منقذي سبايا داعش ( الجزء الاول والثاني )

بارت الاخير الجزء الثاني

تصويت تعليق عمري .

#منقذي_سبايا_داعش

............

ريام :- خاله بس هو يوم زين ويوم لا
العلوية :- بنيتي مسوين ب اماكن محدده ببيتكم بس غرفتج متروسه عيوني
ريام:- بيها ريحة تطلع الروح بس هماتين فترة وتروح وترجع
للعلويه ؛- اي يمه هاي من تروح يعني يروح السحر وتالي يتجدد ترجع عامين عيونه يمه بس رجلج نجمه قوي يأثر بي شويه ويروح يفشل

دحكت ب امي شحجي ماادري
اخر شي ختمتها وهي شفتها صارت بيضه ضربت ع رجلها وكالت :- يا يمه عمت عيني
بسرعه فزيت :- شنو خاله
- مسوين الابنج هم عمت عيني سوده عليه
هنا سودت الدنيا بعيني وصارت شهكتي تنسمع :- شنو!
دحكت ب امي وبيا وكالت :- مسويله جنون وشلل وموت .........
- شنوووووو؟؟؟؟؟

للحكاية بقية

وردة الشيخ محمد .. السنددددد ♥️♥️♥️

بارت واحد وتنتهي رحلة مُنقذي سبايا داعش ♥️ احبكم گد رحمة الله
[۱۱/۱۳،‏ ۰:۱۴] ⁽🧚🏻‍♀♥₎𖢷مووولی: الحلقة الـ٦٢الجزء الثاني والاخير
مُنقذي سبايا داعش ♥️

وردة الشيخ محمد

صارت المرة تحجي واني اتوقف العالم والدنيا عندي وحسيت جسمي گب نار من الحرارة والسخونة وحركان الگلب
للعلويه :- يعني يايمة رجلج زين منه متحمل هالفترة كلها عجيب شلون باقيه ممتطلكة لليوم ، ياريت بس هذا عدكم هوايه ناس مترصدتكم ومتخلصون يمه لان محد يكدر يحجي وياهم

ريام :- زين خاله ابوس ايدج شنو الحل والله اني مااصدك السحر هجي يسوي خاله والله متخبل يعني اعصابو دمار وخالتي كدام عيونها كُلشي ومتحجي شي تحسينها تغلس وتتجاهل والله تملخت كدامها وكدام حماتي محجت اي شي

العبريه :- اي يمه عگد اللسان لو شما يصير متحجي شي يعني لو كدام عينها متحجي وهاي الي مسويلها ناس قريبين منها

مسحت وجهي وبجيت :- خواتها ياخاله .. خواتها موتونا شحجيلج ماادري
للعلويه :- بس ابنج مابي شي يعني مسويله بس مينجح وينام هواي بس شلونه يكعد يمشي حركته شلونها
ريام :- يزحف خاله وهماتين يكعد وايدو يحركها حركتو طبيعيه
العلويه :- اي زين عيوني اني حكتبلج ادعية وعوذ خليها بهدومج انتي وياه كون متنذب ملازمتج وين مترحين
دحكت ماما وهزيت راسي وبجيت كعدت تسكت بيا ، من قهري صرت اتوسل بيها وكاضبه عباية اني وانحب وابجي ودموعي تحرك وجي لامسويتلهم شي ولا يمهم اني ليش ديأذوني ويأذون طفلي

كتبت ووصتني على حرمل وورق غار وابخر كل ليلة اربعاء وليلة الجمعة وانطتني عوذة اخليها بركبة الفهد ولبست وحدة بركبتي مثل الكلادة ووصتني بالصلاة والتقرب لله
رجعنه للبيت واني طول الطريق ابجي وروحي تعبانه وذبلانه
بس وصلنا صعدت فوك مالي نفس بشي و الف فكرة براسي وادري هو حالياً بالدوام ..الله يعلم بيا حال صارت سالفة تجيبني وسالفة توديني

بقيت طول الليل السبحة بيدي وفهد بحضني واسبح واستغفر وايدي تمسح على راس طفلي ، وصلني مسج رفعت التلفون رسالة عالواتساب :- الجنت خايف منه صار ، والترديه يجرالج بويه ..

شفتها ومرديت ڪلـَبـʊ̤ مأذيني راسلت الابنية وصرت احاجيها وابجي جاوبتني بجمل لليوم مزروعه ببالي :- ريام ، زوجج يحبج ومواقفه كلها تشهد صح عصبي بس تكدرين تقيسين تصرفاته بقبل وبعد ، يعني صار الج سند بالوقت الي ماعندج بي سند ، صار الج كتف تبجين عليه بالوقت الي كلها تضحك على دموعج ،

صحيح هو عصبي بس بنفس الوقت سوه شغلات هو مايحبها في سبيل يرضيج اتحملج واتحمل خبالاتج ، تأثير السحر فقدة اعصابه لان استغلوا اقوه شي بشخصيته الي هي الاعصاب استغلوها وزادوا الجرعه حتى يخلوها تصير ضدج وتأذيج ..

كلنا عدنا حالات نمر بيها نفسنا ماتتحملنا ، كلنا نخطأ كلنا نمر بأوقات حتى الناس تكرهنا بيها ومحد يطيقنا بس انت تحملتي رمح ورمح اتحملج يعني واحد كمل الثاني ، وهو من النوع الي يقفل بس انتِ صرتيله مفتاح ... فكري زين ولاتخربين حياتج ، عاقبي واخذي حقج بس لاتهدمين بيتج

ريام :- اذاني بدون وعي ، متوقعته هجي وحش كمت اصيح اكلو رمح اني رياااام بس مسمعني واذاني وهضمني مستحيل اتقبلو بعد
- شنو الي باقي من عنده عندج
ريام :- كلشي ، كلشي بعدو نفسو هو هو .. بس كلبي ديوجعني اني وياه بيناتنا ذكريات تخبل رمح كلو حنيه وكلو اعصاب مداافهم شلون اتصرف بس الي اعرفوا ذكرياتنا دتموتني
- ريري ، كلنا بالنهاية ذكرى ..

للحظة استوقفتني الجملة ، تذكرت شغلو ودوامو تذكرت كلامو لما جان يكولي ( حاسج راح تعوفيني) ( ماتتحملني) ( خايف افقدج خايف التفت والكاج منطتني ظهرج ) تذكرت شلون لما جان ينزل من الدوام ويدز اهلو ويقابلو اهلي بالرفض ومامل ويكررلي (قافل عليج ) صرت اذكر كلشي وابجي لحد الانهيار .. تركت الجهاز ونمت ودمعتي بعيني

الصبح كعده خابرتلي حنين :- هلا حبي شلون صرتي
- الحمد لله عمري خالتي خو ما بيها شي

- والله مادري شكلج ريام امي ذبلانه حتى ريوك ما تريكت و صلاتها اليوم صلتها قصر و مدا أعرف شبيها ذبلانه تعبانه تفتر بالبيت وروحها دتلوب

- يااا خالة حبيبتي شبيها ليش هجي رُمح حجه وياها صيح؟

- حتى رُمح ريام من طلعتي خابر اخويه ابو ليث هو و ليلى كلهم تعالو البيتي امه طالع للدوام وهو اخذ جنطته و طلع حتى بدون ما يودعنه ولا يسلم علينا

- ﷲ وياه يرجع بالسلامة

- شبيكم يا عمري شصار بيكم امي شبيها أخوية شبي كسر الغرفة تكسر مو كسر جامه من الكنتور و خلع الباب من جنتي موجودة؟

- اي؟

- كسر باقي الجام و فلش ميز التواليت و طلع .. و شايفتو أنتِ شكد أعصابه برأسه و ميتحاجه لو عصب هالمرة بعد اكثر واضعاف اضعاف الدرجة خشمه ضل يصب دم والعيون نار وشرار وطلع للنادي مرجع الا الصبح حتى عضلاته مزوركة من الحديد

- الغرفة شعليها

- حظها ههههه

بقينا نحجي ونسولف وحجتلي خالتي كاضيتها بس تتقيء ووضعها ميطمن ، صرت اخابر حنين و التهي وياها هي و البنات .. و حاولت اتناسى رُمح بس هيهات اكدر انسى .. حتى اللكمه من اكلها اتذكرو بيها ، اكثر من مره خالتي جت عدنا تشوفنا ووجها كلو حزن وقهر موتتني قهر واني ادحكها شلون تحضن فهد وتبوسو وهو يرفرف عليها

اسبوعين مرو مثل الجحيم .. الصبح اكون مرتاحة و شوي ملتهيه ويه الجهال و شذى .. و تالي الليل اتلوع تلوع و كلبي يوجعني من شوقي الو ، وينشر بالحالات مقاطع بالسيارة واشعار كلها تحجي حالتنا وتعبنا ومنها :-
عطاشة
وغير عينك ذيج
ماظن عين تروينا ..

صوتو احسو بكلبي يدك .. ابقى النص الليل اطلع صورو و أقرب و ابعد بيها .. صورو بالنادي وهو يلعب رياضة و يرفع أثقال .. عضلات صدرو و وحدة من الصور مصورها طالع طبع عضتي بصدرو ..
حنيت الو .. أول مرة اتبعد عنو و ما اسمع صوتو
نايمة و بصفي فهد ع جهه الحايط و بيدي تلفوني اكلب بالبرامج و جان تندز رسالة منو و يطلع اسمو كبالي

(حبيبي منقذي)

.. دز مسح رابط اغنية ..

شفتها من البردة كلت العب ب أعصابو بدون ما ارد رحت بحثت عنها ع اليوتيوب :- معلگني فيك وناسيني

اااووووووف ذبحتني الكلمات و نار استعرت بيه .. عدتها مرة و مرتين و عشرة

تخلص و اسمعها و دموعي تنزل ..

كلبي انكطع جان المفروض بهالوقت يمو و اتجهزلو و اول
ما يشوفني اركض بحضنو و ابوسو وهو تعبان و ياخذني بأحضانو و عطرو يصير بريتي و يمليها ملي ..

بجيت من صدك .. لأن احبو الهالدرجةو احس بالأمان بقربو .. و مدا أعرف شصار و ليش انكلب وحش بين يوم و ليله .. معقولة شي من بدع الإنسان ممكن يسوي هيج و يخرب عائلة بأكملها و يشتتها !!

بقيت الأذان الفجر دموعي تجري .. الاشتياق شكد صعب و تحملو صعب .. ذقت هاللوعة و مجربتها

كمت صليت و نمت على السجادة .. ما اعرف شكد بس اجت فطومة ع حسب تسميتها

و لازمه فهد تناغي و تبجي و للحظات اجه الدرج ببالي و تأشر ع الدرج .. شهكت و فزيت شفت فهد ماكو والشمس طالعه

ذبيت محرم الصلاة توني طلعت من الغرفة و اشوف فهد كاعد و صاير الدرج بظهرو و بمجرد احد يلمسو يوكع

بدون عقل صحت : فههههدددددد

هو ضحكلي و يصفك و جان يوكع

مادري شلون لحكتو وكع من بايتين ولزمتو من ملابسو و سحبتو الي- يمه ابني دخيلك ربي اشش ماما حبيبي ماصار شي اشش اششش
كمت احضنو و ابجي و على صوتي جت ماما تركض
و شذى و سليمان و يصيحون : اسم ﷲ اسم ﷲ
كعدت ع البايه و ابجي و ابوس بيه ..
انتهيت و امي خطية صعدتلي و شذى جابت مي و تغسل وجهنا
امي نزعت محبسها ذهب و خلتو بالمي و شربتنياه
- يمه ابني زين ما راح مني يمهه
ابجي و انحب و امسح خايفه تأذه ..
اخذتو ما قبلت اتركو وهو سكت خايف .. و امسح بوجهو وعيونو وهو مغندب وامي تعيط بيه : كافي سكتي لا تخوفين الولد
مسحت اصبعها بطرف لسانها و خلتو بكصتو و صلت على النبي عليه افضل الصلاة و السلام
نص ساعة يالله هدأت تمددت ع السرير و خيلتو بحضني للحظه وعيوني غمضت وجان تجي فاطمة ضحكتلي و تلمست ايد فهد .. و فزيت ..
من هالموقف ثبتتلي فاطمة متأذيه فهد .. و لغزها ما اعرفو
ممكن أي أحد اكلو ميصدك ولا راح يصدك لأن اني بنفسي مدا اصدك الي ديصير ..

تعبت مداافكر عدل بس الي ببالي اني مدااتحمل وتعبت فشار وغلط وضرب على شنو اتحمل يعني لو اني هجي اسوي جان يتحملني؟
كل الي ببالي اريد اتطلگ وانهي كلشي ممجبورة اتحمل كل هذا

ولا مرة جيت الاهلي واني زعلانه ولا مرة اجيت وبقيت عدهم احس نفسي مو مكاني احس نفسي غريبة بنص اهلي صارلي اهل وخذلني وكسرني حالو من حالهم ..

فد يوم أبويه كال اغيرلكم جو اخذكم سفرة جهزو عشاكم نطلع المدينة الألعاب و هناك نتعشه و نرفه عنكم وهم
جان عيد ميلاد ابن سليمان بعد يومين ..
بسرعة شذى وصت على كيكة وهي جانت مجهزتلو كلشي
و جنت محتاجة هيج جو حتى ارتاح و تتغير نفسيتي .. أكلنا عده عادي و كمنه نجهز اكلات فطائر و بيتزا وماما طلعت جدر دولمة و خلتو ع الطباخ ..
وأخذنا احتياجات السفرة العائلية ر العيد الميلاد .. لل
ساعة ب 4 كملنا كلشي و بدلنا .. حتى رُمح ما كلت الو عنطلع ..
ماريدو يرعد عليه و يلعن ام السفرة .. ولبست بنطرون جينز و قميص طويل فوك الركبة اسود و بي رسم ورد ماروني صغار ع الأطراف من جوه و حذاء رياضي اسود و ما لبست جواريب و حتى حجل لبست و شيله مارونيه و صبغت اظافري و مكياج
وهو يتخبل من البس هيج لو اطلع بهذا الشكل .. بس ما عاد يهمني
بيومها حسيت بشعور غريب كن نفسي ريام القديمة

كملنا و سيارة سليمان جبيرة .. وصلنا المدينة الألعاب شفنه مكان مناسب فرشنا و كعدنا و سليمان اخذ الجهال للملاعيب .. و اني و شذى كعدنا نجهز العيد ميلاد ..
احنه حتى النفاخ نافخيه .. سوينه ترتيبات بسيطة المهم يتونسون الأطفال ..
رفعت راسي ادحك ماما تلاعب فهودي و بابا يخابر
و صوت الصريخ الي صاعين بالألعاب الخطرة يضحك كل شوي و ماما كالت : وووسم مجبورات

- عوفيهن ماما هي الونسه بالصريخ هههههه

- ههههههه حقهن يمه اني دا تطلع روحي عجل هن شلون

- فدوة للعجل الي تطلع من حلكك ياحلو انته

- يا يا عيني ﷲ يدوم هالضحكه يمه

الساعة ب 5 صارت و كعدت نص كعدة و اعدل ببنطرون فهد .. وجان فهد يكول : ببب بب

- كول ماما لا تكول بابا

خزرتو وهو ضل يصفك

للحظه .. اسمع:-

- سلام عليكم كواهم ﷲ يااابه

صوتو فزز كلشي بيه .. رجف كلبي الو بسرعة درت وجهي و اكول بكلبي : ديري وجهج لا تدحكين ديري ديري
بقت عيوني ترمش و كلبي يخفق بقوة

و اسمع أبويه يحيي و يهلي بيه لا إرادياً رفعت راسي و تلاكت عيوني على ظهرو و طولو وهو لابس دشداشة رصاصيه و يشماغ و عطرو وصل الي من كد ما قوي

كامت شذى سلمت عليه : شلونك خويه

رفعت عيني عليه

- هلا بيج هلا خويه

سكت و صارت عيونه بعيوني رفع حاجبو و عقدهم و صارت عيونو بكصتو هز راسو و كال :

- عمي هاي العباية ناسيتها مرتي الظاهر و طالعة مفرعه هيج

سحب عيونو الي و أشر بسبحتوا السودة خجلني و فشلت

- اهده عمي ما صار شي

- عمي انته تاج راسي بس من رخصتك رايدها بجلمتين

ريام : ماعندي حجي وياك

و دنكت جسمي يرجف و سويت نفسي أرتب فهد

- مو بكيفج يلا بويه

جا تقدم و حجه من بين سنونه : يلااااا

رفعت راسي و خزرتو

صاح أبويه : على كيفك ابني ما هيج الكلام حبيبي

- عمي تقبلها؟ اذا تقبلها هسه اروح منا وتبقى يمك

صاح بيه أبويه : ول بويه كومي منا عالم احسلج الفضيحة!

دحكت رُمح قهرني أخذت فهد انطيتو الأمي و كمت عدلت ملابسي دحك بيه من فوك لجوه وهز راسو بغضب و انطاني العباية

- لبسي
- منا عالم عيب اروح للحمام

- لبسي آخر مرة اعيدها

نفخت و اعصابي بدت تغلي كعدت بالكاع و لبستها بالكوة فشلني و حرك دمي كمت و خليتها على راسي

ما اعرف البسها كل مرة البس جبب لو صايات خليجية والعباية بس للزيارة والاماكن المقدسة

مشى كدامي واني امشي وراه واحس العالم كلها تدحك بيه

رفعت راسي و اشوفو من يمشي يدحكون بي كمت احس يطلع مني دخان ..

اندار و رجعلي
- امشي شنو هالفهاوه هاي

تعمدت اكلو : حبيبي على كيفك ويايه

شو هذا رفع راسو و عض شفتو
- امشي على كيفج يرويحتي

هزت ايدي .. مصدك حالو الأخ

وصلنه للسيارة صعدت وهو صعد و مشى بينا

- وين ماخذني

- بس احجي وياج

- رُمح رجاءاً ماعندي حجي وياك و اللي بينه فهد فقط ماعندي أي مشاعر تجاهك

ضحك و كال : جا و الحبيبي ام حبيبي

- هاي هيج استفزك بيها لا عبالك مثل قبل اني خلص ريام القديمة ماتت .. مستحيل ارجعلك بعد و بيناتنه المحاكم

أخذ جكارة و شغلها : اعتبره تهديد

- شنو ما تريد تفهمو افهمو .. اني خلاااص ما اتحمل بعد ضرب و ضربتني و اهاين و هنتني و هنت حتى اهلي و حرام و سويته ويايه بعد ع شنو ابقى وياك .. كافي اتركني بحالي

- شوفي بويه .. أنا اجيج وحدة وحدة و أولها مسحي هالتمطك الحاطته بحلكج ادبسزز

- معليك بيه و ما امسح

خزرني : مسحي لا تخليني افرك حلكج فرك مسحي

سحب كلبنكس و شمرو عليه رجعت شمرتو وره و درت وجهي

- يصير خير سزز.. يهز براسو بغضب

رجع كال :- ولبسج هذا لو لبستي إله اشكه فوك رأسج شفتيني ماكو كمتي تستهترين ولا توقعتج هيج سزز

ضرب الستيرن عبالك ضرب كلبي
- شايفتني مكرن ريام ؟؟؟ البنطرون حصر و **** ذاك هو و مدنكه تحطين بالأكل عبالج ما شفتج ... عِلى صوته وصاح :- هااااااا

صرخ بوجهي و سرع السيارة

- و الحمرة و المكياج و هذا ذيل الزمال الحاطته فوك عيونج يارين مدري قنادر * وأنا كو** عفتج هيج انتي مو مال عيني واغاتي

هو كال يارين بقيت طابكه حلكي و متت بداخلي طكيت ضحك متت و دايره وجهي و ايدي على خدي ماريدو يدحك بيه و بطني انعصر من الضحك ..وهو حسبالو ابجي

- ابجي ابجي و عساج .. حتى عباية ما تعرفين تمشين بيها بس البنطرون فرحانة بي وتفترين بي تعرضين زرورج بس اااخ هذا رأسج اليابس إذا ما الزمه و دك بالنعال إله اتوبج

سحبت نفس و دعيت من كل كلبي ما اضحك

- كافي شنو تغلط

درت وجهي ما تحملت

- اغلط و اكسر رأسج

سكتت عنو .. و رجعت ادحك وصلنه منطقه بعيدة حتى بيوت مابيها و الجام مظلل

وكف السيارة صحت بي بصوت

- وين ماخذني

- أريد احجي وياج

- أي أي اخذني المطعم المنتزه مو هين

صحت و ضربت ع الباب : رجعني رجعني

- رجلج ترا أنا لا تخبلين و تسوين سوالف الأفلام والمسلسلات

Comment
- رجلج ترا أنا لا تخبلين و تسوين سوالف الأفلام والمسلسلات

- معليك بيه رجعنييييي

لزمني من ايدي كمت اعيط كلبت الدنيا تخبلت خفت يسوي شي ماريدة كارهتو فقدت
- كتلج اريددد اكل خ**** و احجي وياج من خ***** بيج و بيه و بالساعة الشفتج بيها بس هذا گلبي الك*** اعتب عليه عبن ورطني
وورطج وي ك*** مثلي

صاح بيه سكتت و كمت ارجف

طلع بطل مي و صب ب ايدو و غسل وجهي دفعتو وهو ضل يغسل ادفعو يرجع يغسل وجهي ادري بي يريد يمسح المكياج

- وخر عني

- بس هاي العين بقيت اوكفي ههههه
دفعتو كمت ابجي واصيح :- عووووفني عووووفنييييييي
- تارسه عينج ذيل الزمال
من صدك ردت اضحك و دفعتو : وخرر

صارت ايدو على شفتي دفعتها : لا تلمسني و خلصني احجي ومااسامحك لو مدري شيصير ... سحبت كلنكس ومسحت وجهي وادردم

- حتى نسيت يلعن بليسج شكد قوية

درت وجهي واهز برجلي من حركة كلبي
- منين جبت العباية لاحگنيييي

-اليوم نزلت الصبح وردت اجيكم العصر وحنين كالت لاتروح طالعين اليوم عدهم عيد ميلاد
وانه اجيت كبل بس لمحتج هيج رجعت للبيت و حركت الجو عليهم علمود العباية و اجيت مرة ثانية علمود اكسر راسج يل بربوك

كح و رجع كمل:- هيج تسوين ريام هلكد تشوفين الستر يخنگ حتى ضاربه كلامي بعرض الحايط ولابسة وين اللازگ على جسمج حلوه واحد يباوعلج غير رجلج وانتي متزوجة

- ملابسه الاحد وميهمني نظرة احد اليه اني لابسه النفسي

- ها لابسه النفسج زين نفسج تقبل واحد مايسوه فلس بالشارع يشتهيها ويكص بجسمج كص ويستلذ بالنظرات ؟ هي قضيتين لو تتعمدين حتى تحركين كلبي وبالمعنى الصح ماهمج بعد وطلعتيني من حياتج لو عاجبج تتفصخين

- الجواب الصح هو الاول اي نعم اطلعك من حياتي
بسرعه التفت عليه وسكت دار وجهو وطلع جكارة ورثها وكضب الستيرن ، درت وجهي ع الجامه حجه :- ريام اسف ..
رجعي البيتج ومحمد البيت اظلم حياتي ظلمة صايرة خيسة للنعال بدونج

کح ورد کال
- بالقران مشتت حته البيت مختنك منه انا ضايع بدونج
لميني مشتاكلج وحك علي
- الي سويتو مينغفر یارمح مع الاسف ماخليت اي
مجال للسماح

دار وجهو وفرك صدرو ورجع کال :۔ حقج.. حقج بويه

- انت الي وصلتنا الهالمرحله رمح
- مادري شبيه ریام لیلی تکول نفس حالة ابو ليث
وتكول سحر
امي تتوسل بيه روح اتعالج عوفني كلتلها انا رايح للعلويه شريفه
- هي تطلع الجن منك ؟

ضربني ع راسي خفيف :- جن براسج پولو فلش راسج
کون
- اهووو عجل شنو
- مو شغلج
- هزيت ايدي وكلت :- عجل لاتحجي
- يصير خير يابه الله كريم انه رحت وزرت وضلت يم العلوية بعد
رد سحب كلينس واشرلي :- مسحيها ليش تشلعين
كلبي
- ماريد وانت حالية طليقي مؤقتا والله حرفع دعوه عليك
يوم
الاحد
-هههههه
- شكو تضحك
-لان غمه وهذا المطي النايم براسج خل يصحه
وتردين البيتج لا تطلع خبالاتي عليج وتعرفيني شسوي

- رمح ليش متفهم اني حتى لو ارجع ميبقى شي على حالة ترا الغلط يهون اكول تتغير بس تمد ايدك عليه رمح ؟ تضربني ؟ اني تضربني ؟

رفع ايدو :- باعي هالحرگ هاي كل دقيقه مديت ايدي بيها عليج چويت روحي بالجكاير ومابردت روحي
يمكن حسبالج انه ماهمني وغلاة امي كل چوية تحرك جلدي ماحس بيها بكد ماحسيت بقذارتي وانه امد ايدي عليج
ندمان بكد شعر راسي
بس وغلات امي وحنانها ماادري بروحي مو انه وعلي مو انه الاسوي هيج

- شيفيد ؟ رمح اني من سامحتك كمت تزيد اعصابك وفقدانك النفسك متشوف شي كدام عينك تضرب وتسب وتغلط وتكسر فوگ كل هذا رحت فلشت غرفتنا وموگف بعينك شي ، لتتوقع اني عاطفية حتى تحجي ويايه بغزل وعاطفة واسامحك على كُل الي صار

بقى ساكت ويطحن بالجكاير
تكتفت وحجيت :- اني ادري تحبني ادري معندك غيري ادري اهمك ادري مو بيدك بس انتَ خسرتني مهما كان السبب اني مراح انسى الي صار حتى لو سامحتك ليش تتعب حالك ويايه وتتعبني

حتى لو مو بيدك هذا الشي المهم النتيجة وحدة وهي الخيبة وكسران الگلب والخُذلان ..

واني رحت للعلوية ودنتعالج حتى ابننا مسويلو سحر لعبالك اني سكتت ومااعرف بشي ، لا اني رحت للعلوية وحجتلي كُلشي ، بس مال اسامحك مااعتقد !

- ماكو انسان مايخطأ
- ممجبوره اتحمل اخطاء غيري الي بيا مكفيني
التفت عليه بسرعه :- والله ؟ ههه

درت وجهي :- اي والله كل واحد همو شكل محد مجبور يتحمل نتائج افعال غيرو ولا مجبور يصلح الخربان ولا مجبورة اتحمل اعصابك ولسانك وضربك ولا مجبورة تكسر واني اجبر واكول تهون

ضحك وورث جكارتين سوه :- تمام .. مالومچ ومحمد .. هو انه منو اليتحملني ماتكليلي تزوجتج وورطتج وياي بشر مامكتوبله الفرح عليش يدوره ؟

انه لو ملتهي ادفن بجماعتي واحد وراه الثاني والزم سلاحي واوگف بوجه الموت مو ارحملي من اوكف كبالج وانتي تبجين ؟

ههه بالعباس عندي اهون من دموعج هاي ع الاقل ادري بيهم رايحين للجنه وكلها المكابر ربعنا وناسنا بس دموعج تحرگ بكلبي زين منو اليمسحها لو بجت بخلافي ؟

منو الينكسر خاطرة اذا بجاج منو الياكلة الندم اذا زعلج ويدور رضاج ؟ منو اليدور وره حجايته ويكول خاف تغثها الحجايه ؟ زين بويه لاترجعيلي لاتباوعين بوجهي بعد لو اجيت يمج بس ابقي ارجعي البيتج
لايأذونچ وانه مو يمج
لايهضمونج

دنگت ودموعي بدت تنزل :- رمح ، رمح ترا اهلي كسروني حشا امي وابويه بس كسروني اما صديقات بس وحدة وبعيدة على ساعة تروح بعد منو اليهضمني اذا كلها هضمتني وجربتهم ؟ ليش تخاف عليه وانت هاضمني حالك حالهم

فرك صدرو وصار يرمش حيل وطفه اخر جكارة بچف ايده غمض وبسرعه كضبت ايدو ابعد الكطف عنها وابجي:- رمح لا

بعد ايدي وفتح الصندوگ طلع باكيت ثاني وورث جكارة ابتعدت عنو ودرت وجهي ع الجامه ودموعي تجري حارة على خدي :- شنو اليريح گلبچ

حجيت وشهكت :- تطلگني ...
سكت وذب نفس قوي وكال بصوت مبحوح :- تمام ..

هدأت كل حركة جسمي كإن الدنيا وگفت بعيني وصرت ابجي بلا صوت ، رد كال ؛-بس عندي شرط بيتي الثاني اسجلة ب اسمج وانه عندي محلات اثنين اجاراتهن الج علمود محد يضرج وماتحتاجين واحد واسويلج واسطة ارجعي الدوامج

سكتت محجيت شي بس كن روحي ماتت

رجع كال وصوتو رايح :- ها شگلتي
مسحت وجهي واريد احجي بس الغصه بصدري اذتني :- ماريد منك شي
- هذا شرطي وبكيفج بعد

فتح باب السيارة ونزل افتر واني كمت ابجي بصوت واهفي ع وجهي من الخنكة
مسحت وجهي ودرت ع الجامه صعد وفتح الجامه :- ريم الفلا
مرديت ، كضب ايدي سحبتها :- عوفني عفيه
ذب نفس قوي :- ااااخ عرج عيني
شهكت وغصيت وبجيت بصوت مسموع واني اسمعو يحجي كلماتو واحس حنتفارگ ومااسمع وحدة منهم بعد :-
دفو عروگي ..
بربوكتي احجي اسمع صوتك ابني انته
- كااافي رمح كااااافي كاااافي كاااافي .. وبجيت

سحبني وكضب وجهي وباسني قوي ويبطئ بحركتو وشواربو تطخ بخدي .. مد اصبعتو الابهام ويمسح بشفتي ويتلمسها ويهمس بنفس حار :- اشش اشش اشش ..
مشى ببوساتو على خدودي وايدو على شفتي وهو يصعد لعيوني باسها وهمس بصوت تعبان منتهي :- شلون افارگهن .. كليلي شلون افارگهن ..

ابتعدت عنو بهدوء :- كل قصة وراها نهاية وقصتنا انتهت ..
ابتعد عني وكال :- ماشي ..

شغل السيارة وحرك وشغل اغنية :- الغرام المُستحيل وائل كفوري ...

وعلى الصوت والهدوء بيننا محجينا شي بعد
وصلنا البيتنا ردت انزل الباب مقفول

- افتح

بدون ميجاوب رفع جهازو و اتصل شوي ورد وهو يذب نفس قوي وتعبان : ها عمي ﷲ يساعدك

رجعتو لا

ها زين أنا رجعت ام فهد للبيت

لا لا عمي البيتكم .. ماكو فايدة خير إن شاء ﷲ هلا بيك

سدو منو ..
- شكالو
مرد عليه
- لتحجي

درت وجهي و سكوت بينه .. رجع حرك السيارة

- وييين

- افتر بين ما يجون

مارديت .. ضل يفتر بالشوارع ما أعرف شكد بقينه و احس نفسي كثير متوترة و الوضع الي احنه بي حرك كلبي .. ساعة اتمنى ما يروح .. و ساعة أريد اخلص منو .. اختنكت من حالتي

نزل على محل اشتره جكاير و رجع صعد .. ضغط على زر اشتغلت اغنية ( أنا بلياك ) ماكو اغنية متحرگ الروح مشغلها

من صدك اسمع كلماتها و روحي تفرفح هيجت مشاعري تعبت لا بيه ابقى ولا بيه افاركو .. و اثنينهم يحركون كلبي

رن جهازو نطاه رفض و استدار رجعني للبيت .. شفت سيارة اخويه بالباب أول ما وصلنه العند الباب أريد اخذ الجنطه لزم ايدي رفعت عيوني الو ذبلت عيوني و نزلت دمعتي كدام عيونو ..

- ريام ارجعي وعلي ما اشتهي البيت بدونج انطيني فرصه

- انتهت رُمح انتهت

أخذت الجنطة و نزلت و دموعي نزلت غصب عني طبكت الباب دك هورن فززني و بجيت أكثر .. ياربي ما اعرف شبيه .. أريدو ياربي اريد اسامحو بس اخاف يرجع مثل قبل و يحرك كلبي و اعض أصابعي ندم مداافهم نفسي تعبت

ما أعرف شديصير بيا .. عقلي يكلي لا ترجعين و كلبي يكلي ارجعي و واكعه بين نارين
مسحت دموعي و ذبيت العباية و فتت للمطبخ كاعدين كلهم

امي : ها يمه

- ها حَبيبتي

أبويه : شصار باباتي

- ماصار شي بابا انتهت اريد ارفع دعوة طلاق وهو موافق
سكت بس هز راسو
كلتها وخنكتني العبرة مسحت وجهي :- فهد وین
- نايم يمه هناك
هزيت راسي ومشيت شلتو و بوستو وصعدنا سوه الغرفتي

غيرتلو ثيابو ..وبدلت ومسحت المكياج توضيت وکمت
اصلي خلصت وجان اکو نساتل اكلت لان میته جوع ..
نزلت شفت شذی منظفه کلشی
- مازاد اكل
- بله ضمينالج
- فدوه العينج ..

فتحت الثلاجه اخذت دولمه وبيتزا وصعدت ..شغلت
مسلسل وكمت اباوع واكل انفتحت نفسي للاكل
.. شفت جبس بطعم الملح والخل اخذتو وكمت اکلو
بشهيه
صرت اتابع حلقه وره حلقه
اشتغل بالبيت وادحك بي .. التهيت كثير صار رمح يجي
العصر ياخذ فهد ويرجعو بالليل

ماكنت اطلعلو ابد بس اجهز فهد وياخذو ، شهر ونص
مرن رمح دز هواي ناس لجل اتراجع وارجعلو بس قفلت على فد قفلة غير الرسائل الي تجي وميقبل يطلگ بدون الشرط واني مااحب احد يسويلي هچي عزة نفسي متخليني اقبل منو شي وهو قافل واني قافله خنكني

بیوم خابرتلي حنين
هلا حبيبي
- هلا بالعشك ام فهد
- شلونج ههههه
- قبل لا اجاوب ریوم خجلانه
- شنو
- اهل عبدالله حددو موعد الخطوبه
- يمه فدو و وول حتصير ال لعابه عرووس ياعيو وني الف
مبروك حبيبي
- ريوم تجين مو
-عجل شلون مااجي
- ياربي صدك فرحتيني واريدج ل لصالون فدوہ
-بعيني كلبي
حجینه شوي علمود المهر .وراحت ..

تأخرت الشهرية وكضبت كلبي وشكيت بنفسي صرت اضرب خمسه بخمسة من الخوف ماعولت يصير العصر واروح للمختبر ورحت للمختبر العصر وحللت وسونار وفحص وكلبي يدك بالدقيقه الف وصارت سالفة تجيبني وسالفة توديني وفعلا
طلعت حامل فرحت وانهبطت بنفس الوقت كعدت ابجي بحركة كلب واتمنيت يكون موجود وبنفس الوقت ماريد الطفل يربطني بي عندي فهد وحايرة شلون ابعدو عن ابوه
وناويتها ع الطلاق قافله
جنت بفهد هسه حصير ب اثنين ..

بقيت زعلانه تعبت وتعبني لايقبل يتنازل ويطلگ ولا يقبل يرحمني ويتركني بحالي كثير تعبت من البعد والفراق
ورمح مديخليني انساه واتعلم على غیابو بكل مره اكول
خلص انتهت يجي البيتنه ويشوف فهد وريحة عطرو
تعلك بملابس فهد ابقی اشمو واتنفس منها
لو ادحك صورو الي ينشرهم على الفيس بوك وانزلهم
بجهازي بدون مااحس على نفسي احضن بالصور واغفي

خالتي كل اسبوع تجي تشوفنا وتروح ما سالت اشنو الي سوو وشنو الي صار بمجرد جانت تفتح موضوعو اطلب منها تغيرو ماكنت اريد اسمع اخبارو وحلفتهم ماينطو اي خبر عني واي رسالة تجي من عندو اشوفها وماارد

لحد ما حنين انخطبت واني جنت بوضع ميسمحلي حتى اطلع لان بحملي اتعب واعيش ع المغذيات والهبوط ميتركني طول فترة حملي وبيومها صارت تعبت عليه وبالتالي عذرتني وجنت خايفه عليها من خالاتها وحسن بس الوضع هدوء

هاجر حملت وطرحت وزوجها منعها من الحمل واكتفى بالي عندو
اما رهف عايشة بحب ويه عائلتها ومستمرين بعلاج ملاك وحرب اخذها وسافر اللبنان علمود وجهه وحالتها تحسنت وتستجيب الجلسات الليزر والعمليات خصوصاً خشمها صاير بي كسر واعوجاج وباقين من طبيب الطبيب

الي سمعتوا من رهف اخر شي قررو عباس وحرب يشترون كاع جبيرة ويبنون بيها وشاركهم رمح وحماية ابو ليث زوج ليلى
لأטּ رمح بذيج الفترة فلوسو صفرت بـــسَـبب العلاج والعمليات ومدااعرف شلون صفرت فلوسو رغم عندو خير من الله لدرجة سمعت حتى السيارة ناوي يبيعها فساعدو ابو ليث وليلى كالت انو مسوين سلف عالية المبلغ وهذا الشي زاد الدخل عدهم واخوانو ساعدوه كثير .. هاي اني تجيبلي الاخبار ليلو وبعد متكمل اكلها ماريد اسمع عنو شي تضل بس تضحك عليه ..

وحرب قرر يجهز بيت بصف بيتو لرائد ويزوجو من وكت خصوصاً بعد ما كبر رائد وهو مُحرم على رهف بعدو عنها بس باقيين همه همه وغيرها اشترالو محل بأسمو يشتغل بي ومبلش يشتغل
بمحلو للملابس الرجاليه ..

ورائد شاب جدا مهذب ومطيع وبار باهلو ..
افرح من ادحكو يشاقي امو ويبوس راسها بكل طلعه وبكل جيه..
وحرب كثير متعلق برائد واحس الله موفقو وعوضو برائد لأטּ رحم بهالطفل اليتيم واحسن الو وكبرو وعلمو وصار رجال ومن يمشون بصف بعض تشوف الحب العميق الي بينهم واخلاق رائد تشهد على تربية حرب التربية الصحيحة

واشوف اخلاقو وتربيتو الي فعلا الواحد لو نام َ؏ المخده ينام وهو مرتاح ومطمن عندو هيج ابن ..
واحس كل الي مر بيه حرب واللحظات الي طلع منها من الموت مثل الشعره الي بالعجين .. هي بـــسَـبب رائد لأטּ الله يرحم الناس فماباللك اذا رحم يتيم ؟!
وبر رائد الاهلو بـــسَـبب بر حرب الامو ومداراتو الها وحب رائد وتعلقو مثل حب حرب الاخوانو .. فعلا كمت تدين تدان

تسولف رهف .. حرب اول ميرجع من الدوام يزور خواته ويزورهم وحده وحده ويتطمن على أخبارهم ..
وحرب الله عوضو ب اخوه مثل رمح وعباس لأטּ فقد اخو وروحو من الدنيا وشاف الضيم من بعدو بس عوضوا عن كلشي فقدو

اما عباس فهذا الانسان مثل ميسمي حرب .. ابو الوكفات الحلوه بكل شده تلكاه حاضر وعكازة رمح وحرب .. وحلا تحبو كثيررر وهي تشوف الحب بعيونو من يشوفها وعلاقتها كثير حلوه برهف ..
تسولفلها على دلالو الها وحبو الها واهل عباس خوش ناس ومثقفين ومرات المره من تدخل بحياك الرجلل تصير لو خير وبركة ..
وهي رمح جان يكول انو عباس يسولف النا .. من تزوجت ام زينب واني الخير يصب صب عليه ومن ازعلها ينشلع ڪلـَبـʊ̤ وارجعلها واني معتذر اكو نسوان تدخل بحياة الرجال تغيرو وحلا وعباس هجي

والله رزقو بنات اثنين وولد توم الجبيره زينب ومشت عليه ابو زينب
اما بخصوص رمح تعبني اتعارك وياه طلكني ميقبل ولا كن احجي وال براسو يسوي خصوصاً من عرف حامل اتخبل وماخله احد ماتوسطلو رهف وهاجر اجو يقنعوني وماقتنعت وقفلت فد مره حته حرب هم اجه فد يوم هو ورمح وما قبلت وقهرني يكلي :- محد يوگف بعينج ام راس البتيته

وهاجر بوقت الي امتنعت عن الحمل صارت حامل وصرنه حوامل اني وياها
فد يوم كعدت دااغسل بالملابس وفهد يمشي شويه ويگع مااسمع غير جهال اختي فاتوا للبيت سديت الغسالة وطلعت شفتها تسلم على شذى ، شافتني وعبرتني وهي تكول:- يا هاي بعدج زعلانه خاف اتطلگتي

- لا بعدني
رحت الفهد اشوفو فرحان ويكمز ويه الجهال وهو كاعد ويصفك جان هستوه متعلم يمشي متت فرح طرت بي
واني اشوفو فرحان ويه الجهال صرت اكضب ايدو وهو من فرحتو ميقبل يريد يروحلهم

تركتو على راحتو وكعدت اختي بيدها علاليك صارت تفتح وتطلع بالاغراض وشذى تسألها :- ببيش هذا
تجاوبها :- والله انطانياها ب ٣٥ اخر قطعه
شذى :- شدعوه ولج هاي غاشينج شفت منها بعشرين والله ضاحكين عليج
- لا عيوني هذا سعرها غير اصلية
ريام:- بس مو مال ٣٥
- بكيفي حبيبتي عاجبتني
ريام:- اي صدُك الناس اذواق

اجو الجهال ركضو وبيدهم ملاعيب فرشوهن بالكاع وصارو يلعبون وفهد بنصهم يلعب ، جان ابنها سحب اللعبة من فهد وفهد صار يعيط واذا بجه بعد ميسكت والبجية مالتو تصير صريخ يثول الواحد مااسمع غيرلا اختي كالت :- وسم

صحت بيها واني اخزرها :- سم بكلبج ان شاءالله
- دسكتي ؏ـَزا هاي شنو من بجيه يبوووووي سكتيييي انصرعنااا دخيلك ربي مينجرع

رحتلو وكمت اسكت بي وهو ميقبل يسكت على فد بجيه ويأشر ع اللعبه يريدها اريد اخذها من ابن اختي ميقبل اخذتها غصب منه بس حتى يسكت فهد بجه الخ واختي هاجت شلون تاخذين اللعبه منه وتبجين ابني ....
اجت بسرعه سحبت اللعبه من فهد وانطتها الابنها :- اخذها ماما لتبجي
دحكت بيها وابني يصرخ اخذتو وطلعت برا وهو بس يبجي اريدو يسكت ميقبل مهضوم ..

خابرت اخويه ياخذو يطلعو وعندو شغل بقيت محتارة بي
من جهه شذى تكااونت وياها وتصيح :- طفل حرام عليج تخلين عقلج وي الجهال .. وتكاونت هي وياها بالحجي شذى متقبل ع الغلط حتى لو تنكره المهم متسكت

احجي الامي على سوالفها تكول جهال ولتتدخلون بينهم واختي تتدخل ومحد يحجي وياها وتكررت هالحالة اكثر من مره
كمت احس بالتفرقه لا مرة ولا مرتين
كرهت حالي شعور التفرقه يوجع الكلب خصوصاً بين الابناء

فد يوم اني نايمه كعدت لكيتهم طالعين سفرة خواتي وازواجهم وجهالهم ومحد كلي تروحين ويانه
بقيت اني وفهد بالبيت وابويه وامي طلعوا للرمادي وشذى راحت الاهلها كعدت ادحك شلون فرحانين ومتونسين وتذكرت ايامنا اني وعائلة رمح شلون نطلع كوستر كامل كلنا سوه بدون تفرقه

صرت مو بس اعاني من المواقف صرت اعاني حتى من الكلام ، وبكل مره يخلصن فلوسي التفت الكة رمح منطي بيد ابويه فلوس واحتياجات كاملة تخصني وتخص فهد قبل مااكول اريد ابويه يكلي ابو فهد دزلج ذن ، يخلي روحي تفرفح
احسو يحس بيا حتى وهو بعيد عني

والي لاحظتو اكثر من مره فطومه صارت مثل الانذار او الشي الي يحمي فهد ويحذرني اذا بي شي هواية مواقف صارت ومنها .
مره مخلين بالثلاجه عنب
واني کاعدہ اخلط كيك وكل شوي واصيح بيه ويرجع
يفتح الثلاجه
ليش مامشغله الخلاط ودااخلط بالخليط . مثل الي
غمضت عيني واشوف فهد وفاطمه واكفه يمو وتدحك
بيه وتطفر فزيت بسرعه مرعوبه ادحك الخلیط متطشر
ورفعت راسي الفهد و الگاه يكح ويريد يتقيا
شمرت الي بيدي وصرخت
- يمه فهد

واخذو واضرب بظهرو ماکو تخبلت کمت اصرخ على
اهلي
- لحكوني ابني عيموت يمممممه
ادك على ظهرو صار ازرك
جا سلیمان دحك بي ودخل اصبعو ب بلعومو ودفعها
وصاح بيه :- غير ر ر ر تنتبهين على ابنج بالع عنب ومجلب ببلعومو زين مامات

اخذتو وغسلت وجهو وابجي وارجف وشربتو مي وهو
يبجي . حمدت الله وشکرتو الف مره
وشکرت فطومه بكلبي الي تعودت على وجودها
واحسها ملاك حارس الابني والي
بذیج الفترہ صارت مظاهرات حيل قويه وعلى اثرها
راحو كثير شباب بعمر الورد .ندحك الأخبار ونفسيتي
حيل تعبت والنت كطعو وصرنه بحاله حيل صعبه
وهو مبتعد ويادوب يجي يشوف فهد ويطلع ل لدوام

جنت ادحكو من باب المطبخ وروحي تفرفح عليه حتى شيب طالع براسو
واكضیها بس بجي حته الاكل كطعتو نهائيا وهملت
نفسي وذبلت
و رهف تكول انو جرذان داعش صارو
يطلعون من جحورهم وصارو يزيدون

هدأت الأوضاع ورجعو النت بس عكبيش ! ! عكب
ماهضمو الامهات وحركة كلبهم ! ! وراحو ضحيتها كثير
ناس وجرحی !
ایام دوام رمح
...
كضيتها بس بجي حته ضعفت ومنا الحمل زادت المعاناة
عندي وفهد من النوع الحرك و وكح لازم اركض وراه وين
میروح والتشابه بينو وبين رمح يخليني بس اكزكز عليه
وابوسو لان يشبه ابوه
وانقهر لان فراك رمح حيل اذاني وياريت بس يوم
ويومین مرت شهور بعيده عنو واول مره هیج
ب آخر جيه الخالتي کالت بعنه اثاث البیت وحمايه الجبير
طلب منهم يكعدون بالشقه مالتو ورمح ما اعترض ومنع
خالتي تحجي الاي وحده من اخواتها على مكان الشقه
والي قهرني حارك غرفتنا كلها وحته ملابسي ومن
سمعت هیج عفت المكان وكمت..

باقي اسبوع على رمضان وبيوم
نمت بالليل وفهد نايم على صدري اجتني فاطمة بالمنام
جن اني کاعده بنفس بيتنا ونفس الغرفه ونفس يوم
العزيمه ضحكتلها وهي كعدت وبيدها حمامه بیضه
- انتي تحمين ابني مو
بدون متجاوبني اخذتني من ايدي وجن تجي لحظات مثل
الصور رمح يركض وشایل واحد على ظهرو وحالة رمح
ملابسو ونار ودخان وهو شایل واحد على ظهرو ويعرج
وجتفو بيه شاش

دحکت بيها لازمه دشداشتي وکالت :- بابا
- شنو بابا
- هذا بابا شهید
- شنو
- بابا علاوي شهيد وهذا عمو
- رمح

احس انهاریت وفقدت توازني مثل الاغمه عليه وفتحت
عيني شفتها باست فهد وجن اني بغرفتي ورمح يحرك
بملابسي
- رمح فاطمة
اندارت عليه ورمح ميسمعني :- کولي العمو بابا يسلم
علیه و بابا يحب عمو واني احب فهودي

رجعت الي وهي تطفر فتحت اید فهد وخلت بيدو حبة
هيل وركضت
- فاااااطمه رجعي
كمت ابجي واصيح ب اسمها :- فاااااطمه
بجيت وبجيت شهکت وفزيت والمؤذن يصيح حي على
الصلاة عرك
انه ودموعي تجري وكلبي يوجعني منو انتي
كعدت ابجي تكطعت بجي بسرعه خابرت رمح اخابر میرد
شغلت ضوه الجهاز واشوف فهد يضحك بصوت ويأشر
مثل عادتو
- فاطمه انتي موجوده
بجيت منو هاي ومنو ابوها
يالله
كعدت اتصل برمح ووین
رد

بسرعه جاوب وهو خايف ومتفاجئ من شهور هو مسامع صوتي وصوتو مال واحد جان نايم :- ریام الو
شبيج
شهکت والعبره خنكتني :- رمح منو علي
- ياعلي شبيج تبجييين شصااااير
- رمح
عندك صديق اسمه علي مستشهد
سکت
ابجي واحجي :- جاوبني الله يخليك .. شهکت وکمت
اناشغ واسحب النفس .. جاوبني عفيه
- شدراج
- عفيه جاوب عندك
- اي عندي

سكتت وكلبي کن انشك شك والحسره بزردومي
(بلعومي) :: مستشهد
-- اي ليش شدراج
- عندو اطفال
- اي 2 ولج لاتخبليني شبيج
- رمح
- روحه بس احجي
شسم جهالو
- فاطمه ورقيه بس فاطمه ماتت وره ابوها شذكرتيني
يمعوده شكيتي كلبي ههه
هو
کال هيج واني التلفون وكع من ايدي وكمت بس
ابجي واشهك انمردت روحي ورمح يصيح بالجهاز
رفعتو :۔ رمح تكدر تجي عفيه
- شبیج بويه بس خل افتهم
عفيه تعال البيتنا هسه

- زحمه ولج احجيلي شبيج شصاير اول شي اهدي مو
زين عليج
- رمح عفيه
سکت شوي وكال :- ماشي جايج

سد الخط وبقيت ابجي كمت غسلت وجهي وتوضيت
وكمت صليت وصليت ركعتين واهديتها الهم بدون
مااعرف شي
..
بين ماخلصت اتصل عليه سديتو وكمت نزلت جوه وفتحت
الباب صحت :- رمح
- ول یابه فتحي هسه عبالهم حرامي
- كمت وجبت القفل وفتحت الباب وختلت وراه :- فوت
فوت
اول مافات للبيت ذبیت نفسي بحضنو وكمت ابجي هو عصرني بحضنو قوي ويكول :- افيشش مرتي ...

وهو يسكت بيه ويكول شبيج واني ماانطق بس ابجي
حيل اثر بيه هالموقف ودمرني
..
ووووين
یا الله سكتت ..طبك الباب وكعدنه بالحديقه
بالمرجوحه
الزم وجهي ومسح دموعي
- شبيها بنيتي ذبلانه
- رمح
_ عيناه والشعر والقلمُ

_هههههههههه
_ ضحكي فدوة الكلبج احجيلي بويه شمالج
_ رمح تذكر من كتلك على طفلة اسمها فاطمه وانت ممصدك؟
_ اي؟
_ هاي فاطمه...
حجيتلو كلشي من اولو الاخرو هو بس يتسمع لحد هذا اليوم وابجي واحجي.
_ وهاي كل السالفة
بقى فاتح حلكو وعيونو ولام حلكو سحب نفس وكال
_ شوفي بوية تتذكرين شكل الولد؟
_ اي يعني مو كلش شلون الدخان جان
طلع تلفونو وظل يدور بالفيس مالتو لكه صورة شاب طلعها
_ ركزي
بقيت صافنه بيها شهكت.. وخليت ايدي على خدي ايي اي هو والله العظيم هو.

ابتسم وكال : هذا الشهيد علي جان صاحبي بالقطاع وجنه كله سوه وجنت اخذ مكانه وهو ينزل يشوف اهله بنته الصغيره فاطمة مريضة وهو حالتهم فقيرة عايشين على الله وعلى هالراتب الي ياخذه انه جنت مااحتاج ف انطي نص راتبي وابقى ماخذ مكانه وهو يكلي اردها الك بعون الله واهل البيت

ليش مافد يوم صار هجوم الفجر وره الأذان وعلي وجنودة جانو داخل البيت وانا صاعد قناص فوك ضربو هاون جوه البيت و4 ساعات احنه بس قتال شرس وياهم والمعدات خلصت كمت ارمي برشاشة وحركت ايدي حرك السلاح كوه لازمه والجماعة استشهدوا كلهم بقينه بس انا وعلي نقاتل

نطلب نداء عاجل انا بيومها اتشاهدت وكلت هاي هي خلصت بعد

ضربو هاون ثاني اني وكعت على شاش فات بجتفي طلع من الجهه الثانية وعلي وكع عليه الحايط فلشه .. ب الف ياعلي كمت وهنا اجا الرد السريع الدواعش كلاب عدهم انتحاريين..
وحدة من سيارات الرد السريع اتفجرت بسبب الانتحاري وصار هجوم وياهم واشتباكات عنيفة..

ب الف ياعلي كمت العلي اشوفه منتهي شلته على ظهري وانا جتفي ماحس بي وركضت بي بنص النار ورجلي اثر الوكعة تشنجت وهو يكلي ابوذيبه جهالي ابوذيبه فاطمة ورقية دير بالك عليهم

وانا اصيح بي اصبر علي راح نوصل ..لااا هنا علي طلعت روحه وهو علي ظهري ثكل جسمه طحنه انا ويا .... هنا علي استشهد.

بقت عائلته ب أمانتي وبنته فاطمة تحتاح غسل كلى وهي طفلة بليلتها علي اجاني بالحلم وشايل فاطمة بيده وردد هالكلمة اردها الك بعون الله وأهل البيت

بقيت عيني على مرته وبنته وجهاله اداريهم ومخليهم بطن عيني واخو طلب يتزوج مرت علي لان شابه وخوش بنيه ويريد يحافظ على بنت اخو

والله وطلع خوش زلمه واتزوجها وعلى اثرها الولد تعين وصار مدرس ومداري مرت اخو وجهاله بس ماكطعت بيهم الحد هالحظة رغم اخو مامقصر بس انا عبنها امانه كلبي ماينطيني اعوفها هيج
هسه انتِ سولفتي وانا احس ماادري شلون.
باعي هذا الشعر ... طلع صورة ومخلي شعر فوك الصوره واني نفس مابقى عندي وصوتي راح كد مابجيت واختنكت
اخذت تلفونو وقريت :-

راح تموت !
شفت شريانك امتد اعله طول الكاع
يرضع من ثديها الموت
لاتخطف ... بثوب اسود على الميتين
فك حزنك كبل متموت
افك حزني كبل ماموت
افك حزني كبل ماموت

جا هو الحزن كلي جلد حيه وتريده ينزع بسكوت
ذب حزنك شذب ياثوب
وبكلبي لكط لون القميص وصرت كلي اسود
مثل عاشور ... جني اعلام عشر بيوت
بيه اغيار الف دفان

بيه اغیار الف دفان
وكل جناز يتمنى حزن وجهي يتشیع بيه
وانه الجناز يومية ازتن للكبر عريس
جاکلي خلك تابوت



خليت راسي على صدرو وهو
اخذني بحضنو وعصرني بحضنو حييييل
حضنتو اکثر
- اوووف شكد مشتاكلج
رفعت راسي الو :- احبك رمح
ضحك وكال :- کومي نرجع للبيت وعلي مشتاكلج
- ما
- ها ليش
- عندي شروط
- ضيق عيونو وكال وهو يبتسم :- موافق من هسه

- لا اكولهن بالله
- ماشي غردي
- غلط وفشار کدامي ممنوع ماريد ابني يتعلم
- احاول
- ممنوع تغلط وتسب اهلي وحته ممنوع تغلط عليه
- توبه ههههههه عمي توبه بعد
- ههههه ومتمد ايدك عليه
- بس اكو شغلات لازم
غمز ضربتو على صدرو :- کافي
- وبعد ههههه
- ماادري افكر
- جا یا کومي نطلع مدام طلعت الشمس وانا اعلمج
شلون تفكرين بطريقتي

- ياااا مارید مو هسه وثانيا ليش حارك الغرفه
- سالفتها سالفه بويه
- شنو
- انا من رحت للهند جنت اسجلج من تتصلين مكالمة
فيديو لان هناك ضوجه وامل وماحب كل شوي اتصل ف
اضل اباوعلج فصار الي صار بيناتنه ومشاكل
واشتاكيتلج وانتي ماکو رجعت فتحت التسجيلات وانا
متلهف عليج وضايج بدونج
وکد ماانه مشتاقلج كمت اركز بالفيدوهات ووحده منهم
طالع بيها فهد نايم وانتي جنتي توج كاعده من النوم
فاتت وحده انه عبالي انتي كلت مخبله شبيج
لابسه
بركع (نقاب او بوشیه) انا بلحظتها كمت وعفت الجهاز
يسجل على فهد وهو يلعب

وتالي كتلج صارت مشاكلنه ورجعت للفيديوهات وطلع
هذا الفيديو
وشفت كل هذا واشوف تدور بالغراض وبقيت مرکز
ليش ماكمت بنفس المكان الي تدور بي وادور وعيني
على التسجيل راحت للباب تدور وماكو فتحت الميز
رشت تراب مدري طحين لونه ابيض ومسحت بزاوية
الحايط مدري شني وذبت شي فوگ الكنتور
واخذت قميصي وطلعت السيت النوم مالتج ووكع الجهاز
دعمه فهد

کمت ادور مالكيت شي رحت صحت الامي وحجيتلها
كلشي اتخبلت کامت تدك وتلطم
جبت حنين وصحت الليلى ونسوان اخوتي اثق بيهن لان
جواهر مو نسوان
خضينه الغرفه خض ليش مانلكاها مخليه مثل الشي
الملفوف ومدخلته بالمزهريه هاي الي مخليتها ع میز
تواليت الفضيه بس فوك الكنتور ماشفت شي

- عزا اني شفت من نظفت وفتحتو
- سليمة تصكج كون من هاي الصكه المعدله
- اي والله استاهل

امي ضلت تدك وتلطم اخذته العلويه مدري سيد انا جنت
بهالفتره ماادخل للغرفه كلش وكلش اختنك وتلعب
نفسي منها
وكاضيها اروح للزيارة وارجع ومنا صارت اوضاع العراق
مو زينه وكثرو عدد ايام الدوام حته المظاهرات شكد
اتمنيت اروح ماصارتلي فرصلي بسبب ضغط الشغل
بس رحت جم يوم وراها كضيتها بالدوام بقيت 72 يوم

- وماادبتهن
- جا غير لعنت والديهن وگبت المشاكل وطلعت منها براس بارد بس مايتوبن انه ادري مايتوبن الشريطية الي **** وين تهده وترتاح

- هههههههههاااااي
- هههه هذا السيد مدري شسمه كال لازم تحركون الغرفه لان
كلها مسحوره وداهنيها مدري شمسوين وماقبل ينطي
الاسم وفك السحر بس اخذ فلوس هواي انا ماقبلت بس
امي باعت كلادتها ومحبسها علمود هالشي وسمعت من
حنين امي متعارکه ويه خالاتي ومتبريه منهم بس وراها امي كلش تعبت طاحت علينه وصرت اركض بيها بالمستشفيات ومحد يعرف علتها شنو

والله لهناك ووديتها للعباس عليه السلام نمت بيها بعد ماعجزوا الاطباء عن علتها والله
وکیلج للفجر امي تباوعلي وتضحك ومابيها شي وانا اشتريت دجاجتين مناك من كربلا وانطيتها الواحد فقير كلي حجايه ماتروح من بالي :- انته واحد الله يحبك روح الله يفتحها بوجهك وين ماجنت ومن يومها بدت تنحل عبن الصدقة تدفع البلاءعن البني ادم

وراها الله شاهد صدك ارتاحيت لان البيت صار كله قران
وادعيه وسورة البقره 24 ساعه مشغليها وانا حجيت
الحرب كلي اقرا سورة البقره اربعين يوم والتزم بزيارة
هي وزيارة عاشوراء وفعلا صرت اتحسن عليها

ويمكن اجتلج الاخبار
- صدك صار كل هذا
- اي والله
- زينب ؟
- اي هن الساقطات زینب وجماعتها وخالتي راس الثور
اكو غيرهن يعني وكتلج لعنت والد والديهن بالنعال و على **** بلكت الشريطية تموت بس شيموتها حتى مانع ال*** مايموتها لازم تيزاب بس هم اجربه ان شاءالله الايام جايه

- هههههههههههههه شنو سويتو
- امي سوت آنا ماتدخلت بسوالف النسوان بس حذرتهن
اي وحده تفوت البيتنا والي تفوت للبيت تطلع جنازه
وكلشي عندي من ادله وراویت خالتي كلتلها طلاکج
وهجمات بيت بناتج على ايدي يصير احط رجلي ب**** بس اشوفهن كبالي عايفچن عبن امي ماخلت امام ماحلفتني بي مادري شمطرگعات بنات الم*****

ومن وراها امي جبرتها تكطع و كطعت فد مره وغيرت رقمها هي
وحنين وبعت البيت كله هو والي بي وهسه
انا ببيتي الثاني مرتاح بس ناقصني وجودج
بدون ماارد عليه
رمح
جاوبني باللهجة والبحة الجنوبية:- روحا

سحبتو من یاختو وبوستو حيل هو ماصدك اخذ وجهي
وباسني اقوه وضل يسحب النفس مني بعدتو اخذ نفس
وهو انفاسو عالیه دحك بيه وضحك
-موتتيني کومي جيبي فهد نعلعله يومج خرب ببلیسج
-ههههههه لا تعال العصر فدوه
- ول یا به شوف الفدوه دتعااااااااي
اخذني الو ضعت بيه ماحسيت غير عضتو بحنجي بعدتو

وكمت اضحك متوترہ
احس مسخنه هو انتجه منتهي عاض شفتو
.هسه اجي
بسرعه ركضت جوه البيت وكلبي ينبض بقوه متت
ضحكت وكمت اکمز فرحانه ادحك الساعه
- عزااااا 6ونص وبابا یکعد هيج وكت
بسرعه ركضت طلعتلو صاح
- شششحمم شحممم مابيك لحم ول یاااااببب

مشیت الو واضحك
- یولو فلك طرج ذبحتيني تلعبين على كلبي بهالطول
كعدت وخليت نفسي على صدرو ورفعت راسي هو
مبتسم وعيونو على شفايفي مبتسمه

- حيكعد بابا روح هسه وتعال العصر
- لا والله كدامج مراهق يعني
- رمح فدووه
- نو
- عفيه عمري
شو هذا رفع حواجبو وكرص خدي :- شمستاكلك يابعد عمري انتي

ضحكت وكمت لزمتو من ایدو
- يلا حباب حيكعدون
- سحبني الو وحط راسو على بطني وباسها ووكف
- پولو كصرانة
-انت طويل زيادة عن اللزوم
- ههههههه قزومتي
- شواربك ليش محالقهم عدل يدغدغون
همس :- وین تدغدغج حددي المكان

ضربتو بصدرو :- کافي ادبسزز

دنك وحك شواربو بركبتي اموت بهالحركه
عضني خفيف وباسني بهدوء رفع راسو
- احبج
- اموت عليك يلا روح فـَدوۿ
حضني وميقبل يروح اتوسلو وميقبل خبلني

وطلع رمح واخذ عقلي وياه ..رحت من فرحتي جهزت
الجنط وكل غراضي وخابرتو كال ب 11 اجي عليج كتلو
العصر کال ابد قفل فد مره

بلغت اهلي وحيل فرحو وخصوصا بابا لان حيل يحب
رمح
طبعا اني منطيت برمح ابد کدام بابا بس كتلو مشاكل صعبه ومدنتفاهم
خابرلي رمح وطلب مني اتوضه
.. جا عليه وفهد شافو ضل يکمز الو ودعنا اهلي وبابا
وصاه علیه اشوفو حالق وكاشخ اخر حبه عبالك عريس
اول ماصعدنا شغل اغنية (الطلقة الروسيه )

ضحكت وتذكرت اول يوم التقينا بي جنه وحدنه هسه
اربعه
کعد فهد بحضنو ولازم ايدي ويبوسها ونفتر بالشوارع
وفرحانين اخر حبه لحد ماخلصت وكفها وطلع بينه للامام
الكاظم سلام الله عليه :- هاي شنو يولو تضحك عليمن
- دنجبي لاتكفرينا
- ههههههههه عليك سوالف

رحنه للامام زرنا بقينه هناك الحد الصلاة واجواء تخبل وفهد يلعب
ونفس الموقف تكرر جان انشوف هاجر جايه من بعيد
هي وزوجها واطفالها وايدها على بطنها
کام رمح وتسالمو هو وزوجها وانی بستها وحضنتها
خلت ايدي على بطنها
ریام وكحه
- شنو
ضحكت وكالت :- طفلتي
- فدوه بيج بنية
-ههههههه اي
-حللللفي
- ههههههههه والله
- ضربتها :- مالكيتي غير اسمي الخايس
- اعشق اسمج اموت عليج اني انتي اختي مبتعدة عنج من وره البيت والعيال والجهال بس على طول ببالي واشتاقلج موت يولي
- وانتي روحي ياعمري
كملنا زياره وطلعنا وطلبت نصور صورة جماعيه وكفنا
کلنه وورانه قبه الامامين سلام الله عليهم واطفالنه
کدامنه وكل وحده واكفه يم حبيبها وابو بيتها
وصورنه ..احلى ذكرى واجمل يوم

رجعت البيتي غرفة جديده وكلشي جديد وصفحة جديده
ويه الشخص الاحبو والهايمه بعشقو
كاعده واقرا .. وابني يدفر ببطني وحركاتو وهو بين احشائي تفرحني اكثر
جا رمح واني مندمجه وحضني من وره وایدو على
بطني
- شيسوي حبيبي
- دااقرا تعليقات
- تعليقات شنو
. هههههههه مو شغلك
- اي صح انا شغلي بالحقوق ول یا به تعااااااي
- احبك رمحي
- عرج عيني انتي...

كضبني ويعضعض بخدودي ويشاورني وهو مكزكز :- خدك تفاحه نيالووو الخدك بااااااس انتي الاولى وانتي الاحلى مهما كثرو الناس ... اااااااخ الله وكضبني ويبوس بخدودي قووووي ويصيح :- يابووووويه مااااشبع منك ابني اح اح اح

بعد مرور الاشهر ... وصلت للشهر التاسع وتحدد موعد عمليتي
طلعنا من الدكتوره واني خايفه ورمح جا وراية :- شبيج وجهج اصفر هسه زط بط يزرگ الطفل

حجيت بفهاوة وخوف:- رمح ترا حجيب طفل
- صدك والله ؟
- اي والله
- ها حسبالي تجيبين طلي كلت خوش حتى نذبحه على عيد اضحية
- رمح اسكت اسكت لتحجي شي
- امشي انتي ورگيتج وعلي اذا ما كل سنه احبلج حالف اسويهم فريق دزن فريخات
- وبراسسسي انييييي تحلم رمح تحلم بعد احمل
- نشوووووف ...

رجعنا للبيت وتمددت وهو حضني حيل جا فهد ونام بنصنا وحضنا اثنينا واني منطتهم ظهري بسبب بطني ، وايد رمح تمسح عليها بهدوء ، فتح التلفون وشغل سورة البقرة فجأة وابني صارت حركتو قويه ورمح فز وحط راسو على بطني ويضحك :- ها بابا الو هل تسمعني

ريام :- ههههههههه يسمعك سيدي
رمح:- من يتحرك يأذيج
ريام:- لا بالعكس
سحب ابد فهد وفهد يضحك وياه ويكول :- بابا اغيد علاوي
سحبتو وبستو قوي من حلكو لان فهد ميلفظ الراء يخليني اعضعض بي

حجه :-غيام ( ريام)

رمح خزرو:- كول ماما ميصير ابني

فهد خزر ابو ويكلو :- غيام مامي

رمح:- حالف تطلع كو*** مثل ابوك

ريام:- هههههههههههههههه هذا الشبل من ذاك الاسد
رمح:- باعي شراح اسوي

مد ايدو وضربني راشدي خفيف وصاح بيا :- رياااام
مااحس غير فهد هجم ع ابو دفع ايدو وحضن راسي قوي وهو يدحك ب ابو ومعصب وطابگ الحواجب واني اضحك
مد ايدو رمح يريد يكضب ايدي دفع ايدو قوي وكال :- نوووو نووو باباااا نوووو

اخذت راسو وحضنتو حيل ، حجه رمح ويه الفهد انكليزي جملة بمعنى ( جيب هذا الشي ) ركض فهد وجاب التلفون
- شنو كتله
- كل يوم اعلمه جمله بالانكليزي واكررها اله حتى يحفظها ويفتهم هسه كتله جيب التلفون كل شوي اعيدها عليه بس بغير شغله وفهم الجملة معناها ( جيب كذا حاجة)

- عاشت ايدك حبيبي
اخذ ايدي وباسها واني امسح برموشو الكثيفه وندحك ببعض ونبتسم وفهد حاضن رجل ابوه وايد ابوه على شعرو :- احبج طفلتي ام خدود ...
كعد كبالي وباس عيوني وسحب فهد الحضنو :- عندما نظرت الى عيناكِ ادركت انني لا املك ُ نُقطة ضُعف واحد بل اثنين ..

للحكاية تكملة ..

النهاية ..

متابعة الحسابي فضلاً وليس امراً ♥.