رضيت أحبك وبس مافيه عقب الروح روح

32

ملاك قوت نفسها .. وبكل قوه ناظرت بعيون عمها ابو خالد 
ملاك بعد سكوت طآآلت مدته اخذت نفس : بس انا مابي اتزوج
ابو العنود : مو على كيفك
ملاك بطولت بآل : اجل على كيف مين ؟؟
ابو خالد : ملاك احترميني واحترمي ابوك .. يعني مالنا قدر تتكلمين كذا
ملاك : بس هذي حياتي ؟؟ وانا حررره !! ماراح تعيشون عني
ابو خالد : راح نعطيك وقت تفكرين مانبغى قرارك سريع
ملاك : بس انا
قاطعها ابو خالد : الظاهر سمعتي اييش قلت .. يله مشينا
قامو ابو خالد وابو العنود ..
مشاري : ملاك انا اسف ماراح اقدر اسوي لك شي .. ماني قادر اشيل حمل عمانك ..
ملاك : ماراح يتم هذا الزواج سآمع .. اللي في بالك انا ماابيه
مشاري : ليش ؟؟ ليييش ماتين تتزوجيني ؟؟ مو انا احبك وانتي تحبيني خلاص نهاية كل حب زواج
ملاك رفعت عيونها وبنظرات قويه : ميين قالك .. راح اكسر القواعد هذي
مشاري : لو جيتي واعترفتي لي من زمآن .. كان عرفنا كيف نحل موضوعنا بدون مايتدخلون عماني
ملاك : كنت حابه احتفظ بحبي لك .. بقلبي لحالي بس انت فضحت كل شي كل شي .. لو ماتكلمت
مشاري قاطعها : لو ماراح تنفع الحين .. اللي صار قضاء وقدر ..
ملاك : انا ما كسر خاطري الا المسكينه المنومه بالمستشفى .. العنود رمت بحالها .. علي كانت تبي تميني من الحرق .. وجاها شي اعظم .. حرق راح يظل معها طول عمرها ماراح تنساه كل ماشافته !! وكلو من الحب شفت كيف " الحب " يجيب المشاكل !!
مشاري : الطب قاعد يتطور .. وراح تتعالج ان شاءالله .. بس الحين الله يحل موضوعنا احنا ..
ملاك قامت وقفت : ماتلاحظ ان جلستنا طولت اكثر من اللزوم .. انا بروح عند البنات مع السلامه ...

مشت ملاك ولا سمعت رد مشاري ؟؟ ..
مشاري لف يتابعها بعيونه الين مااختفت من قدامه ..
مشاري تنهد : انا اييش اسوي بنفسي تعبببت وربي تعببت !! 

دخلت تاخذ نفس بقووه ..

البنات انفجعو وعلى دخلت ملاك ..

لميس : تولين ايش فيك 
تولين : مادري وانا رايحه للحمام كانو فيه شباب وانخرعت انا ورجعت اركض ..
ريم : الحمدلله ماسو لك شي ..
تولين : اييه الحمدلله ..

ولفت تناظر ملاك بنظرات غرييبه !!!

_____________________

(( وفي عاصمة الضباب " لندن " )) رامي وهو يبلع ريقه : بدر بدر لف عليه مصدوم : رآآمي اييش فيه تكلم الله يرحم والديك ..وين ابوي ؟؟رامي : بدر لاتتروع روح شوفه بالغرفه حقته بدر رمى الشنطه اللي بيدها وراح يركض والكل اتبعوه فوق دخل غرفه ابوه .. ولقآه ممد على السرير .. وباين على وجهه التعب !! ركض لمه بدر وباس راسه بقووه ومسك يده .. وقعد على حافة السرير بدر : سلامتك يالغآآلي ..ابو بدر : الله يسلمك .. والحمدلله على سلامتكم ياعيالي الكل ماعاد رامي طبعا : الله يسلمك ..بدر بخوف : اييش صآر ؟؟رامي : الله يسلمك خالي ابو بدر : رامي ماله داعي بدر : الا له داعي .. تكلم راميرامي : خالي ضغط على نفسه بالشغل هذي المده وطاح علينا نقلناه للمستشفى تنوم .. يوم وطلع وجبناه هنآ بدر : لييييه كذا يبببه .. ليه تتعب نفسك ؟؟ بعدين يوم رجعت البيت مين نام معك رامي سكت ؟؟ابو بدر : رامي الله يجزاه خيير .. ماخلاني ولا دقيقه طول الوقت عندي اي شي اطلبه يسآرع يجيبه .. ترك اشغآله وقعد عندي رامي انحرج : هذا واجبي خالي بدر : مشكوور رامي صدقني ماراح انسى لك اللي سويته مع ابوي ..رامي عصب عليه : بدررر عيب عليك تقول كذا ... هذا خالي ومقام ابوي .. ومااتنظر منكم شي انا اسوي كذا عشآن خالي احمد ضم رامي : تسلم .. ماقصرت لآخلا ولاعدم نادين باست راس ابو بدر : الحمدلله على سلامتك يبه .. عسآه اخر الاوجآع وتراك خوفتنا عليك .. لا عدا تعيدها ابو بدر : هههه خلاص عاد كلو ولا خوفك .. لورا باست راس عمها : الحمدلله على سلامتك عمي ابو بدر : الله يسلمك يابنتي .. الله لا يخليني منكم كلكم .. الا قولو لي ايش اخبار حبيبة جدهابدر : هههههه تسلم عليك .. وتراها زعلت عليك عشانك ماحظرت خطوبتها ابو بدر : ان شاءالله بزواجها .. { ناظر رامي } ياولدي روح تريح ببيتكم شوف عيونك كيف صايره تقول عيون نمله الكل ماعاد ابو بدر : ههههههههههههههرامي : حرام عليك ياخالي انا عيوني كأنه عيون نمله .. تراي زعلت احمد : ههههههههههه ابو بدر : لآآآ كلش ولا زعلك .. خلاص عيونك كأنه عيون بومه بدر فلتت ضحكته : هههههههههههههرامي : الحين يقالك رقعتها ابو بدر : اييش فيها عيون البومه مدوره وكبيره ومفتوححه بقوه رامي : مقبوله منك خالي

(( باليل ))

بعد مانامت لورا .. بعدها بدر عن صدره .. ولبس تيشيرت البجامه حقته .. وطلع لغرفة ابووه

طق الباب ودخل راسه 

بدر : نمت ابو بدر : لا تعآل تعآل بدر دخل وجلس جمب ابوه على السرير .. ابو بدر : كيف كآن بدر : عبدالله
ابو بدر : عبدالله صديق عبدالكريم اخو لورا
بدر : اييه هو بالضبط !! ماتقبلته كنت مأمل انها تاخذ من عيال عمها
وكان املي كبييير .. لانو عايلتهم تزوج عيال العم لبنات عمانهم
ابو بدر : قسمه ونصيب .. اهم شي مابي اشوف الحزن ولا لمعه الدمعه بعيونها !! هي كل مابقى من الغآليه
بدر سكت ونزل راسه شوي تحت ..
ابو بدر : اشتقت لها !! هي كانت سبب بسمتي بالدنيا بس راحت
راحت وماتركت وراها الا شبيهتها اللي هي لميس
بدر : احس الحزن والضيق قاعد كل سنه يخنقني اكثثر .. ودي باللي ينقاله اخوي قدامي عشآن اخنقه بيديني .. كذا ارتآح
ابو بدر : مدري كيف هرب مننا والى الحين ماقدرنا نمسكه
بدر : ترك احمد ورعد .. واخذ معه ولده الثالث طار فيه بليس هو وزوجته وولده تلقاه الحين طالع على ابوه داشر

بس اللي ماعرفوه ان احمد كان ورا الباب يسمعهم !!

طاحت دمعه من عينه .. بس ماكانت بختياره كان يبغى يحبسها بس ماقدر .. واطلق بهمس ضحكت استهزاء .. 
ومشى لغرفته !! ..

دخل وسكر الباب وقفله قفلتين ..وراح قعد على الارض وظهره مسنده على السرير .. وضام رجلينه لصدره مد يده وفتح الدرج حق الكومدينه اللي كانت جمب السرير ..
وطلع منه دفتر باين انه قدي شوي .. وفتحه وطلع صوره كانت داخله
ومسك الصوره .. فيها ~> امه قاعده على كرسي وابوه واقف وراها وحاط يدينه على كتوفها ورعد اللي كان ثاني رجل تحته وناصب رجل .. عند ركبت امه .. وهو اللي واقف جمب امه .. والطفل اللي يمكن كان عمره ثلاث سنوات على رجل امه !!! ..
قعد يتأمل امه اللي ملامحها غربيه .. بس باين عليها حنووونه ؟؟
ضحك بينه وبين نفسه : كيف حنونه وهي راحت وتركتني أنا ورعد ؟؟

اخذ القلم اللي كان على الكومدينه .. وفتحه 

هونتها لكنها عيت تهون ..
لاقلت راح الهم الاقيه قدامي ..
فيني ألم ما مر في قلب مطعون ..
فيني حزن ما مر فعيون الايتام ..
عاقل ولكن طحت في وقت مجنون ..
اصحاب انا والهم واحباب ونمون ..
ماهي صداقة يوم هي عشرة اعوام

__________________________

(( بعد مرور .. أسبوع )) 

طلعت العنود من المستشفى .. لكن اللي مكرها باحلها نظرات خالد للحرق اللي فيها ..
بعد ماطلعت من المستشفى جاء تحمد لها بالسلامه .. بس بالغلط كان طالع الحرق .. وكآن متقرررف مررره

أما ملاك .. كانت تحاول بشتى الطرق انها ماتملك على مشاري .. بس مافي فايده .. و مشاري بدى يطيح من عينها .. حاولت كم مره تستنجد فيه .. بس بكل مره يقول " مااقدر اتحمل غضب كبآر آل... علي " .. قررت تكلم عمر ؟؟

وغلا & عمآر .. كآنت حياتهم .. عسسسل وغلا بطنها بدى يكبر وكل العايله عرفت وباركت لهم وفرحت لهم !! بس مضايقهم موضوع مشاري وملاك !!

عمر كآن عايش حيآته .. اللي ماتخلو من المغامرات !! بس كآن منقهر من خآلد وتعامله مع العنود ومشاري وضعفه قدام ملاك !!

لميس .. عبدالله حدد لها موعد الزواج .. وماشاورها توجه لعبدالعزيز.. وهذا اللي ضايقها حاولت تبعد الموعد بس قالها عبدالعزيز " الى متى بتظلين معلقه كذا " والزواج حددوه بعد شهرين !!

تولين .. تراقب من بعدين لبعيد !! ودآآيم هآديه وتلتزم الصمت بأكثر الاحيآن .. تغيرت بعد مارجعو من المزرعه .. تطلع تولين الطبيعيه اذا كلمت ميس بس ..

عآدل .. حآس ان نظرات تولين وراها اشيآآآآء .. وبقلبه " تبقى تولين غآمضه مستحيل احد يعرف ايش اللي يدور داخلها "

زياد .. مآعاد يبي طاري الزواج بعد مارفضته امل ؟؟ وعآيش حياته مع المستشفى

فيصل .. يأس من لميس .. بس حبها لازال ينبض داخله يبها مستحيل ينساها ؟؟ مشغل نفسه بالشركه .. وانغمس اكثر بشركه بعد مادرى ان موعد زواج لميس وعبدالله تحدد !!

ريم .. كآنت غيرانه من العنود .. لانو تحس اهتمآم عمر فيها صاير كثيير !!

سعود .. كآنت تولين تجذبه بطريقه مو طبيعيه بس كان يمثل انه سعود بو شخصيه جديده وهو من جمبها .. نسى سالفه الانتقآم .. وصار يقول " تولين تجذب الواحد .. والناس بتخطبها كثيير لازم اسوي ببالي عشان متتجرا تتزوج احد " << تفكيره متخلف ..

محمد .. كان يحس انو فيه افكآر حقيره تدور براس سعود بس ماقدر يعرفها !!

امل .. لاحظت تغير زيآد .. بعد رفضها له .. وطالعه لها فكره جديده تبغى تطلع تكمل دراستها !!

خالد .. حاول يتقبل العنود بس ماقدر واكثر شي اذا ناظر الحرق يقرف ومايقدر يخبي !!

مشاري .. منقهر من نفسه ومن ضعفه .. بس عمانه بكلمه يقدرون يطلعونه لسابع سما .. والا ينزلونه لسابع ارض .. يحب ملاك ومايبغاها تنجبر على شي .. بس بالمقابل يبغى قربها وبعدين يحس انو بعد الزواج بتتعود على الوضع واللي هي فيه الحين دلع بنات بس .. والاختيار الثاني كان له احسن من الاول ..

بدر .. صاير عصبي .. وعلى اقل الاشيآآآء يعصب مايعرفون ايش السبب ..

لورا .. شغلها الشاغل تبغى ولد بالطول بالعرض تبغى ولد .. لانها تتمنى كثييير يجيها طفل ويناديها ماما ..

نادين .. منغمسه بالشركه !!

أحمد .. بين الشركه وبين البيت .. والحزن لازال محله ماتغير شي !!

رامي .. اشتآق لتولين .. وسمع بخبر قرب زواج لميس انبسط لانه بيشوف تولين !! واياد صار قريب منه .. وعيآل عمه صارو يساعدونه بالشركه !! بس لازال يحس بفقد ريان بعد كل ذا السنوات !!

إيآد .. وامه وابوه .. مكرهينه عيشته اربع وعشرين ساعه الوسكي بيدينهم يشربون .. وبقلبه " كيف حالهم الحين اشتاقو لي زي مااشتقت لهم ؟؟ " 

___________________________

(( في بيت ابو عادل الكل مجتمعين ))

ملاك كانت تفكر كييييف توصل لعمر .. لانه الحل اكيييد بيكون عنده ؟؟

البنات .. كانو ملاحظين على ملاك سرحانها الكثييير .. وصايره ماتاكل نازل وزنها كثيييير ..

ريم : لميس كيف نادين ولورا ؟؟
لميس : والله ماعليهم طيبين

العنود : ههههه وش جابهم على بالك ريم ؟؟ريم مالقتها وجه
وحز بخاطر العنود
امل تبغى تصرف حركه ريم : هههه يمكن اشتاقت لهم او محلمه فيهم
العنود ابتسمت بألم : يمكن !! >> وبقلبها : ريم حتى انتي صرتي تكرهيني لاني تشوهت ؟؟ هه مشكوره يابنت عمي عرفت قدري عندك !!
غلا : تولين
تولين بهدوئها المعتاد : هلا قلبي
غلا : عادي تكلمين على عمر تقولين له يقول لعمار يجب لي جوالي ؟؟ نسيته بالسياره
تولين : طبعا عادي ..

عمر قاعد مع الشباب ودق جواله ..

عمر : هلاوالله تولينو .. 
تولين : هلا عمر.. امم تقدر تقول لعمار يجيب جوال غلا نسته بسيارة عمار
عمر : اها اوكي يالله بقوله وتعالي خذيه مني ..
تولين : طيب طيب بس اعطيني دقه وبطلع
عمر : اوك
سكر منها
عمر همس لعمار اللي كان جمبه : زوجتك تبي جوالها اللي نسته بسيارتك
عمار : ههه الله وصل لك
عمر : ههه تو تولين مكلمتني يالله جيبه عشان اعطيه تولين
عمار : اوك ..

راح عمار جابه واعطاه عمر .. 
وعمر دق على تولين ..

لميس : وين بتروحين ؟؟
تولين : بجيب جوال غلا من عمر
لميس : اها
ملاك بقلبها : هذي فرصتك عشان تكلمينه ؟؟
طلعت تولين ..
ملاك : بروح اشرب مويه ..
قامت بسرعه للمطبخ وطلعت من الباب الخلفي .. ولفت .. من عنده
الين وصلت لباب اللي موجودين عنده عمر & تولين ..
شافت تولين تكلم عمر وبعدين اخذت الجوال ودخلت ..
حطت الجلال على راسها وسمت بالله .. وراحت تمشي بسرعه ..

ملاك : عممممر 

عمر سمع احد يناديه ولف : ملآآك ؟؟ ملاك : ممكن اكلمك شوي عمر : ايييه امري ؟؟
ملاك : الموضوع شوي خاص تعآل هنآك بوسط حديقة البيت
عمر تردد بس بعدين مشى معها !!
ملاك : عمر ابغاك تساعدني ..
عمر : بأيش
ملاك : بموضوع زواجي ؟؟ عمر انا ماابغى اتزوج وانت بمقام اخوي قلت اكلمك يمكن تقدر تسآعدني
عمر : ملاك .. شوفي انا
ملاك قاطعته : الله يخليييك
عمر تنهد : راح اشوف بعدين ارد لك
ملاك : تسللللم ياولد عمي .. صدقني ماراح انسى معروفك معي
عمر : اي معروف الله يهداك .. الزواج مايجي بالاجبار ؟؟ يالله استئذنك ..

ومشى عمر ..

جت تبغى تمشي .. بس ؟؟

فيه يد حاوطتها مع خصرها .. شهقت وانحطت يد على فمها .. لفت وجهها ولاه مشاري ملاك برعب : م م م م م مشاري ؟؟مشاري اللي مبين على شكله مو ناوي خير : اييش كنتي قاعده تسوين مع عمر ولحالكم بعد .. ملاك : ولا شي دفها على الشجره اللي وراها ولصق فيها وهي حاولت تبعده ؟؟

سعود .. كان بيروح للمطبخ ومر صدفه من الحديقه وشاف مشاري وملاك ..

ملاك : مشاري الله يخليك بعد عني مااحل لك 
مشاري ابتسم : حلوو يعني الحين صرتي تعرفين الحلال من الحرام
ملاك بدون قصد بس فلتت اعصابها وضربته كف قوي .. تردد صوته .. بالجو الهآآآدي !!
مشاري عصصصب .. ومسكها من فكها .. ولف وجهها على اليسار شوي ..
ونزل شفآته لرقبتها .. وطبع بوسه قويييييه ..
ودفته بقوه وراحت تركض ..

وكل هذا تحت انظآر سعود ؟؟؟

___________________________

بهدووء .. تركت المكان ومشت ودخلت عندهم

لميس : عمر راح 
تولين : وين يروح ؟؟
لميس : وين بعد طلع يعني
تولين : لا الظاهر راح للديوانيه !!
امل : وين ملاك ماصارت مويه هذي ؟؟
قامت .. بس مدت تولين يدها قامها .. " صدتها عن الروحه "
امل : ايش فيك بروح اشوفها
تولين : قعدي انا بروح
امل بستغراب قعدت : اوكي

راحت تولين

ريم : لميس هذي اختك غآآمضه يعورني راسي وانا قاعده معها 
ماتدرين ايش تفكر
لميس : ههه حتى حنا معنا كذا هذي طبيعة تولين " وبهمس " من بعد ريآن !!

دخلت المطبخ .. ولقت ملاك قاعده تشرب مويه

تولين بهمس بس ينسمع : تتقهوين انتي مو قاعده تشربين مويه 
ملاك ارتبكت : لا بس واحد من عيآل عماني كان موجود وانا اتن
قاطعتها تولين : بسس تقولين قصة حياتك
ملاك : لييش تكلميني كذا ..
تولين : جيت اشوفك بس البنات يسألون عنك ..
وطلعت ..

ملاك حطت يدينها على وجهها تمنع دموعها من النزول .. 

(( بريطانيا _ لندن
مدينة الضباب ))

إياد : رامي رامي وهو داخل جو بالبرزنتيشن : { نعم هل ناديتني للتو ؟؟ } إياد : { نعم رامي اريد ان اقول شيئا }رامي : { وما هو ؟؟ } اياد : { رامي انا اصلي عربي } رامي رفع راسه بستغرآب : آييييش ؟؟اياد تنهد : ايييه نعم انا ابوي عربي بس امي اجنبيه رامي : طيب ليييه ماقلت لي من الاول ؟؟اياد : هنا البريطانين اذا عرفو ان اصلك سعودي يصيرون مايبونك رامي : ومين قال .. شوف انا دايم اتعامل معهم ويعرفون ان اصلي عربي .. وماصارو زي ماقلت .. وبعدين لازم اتعرف على ابوك مدامه عربي اياد ارتبك : لااا ابو ي دايم مشغول .. رامي فهم انه مرتبك : تخبي شي اياد : لا رامي حرك كتوفه بستغراب ..

(( ببريطانيا بس مكآن ثاني ))

صافحته نادين : { سوف تكون صفقه مربحه }
: { نعم .. اتمنى ذالك }

بعد عشر دقايق كانت قاعد تنظم الاوراق .. وماكان بغرفه الاجتماعات الى هي !!

بدر دخل : كيف كان الاجتماع ..
نادين : الحمدلله رضو بكل الشروط .. وين احمد
بدر : مادري قال بيطلع نص ساعه وراجع .. مرت الى الحين ساعه ومارجع
نادين : اهآآ ..

(( بمقبره بريطانيا )) 

قاعد جمب القبر ..

احمد : وحشتني خيوو .. وربي اشتقتلك .. فيه موضوع شاغل بالي هاليومين ماادري احس انهم مخبين عني شي لييش بدر يبغى ابوي يتمنى يشوفه قدامه عشان يقتله ليييه فييه شي وشي كآآيد ؟؟

__________________

(( الريآض ))

(( باليوم الثاني )) ~> بالتحديد ~> (( العصر )) 


ببيت ابو العنود ..

كانت ملاك نازله تبغى تقعد مع ~> ابو العنود & ام العنود & العنود ..

نزلت وهي تمشي صارت تشوف الدنيا تدخل وتطلع ببعض .. 
فجأه اختفت الرؤيا قدامها وطاحت ..
ضرب راسها بقووه على الارض .. كلهم انفجعو وقامو يركضون لها ..

العنود ركضت للمطبخ .. وجابت مويه 
اخذتها امها وقامت ترش على وجه ملاك .. شوي شوي بدى يرجع وعيها ..

ملاك .. فتحت عيونها وشافتهم متجمعين حولها 
ملاك بهمس : اييش صار
ابو العنود : العنود روحي جيبي عباية اختك !! مو حاله هذي بوديها المستشفى ..

ملاك من الصبح اذا اكلت شي ترجعه .. ومعها دوخه .. 

جابت العنود عبايه ملاك .. واخذها ابوها للمستشفى بالغصب ..

وصلو للمستشفى .. ودخلت اخذت تحآليل .. 

وبعدين طلعو وقعدو برى يتنتظرون التحاليل تطلع

بعد نص ساعه .. 

كان ابو العنود متكي على الجدار وبعيد شوي .. وملاك قاعده على الكرسي .. طلعت الممرضه ~> كانت سعوديه ..

راحت عند ملاك ..
الممرضه : انتي ملاك ؟؟
ملاك : اييه نعم ايش صارت التحآليل ؟؟
الممرضه : طيب وين زوجك ؟؟
ملاك استغربت :بس انا مو متزوجه !!
الممرضه ناظرتها بستحقآر : وين ابوك
ملاك عصبت : علميني اييش التحآليل ؟؟
سمع ابوها صوتها وجاء : اييش فيه
مشت الممرضه لمه واعطته الورقه ..

قرآها وشوي بدت يده ترررجف .. رفع راسه وناظر ملاك بغضضضضب وعصبيه .. 

________________________