Kabanata 43
Bagay Sa Buhay Mo
"Uh! Shot?" Sabay wagayway ni Warren sa isang bote ng beer.
Binigyan niya sina Wade at Joey. Thank you so much, Warren! Nabaling sa ibang subject ang atensyon nila.
Unti-unti akong bumalik sa pagkain ko. Pero habang sinusubo ko yung pagkain ay sumulyap ako kay Wade. Nakita kong palihim din siyang tumitingin sakin kaya agad akong nag iwas ng tingin.
"Hindi ko alam na madalas ka pala kina Wade, Reina." Pabulong na sinabi ni Liam sakin.
Namutla ako.
Narinig ko rin ang, "Tsss!" Ni Wade kaya napatingin ako sa kanya at naabutan kong umiinom siya ng beer at tumatawa sa sinasabi ng dalawang babae sa tabi niya. Bumaling ulit ako kay Liam.
"Nagre-review kami noon para sa subject namin. Weak talaga kasi ako pagdating sa acads."
Tumango siya pero nakita ko parin ang pagtataka sa mukha niya. "Close pala kayo? Di ko alam yun. Mukhang di mo naman siya nabanggit, ah? Akala ko ako lang yung lalaking close mo."
Umiling ako, "H-Hindi. Uhm, hindi naman talaga close." Napatingin ako kay Wade at nakita kong tulala siyang nakatitig sa beer niya kahit nagsasalita ng nakakatuwa yung isang babae.
"So? Ako lang yung close mong lalaki?" Ngumisi si Liam at inakbayan ulit ako.
Lumayo ako ng konti at nginitian siya, "Syempre, ano ka ba!" Tumawa ako sa reaksyon niyang pag pu-puppy eyes sakin.
"Huy, Liam. Ano na yan? Pinopormahan mo na ba si Reina?" Saway ni Rozen sa paakbay-akbay ni Liam sakin.
"Haha! Dude, matagal na! Hindi mo ba alam?" Tumawa si Liam.
Uminit ang pisngi ko, "Ikaw talaga! Bolero!"
"Totoo ba yan, Reina?" Tumaas ang kilay ni Rozen sakin.
Mas lalong uminit ang pisngi ko gayung nakabaling na silang lahat sakin, "Heh! Ewan ko sayo!" Sabay sapak ko kay Liam.
"Uy! Noon ko pa kaya sinabi sayong manliligaw ako! Ayaw mo lang maniwala! Ito talaga! Sa sobrang close namin, di na siya naniniwala sakin. Akala niya nagbibiro ako!"
Humagalpak sa tawa sina Warren at Joey. At oo, 2 years ago, sinabi ni Liam sakin na gusto niya raw ako. Nagpaalam siyang manliligaw sakin pero hindi ako naniniwala. Masyadong imposible. Alam kong nadala lang siya sa mga magulang namin. Kung iniendorse ng mga magulang ko si Liam sakin, mas lalo naman akong iniendorse ng mga magulang niya sa kanya. Siguro ay nadala lang siya doon. Wala din siyang gaanong close sa Paris, ako lang ang laging nakakasama niya.
"Nakoo... Ganyan talaga si Reina, hindi yan madaling nag titiwala." Singit ni Wade sabay inom ng beer.
"Alam ko yun, Wade." Sabi ni Liam. "Kaya nga naghihintay parin ako ngayon hanggang sa maniwala siya."
Napalunok ako. Is this serious? My Gosh!
"Ang swerte naman ni Reina kay Liam!" Sabi ng isang babae sa table nina Warren.
"UYYYY!" Pagbibiro ng mga babae sabay tawa.
"Kayo talaga, wa'g nga kayong ganyan."
"Oo nga naman, diba, Liam? Since halos ipagkasundo na kayo ng mga magulang niyo, hindi mo na kailangang mag madali." Singit ni Coreen nang naka evil smile.
Lumaki ang mata ko at nag eye to eye contact kaming dalawa. Hindi yata nakarating sa kanya ang gusto kong ipaabot na mensahe kaya nagpatuloy siya sa pagsasalita.
"Kasi may negosyo sina Liam, negosyo niyo mga Elizalde. Pag nagkataon, pwedeng mag merge, diba?"
"Oo nga!" Sinegundahan pa talaga ni Rozen! "All the best for the only girl of our family." Kinindatan niya ako.
Nakipag highfive pa si Liam kay Rozen at kay Coreen.
"Tsk! Salamat talaga! Ang babait niyo talaga. Nilalakad niyo ako." Sinapak ko ang braso ni Liam nang bumalik siya sa tabi ko.
"Ikaw talaga, palabiro!"
Ngumisi lang siya at tinitigan ako.
Tumingin ako sa kutsara ng pinggan ko at dahan-dahan kong nilingon si Wade. Nakita kong kumukuyom yung panga niya habang tinitignan ang beer sa harapan. Badtrip ba siya? Parang kinikiliti ang tiyan ko sa iniisip kong pagkakabadtrip niya. Badtrip ba siya dahil sa mga sinasabi ni Liam? May feelings pa ba siya sakin? Pero sinabi niyang nakamove on na siya, hindi ba?
"Reina, you're not a teenager anymore. Pwede ka ng mag boyfriend. Mas maganda naman sigurong sa kilalang lalaki ka mapunta. Itong si Liam, matino naman at kilala na namin kaya..." Nagkibit-balikat siya. "Pwede." Tumango pa si Rozen.
"Isa ka pa, Rozen." Nanliit ang mga mata ko.
Nagtawanan sila pero nangibabaw ang tanong ng babae sa table ni Wade.
"Ikaw, Wade? Daming nalilink sayo, ah? Yung model, si Sarah, yung vocalist, at si Shan. Sino ba talaga? Tsaka wala ka pang naging girlfriend sa tatlong taon mo sa industriya. Yung hula sa mga tabloid may non showbiz girlfriend ka daw at pangalan niya yung tattoo mo."
Humalakhak si Wade at umiling sa babae.
I WANT TO KNOW!
"Alam mo yung bagong kanta ng anong banda ba yun, Warren?" Tanong ni Rozen.
LECHE! NANANADYA PA TALAGA ITONG SI ROZEN! Nakikinig ako dito sa usapan pero sumisingit siya para maiwala yung kwento. Humilig ako palapit sa table nang mas marinig ko. Sana tumahimik minsan si Rozen lalo na pag wrong timing.
"Wala naman, ah." Sabi ni Wade.
"Weh! Showbiz ka masyadong sumagot! Grabe! Eh kasi nakita daw yung model na pumasok sa condo mo. May picture na kumalat sa internet. Swerte naman! Tapos nagkataon pa na nung na picturan, diba, sa araw na iyon, umiyak si Shan. Kaya pinaulanan ng hate at mga bash yung model."
"Uy! Kawawa si Zoey sa mga iyon, ah!" Singit ni Joey. "Nabasa ko yung bash sa Youtube. Kahit wala naman talagang inaamin si Shan na may namamagitan sa inyo, nag assume na agad ang fans na meron at si Zoey yung dahilan ng break up."
ZOEY! She's freaking alive!
"Z-ZOEY?"
Wade clenched his jaw again. Napatingin ako sa tatlong walang kwentang tao sa buhay ko, namely: Rozen, Noah, and Coreen. Yumuko silang tatlo na para bang walang narinig galing sakin. Kaya imbes na sila ang pagdiskitahan ko ay bumaling ako sa babaeng kumakausap kay Wade.
"Sinong Zoey? Zoey Santiago?" Tanong ko.
"Oo. Yung model na si Zoey. May picture kasi na pumunta si Zoey sa condo ni Wade kaya ayun... Daming hate na natanggap. Ano ba kasing meron sa inyo ni Zoey?"
"Wala talaga. Sa picture na iyon, hindi lang naman si Zoey, diba? Kasama niya noon ang manager ng Going South tsaka si Adam. Inedit lang yun at ginawang siya lang mag isa. Tsss. Media."
ZOEY IS A FREAKING MODEL! Sa bagay! Inaamin kong maganda naman talaga siya at matangkad kaya bagay sa kanya iyon. Pero hindi ako makapaniwalang hindi ko yun alam.
"Pero ang tanong ay bakit umiyak si Shan?"
Uminom si Wade ng beer at nagkibit-balikat, "No comment." Untag niya.
Parang kinurot ang puso ko sa sinabi niya. Napalunok-lunok ako at napayuko. Gusto ko pang magtanong pero natatakot akong baka pumiyok ang boses ko sa konting sakit na naramdaman ko sa dibdib ko. He's keeping secrets... Hindi naman sa alam ko ang lahat ng sekreto niya noon, kasi noon pa man, misteryoso na talaga siya. Pero ngayon... alam mo yung feeling na gusto mong malaman kung ano pa ba ang sekreto niya pero wala kang karapatang mag tanong?
I should google this one. Kung kaya niyang itanggi na hindi si Zoey, bakit hindi niya kayang klaruhin ang namamagitan sa kanila ni Shan?
Isa pa... Wade is a playboy. Hindi ako naniniwalang nakaya niyang mabuhay sa loob ng apat na taon na walang... walang na ikama. I'm sure meron. Kahit isa. Pero imposibleng isa lang.
"Reina, want some?" Sabay abot ni Liam sakin ng isnag beer.
Umiling ako at tumayo.
"Oh, saan ka?" Hinawakan niya ang kamay ko.
"Ah... May kukunin lang ako sa kwarto." Pagsisinungaling ko.
Kahit sa totoo lang, mag go-google ako. Hindi na kasi talaga ako makatiis. Nagmadali akong pumunta sa kwarto at kinuha ang iPad.
Napunta ako sa iba't-ibang sites at hindi ako makapaniwalang sobrang naging trending pala ito. Bakit kasi hindi ko naisipang i google ang Wade Rivas? Nakita ko rin doon ang isang clip sa the buzz na umiiyak si Shan Melendez, isang sikat na TV host at artista na nalilink kay Wade Rivas. Nagkakilala diumano si Shan Melendez at Wade Rivas sa isang exclusive interview niya sa Going South.
"No comment..." Sabay hagulhol.
Maganda si Shan. Maputi at perpekto ang features ng mukha niya. Natural na mapupungay ang mga mata niya at kulay brown ang buhok, mukhang may dugong foreign. Matagal na siyang sikat pero ngayon lang ako nagkaroon ng curiousity sa profile niya. Kasing edad kami at naka ilang pose na siya sa FHM. Maraming nagpapantasya sa kanyang lalaki at patay na patay maging ang mga babae sa kanya.
"A-Ayoko lang mag bigay ng kumento muna. Let's just wait. It's still a shock to me. Akala ko kasi wala na..." Sabay hagulhol.
Putek! Pwedeng sabihin niyo na lang ang totoo bakit paliguy-ligoy ang mga natatanggap ko sa mga video na ito? Ano bang meron sa inyo ni Wade? Hindi naman pwedeng tanungin ko siya ng diretso, diba?
"Wade... kayo ba nitong Shan?"
OH MY GOD! Kinagat ko ang labi ko sabay hanap ulit ng video. Nakita kong nakapagmodel pala si Zoey sa Fashion Week na siyang magiging first event ko. Binigyan na kasi ako ng puwang para makapag design doon gamit ang mga koneksyon ng pamilya ko. Ibig sabihin, may chance na magkita kami doon.
Nakita ko rin doon ang iba pang artistang nalink kay Wade. May isang teen idol pang may teleserye ang nag hayag na ultimate crush niya si Wade Rivas ng Going South dahil gwapo, mabait at misteryoso daw. Pinaulanan naman ng bash ng mga fans sa comment boxes.
"Back off, Julia! Laslas ka na! Sana mamatay ka! Wa'g mong sirain ang Relasyon ng WadeSha!"
"Burn in Hell B1tch!"
Ang harsh ng mga kabataan ngayon. Kawawang Julia.
May nakita pa akong video clips na scenes ni Shan sa isang movie niya at pinag tagpi-tagpi ito sa mga scenes ng interview at concert ni Wade. Ang ganda ng pagkakaedit. Yung title ay, "The Rock God and I."
ANONG KAHIBANGAN ITO? Hindi ko namalayang kanina pa pala kumikirot yung puso ko sa kakapanood nitong mga video na mukha silang magkasama. Paano pa kaya pag nakita ko na? Dahil pareho silang ayaw mag kumento, mas nagiging palaisipan sa madla yung tungkol sa kanila. Mas lalong naging mysterious. Mas lalong naging masakit para sakin. Parang hindi ako makapaniwalang pupula ang pisngi ni Wade para sa ibang babae. May sasabihan siyang, 'baguhan'. May dinala siya sa Alegria na ibang babae at ipinakilala sa pamilya niya. I can't... I can't breathe.
Sumakit ang likod ko sa kakapanood at kaka search ng tungkol sa kanila. At unti-unti ko na lang narealize na tatlong oras ko na pala silang naiwan doon. Nagmadali akong bumalik sa pool side. Napansin kong nandoon pa sila except kay Rozen at Coreen. Mejo may tama na si Warren kasi tawa siya nang tawa habang nag gigitara si Liam. Si Noah naman ay nakapikit na at nakasandal sa upuan. Mukhang tulog na yata. Yung mga babae naman ay tumitili na at pinapanood sina Liam at Warren na tumutugtog. Si Wade ay nakahawak lang sa labi niya at tinititigan ang pagbabalik ko. Lumakas agad yung tibok ng puso ko. Sa mga titig niya kasi, pakiramdam ko, alam niya kung anong ginawa ko kanina. Alam niyang nag research ako tungkol sa kanya. Tagos sa kaluluwa ko ang titig niya. Para bang binabasa niya ang utak ko na parang libro.
Ayan tuloy, mejo naapektuhan ang paglalakad ko. Magaan at nangangatog ang binti ko sa paglalakad.
"Nasan si Coreen?" Tanong ko kay Liam.
"Ah! Nakabalik ka na pala! Saan ka galing?" Binigay ni Liam ang gitara kay Joey at naglahad siya ng kamay sakin.
Napalunok ako. Noon, sa Paris, tuwing ganito si Liam, hinahayaan ko lang naman, pero ngayong nandito na ako at nasa harapan kami ni Wade, parang hindi ko kaya.
HIndi ko inabot ang kamay ko kaya siya na mismo ang humablot dito.
"Sa kwarto." Pasimple kong sinabi at pinaupo niya ako sa upuan.
Mapupungay na ang mga mata niya. Mukhang inaantok at may tama na rin. Itinuro niya sakin ang dalawang bote ng Bacardi.
"Naalala mo yan?" Humalakhak siya.
"N-Naubos niyo yan?"
Kaya naman pala mukhang lasing na lasing na sila.
"Oo. Naalala mo noong sa Paris?"
Napatingin ako kay Wade na ngayon ay iniinom ang isang shot nito.
"Yung natumba tayong dalawa pagkatapos nating inumin ang isang bote niyan... tapos..." Tumawa si Liam habang pinaglalaruan ang buhok ko. "Tapos..." Hindi niya matapos tapos ang kwento niya dahil sa pagtawa niya.
Umiling ako at natawa na rin.
Yun yung pagkakatanggap ko ng offer sa royal gown na gagawin. Nag celebrate kaming dalawa at natumba kami sa labas ng isang bar at pinagalitan kami ng Police.
"Uy! Censored ba yan? Mukhang may nag aalab ng scene pagkatapos niyong matumba, ah?" Tumawa ang isang babae.
Nanlaki ang mga mata ko at agad itong dumapo kay Wade na ngayon ay tulala na.
"Liam, hindi ka pa ba aalis?" Mariing tanong ni Wade.
"H-Huh?" Natatawa parin si Liam nang bumaling siya kay Wade.
"Gabi na tsaka mejo lasing ka na, baka kailangan mo ng umuwi, Warren?" Bumaling si Wade kay Warren.
"Si Wade naman, masyadong KJ." Sabi ng isa pang lasing na babae na ngayon ay nakakapit sa braso ni Wade at naglalambing.
Tumayo si Wade at Warren.
"Oo nga, 'tol. Ihatid na natin itong si Liam baka pagalitan pa tayo ng mga magulang nito."
Tumawa si Liam nang wala sa sarili, "Pwede namang dito ako matulog, eh."
He's really really drunk. Naka pikit na ang mga mata niya at pumipiyok na ang boses niya.
Umiling si Wade at sinubukang patayuin si LIam.
"Diba, Reina? I can sleep in your room-"
"Shut up. Asa!" Galit na sambit ni Wade nang inalalayan si Liam pag tayo.
"Huh?" Sabi ni Liam nang wala sa sarili.
Humalakhak si Warren at tumingin sakin. Pareho nilang inalalayan si Liam sa pagtayo. Alam mo yung feeling na ayaw ko na lang gumalaw dito sa kinauupuan ko? Na parang gusto ko na lang dumikit dito sa sobrang saya. Nanghihina yung buong katawan ko at di maalis ang titig ko sa mukha ni Wade na seryosong-seryoso.
"Joey, kayo na lang maghatid kay Liam. Isama mo na rin itong mga babae ni Rozen." Utos ni Wade kina Warren at Joey.
Kinusot ni Noah ang mga mata niya at tumingin siya sa tabi niya.
"Nasan si Coreen?" Yun ang unang tanong niya.
Pero hindi na siya nag hintay ng sagot. Kinusot niya na lang ulit ang mga mata niya at bumaling kina Warren at Joey na inalalayan si Liam.
"Uwi na kayo?" Tumayo siya at sinundan sina Warren at Joey.
"Wade, tayo na!" Sigaw nung babae.
"Susunod ako!" Sigaw ni Wade.
Nakatayo siya sa likod ko. Gusto kong tumayo para tignan kung maayos bang nakasakay sa sasakyan si Liam pero nanginginig ang mga binti ko at di ako makagalaw.
"Bye, Reina!!!" Sigaw nung dalawang babae at kumaway pa.
"Bye!" Ngumiti ako at kumaway na rin.
"Tapos, Reina, anong nangyari?" Malamig niyang sinabi nang tuluyan nang nawala sina Warren sa paningin ko.
"Huh, anong sinasabi mo Wade?"
Nanginginig na naman ang labi ko. Hindi dahil maginaw na...
Tumayo ako at hinarap siya nang nakakunot ang noo.
"Pagkatapos niyong matumba ni Liam, anong nangyari sa inyo?"
Nanliit ang mga mata ko sa tanong niya, "B-Bakit pa yun importante sayo?"
Tumaas ang kilay niya at nakita kong unti-unting pumula ang pisngi niya. at hindi iyon dahil sa alak...
"Nahuli kami n-ng police... pinagalitan kami... Wait a minute, bakit kailangan mo ng explanation?"
Mas lalong naningkit ang mga mata ko.
"You're still in love with me, Wade."
Napaatras siya sa sinabi ko.
"Ako parin ang laman ng puso mo. Hanggang ngayon." Sabi ko sabay turo sa dibdib niya. "Diba, Wade?"
Hindi siya nagsalita. Hinawakan niya lang ang labi ko. It sent shivers down my spine. Dahil sa panginginig at kiliting naramdaman ko sa kamay niya, napapikit ako. Dahan-dahan niyang pinaglakbay ang kamay niya galing sa labi ko papuntang ilong...
Humakbang ako papalapit sa kanya. I can feel him. His heat. I can almost hear his heart. Bahagya siyang tumigil dahil sa paglapit ko pero pinagpatuloy niya ang paghaplos sa mukha ko. Hinaplos niya ang bridge ng ilong ko, ang mga mata ko, ang tainga ko... Naramdaman ko ang pagtindig ng balahibo ko sa mga haplos niya.
I know... I know... ito yung pakiramdam ng hinahaplos niya ako. At siya lang ang makakagawa nito sa sistema ko. Siya lang. Wala ng iba. Yung tiping haplos niya pa lang, nanghihina na ako. Mabuti na lang at naka pikit ako kaya di niya makikita ang namumuong luha ko. God knows how much I miss you. Pero nasaktan kita. Alam kong mahirap magtiwala ulit sakin ngayong pinaniwala kitang nagkunwari lang ako na mahal kita noon. Iniwan kita na wasak at walang mapuntahan.
Hinaplos niya ang leeg ko, dahan dahan. Wala akong pakealam kung makita niya at maramdaman niya ang paninindig ng balahibo ko.
Hindi pa ako nakakamove-on, Wade. Ikaw parin.
Dalawang kamay na ang pinagsabay niya sa paghahaplos ng balikat ko, braso, kamay, tumigil siya sa paghaplos sa baywang ko. Para bang ninanamnam niya yung pag materialize ko sa harapan niya.
Binaba niya sa baywang ko ang magkabilang kamay niya.
Narinig ko ang mabilis na paghinga niya.
"It's still you, to me, Wade." Pumiyok ang boses ko.
Hindi ko na maiwasan ang pag hikbi ko. Binawi niya ang kamay niya kaya unti-unti akong dumilat. Nakita kong pula ang mga mata niya at pinasadahan niya ng mga palad ang kanyang buhok. He licked his lips. Huminga siya ng malalim bago bumaling sakin.
"Iniwan mo ako noon at pinaniwalang kunwari lang ang lahat. Hindi ako naniwala... alam mo yun? Hindi... Hindi... Mahal ako ni Reina. Sinabi mo sakin, eh. Hindi pwedeng kunwari lang yun. Pero iniwan mo ako, puta, iniwan mo ako sa ere at ngayon magbabalik kang may kasamang iba. Naghahalikan kayo sa harapan ko. Nagagawa mo na yun ngayon? Samantalang noon? Nakaw na sandali lang ang para satin kasi ayaw ng pamilya mo sakin?" Tumataas ang tono ng boses niya.
Umiling ako at hindi ko alam kung anong sasabihin ko sa kanya kaya pabalik-balik ko siyang pinaulanan nang, "Sorry... Wade... I'm sorry..."
"PUTANG SORRY NA YAN, REINA! ANG HINA HINA MO TALAGA! NAIINIS AKO SAYO! ANG HINA MO! KAYA AYAN, PAG HINAHALIKAN KA, OKAY LANG!? WALA KA BANG BOSES DIYAN PARA TUMANGGI KUNG AYAW MO?"
"Wade, Sorry." Sabi ko. "Bata pa ako noon. Hindi ko pa alam-"
"Bata ka pa noon? BAKIT NGAYON NAGPAPAHALIK KA PARIN KAY LIAM? BATA KA PARIN KAYA OKAY LANG? KAYO NA BA? MAY NANGYARI NA BA? NAKUHA NIYA NA BA YUNG ININGATAN KONG VIRGINITY MO NOON? DAMN! KUNG ALAM KO LANG NA IIWAN MO RIN AKO, SANA TINULOY KO NA LANG YUNG NANGYARI SA WAIG PARA MAHIYA KA NAMANG IBIGAY YAN SA IBA!"
Tinulak ko siya. Nanghihina ako sa sinabi niya. Humikbi na lang ako. Nakita kong sarcastic siyang ngumisi. He is really scaring the sh1t out of me... para bang sobra sobra ang galit niya sakin.
"What? I'm a jerk kasi plano kong lokohin ka noon? Come on, Reina. Sampalin mo ako!" Paghahamon niya. Nakalahad pa ang braso niya na para bang naghihintay ng sampal sakin. "Sinong naloko ngayon? Ha? Diba ako? Sa huli? Ako yung naiwan!" Lumapit siya sakin kaya tinulak ko.
"Tumigil ka na, Wade! Nagsisisi na ako! Nasaktan din ako sa nangyari!"
"Leaving is better than being left, Reina. Ngayon, hindi pwedeng pupulutin mo na lang akong bigla dahil bagay na ako sa buhay mo! Hindi pwede!" Tinalikuran niya ako at nakita kong pinasusuntok niya ang pader namin.
Tinakpan ko na lang ang bibig ko sa hagulhol. I know... It's my fault. Ako yung nang iwan. At galit na galit siya.