روح في بحر الظلام

الحلقة السادسة والستون

____ الكاتبة بحر _____

لتنسون التقييم والتعليق على الفقرات +++اضافة للحساب لطفا

البارت اكثر من 4250 كلمة pahrasoad

استغفر الله اللذي لا اله الا هو الحي القيوم واتوب إليه‏

________________________
مشمش

الانسان او احيانا الاناث بصورة خاصة
تكون قوية  شخصيتها قوية  لا تخلو من الدلع والغنج كلامها ضحكاتها
لما يكون عندها سند يضحك لضحكتها يفرح بدلعها تتكلم براحتها
لما تغلط وي شخص ما ترتعب وتنتضر الاذية من رد فعل المقابل
هكذا كنت
خسرت بابا وانكسرت وسندني شهاب وقوى عودي
اختفى شهاب بقي الامل مستمر بأنتضار زياد
كنت اشوف تجاوزات فؤاد وارد بداخلي

العب بكيفك يطلع زياد ويربيك
موت زياد كان كسسرة لكل شي حلوو
تركوني بالدنيا بدون اي دفاع ما ألي من بعد الله  غير ام  مريضة
كلما يجي فؤاد يريدني احجي وي شهاب كنت ارفض

لحد ماا فد يوم جااب الموبايل ودخل طلب ارد ورفضت وصااح شهااب

:ووولج مششممشش وعلي ابو الحسسن اخلي فؤاد يملص اذاناتج

اخذت الموبايل ورديت بهدوء

:هااا

:وييعاااه لييشش مااتردين موو عييب عمچ زلمة چبير  احاجيج ولا جنج تسمعين

:هاا عمو شتريد

:ولج علييتي كلبيي ششماالج احد محااجيج احد مكدر خااطرج سوودنتيني

:لاا محد كلشي مابية

:جاا شمالج ضيك خلكج

:هيج وحدي

:سوودة بويهي ياابوية ، لييش مااترحين ليدتج (جدتج) يودون عليج ماترحين ليش موو خطية

:ماا اريد اروح ولا اريد اطلع
:فوويد محاجيج طااكج ولج بوية حاجيني والله ليلي ماا انامة كلبي عدج

:كلشي ما مسويلي
:اخيتج بيه شي

:لااا
:والله بغل ومطنحرر  فلك طرج وطر امج على هالعناد

:عموو يصير اروح للمدرسة
:جاا شلون ما ترحين بسس حجر هسة
:مرات يدزون علينه والامتحانات حضوري

:اناا اخلي فوويد يحاجي الو الخط لا ترحين وحدج

:تمام
طلعت انطيت الموبايل لفؤاد اخذه وراح

رجعت لماما تغسل بالمواعين

ليلى :هاا شمالة عمج ليش معاركته يمه مسويلج شي

مشمش:لا عيفي يولي

:هوو بس عمج انــتِ كلج صاايرة مدري شلوونج
اخذت السيم منهة

رووحي گعدي اني اكمل

:ولج يمة خلييني اتحررك شجااج حسسرة اسويلي شغلة

:مااماا بعدج مريضة ماا ضل غيرج اذاا صارلج شي اموت والله

:اسم الله عليج بس الگعدة تكسرني وتكوم الهموم علية خليني اششتغل عوفيهن ذني وروحي غسلي السطح المغرب خاف تطفى علاقل نتفطر فوك

بسته بخدهة حييل ورحت
ماتخطيت ولا عرفت اعيش بعد خبر موت زياد واكثر شي يأذيني لما اشوف ماما تدعي يرجع تنهار اعصابي ادمر والله اجثر من مرة اعوف الفطور لوو السحور من القهر تحاول تبطل بجي علمودي بس ماتگدر 
تنعصر روحي عصصر
مرت علية هموم بلايام الفاتت بس مو هيج هسسة ثقل على صدري قيد يخنقني دا انذبح صررت اتخيله بكل مكان صررت اعااتب نفسسي دائما على اذيته

كملت غسل السطح بين الدمعات والصفنات
نزلت الماما مسحت وجهها وحالة مو احسن من حالي فتت منزلة راسي 
اجاملها
:هااي شنوو لياالي شنوو هالريحة رااح تفطرريني ترراا

:لاا ولج اثكلي راح يأذن يلاا سوي الزلاطة التهي بيهة

رحت اشتغل بأبتسامه سسويته وصعدت الفراش للسطح لان انقطعت الكهرباء

اخذت الموبايل اتصل على رانـــيــاا اذا مغلق يعني زوجها بالدوام الموبايل يمه واذا مفتوح يعني بالبيت احجي وياها
رغم عدنا رقم زوجها بس ما اتصل عليه

اتصلت عليهة مغلق
اتصلت بأسامة اطمأن عليها  رقم اساامة اللي اغنااني عن رقم حسام ووجوده بالكامل
صار كلما يتصل من رقم احضره اكثر من مرة هدد اذا ماا رديت راح يجي او ماينطني اخبار رانـــيــاا اقرا الرسالة واحضره

اسامة اللي صرت اجاهد نفسي حتى اطرده من خيالي اختصر الحديث وياه حتى لا اضل أؤلف سيناريوها واعيد كلماته بس هو كان يطول المكالمة بكلام لطيف

مابين قهر ولعب وجد وشوق عدا عمري وصرت بالثاني متوسط اربعة عشر سنة شهوور مرة نسسيت بيهن الفررح
كاان الثواني ووالكلمات القليلة مع اسامة هي نافذتي الوحيدة للحياة
بدون اي اعذار قلبي قرر يدگ اله
قلبي اللعوب اللي ماكنت اسيطر علية فجأة قرر  يهواه
ما اعرف اذا كان حب او مجرد منفذ للأيجابية
لكن كان يعجبني اضطراب نبضي بسماع صوته

اتصلت ماارد تأفأفت وعفته كملت تجهيز الفطور صعدنا صلينا وگعدنا نفطر
هدوء مرعب عائلتنة ماصفا منها غير اني وامي

الاصوات السائدة كانت اصوات ضرب الملاعق بالصحون اصوات سكب اللبن او الماء بالاكواب
اصوات حسرات 
على ضوء فلاش الموبايل

:ماما انطيني رگية

ردت بصوت مختنق:لاا تشبعين ماي خلصي ماعونج واكلي
مارفعت راسي لان ادري بيهة حابسة دموعهة بصعوبة
صررت اتنفس من فمي احااول مثلهة اتجاوز هذا الهدوء الحقير
بس ما گدرت بجيت بجييت بصووت عاالي 
عفت مكااني ورحتلهة بحضنهة

:مااامااا ارريدهم ارريدهم كلهم  ماا ارريد اكل ووحددناا بااعي مكاانهم فاارغ لا بابا ولا رانـــيــاا ولاا زييااد ماا اعرف هييج ماا اعرف اكل

:اشششش گولي لا اله الا الله اصبرري يرردون ندعييلهم  ضلي ادعي الله اكبر من همناا رحمته اكبر من فراغهم ادعييلهم

:مااامااا مااايجووون تعبت ماايجوون

:اسسكتي لااتحجين هيج لاا توجعين كلبي فال موو زين هذا اصصبري كبلج امج مل الصبر مني وانا ما مليت

رجعت اكل غصب عني صارت هي توكلني اكل بس حتى هي تاكل وتاخذ علاجهة

قبل لا ننتهي اشتعلت الكهرباء نزلت الاكل والفراش  وصعدت لماما تتكأ علية عفتهة بالغرفة تقرأ قرآن واني رحت اكمل شغلي
قاطعني اهتزاز الموبايل شفت الاسم ابتسمت ابتسامة خفيفة وطلعت بالطرمة

-الووو
أسامة-هلاا والله

-شلونك
-الحمدلله انــتِ شلونج الوالدة شلونها

-الحمدلله زينين بس عفية اشو رانيا ماكو

-ماخذها هالك وطالع لبيت بشرى

-هي زينة

-لا هي رانـــيــاا زينة عد اهلها دگولها طابع

- أسامة عوف الشقة
-راح أگولج شي الشقة مو تصدكين

-شنــو

-هوواي مشتااقلج مشمش

-عززاا شبيك

-اشاقة وياج واختج زينة لان هدوء وحدة عرمة اذا سوالها شي تفضح الدنيا
-هي مو هيج حضنا المصخم هيج سواها

-تخلص وتصير سوالف
رديت بصوت باكي-بس زياد مايرجع

-هاا هاا هاا مشمش ..دا تبجين ووينج اسسمعيني احااجيج

-هااا
-ليش ماتجين هناا تغيرين و تبقين جوة ونغور قـــــيــصـر نخلي رانيا تسود عيشتة

-لاا عزاا مستحيل بيتكم تلعب نفسي اكرهة هو والبي

-كلهم
-شنوو
-كل اللي بي تكرهينهم

-لا شلون اختي اريدهة

-وبعد
-نجاة حبابة
-مممم بعد
-حتى الحارس حباب

-ررااح اطيح حضج وبببعد

-هاي هي

-لااا ياا زماالة

بااوعت للموبايل مبتسمة ادري يريد اكول اسمه
دزيتلة رسالة حتى انت حباب
رد بقلب احمر

بالليل اتصلت رانيا مرة ارزله ومرة ترزلني
بعدين ماما تعيط بينة نبطل

مرت فترة واجا احمد ابن عمو فؤاد كلش احترمة يستحق الاحترام بكل معنى الكلمة

سلم ودخل يم ماما يسولف.شلونكم وشمحتاجين
ماما غمزت تقريبا خمسين مرة هررست شفايفة بالعضات وهي تلمح
اخر شي طگ كلبهة وحجت

ليلى:.مشمش جاي ل اخوج ماما
مشمش:ماما يمكن مايريد
احمد:ههههه لا اريد بس اذا مابيج حيل مابلازم

خجلني والله نهضت سويتلة جاي اريد اطلع گال

:تعالي نور عندي حجي وياج
گعدت صافنة بوجهة منتضرته يبدأ كلامه اخذ رشفة من الچاي وگال

:ليش ماترحين لجدتي خطية دوم تسأل عنج

مشمش:والله مالي خلك وهناك لاازم يسمعوني كلام واني البية مكفيني

:شنهي البيج كولي انا اخيج انخيني وما اردج

:مشكور والله بسس ما اريد اطلع فدوة عوفوني

احمد:لخاطري ولخاطرهة شنو.مالنا خاطر يمج
:احمد فدوة
:يلاا بدلي حتى ترحين وياي گدامي محد يسمعج حجي يلاا من رخصة عمتي

ليلى: يلاا ماما گومي

گمت بدلت  ورحت وياه لكيت بيبي بغرفة وحدها ابيت عمة خطية تعبانة كلش ضعفاانة مريضة

سلمت على عمة ورحتلهة
حضنتني تبچي وتصيح
:تبررريتي مني يالحنيينة هديتيني يمششمشش ليش بيبي لييشش هيج

مشمش:بيبي والله مو قصدي بس ماا اريد اطلع ماا اللي خلك

:عمة عين راايج اوودي علليج الررايح والرراد شماالج يمة ششجااج ششصاابج
:سوودة علية بعد اجيج والله

:لااالة ماا اضل هناا اريد ويااج

:صخاام بيبي صدك تحجين وين وياي اخااف تتخربطين والله ما ادبرهة

عصرت ايدي بمعنى اسسكتي
من طلعت عمة خاالدة كالت
:ولج بيبي اخذيني يمج ماا مرتاحة هناا

:ليش منوو وياج والنبي افضحهم

احمد:دسمعي منهاا اطيها مجاال

:ولج يمة فريخات عمتج يسسهروون الليل كله ماايخلووني اناام وانا مريضة تعباانة وغداهم وريوكهم واحد واناا اريدلي لكمة علمود اخذ دواي
ييمة الله شاهد البت ما مقصرة بس عيشتهم ماتلوگلي  ورجلهة صاير يتضايك وهي تسترلي گدامة اناا اخافن يوم يطردني

احمد: جا موو اكلج تعالي ويااي ششسويلج بعد

:غدددي ابووك عربانة لمك ششسوي كاعدة عدكم اكعد عد بنيتي

مشمش: بعيني بيبي بس اذا تخربطتي شلون

احمد :اناا وياج بس تعتازين شي دگي علي

مشمش: يلاا همزين ضعفوج حتى ما احتار بيج

سحبتني لحضنه تبچي:بعد عييني سوالفج وولج وعلي كلبي موجر عليج 

رجعنا اني واحمد وبعد فترة قليلة جابوهاا جاانت حيل فرحاانة ماما ابد ما مانعت
كان عندها ايمان كبير ان اي خير تسوي للناس راح يرجعلهة بطريقة اخرى
وكلمته الثابتة
:ماكو شي يضيع عند الله
التهيت بيهة اسولف وياها سوالفي صارت سوالف عجايز من وراهن

في سياق الحديث اجت سيرة منى جايتهة تشتكي وبيبي مررزلتهة

:رييلج مدللج حاطج بعيينة ششترردين بعد

منى :بيبي ماا ارريده ماا احبه هيي گووة يربي اشتكي المن انتو ليش عبالكم الزواج بس اكل وشرب
ترة راح اموت مداا اتقبله

:منييوة لاا تعلگينهة بيين الززلم الوولد هااويج اسستقري واكضبي بييتج هوو انتن حضجن هييج اررضن بقسمتجن واسستقرن

:اكلج بيبي هوو زياد بعدة بالسسجن

:ولللج عووفي صخااام عووفي انسسي حتى لو رد بعد موو من نصيبج اررحمي رووحج ييمة لاا تفكرين بي طلعي من رااسج

:بااباا وعمو شهاب وماما وحق الله للمووت ما اساامحهم

:حمااتج ششمالهة ويااج

:خل توولي هااي عباالهة اني عايشة ملكة ذاابحتهة الغيرة تشوف هشام ينكل ويكوم بهلاكل علية

:اا ماا تحترمين رووحج

:ماا ارريد اكل ماا ارريد لبسسهم بيبي افهميني مداا اتقبله والله حتى ابني مررات اكرهة

:فلك فلك ابوووج ياا برر…… . هسسة اتكاتل الزلم من وراج  انــتِ ماتوبين

ماكانت تكدر تحجي ولا تشكي لغير بيبي  اخر شي عايفتهة ورايحة تبجي

بفترة الامتحانات  كاان اسامة هو  اللي يساعدني ويلخصلي كلشي  وهذا اللي قوة علاقتنا اشلع گلبة مرات يتحملني ومرات لا والله يطگ

أسامة:هاا افتهمتي

:اي اي افتهمت

:ديلا لعد افتحي كام و حليها گدامي

:لاا لاا افتهمت

:يلا مشمش لاا تشلعين كلبي ارريد اناام

تماام فتحت كام  وجهت الكاميرا على الورقة

:لااا حطي على الميز وحلي
:لعدد تششوف الحل بووجهي ششسالفة اساامة
:لج مششمشش شهالصووت تخبلتي.
:ايي مااماا تخبلت رااح اششمر روحي من السسطح

رد وهو يضحك ترحيلهة فدوة لعمتي

:خاالتك
: مو شغلج انــتِ غبية متفهمين
يلاا حطي گبالج ارقبج

حطيت الموايل وهو كبالي مبتسم يمة كوب قهوة وكتب منتشرة

:عززاا باع الكتب شهالعبان نفس

:اخخخ الله سطررتني  يلااا ابووية يلاا

احل وكل شوية اخزرة يضحك لوو اباوع للباب خااف ماما تدخل تفضحني تطيح حضي

راويته الحل ..باوعلي بعتب

:لييش هيج وصاار ساعة اششرح وتصيحين افتهمت  شسووي هسة اشك هدومي

:لاا عزة ننفضح

ضحك رديت علي ابرر فشلتي وغبائي
:بسس شسمة باوع أكولك تررة هوو يسسوو سهل يعني اني متأكدة ينجحونة

:شهالتفكير الزبالة يعني لان ينجحوج متدرسسين لج بابا هااي اولياات للدراسات الصعبة اللي راح تدرسيهم بالسنين الجااية
هذاا الاساس اذاا مافاهمة الاساسيات انسسي النجاح بالسنين الجااية

:هسسة يجووز نمووت

:هسسة بالقران حرركتي كلبي ررااح اعييد رركززي
الحمدلله حليت بعد الاعادة ضليناا نسولف اونتكافش بلاحرى
لوو يخليني احجي وي اخته
كانت خجولة هادئة جميلة مختلفة عن اسامة بس گدرت انسجم وياها بسهولة

ليلة العيد رانـــيــاا صارت تتوسل اجي يمهة
زوجهة ماكان يقبل تجي بچت هوواي وهي تتوسل كسسرت خااطري وافقت اروحلهم فقط ايام العيد وارجع
ماما بقت يم بيبي وتساااعدهة عمة خاالدة اللي كانت كل يوم تجي ل امهة هي وساجدة
الا سمية زعلت وقاطعت بيبي شلون باقية عند عدوتهة

رحت ل رانـــيــاا  اخذني الها خالو الها مفاجأة مااردت تعرف اني جااية
الشرطة دخلونا بس خالو خجل الا يطلع صاحب البيت

دخلت للبيت  وقاابلته طالع من الاستقبال

فاتح عيونه رافع حواجبه بخفة بأبتسامة خفيفة تكلم

حسام : مشمش ؟؟

________________________

رانـــيــاا

:عززززااااا كنت لااازم حذائك

:اششتعل عمج كمززتيني باسني خطف بحنكي  مسسحتهة بقووة ووخررت للمطبخ

:سمسم غسسلي وصعدي واذاا ترردين اخذيلج اكل فد مررة اتأخر اني وماا المحج هناا الكاميرات يمي ترة

:هوو شصاير
:يلاا يروحي

يحجي ويرتب بشعرة وملابسة بمراية الصالة الخارجية كمل وطلع

اخذت اكل وحلويات ارريد اصعد لمحت اسامة جااي من برا
تعديته زعلانة منه

:رانـــيــاا
:لا تحاجيني موو تغلط علية
:هوو غير لو لازمج بذاك اليوم اطيح حضج
:شعلية اني هوو غبي
:لا هو ذكي انــتِ الغبية
:نعم الله عليك

أسامة: تعالي شووفي منوو وياي

:منوو

رفع الشاشة بنية ناعمة حيل لازمة كاس لبن وتباوع بغير جهة

:انووس بااعي منوو وياي
التفتت نزلت الكاس وتكلمت وهي تبعد الشعر عن وجهها
:هلااو
اسامة:هااي رانيا المخبلة كل مصيبة تسويهة انكتل اني

ايناس:هلاو شلونج اني اخت اسامة

:الحمدلله انتي شلونج .. باعي ترة كذاب هم متوحشين الا يضربون يلا يتفاهمون

ايناس:لاا اسامة معلي صوجهم هم اني واخويه حبابين

:بصراحة اي والله حبابين الله يلم شملكم

اسامة:ماضل شي أن شـاء الله اخذها ونحلق

باعتلة مستغربة:شنو قصدك

:يعني قصدي اصعدي انــتِ وكمية الكاربوهيدرات والسكريات الضارة العملاقة

:نعمة الله ترة شسالفة حتى البقلاوة ماخلصت من شرركم

صعدت ادردم وهو كمل طريقه يحجي وي اخته

بدلت ملابسي وشعلت الشاشة وكعدت الله هداه حط شاشة جان تخبلت فد مرة 
حطيت الاكل من دون ما احس غفيت

فزيت وقيصر كاعد گبالي

:ششووفي هذاا شووفي خليت اخوج يسلم على عزرائيل ويرد علية بي  اربع مررررااات زياد عماااد وصل الموووت هو وجماااعتة.. شو صافنة اراويج شلوون اررراااويج

لبس الكيس براسي وشدة من منطقة الرقبة مقيدة ما اكدر اوخرة بسس احرك  برأسي

حجة يم اذذني اعترفي  واخلصي من منوو تشتررون المخدرات ووين تبيعوون دم الشهداء مااراح يضيع  اعترفي واخفف عقاابج

قـــــيــصـر: راانيااا ششكووو ششبيج

فتتحت عييني دفعته بقووة ووكعت من فووگ الكرويته اششهك واصيح

:لاااا فددووة لاا موو انيي موو اني

:لج ششبييج منوو  وييااج ترراجعت مبتعدة منه اششهك واباوع بالغرفة والسقف  وهوو كاان ملاامحة خاايفة لابس فانيلة داخلية وسروال

:ششبيج حبيبي منوو يمج

تمدددت بلارض صاافنة والهث رديت علي بتعب
:اخخخ يا الله ششسوويت بية اني شووكت انسسى شووكت اخلص منك

:شمسويلج يروحي والله هسة اجيت هذاكابوس

:كاابوس صاار سنتين وبعده مسستمر

:والله زينة انتي دتحسننين هواي الطبيب ينطيني اخبارج يكول وضعج جاي يتحسن تتذكرين قبل كنتي ماتكدرين تنامين حتى

عفته ونهضت اغسل بلكي ترد روحي لان انسلبت بهالكابووس
تأخرت بالحمام رجعت لگيته كاعد على طرف السرير يدخن
رحت گعدت على الكرسي المتحرك رافعة راسي مغمضة وهواء التكييف البارد يلفح صدري هدأت شووية قاطع هدوئي كلامه

:مشتاقلج هواي
فتحت عيني والتفتتله

:اي مو جنت بالصين وهاي جيتي

:رانـــيــاا مشتاقلج لاا تستغبين  اريدج بحضني
:انــتَ كلت ماا اجبرج على شي
:ما اجبرج تعاالي لحضني من وحدج يول  انــتِ شنو حجاارة ماتحسين
:لااا ماا اريد ترريد ذيج مررتك جيبهة احضن وبوس بيهة رووح الف وحدة ضالة بالشارع

:شنوو الالف وحدة ششتخررطين انــتِ

:ماكو شي ماا اريد تندالي كلبي يضل يوجعني

مد ضهره على السرير ورجلي بلارض ويدخن ينفخ الدخان للأعلى
بقيت اهز بالكرسي لحد ماا غفيت

گعدت ضهري متكسر عاقجة وجهي بأنزعاج من صووت عبد الله
ينادي بأسم قيصر وهذا رايح منتهي

نهضت ليم رااسه احااجيي واتجنب اذكر اسمه لان اكره انادي بأسمه وايضا كلما ناديته بأسمه يبتسم يضل يباوعلي يستفزني

:باااوع احااجيك اخووك يصييحك
ششسسمة هذاا اخووك براا يصيحك أگعد
ششساالفة ششنو متت

رد بصوت ناعس: ايي خو انــتِ تكيفين ترديهة من الله

كمزني صووت عبدالله

:قييييصصصرررر شششنوو قتلتك مرررتك

رحت من يمة بعد كعد حسسيته نهض بسرعة حضني من ورا ششم رقبتي رفع رأسه باس راسي وراح يمشي

ضليت مثل وكان صرصر مر على رقبتي انصرعت امسسح وانفش بكفششتي واتأفأف وهو بدون مايشوفني بس اكتافة تهتز حسيته يضحك علية

فتح الباب وطلع لعبد الله اة
عبدالله:ششساالفتك ششنو واكف اجددي منكم والله ماتستحي ولااا تصيرلك جاارة

:تعبااان والله ومقهوور رووحي طالعة قضية ساطرتني كلماا تووصل حدهة تفششل

عبدالله:الف مرة حذررتك ابن عدنان مامرتاحلة قـــــيــصـر اكثر من لقطة لزمت علي وبعدك تحطلة اعذار 

:لاا مالة علاقة بس هم مراقبة اششوف.شيصير

:ززين ششسالفة الديوون ششنو هاي المبالغ ششعندك

:منو كلك

:اخووك اني قيصر  المفروض ادري منك قبل العالم يا ناقص
:احتاجيتهم عندي موضوع
:موضوعييش لاا تخبلني المبلغ يكسر الضهر ششعندك  انت على الراتب لاا تضل تخيط وتخربط وحدك

:شسالفة عبد شبيك ترة عقلي براسي اعرف شدا اسووي  لا تخاف
:رانـــيــاا الهة علاقة بالموضوع

:لااا ياابه شجاابهة الموضوع يخص شغلي مالك علاقة اني اتفقت وياه على التسديد

:والله ماا ادري بيك المهم دير بالك واذا احتاجيت شي تعال گولي لا تخليني اسمع من العالم
وابن عدنان احذر منه

:صاار
:انزلو تسحرو لا ترجع تناام
يلاا في امان الله

:الله وياك
:هسسة اني شستفاديت اششو لا اخذت منك لا حق ولا باطل
:لاا تخاف.ماكو شي والله

قبل مايدخل رجعت ارركض
باوعلي وصاح
:رااانييياااا
:هااا
: احببچ
:اسستغفر الله
;ههههه هاا عبالج كشفتج جنتي تتنصتين لا حبيبي ولاحسيت  ولا شفتج تسولفين وي اسامة الفاهي

:كلها مو زينة بس انت زين
:غصبا عليج
تقدم علية مبتسم

:هااا عندج اعترراض
ركضت واصيح : لاااا لااا مااعندي قبل لاتكمل الركضة شاالني

:ششدتسسوي نززلني

:تعاالي نتسسحر 
:نزلني نززلني
:كوولي حبيبي قيصر نززلني

:والقران رااح افضحك

:كوولي قيصصر نززلني بالعجل رراح انززل شايلج والله

:نززلني قييصر نززلني والله عييب

:مااكلتي حبيبي

نزلني الدرج داايرة وجهي منه وهو يحجي
:وحق الله صرت كل ما اكل اششوف السمسم اذكرج سمسمية شلوون بيية وي كلبج

طلعت امه شافته خززرته

:هاا يووم غررتي
:عششتو مااضل غير هاي المتردية اغير منهة

قيصر:مااعدكم ذووق والله

ميسااء: ايي ماعدنا خلينا الذووق الك وللمسسيحي
نززلني ورواح ليمهة مووسع عيونه بصدمة وغضب 

:ششلوون شكلتي عييديه بالله

:قاابل مكذذبة ششلون ماا انقررفت منه شلوون بعدهة يمك وهي مرت على كل هالرجال تارك زوجتك تعادل هاي وعشيرتهة وضال فرحان بهالقذررة

ابااوعلهة احسس  خنااجر بكلبي بسس صاافنه بوجهة وارجف

تكلم مصدوم من كلاامه:لييشش يووم ششنوو اسستفااديتي ششنوو حصصلتي لييش حجييتي هيييج لييشش يوووم مأذذيج بششي مقصصرر وياااج لييش هيييج حجيييتي لييش

طااولة الاكل بكااملهة گلبها مااترك ششي ساالم بالمطبخ وهي كاانت تسستفززة بنضراتهة الخبيثة  وكأنه تگوله لان كلامي صح ماعجبك

اجاا اسامة يرركض من صووت العياط والتكسير
وكف متخصر هز ايده وراح همززين ماشافه قيصرر

ميساء: اسستمرر كسر شگد ميعجبك.كسسر ومراح تغطي عاارك
بقت سالمة لا انضربت ولا انقتلت ولا انطردت هااي حوبة زيينة هيج سسووت بيك

:لاااا يووم هااع عهااارتجن وعررامتجن انــتِ وززينة هيي تخطط وهاااي لان مرريضة وغرريبة وتخااف تنفذ

ميسااء: تغلط علية قـــــيــصـر تغلط على امك

:وووييينه امييي مااا شفت ام  ويينه بدوامه ويينه عد زووجهة يمووت تااخذ ثاااني يااا ام يووم مو مخصصلج كمية.احتراام تناااسبج تبذرررينهة ليشش
اصلااا احتمال الف بالمية هااي خطتج موو خطة زينة
وسسكتت وبلعتهة وكلت اميي
كفي ايددج مني امييي لاا احطجن انــتِ وززينة واحررگجن

عاافهة بصدمتهة واقتررب مني سسحبني من ايدي صعددنا فووك
دفعني بالغررفة وررجع طلع من صووت الباب عرفته صعد للسطح

صمنا بدون سحور بسبب ميساء وابنها

گعدت من صوت حركة السرير بس سويت نفسي نايمة   اسسمع حسسراته يمي بسس سويت روحي ميته منطيته ضهري

دقايق وصار يفتح ضفيرتي بحركات هاادئة خفيفة
يششم بالششعر بقووة يووخره من كتفي ويحجي بصوت هامس
:اخخخ يااعطر الوورد اخخ يااريحة العنبر رييحاانه يوول موو بنية

نززلت من السررير بسسرعة رجع نفسة على المخدة غمض عينة وتكلم بنبرة غريبة

:رجعيلي گلبي يول رانـــيــاا متت الله اكبر عليج شهالغضب

:انــتَ موو وعدتني مااتدنالي

:اررجعي لمكانج ولا تسمعيني صووتج لاا اسوي شي اندم علي

دار وجهة واني رجعت لمكاني

بعدها بفترة العصر وهو جاي من دوامه جاب اطفالة يتفطرون يمة
صعدو للطابق يباوعولي يخزروني

قمر: غررفة ماما هااي

عقجت وجهي ورديت:اي هاي كله بسبب ابوج ابوج هو طردها وجابني هنا ترة اني ما احبهاا

:صدُگ
:اي والنبي ولاا احبهة

:ماما كالت بسببج راحت ماما ما كذابة

:لاا والنبي حتى روحي اسألي ابوج

مؤمل:سنسم يعني انــتِ ما بوگين غرفاات

:لاا ابد ولاا ابوگ اني ابوگ بسس اكل وحلويات بگت حلوياتكم

مؤمل:حلاااب لاا سمسم لااا حلب(خرب) يوومج  ضمييتهم اني ليشش لييش لييشش

:معليك اشتريلك غيركم لعد وين ميورة ماجبتوها

قمر:خطية مصخنة ما اجت
عاادي ندخل لغرفة ماما

:دخلو بكيفكم بسس اني راح اكل البقلاوة كلهاا 

نزلو يركضون قبلي ماا أگدر انكر ان مازلت اعاني من بعض الوسواس ماكنت اتقبل الكل
وقيصر لو ما اشوف شلون مهتم بنضافته يمكن كان زاد جنوني
هو اصلا يتعمد يرش المنضفات كدامي ايده اوو الاماكن ينضف يرتب يحاول بس اني اضل انضف وراه مرات يتضايق مرات لا لان اعترف كلش ما اسيطر على نفسي

هو نايم واني بية مرض ارتب اطراف الفرشة لوو انهض من نومي حتى امسح بقعة صغيرة على المرايا
افتح المجرات كل شوية اتأكد من  ترتيبهم
اشم بملابسي والوسائد وكل شي يصير بأيدي
وهواي تفاصيل تزعجني بس ما أگدر امتنع واتوقف عنها

امه زعلانه تاكل بغرفتهة واسامة برا  بقينه اني وياه گال
:امشو ناكل يم بشرى عزمتناا

رانـــيــاا: الله يخليك اخذهم وروح والله ما ارتااح ما اعرف الا اكل نجاة

:حبيبي والله نضيفة اكلها نضيف ومرتبة موو شفتيها

:ماا ارريد

:موو عززمتنا عيب ياا روحي

التفت لقمر اللي صاحت بصوت عالي
قمر:بابا اريد ماما تررجع ماا اريد نبقى هناك حباب

:صاار يصير خير

:بابا كل مرة يصير خيير نرريد بيتنااا

:هسسة خل نفطر ونتفاهم قمري عمري انــتِ

شاورت بأذنه  بس سمعتها:لاا تكوللهة عمرري ورووحي بسس اني

ضحك بصوت عالي وبااسهةورد بنفس طريقة همسها:تامرين امرر  اصلا ما احبها ولا ميت عليهة خل توولي

تبدلت الوضعية بدل مانروح اجوي يمنا بشرى واطفالهة وزوجهة

تفطرنا وكل واحد راح ل اهلة والاطفال دزهم ل امهم
ورجع لدوامه
الراحة النفسية لما انام وحدي ياابه احس نفسي طيره
الطابق الفوك وحدي يصير هدوء

ساعة ابچي سااعة اضحك مثل المووج الذكريات تسسري بية
من زيااد الى سرى الى بابا
بااباا القاسي اللي حبة بقلبي بدون اسباب قسوته وعنفه كله مااغيــر حبه بگلبي

وحتى ماما ماا اكرههم ابد 
لكن بداخلي دائما اكو عتب  عليهم

غفيت واني اهز بالكرسي گعدت بسبب صوت فتح الباب

:فززتج يروحي
:اسستغفر الله
:هااا شكو كفرت
:وين تريد توصل
:لگلبج
:هو ضل گلب ضل صخام
: عادي هم احبج ..اكولج رجلج جوعاان اريد بيض وطماطة
:تعبانه مابية حيل
:اهاا ترة امج خطية هواية اتصلت

:صدك دنطيني الموبايل لعد
:جوعان مابيه حيل
رحت من يمة اتأفأف بضجر
:اوووف ياااربي اوووف
ضحك ورد
:لوو بكل اووف بووسة هسسم علاقتنة لووز
:اهوووووه

:حبيبي موو تخربطين بين سم الفار والفلفل الاسود 
نززلت سوويته ضليت احجي وياهم لحد ما أذن

رحت غسلت وتوضيت لگيته بالغرفة مخلص صلاته ويسبح
باوعتله رافعه حواجبي بداخلي احجي
:صلااتك مااتوصل السقف يا زاني
اسستغفر الله هسسة اني شكوو

رحت طلعت السجادة  والمحرم
كملت الصلاة وفتحت القران اقرأ  بهدوء
دقائق وگعد يمي  صدقت وغلقت الكتاب
باوعتلة بأستفهام
:هااا ؟
مــد ايده للقرآن يباوع بعيني ويتكلم

:أقسم بهذا القرآن يارانيا بذاك اليووم مااكنت بوعيي والله اني موو زااني والجرريمة اللي سويته بييج ماا مسسويهة بعمرري
واذييتي الج بالتحقيق موو عداء بسس حتى نلززم العصاابة
:ومن كسسرت راااسي بالباب ومن فرركت حلگي ملخت لحمي بأسنااني

:هنتيني رانـــيــاا سبيتيني وتفلتي علييه
تنهدت بدمعة ورديت

:وهسة شتريد

:اريدج الج كلج  ادللج انسسيج والله

:اي فدوة نسسيني
نسيني صرخة زياد وانت واكف على رجله نسيني من راويته اللي معلگ ادي بالعكس نسسيني منضركم وانتو تركضون ورا ابويه بالعصي نسيني من تسسببت بهذا الاثر وهذا وهذااا وهذا نسسيني من حكمت الا ابقى بالغرفة الخامسة نسسيني عمايل نصررة وررسن بية نسسيني اليوم اللي دزيتولي بي اضافر وشعر زياد وبابا
هوواي هووااي ششهوور اني بالسسجن اتعذب بدون ذنب كل ذنبي خفت على اخوي وردت اووكف عذابه 
هذاا الدكتوور كليوم يخليني اعييد الكلاام منتضرني اتعووود ماا اتعوود ماا انسى اني ذااكررتي حديد ماا تنسى الاذية
قيصرر والله يووم عييد يووم فرگاك

مدنگ ويسمع رد بصوت خاافت
:ماا اعووفج ماا أگدرر  والله
حتى ما اتخيل اليوم اللي ما اشوف بي هالعيون ماا اتخيل احتااج اششوفج لوو احضنج وماا الكاج امووت

:لعد عااجبك ووضعي هيج

:بسس فررصة انطيني فررصة

:طلعني من بيتك وبالك ووديني الامي
وانتبه لعائلتك وزوجتك

:يعني ترديهة تررجع

:طبعا اليوم قبل باچر ،ارريد اخلص هوواي متقيدة ماا اريد اششوفك
:يولي تراا هناا گلب موو حجاارة كافي طعنات

:هسة انــتَ اطفالك ميكسرون خاطرك وهم يتوسلون بيك

:صاار ، تررجع وأدبهة اعلك ايدهة برگبتهة كم يووم

:تررة حرام عليك مااتبطل اذية تررة بششر احنا بششر

:لعد اني موو بششر لليوم اعااني من عمايلكم سووايه هي هااي رانـــيــاا

:هسسة اني شكو تضرب تملخ تگطع بسس شوية مني گااعد على المحرم ارريد اگووم

:ماا اضربهة ولاا اسوي ششي اتغير والله اصير مثل ما تردين مثل ما تحبين غيريني

:لااا تتغير اني هييج ارريدك انت لازم تبقى هيج لحد متموت  اريد اششوفك تتعذب بلاخرة منتضرة عقااب ربي بيك ششنوو غيريني ششنو عزة
شاايفني نبي لوو رسول

:اعووذ بالله  لج انــتِ ششنو
:عفيية ووخرر ششنوو هااي
اسسحب بالمحرم وهو يباوعلي سحبته بقووة  رفع رجلة وگعت كلي للوراء

:يااا الله  صدك تحجي

يباوعلي يضحك مد ادي كفشش شعري وراح تمدد ويحجي
:انيي كلبي  يرفرف بسوالفهة تگلي عووفني

بعدهاا بكم يووم ششفته من الشباك جاي من الدوام مديت راسي وصحت
:بااااوع ررراااح انززل
اقتررب مرعووب للششباك
:وووين ششبيج منوو وياااج
رانـــيــاا: لااا عززااا موو منا من الدررج ارريد انززل بعد انت اجيت ارريد اگعد بالحديقة
:اشششتعل عمج الگ…… .
:هسسة ششنو اريد انززل
:انزززلي
نزلت لگيته منتضرني بأخر باية
:فددوة لهالكفششة لهلعيوون فدوة ل الله يول رانـــيــاا اررحمي والله گلبي خلص
عديته ورحت للحديقة
قـــــيــصـر: اخخخخ كلبي

بقيت برا لوقت الغروب رغم الجو كاان حاار
وكل شوي يصييح من الشباك
: ماا ملييتي لج حااارة تسسمط سسمط رانـــيــاا
:عوووفني بحاالي والله اختنكت

بوقت الغروب ششفته ناازل ومبين هسة كاعد من النوم  حااط ايده على كتف امه يحااول يراضيهة

قـــــيــصـر :لااا تعبيني فدووة ارروحلج لاا تدخلين صااحبتج الطاووس اجييبهة.

:هذي كلمات الما تتسمى قيصر لتحاول تنتقص من زينة ابدا ما اسمحلك الانسانة الوحيدة اللي تستحقك وتناسب مركزك وترفع راسك هي زينة

:رااسي مررفوع لامحتاج زينة ولا طينة زيينة نزلت رااسي وورطت هااي الفااهية وخلتها تطلع الله سستر ما موتتها والله

:مووت الكلاب السوود
:خراا بهالثقافة الجلاب يووم الجلااب ياا كلااب
:شوكت تقلعها من الطابق الفوگ

:عندي شروط اذاا وافقت عليهم زينة ارجعها ما يعجبهاا تخفف علية لان مليت ومالي خلك

ميساء :شنو الشروط قيصر  انووب تتشرط عليهة فوك ما انت الغلطان

:سياارة مااكوو دووام مااكو صديقااتي قرريبااتي وفرفرة مااكوو

:مسسستحيييل انــتَ موو طبيعي شهالهمجية قيصر

:اضررب كالو همجي اعااقب كالوو همجي اعووفكم على حل شعرركم  وأتحجب والبسس كعب وياااكم ششرايكم  لااا تخبليني فدووة ارروحلج
كلت حيااتي لاا تدخلين بيهة يعني لا تدخليين اني اعرف اصفي اموري
عفتهم وصعدت سبحت وغيرت لبسي ماا مهتمة لا بيهم ولا بكلامهم
من حضرت على الفطور عرفتهم تصالحوو.
ميساء: قيصر هااي متكدر تدزهة يم اهلهة بفترة العيد ابدا ماا اللي خلك مشاكل ولاا تتشوه صورتنا گدام الضيوف

رفعت راسي اباوعله بفررح
دنك ورد
:ابد ماا أگدر ، وبعدين منين جبتيهة هاي تشوه صورتنه هي غير عبالك كليجة خو رييحته اوووف

:قيييصررر
:هااا يوووم لااما أگدر والله تعذريني يووم

من صعدنا توسلت بي ياخذني ل امي بالعيد حااولت بكل طريقة كان راافض بحجة ان ما يأمن بية وخايف عليه وعلااجج يتوقف
ماحاجيته ضل يحاول ويااي انسى الموضوع
:انــتِ شكو رايحة هنااك هم شعدهم هناا اني اطلعج والله ماا اخليج

:هناااك امي واختي واهلللي ششكوو باقية وياكم ششعنددي هنااا  فهمنيي ششعنددي
:عندج  اني رانـــيــاا
ضليت ابجي واصييح
:والنبي حتى اسسمي كررهته  سجن هذااا سجن قييصر ررااح اتخبل من ووورااك تددري لوو لااا

گعدت على السسرير  ابچي بحررگة
سكتت وصفنت بوجهة فجأة وهو يگول

:أذاا اررجعلج اخــووج تقبلين تصيرين مرتي

:هااا
:زيااد راانيا اذااا رجعتلج زيااد تقبلين تصيرين مررتي

___________________ يتبع pahrasoad

والباقيات الصالحات
بسم الله الرحمن الرحيم
لا حول ولا قوة الا بالله
سبحان الله وبحمده سبحان الله العظيم

اعتذر عن الاخطاء الأملائية... . وشكرا جزيلا لحضوركم 🦋❤️

حسابي الانستغرام