بِسْم الله الرحمن الرحيم. هذي قصتي انا وأضفت اليه بعض من افعال جارتي وجعلت عنوانها كيد ظلم النساء ونبدأ بحياتي انا تزوجت في سن صغيره جداً ،من رجل قاسي لايعرف الحب ولا الرومنسية. جاهل أنجبت ابني الاول بعد الزواج مباشرة ثم الثاني كنت جميلة جدا كنت اذا ذهبت الى مكان يسألوني هل انتي امريكية لأَنِّي بيضاء جدا وشقراء الشعر وملونة العينين كنّا في الرياض ثم انتقل عمل زوجي الى الطايف. كان ابنائي احدهم عمره سنه والثاني سنتين كرهت الزواج والأطفال والزوج. وفقدت اهتمامي بنفسي ووكل شئ كان كل همي ان لاانجب الى بعد فترة طويلة أولا أفكر في الإنجاب مرة اخرى استخدمت حبوب منع الحمل لمدة ست سنوات متتالية ثم توقفت لان أمي كانت دائماً تقول اتركيها لصحتك ومصلحتك. ثم تركتها وبسبب. زوجي وكثرة كلامه بانه يريد أطفال وإزعاجه المستمر لم احمل في الشهر الاول والثاني حتى انتهت سنه كامله بعد التوقف عن تناول الحبوب ولم احمل لم يستطع زوجي الصبر ذهب بي الى المستشفى وهناك كانت الصاعقه التي. صدمتني وهي أني مصابه بعقم دايم ولا أستطيع الإنجاب مره اخرى رجعنا المنزل وزوجي يزبد ويرغي وانا ابكي وهو يقول انتي الي سويتي في نفسك كذا قلت لا تستخدمي شي وماطعتي شوري خاصمني الين معاد أتحمل ولا قلت له اي كلمه قال انا بروح عند اهلي الاسبوع الجاي في ألغربيه قلت خلاص بروح معك لاهلي رحت عند اهلي بكيت الين قلت بس قالت أمي الله يهديك بابنتي ماتسمعين كلامي. قلت لك لا تضرين نفسك الله يكتب الي فيه الخير المهم لام جاء أخذني من عند اهلي وحنا في السياره جاب لي صاعقه اخرى قال انا بتزوج وقلت لامي تبحث لي عن مره لأنك ماتنجبين وانا ابي أطفال كثيرين ولاليه تزوجتك بكيت ايام وليالي مستمره والأسبوع الي بعده قال بروح لاهلي قلت بروح معك قال لا اقعدي في البيت كملي شغلك اعرف تبين تدورين هرج الحريم. راح وخلاني ابكي وجاء ثم راح الاسبوع الي بعده وخلاني في البيت من القهر مدري وش أسوي تعرفت على جارات في الحي الي انا فيه وصرنا نتجمع كثير كل وحده تعطي خبرتها لثانيه وكنا نتعاون على الظلم الي تبي تقهر ام زوجها نقول لها خلي ولدها يكنس البيت قدامها عشان تنجلط العجوز والي تبي تقهر سلفتها نقول اذا سمعتي زوجها جاء بيدخل تعطري واكشخي وسوي نفسك مادريتي وكنتي تمسحين الباب من برا من زود النظافة والي تبي تقهر جارتها نقول اذا شفتي زوجها داخل ارسلي حلى يجننن وإذا طلبت المقادير عطيها خطا كل وحده فينا تكيد لوحده ثانيه فيه بس وحده زوجها متزوج عليها وانا الثانية المهم راح زوج وعقد النكاح وانا ماقلت له ولا كلمه. جاب ليه طقم ذهب الي كان مافيه الخل منه مايعطيني لو خمسين ريال غير بالقوه المهم قلت في نفسي اوريك ياثور اطبخك على نار هاديه. من يوم جاء وانا شخص اخر لبست فستاني حق زواجي وسويت حفله تجنن قلت ذكرى زواجنا هو مايدري زواجنا كان متى لبست قميص اول ليله غيرت نفسي تماما كأني عروس جديده غيرت في امكان البيت والغرف. والاثاث حركته من أماكنه بس انهبل يوم شافني كذا عمره ماقال انتي حلوه او جميله من يوم تزوجته الحين كأنه اول مره يشوفني المهم العروس من جماعتنا هي كنها مقطوعه من شجره لان اَهلها ماتو كلهم في حادث مابقى غير هي للعذاب كانت ساكنه عند عمها مع بناته ماعنده اولاد اول واحد خطبها زوجي وافقت هي في العشرينات من العمر جميله وشعرها ناعم ورشيقه بس وين بتروح مني المهم الزواج كان في الغربية أخوان زوجي قالوا الطايف بعيد استأجر كم يوم وبعدين روح بيتك قلت كيف تروح وتخلينا وحدنا. المهم قبل الزواج بيوم قلت لولدي سو نفسك مريض قلت كيف تخلينا ولدك مريض قال اوديك عند أمك قلت ولدي يستفرغ أمي ماتحب احد يوسخ بيتها ماني رايحه قال خلاص بحضر الزواج واجي. راح الزواج وجاء وطول الطريق يسال عن الولد قلت على حاله قال خلاص شوي امر اطمن عليه. حط العروس في البيت وجانا صاروخ. عاد نيمت العيال وتكشخت شوي بس مابالغت عشان مايشك فيني يقول اشلون ولدها مريض وتكشخ قال وين الولد قلت عطتيه دواء ونام. قالت الله كانك أمير ذكرتني يوم زواجنا ماني مصدقه انك بتكون لغيري كني في حلم ماودي اصحا منه شوي حركات وديته غرفة النوم طلع من عندي متاخر قال اذا سالك احد قولي ولدي تعبان مره وداينه المشفى قلت تامر امر ياملاكي. راح للعروسه المسكينه اي عروس يكبها زوجها ليله الدخله ويروح لزوجتها الاولى. جاتا العصر يتطمن على الولد سويت أصناف طعام وجبت من جارتي خليته يسحب عليه الين اخر اليل مرت الأيام وحملت زوجته من اول شهر جابت ولد وبنت وزار بعض مره كان طول وقته عندي مايروح لها الى اذاكان يومها ينام عندي وتالي الليل يكمل عندها كل يوم يروح ازداد سيطره عليه الان اصبح لايصدق غيري ولا يسمع الى لي جاب لي شغاله وسواق وأخيرا استطعت ان اروض هذا الثور الجامح المهم كنت اروح لها واسوي نفسي احبك وأشوف عيوبها وافتح عيون زوجي عليها ومن يوم تزوجها ماشفت منها شر أبد بس ضلت ضرتي واكرها. المهم مرت الأيام وسكنا بيت ملك جنب بعض هنا أتحت لي الفرص في ان اضرها اكثر كان بيتي فيلا جميله وهي بيت صغير انا من صممته كبر جحر الفار غرفت نوم ومطبخ ودورة مياه صغيره ولكم ان تتخيلو ضره تصمم بيت ضرتها هي لاتزورني أبدا وانا اروح لها واقهرها أقول رحنا وجئنا وهي ماتطلع من البيت ماعمري زوجي خرجها من البيت الا في عزا عمها.كان عند زوجي اخت متخلفه عقليا. جابها زوجي عندنا لان فيها حساسيه قالو فيه حرمة تعالج. قالت لي زوجت زوجي أبقى السواق يوديني المستوصف ابطعم بنتي قلت طيب لما طلعت جاب الشيطان لي الفكرة دقيت على زوجي سويت نفسي أبقى أغراض عشان اعرف هو بعيد ولا قريب وكان قريب. فتحت الباب وخليت اخته تطلع. دقيت عليه قلت حرمتك طلعت وخلت الباب مفتوح وأختك طلعت تعال بسرعه ساعدني ماقدرها. أنجن جنونه ورحت ورآها لما شفته مقبل علينا سويت نفسي امسكها وهي تضرب في وجاء ودخلنها البيت قال يابعد اهلي مدري بدونك وش أسوي. لما جات المسكينه مسكها عند الباب وضرب ورفس وهي تبكي وتقول وش سويت. قلت الباب مفتوح وأخته طلعت قالت والله قفلته والسواق شاهد بس ماحد يصدقها. قعدوا هي وعيالها يبكون حتى السواق كان الباب مفتوح. زوجي من السرعه ماقفله وسمعالصراخ وقعد يطالع وقعد يبكي يقول هذا نَفَر مسكين مافيه سوي شي. هديت زوجي وقلت بدون ماتسمعني تبقها تموت ويسجنونك وكيف نعيش بدونك هي ماتسوى ظفرك قال والله انك صادقه.المهم قال الي تبينه أسوي تبيني أطلقها فكرت قلت لا بس لاتروح لها أبد انا اعرف اذا رحت لها من اول شهر وهي حامل مثل الفار قال والله ماروح لها أبد قال طيب أطلقها وأجيب عيالها عندك قلت وش لي فيهم عاد تذكرت جارتي الي متزوج عليها زوجها خلته يطلقها وأخذت عيالها كأنو صغار وكبرو تقول صارو يتحرشون في بناتي وإذا لَبْست شي ياطلعون في عيونهم طويله جننوني بس صرت البس ساتر ضربهم ابوهم مافيه فايده طلعناهم المجلس بس جننوني ماعد اقدر اروح مكان ليتني خليت امهم قلت لزوجي اطردهم برا قال ماقدر يصيرون الناس يتكلمون فينا انتي الي قال طلق امهم. في البدايه انتصرنا كلنا انا وجارتي بس في النهايه هذي نهايه وحده وانا الثانية قال اجيب شغاله وأخليهم في بيتهم قلت لا خلها هي أرخص من الشغاله ماندفع لها شي. عاد هو هددها بالطلاق عقب سالفت اخته جيتها هذي المره بدون قناع قلت بيطلقك قالت لاتخلينه قلت طيب سلمي على رجلي وسلمت حنا كنّا مسمين انا وزوجي بيتها سجن غوانتنامو ودايم أقول لزوجي اذا راح يوديها شي وين رائح يقول السجن. المهم كانت تروح التحفيظ خليته يفصلها قلت بكره تنخطف ويتكلمون الناس في عرضك كانت مخرجها الوحيد الحوش تصوم الاثنين والخميس واشوفها تفطر في الحوش ونضحك عليهاالمهم مرت السنوات ونحن على نفس الحاله كبروا أولادي واحد تخرج واحد اخر شهر في الجامعه خطبت لهم كنت أعد الأيام عشان أصير كني عروس في زفافهم. حلمت ثلاثه ايام ان زوجت زوجي تطلق على النار من مسدس. علمت زوجي وقعد يضحك كل ماشافني يسوي بيده زي المسدس ونضحك. تكررالحلم سالت مفسر قال ان الطلقات تعني الدعوات فان أصابتك الطلقات أصابتك الدعوات وقد تكون هذي المرأة لاتدعي عليك شخصيا وللأمن تقول اللهم أنصرني على من عاداني. اطلبي منها السماح. خوفني في اليوم التالي صار على عيالي حادث وماتوا هنا كانت مفترق الطرق في حياتي أصبت بنهيار عصبي ثم اكتىاب حاد حاولت الانتحار عدة مرات ولم انجح تقاعد زوجي من العمل مبكرا ليرعاني وللكن لم أعد أطيق وجهه ليته مات هو ولا اباني أوانا هو السبب لو لم يتزوج لم ظلمت احد ولما انتقم الله مني بقيت وحيده زوجي أصيب بعجز جنسي كامل قال الأطباء ان السبب لم يكن عضوي بل نفسي. ولا يهمني ذالك خرج زوجي لانعلم الى أين قيل في العراق وقيل في امكان اخرى ولايهمني من أمره شي. لم يعد احد يزورني حتى اهلي أصبحت وحيده تعلمون حال الناس يخافون من المريض النفسي زوجت زوجي حفظت القران كامل في المنزل أخبرتها كل شي وطلبت منها السماح وسامحتني. هي التي تقوم على رعايتي. قلت لماذا تفعلين ذالك قالت لم أنسى معروفك يوم خليتني على عيالي.كتبت قصتي لتكون عظه وعبره لكل من تضلم اخت لها في الله او جار او اي كان. الرجاء من الجميع نشر قصتي في القروبات فلاتعلمون من هناك يقرأه ويتوقف عن الظلم ويكون ذالك في ميزان حسناتكم يوم القيامه. فأنا لو قريت قصه كقصتي لخفت وتوقفت عن الظلم فدعوة المظلوم مستجابة وقال الله لانصرنك ولو بعد حين. حماكم الله من الظلم. وغفر الله لي ولكم ورحم ابنائي. وجعل مثواهم الجنه. اختكم ام الأموات.
لا تحكم بالغيب
By Rodayna3R
قصص قصيرة منها الحديث & ومنها القديم & ومن الخيالي ؛لكن فيها عبر و أهداف More