أمـــي ..
أحضني أبنتكـ التي كــآد قلبها
يتقطع ألماً أمي أحضنيني على
صدركـ لأحكي لكـ مآفي صدري ..
لآأريدكـ أن تعاتبيني فقط أنصحيني
أمي لآ أريد أن أكون ذليلة لأحدهم في
يوم من الأيام .. أرجوكـ أحميني من الذئاب
المفترسه التي تدور حولي وتريد أنتهاشي
الكثيـــــــــــــر الكثيـــــــر ياأمي تركوني
تركوني وأنا بحاجه ماسه أليهم
" من الصعب أن تنتظر قدوم أشخاص رحلو
عقلكـ موقن أنهم لن يرجعو ولكــن قلبكـ يجبركـ
على الأنتظار يجبركـ على الحنين " ..
# بقلمي ..
___(( 38 ))_________________________
جاء يمشي لمها بصدمه .. ومسك عضدها بيده !!
زياد : تولين مين اللي نزل دمعتك مين اللي كسرك أنتي اللي ماتنكسرين ؟؟
تولين نفضت يده عن عضدها ومسحت دموعها : مين قالك أني أبكي أصلا بس عيوني تعورني وجيت هنا موعد
زياد مامشت عليه : تلعبين بعقلي أنتي ؟؟ أنتي جايه زياره لغلا صح
تولين : أنت ليش ماتنشغل بنفسك وبعد عن طريقي بمشي
زياد : تولين ..
تولين لفت عليه : اللي صار هنا مابي أحد يدري فيه سمعت
زياد هز راسه بستغراب !!
___________________
أما عند غلا وعمار ..
تبكي على صدره ..
عمار : ماتدرين ياغلا الخير وين ؟؟ أن شاءالله بيعوضنا الله
غلا : أنا غبيه كنت شايفه الصابون على الارض بس نسيت نسيـــــت
عمار : هذا راح أن شاءالله بنشوفه بالجنه !! وبيعوضنا الله خيـــر وبنترس البيت بنات وأولاد
غلا أبتسمت : نترسه
عمار : أيــــه ترا أبي خمس بنات وخمس أولاد وأنتي عاد دبري نفسكـ
غلا : ههههههههههه
عمار ضمها لصدره أقوى : أيــــه كذا سمعني ضحكتك
غلا ناظرته : أحبــــكـ
عمار ناظرها : وأنا أشتقتلكـ .. وأحبـــكـ .. وأموت من دونكـ
غلا : بسم الله عليـــكـ ..
عمار ناظر بعيونها : أحبـــــــكـ
غلا نزلت راسها ووجها قلب أحمر ..
عمار مسك فكها بأصابعه ورفعه وباسها مع جبينها : وهمس الله يخليكـ لي ..
______________________
لميس : هلا والله دندون
نادين : هلا بكـ حياتي كيفكـ؟؟
لميس : آآه ماشي الحال
نادين : للأحسن أن شاءالله
لميس : أنتي كيفكـ كيف أحمد وبدر ولورا وجدي ؟؟
نادين : الحمدلله كلنا بخير
لميس : وعمر وتولين
نادين : كلهم بخيـــر
لميس : أجتمعتو ؟
نادين : لآمو كثير .. مره وحده
لميس : مره وحده مع عايلتنا
نادين : أيـــــه أكيـــد .. بس مع عمتي طول الوقت عندها بالبيت مانرجع الفندق إلا بالليل .. إلا قولي كيف الامارات ؟
لميس : هه أي إمارات الله يهديك
نادين : لموووس شهر العسل
لميس : إلا قولي شهر بصل .. أبـــد مارحنا ماكان بالرياض
نادين : أمـــــــــآ
لميس : والله هو بس قايل كذا عشان مايخليني أجي لجمعاتكم
نادين :خســــيس وربي
لميس : هه أجل مادريتي الأدهى والامر .. طلع زوجي المبجل يهرب للرياض خمر ومخدرات ..
نادين شهقت : لآآآآآآآآ
لميس : والله
نادين : طيب طيب كيف أكتشفتي
لميس : من أول يوم .. طلعت الصاله لقيت فيه على الطاوله قاروره .. وبعدين دريت أن هو عنده مخدرات
نادين : الله يعينك
لميس بكت : لو تشوفين شكلي يادندون وربي ماتصدقين ينومني على ضرب ويصحيني على ضرب أنا أنا لميس اللي ماعمره أحد رفع يده علي يجي هذا الواطي يضربني
نادين : بس أنتي لاتتساهلين معه وخلك قويه قدامه
لميس : وهذا اللي قاعد يصير .. أنتي ماتتخيلين يقولي ماني موديك لأهلك إلا لما تعطيني إللي أبي وربي يحلـــم حلم أبليس بالجنه
نادين : أخاف من بكرى تجين كرشتك قدامك ههههههههههه
لميس : مايضحك .. وبعدين يحلم أنه يلمسني
نادين كاتمه ضحكتها : طيـــب نشوف ..
لميس : أقول بسكر .. شكله قاعد ينادي
نادين : طيـــب روحي .. وأخدميه لو هو عندي كان أربع وعشرين ساعه هواش
لميس : يووه خلي عندك أتخيللو أنه عند تولين ..
نادين : ههههههههههه
لميس :كان ماتلقين أثاث بالبيت ..
نادين : لآآآ وصحن طاير عليه وكاس راجع عليها
لميس : هههههههههههه من جد .. ناديـــن يالله شوفي عصب
نادين : ههههه أوكي يالله سيوو حياتي
لميس : سيوو قلبي ..
سكرت منها وطلعت للصاله بسرعه ..
__________________
وأخيرا بعد ماوقف بكذا مكان .. وصـــل لبريطانيا ..
نزل من الطياره وسحب نفس لصدره قوي ..
رامي : يـــآلبيـــــــــه بريطانيا أشتقت لأرضكـ
شآل شنطته ومشى بتجاه البوابه ..
مشى ومشى لحد مالمح أمـــه راح يمشي بســرعه لها ...
ضمــهآ وبادلته الضمه ..
أم رامي : ولكــوم بــــآك
أبتسم رامي : { كيــف حالك ياأمي }
أم رامي : { أنا بخيـــر الحمدلله } ..
رامي مسك يدها ومشو .. وقفو لهم تكسي لأنو سيارة رامي بالبيت وأم رامي ماعندها سيارة بالأصح ماتسوق ..
_______________
بدر وهو ياخذ شي من مكتب عمر : أستغرب على تفتح عايلتكم يعني مايزوجون البنت إلا لولد عمها ؟؟
عمر وهو مغموس بالاوراق اللي بين يدينه : هــــم كذا
بدر : يعني أنا أستغربت يوم زوجو لميس لهذاك عبدالله .. يعني كان زوجوها للسنايدي عادل .. ولا الشقردي فيصل
عمر : ماربكـ كتب
بدر : أحسك تسلك
عمر : لآآ
بدر : وشو اللي لا
عمر : أدري أنكـ تحاول تستفزني
بدر : ههههه لآآآ وش دعوى .. أمم طيب أنت إذا بغيت تتزوج بتاخذ من بنات عمــك ؟؟
عمر : أنا ماافكر أتزوج
بدر : لآآآ يعني لازم يجي يوم وتتزوج
عمر : أقولكـ ماافكر
بدر : طيـــــــــب أمم يعني بتاخذ بنت عمك أبو عادل والله أحسها تحبـــكـ
عمر : وش دراك !!
بدر : يقولون نادين ولورا أن أكثر كلامها عنك
عمر : أهــآ بس هذي مو معناته أنه تحبني
بدر : أدري أنك ماتنحب .. حتى لو حبتك الله يعينها عليـــك ههههههههه
عمر رفع عيونه : تستهبل
بدر : ههههههههههه .. حتى لو خطبتها ووافقت عليك .. بتصير غبيه
عمر رمى القلم : تدري حتى أنت يوم وافقت عليك لورا كانت غبيه
بدر : ههههههه أيـــه أدري ياشبيهي
عمر : وانا مااشبهك !!
بدر : إلا يقولون العيون زي بعض
عمر : بس العيون
بدر : هههههههههههههه طيب يعني شبيهي
عمر : أصلا اللي يتكلم معـــك يصير غبي
بدر : الاعتراف بالحق فضيــله
عمر تنهد : اللهم يطولك يارووح
طق الباب بسرعه وأنفتح ..
فيصل : حبيبي يالله ينتظرونا عمانكـ بغرفة الاجتماعات
عمر : يوووووه كيف نسيت الله يلعن الشيطان !!
طلع فيصل وأخذ عمر ملفين بيده ومشى بيطلع ووقف كأنه نسى شي ولف على بدر ..
عمر : أقعـــد بمكتبي بس لاتحوس وتفتش
بدر أبتسم بشّر : أبشـــــــر من عيوني
عمر هز راسه : مامنكـ فايده
وجاء بيطلع وسمع بدر : تكفــــــــى ياللي منك فايده
ضحك عليه وسكر الباب ..
بغــرفة الاجتماعات ..
كــآن الكل قاعد ..
وعمر كان يناظر الطاوله ومســرح وبقلبه : معقول ريم تحبني ؟؟ لالا مايصير ريم ماتصلح لي شخصيتها مدري كيف .. يعني ريم شخصيتها غيوووره بقوه وتحب المظاهر وتحب حب التملكـ مدري غريــبه أنا ماقدر أعيش مع هذي الشخصيه
عبدالعزيز : عمـــــــــر
عادل ضرب رجله برجل عمر من تحت الطاوله
صحى عمر من سرحانه : ه هلا بغيت شي طال عمركـ؟؟
عبدالعزيز بنظرة جديه : خلكـ معنا .. وخل الهواجيس برى الشركه
عمر أنقهر : أن شاءالله ..
أما عند بدر .. قعد على مكتب عمر
بدر : النذذل عليه مكتــب كشخـــه هههه .. أحس أني مطفوق وكأن ماعندي مكتب ..
ناظر الاوراق اللي كانت منثوره على المكتب .. ورماهم على المكتب بعدم مبالات ..
وفتح الدرج الاول حوس فيه وسكره وفتح الدرج الثاني حوس فيه وسكره وفتح الدرج الثالث ولقى دفتر طلعه وبدى يقرى وكل ماقرى زاد تعجبه أكثـــــر !!
اليوم أكتشفت أني مريض السكري ؟؟
لم أعد أطيــق نفسي !! لماذا أنا هكذا ؟؟
تعبت من كتمــــآن السر أريد البوح أريد التكلم !!
مشى صفحات كثيــــرة .. ووقف عند صفحه !!
هل أختلف عن بني جنسي الاخرين !! لماذا ؟؟
لا أريد الزواج من فتاة ؟؟ خوفاً من أني أتعبها
بمرضي هذا ؟؟
سكر بدر الدفتر ورجعه مكانه .. وهو مذهول
بدر بقلبه : ماتوقعت أبداً أن عمر كذا تفكيره !!
دخلو ..
خالد : أوووووه بدير هنآ
عمر : هههههههههه أسم حلو
بدر رفع راسه وهو جدي مو باين عليه يبي يشوف أحد ولا يبي ينكت ..
عمر أختفت أبتسامته وظل يناظر ببدر
وبدر يناظر فيه : شباب ممكن تتركوني شوي مع عمر
عادل : أكيـــد عن أذنكم ..
طلعو الشباب وتركوهم لحالهم ..
بدر : عمر أنا آســف
عمر مشى لمكتبه وحط الملفات اللي بيده وشاف الدرج حق أشيائه الخاصه مسكر بس فيه فتحه صغيـــره عرف أن بدر فاتحه عصـــب
عمر : يعني فتشت مكتبي وأنا منبهكـ ماتفتش
بدر مشى لم عمر وحط يدينه على عضود عمر :عمر أنا خالك قولي تكلم لي فضفض لي أبسمعكـ صدقني
عمر دف يدين بدر وبعصبيه : هه أنـــــــــت ماافكر بيوم أثق فيكـ لو مابقى إلا أنت عشان أشكي لك ماشكيت
بدر : طيب ليـــه
عمر : تسألني أنا ليه ؟؟ أسأل نفسك أنت ليـــه
بدر ناظر بعمر
عمر بقسوه على نفسه وعلى بدر : أسأل نفسكـ ليــــه خليــت جدي كذا عايش ؟؟ أسأل نفسكـ ليــــــــــــــــــه سويت بأمكـ كذا .. وفوق كذا سامحكـ جدي ؟؟ أسأل نفســــكـ ليــــه أنا الحين كذا مو منكـ ؟؟
بدر دمعت عيونه لأن موضوع أمه حسآس بالنسبه له " ومع البارتات الجايه بتعرفون ليه " : لاتقسى علي بالكلام ياعمر لاتقسى ماني قده !! خفف شوي
عمر مشى لمه ويده مسكره ضرب بدر على صدره : لو ماسويت اللي سويته كان أنتو صرتو أسعد عايله .. شتت عايلتكـ .. وفرقت أخوانكـ
بدر مسح دموعه بس لازالت تنزل : مالي ذنب كنت صغير مراهق ماافرق .. بين الصح والغلط .. ماافرق بين الحرام والحلال
عمر : بس تولين تفرق تولين المراهقه تفرق
بدر : تولين حاله خاصه خاااااصه بعدين ترى أبو
تفآجئ بكف يسكته
عبدالعزيز ووجه أحمر من العصبيه : أنتبــــه تتكلم باللي كنت بتقوله والله لاأقلب الدنيا عليك أنت وابوك وكل من كان له علاقه فيكم
عمر : وش السالفه
عبدالعزيز : مايخصك
عمر صرخ : إلا يخصني تكلمو
مشى عبدالعزيز تاركهم
ومسح بدر دموعه بقوه
وطلع من المكتب ..
وعمر واقف مذهـــــــــول ويتسأل " أيــــش السالفه، وأيش اللي كان بيتكلم عنه بدر وأبوي عصب عليه ؟؟؟؟؟؟ "
________________
" باليل كان الكل مجتمع ببيــت عبدالعزيز "
أمل : وربي أن غرفتكـ خـوقآقيه
ريم : يب يب فيها كل وسائل الراحه
ملاك : يعني اللي يشوفها يقول ان اللي يقعد فيها يدور راحته بأي طريقه
تولين أبتسمت على كلامهم
العنود توجهت لدولاب كان كله زجاج .. وكان محطوط على رفوفه صور .. بس الرف الوسطي كان فيه صندوق من بعيــد يشد الواحد من شكله
فتحت الدولاب وأخذت الصندوق بيدها : وآآآآآآآآآآآآو
نادين : هههه خليه خليه من يدك لاتاكلك الحين من عرفنا هذا الصندوق وهي ماترضى أحد يمسكه !!
تولين اللي كانت ملقيه العنود ظهرها من سمعت كلام نادين لفت بسرعه وشافت صندوقها سرها بيد العنود ركضــت لم العنود وسحبت الصندوق من بين يدينها وكأنها مو هي اللي قبل شوي ركضت أسترجعت هدوئها ورجعت الصندوق بالدولاب وسكرت الدولاب شوي شوي .. وتكت ظهرها عليه
ملاك من بعيد : باين عليه غـــآلي
العنود : تستهبلين هذا يوم شلته بيدي ثقييييل نوعا ما لأنه من الذهب ومن فوق فيه قطع ألماس
ريم : توليــــن أبي أشوفه
تولين اللي مشت عن الدولاب : لآآآآ
ريم : بليــــــــز
تولين : مافيه
ريم قامت : أيـــه إذا ماتبين توريني ياه أنا أبي أشوفه
تولين لفت وكأن بان عليها العصبيه وتكلمت وهي راصه على أسنانها : ريـــــــــــم
البنات كلهم رفعو روسهم يانظرون تولين
تولين أستعادت هدوئها : أحــم خلونا ننزل تحت يكون أحسن
لورا : أوك أنا ماعندي مانع
طلعو البنات قبلها .. من الغرفه وهي أخذت نفس
تولين وهي تكلم نفسها : هذا شي مايعصب مايعصب صح عادي بيشوفون أيش فيه الصندوق أووف وش فيني أنا
أخذت نفس عميــق وعدت للعشره وطلعت من الغرفه
نزلت الدرج والبسمه على وجهها ..
وجهها البريئ اللي يبعث بكل نفس الراحه والهدوء
ويخليك تبتسم غصب .. إذا أبتسمت
يشوفون وجهها ويقولون هذي بريئه ماشافت شي من الحياة .. بس يطلع عكــس ظنونهم !! ..
رغم كل حزنها عمرها ماأنكسرت عمرها مابينت لأحد حزنها بالعكس تحاول تسعد أي أحد تحاول تحل مشاكل الكل بس .. تقسى على نفسها بقووه ..
أم عادل : تعالي تعالي يمه هنا جمبي أقعد
أبتسمت تولين : تسملين خالتي
مشت وجلست جمب أم عادل ..
ومآفاتها نظرات ريم .. تولين يفوتها شي ؟؟
كانت عارفه الطبخه من أول !!!
ريم ماكانت تحمل كل هذاكـ الحب للميس ؟؟
عرفت تلعــب زيـــن على لميس !! بس ماعرفت تلعب على تولين ؟؟
كانت عارفه أن ريم تسوي كل هذا عشان تتقرب لعمر ..
وأنها بكل بساطه تكـــره تولين وتغار منها لأنها أحلى بنات العايله .. وأنها على كل لسان ..
وتولين كانت تردد بقلبها : يـــآرب لاتبلانا عقول صغيره اللي تفكر زي تفكير ريم ..
أم عادل وهي تمرر يدها على ظهر تولين : كيفكـ حبيبتي أن شاءالله بخير
تولين دارت وجهها لأم عادل وببتسامه حلوه : بخيــر خالتي الله يسلمكـ .. أنتي كيفك طمنيني عنــكـ؟؟
أم عادل : بخيــر يــآروحي
تولين : دووم
أم عادل أبتسمت لها
يلدا بأمــر : تولين صبي قهوة
تولين أبتسمت : أوكـ مام
قامت وأخذت الدله وبدت تدور عليهم وحده وحده
وصلت لريم ..
ريم مدت فنجالها بدون نفس ..
وتعمدت تترك الفنجال قبل ماتمسكه تولين
وطــآح الفنجال على الأرض وأنتشرت قطعه على الأرض
تولين بهدوء وكأن ماصار شي : عـــآدي حصل خير ..
ريم قامت وقفت : لالا كيف ماصار شي أنكسر الفنجال مايصلح كذا
تولين ماطافتها حركة النذالة المقصودة : وش فيك ريــووم ماصار شي أنكسر الشر
ريم عصبت : إلا صار شي المفروض تنتبهين بعد المره مو تمشين وأنتي مغمضه عيونكـ
يلدا وقفت : صادقه ريم فتحي عيـــونكـ بعد اليوم .. روحي قولي للخدامه تجي يله بسرررعه
مسكت يلدا يد ريم وبعدها عن الزجاج اللي على الارض وقعدتها بمكان بعيد عنه
تولين وهي بيدها الدله وضاغطه عليها من العصبيه .. وتناظر أمها
يلدا لفت على تولين وصرخت : الظاهر سمعتي وش قلت يالله روحي
تولين بلعت ريقها : أن شاءالله ..
حطت الدله على الطاوله .. ومشت للمطبخ
تولين : { أنجلي }
انجلي : { نعم آنستي }
تولين : { أمم أكسر هناك فنجال القهوة أذهبي وأكنسيه }
انجلي : { حسن }
طلعت انجلي .. وتركت تولين اللي أخذت نفس
معصبــــه
تولين بقلبها : كأنه بنتها ريم وأنا بس فالحه تعطيني الأوامر وتصارخ علي ؟؟
فتحت الباب الخلفي وطلعت برا ..
مشت لعند المسبح وتنهدت
شافها .. واقفه عرفها على طول ..
الهوا كان قاعد يلعب بشعرها .. شعرها اللي ماتحب تسويه تحب تخليه على طبيعته ويفي
أستئذن وقام من المجلس .. وطلع لعندها
أحمد : يسعـــد مســآكـ
تولين : ومســآكـ
أحمد : أيش مضايقكـ
تولين وكالعاده : هههههه أنا
أحمد : أيــه أنتي ليه فيه أحد ثالث معنا ؟؟
تولين : أنا مافيني شي أنت أيش فيـك؟؟
أحمد : مافيني شي
تولين : بلا نصب .. أعرف أنكـ ماتحب تتكلم معي وإذا شفتني بطريق تفظل تمشي بطريق ثاني
أحمد اللي أنصبغ وجهه أحمر ومرر يده على رقبته : وش دراك أنتي
تولين : أدري أنكـ ماتحبني
أحمد : لآآآ أنا مو ماأحبكـ
تولين : أووه سوري أخطيت بالتعبير .. مو ماتحبني يعني أنت تحبني بس ماتحب تقعد معي أو تمشي معي يعني تحبني وماتحبني
أحمد ضحكـ : ههههه هذا هو
تولين أبتسمت : حلوه الصرحه
أحمد : يب بس ماتقدر تكون مع كل شخص صريح صعببه
تولين : كل شخص وله تعامل يصلح معه
لفت تناظر المجلس اللي كانت شبابيكه كبيره ويبين مين كان جوا
كانت تناظر بوضوح مين داخل من الرجال
تولين : بدر ماجاء ؟؟
أحمد : لآآآ .. يعني لو جاي كان جيتك
تولين : ههه طيب
أحمد : حتى عمر مو على طبيعته أحس أنه معصب يعني بدر طلع مع عمر للشركه ومن هذاك الوقت ماشفناه لورا مره قلقانه عليه
تولين هزت راسها : صاير بينه وبين عمر شي ؟؟
أحمد : يب أتوقع كذا
أمــــــــآ بالمجلس ..
أبو خالد : الحين عادي تخلي بنتكـ توقف كذا مع أي رجال ؟؟
عبدالعزيز : هذا مو أي رجال .. هذا بمقام أخوها
وطاحت عينه على أبو بدر .. وأبو بدر ييناظره نظرات غريــبه
أبو عادل : أحمد ما شاءالله عليه أجودي
أبو بدر : تسلم يابو عادل
أما عند الشباب
عادل : غريــبه وش فيك اليوم هادي ياعمر ؟؟
عمر : لا ولا شي عادي بس أحس أني مرهق
خالد : خلونا من هذا .. دريتو بتزوج قريب
سعود : مبروووك لك سنه وأنت تقول كذا وماشفنا شي
خالد : عيييب عليك تكلمني كذا
زياد : وهو الصادق ماألف شي من عنده
عادل : محمد وش فيك بعيد أقـــرب
محمد : لالا أنا كذا مرتاح
نآظره سعود وأبتسم بشر ..
تولين : ههه قاعدين يناظرونا
أحمد : ليـــه ؟
تولين : واقفه معك أنا يعني علمي علمكـ
أحمد : لآآ أدبي أدبكـ أدري أدري أني سامج
تولين : ههههههه أخذت السماجه من نادين
أحمد : شسوي عاد من عاشر القوم أربعين يوم أصبح منهم وانا ماعاشرت بس نادين وبدر بعد ورامي
تولين أختفت أبتسامتها وبلعت ريقها : ههه من جد مره سامجين أنا شكلي بدخل جوا
أحمد : آهـــآ أوك
لفت بتمشي .. بس سمعت آهــآت أحمد وراها ولفت بسرعه
أحمد اللي كان يده على صدره ويهمس : آآآآه
تولين بخوف : أحمد أيش فيك أيش اللي يعورك ؟؟
أحمد : لآآ ولا شي هذا ألم دايم يجي ويروح عادي
تولين : ماحاولت تكشف تشوف أيش سببه
أحمد وهو يمشي : ولآآآ أفكر سيـــــو يامووزه
تولين هزت راسها ومشت ..
أم العنود : الله يهدكـ وراك صرختي عليها شوفي زعلت
يلدا : لالا مافيها شي الحين تلقينها جايتك والبسمه من أول وجهها لأخر وجهها
أم عادل : وراكـ حاسده بنتكـ ؟؟
يلدا ضحكت بستهزاء
ودخلت تولين : ياعساها دووم الضحكه
أختفت أبتسامه يلدا على طول !!
والكل أستغرب ..
__________________________
أما عند لميــــــــــس & عبــــــــــدالله
صحت على صوت أصوات كثيره ..
قامت من سريرها وأستغربت ؟؟
هل من الممكن عبدالله يجيب ناس من دون مايقولها ؟؟
فتحت باب غرفتها .. ومشت شوي
وشافت الأنوار الخافته والميوزيكـ العاليه ..
بس صدمـــــــــــــــــــــــــــــه
صدمــــــــــــــــــــــــــــــــه
صدمــــــــــــــــــــــــــــــــه !!
لميس حطت يدها على فمها ونزلت دمعتها
مانزلت دمعتها لأنها خايفه ..
بس لأنها أنبلت بزوج زي كذا ؟؟
كيف بتعيش معه ؟؟
كيف يبغى منها عيــال ؟؟
كـــآن عبدالله وجمبه سليمان { صديق فيصل أتذكرتوه } لميس عرفته لأنه مره شافته هو وفيصل وعمر عندهم بالبيت !!
ومجموعة شباب ثانين كانو مع عبدالله وسليمان, بس الصاعقة مو هنا الصاعقه أن كان فيه بنـــآت .. ولابسين فســآتين قصيــره ويرقصون حول الشباب !!!
والكل كان يشرب ويسكي !!
شافها سليمان ..
وهي أول ماشافها ركضت لغرفتها وقفلت الباب قفلتين
وجلست تبكي على سريرها إلين ماأخذها النوم من جديد !!
________________
باليـــل بعد ماطلع الكل من عندهم ..
عمر كان جالس بغرفة تولين ..
عمر : العنود وخالد بيتزوجون
تولين هزت راسها : الواضح كذا
عمر : أحس شخصية خالد يمشي معها ريم وأنا شخصيتي العنود
تولين : كيف مافهمت
عمر : مو لازم تفهمين
تولين فجأة رفعت راسها بصدمه : عمــــــــر لا تقول أنكـ تحب
عمر هز راسه بحزن : للأسف أيـــه
تولين : كيـــف ومن متى ؟؟
عمر : من يوم الحرق اللي صار لها بالمزرعه ... من يوم مادخلت وشلتها على يديني .. حسيت بأحساس ثاني أحساس حلوو حسيت أن هي اللي تصلح لي بس هه .. أنا عااارف أن خالد ماراح يعاملها زيــن .. تولين أنا أبيها أنا أحبها بس الظاهر مالي إلا ريم بالأخير
تولين ساكته بصدمه ماتدري أيش تقول ؟؟
أنصدمــــــت .. ماتدري كيــف تساعد أخوها بأي طريقة ؟؟
ساعدت الكل مو معقوله ماراح تساعد أخوها ؟؟
أبتسم عمر بألم : منصدمه صح
تولين : أيـــه
عمر : أنتي أكثر وحده تعرفين وش أحساس اللي ينحرم من اللي يحبه
تولين أبتسمت : الظاهر كلنا بالهوا سوا ياخوي
عمر : كيـــف مافهمت
تولين : ولا شي { وكلمت بقلبها لا أنا ولا أنت ولا لميس ربحنا بالحب .. صدق صدق ياعمر عمر الحب ماكتمل عمره ماكتمل }
______________________
أمــــآ عنده .. رجع الفندق
ودخل لقى كل الانوار منطفيه
توجه لغرفته .. ودخل
لقى لورا قاعده على حافة السرير وعليها قميص ستان سكري وشعرها تاركته منسدل على كتوفها ..
لورا أول ماشافت بدر وقفت
لورا : حبيبي وينكـ خوفتني عليك
قعد بدر على الكنب
وجت قعدت جمبه لورا ومسكت يده .. ورمى نفسه بحضنها ودمعت عيونه
بدر : لورا تعبـــــــــــــــــآآآآن محتاج أتكلم
لورا اللي يدها مشبوكه بيده واليد الثانيه ضامه راسه على صدرها وترحكـ يدها على شعره ..
لورا : تكلم ياروحي تكلم أسمعكـ
بدر : أخاف تفهميني غلط زي ماكلهم فهموني غلط
لورا : راح أسمعكـ للأخير بعدين راح أحكم
بدر عدل جلسته وبدأ يتكـــــــــلم لها عـــــــــن ........ { وأنتو ياقرائي الحلوين ماجاء الوقت اللي راح تعرفون فيه عن أيش يتكلم }
___________________________
فـي خآطري شرهه وفـي روحي عتـآب
وآلصدر لكـ مليآن نشده .. ومشروه
بتغيــب .. طيب غيــب .. لــكن لك أحبآب
في بآلهم لآغبت .. صآيبــكـ مكروه ..
وبكذا راح ننهي بارتنا ^_^