Pagkababa ni Mina ng cellphone ay napalit ito ng pang alis at pagkakuha ng susi ng sasakyan ay dali dali itong bumaba. Nakasalubong nito pababa ng hakdan ang Daddy nya.
"Oh, aalis ka pa? Late na." Tanong ni Daddy Wil.
"Mabilis lang po ako." Sagot ni Mina habang dirediretso pa din pagbaba.
Nagpatunganga lang si Wil habang pinagmasdan makalabas ang nagmamadaling anak. Nailang segundo ay umakyat na muli ito pero natigil na naman ng tawagin sya ng tawagin sya ng kasambahay na si Judith.
"Kuya!" Tawag ni Judith at napalingon naman si Wil.
"Oh? Bakit Judith?"
"Kuya tignan mo." Iniabot ni Judith ang hawak na cellphone kay Wil.
Kita sa mata ni Wil ang gulat ng makita ang picture ni Mina at Justin na nakalagay sa internet at nang mabasa ang hindi magagandang comments.
"Eto siguro dahilan kaya dali dali umalis si Mina. Tsk. Hindi ko pa mga nakikilala ng personal tong lalaki na to tapos ganto na agad yung mangyayari." Sabi ni Wil na halatang alalang alala sa anak.
Samantalang si Mina ay dali dali nagmaneho papunta kay Justin na hindi sinasagot ang mga tawag nya. Pagkapagpark ng sasakyan ay umakyat ito agad sa condo ni Justin.
Nang marating nito ang unit ng kasintahan ay agad syang pinagbukasan nito ng pinto.
Gulat na gulat si Justin ng makita si Mina.
"Okay ka lang?" Tanong agad ni Mina.
"Ikaw?" Tanong rin ni Justin.
"Wag kang mag alala, okay lang ako. Ikaw nga inaalala ko kasi baka may hindi magandang idulot sa career mo pag nalaman na may girlfriend ka na. Paano na yung loveteam mo diba. Tsk." Sabi ni Mina.
Lumapit si Justin at niyakap si Mina. "Ako, sanay ako sa mga issue at kung ano anong tsismis. Wag mo ako alalahanin. Ikaw itong iniisip ko. Baka may masabi silang hindi mo magustuhan o makasakit sayo. Sorry. Sorry hindi ko inakala na may mangyayaring ganito. Kaya nga diba pag nalabas tayo nag iingat tayo ayoko kasing maaapektuhan ang pruvate life mo tapos ngayon nangyari na to. Sorry talaga."
"Wag kang mag alala wala naman ako pakialam sa ano sasabihin ng iba." Sagot ni Mina.
Napagkasunduan nina Mina at Justin na kahit anong mababasa nila o maririnig regading sa paglabas ng relationship nila ay hindi ito makakaapekto sa kanila.
Nang dumating ang manager ni Justin ay nagpaalam na din si Mina dahil mukhang pag uusapan ng dalawa ang naging pagkalat ng pictures ng magkasintahan.
Kinabukasan sa pagpasok pa lang ni Mina sa office ay tinginan agad sa kanya mga nakakasalubong nya.
"Ms. Mina, hindi ka naman nagkukwento. Boyfriend mo pala si Justin." Bati ng secretary na si Lady.
Ngumiti lang si Mina at hindi na lang sumagot bagkus ay dumiretso sa office nya.
Maya maya ay pumasok sa office ni Mina ang kaibigang si Eric.
"Oh." Pagkaupo ay iniabot nito ang hot chocolate na dala dala para sa kaibigan.
"Thanks." Pabuntong hiningang sagot ni Mina.
"Kamusta?"
"Okay naman. Grabe lang pagpasok na pag pasok ko ng office feeling ko agad lahat nakatingin sakin."
"Yaan mo na. Gusto lang makitsismis ng mga yan." Nagpapatawang sabi ni Eric.
"Ikaw talaga." Pilit na ngiti ni Mina.
"Si Tito Wil? Anong sabi?"
"Ayun. Badtrip. Ni hindi pa daw nya nakikilala ng personal si Justin tas napasali na daw ako agad sa "scoop ng bayan"."
"Wag ka na lang magbabasa ng mga comments ha." Utos ni Eric.
Tumango lang si Mina. Nagpaalam na ang kaibigan. Nang makalabas ay muli itong pumasok dahil parang may nalimutan.
"Tinawagan ka pala ni Matt?" Tanong ni Eric ng muli itong pumasok sa office nh kaibigan.
Umiling si Mina. "Hindi. Ilang linggo na din pati nya ako hindi tinatawagan or tinetext. Bakit?"
"Ah wala lang. Sige sige."
Muli nang lumabas si Eric.
Lumipas ang maghapon at nagpakaabala na lang si Mina upang mawala sa isip ang nangyari na pagkakaalam sa relationship nila ni Justin.
Samantalang si Justin ay may photoshoot kasama si Kristine. At dahil late na naman si Kristine, as usual, ay nakatulog sa dressing room si Justin.
Napabalikwas ito sa pagkakahiga sa sofa nang biglang may nagbukas ng pintuan nang biglaan at padabog.
Si Kristine pala ito at dali daling nilapitan nito si Justin.
"Ano to? What's the meaning of this huh?" Pagalit na tanong ni Kristine sabay abot ng newspaper kung saan nakabukas sa entertainment section at nakalagay an article tungkol sa pagkalat ng pictures nina Justin at Mina.
Tinignan lang ni Justin ang dyaryo at muling pumikit para ipagpatuloy ang pagtulog.
"HEY! WAG MO AKONG TULUGAN! I-EXPLAIN MO ITO SAKIN!" Pagalit na utos ni Kristine.
Pagkasigaw nito ay bumangon si Justin.
"Wala akong dapat i-explain sayo Kristine. Sa trabaho pwede mo akong pakialaman pero pagdating sa personal matters wala ka nang pakialam doon." Pagkasabi nito ay lalabas na sana si Justin ng dressing room pero hinawakan sya ni Kristine sa braso.
"Hindi ako papayag na mapunta ka sa iba. Sa tagal na nating magkaloveteam, lahat na ginawa ko para magustuhan mo din ako tapos ganto. Hindi ako papayag na mapunta ka sa nobody na yan!"
Hindi sinagot ni Justin ang aktres bagkus ay inalis lang nito ang pagkakahawak sa braso nya at nagpatuloy lumabas ng kwarto.
Nang maiwang mag isa sa kwarto ay nagsisigaw si Kristine na parang frustrated dahil sa mga sinabi ni Justin.
Lumabas na din ito ng kwarto pero imbis na pumunta sa studio kung saan sila magpipictorial ni Justin ay lumabas ito ng building. Hinabol sya ng manager nya pero hindi sya nito mapigilan. Paglabas ay saktong may mga reporter na malamang ay nag aantay sa paglabas ni Justin. Agad nilang nilapitan si Kristine.
"Kristine, anong masasabi mo sa lumabas na pictures ni Justin na may kasamang ibang babae?" Tanong nag isang reporter na sinasabay ang paglakad ni Kristine habang ang manager naman ay hinahawi ang mga camera.
"Kristine, kilala mo ba yung babaeng kasama ni Justin?" Tanong pa ng isa pero hindi sumasagot si Kriatine at patuloy lang naglalakad papuntang sasakyan nya.
"Kristine, ngayong may lumabas na mga pictures ni Justin with another girl ibig bang sabihin nito ay matagal na kayong break? Sya ba ang dahilan?" Tanong ng isa pa. Ang lumalabas kasi dati sa mga entertainment article ay real life couple sina Justin at Kristine dahil na din sa mga interview ni Kristine ay ito ang sinasabi nya.
Napatigil si Kristine bago pumasok sa sasakyan nya at humarap sa camera ng reporter na huling nagtanong.
"Si Justin lang ang makakasagot nyan dahil ako din nagulat nung makita ko yung pictures nya na may kasama syang ibang babae." Pagkasagot nitovay sumakay na ito agad ng sasakyan at sinaraduhan na din agad ng manager nya ang pinto ng sasakyan.
"Ano yun Kristine?!" Tanong ng manager ni Kristine na mukhang galit.
"Wala lang. Totoo naman na nagulat ako nung makita ko yung pictures nila." Pangiting sagot ni Kristine.
Napabuntong hininga na lang ang manager nya at inutusan ang driver na umalis na sila doon.
At dahil sa pag alis ni Kristine ay na-cancel na ang photo shoot.
Paglabas ng building ay sinalubong din si Justin ng mga reporter pero hanggang sa makarating ito ng sasakyan ay hindi sya sumagot sa mga tanong ng mga ito.
Habang nasa sasakyan ay nagbukas ng browser ang manager ni Justin dahil minomonitor din nito ang mga napapasulat tungkol kay Justin.
"Baliw talaga yang Kristine na yan. Tsk." Pabulong na sabi nito nang makita ang nangungunang article tungkol sa sinabi kanina ni Kristine sa mga reporter.
Nakinig naman ito ni Justin at agad inagaw ang hawak na Ipad ng manager.
Nanlaki ang nata nito ng mabasa ang article lalo na ang mga negative na comments tungkol kay Mina.
*Juskris4ever - Bitch! Sino ka man masasampal kita pag nakita kita!
*you_0617 - Mang-aagaw!
*kristine_bebe - Wag kang mag alala Kristine dito lang kami for you ♡
*luckyme_1011 - Mang aagaw! Makakarma ka din girl!
Hindi na itinuloy ni Justin ang pagbanasa ng mga comment bagkus ay kinuha nito ang cellphone nya at tinawagan si Mina. Pero nakailang tawag na ito ay hindi sya sinasagot mg girlfriend.