الفتايات المشاغبات

البارت السادس

البارت السادس
بقلم /رحمه محمد.

*‏يا ابنَ آدمَ لَوْ بَلَغَتْ ذُنُوبُكَ عَنانَ السَّماءِ ثُمَّ اسْتَغْفَرْتَنِي غَفَرْتُ لكَ ولا أُبالِي " 🥹🩷🩷🩷🩷🩷🩷🩷🩷🩷🩷🩷🩷🩷🩷🩷🩷🩷🩷🩷

صلوا علي النبي❤

..............................................

نظر لهم بصدمه فكان الوضع كالتالي هناك طاوله طعام مربعه يوضع عليها بعض الاطباق البلاستيكيه ويبدو ان بداخلها الحلوي التي طلبها عدي وبجانبها العصائر وعلي الناحيه الاخري يضع عُدي اللابتوب خاصته علي طاوله اخري امامهم وهو يردف بحماس:-انا هشغل رامز
ليردف سيف وشيري بتذمر:-شغل الكبير
روما وهي تضع قدم فوق الاخري:-رامز شئ مقدس علي الفطار في رمضان ثم صرخت:-وبعدين انهارده جايب حبيبي وعم عيالي علي معلول فاللي هسمع حسه هقطع لسانه امييييين
هزو جميعا رؤوسهم بطاعه ثم نظر طارق في ساعته:-دقيقه وهيأذن
شيري بضيق:-الاكل لسه موصلش يا عدي
عدي بعصبيه وهو ينظر لها:-يابنتي الرحمه دي المره ال14 اللي تسأليني فيها واقولك 5دقايق وهيوصل الراجل مش راكب طياره
مولا بستغراب وهي تنغز روما:-مركزه علي ايه كده
اشارت لها روما ببسمه بارده علي شئ جهه النافذه لتفتح مولا فمها بصدمه:-هو من ضمن العصابه ولا ايه
نظرت لها روما بجديه:-لا يوسف اهبل متوصلش بيه للخطف ثم اردفت بسخريه وصوت عالي:-مش كنت تقول يا دوك انك جاي ثم اقتربت جهته ببرود:-كنا حتي عملنا حسابك في الاكل
يوسف بدهشه:-انا اسف المره الجايه هبلغك قبل ماجي ثم نظر لسيف وعدي وطارق:-أيه اللي بيحصل هنا ده وايه الاكل ده اصلا ثم نظر للجميع:-هو انتوا مخطوفين ولا جايين زياره عند بلبن ايه كميه الحلويات دي
شيري وهي ترمي زجاجه العصيرمن يدها:-بصلنا في ام اللقمه بقي ناقصه هيا ثم نهضت بعصبيه:-مش كفاية انت عامل علينا شريف وانت اصلا اللي خطفتنا لا وكمان خطفتنا من غير حتي متخليهم يسحرونا
يوسف وهو يمسح وجهه بملل:-المره الجايه ياشيري هقولهم يعدو بيكي علي كرم الشام تجيبي بوكس شاورما 8افراد
شيري بحماس:-انا متاحه في اي وقت حابب تخطفني فيه علي فكره
مولا بسخريه:-همك عكرشك حتي لو كنتي هتموتي
يوسف وهو يجلس بجانب روما:-ممكن افهم ايه اللي بيحصل هنا ده ونظر لطارق:-انت بتعمل ايه
تطلع له طارق بعصبيه:-حضرتك شايف ايه في ايدي
يوسف بذهول:-شفشق مايه وكيس سكر وكيس تمر
ليردف طارق بعصبيه اكثر:-يبقي بعمل ايه يعني عرق سوس مثلا
ربت عدي ع كتف طارق وهو يردف بمواسه:-معلش يا خويا هو تلاقيه بس عينوا مزغلله من الصيام
ليتفاجئوا بسيف يقفز من فوق الاريكه وهو يهلهل بفرح:-الاكل وصل
ليجدوا شيري تطلق زغروطه عاليه وهي تسقف بفرحه شديده:-والاذان اذن لتنقض سريعا علي احدي زجاجات العصير
يوسف بغباء:-نسيتي تقولي الدعاء يا اخت لكن يبدوا انها لم تستمع له من الاساس ليرا روما تقذف له احدي الزجاجات:-افطر يادوك لحسن تلاقيك ياحبه عيني من الصبح شقيان وانت بتجري ورا الناس تخطفهم
ليتطلع لها بصدمه:-انا
مولا بملل:-هو سيف بيجيب الاكل من ميدان لبنان ولا ايه
ليقطع حديثها دخول سيف وهو يحمل الكثير من الحقائب
يوسف وهو ينظر للحقائب بدهشه:-هو انتوا عازمين حد؟
روما بستغراب:-لا ليه
يوسف:-اومال ايه الشنط دي كلها
روما بمرح:-لا ده يدوب حبه تسالي يعني كشري علي كام سندوتش شاورما سوري لحد محضرموت يبعت لينا الفطار الاوردر اصله هيجهز الساعه7
ليبتسم يوسف بسمه صفراء:-بتهزري صح
عدي وهو يناوله احدي الاطباق:-لا والله مش بتهزر احنا فعلا لما لقينا الاكل هيتأخر طلبنا حاجه تصبيره خد ياوحش كنت حاسس انك هتيجي فجبتلك قنبله من عند ابوطارق
يوسف بفزع:-عايز تفجرني ياكلب
روما بغباء:-يفجرك ايه ياعم ده طبق كشري ع طاجن وبيحطلك فيه حمص زياده
عدي بغمزه لروما:-خد يامعلمتي ده الصاروخ
روما وهي ترد له الغمزه:-شوفت طول منتا بتسمع الكلام انا كويسه اهو
طارق بسخريه:-مجبور بعيد عنك مجبوور
يوسف بضحك شديد وهو يجلس بجانبهم علي الطاوله:-صحيح يابنات لما انتوا جامدين اووي كده وطحنتوا عدي وطارق مدفعتوش عن نفسكم ليه وانتم بتتخطفوا
مولا وهي تتناول الطعام بسخريه:-هو احنا لحقنا نفكر وبعدين باعتين لينا دبابات لو واحد فيهم زقنا بصباعه هيطيرنا وعايزنا ندافع عن نفسنا
شيري:-ملحقناش نستوعب والله حاجه
روما وهي تبتسم بغباء:-لا والله هو بعيدا عن كل ده بس الجو كان دراما اووي يعني احنا بنجري والعربيه ورانا وفجاءه دخلنا في زنقور كده
قاطعها يوسف بدهشه:-يعني ايه زنقور
روما بنفاذ صبر:-حاره ضيقه لازم تستفسر يعني
عدي وهو يجاريها بلطف:-معلش يامعلمه حقك عليا انا كملي ياغاليه
شعر يوسف بشئ ما داخله يشتعل ليسعل بقوه ليناوله سيف بعض المياه وهو ينظر لروما:-كملي ها وبعدين
روما وهي تهز كتفيها بلامبلاه:-بس رنينا علي خالو بقي وكانت شيري بتعيط ومولا بتصرخ فالجو كان مسيطر علينا وهوبا ياخويا لقونا الدبابات بتاعتكم وواحده اغمي عليها وانا والتانيه اتخدرنا بس .
يوسف وهو يومئ رأسه بتفهم وهو ينظر في احدي الاركان:-لا حقيقي شابوه ثم نظر لعدي وطارق:-هو دي الاوضه اللي البنات اتحبسوا فيها امبارح لما جبتوهم؟
طارق:-اه ليه؟
يوسف:-وكنتم ربطينهم؟
عدي:-انا ربطهم وطارق لما دخل الصبح عليهم فك روما فروما ضربته وفكت صحابها
يوسف وهو يصفع طارق علي رقبته:- هو ياغبي في حد بيخطف حد ويسبلهم شنطهم؟
ثم نظر للفتايات بغضب:-وانتوا هتجلطوني صح يعني قاعدين في اوضه في الدور الاول يعني لو نطيتم من الشبابيك مش هيجرالكم حاجه ثم صرخ في وجههم:-ومعاكوا شنطكم اللي فيها التليفونات وفيها جهاز التتبع اللي خالكم مديهولكم ولما عدي اغمي عليه مفكرتوش حتي تاخدوا تليفونه تكلموا حد ثم شد علي شعره بعصبيه:-انتوا ازاي كده بجد لينظر لهم يجدهم يتطلعون في الفراغ فشعر بأنه ذاد الامر عليهم حده بالتأكيد لم يفكروا في اي حلول من خوفهم
روما وهي تنظر لشيري ومولا بأسف وخذلان:-انا مش قادره
شيري بحزن:-وانا كمان
مولا بدموع:-مش قادره استحمل بجد
يوسف بتراجع وهدوء:-يابنات انا مش قصدي ازعلكم والله انا بس
قاطعته روما وهي تصرخ:-يا اخي اللهي تولع انت وقصدك ناولنا كوبايه عصير الكشري ناااار
مولا وهي تبكي:-لساني مش قادره يا شيريي الحقيني
شيري بدموع هي الاخري:-وانا مين يلحقني الطاجن ولع بوقي
عدي وهو يناولهم بعض العصائر:-قولتلكم شطه ابوطارق مفيهاش هزار ومتكتروش عملتوا فيها هولاكو وهتستحملوا
ثم نظر ليوسف القابع امامه يتابع ما بحدث بفاهاً فارغ ليعنفه:-ناولنا يا يوسف بسرعه بوكس الشورما اللي اودامك البنات بتفطس
روما بصراخ:-متجيب البوكس يابني ادم انت متنح كده ليه
يوسف بعصبيه وهو يشد علي شعره:-كده كتير والله كده كتيير جدا كمان
سيف وهو يربت علي كتفه:-نص ساعه وهتتعود ثم اشار لطارق:-كلمت حضرموت يزودوا وجبه ليوسف
طارق ونظره مركز علي اللابتوب:-اه والولا مينا بتاع الاوردر طلع من ربع ساعه
جلس وهو يركز النظر عليها وعلي افعالها الغير طبيعيه هي وصديقتيها
يوسف بهدوء:-خلصوا اكل عشان عايز اتكلم معاكم
مولا بلامبالاه:-مش عايزين نتكلم مع حضرتك
شيري وهي توافقها الرأي:-احنا وثقنا فيك واعتبرناك اخ لينا وفي الاخر تطلع انت اللي خطفنا اصلا
نظرت روما لهم ولم تعلق بل انشغلت فيما تتناوله وتجاهلتهم
يوسف بتبرير:-اولا مش انا اللي خطفكم ثم اشار لنفسه ده منظر واحد يخطف اصلا
عدي بصدق:-احنا فعلا مش عصابه اصلا ثم نظر لروما:-واظن روما عارفه والا مكنش زمانها قاعده هاديه كده.
ليرمقوا الفتاتان روما بشر بتنظر لهم ببلاهه:-في ايه منا لسه قيلالكم عمو عبدالله كلم عدي ووصاه علينا عدي بدهشه:-عرفتي منين
روما بغرور:-طارق لما خدني عشان اروح الحمام سمعته وهو بيكلم عدي وكان فاتح الاسبيكر وقاله ان عمو عبدالله حبيبي ربنا يحميه ويخليه يارب كلمه وزعق معاه وعرفه اننا نخصه وياخد باله مننا وميأذيناش وانهم اصلا ظباط متنكرين وشغالين في عصابه عشان يوقعوهم ويقبضوا علي الرئيس بتاعهم
عدي وهو ينظر لها بنبهار:-الله عليكي يابنتي معرفتيش عنوان بيتنا بالمره
روما وهي ترفع كتفيها:-للاسف لسه مقدرتش اوصلها وصح فكرتوني ثم وضعت يدها في جيب الجاكت خاصتها واخرجت هاتفها وهي تشير لطارق عليه:-انت لما جيت امبارح عشان تخطفنا كنت حطيته في الجاكت بسرعه وفضل معايا والصبح برضوا وانا في الحمام كلمت خالو وطمنتوا علينا ثم نظرت ليوسف:-مستغربتش انت انوا روح بيته عادي كده ومتصلش بيك من الضهر!
سيف ببلاهه :-عليا النعمه دنتوا اللي عصابه ثم صفق بحماس:-عليا النعمه البت دي مافيا متنكره في هيئه بنت لطيفه
يوسف بغموض:-ومهربتيش ليه يارحمه
روما ببرود:-ههرب منين ياقلب رحمه وانا معرفش الطريق لتكونش فكرني Gps
شعر بدقات قلبه تسرع نتيجه وقع كلماتها عليه هي نعتته بقلبها ايعقل ذالك؟
عدي وهو يلكزه:-مالك تنحت كده ليه
يوسف بتشويش:-ها لا مفيش ثم نظر لها مره اخري:-ناكل ونتفرج علي جعفرالعمده وهقولكم الخطه اللي هنمشي عليها عشان نقدر نخليكم بره الصراعات دي
روما وهي تنهض وتغلق اللابتوب الخاص بعدي وتقذفه جهه الكرسي:-مش هنتفرج علي حاجه احب اعرف الخطه دلوقتي
يوسف ببرود:-مش هتكلم غير بعد جعفر العمدة يارحمه
روما بغضب:-اسمي روما وده اولا ثانيا هتتفضل تتكلم وحالا يا دوك لان انا مش هستحملك كتير
يوسف ببسمه بارده:-اعلي مافي خيلك اركبيه يا بيبي بس كلام مش هتكلم دلوقتي ثم نهض ليجلب حقيبته واخرج اللاب الخاص به ووضعه بدلا من لاب عدي وجلس بجانبهم مره اخري وهو يتناول الطعام ببرود شديد
طارق وهو يبتلع ريقه بتوتر:-حضرموت وصل هقوم اجيب الاكل
يوسف وهو يهز رأسه:-ياريت بسرعه عشان جعان ثم نظر لروما بستفزاز:-محتاجه طبق الكشري ده في حاجه ثم اخذه سريعا من امامها:-معلش بقي الشاورما دي مجرد تسالي مبتشبعش انتي عارفه ثم رمق شيري ومولا بضحكه خاليه من المرح:-حتي اسألي شيري وهي تقولك
لتنظر روما لصديقتيها المنهمكين في الطعام لتصفع روما مولا:- طب هي مفجوعه وعارفين انتي بقي مالك في ايه
مولا بتذمر:-ياشيخه التقي الله لاحظي اني مكلتش من فطار امبارح الله سبيني عايزه الحق اخلص البوكس ده قبل مشيري تلف عليه
نظرت روما لشيري ومولا وعيناها تلمع بفرحه:-عارفين ايه معني ان شنطنا هنا
نظر لها عدي وسيف ويوسف بعدم فهم لتنهض سريعا وهي تصفق بحماس:-معاناها ان كل حاجه اشترينها امبارح موجوده هنا ثم صرخت بفرحه:-يعني الشيبسي بتاعي والايس كوفي موجودين هنا
نظر لها الجميع ببلاهه علي ما تفعل ليطرق طارق الباب ويدخل وهو يحمل صينيه كبيره تبدو مليئه بالكثير ووضعها علي الطاولة امامهم بعدما القت شيري كل ما كان عليها من زجاجات عصير وعلب طعام اخري
عدي وهو ينظر للفتوره:-الف حمد وشكر علي ان عمو عبدالله هو اللي عازمنا من حساب يوسف بجد دنا كنت هكمل بقيت الشهر بفطر جبنه وسحوري بكمله نوم
يوسف بصراخ:-ينهار ابوكوا اسود انتوا جايبين الاكل ده بالكريدكارد بتاعتي!
سيف ببسمه متوتره:-ابوك والله اللي مدهلنا وقالنا هاتوا للبنات اكل واللي هما عاوزينوا ثم همس له بصوت منخفض:-وقالنا نتوصي بمراتك
يوسف وهو يجز علي اسنانه:-اشوف فيكم يوم يابعيد دي فلوس جوازي
شيري:-يلا تعالوا بسرعه الاكل هيبرد
جلس يوسف بجانب روما وهو يرمقها بنظرات مستفزه وجلس طارق بجانب مولا وسيف وعدي وشيري في المنتصف
عدي بستغراب:-انت جايب ليه اوردرين من طلب روما.
طارق وهو يبتلع ريقه بتوتر:-جبت ليوسف نفس الاوردر بتاعها عشان معرفش اجيبله ايه ثم اشاح بوجهه بعيدا:-ااصلا هو الاوردر الوحيد العاقل اللي فينا رز وملوخيه وفراخ وطاجن لحمه
يوسف بنصف عين:-مش فاهم اشمعني برضوا طلبتلي زيها ليه مطلبتليش زي شيري
طارق بتلقائيه:-عشان انت بتحب نفس الاكل ده ثم نظر له بغباء:-هو في مشكله لقدر الله
جذب منه يوسف الطعام بملل:-لا ياغالي مفيش اي مشاكل.
سيف بحماس:-طعم النجرسكوا بالسجق تحفههه
شيري بعيون بريئه:-ممكن ادوق
سيف وهو يخبئ طبقه:-ده بعينك
شيري وهي ترفع الشوكه في وجهه بشر:-انا طلبت مره بحترام منفعش نخش ع العنف بقي
عدي وهو يعطيها طبقه:-خدي ياختي انا مش فاهم في ايه انتي ناقص تاكلينا
طارق بضحك شديد:-هي هتتسلا بينا لما الاكل يخلص بس استنوا
روما وهي ترمقه بشر:-حاسه في تريقه هنا علي صحبتي
طارق وهو يبتلع ريقه بخوف:-لا يامعلمه ينقطع لساني ده الاخت شيري حتي الحب والكنتلوب
شيري وهي ترفع رأسها سريعا وتنظر حولها ببلاهه:-كنتلوب مين جاب سيره الكانتلوب هو فين انا بحبه اووي
مولا بذهول:-كلي ياشيري النجرسكوا اللي في ايدك ياماما واتخرسي بقي عايزين نسمع المسلسل في هدوء
روما وهي تقذف الكوب ع اللاب بعصبيه:-يا أخي امك واللي جبتها ايه ده
يوسف بعصبيه هو الاخر:-مش فاهم انا اي القرف ده بجد يعني نتصل احنا بالفنان نقوله ابنك مرزوع جنبك ولا نعمل ايه
عدي:-معصبين نفسكم ليه ده لسه بلال شامه هتخطبوا عربيه دلوقتي وهيتخطف كمان قطع حديثه نظره روما المخيفه له:-وانت عرفت منين
عدي بعدم فهم:-عرفت منين ايه مهي بتنزل علي شاهد قبل مبتتعرض هنا
يوسف وهو يقذفه بالملعقه:-وبتحرقهلنا ليه ياللي يتحرق دماغك
طارق وهو يبتلع الطعام برعب:-شباب
لينظر له الجميع بعصبيه:-ايه
اشار طارق علي شيئا مع في الغرفه لينظر الجميع لما اشار لتردف روما ببلاهه:-ده منبهه ده ولا ايه
شيري بنبهار:-يابت دي شموع كبيره اووي
مولا بخوف:-جماعه هي مش البتاعه دي شبهه الصواريخ اللي كانت في توم وجيري
لتنطلق صرخات طارق ويوسف وعدي وسيف بفزع:-قنبلههههه
روما وهي تلطم:-هنموت متفجرين ياميله بختك يا فتحيه
يوسف وهو يركض اتجاه حقيبته:-القنبله 3دقايق وهتنفجر اخلو المكان وخرجوا البنات يلااا