الفتايات المشاغبات
من القرارات الجميلة اللى هتفيدك جداً
انك تقرر التعايُش مع أي وضع ومع كلِّ أمور
حياتك حتى لو كانت الأمور تسير عكس ماتتمنى.
لإن أمر الله نافذ سواء صبرت أو اعترضت
سيدنا عمر قال: نفرُّ من قدر الله إلى قدر الله..
فاللَّهُمَّ لك الحمد على كلِّ شيء
الحمد لله قولًا وفعلًا وشكرًا ورضا❤))!
....................................
البارت الثامن ❤
بقلم رحمه محمد
.........................................................
جلب عبدالله المفتاح الخاص بالغرفه ودلف الجميع معه ليتصنموا محلهم من الصدمه
فكان الوضع كالتالي روما تجلس فوق المكتب الخشبي ويوسف يبدو انها اغلقت عليه باب الشُرفه
روما بصراخ:-فار ياخالو فار كبير والله
عبدلله وهو يفتح الشُرفه ليوسف:-انت ايه اللي جابك جوا
يوسف وهو يختبئ في والده:-فار يابابا فار
ايمن بسخريه:-ياصلاه النبي احسن
عدي وهو يمسك الفأر من ذيله ويشير لهم:-ده اللي انتوا خايفين منه!
طارق بنصف عين:-دي ريماس يخربيتكم
يوسف بعدم فهم:- ريماس مين
سيف بتنهيده:-فاره مامتك
استمعوا لصوتها الحانق من الخلف:-جك فاره اما تاكل ودانك اسمها هامستر
عبدالله بعتاب:-مش قولتلك كذا مره تخليها في اوضتنا عشان البنات متخفش
يوسف بغضب:-وابنك عادي يولع؟
صرخ بهم ايمن:-متفهمونا كده ايه العبث ده ثم نظر لابنه اخته:-وانتي قفلتي علي يوسف في البلكونه ليه
روما بسخريه وهي تركض ناحيته وتتمسك به:-اقسملك بالله ياغالي هو اللي اول مشاف الفار جري علي البلكونه وقفل علي نفسه وسابني اصوت هنا
شيري بضحك شديد:-انت عملت كده بجد
مولا بسخريه:-طب وانتي زعلانه محنا لما كنا في البلد والكلب جري ورانا دخلتي مدخل البيت وقفلتي عليا البوابه انا وشيري بره
عدي بضحك:-لا كما تدين تدان فعلا
طارق بحاجب مرفوع:-لا هيشكلوا عيله عبيطه فعلا
ادريس بضحك شديد:-متخيلين انه ممكن في يوم لمايتجوز يتصل بوالده يجي يلحقه عشان في فار في ال.... اه ايه ده صرخ بها ادريس اثر اصطدام خف والده يوسف بكتفه:-اسمه هامستر ياحيوان
ادريس وهو يختبي خلف ايمن و روما:-الله جرا ايه ياخالتي دنا امي معملتهاش مش كده
عبدالله بتعجب:-خالتي! يبني انت متأكد انك متربي في انجلترا؟
ادريس بستغراب:- اه منا لسه قايل لحضرتك
ايمن بسخريه:-اصل يعني لغتك اللهم صلي علي النبي احسن من احسن بلطجي في مصر خالتي والفاظ سوقيه من اللي قولتهالنا جوا
روما بهتمام:-قال ايه؟
يوسف بغضب وهو يجذبها ناحيه والدته:-وانتي مالك مهتمه ليه
آيمن بضيق وهو يدفعه ويأخد روما:-انا مش فاهم انت اللي مال اهلك في ايه مالك ومال بنتي
روما بضيق هي الاخري:-سيبك من الجبنه الدومتي دي ياخالو وخلينا في حته الكريمه بالقشطه دي والفاظها السوقيه
شيري بهتمام :-ايوا هموت واعرف الالفاظ السوقيه دي ايه
عبدالله بسخريه:-البيه جوا واحنا قاعدين بنتكلم سمع توكتوك معدي مشغل اغنيه غريبه كده مره واحده لقيناه وقف وبدأ يتنطط وبعدها ادرك اننا قاعدين فتحرج وقعد
مولا بضحك شديد:-اغنيه ايه دي؟
ادريس وهو يحرك يده بطريقه شعبيه:سوابق مقطع رخصتي
مخصم مع نص ديرتي
تفكر و تيجي ف سكتي
يااض انتا مش قد قلبتي
هشغل عليكو ابو شرطا
كبركم معرض اونطا
معلم و مخ ليقاطعه سيف بنزعاج:-خلاص جتك القرف في زوقك الفني
يوسف بتأييد:-زوقك زفت مشاء الله زي وشك
روما وهي تصفق بفرحه:-بتعرف تعقب بجد؟ زي دونجل
ادريس بتعجب:-يعني ايه ومين دونجل ده
طارق وهو يشرح له:-العبط والتنطيط ده اسمه تعقيب ودونجل ده كان واخد تريند علي الاغنيه دي
شروق بفرحه:-وحياه امك عقب كده فرجني
مولا بحماس:-اه والنبي عايزين نعقب
يوسف بضيق وعصبيه:-تشوفوا ايه ثم نظر لايمن:-متتكلم ياعموا وتخليهم يتلموا
ايمن بغضب:-ايه ده ايه قله الادب دي فين التربيه فين الاخلاق فين اسم الاغنيه دي بسرعه شغلوها عشان نتفرح عليه وهو بيعقب
ام يوسف هي الاخري بفرحه:-استني هشغلها علي الصب.
يوسف بصراخ:-بتسمعي سوابق ياماما
عبدالله بتعجب:-جرا ايه يافيفي مش اخر ليفيل وصلتي له كان شحط محط! انتي وصلتي لسوابق كمان
يوسف وهو يلطم:-شحط محط ينهار اسود هي حصلت!
سيف بحاجب مرفوع:-جرا ايه يبتاع عصام صاصا واسلام كابونجا متفوق كده مالك
عدي بزهق:-انتوا عيله مروشه وانا زهقت
فيفي وهي تتجاهلهم:-تعالوا يبنات شغلوا الصب جنب الدولاب هناك اهو وعلوه علي الاخر
طارق وهو يهمس لعدي وسيف:-دلوقتي فهمت الجيران بيشتكوا من ايه
سيف بتفكير:-تفتكر هي اللي كانت بتشغل الاغاني دي؟
عدي بتأكيد:-يعم مهو بيقولك شحط محط اهويبقي هي
طارق بزهق:-بقولكم ايه الراجل اخر مره حلف بالله انه هيبلغ عن صاحب الشقه لو مبطلش ازعاج فنا منسحب من الحوار ده انا مش حمل مرمطه
ييوسف بسخريه وهو ينضم لهم:-لا ولما كنا بنسألها تقولك مبشغلش غير ورده يبني اديها بتسليني وهي بتعمل حنه علي الضيق
عدي بفزع:-هما اشتكولك انت كمان
يوسف بسخريه:-حبيبي سكان العماره كلهم في الطالعه والنازله يقولوا ليا يا استاذ يوسف بعد اذنك وطوا صوت الاغاني شويه مينفعش كده
اما في الجانب الاخر في بيت العائله
كانت تجلس تبكي حسره علي ما ستتعرض له ابنتها وبنجانبها زوجها وعائلتي شيري ومولا
ام روما وهي تنظر له:-انا مش موافقه علي كل ده وبنتي تتمرمط كده دي لسه صغيره ثم اجهشت في البكاء مره اخري:-تلاقيها ياقلب امها منهاره من العياط دلوقتي والخوف
روما بردح:-لا بقولك ايييه متفكرش اكمنك حليوه كده وعيونك ملونه اني هسكتلك لا ياحبيبي فوق بدل مفوقك انا
ادريس بغضب:-تفوقي مين يابت دنا افوق بلدك كلهااااا
رومابصدمه:-هي وصلت لبلدييي؟ لا خد بقي ثم التفت حوالها تبحث عن شئ ما حتي وجدت مضرب تنس بجانب المكتب الخشبي لتركض له تخرجه من حقيبته وتنظر لادريس بشر:-اتشاهد علي روحك
ادريس بصراخ:-الحقوناااااي
لينتبهه له جميع من بالمنزل
ام شيري بحزن:-ومين سمعك يا ختي والله تلاقي شيري ياحبه عيني مكلتش لقمه واحده حتي ومرعوبه ياقلب امها
شيري بصراخ:-ايدك ياض من علي الكنافه بتاعتي بدل مشوح دراعك ببصلايه
ام مولا بدموع:-ياجماعه انا قلقانه علي امل والله دي ممكن تموت فيها
مولا وهي تمسك بالدُف:-حلو ده هينفع معانا بعد مالحليوه ده يعقب اهو حتي نرفهه عن حالناشويه
عدي بتأكيد:-وخصوصا نغني ادي الزين وادي الزينه بيبقي تحفه في الدق عليه
بعد مرور ربع ساعه
جلست روما وبجانبها الفتاتان وامامهم يجلس الشباب جميعا عدا ادريس يقف في منتصف الردهه
روما بشر وهي تنظر ليوسف:-انا نفسي افهم بس انت حاشر نفسك في مشاكلي ليه
يوسف ببلاهه:-مشاكلك ايه انتي كنتي هتخليه ينط من البلكونه!
أيمن بغضب:-ياسيدي انت مالك مينط هو انت ولي امره لا حول ولاقوة الابالله مش عارف قارش ملحه بنتي ليه
شيري بتأكيد:-لو مش طيقنا قولنا عادي واحنا ناخد بعضنا ونمشي
مولا وهي تضرب كفيها ببعضهم:-متقولي حاجه ياطنط فيفي
اردف يوسف سريعا:-ياجماعه والله فهمتوا غلط ميولع هو واللي جابوا انا بتكلم عليها هي هتودي نفسهافي داهيه عشان واحد ملون زي ده
ادريس وهو يضع يده علي صدره:-تشكر يازوق ثم اردف بتذمر جتكم القرف عيله مهزقه
مولا وهي تنظر له:-اغلط كده تاني عشان تقوم ترميك من البلكونه بجد وانت كنت شبهه الفار مستخبي منها
نظر لرومابخوف ثم نظر لايمن ويوسف يتابع حوارهما
أيمن ببرود وهو ينظر ليوسف:-اه سبها هي حره ملكش دعوه تودي نفسها في داهيه تحيب الداهيه لحد عندها متدخلش
يوسف بستفزاز:-بكره يبقي ليا دعوه ياعمو واتدخل غصب عن الكل
أيمن بحنق:-عارف امك اللي قاعده دي!
يوسف بتعجب:اكيد عارفها
أيمن وهو يريح ظهره للخف:-ده عندها بقي
روما بغرور:-معاش ولا كان ياحبيبي اللي يتدخل في شئونا ثم نظرت لادريس وهي تضرب الارض بالمضرب:-متخلص ياض وتعقب قرفتنا
ادريس برعب:-منتوا مشغلتوش اغاني يامعلمه الله
روما وهي تهز رأسها:-اتصدق عندك حق ثم نظرت له مره اخري:-هوانت عندك كام سنه يا ادريس
ادريس بستغراب:-19 بس ليه
روما بغباء:-نعم ياخويا 19ايه
شيري بدهشه:-جك 19عفريت ينططوك
مولا وهي تنظر له من الاعلي للاسفل:-الجته دي 19سنه
عبدالله بتعجب:-19ايه ياحبيبي انت عبيط ولا ايه الملف بتاعك عندنا مكتوب فيه انك28سنه
ادريس وهو يلطم:-يا عمو اقسم بالله الملف اللي عندكم بتاع عُثمان ابن عمي مش ملفي انا والله احلفلك ب ايه تاني
روما بتعجب:-ادريس وعثمان! لا اله الا الله اسامي كان نفسي اقولها وانا نازله من علي سلم فيلتي وانا بقول:-ادريس يا ادريس حضرلي القهوه بتاعتي عشان متأخره علي الميتينج
شيري بضحك شديد:-المهم اننا دخلنا طب في الاخر
يوسف بغموض:-طب طلع بطاقتك بقي كده وتليفونك وكل حاجه تخصك
ادريس ببسمه:-حبيبي انزل تحت وافتح عربيتك وافتح شنطتي اللي انت خدتها من عربيتي هتلاقي فيها كل ورقي وكل شئ يخصني ثم اكمل بتنهيده:-وخدو الكبيره بقي انا برضوا كليه طب نفسي
شيري ببلاهه:-ياجدع اللهم صلي على النبي دنتا المريض يشوفك اصلا نفسيته تتحسن فيك شبهه من البت روما اشقر زيها
ادريس بدهشه:-هو انتي كمان شقرا!
روما بسخريه:-لا صبغاهم
ادريس وهو يحرك رأسه بسرعه:-لا ثواني هو انتي مش صبغاهم فعلا
روما بغباء:-انت اهبل يابني؟ هصبغ حواحبي وتمام طب ورموشي ازاي هصبغها
ايمن بغموض:-طب عقب يخويا يلا
فيفي بمرح:-وادي الاغنيه اهي
اندمج ادريس في التعقيب ثم فجاءه قام بسحب طارق معه ليتفاجئوا بندماح طارق معه
روما وهي تصفر:-اللهم صلي على النبي كنافه بالقشطه وحته ايس كريمه بيرقصوا
شيري بمرح:-شايفه الناس الحلوه ياختي مش حموكشه وعبده عماصه اللي معانا في الكليه
يوسف بضيق:-متلموا نفسكوا بقي
روما بغضب:-ياجدع متخليك في حالك بقي الله ولا اكمنك يعني جبنه دومتي بالشيدر زعلان
يوسف بتهكم:-جبنه في عينك فشر ياختي دنا عسل بالمكسرات
روما بتقزز:-يع نفسي جزعت من التشبيهه
آيمن بسخريه:-اهي كسفتك اسكت بقي عشان صدعتنا سبنا نستمتع برقص العيال الجامدين دول
روما بمرح:-خالو وحشني الرقص معاك ثم ذهبت لترفع صوت الاغنيه والتفت لخالها وهي تهز كتفيها بطريقه مضحكه وهو كذالك
ليهتفون سوياً بعدما انضم لهم شيري ومولا ايضاً وبجانبهم ادريس
مانتش قد العفاريت هنولع الكبريت وهنمهرج الليلة
عيد ونطيركم من بعيد ده الوقت وقتيي
ليهزون كتفهم بمرح
هابا هابا هابا
دنيا لالي لالي لالي مفيش حاجة شاغلة بالي
عادي عادي لا بالي ما هي بايظة وانا مالي
زمبليطه زمبليطه يلا عنشوق العبيطة
تيجي نعمل حاجة جديدة ونقول حاجة مش مفيدة
ده الوقت وقت
هابا هابا هابا
سين وجيم وبهدلة مش طالبة شغل
هرتله فلوس و صيت وبلبلة
مالناش في الهلهلة
هابا هابا هابا
لتقترب روما من عدي وتجذبه وكذالك شيري مع سيف وايمن مع عبدالله ومولا مع فيفي تراقصها بمرح ليندمجون سريعا معهم
لا لا لا كل حاجة في البلالة
واناس اللي جوا الصالة
ياريت يفكوا الحصالة
النمس مش هيسيب الانس
خليك عارف يا برنس
هيجيلك من غير ماتحس
حس حس
ده الوقت وقت
هابا هابا هابا
خد تعالي يلا سحر وهرتله
سهله المسئلة
ولا هرجلة
هابا هابا هابا
عبدالله بضحك شديد:-اتفضحنا انهارده
يوسف بسخريه:-لاياحبيبي متقلقش احنا اتفضحنا من زمان بأغاني الست الوالده ثم نظر لوالدته بحنق وهو يهز يديه بعشوائيه:-كله سابني بقيت لوحدي؟ وانتي بسكوتيه مقرمشه! اخرتها بتسمعي شاكوش وصاصا ياماما
ادريس بخبث:-اوعا ياخالتي دحنا طلعنا جامدين اووي اووي اووي اهو
روما بخبث مشابهه:-يابني طنط الاساس والباقي يتداس
شيري وهي تشاركهم:-وعلي رأي المثل اللي ملوش خير في فيفي
مولا وهي تكمل:-ملوش خير في مصر
فيفي وهي تصفق بفرحه شديده:-والنبي ياعبدالله نتبناهم
عبدالله بتعجب:-تتبنيهم ايه هما قطط ثم اكمل بخبث:-وبعدين مش هتحتاجي هما كده كده هيبقوا معاكي علي طول عشان صحبتهم ثم رمق يوسف بنظره عبثيه:-ولا ايه يا جو
يوسف بمرح:-طبعا اومال دنا هعيش معاكم انا وسيف وعدي وطارق هنا متقلقوش
ادريس ببلاهه:-وانا وانا
يوسف بضيق:-ملكش مكان وسطنا انتي اصلا مجرم
نظر له ادريس بحزن فمزال لايصدقه
روما بشفقه وحزن:-متلويش بوزك كده طيب
نظر لها الجميع بتعجب لتردف بتبرم:-ايه بتبصولي ليه الولا صعبان عليا محدش فيكوا طايقوا وانا شايفه صادق بصراحه
ادريس ببسمه هادئه:-روح إلهي يرزقك ببن الحلال اللي يدلعك ياشيخه ويجبر بخاطرك
نظرت له شيري بمرح:-طب وانا ياعم وحياه امك دنا بحوش عنك من بدري انا ومولا
ادريس ببسمه لطيفه:-رينا يرزقكم كلكم
روما بمرح:-وياسيدي متزعلش اعتبر نفسك فرد جديد في شلتنا اللي كانت ثلاثيه ودلوقتي هنعتبرها رباعيه
نظر لها يوسف وملامحه لا تنظر بالخير:-اللهي رباعيه اما تفجر مخك يابعيده ثم امسكها مره اخري وخبئها خلفه ونظر لادريس بعينان مشتعله:-ولا انت انا اه مش طايقك ولو لمحتك بتكلمها تاني هاخد اعدام فيك
روما بصراخ:- جرا اييه ياجدع انت ملكش دعوه ده بقي من شلتي خلاص ثم نظرت لايمن:-متتكلم يخالو
ايمن بأسف:-للاسف يا حبيبتي صدر قرار بأنه هيبقي له دعوه بس لفتره محدوده نستحمله لحد ميغور
روما بصدمه:-لا متهزرش
شيري وهي تربط علي كتفيها:-اهدي
أيمن وهو يكمل بنظرات مشتعله وينظر لعدي وسيف:-ومش ليكي لوحدك ثم نظر لمولا وشيري:-وانتم كمان زيها
شيري بغباء:-زيها ازاي
مولا بحنق:-مع احترامي اننا بنحب نعمل ماتشينج في كل حاجه بس مش لدرجه الجواز ياخالو في ايه
يوسف ببسمه واسعه وهو ينظر لعدي وسيف:-انتوا وقع حظكم مع مين
سيف بسخريه:-والله لسه التنسيق منزلش
عدي وهو يحرك رأسه موافقا علي حديث سيف:-انا مفاجئ زي زيك والله
اتجهت روما لتجلس علي الاريكه:-خالو ممكن تفهمنا كل حاجه انا ملحقتش افهم من دكتور يوسف حاجه
ايمن وهو يطلق تنهيده حاره:-هيتكتب كتابكم انتوا التلاته وهتسافروا بره لان علي حسب كلام ادريس ان عثمان نفسه اصلا بره والاغرب بقي ان عثمان طلع مستقصدكم فعلا وعايزكم انتم وهرجع اقول لولا سيف وعدي ويوسف وطارق مكنتوش هتبقوا هنا
شيري بخوف:-يعني احنا لسه في خطر
مولا وهي تتمسك بها:-وممكن نتخطف تاني
ايمن وهو ينظر لهم بحنان:-حبايبي الشباب هيحموكم متقلقوش بس طول منتوا وسطنا هنا هيقدر يجبكم حتي لو اضطر يخطفكم من بيتكم ويقتل اهلكم
روما بدموع:-بس ياخالو دراستنا وحياتنا كلها هنا ازاي هنقدر من غيركم انتوا.
ايمن بتشجيع:-انتي قويه وصحابك معاكي ويوسف هياخد باله منك وهيحطك في عينه وهتكملوا دراستكم في جامعه هناك وانا هكون معاكم في كل خطوه
عبدالله وهو يربت علي كتفها:-كله هيبقي كويس بمجرد ماتنتهي المهمه يا حبيبتي
........................................................
بعد مرور ثلاث ايام لم يذكر بهم شيئاً سوا مغادره الفتايات منزل يوسف والمكوث في منزل روما حتي يتم تجهيز عقد قران كلاً منهم
شيري بسخريه وهي تنظر لردائها المعلق:-مين كان يتوقع ان كلها اسبوع وهيتكتب كتابنا
مولا بأسف:-مجتليش حتي في اسوء كوابيسي
ام روما وهي تحتضنهم:-كله لأجل سلامتكم ياحبايبي
روما بغضب:-لأجل سلامتنا نقوم نتجوز طب مايحمونا من غير جواز ده ايه شغل الروايات المقرف ده
نظرت لها والدتها بحنق وعصبيه:-وطي صوتك وانتي بتتكلمي وبعدين مينفعش تسافروا لوحدكم ولو هما سافروا معاكم هيسافروا بصفتهم ايه لازم يبقي معاكي راجل وانتي مسافره ياهانم
روما بتبرم:-كنا خدنا احمد ابن خالي كنا خدنا وجيهه اخو شيري او عمرو اخو مولا كان في 100حل غير الجواز.
دخلت والده شيري الغرفه وهي تمسك روما من يدها وتجلس امامها:-طب فهميني ايه اعتراضك وليه
روما بدموع:-احنا لسه صغيرين يدوب لسه بنحاول نحقق احلامنا ياخالتو
شيري وهي تهز رأسها بدموع:-ياماما مش عايزين نتجوز اصلا احنا عايزين نخلص دراستنا ونشتغل ونثبت نفسنا بعدين نفكر في ده لسه معشناش ايامنا اللي خططنا ليها سوا
مولا وهي توافقهم:-لسه مش قد مسؤولية اننا نشيل حاجه هناك خالو قال كل واحده هتقعد في شقه خاصه بيها مع جوزها واحنا مش قد مسئوليه ده بصراحه
نظرت لهم ام روما بغضب:-بقولكم ايه الكل خلاص وافق وكتب الكتاب بعد اسبوع خلص الحوار يلا يا ام شروق وانتوا خلصوا واطلعوا يلا عشان تجهزو الفطار
....................................................
في اليوم التالي جلس الثلاث فتايات مع الشباب في احدي الكافيهات بعدما طلب كلاً منهم التحدث مع فتاته علي انفراد
يوسف بتعابير وجهه هادئه:-كل واحد هيقوم يقعد علي ترابيزه مع خطيبته يلا
شيري بسخريه:-وياترا بقي كل واحد هيقوم يشد واحده كده ويبختك يبو بخيت ولا هنعرف التنسيق وقعكم مع مين
سيف بمرح:-متقلقيش تنسيقك وقع معايا ياغاليه ثم اردف بحسره مضحكه:-عيني علي مرتبي اللي هيروح علي اكلها
عدي بمرح:-تنسيقي وقع في مولا الحمدلله هدوء الدنيا كلها والله ربنا يبارك فيها
روما بتهكم:-هدوء اه طب يا ابو هدوء معندناش احنا استبدال ولا ارجاع خلي بالك بس عايزاك تشرب هدوئها اللي انت فرحان بيه ده
عدي بستفزاز:-عجبني ملكيش دعوه انتي
مولا بحاجب مرفوع:-لا ليها وليهااكتر منك كمان
سيف بضحك شديد:-يلهويي يانا علي لسانكم اللي عايز قطعه ده ثم اشار علي السكين الموضوع امامه وهو يلوح به:-مبدئيا كده اللي هطول لسانها هطول انا ايدي ثم نظر لهم بفتور:-أمين؟
يوسف بسخريه:-اغبي مخلوق ممكن تشوفه هو سيف حاليا قاعد مع 3ممكن يبلعوا وبيقولهم هطول ايدي
روما ببسمه مختله:-طب اسمع انت بقي يا عنيا يمين بالله انا مباقيه علي حاجه فلو وسوس لك الشيطان تيجي علينا شايف الكوبايه الحلوه اللي قدامك دي فيها عصير مانجا اقسم بالله اكسرها فوق دماغك.
سيف بخبث:-وريني هتعمليها ازاي ثم نظر لشيري بتريس:-اتفضلي قدامي
شيري ببلاهه:-هتطلبلي كشري بلبن
سيف بنفاذ صبر:-حاضر هطلبلك اتفضلي بقي
عدي ببسمه هادئه:-يلا يامولا
مولا وهي تنظر له بخوف:-منقعد معاهم هنا
عدي بمرح:-ميصحش ده يوسف يجي ينفخنا ثم همس لها:-اصله عايز يتناقش مع صحبتك بكل هدوء وخصوصيه في حياتهم الجايه
نظرت له مولا بتفهم واخذت حقيبتها واتحهت معه لطاوله اخري
روما بسخريه:-مش فاهمه ايه لازمتها نتفرق كده مكنا متلقحين كلنا علي ترابيزه واحده
يوسف بتعجب:-متلقحين! ما علينا عملنا كده عشان كل واحد يبقي علي حريته مع خطيبته وقاطعته روما بحده وهي ترفع يدها اليمين امام عيناه:-شايف دي؟
يوسف بتسغراب:-اه مالها
روما وهي ترمقه بغضب:-فيها دبله؟ لا يبقي متقولش كل واحد مع خطيبته بس
يوسف بحاجب مرفوع:-هي دي كل مشكلتك يعني؟ طب فل ثواني ثم وقف واخرج شيئاً من سترته وجذب يدها والبسها خاتم ذهبي رقيق
يوسف براحه:-اهو كده بقيت خطيبك اي خدمه
روما بتوجس:-لا مش هعترف بيك عارف ليه
يوسف وهو يضرب وجنتيه بملل:-ليييه
روما وهي تردف بحزن:-عشان مكنتش عايزه اتجوز كده
يوسف بشفقه:-انتي ايه ليفيل احلامك طيب فهميني يعني كان نفسك تعملي ايه يوم خطوبتك طيب قوليلي الاجواء اللي نفسك فيها
روما وهي تنظر له بشرود:-مكنتش عايزه اتجوز انا والبنات في يوم واحد عشان كل واحده فينا يكون ليها يومها الخاص والمميز ونكون حاطين تركيزنا ومجهودنا كله معاها.... كنا عايزين نخلص دراستنا الاول ونشتغل ونعمل لنفسنا اسم ادمعت عيناها وهي تردف:-كنت عايزه لما اجي اختار شريك حياتي يجي زي اي حد طبيعي يتقدملي نقرا فاتحه ونعمل خطوبه ونكون فرحانين نعزم كل صحابنا واهلنا يفرحوا معانا مسحت دموعها سريعا وهي تنظر له بحزن:-كنت عايزه كل حاجه تبقي مميزه ميبقاش اللي هيتجوزني مجبور انه ياخد الخطوه دي عشان يحميني انا وصحابي
يوسف وهو يربت علي يدها فهو يشعر بها وحدثه أيمن عن رغبتهم في تحقيق احلامهم:-بصي يا روما يمكن احنا الظروف جمعتنا بطريقه غريبه بس انا فعلا مشدودلك اه انا مجتش زي اي حد طبيعي اتقدملك واجبلك ورد ومجبتش اهلي بس اوعدك دي اول خطوه هاخدها اول منمشي من هنا صدقيني انا فعلا بتجوزك بإرادتي مش بس عشان احميكي جوازي منك كان هيحصل سواء قبل متتخطفي او بعده وده نصيبنا ولو ياستي علي الخطوبه وعد مني يوم كتب كتابنا الناس هتحكي وتتحاكي فيه واعزمي اللي عايزاهم هنعمله في قاعه مفتوحه كمان عشان عارفك بتتخنقي من القاعات المقفوله ثم اردف بمرح:-ومش هنجيب جاتوا بالكريمه هنجيب جاتوا بالشوكلاته بس عشان خاطر عيونك
نظرت له روما بمتنان:-انا اسفه لاني كنت بضايقك واستفزك ثم تبدلت نظرتها لغضب:-بس انت كنت مستفز ورخم
يوسف وهو يصفعها:-مبتعرفيش تكملي جمله عدله ابدا منغير مترمي كلمتين سم فيهم
روما بغرور: -لو مش عجبك تعالي. خد حاجتك ونفضها
نظر لها يوسف بحنان ثم امسك بيدها لترمقه هي بخجل:-مسكت ايدي ليه؟
يوسف بنفس النظره:-اقلعي الدبله ام 9000جنيه االي لسه ملبسهالك
روما بصدمه وهي تجذب يدها من يديه:-اقول عليك ايه وانت فيك كل العبر يابعيد
نظر لها هو بمرح شديد:-مش قولتي خد حاجتك ونفضها ثم ناولها كوب العصير:-اشربي ياختي اشربي خلينا نقوم نتمشي
علي طاوله سيف
سيف وهو يلطم وجنتيه:-يابنتي كفايا ابوس ايدك وركزي معايا خلينا نتكلم الكلمتين
شيري بلامبالاه وهي تتناول الايس كريم:-كلامنا خلص سالت عن احلامي وقولتلك عايز ايييه تاني سبني اركز مع حلاوه الايس كريم ده
سيف وهو يضرب الطاوله بيديه بعصبيه:-انتي بتستعبطي
نظرت له شيري بفزع ودموع ثم نظرت بتجاه طاوله روما:-من فضلك عايزه امشي
سيف بأسف:-ياشيري انا اسف والله مش قصدي حقك عليا ياستي ممكن بقي نتكلم
شيري وهي تنظر له بضيق:-مظنش في كلام يتقال يا استاذ سيف الفرح واتحدد وخلاص كل حاجه جاهزه هنتكلم ف ايه تاني ثم نظرت له بسخرية ولا تكونش حابب تبدل وتجيب طارق مكانك وعايز تستأذني
سيف بزهول:-لا طبعا مش هبدلك اما مختارجك بكل ارادتي والله وحابك وحابب تصرفاتك العبيطه دي ومستحيل اخليكي لحد غيري اصلا
شيري بلامبلاه:-اومال حضرتك حابب تتكلم ف ايه
سيف بتنهيده:-بصي ياشروق انا عارف ان احلامكم كتير وكنتوا بتبنوا وتخططوا لحاجات كتير نفكسم تحققوها بس انا مش همنعك من كل ده نظر لها بحنان:-صدقيني هقف معاكي لحد متخلصي كليتك وهشغلك في احسن مستشفي تشاوري عليها احلامك هحققهالك حتي صحابك هيبقوا جنبك مش هتبعدي عنهم هحاول علي قد مقدر اسعدك ومزعلكيش او اضايقك اه حياتنا مش هتبقي وردي علي طول بس الاكيد اني هحاول مخلكيش تزعلي مني في يوم
طالعته شيري بدموع:-شكرا ياسيف
سيف بمرح وهو يلكزها في كتفها:-انتي بتعيطي؟ والله اتصل علي الراجل اقوله ارجع ببوكس الشاورما خلاص مش عايزينه
شيري بلهفه وهي تمسح دموعها:-لالا مبعيطش ثم اردفت بتسائل:-جايبها كام فرد
سيف بضحك شديد:-جايبلنا احنا تكفي8افراد وجايب ليهم هما يكفوا 4
شيري وهي تصفق بفرحه:-يحيا سيف يحيا
سيف وهو يخرج الخاتم من سترته ويلبسه لها:- وده ياستي خاتم خطوبتنا وانشاء الله الشبكه تشتريها لنفسك واحنا سوا مع العيله
نظرت للخاتم بفرحه شديده ثم نظرت له بمرح:-بالمناسبه دي بقي مش هتطلبلي حاجه اشربها
سيف وهو ي يلطم وجنتيه:- يمرتبيي يامااااا.
علي طاوله عدي
وضع كوب العصير امامه علي الطاوله المليئه بالاكواب المتسخه
عدي بسخريه:-حقيقي يامولا الكلام معاكي ممتع فعلا.... لم تنتبه له هي وكانت تتناول العصير بهدوء غير منتبهه لحديثه
عدي بصراخ:-يابنتي بقي في ايه
مولا بفزع:-ايه؟
عدي بنفاذ صبر:-شربنا نص عصاير المحل وشربنا شاي وقهوه في ايييه هتنطقي امتي يعني؟
مولا ببلاهه:-هو حضرتك سألت منتا كمان قاعد باصصلي..
رن هاتفه لينظر للرقم بغضب شديد ثم نظر لمولا وتركها ورحل
لتنظر له بتعجب شديد وكذالك صديقيه ليقوما خلفه سريعا
لترا روما وشيري ينظرون لها بغضب وو
بقلم رحمه محمد