عندمآ تتضآيق فقط أغمض عينيك وتخيل
ملآمح شخص تحبه أو موقف له
ثم إبتسم بعفويه ف يتشتت آلضيق
وتبقى عندك إبتسآمه طبيعيه بذكرى جميله ،،
ما أججمل آلحب حينمآ يكون وقوداً لـ للحياه
د / طآرقَ آلحبيب
____((25))_________________________
تولين صحت اليوم بكيير .. يعني على الساعه 7:30
مالقت احد صاحي .. اخذت شاور .. ولبست بنطلون وتيشيرت والسندل الكعب { يكرم القارئ } ولبست عبايتها ..
وكلمت السواق وطلعت .. تبغى تفطر برى .. وتكتب ..!!
راحت لكفي د.كيف .. وطلبت لها فطور ..
وراحت لغرفه مغلقه .. بس اللي قدامها زجاج .. يعني تشوف السيارات الرايحه والجايه ..
شوي جابو لها الطلب .. واخذته وحطته على الطاوله ..
اكلت منه شوي .. وبعدين فتحت الاب حقها .. وبدت تكتب ..
عندما تنام وأنت تتوسد الحزن وتستنشقه كالهواء... يحوطك ويأسرك
ويسجنك وتتحطم أحلامك الواحد تلو الآخر، وتموت الأماني وتحتضركالكهل المثقل بالأمراض المستعصية الذي يتمنى الموت على انتظار الشفاء.,,
عندما تنام على أنشودة بكائك وتحتمي بالوسادة لتخفي بها ضعفك،
وتصحو من فرط ذلك الصداع الذي خلفه بكاؤك طوال الليل،وتدعو ان تنقشع عنك الكآبة.. ولكنها أمنية عجزت ان تتحقق،اليوم يلي الغد والهم تراه مثلما هو متشبث بك كطفل تائه ممسك بأول شخص يراه عند الضياع.
,,,,
عندما ترى وجهك في المرآة ولا تجد في ملامحك سوى ملامح مرهقةمن البكاء وكثرة الهم وتتركها كما هي دون أي رتوشأو مساحيق لتغطية تعبك وحزنك وألمك.
,,,,
عندما تقرر الا تخفي حزنك ولا تكترث بما قد يقوله الناس،فكم مللنا تصنع السعادة ونحن لا نشعر بها،وكم مللنا رسم ابتسامة رغم رفضنا من الداخل لها.
,,,,
هل تعلم ان قمة الشجاعة ان تعلن حزنك وتكف عن مداراته؟وهل تعلم ان تصنع السعادة وأنت في قمة الحزن هو من الأشياء الموجعة فعلاً ؟!وهل تعلم اننا كلنا نحزن ولا يوجد شخص سعيد طوال الوقت؟؟حتى وان أظهر لك هذا فاعلم انه أكثر شخص يحتاج لأن يتكلمويعبر عن مكنونات نفسه ولكنه يفتقر الى الثقة بالغير ويخاف شفقتهم؟ما العيب في ان تتكئ على ذراع اقوى من ذراعك ان شعرت بالضعف والوهن؟ما العيب في ان تشكو ان شعرت بأن كثرة الصمت تقتلك وسبب في استمرارية حزنك.
,,,,
في لحظات الألم والحزن المطلق دائماً نستبعد ان هناك من يستطيع مساعدتنا،
ونتصور ان همنا هو شيء فوق مستوى استيعاب البشر، ما هذا التشاؤم؟
لا تبالغ في الاعتماد على نفسك، كلنا بشر قابلون للكسر في لحظات الحياة القاسية،
فالفولاذ ليس معدننا، نحن في النهاية كتلة من المشاعر والعقل وفي حضرة المشاعريغيب العقل.
,,,,
ما أقسى الوحدة، لا تجعلها رفيقتك، فهي كالسم يسري بهدوء
ولا يتركك إلا للأوجاع تفتك بك بهدوء، وكأنك مسلوب الارادة عندما استسلمت لها.
أعلم كم هو صعب ان تفكر بعقلك عندما تحزن، ولكن تذكر من يحبونك،وحاول الا تنظر الى كل البشر على أنهم أعداؤك.
,,,,
العالم ما زال مليئاً بالقلوب
الجميلة والمستعدة لنشر الحب والسلام على كل من يلجأ إليها،وفي حياة كل شخص منا انسان هو الملاك المنقذ له وقت الهلاك..
قد يكون هذا الانسان شخصاً لم يخطر على بالك في يوم،
ولكنه ملاكك المنقذ في وقت الغرق. ) ( بعد الله ) تبارك وتعالى
,,,,
الجميل في الحزن انه يعلّم الإنسان الكثير، يجعلك تقدر أبسط الأشياء
كالأيام العادية التي كنت تشكو فيها الفراغ في
أيام الحزن تتمنى لمثل هذه الأيام ان ترجع.
يعلمك الحزن من هو صديقك الوفي والمستعد دائماً لمد يد العون،
وأنت في أعماق اليأس ولا يمل من تكرارك الشكوى.
الحزن يعلّم الكثير ولكن بقدر ما يفيدك يهدمك،
فهو سلاح ذو حدين، وأنت تستطيع ان تجعل
منه سيفاً يقويك أو خنجراً يقتلك.
,,,,
.:. أول الـغـيـث .:.
ستتخطى الألم وتسترد عزمك والهممولا تيأس فالحزن هو الشيء الوحيدالذي يولد كبيراً ويصغر الى ان يتلاشى ..
_______________________
بعد مرور ساعه ونص وهي تكتب .. وتوقف وتناظر الطرقات .. وترجع تكتب .. وفجأه توقف عشان تفكر .. وترجع تكتب ..
اخير انتهت ..
رفعت نظرها وهي تناظر السيارات والرايح والجاي ابتسمت ..
تولين : ماقدرت احب غيرك والله ماقدرت .. اسفه رامي .. ادري اني اجرحك كل يوم اكثر من الثاني بس ابيك تكرهني لاني مو انا اللي استاهلك .. على بالهم انا مو شايفه كل شي .. ولا انا اعرف كل واحد وايش يخبي بداخله .. :)
سكرت الاب .. وشالته على كتفها .. ومسكت شنطتها وطلعت
ودفعت الحساب وكانت الساعه 10: 00
لفت بتطلع بسس !!
_______________
عند لميس .. اللي ماخلاها عبدالله تنام الليل .. كان قاعد يسولف وهي شوي وتبكيونادين جتها نذاله .. بس تتطنز عليها ..صاير عبدالله ماتمر ساعه الا وهو متصل عليها .. وهي كمحاوله عشان تنسى فيصل .. تتكلم مع عبدالله .. بس الا الحين ماهي قادره تتقبله .. كيف وهو اللي هددها بقتل بدر؟؟ ..
كانت نايمه ..
نادين : ميسووو قومي مليييت لميس : اوووووص اسكتي ابي اناااام هذا عريس الغفله امس ماخلاني انام ..
نادين : قوومي حتى تولين مدري وين طاسه من فجر العالمين لميس وهي تلقيها ظهرها : خليها تطلع وتتونس .. ملت من مقابل وجيهكم نادين شهقت : تمل من وجهك انتي .. خلاص لميس انا بقولك عن الصاعقه اللي تصعقك وبتطير عقلك
لميس : بسم الله علي انتي ووجهك لاتتفاولين .. بعدين ايش هو الخبر
نادين : احم بعد ثلاث ايام بنمشي ..
لميس : اييش ؟؟
نادين : بنرجع
لميس : وين ؟؟
نادين : بنسافر بريطانيا ..
لميس قامت وقعدت : تمزحين !!
نادين : لا ماامزح
لميس رمت نفسها بحضن نادين : دندون انا من لي غيرك انا مقدر اشكي لغيرك
نادين : حياتي ميسوو .. راح اظل اكلمك .. واكيد راح نزوركم مره ثانيه
لميس : متى على زواجي ؟؟
نادين : مدري !! بس اهم شي ماراح اقطعك .. انتي اختي .. اللي ماجابتها امي .. كيف تبيني اخليك بمشكلتك لحالك ؟؟
لميس ضمتها بقووه : وربي كان نفسي تقعدون اكثر
نادين : بعدين جدي هناك لحاله واشغال الشركه على راسه ..
وحنا هنا نتونس
لميس : من جد .. شفتي كيف طيرتي النوم عن عيني
نادين بضحكه : شفتي كيف اذا قتلك الخبر بيصعقك
لميس ضربتها بالمخده : انتي من امس والنذاله راكبتك .. وانا بطلعها ..
طلعت نادين تركض من غرفه لميس .. ولميس تلحقها
يركضون ..
فجأه طلع احمد بوجه نادين .. وضربت بصدره ..
وهو رفعها بين يدينه !!
احمد : تسلمييين لمووس .. مو دايم تجيني هذي الفرص ..
لميس بنذاله : العفوو حموود .. ولااوصيك توصى فيها
نادين اللي حمر وجهها ..
مشت لميس .. وهي تاركه .. احمد ونادين لحالهم ..
من زمآآن ماقعدو سوا !!
_________
الشركه ..
عمر وهو قاعد يقلب الملف اللي بيده : تزوجت حبيبتك ..ولا باقي
فيصل وهو ماسك كوب الكفي ويناظر من نافذة المكتب على الشارع : لا صارت الشبكه والملكه .. بس .. تصدق اتعذب وانا اشوفها تبي تتزوج غيري
عمر بدهاء : فيصل ممكن اعرف مين هي
فيصل انخرع من سؤاله .. ايش راح يرد عليه ؟؟
فيصل : امم قريبه لنا من جهة امي
عمر : اهاا حلوو .. ومين اخذت
فيصل : مايهمني مين اخذت .. انت ماعندك شغل .. ليش ماتذلف على مكتبك
عمر : طيب طيب .. ياسيد فيصل بس ممكن تشيل ذا الكشره اللي على وجهك .. وتحط ابتسامه .. ترا الحياة حلوه
فيصل ابتسم : قال الحياة حلوه قال ..
عمر سكر الملف ووقف : يالله بروح للمكتب .. تامر على شي
فيصل : لا .. سلامتك
عمر : الله يسلمك ..
طلع من المكتب وسكر الباب
عمر بقلبه : قال قريبه لي من جهة امي قال .. ههه مايدري .. اني اعرف مين يحب ومين عاشق .. بس آآآه ابغى اعررف ايش سر لميس وليش كذا بعدت عن فيصل .. اقوول خل اخلص شغلي واطلع ..
بمكتب عمار ..
عمار : اقول اليوم بتطلعون مكان
مشاري : لا لييه ؟؟
عمار : بيجون خوات غلا عندنا .. وماني حاب اقعد بالبيت واضايقهم خلهم ياخذون راحتهم
مشاري بدون شعور : لا وش رايك انت اللي نقعد ببيتك
عمار : تبي تشوف ملاك هاه !!
مشاري برتباك : لا ومين قال
عمار : ههههههاي عيونك فاضحتك ..
مشاري : اقلب وجهك .. هذا جزائي بستضيفك عندي بالبيت
عمار : ههههههه خلاص اسفييين
مشاري : ناس ماتجي الا بالعين الحمرا
عمار : تكفىىى ياسوبر مان
مشاري : هههههاي ومين قالك ان سوبر مان عيونه حمرا
عمار : الا مو هو يطلع اشعاع من عيونه
مشاري : مدري عنه
عمار : هاه مين اللي صار مايعرف بالافلام ؟؟
مشاري : ايه ايه مشاءالله عليك انت تعرف وكثييير بعد وش رايك
عمار ضحك عليه ..
_____________
ببيت ابو عادل ..
كانت امل رايحه تفطر عند ريم ..
ريم : اموول بروح اسوي لي كفي تبين
امل : اييه قلبي سوي لي معك ..
ريم : اوكي
وطلعت .. كانت امل قاعده بغرفه للجلوس بالدور الثاني ..
مو دايم يقعدون فيها ..
مر زياد من جنب الغرفه .. وامل حطت طرحتها على راسها
زياد : صبآآح الخييير
امل : صبآآح النور ..
زياد : كيفك امل ؟؟
امل : بخير .. كيفك انت
زياد : الحمدلله تمام ..
سكت شوي وبعد تردد ..
زياد : امل بقولك حاجه ..
امل : اييش فيه
زياد : امم امل انا انا ابغى اتزوجك
امل انصدمممت من جرأته : ايييش ؟؟
زياد : اللي سمعتيه
امل :اسفه .. بس انا ارفضك
زياد بصدمه : ليييه ؟؟ اييش السبب ؟؟
امل : تذكر الموقف اللي صار لنا بالمستشفى يوم اوقف اسلم عليك
زياد وهو يتذكر : اوووف ايش ذكرك بذيك السالفه
امل : ليش انا نسيتها عشان اذكرها .. بعد الموقف اللي صار لي معك طحت من عيني ..
زياد : بس انا ايش سويت معك ؟؟
امل : شكيت فيني .. وماني مستعده اكون مع رجال اقابله طول حياتي .. ويكون كذا .. شكاك
زياد : بسس
امل : لا بس ولاشي بلييييز زياد .. شيلني من بالك ..
زياد طلع معصب .. ونزل تحت وريم توها مخلصه اكواب الكفي بتشيلهم معها وبتطلع فوق ..
ومر زياد من عندها بسرررعه ؟؟
ريم : ايييش فيييه هذا ؟؟
_______________
العنود : اسمعي .. كان فييه عمار ترا انا ماني رايحه
ملاك : ياليل القلق .. عمار بيطلللللع .. بيطس .. بيقلب وجهه من البيت ماراح تشوفينه
العنود : انتي متى تعدلين اسلوبك هذا
ملاك : ماراح اعدله ..
العنود : الله يصبر اللي بياخذك
ملاك : وين قالك اني بتزوج
العنود : ايييه نشووف
______________
التفت وشافت سعود وراها ..
سعود : صبآآآح الورررد
تولين مستغربه : صبآح الفل ... ايش جايبك هنا
سعود : ههه هذا رد اذا شفتي ولد عمك قدامك
تولين : سوري .. كيفك ؟؟
سعود : تمام .. انتي اخبارك
تولين : تمام ماعلي ..
سعود ناظرها شكلها كان جذاب .. كانت عبايتها مسكره بس باين انها لابسه جنز سكيني .. وسندل {يكرم القارئ } كعب اسود ..
وشعرها على طبيعته مخليته بس رابطته فوق .. وطايح خصل على وجهها .. وشنطة الاب معلقه على كتفها .. وشنطتها معلقه بذراعها .. ووجهها برييئ .. ماهي حاطه فييه ولا شي ..
واهم شي عيونها اللي دايم تسحر اللي يناظرها ..
سعود : باين انك طالعه
تولين : يب جيت فطرت هنا .. وبطلع الحين
سعود : طيب يصير اعزمك على كفي ..
تولين بمزح : اقبل بس بشرط
سعود : ايش هو
تولين : على حسابك .. ههههه
سعود : ههههههه اكيييد على حسابي يعني انا اللي عازمك ترا
تولين : هههه اجل قبلت الدعوه ..
سعود سوى الطلب ومشى معها بيقعدون على طاولة ..
سعود : تولين .. انا اعتذر منك التصرف اللي بدر مني قبل كم من شهر ..
تولين : عذرك مقبول .. سعود كل واحد مننا يغلط بس الشاطر اللي يعرف غلطه ومايرجع له ..
سعود : انا الحمدلله من بعد الموقف تعدلت .. الله هداني ..
تولين ابتسمت : الحمدلله ..
سعود : ايش جايه تسوين هنا ؟؟
تولين : اببد بس ملييت من البيت .. وطلعت افطر .. وفيه شغله سويتها على الاب
سعود : اهااا حلوو ..
تولين ناظرته بعمق
وهو ارتبك .. يحس انها قاعده تناظر داخله وتعرف بايش يفكر ..
سعود : ايش فيك تناظريني كذا
تولين وهي ترفع فنجاال القهوه : ايش فيك مرتبك ؟؟
سعود : هاااه لا ماني مرتبك ولا شي
تولين اخذت رشفه من قهوتها ورجعتها على الطاوله وهي عيناها على القهوه : بمجرد مايقول الشخص هاه .. يعني انه مرتبك
سعود: اييش فيك .. قاعد مع طبيبه نفسيه انا
تولين :ابببد سلامتك ..
____________________
على طاولة الغداء ..
بدر : احم .. عبدالعزيز ..
عبدالعزيز : سم
بدر : سم الله عدوك .. قررنا نمشي لبريطانيا بعد ثلاث ايام ..
عبدالعزيز : اقعدو ايش اللي معجلكم ..
بدر : والله تعرف ابوي هناك وكل ضغط الشغل عليه لحاله .. لازم نروح
عبدالعزيز : اجل الله معكم .. والله يوصلكم بالسلامه
بدر : الله يسلمك ..
يلدا : وربي مشتاقه لابوي .. المره الجايه جيبوه معكم ..
احمد : زعل علينا يوم شوينا شبكة وملكة لميس وهو مو موجود
لميس : ياحياااتي هو ..
___________
على طاولة الغداء
ابو عادل : فيصل خبرتني امك انك ناوي تتزوج
فيصل : ايييه يبه ..
اخوانه رفعو روسهم مستغربين من قراره المفاجئ ؟؟
ام عادل : وانا لقيت لك بنت الحلال .. اللي تستاهلك وتستاهلها ..
اماني بنت ام عبدالله جمال ودلال
فيصل حس ان نفسه انسدت عن الاكل .. : اللي تشوفونه زين سووه
{ حط الملعقة وقام } دايمه
طلع فوق دخل غرفته .. قعد على حافة سريره ومسك راسه بين يدينه ..
فيصل بقلبه : اللي تسويه هو الصح .. هو اللي بينسيك لميس وطوايفها .. الله ياخذ الحب وايش يسوي بالواحد لمايحب .. ياربي اللي اسويه صح .. اخاف اظلم بنت الناس معي .. يآآآرب وجهني للطريق الصحيح ..
دخلو عليه اخوانه .. وهو عدل قعدته
فيصل : هلاااوالله .. نووورت الغرفه ..
عادل قعد على كرسي المكتب : اقول بلا هلا بلا مسهلا .. انت من جدك بتتزوج
زياد : اخر شخص توقعت يتزوج انت ..
سعود : لا من جد انت فاجئتنا ..
فيصل بعصبيه مفاجئه : اييش فيكم انتو يعني الواحد حرام يتزوج ويكون عايلة ؟؟ ..
زياد : حنا مافينا شي .. بس انت قبل كم يوم كنت رافض الزواج جملتا وتفصيلا .. كيف كذا تغير رايك
فيصل : كانكم جايني تناقشوني بذا الموضوع فهو منتهي انا ان شاء الله متزوج متزوج سامعيييييين
عادل :اهاا اجل الله يعينك على الزواج .. يالله انا بروح اناام احس نفسي هلكااان
فيصل : يعني ماجيتو عندي الا واللقافه ناطه من عيونكم :)
زياد : هههههه تقدر تقول كذا .. حتى انا بروح انام .. عندي دوام العصر
سعود : انت ماتتعب طول وقتك بالدوام
زياد : اللي يحب الشي عمره ماراح يتركه
سعود : اقول بس .. بدى يتفلسف الاخ ..
زياد : ههههههه اقوول اقلب وجهك .. الناس تتمنى تسمع الفلسفات حقتي {ورفع حاجبه بغرور }
عادل : انتبببببه بس لاينط فيك عرق
فيصل ضحك على استهبال اخووانه : مطولييين وانو مسوين ذا الازعاج ؟؟؟
سعود : ليييه مو عاجبك اسهبالنا انت ووجهك ؟؟
____________
بغرفة ام عادل وابو عادل ..
ابو عادل : من جدك يامره .. تبين تزوجين الولد من برا العايله ؟؟
ام عادل : بنت اختي مو منبرا العايله .. وهذا بنت اخوك اخذت من برا العايلة ومحد تكلم !!
ابو عادل : لانو جاها رجال ماينرد ...
ام عادل : وبعدين .. ماعاد فيه الا ملاك وامل وتولين .. وفيصل رفضهم كلهمم ..
ابو عادل : وليه ان شاءالله .. وش فيهم مو ناقصهم شي ؟؟
ام عادل : والله هذا ولدك ..
ابو عادل : استغفرالله منكم ..
تغطى ونام .. وام عادل طفت انوار الغرفة وطلعت ..
______________
امل : اليوم طلعت لبيت عمي ابو عادل عند ريم
محمد وهو منسدح على الكنبه اللي جمبها ويتفرج على التلفزيون : حلوو انبسطتي ..
امل : يب الحمدلله ..
محمد : ايييه صح اليوم زياد .. ماعنده دوام اللى الساعه 12 يمكن شفتيه
امل وهي منقهره من حركه زياد لها : ايييه مر وهو طالع للدوام صبح علينا
محمد : اهاا .. والله شغلته حلووه بالمستشفى
امل : طول وقته بالمستشفى
محمد : ايييه .. بعض الاحيان نكون قاعدين سوا وفجاءة يدقون عليه ويقلون فيه عندك حاله تقدر تجي ..وبعض الاحيان يصحونه بالليل من نومه عشان عنده حالات .. والله مسكين شغله يهد الحيل
امل : والله هو اللي اختار التخصص .. هو اللي يتحمل
محمد : وانتي ليه صايره قاسيه كذا
امل : انا ماني قاسيه .. ولو سمحت .. اذا منت حاط شي زين بالتلفزيون عطني احط
______________
(( العصر ))
كانو نادين & لورا & لميس & تولين ..
قاعدين يسولفون .. والشباب كانو طالعين يتمشون ..
دق جوال لميس
لميس : هلا
عبدالله : اسمعي بجي اشوفك الحين ..
لميس : مابي لاتجي
عبدالله : انا مااشاورك انا اقولك بس .. يالله مع السلامه
سكرت الجوال وهي معصبه ..
نادين وهي تهمس لها : ايش فيك
لميس : بيجي عبدالله ..
نادين : اهااا
لميس : بقوم البس اخاف يجي الحين !!
بعد نص ساعه .. خلصت لبس .. ونزلت تحت سوت قهوه ..
نزلو عندها البنات ..
لميس : لورا حطي من الحلا .. بالصحن
لورا : مو لازم يكفيه حلاك
نادين وتولين : هههههههههه
لميس : لاتكفين .. حطي وخل يبعد عني .. ناقصني انا مصاخه وقلت حيا
لورا : ههههههه عصابك .. ايش فيك ؟؟
لميس : مافيني شي { دارت على نفسها } ايش رايكم بالبسي ..
نادين : حلووو
تولين : دنتي اممممر يابت
لورا : فكييينا ولاتغيرين لهجتك ..
تولين : خليني لابق علي صح ..
نادين : هههههههههههه ايييه ولابق بقوووه
( لميس كانت لابسه ..( في الصورة
دق جوال لميس .. ولميس شافت اسم عبدالله ..
لميس : صبايا .. جااء مالي خلق اقابله
تولين : ههههههه قوليله مفتاحي ضااع واهلي طالعين .. مقدر افتح الباي
لميس : ههههه فكره مش بطااااله .. يالله سيوو
اخذت الصنيه وحطتها بالمجلس .. وطلعت افتحت له ..
فتحت الباب ... ودخل عبدالله شافها انهبل على شكلها وخقق ..
صافحته بيدها .. وهو سحبها .. وباسها من خدودها
عبدالله : كيييف الحلوو ؟؟
لميس قلبت عيونها : ماشي الحال .. تفضل
عبدالله : مافي كيفك لي ؟؟
لميس : لا شايفه حالك قدامي وشوله اسأل عن اخبارك
عبدالله : طييييب سلكي على الاقل ..
دخلت لميس وتركته .. يتكلم مع نفسه ..
_________________
بشقه غلا &عمار ..
لبست وخلصت غلا تنتظر خواتها يجوون ..
وعمار الى الحين يلبس .. وهي قاعده على السرير ...
( كانت لابسه كذا ...( في الصورة
عمار وهو واقف قدام المرايه غلا تركت جوالها اللي كان بيدها .. وقامت عند عمار ومسكت عطره ورشت عليه ..
عمار ناظرها وابتسم : اقوول غلاوي لاتخليني الحين اسحب على مشاري
غلا : هههههه لالا خلاص ببعد عنك عمار وهو يمشي شبك يده بيدها : تسلم لي الضحكه ..وصلو لباب الشقه .. غلا شدت على يده : حبيبي انتبه على نفسك ..
عمار : اوكي وانتي بعد ولاتتعبين نفسك .. واي شي تبغونه قولي لي اوكي قلبي ..
غلا : اوكي ..
عمار باسها على شفاها : يالله سيوو
غلا : بحفظ الله
طلع عمار .. قعدت عشر دقايق ووصلو خواتها ..
فتحت الباب
غلا : هلاوالله وغلا العنود : هلاا فيك غلا : كيفكم ملاك : والله تمام .. وانتي كيفك .. غلا : الحمدلله بخييير وسعآآده العنود : دوووم مو يوم ..غلا : تفضلو بتظلون وافقين عند الباب ؟؟ملاك : اييه خلينا نفسخ عباياتنا ..غلا : ههههه يالله .. _________________
عند الشباب ..
عادل : ههههه فيصل بيخطب
عمر :ههههههههه اقول بلا مزح
عادل : والله
عمر : اقول اقلب وجهك .. فيصل حافظه مستحيل يسويها
سعود : يقولك والله
عمر : من جدكم .. وينه هو الحين ؟؟
عادل : بالبيت نايم
بدر : ههههاي .. مايسويها اجل
عمر : لالا اكيييد بالحلم محلمين انو فيصل يتزوج بس
احمد: ههههههه عممر ايش فيك
خالد : مايبغى يصدق ..
محمد : ابن الحلال عند ذكره بيبان ..
فيصل : مسآآآآآء الخييير ..
الشباب : مسآآء النور
عمر : تعال تعال هنا بتفاهم معك
فيصل : هههههه ايش .. على ايش تتفاهم معي
احمد : مايبغى يصدق انك بتخطب
فيصل وهو يقعد جمب عمر : الا صدق صدق بخطب ..
عمر : اقققققول مابقى الا ذي .. حتى انا بخطب معك
بدر : ههههههههه ايش دخلك بالرجال اذا بيتزوج يتزوج كيفه
عمر : لالا هذا ربيعي ميصير يسوي امر لحاله لازم اقلده
خالد : على كذا كل شباب العايله بيتزوجون
_____________
ملاك صرخت : امآآآآآآآآآآآآآآآآآنه
غلا : ههه والله ..
العنود : ومن متى
غلا : امس سوينا التحليل وطلع اني حامل .. بس ماابغاكم تقولون للعالم الحين بسويها لهم مفاجئه
ملاك ضمت غلا : يالبى قلب خالتوو قرب يجي
العنود : مبرووك حبيبتي
غلا : الله يبارك فييك ..
______________
عصب عليها : لييييه كل ماقربت لك تبعدين ..
اي شايفتني .. وبآآآء ..
ترد عليه ببرود : انت اللي جبت هذا التعامل لنفسك ..
________________
تفآرقنآ على ذآك الطريق الممتلئ آسرآآر ..××[ وآحس ]××..بذنب يطويني لآنك شخص حبيته <3
____________________________
نهاية الجزء الخامس والعشرون ..
توقعاتكم ..
تولين & سعود ... هل ستكون بدايه جديده ..
مبنيه على حب ام على محبه اخويه .. ام سعود له مبتغى بذالك ..ويريد كسب ثقة تولين .. وتولين ~> ماذا تعني ب { على بالهم انا مو شايفه كل شي .. ولا انا اعرف كل واحد وايش يخبي بداخله } ؟؟
فيصل ~> هل سوف يثبت قدرته على الزواج بغير حبيبته ؟؟
خالد & العنود ~> الموضوع الذي بينهم مغللق .. ولم يحددو الى الان مو عد الملكه .. هل سوف يصبح بينهم نصيب .. ؟؟
امل & زياد ~> جرأة زياد بطلب الخطبه من امل .. ورفض امل ؟؟
هل سوف يكون بينهم نصيب .. وهل سوف تختلف نظرة امل لزياد ؟؟
لميس & عبدالله ~> يحاول القرب من لميس .. ولكنه ترفضه وبشده .. هل سوف تتقبله بعد الزواج .. ام لا ؟؟ ولماذا ؟؟
واخير ~> من المتحدث بالمقطع الاخير ؟؟
استودعكم الله ..