روح في بحر الظلام

الحلقة الثالثة والستون

____ الكاتبة بحر _____

لتنسون التقييم والتعليق على الفقرات++ اضافة للحساب pahrasoad

ملاحظة مهمة

* للي يكولون كنتي تنزلين كل يوم ولما انشهرت القصة صرتي تدلعين

من اول بارت لحد هذا البارت ولا عمري نزلت كليوم ولا حتى كل يومين

ثانيا اني مو طفلة حتى اتدلع ولا اللي مصلحة يمكم 

واللي يكولون نريد موعد تنزيل

للمرة المليون موعد تنزيل ماكو اني مريضة عندي بيت عندي اطفال عندي حيااة 
يوم يومين اسبوع لحد مايكمل البارت وانزلة
*******
ليش كتبتي القصة اذا مو كدهة

كتبتها بصفحتي مو بصفحة احد كتبتها اخفف الضغظ عن نفسي مو علمود تزيدونه علية
القصة للتسلية مو حتى تشغل بالكم
********
القصة مستمرة لصديقاتي الوفيات اللي سندوني بالبداية ووعدوني هم وياي مهما اتاخرت

المتابعات الجدد مايعرفون اني شنو
مستلميني تجريح وسب تعبت منكم شبيكم لخاطر الله

ارحمو من في الارض يرحمكم من في السماء
شتحسون من تسبون عفية

البارت تقريبا 4000 كلمة

_____________________
مـشمــش

كان اقوى علاج لتسهيل تخطي موت سرى والاستمرار هو ان اخر اللحضات كنا متراضين كان اللي موقف افخر بي امام نفسي ان انا ماقصرت بذلت كامل جهدي في محاولة تحسين حياته

لكن زياد لا
زياد كنت متأملة يرجع ارريد اعتذر اررريد اداري اريد احسسه بلامتنان كونه ماقصر وياي رغم مشاكساتي اريد اخبره بشوقي وحبي  هوواي كلماات انحبسست بداخلي كنت منتضرهة رجوه حتى احجيله كلشي

الخبر طير ذهني للحضة اني فقدت عقلي وهجيت رووحي ترريد تطلع بسس امر الله

صررخت بالبيت وطلعت اركض للشارع

بعض الامتار بعيد عن البيت واررتفعت من الاررض
بلحضاات صرررت داخل السيااارة
قـــــيــصـر كان يقودها وحساام هوو اللي صعدني

قـــــيــصـر: حسسام خاابر الحاارس رانـــيــاا لاا تدخل للبييت خل يلهيهة
تمووت والله تمووت

حجيييت بصراخ مفجع نابع من اوساط الروح

:لاااااا لاااا مااا مااات شششنووو مااات كذذااابيين كلللهم ماااتووو

دقاائق ونززلوني ابيييت مااكنت خاايفة ولو حتى كاانوو راح يذبحووني

نزلت من السيارة بطرمة بيت
طلعت اخت قـــــيــصـر من باب صاالة البيت شاافتني تكلمت بصوت عاالي متفاجأة

:عززززااااا قـــــيــصـر ششبيهة الطفلة ششصاااير

:اشششش روووحي ررجعي ددخلي جوووة

گعدت بلارض على رركبي انتهت قووتي حتى الكلاام صعب عليية  شهقاات طفولية
كان الوقت مازال مبكر على حمل هذه الكمية الكبيرة من الحزن

:لااااا اخوووي اخوووي زييااااد ماااا مسسسوووي شششي مااا مسسسوووي ششي ليشش قتلتووو لييشش

اقترب مني حساام يلززم ادية اللي حفررت بيهم خدودي

حسام:اصيررلج اخووو والله انيي وياااج ماا اعوووفج

صرخت بووجهة:عووووووفنيييي ارروريد اخووووي اررريد زيييااااد 
لاااا لاااااشنوو مااات اصلا ااااني ماااا اعتذذذررت منه اصلااا اني ضووجته اخووي مااا مااات مااا مااات

اقترب قـــــيــصـر حضني عااصر راسي على صدره غصب عني

:اني اخوووج والله ششترريديين اصييير 

:ووووخرررر ووووخرررر وووخرررر

وكفت على حيلي استذكرر باقي الكلاام:عزززاااا گلت  شهاااب عموو عموو شهااب لااا لاا ميسوويهاا دترريد تششمررهاا برراسه دترريد رانـــيــاا عزززااااا انــتَ القاااتل انــتَ وياااه قتلووهم اخوويه وابووية

قـــــيــصـر: مـشمــش باابااتي الله يررحمه والله ماالي علااقة ليشش اقتلة ششعندي وياااه

:موو عمووو ششهاب لتحجيي عنه انتوو اخذذتو

:زيااد الف مررة هدد شششهاااب كاان متحلف يقتلة گالة حتى لوو ارروح اعداام اقتلك فهمتييي

كلااام اكبرر من عقلي صدماات اكبر من عمري تووالت الاحزان والصدمات والخذلان اخذ حتى حيل رجلية

بصووبة وكفت اشهك
:وووددوووني ل أميي يلاااا ووودييني ارر ارييد ارروح هسسة

:تسسسكتين ماااتحججيين اذااا رانـــيــاا عررفت تعددميهة تموووت وامج ترررجع تتمرررض لذلك رررراااح تسسسكتييين

:لاااا لااا لعدد لييشش خليتوووني اعررف ليييششش انيي لااازم مثثلهم لااازم ادعيييلة ويياااااهم اني اررريد انتضرررة
ليييششش عررفت لييش تنصتتت علييكم انييي مااا اررريد اعرررف مااا اررريد

لمحته طلع موبايله واتصل

-الووو نجاااة رانـــيــاا يم الحااارسس الحكي رووحي عطلييهة لترروح للغررفة ماا ارريدهة تحسس

-ماااكوو صررخة ماا صااايرر شي روووحي بالعجل

هفت حيلي ضليت بسس اسسمع تقنيعهم تقريب السااعة اني بلارض صافنة
حجيت بصوت مبحوح شبه مختفي 

:ودووني ل أمي

:وراااانيييااااا ابقييي بعد يوووم بسس حتى لااا يضل بااالهة لج اختتتج كلماا تتقدم خطووة تجييهة مصييبهة تررجعة الف خطوووة 

:تطيبهة حتى تبقييها يمك مووو

:المهم تططيب وهي تقررر اذاا تروح ماا امنعهاا  بسس شدي حيلج ابووية والله ادرري صعبة اددرري ثكيلة علييج بسس ششسوووي

:قتلتووهم مااخليتوو احد

:عمج السبب وحتى رانـــيــاا تعرف هوو السبب
صرت امشي بضهر متحدب من هول المصيبة
صعدت بالسياررة مقوسة حواجبي بحززن اتنفسس بقووة
بلحضات حيااتي انقلبت

حسام بهمس:مشمش

:لااا تحجي وياااي
:ششمسوويلج اني

:لاااااا تحجي وياااي اكرررهكم ماا ارريد ابقى اهنااا رررجعووني اكرره هذااا البيت والله اكررهه

حسام: والله اعوضج

:مااا ارريد ماا ارريد كلششي ماا ارريد منكم

التفت قـــــيــصـر علية.تنهد وتكلم بحزن

:دباوع ووجهة مششخط هااي شتحطلهة وتططيب ليشش يابه هيج ششجاج

بهمس:اخووية شلوون مات يعني يعني يعني ذبحتو لو رميتوو لوو ضربتو مثل ابوية

قـــــيــصـر: اذا شافتهة اختهة تتخبل

حسام: كوللهة وكعت من الدرج

عقج وجهة ومد اصابعه يوخر الشعر من وجهي

مشمش : لا اب ولا اخ ولا عم  هاااا ؟ عبالك اني غبية عبالك طفلة فاهية ماا اعرف تفكيررك الووسخ

:هااي لييشش لييش هيج ششبيج ششمسووي اني ياايووم تجااوزت وياج

:ولاا راح يصير ..ترا مو طفلة عمري راح يصير اربعطش سنة ومصايب الدنيا ربتني سيدي انت بالذات اذا احذر من الناس مرة احذر منك الف مررة

باوع لقيصر بصدمة وقيصر بعد كان متفاجأ من كلامي

حسام: وحق ابا الفضل مااا يووم فكرت اذيهة ولااا حاط ابااالي ذررة تفكيير وسخ بسس ردت اكفر عن ذنبي اساااعدهة لان طفلة ..الضاهر اني غلطت

مشمش ببكاء :وودووني ل امي

سسويت مثل مااطلبو گعدت يم الدرج وكانت هاللحضة  مو تمثيل كاانت فرصة اطلع بيهة كل وجع بداخلي صررخت لحد ماا حنجرتي هلكت

دخلت رانـــيــاا تركض بسس شافت وضعي  وكعت بلارض على ركبهة

رانـــيــاا بدموع:اشش اششبيهة اششبيييج اشش ششسوويتلهة ششسوويتوولهة
لااااا لاااا كنتيييي فوووك لااا مشششممششش كنتي فوووك غررررررفته فوووك مشمششش

قـــــيــصـر بصياح:لججج اسسسمعييهة افهميي منهة ماااسوويتلهة ششي كنت برراااا والله

:لاااا لاا ماا وكعت ششنوو هااي الششخووط ششسووالج ششسووالج

مشمش:وووكعت من الدرج ووكعت

كاامت على حييلهة سسحبتني للغررفة
خبلتني ششدتسسوي

ترررفع بفاانيلتي تباااوع لبطني ل اديية

حجت تلهث

:مششمشش ملااا ملاابسسج  لمسسهم لمسس ملاابسسج لييش بييج ررريييحته لك لاااااا لييششش بييج ررررييحتة

ضلت تدگ على وجهة حتى رووحي نسسيتهة ارريد بسس الززمهة لحد مااا دخل قيصر صااار وووراااهاا لززم ادديهة

بين اصاابعهة ملياان شششعر  ملخت ششعر هوو لاازمهة وهي عيينهة بعيني

مشمش:ششبيج رانيااا واللله لززمني صاار بيه ررييحتة

:شششسووة شششسووة ششسووالج احجي لييش تبجين وووجهج مشششرمخ

:وووكعت وووكعت من فووك رررحت اششوف الطيوور وووكعت
عززاااا  عزززاااا ددددم 

نهض من مكانه شااالهة للسرير نهضت قااومت فترة بعدها ضلت تصرخ

:ررررااااااسي ررررااااسسسي ررراااح يينفجرر

تقربت عليهة حضنتني بقووة
التفتت أسامة كان واكف ملامحة مليانه حزن وشفقة
قـــــيــصـر غسسل وجهة من التفتت شاف أسامة
تكلم بعجز

:الحگني شسوي

بدون مقدمات دخل اسامة للغرفة وكأنه كان منتظر يطلب منه

أسامة:رانـــيــاا تمددي  عدل بس دقيقة

رانـــيــاا بصوت تعبان: جااانت فووگ ماا اعرف ششسووالهة متحجي متررضا تحجي

:جااان طاالع موو بالبيت اني ششفتهة وگعت هي نززلت تركض من الدرج يلاا شلعتي كلبي  عوفيهة للبنية خنگتيهاا

رخت اديها مني  تمددت صفح لازمة بأيدي

قـــــيــصـر واكف متخصر وينظر بحزن وخوف
أسامة :انطيها علاجهة و كلاص ليمون ماتحتااج طبيب ولا مهدئات هي وحدها راح تنام

قبل لا يطلب نجاة كانت واكفة برا بأيدهة كلاص عصيير
بس رانـــيــاا ماكان الهة خلك تشربه ، جبروهة تشرب كلاص مي واخذت العلاج وبقت لازمتني ومغمضة

حالتي مو احسن من حالتهة
كانت دموعي تنزل وشهكاتي تغافلني وتخرج من فمي  وجع قوي احتل دواخلي
حسيت احد يمسح على شعري
رفعت راسي كان قـــــيــصـر يباوعلي بقهر
بعدت رأسي منه بنتر ..تنهد وابتعد

أسامة طلع وهو يحجي: كم يتيم بعد راح تدعسون بطريقكم

طلع ورا قـــــيــصـريتكلم بغضب وصوت مكتوم
: وحق الله افرغ ناار گلبي بخلقتك ااذا ما وخرت مني

ضليت وحدي اني وياها
كلام وصراخ وضجيج وعويل وعزاء قائم برأسي وروحي
واسألة مالها جواب
شلون مات شلون صاح شلون طلعت روحه منو كفنه منو غسله ليش محد يعرف قبره يعني هو هسة وحيد كانت مصيبة
دمار نفسي وجسدي

رخت ايد رانـــيــاا مني ، وخرت منهة  اريدم اطلع  احس احد كتم انفاسي

طلعت من الغرفة قـــــيــصـر كان گاعد على الدرج وبنته بحضنه وابنه صاعد على ضهرهه
اطفالة نادرا يتواجدون بهذا الطابق بس ياكلون ويصعدون
ما اعرف هم هيج لو من اجت رانـــيــاا

تعديته وطلعت برا
سمعته همس الهم

:يلاا باباتي روحو لماما جاي وراكم اني

قـــــمر:بابا ماما گالت خل يجي لتجوون بلاه

:يلا شوية وجاي اصعدي بنيتي لتشلعي لكلبي

مؤمل :اضل يمك ملييت بابا ملييت

طلعت گعدت على الصبة برا الهوا يحرك شعري على وجهي  يلسع جروحي

دقايق واجا يمي
:عفية شوكت توديني
:مشمش والله العظيم يابابا ماقتلت احد ولا اللي علاقة بموته ليش هيج وياي ليش تردون عذر حتى تزيدون بحقدكم

:اي تمام بسس وديني ل ماما عفية اختنكت ماا أگدر ابقى هنا اصلا رانـــيــاا تكشفني والله
بجيت بصوت عالي وصحت

وددديني ل امي شلعت كلبي لييشش جبتني ليش خلييتني اعررف كل هذاا انت متخاف من الله

أســامة بصدمة  : قاتل اخووهن

طفر قـــــيــصـر من الصبة خنقه بأثنين ادي  أسامة كان يضربة على بطنه بس ماا تركه

:لسااانك تبلعة اذااا اسسمعك تسسولف بهالموضوع بينك وبين نفسسك حتى انهــيك ادمررك والله

كان ضخم جدا بالنسبه لحجم أسامة الطبيعي
اباوع ل أسامة احمرت عيونه انقطع نفسسه
صاار يضرب على زند قـــــيــصـر بس يريدة يعووفه
عافه وضربة بقبضته على وجهه

اقربت زينة تركض تسسحب بأيده
:گووم حبيبي گوم لتحرك دمك يرحولك فدوة كومة همج تمرض نفسسك علموودهم

مااكان يتركة أسامة يضرب وهو يضرب اقوى

مشمش بهمس: عووفه رراح يمووت

:يطبة مرررض
اسسمع لك هوواي رخيتلك الحبل لدرجة صررت تتماى بدون ماتحسس لا تخليني ارجع اخنكك واسوود  عييششتك  والله

دفعة بقووة وراح زينة اعترضت طريقه تريد تسندهة دفعهة وصرخ بوجهة

:ووووخررررري منـــــي

خلتة يروح والتفتت علية
:خيير شسوويتو بعد انتي واختج السلبووح قررفتوونا عيششتناا الله يااخذكم ويخلصني عكررتو حياتي

أسامة نهض وينكث بملابسه: ياحياة زيوونة هو اصلا يششتهي يباوع بوجهج  انــتِ بعد طاح سوگج

:تحترم نفسك يا ادبسزز لوو نزل ويدبج على السطح الحق مو عليك على سيادة الرائد اللي ملفي شكوولك

:نص فلووس بيت سيادته هي ورث ابووية وهسسة تووكلي لان زوجج تلگي ديسرق قبلات محرمة من خدود حبيبته

بصقت بلأرض وراحت

گعد بعد متر عني بطرف الصبة واني حاضنة اقدامي گاعدة بصف الحايط

بعد صمتٌ طويل معذب بصوت بكائي
تكلم بصوت هادئ

أسـامة: شنــو سمعتي مشمش

رديت ابجي صوتي مبحوح

: اسامة اخووية ميت , طلعو كذابين كلهم حتى شهاب ، شهاب عموو كان يدللني حتى ينسيني اخوي  واني
اني حيل حقيرة مااشيته وسكتت طلع هو قاتله

:لا تاخذين كلمة من قـــــيــصـر

: ديكول اخوج مهدده يعني زياد وعمو خايف منه

:اخوج يسويهة

:اني لوو يصير يمي شهاب ، هسة اقتلة بدون ما فكر  كلنا ضاحك علينا مخلينا منتضرين ماما تعبت عيونه من البچي گلبه حااس صارت تخاف تسأل
وهذا الحقير گاللهة عاايش

:لااا تبچين قبلج بچيت مثلج واكثر ، ميفيد البچي مشمش ، شغلي عقلج  لا تصيرين مثل رانـــيــاا الف مرض جمعت بجسمهة ماتفرق بين الصح والخطأ هذا الصار

:هو خاف مزاعلني احنا بس نتعارك

:اكو مثل يگول من حبك لاشاك
هذا البينكم مو كره وزعل هم الاخوان هيج يعبرون عن حبهم اضربك تضربني تغلط  تنسى تسامح بدون ماتذكر سبب الزعل تحجي علي ماتقبل احد يحجي علي تأذي بس ماتقبل احد يأذي
هذا حب مشمش لا تخافين اخذيهة مني مازعلان منج

:ارريد اروح

:وأني شلون بية

:شبيك

:لعد تعوديني عليج وعلى سوالفج وترحين  مو حرام عليج

درت وجهي امسح بدموعي
:كليوم تفشلني تكول شوكت نخلص منج هاي راح تخلص اليوم اروح يعني اروح

:مو گلتلج اني كذاب لويش تصدگين بيه

التفتت علي يباوعلي بحزن
:شمسوية بوجهج

عفته ودخلت جمعت اشيائي ودموعي ماتوگف  كلما امر يم رانـــيــاا ابوس اديها ووجها تحرك ايدها تلزم وجهي وترخى ايدهاا

طلعت قـــــيــصـر يدخن بالصالة بس شافني گال

:خالج بالطريق
تخطاني ودخل لرانيا
گعد على الكرسي دخل ايدها تحت الغطاء ورفعه لكتفها

حجيت بهمس:خليها تروح وياي ماما تريد تشوفها كلنا محتاجيها
اصدر صوت رفض وهمس: اخاف عليها بالگوة تحسنت

:عبالك تبقى وياك للأبد تررة تكرهك والله دتگول ما اكره شي بگده

قيصر :ولاا حررف ..

:أن شـاء الله تمووتون كلياتكم

هز رأسه سااكت
رحت گعدت بالصالة راسي يريد ينفجر من كثر البچي احس عيوني بالكوة.مفتوحة اباوع بالمراية البياض صار احمر وجفوني اسودت واحمرت

أسامة يتخطف فايت طالع  اكثر من عشر مرات
واخيرا وكف اباب الصالة واشرلي  بحواجبه ونزل فكه بمعنى تعالي

رحت ليمه حواجبي متقوسة بأستفهام

:هذا رقمي خلي يمج اتصلي علية منه لما توصلين رانـــيــاا هواي راح تحجي وياج لان الموضوع مالت الدرج ميمشي عليهة

اخذته ورجعت
غفيت واني انتضر قـــــيــصـر يطلع من الغرفة
گعدت على صوته تهمس

:گعدي مشمش أگعدي فهميني شصار شصعدج فوك

ضليت اشرح وهي ترفض تبريراتي

رانـــيــاا: احجيلي الحقيقة مشمش

:رانـــيــاا والقران وروح بابا ريحته صارت من حضني واني اصررخ  اني اريد اروح عفية خليني اروح

رانيا :روحي اني اريدج ترحين بسس انــتِ ليش هيج باجية يعني مابيج شي

:وجهي تخرمش بالمحجر  واني ابجي اريد حجة حتى ابجي على سرى

ثاني يوم الصبح اجا خالو عزيز
استفسر حاول وماطلع بنتيجة
ودعتها عفتها عينهة علية ماتگدر حتى تتحرك بس ما اگدر ابقى
شايلة حمل اكبر من طاقتي
طول الطريق كنت انوح
النوم اللي كنت محسودة عليه صرت اتحسر عليه

لما طلعت من البيت قيصر يمشي و يوصي حتى خالج لا يعرف اي شخص لا يعرف هالموضوع  حتى عمامج لتحسسيهم انــتِ عرفتي

رجعت ورجعت ماما لبيتنا بس انطفيت ماعدت انا
صرت انسان ثاني شخصية كئيبة
على ضهري حمل شايلة ســر
سر حزين سر قاتل ســر ثقيل

بعدها بفترة طويلة  بينت شيبة بمقدمة رأسي 
ماما بيوم شافتها  يوم كامل تباوعلهة وتبجي

ليلى:ذهبتي بنيتي ششبيج شصارلج والله لوو ادري فلا اخليج تررحين ششسوولج ليش هيج رديتي بسس جسد

:ماما مابية بس دا اشتاق ل رانيا

:موو تحااجينه كل يووم ياا شوق هذا مشمش صاارلج شي رااح اتسسودن خاايبة يمة

مشمش بدموع:والامتحانات هم فوگة فوگة واني مدا افهم من الشرح شنو الكتروني اني كبالهة وما افهم انوب بالموبايل
الثاني صعب موو مثل الاول  شيصير عقلي راح اموت

:هاي هية بطلي اذا مابيج بطلي خلها تولي

بيبي ماتحسنت مازالت ابيت عمة
منى ولدت صار عدها ولد سمته منتظر 

منى اللي تعاني حرب ضد عائلته وعائلة زوجهة وضد نفسهة

شهاب اللي اسمع اخباره يجاهد للخروج محاول يدفع لقيصر فلوس حتى يتنازل وماكان يقبل
اي دليل غير كلام رانـــيــاا ماكو ضده
كل شهر يتصل وأرفض احجي وياه بس مستمر يرسل مصروفنا بأيد فؤاد

محد يدخل بيتنا غير خالة نضال وخالو عزيز ونادرا عماتي ساجدة وخالدة  نهاية رجعت لبيتها واخوانها ساكنين وياها بس ماكو اي اختلاط وهي اصلا محترمة ماعندها سوالف أذية ماعدا الغيرة ومحد يلومها 

احمد ابن عمو فؤاد من الباب يسلم على ماما ويسأل من باب احساس  المسؤلية  والذوق لا اكثر

حسام بعد ماصار أسامة يخليني احجي وي رانيا ماعاد رديت علي ابدا
وأسامة مابيني وبينه غير شلونج
الحمدلله
وهيج مضت الشهور والايام
مع وسادات مليانه دمع
وصفنات مليانه اسأله مالها جواب
واسرار تهشم الضحكات والفرح

________________________

عفت گلبي على باب الدار ينطر
ودليلي من الهضم والشوك ينطَر
عيني ماغفت والفجر ينطر

عيد متانية هلالك علية

كلمات بقلم بحـــر

________________________

رانـــيــاا

كانت غافية بالصالة رحت يمهة گاعدة بلارض واتكلم وياها بهدوء بس داخلي نار
شرحت وسولفت  ما اقتنعت بكلامها بس رحمتها
نزلت للارض نامت على رجلي ضليت امسح على شعرهة دموعهة بللت ملابسي ودموعي تتغلل بشعرها

طلع قـــــيــصـر من غرفتي عفتة غافي على الكرسي
شافنا رجع جاب غطيات
غطا مشمش وحط وحدة على كتفي

باوعتلة عيوني مغوشة

:احلف بداعة بنتك ماسويت ل اختي شي

:وداعة بنتي واولادي كلهم مااسويت شي كم مرة احلف بعد وتصدگين

دنكت مارديت عليه

:رانـــيــاا تعبتيني  الصار وياج غلطة والله غلطة

:راسي موتني سد الموضوع فدوة..

:تكومين تتعشين ؟

:لااا عووفني عفية روح لتطلع امك لو زوجتك ماالي خلك كلش

: لا ما اعوفج… راح يتمشى لغرفتي ويحجي
اني هنا اذا احتاجيتي شي كوليلي

دخلت زيـــنة تبجي

:يعني حالة هااي قـــــيــصـر شنوو اني هناا شنو تعوفني وتنزل  تعاال فووك يلاا

: الف مرة كلت لاا تحاولين تتحكمين بتصرفاتي هذا اني يعجبج اهلا وسهلا ميعجبج لااا تتمادين ابدا

:لااا اششووف اتمادى يااخي كافي عااد حس على نفسسك  والله صررت تخجلني بتصرفااتك ششنو مكابل هالمريضة  وكاعد قـــــيــصـر
شنوو طفل انــتَ تترك بيتك واطفالك وتتهرب

رااد يصيح التفت لمشمش نايمة تقدم  عليهة سحبهة من ايدهة يطلعهة وهي صررخت

:اوووووي عيييني زززعجناااهاا للمدام

فزت مـشمــش بس شافتهم ضلت تبجي ورجعت غطت راسها

التفت عليهة قـــــيــصـر ورجع لزينة يتكلم بغضب مكتوم وابتسامة مصطنعة

:يلااا حبيبي يلاا لتكعد مياار  خطية

:لااا مياار ولاا غييررهة انــتَ مشاايف غير هالمريضة  اذاا متجي تصعد اكلبها للدنيا والله وكول مكالت

طلعو امه واسامة
اساامة باوعلي مبتسم مضيق عيونه
وامه ركضتلهم

:عييب عليكم شنوو هلازعاج ورايه شغل اروااح نااس بأيدي شلوون وياكم
لعبتووهاا لنفسسي

قيصر يسحب بززينة وهي تتلاوة وياااه ثاارت اعصاابة شاد شفايفةبعصبية

قـــــيــصـر: كاافي حبيبي عيب امشي فووك نتفاهم

ميسساء:لج انــتِ الدكتوورة زينة المفروض تكونين ارقى من هيج تتفاهمين وياه وحدكم ششنو هالصووت موو عيب

زينة :دتششووفي ماما دتشوفين معااملته ويااي يخلص حاجته مني ويشمررني وينزل

ضربهة على حلكه وهي صررخت

:بر……  الفااظج صاايرة الفااظ بنات شووارع كلت اصصعدي دصصعديي بر…… .. ذبحتيييني 
سحلهة من شعرهة وهي تريد تمد ايدهة بس متكدر

امه صعدت وراهم

:ميصير هييج ياا عيني لك مااماا زووجتك تفااهمو بهدوء اطفالكم ليرتعبون

أسامة : اي هم صدك ليرتعبون .. وبنتج المشمورة ماتدرين بأخبارهة خل ترتعب يطبهة طوووب

دخل وضرب الباب بقوة
رحنا لغرفتنا وقفلنا الباب اشتغلت اصوات  التكسير فوك

ضليت احجي وي روحي
:حقير طلعني من حيااتك وارتاح وريحني من هالفوضى نااقصتكم اني
صيري زينة وصيري زينة هسسة اني عااتبة على شكولك

الصبح اجا خالو
سلمنا علي وقيصر استقبله
صار يسأل بأستغراب
شبيهة مشمش ليش هيج
كان التبرير الوحيد والغير مقنع انها وگعت من الدرج

مشمش خبلتني بيدت حيلي مالها خلك حتى تحجي ولا اكلت
حتى اصعب من الايام اللي عرفت بيهم بوفاة سرى  كانت تصيح تحضني تبجي هسة وضعهة مايعجب
وهي نايمة كشفت بطنها اديها
مابيهة كدمات فقط ووجهها لكن هي مستمرة تحلف محد سوالي شي بس اريد اررجع

طلعت من يمي نهضت وراها داخ راسي من امس ما اكلت وضغطي الانفعالي صعد

ما كدرت حضنتها وطلعت
رجع قـــــيــصـر للأستقبال كنت گاعدة وحدي

:هاا سمسم
: احلفلي بالقران ماسويتلهة شي

صفن بوجهي بملامح حزن وعتب
ضرب افخاذه ونهض
:صــار
راح توضى واجا حلف
ان ماسوالها شي وانها حضنها بس لان كسرت خاطرهة

:بعد بشنو احلف

:بعد لاا تلمسهة
:صـار
تكلمت مستغربة هدوئه
:شبيك اليوم

:شبية؟
كومي تريگي  من امس بلا اكل شدي حيلج ابوية  يلاا يروحي

: الله ياخذكم مابقيتو بية حيل والله

:مااسمعت حبيبي عيدي

:مو ويااك
رحت تريكت واخذت علاجي ورجعت علي، كان لابس عسكري ويتكلم بالموبايل ويمشي طالع

:بس لحظة
:هــلا
نزل موبايله ينظرلي بتساؤل

:اختي اريد اطمئن عليهة

سلم وغلق الخط واتصل بخالو وانطاني مشمش
صوتهة ماكان عاجبني زاد قلقي

:ياااربي شبيهة والله عفتهة كل شي مابيها رااح اتخبل

:يولي طفلة طبيعي مشاعرهة تتخربط فجأة يمكن تذكرت صديقتهة يمكن احتاجت امهم وهاي كانت سبب حتى تنفجر

:ماا ادري
:دروحي نامي هسة

:خلي الموبايل يمي عفية اني والله ماحافظة اي رقم لا تخاف مراح اتصل بأحد

:هم يطولون بالطريق اني ساعتين وراجع اتصلي شكد متريدين

رحت من يمه امشي بتعب
رجع مثل ما وعد اتصلت ومثل وضعها صوته يكسر القلب
اخر شي خالو كال نامت

الى ان وصلو لبيتهم  روحي طلعت سلمت على ماما ورجعت الموبايل

ثاني يوم الصبح حسيت بنغزات على منطقة رقبتي الخلفية  احسس الشعر ينسحب ببطئ
بس النعاس مسيطر علية بشكل غريب احسس ثقل بجفوني
فزيت وتحركت حركاات ثقيلة اريد استدير لان خفت من حسيت صوت وحرارة انفاس برقبتي

رفعت راسي من المخدة انداريت بخوف بس ماكان احد موجود

زاد خووفي ياارب معقولة رجعت اهلووس نزلت من السرير  للارض امسح رقبتي بضهر ايدي 

بهلاثناء دخل قـــــيــصـر
باوعتلة ونزلت عيني افرك بوجهي واحجي

:انــتَ كنت هنا قبل شوية

:لا وصلت قمر وزينة ورجعت ليش حبيبي بيج شي

:تؤ
:شنو حلمانة بية

:اسستغفر الله ربي  عفية روح اريد انام

:كاافي نوم  گومي اكلي ومشطي هلكفشة الحلوة حتى نطلع

:وين
: يلا اكمل شغلي ساعة وانزل

:وين ماخذني لاا تورطني ووي مرتك سيدي
باوعلي عاقج وجهة

:بالقران لعبتيهة لنفسي احس بعدني بالدوام دكولي قـــــيــصـر شهالخباثة
عموما معليج من احد انــتِ بعد مرتي كوليهة وخشي بعيد اللي يضوجج

:مااا ارريد اني ماا اريد اني مو خاايفة بسس ما اريد

:اني ارريد الله يساعد كلبي على جفصاتج
يلاا استعجلي

طلعت لكيت نجاة تطبخ ومبتسمة

: صباح الخير
:هلا عيني صباح الورد تعالي اكلي جهزتلج الاكل

:هاي ليش زحمتي نفسج والله تخجليني

:لاا ماما شكو تخجلين هذا واجبي و انــتِ وين بيج حيل سودة علية

همست:بسبع ارواح كلشي مايصير بية

:يحرسج الرحمن

سكتت عنه اكل بهدوء احسس المرض بعضمي حيلي بايد الاحساس بعد ارتفاع وانخفاض الحرارة
يكون الجسم خامل ومرارة الريق كارهة كل شي

همست نجاة بأبتسامة
: يووم خطية ابو مؤمل خففي ويياه اعصاب والله يكسر خاطري بس يريد يرضيج

:ابو مؤمل  وقمر وميار وزوج زينة

ردت بأرتباك: اعرف يا يوم اعرف شنو تقصدين واني ما اقصد اللي ابالج بسس تفاهمو اني مو اتدخل بس اشوف تصرفاتج وياه كلها نتر وعصبية وتجريح

:قطرة ببحر من العانيتة وياه انــتِ متعرفين شي

تنهدت وردت:الله يهدي سركم عيوني

رحت غسلت ولبست وحطيت شال على راسي 

نزل هو كاشخ

:هااي شنو دتطلعين بتراك

:هو انــتَ وين ماخذني

:يلا حلو لبسج اصلا القالب غالب

:يرربي مررة خل اسألك وجاوبني

:هاا عمرري هاا عيني شنوو تردين

:وين رايحين
:نغير جو

نزعت الشال ودخلت اول خطوة للصاالة
وصاار بصفي شالني

:عززاااا عززااااا عززااا نزززلنييي احجيي وياااك نززلني

انا اصيح وهو يضحك
نزلني يم السيااارة وخررت عنه مساافة

:يررربي لااا تحتك بية ششبيك انــتَ والله حررام عليك بااع الريحة صاارت بملابسي

:تخصر يحجي وهو يباوع للسيارة

:اذا ميعجبج العطر اغيره رانـــيــاا

: كلششي ما اريد بس ضل بعييد عني

:صعدي يلاا لا تشلعين كلبي
:بااردة ارريد جااكيت
صاح نجاة جابته واجت

صعدنا رحنا للجسر والحجاب حاطته حجة كلساع مطيرة الهواء
واكفين على الجسر  وكان موجود عدد قليل من الناس

ماگدرت اكذب على نفسي وانكر وأگول ماتغير علية الجو احساس غريب منضر الماء الطيور السماء
هواي خفف من الضغط علية
الهواء راحة للعليل

كنت عاقجة وجهي لان الشمس بعيني
رجعت فازة من نزع نضارته يحطهة على عيوني
:ما اريدهة
:ابووسج؟

:جييبهة اني البسسهة
اصدر صوت رفض وحطهة على عيوني

:حجاب العيارة هذا
:ع أساس مرتك محجبة

:ما اجبرها هي حرة بس انتي احس لازم اجبرج

:مايحتاج اني اصلا محجبة
ضحك وضل يباوعلي وترني

:ترااا مناا العالم تبااوع ، شكو تباوع علية

:معجب
رفعت حواجبي بأستهزاء ودرت وجهي
:يستهزأ ع اساس هو شلونه

ضحك وسند ادي على السور

:مدا استهزأ والله

التفتت علي اتحدا نفسي واباوع بعينه اتأكد من استنتاجات أسامة
نزلت النضارة وابعدت خصلات الشعر المتطايرة عن وجهي

اطلت النضر بعينه و سألت

:مرتك جميلة ودكتورة تنعجب بغيرهة ليش
عدل وكفته وصار امامي رفعت انظاري لعينه
:اخاف اجاوب ويزيد غرورج

:اني مو مغرورة اني اكرهك بس هيج اريد اعرف ليش تخون زوجتك

:انــتِ زوجتي ترة يعني هاي مو خيانة  لا تسمين من كيفج
رديت بهدوء: شنو المميز بية سيدي ليش هيج دتعب نفسك وتدمر عائلتك

رفع  ايده متردد من ردة فعلي يوخر الشعر من وجهي ويحجي

:شعرج صوتج  ريحتج  حتى الحزن حتى الكره حتى الحقد
حيل يعجبني اهتم بيج،  يعجبني انــتِ اللي 
لا تسألين ليش لان ماعندي جواب

حاير بشاماتج كلما احسبهم اخطأ بالعد مثل نجوم ليالي الصيف

:مو الك انــتَ منطيني كلمة كلت لما تتعالجين تروحين ل امج

:يمكن تحبيني

:والله تعرف شكو بكلبي الا تشمرني بالنهر

:ههههههه زين ماكو حل وسط

:اسوي كل اللي تريده بس طمني على اخوية

:ما أگدر بس هو بخير لا تفكرين بي 

:زين الى متى

:ما أعرف .. ضعفانة انتي يرادلج عصاايرر

:لاااا مابية شي عووفني بحالي

:ماا اعوفج رانـــيــاا

ضلينا فترة بعدها بطريق الرجعة اشترى قهوة من مقهى معروف ببغداد
كان احد احلامي اني ادخله البنات كانو يتكلمون عن جماله وجمال حلوياتهم ومشروباتهم

گال
:يلا ننزل لا تخافين هيج وقت مو مزدحم

دمعت عيني واني انضر للاسم
وصلت بتوقيت غلط ومع الشخص الغلط

:ما اريد انزل تلعب روحي
:ثقة والله ادخلي شوفي النضافة شوفي الترتيب

:عفية لا تجبرني

:ماندخل نگعد برا اشرب گهوة ونرجع

:اشرب انــتَ اني انتضرك
نزلني غصب شرب قهوته اباوع ل اركان المكان
حااولت كل جهدي اكوون بهالمكان حااولت استمتع حاولت أسستحضر روحي وما گدرت

هو لاحظ انفعالي بس خلص گال يلاا
رجعناا

ايام واني اتصل بممشمش وهي تحاول تبين هي زينه بس.كلبي حااس اكو شي بس ماعندي دليل صرت اقنع نفسي ان هالموضوع بسبب تعبها من الفراق بابا وسرى وشهاب

بهلايام المشاكل زادت عن حدها مع زينة وميساء وكلما يتعارك وياهم لأجلي احس يزيد الخطر علية

نضراتهن تصرفاتهن تجريحهن بالكلام حيل شي مؤذي
رجع ياخذني لعيادة الدكتور وضعي تحسن نوعا ماا

قـــــيــصـر اللي صار يتغزل علنا امام امه واخواته قلقني لما يطلع اطفاله ياخذني وياهم
اماكن كانت زينة ترفض تروح الها لان تخاف زميلاتها واصدقائها يشوفوها وينتقصون.منها وميساء تأيد تفكيرهة

بيوم كنا راجعين من الحديقة

دندخل بالسيارة للبيت والمحه يحجي وي الششرطي اللي بالباب

من وصلنا اسستدار صارت عيني بعينه
وسعت عيني بخوف عكس نظراته اللي مليانة عتب

قـــــيــصـر بغضب هامس: منـــــوووو هذاا

___________________ يتبع pahrasoad

والباقيات الصالحات
بسم الله الرحمن الرحيم
لا حول ولا قوة الا بالله
سبحان الله وبحمده سبحان الله العظيم

اعتذر عن الاخطاء الأملائية... . وشكرا جزيلا لحضوركم 🦋❤️

حسابي الانستغرام