وبالخصوص ملي زاهية غادة جايا فوق راسي .. باينة عليها كاعية و كاع مداقت نعاس ولا شافتو .. وأخيرا جا ليحدهم ليها
- (كنتفوه ) زاهية وااا زاهية تي جلسي الأرض دوختيني
- سكتينا خليني نفكر
- على انت أزاهية عندك شي عقل باش تفكري .. عايشة فديور ناس ومعيشة معاك جنون من الفوق .. واش مافخباركش أزاهية بلي لمغطي بديال الناس عريان وهانتي تعريتي .. أجي شفت داك خونا فالله باقي مكسل فالدار ماغوت ما خرج كايفركل كي قلتي
- قليل الحيا .. ليل كلو وهو طالق القرآن
- داخلنا عليك بالله ... (شداتني لهيستيرية ديال الضحك) هاهاهاهاهيهيهيهيهوهوهوه ... حلفي هههه وولد الحرام كاعما باينة فيه مسلم .. مشيــــــــــتي أزاهية كفتة مكفتة وبالبصلة مشلضة ههه
- واش انتي لي كضحكي ولا موكا لي كتفرنس ... شكون قالك مشيت فيها .. مشكلة وحدة وحل واحد .. القرآن لي حامي بيه راسو .. نكلعوه ليه
- زاهية ؟؟ مايسحابنيش راك كافرة .. طحتي من عيني والله القسم
- هاديك الدار راه عشت فيها حياتي كاملة ...ومايجيش واحد ماعرفت منين يجري عليا منها وهو عندو الغرق ديال ديور
- حلفي بالله ؟؟ شحال ؟ شحال ؟ يخ جبدت معاه العيب من لول أش داني تفو أش هاد الزهر .. كن غير خليتو يقطع لساني على هاد الشمتة
- (بحالا ضربات ليها طرن فراس) دنيا ؟
- (من طريقة باش قالت سميتي بان ليا القضية فيها إن ) مسافرة .. خارج التغطية
- دنيا ؟ غاتمشي مع الباهية وحيت هي جنية ماتقدرش تسرق القرآن ولكن انت من الإنس تقدري ديريها
- ههههه لا .. كتحلمي بلوان
- ياك ابنيتي أدنيا .. وليتي تردي عليا الهضرة .. واش بغانا نبقاو نباتو فالخلا والبرد
- واخا نديك على عقلك .. هاحنا سرقنا القرآن .. غايمشي يجيب واحد جديد ألمطيورة
- مادام مغايلقاش القرآن .. غايقول بلي خداوه جنون .. وكل مرة شراه غاياخدوه .. وهو ماشي مكلخ بحالك يبقى يدور فدوارة خاوية .. ويالاه جمعي الوقفة وسيري مع الباهية توريك فين حاطو
- لا انت باغا فيا الخدمة واش مكافاكش جنونك يضربوني عاد نزيد عليها داك طيرة بقر إلى حصلني ..
- إلى مشيتي عمر جنوني مايحطو عليك يديهم .. وهادي كلمة زاهية
- حلفي ؟؟
- واحق مولانا .. إيوا أش قلتي
- واخا مشات .. ياربي تسمح ليا وتعفو عليا من هاد شارفة وداك المقوبع
- أشقلتي ؟؟
- على بركة الله ..
كانت الباهية واقفة بعيد .. مشيت لجهتها وبقات هي غادة وانا تابعاها ضرنا من لور ديال دار .. ومشينا كنتسلتو .. ولكن هي بنت الحرام كدخل فالحيوطة وداك الفراقش عندها كايطيرو بها أما أنا غير الحجر كنزلق فيه .. مهم بعد عناء طويل دخلنا مابان لينا تاحد فدار .. وقفات ليا الباهية قدام بيتي وعرفت بلي هو لي فيه القرآن .. دخلت ليه كان كيخنق بريحة ديال رجال .. بالحق زوينة (أجي تشوف يا أبتي والله على هاد ريحة خصك تصوم ستة أشهر متتابعة) بديت كنشم ونتبنن ملي كنتفكر هرست ليه حلوفو .. من بعد الإستمتاع .. بديت الخدمة كان لمونطو ديالو محطوط على البونجة لي شحال وانا نشمش فيها .. هزيتو بديت كنقلبو مالقيت فيه غير شي حاجة هزيتها وخشيتها بزربة فجيبي ولحت المونطو بزربة من بعد مابان ليا القرآن محطوط فوق الفيترينا .. يالاه بغيت ناخدو وأنا نسمع شي صوت من لور · · ·
المنفى_الغريب
By ElYtLegh
hello this is my first story but she isn't my own story okii...... #moroccan_storie قصة واشمن قصة كوميدي... More