روح في بحر الظلام

الحلقة الخامسة والعشرون

روح في بحر الظلام

____ الكاتبة بحر _____

بنات كل اللي تمر من هنا ارجوكم لتنسون التقييم

بالنجمة والتعليق بين الفقرات لا ينزل تفاعلكم اكثر لان استمد قوتي منكم

+++لتنسون اضافة الحساب لطفا

بالنسبة للتأخير فوكات ما ايدي تعبان بيهه العصب وبالكوة اكتب وگعت علية جامة الكاونتر ولو ما الله ستر كان طار اصبعي وربي... دا اكتب بصعوبة وربي لتعاتبوني على التأخير لو بيهه مجال ابد ما اقصر💔

⭐🌟⭐

___________________

رانيا

اجو علي اثنين كانو مرة وشرطي ما اتجرء اتكلم عن معاملة الشرطي ووقاحتة وتحرشاتة وتصرفاته اللي تخدش الحياء كرهت روحي كرهت الدنيا اريد اي شي يخلصني من هالعذاب اي كلمة اي معلومة اذكرهه بس ماكوو

ربط رجلية بسلاسل من حديد وصلهم بأدية بحيت ايدي متوصل وجهي كذالك نضراته المليانة قرف تجاوزاته لمساتة حاجيت المرة ابجي بصعوبة

:خالة بستر بناتج وخري مني والله حرام دا يلمس جسمي

جنت احجي بحسرة وعبرة مخنوكة

خزرتة وصاحت بي گالتلة والله اوصل الحجي للرائد وتدري بية اسويهه خاف من الله ترضاها على خواتك هسة شعرفت منهه ضالمة مضلومة ماتخاف من الحوبة

:احترمي نفسج وسن تجيبين ذولة المجرمين ل اخواتي تاج راسهم

:متهمين ياا ذكي متهمين ماثبت شي ارحمو من في الارض يرحمكم من في السماء وهاي تضل بنية مكسورة جناح

:خوش لعد دمشي خل نكولة الرائد عدنان وسن تكول ذولة متهمين وانت ضالم وهاي ام المخدرات مكسورة جناح هههه

:لا على بختك شعلية منهم بس انا عندي بنيات وبنيتي بعمرهه وحاطة الله بين عيوني اگول الدنيا دوارة

:عود تبسمرين انتي،

يحجون ويمشون كدامي واني وراهم مقيدة مكسورة بلا ذنب ولا ادنى خطأ الحديد يحت بجلدي جسمي كلة متورم احس نفسي بغير عالم بليلة ويوم انقلبت موازين حياتي

وصلت لغرفة انقبض گلبي من گال ادخل دخلت كانو واكفين حسام اللي ملخ الترچية والضابط قيصر والرائد عدنان، ماكو كلام يوصف خوفي

صرت ارجف مثل السعفة في عاصفة تجمدت حسيت نفسي غريبة بوسط وحوش

حسام واكف وجه بدون اي تعابير، واللي اسمه قيصر كان يباوع بغضب، كان طولهم عجيب، عمامي وبابا طوال لكن مو هيج.

وهذا عدنان كان سمين ووجهه احمر كان يبدو في نهاية الاربعينات حسب تقديري اقترب مني بخطوات هادئة