أفعل ماشئت
لكـــــــــــــن !!
لآ تظلم أحداً ..
وتميز بما شئت
لكـــــــــــــــــن !!
لاتتكبر أبداً ..
وخاصم من شئت
لكـــــــــــــــــــن !!
لاتشتم أبداً ..
وأغضب كما شئت
لكـــــــــــــــــــــن !!
لا تجرح أحداً ..
كانت بالسياره تحاول تهدي اعصابها وتسيطر عليهم !!
وصلت للمكآن .. وناظرت الساعه كانت تشير للــ 6:00
طلعت للمكان المطلوب وضربت الجرس !!
_____________________
عند ملاك & مشاري ..
ملاك قاعده بالصاله مع مشاري .. وهي منقهره منه ..
دخل البيت وشافها متوتره ولاسألها مشى من عندها بكـــل برود
مشاري كان يناظر الـــ tv .. وحاس بنظرات ملاك ..
بس معطيها طاف .. كسرت خاطره بس قسى قلبه عشان تتأدب ..
فجأه ضرب الجرس .. وقطع حبل افكآر كل واحد منهم !!
مشاري بكل هدوء : قايله لاحد مكـان شقتنا ؟؟
ملاك وهي تناظره بقهر : لآآ ..
استغرب مشاري مين اللي جايهم ؟؟ وخصوصا انه ماقال لاحد عن مكآن الشقه ؟؟
توجه للبآب وفتحه وأنصـــــــــــــــــــــــــــــدم !!
______________________________
عند خالد & عادل
عادل : تعآملك اليوم مع مشاري ماعجبني
خالد : مع نفسك انت وياه ؟؟ تبغاه يغلط ونسامحه بكل سهوله ؟؟
عادل : يعني انا ماغلطت ؟؟
خالد : بس انت شي ثاني .. وانت ندمان وتايب
عادل : كل واحد لازم يغلط والمسامح كريـــــــــم .. بعدين الزعل ايش بيجيب ؟؟ خلاص تزوجو وانتهى الموضوع
خالد : لآآآآ لازم يتأدب
عادل عصب عليه وقام : مع نفسك ولعلمك .. الصفات اللي انت تكرها بعمي ابو العنود وعمي اللي هو ابوك .. اكتشفت انهم فيك .. خلك لاتسامح مشاري .. ومع نفسك .. حتى الموضوع اللي انت مأجله المفروض يتم .. لا تضيع نصيب البنت وانت ماتبيها
وطلع وتركه !!
__________________________
( لنــــــــــــــدن - مدينة الضباب )
دخل البيت أحمد ..
نادين وهي قاعده جمب جدها : شعلومه وين الحلو من يومه
أحمد رفع راسه وأول ماشافها انرسمت على شفاته بسمه غصب .. يحبها يعشقها .. حتى واهو معصــــب اذا شافها على طول يروق !!
بدر : أيـــــــــــــــوه يامزه أنت ورنا هذي البسمه اللي لها كم من يوم ماطلعت
ابو بدر : ماعليك منهم تعال اقعد جمبي مشتاقلك .. وانتي { يقصد نادين } روحي ساعدي مرت خالك
نادين : الله ياكبرها عند الله مرت خالي ..
بدر : لييه موب مالين عينك ؟؟
نادين قامت ومشت للمطبخ .. ودخلت بس طلعت راسها : لآآ
بدر مسك علبة المناديل وطيرها عليها .. وهي دخلت راسها بسرعه ..
بدر صرخ : أنــــــــــــا بوريك أجل موب عاجبينك
وسمعو ضحكت نادين من المطبخ ..
والجد ييردد بقلبه : الله لايحرمني من جمعتهم يآرب !!
____________________________
رامي : ويـــــــــــــــنك ياخي من اليوم اكلمك ولاترد
إياد : لآ بس كنت عند البحر
رامي : أهآ ..
إياد : امم رامي أبغى اطلب منك طلب !!
رامي : أمر أبشر عيوني لك ؟؟
إياد : لالا خل عيونك لك !! .. أمم { يقولها ووجهه قلب أحمر } عادي تعطيني راتب هالشهر مقدم ؟؟
رامي رفع راسه منفجع : ليـــــــه محتاج فلوس ؟؟
إياد انحرج كثر : لآآآآ هه الله يهداك بس ابيه
رامي تنهد : إياد انا اخوك لاتخجل تطلب مني .. رقبتي سداده
إياد : خلاص رامي لاتحرجني مابي شي
رامي : خلاص ولا يهمك ... دقايق ويدخل بحسابك ..
إياد إبتسم : لاخلا ولاعدم
رامي إبتسم له وضرب جواله ورد : { أهلا امي }
ام رامي : { أهلا يابني كيف حالك ؟؟ }
رامي : { بخير ياأمي .. وانتي ؟؟ }
ام رامي : { بخير اذا أصبحت انت بخير }
أبتسم رامي ..
ام رامي : { اين انت الان ؟؟ }
رامي : { امشي بالخارج برفقة إياد }
ام رامي : { حسنا .. لماذا لا تأتي انت بصحبت إياد فالعشاء جاهز }
رامي : { حسنا أمي أمهلينا بعض الوقت }
ام رامي : { انتبه على نفسك ياعزيزي إلى اللقاء }
رامي : { إلى اللقاء }
إياد انتظر إلين ماخلص رامي المكالمه .. ورامي رفع راسه يناظر إياد إياد : احم شكلك بترجع للبيت ؟؟رامي : لا أمي عازمتك على العشاء إياد انحرج : لآآ ماأبي يؤ قصدي آسف رامي فقع ضحك على شكل إياد المرتبك : ههههههههههههههههههههطيب وراك كذا مرتبك عادي .. أمي وعازمتك على العشاء وش فيها ؟؟إياد : فيها اني انحرج منها وماتعودت عليها رامي : يــــــــــــــآرجـــــــآل أمش بس وخل عنك احرجتك واحرجتني إياد مشى مع رامي .. وهو يشكر ربه انه جمعه بواحد زي رامي { أخو وصديق } ..
أبغى اطلع شوي عن جو روايتنا وراح اتكلم عن الصداقه : الصداقه شي حلو .. بس الكثيـــــــر يفتقرها لانها صارت مو كثيره بزمننا .. يعني اذا صادقت احد يطلع صديق مصالح أو أو أو الخ .. تعددت الاسباب .بس الحمدلله .. انا عندي صديقات .. والصداقه حلوه والواحد مايستغني عنها .. بس بعض الناس انخدع كثيــــــر من ناس ثانين فتشبع ~> يعني زي مايقولونها خلاص يكفيه اللي عنده .. بس أنا ماايد الانعزال يعني الانسان بطبيعته اجتماعي .. طيب حاول
انخدعت من واحد شوف غيره .. صحيح ان الشر اصبح كثيـــر بزمنا بس لآزال فيه خير ..
بعد نص ساعه .. وصلو وصلو للبيت
إياد ناظر البيت واستغرب توقع ان رامي مايكون له بيت
يعني فله او قصر على الخير اللي هم فيه .. بس اللي ادهشه انه بيت زيه زي اللي حلوه .. حديقه من برا وفيه بالوسط ممر يمشي مع الشارع .. وعلى اليمين واليسار الحديقه .. وفيه باليمين طاوله وكراسي .. واليسار فيها الكرسي اللي يهز الكبير وزي مايعرفها البعض { مرجيحا } .. والباب خشبي أبيض البيت كان ابيض واسود
يعني عشان اقربه لكم زي بيوت الاجانب ..
بس كان على يسار البيت قراج سيارات .. بس من برا عند البيت فيه سياره وحده اللي هي حقت ~> رامي ..
أستغرب إياد يعني ام رامي ماتسوق ؟؟ طيب والقراج يمكن السيارة فيها ؟؟؟ بس باين انه مهجور ومن زمآن مااندخل ..
رامي لاحظ نظرات إياد للقراج والسيارات .. وكأنه قرا افكاره ..
وناظر القراج نظرات حزن وألم عميـــــــــق .. ومشى للباب عشان يفتحه .. فتحه
رامي : إياد تفضل ..
إياد ابتسم بس ابتسامه حيره واستغراب من هذي العايله المتواضعه واللي باين انها غـــــــــــامضه : زآد فضلك ..
دخلو وكانت بستقبالهم ام رامي .. واللي باين عليها مو كبيره ...
كانت نحيفه .. وشديدة البياض .. وخدوها تقريبا حمرا وعيونها عسليه بالضبط زي عيون رامي .. وحواجبها مرسومه رسم باين انها خلقه من الله مو ملعوب فيها .. وشفايفها ورديه صغيره ... وشعرها الاسود القصير المدرج يغطي رقبتها وغرتها على وجهها ... ولابسه فستان نآعم بنفسجي غامق { باذنجاني } .. ينربط على الرقبه والى فوق الركبه ... وسندل { يكرم القارئ } فلات يتسكر بسر على الساق لونه أسود ..
كانت ام رامي منرسمه بسمه حلوه على شفاتها ..
بس شافت أحمد .. أختفت البسمه نهآئيا وبآن عليها الصدمـــــــه !!
وإياد انفجع من شكلها ليش أول ماشافته صارت كذا ؟؟
__________________________
(( بالرياض ))
تولين : مسآء الخير ..
مشاري ارتبك : م م مسآء النور
تولين : مستغرب جيتي ؟؟
مشاري : كيــــــف قدرتي توصلين لشتقنا ؟؟
تولين إبتسمت : بظل واقفه على الباب ..
مشاري بعد عن الباب : لا تفضلي ..
تولين دخلت ووراها مشاري .. أول ماشافتها ملاك فزت وراحت تركض لها .. وضمتها ...
تولين يوم ضمتها ملاك رجعت على ورا وبان على وجهها بسمه حلوه .. مسكت ملاك مع عضودها وبعدتها عنها شوي ..
ومررت يدها على كامل يد ملاك إلين ماشبكت يدها بيد ملاك ..
تولين : كيفك حبيبتي ؟؟
ملاك واللي امتلت عيونها دموع : مو تمام ..
تولين مااستغربت من رد ملاك لانه متوقعه انو كذا ردها ..
ملاك : تفضلي اقعدي ..
تولين توجهت للصاله اللي مو كبيره ..
كانت كنب كبير فيه مقعدين .. وكنبين على اليمين وكنبين على اليسار وقبال الكنب الطويل شاشة بلازما .. وخلف الكنب الطويل طاولة الطعام .. وبعدين المطبخ يطل على الصاله .. مو مغلق .. وفيه زي السيب جمب المطبخ واللي يمرر لغرفه وحمام { يكرم القارئ }
قعدت تولين ..
ملاك : إيــــش تشربين ..تولين : مويه
ملاك ميلت راسها وبستغراب : بـــــس ؟
تولين ابتسمت على حركت ملاك : ايه تسلمين
ملاك ناظرت مشاري اللي جلس بالصاله ..
ملاك بقهر باين : تبغى شي ..
مشاري وتولين جتهم الضحكه ..
مشاري : عصير برتقآل
ملاك مشت للمطبخ ..
تولين : كيفك مشاري ؟
مشاري : الحمدلله بخير .. انتي كيفك
تولين : نشكر الله على كل حال
مشاري هز راسه وبتساؤل : كيف عرفتي مكان شقتنا
تولين : يهمك !؟
مشاري : أكيـــــــــــــــد
تولين : ماعليك .. سر المهنه
مشاري : حشى والله لو انك ولد
تولين : أمنيه
مشاري لف عليها : تستهبلين
تولين : باين علي أمزج
مشاري : لآ
تولين خلاص أجل .. ماأستهبل
مشاري انصــــــــدم بداخله من اسلوبها اللي على صغر سنها يجون داشرات بس هي .. باين عليها عاقله وافاهمه حتى افهم من خالد الكبير ..
مشاري ماقدر يمسك نفسه : ياخي احسك اعقل وافهم من خالد
تولين جتها الضحكه .. بس مسكتها : تصالحت معه ؟؟
مشاري هز راسه بالنفي ..
تولين تنهدت تنهيده طويــــــله .. ودخلت ملاك معها صينيه .. وفيها ثلاث كاسات عصير برتقال وكاس مويه ..
اخذت تولين المويه .. وشربت منها وشوي وحطتها
واخذ مشاري عصير .. واخذت ملاك كاسة عصير وقعدت جمب تولين ..
ملاك بقلق : تولين طلـــــــــــبتك
مشاري طآح قلبه ..
تولين رفعت راسها بهتمام : هلا آمري عطيــــــــــتك ..
ملاك : العنود العنود ماادري ايش فيها كنت قاعده العصر اكلمها وابوي الظاهر كان محرص عليها ماتكلمني ودخل عليها وسمعت صوت صراخها .. ماادري إيش صاير فيها وربي خايفه عليها ..
تولين : إن شاءالله بكرى اروح لمها واقولك أوك ..
ملاك : اوكي ..
تولين : طيب بقولك شي .. { وناظرت مشاري }
ملاك : تفضلي .. آمري
تولين : ابغى اوديك المستشفى
ملاك جت بترد ..
بس صرخ مشاري بعصبيه : لآآآآآآآآآ .. مافيه
تولين بهدوء وبدون ماتناظره : ماكلمتك ..
مشاري : إحترمي نفسك ولاتنسين انك بشقتي
تولين رفعت عيونها وبنظرات جاده وقويه : وانت احترم نفسك ولاتنسى اني ابي اساعدكم ..
مشاري : بدال ماتقولين انتظر الين ماتولد واخذه اشوف ولد مين تقولين بساعدكم .. هههه وقولي لعمر والله لو يصير ولده لا يكون موته على يد
سكت بكـــــــــف تردد بأرجاء المكان ..
وشهقه طلعت من ملاك ..
تولين : اذا جيت تتكلم عن الاحترام فعمر محترم اكثر منك وإذا جيت تتكلم عن الحرام والحلال فعمر يفرق بينه .. لاتحسب اننا رابين ببريطانيا يعني مانعرف اايش الحلال والحرام والا ايش العادات والتقاليد هنا .. بالعكس .. عمر اذا مرو بنات عمي من قدامه عيونه على طول بالارض .. اما انتم عيونكم تفصل الوحده تفصيل .. ولانسى عمر يعرف الله ويخاف منه سامع
مشاري بقهر : لا مو سامع لو كنتي يامدام يامحترمه تعرفين كل اللي قلتيه ماطلعتي بهذا الشكل قدام الله وخلقه .. ولاكنتي لبستي قصير وطلعتي قدامنا .. كذا انتي تغرينا كيـــــــف ماتبينا نشوفك ؟
تولين : ههه برآآآآآفـــــــــــــو ياساده انتو .. بس مو هذا موضوعنا وانا مااخصك اطلع بالشكل والمظهر اللي يرضيني انا أنا وبس ومال احد كلمه علي .. صدقتني راح تندم على كل كلمه قلتها .. وعلى كل شك شكيته ببنت عمي .. انتو اللي تفكيركم وسخ ويبغاله تنظيف لو تعرفون الله كان من أول حلف حلفته ملاك اخذتودها لمستشفى ثاني وسويتو لها تحليل ثاني ..
سحبت شنطتها من على الكنب وباست ملاك بخدها وراحت بتطلع
بس وقفها
مشاري : ليــــــــش تحليل ثاني ؟؟ انتي ماتفهمين ايش يعني حـــامل ؟؟
تولين وهي ملقيته فتحت الباب : ليــــــــش ماعمرك سمعت بأخطاء طبيه ؟؟ يالله سلام ..
طلعت وضربت بالباب وراها ..
وملاك ركضت لغرفه وسكرت الباب وقفلته وانهارت وراه تبكي ..ومشاري قعد على الكنب ورجع راسه على ورا ..
_________________________
( لنــــــدن - مدينة الضباب )
وهم قاعدين على العشا ..
ابو بدر : لورا ليـــه ماتروحين تكشفين ؟؟
لورا وقفت اكل ..
بدر : يبـــه سكر الموضوع الحين
ابو بدر : بدر خلني اتكلم والظاهر قاعد اتكلم مع زوجتك مو معك
واتوقع كلامي مايزعل ..
لورا : بس ياعمي انا اكل حبوب منع حمل
ابو بدر عصب : وميــــــــــــــن سمحلك تاكلينا الحين الحين اطلعي فوق اورميها يالله فزي ..
لورا رمت من يدها الملعقه وقامت تركض فوق
بدر عصب : تراها زوجتي وانا اللي جبرتها تاكل حبوب منع الحمل وانتو ماعليكم
ابو بدر : تشبببببب .. انا تقولي ماعليك استح على وجهك ابوك انا
بدر بان العرق اللي بجبهته وبرقبته وهذا دليل انه عصـــب
بدر صرخ : ابوي على عيني وراسي بس ماتتدخل بيني انا وزوجتي
ابو بدر : انت تسكـــــــــت سآمع انا اذا قلت شي تنفذ سآمع ..
بدر : ماحد يمشي كلامه علي .. ولورا لاعاد تكلمونها
ابو بدر جاء بيضرب بدر كف بس مسك يد ابو ..
ابو بدر سحب يده : غلطآن يوم سامحتك يالعآق انت
مشكى وتركه وبدر معصب .. دف بيدينه كل اللي كان على الطاوله والاكل انتثر .. والصحون تكسرت وصوت خبط الملاعق على الارض سوى صدى ..
واخذ جكيته وطلع من البيت وخبط بالباب وراه ..
__________________________
رامي فهم ليه امه انصدمت ..
رامي : { أمي لاتردين ان ترحبي بي إياد }
ام رامي : { اوه نعم نعم من المؤكد }
مشت لعنده وصافحته
ام رامي : { كيف حالك ؟؟ }
إياد : { بخير .. وانت ؟؟ }
ام رامي : { بخير .. سوف اذهب لاطمئن على العشاء }
بعد مااذنو لها مشت من عندهم ..
إياد جلس ..
رامي : امم بروح اشرب مويه تبغى اجيب لك معي
إياد : لآ تسلم ..
مشى للمطبخ ودخل شاف امه قاعده على كرسي وماسكه راسها بيدينها
رامي ثنى رجل تحته والثانيه نصبها .. وحط يدينه على ركب أمه
رامي : { امي أعلم ماتفكرين به .. ولكنه ليس رعد }
ام رامي : { رعد مات }
رامي : { نعم }
ام رامي { ولكن ولكن لالالالالالا لا شي بني هيا اعدني فلنضع العشاء }
رامي : { حسنا }
واحطو العشا وتعشو .. والعشا كان مررره ممتع بمحاوله من ام رامي .. انها تعرف اكثر عن اياد ماتبغى ضنونها تصيب وخايفه ..
ودعهم إياد وطلع ..
وكان بدر جاي مسرع .. خبطت كتوفهم ببعض ..
إياد : { آآآآآسف }
بدر وهو ملقيه ظهره :{ لىآ انا من يجب ان يعتذر انني اسف }
ومشى كل واحد بطريقه ..
________________________
يبقى الماء ~> ماء
سواء قدمته بأكواب الذهب
أو أكواب الفخار !
كن ~> أنت الماء
فلا تتأثر بالمظاهر ..
فأنت كما انت خوهر ذآتك ..