الفتايات المشاغبات

البارت الاول♥

البارت الاول
گ رحمه محمد
...................................................
في احدي الاحياء الشعبيه في منزل بسيط يتكون من خمس طوابق
تصعد فتاه ف التاسع عشر من عمرها  وتدق الباب بخفوت
بعد دقيقه فتحت لها سيده ف الخمسين من عمرها
السيده:-اخيرا جيتي خشي صحي صحبتك هتتاخروا ع الكليه
الفتاه بتذمر:-وانتي مصحتيهاش لي ياخالتي
السيده:-ده علي اساس اني لو طبلت جنبها هتصحي اصلا
الفتاه بضحك:-لا في دي معاكي حق هي اساسا غيبوبه.
السيده بضحك:-طيب ياحبيبتي خشي صحيها عقبال معملكوا لقمه تكلوها
الفتاه بصوت عالي نسبيا:- متنسيش النسكافيه ياخالتي

دخلت الفتاه لغرفه صديقتها
الفتاه بحب:-شيري.. شيري حبيبتي اصحي.
شيري بنعاس:-بره وخدي الباب في ايدك انا عايزه انام
الفتاه بضحك شديد:-والله وانا كمان بس هنعمل اي بس عندنا محاضرات.
قامت شيري بجذب  الفتاه لتنام بجانبها:-نامي ياحبيبتي نامي بلا محاضرات  بلا كليه  خدنا اي من التعليم
الفتاه بضحك:-مولا هتتعصب علينا يا شيري قومي
انتفضت شيري من سريرها:- يالهوووي دي  هتنفخنا
الفتاه بضحك:-حصل والله هتنفضنا سوا المهم البسي يلا وانا مستنياكي بره.
شيري بسخريه:-قصدك طلعيلي هدوم من الدولاب واكويهالي عقبال ماخد شور
الفتاه بتذمر:-الخدامه الفلبنيه اللي جيبهالك امك انا صح
شيري بضحك:-يلا يا روما ياحبيبتي يلا  اسمعي الكلام وبطلي لماضه
روما بنفخ:-اووف حاضر

بعد مرور نصف ساعه استعدوا للخروج للجامعه

في موقف الباص تنتظر فتاه في نفس عمر روما وشيري
الفتاه بشر:-بقالي ساعه واقفه مستنياكوا
روما بتذمر:- الله وانا مالي يلمبي  هي اللي اخرتني
شيري بضحك:-يعني هي اول مره يامولا
مولا بسخريه:-علي رايك هي مش اول مره
صعدوا الي الباص الخاص بكليتهم 
بعد مرور ساعه وصلوا الي الجامعه
روما بضحك:-الحمدلله وصلنا بدري
شيري بضحك:-يدوب نلحق نفطر
روما بخضه:-اومال مين اللي واكل خمس سندوتشات قبل مننزل وواكل مولتوا وشبسي في العربيه
شيري بتذمر:-كنت بسلي نفسي الله
مولا: -تعرفي اي اكتر حاجه بخاف منها يا روما
روما بنتباه:-اي
مولا بصوت اشبهه بالبكاء:-اننا نعيش مع شيري في بيت واحد
شيري بحاجب مرفوع:-لي ياختي بقي
مولا بسخريه:-اخاف انام بليل واصحي الصبح الاقيكي مشوحه دراعي ببصل وشويه توابل وبتكليه
روما بضحك شديد:-في دي معاكي حق احنا اصلا هنشحت يابنتي لانها هتضيع فلوسنا علي الاكل وعلي  اختراعتها الغريبه دي.

مولا بمرح:-جيف مي فايف عجبتني.
شيري بزهق:-هي الحفله عليا صح
روما و مولا:-اه
شيري:-طب ساموعليكو الكافتريا تناديني
روما بضحك:- تعاالي يبنتي نلحقلنا سندوتشين قبل ما شيري تخلص عليهم....

في المحاضره
شيري وهي تخرج كيس من حلو البنبوني:-تاخدوا واحده
روما بغباء:-هو مش ده الكيس اللي لسه جايبنوا لطنط امبارح ولا انا متهيالي
شيري بضحكه غبيه:-اه ده الملبس اللي امي كانت جايبه توزعوا علي العيال بعد صلاه التراويح عشان رمضان بعد خمس ايام وكده بس انا اولى بيه
مولا بضحك شديد:-انا هروح معاكي ي روما عشان اشوف شيري وهي بتتهزق
روما بتذمر:-ده علي اساس انها بتتنيل علي عنيها تتهزق لوحدها مكلنا بنتهزق معاها ولا نسيتي ابوورده وغسيل السجاد
مولا بضحك:-فاكرين السنه اللي فات لما امهتنا اتفقوا علينا وخلونا نعسل سجاد بيوتنا كلوا
شيري بضحك:-ايوه واتجمعنا في بيت روما بالسجاد كلوا وقعدنا حوالي يومين