_ الكاتبة : Duha_al amer 🦋
_ صوتو للبارت بنجمة
_ صلو على الحبيب محمد
_ بسم الله الرحمن الرحيم .
احبكم ❤️❤️
تابعوني بالانستا. duu_199 🎶
علقو اكبر عدد بين الفقرات
_________________________________
نجاة : راح يوصل دكلي مسكول
روح : وكفت اباوع عليها اكو شي صاح براسي ما اروح بطرك روحي .. هسه اجي
نجاة : وين اوكفي اجه صوت سيارته
روح : صعدت بالدرج اركض دخلت للغرفة فتحت الكنتور شمرت ملابسي وملابس فاروق كلبته كلاب فتحت الجرارات ماكو سمعت صوت نجاة صعدت وراية سديت الباب وقفلتها .. نمت جوه السرير لكفت مسدس فاروق بجنطة ويا طلقتين سحبتهن وخليتهن بملابسي ضبيت نفسي ميبين مني شي لبست مشمر فوك هدومي وفتحت الباب
نجاة : شسوين بالغرفة
روح : مدت راسها اشوف دفعتها وسديت الباب .. لبست مشمر الجو بارد
نجاة : ها يله نزلي
روح : نزلت بالدرج عرضولي كنان وعلي
كنان : اخذيني وياج
روح : راح اشتريلك من الاسواق وارجع
علي : اروح وياج حبابه
روح : بوستهم كامو يبجون طلعت بالباب شفت خالي مؤيد بسيارته فتحت الباب الورا السايق وصعدت
مؤيد : اختي لو ماتت ما اخليج عايشة
روح : هيه وين هسه
مؤيد : ما ادري ياخذون منج تنازل بالمركز ويخلوج اشوفين امج
روح : صدك راح اشوفها نجيبها ويانه البيت بيبي ؟
مؤيد : ما اريد اسمع صوتج
روح : سكتت والطريق كله ينافخ طلع بطريق ترابي وبي بساتين ما استبعدت يكتلوني ويشمروني هنا وما اجذب اذا اكول ما بيه ذرة خوف
مؤيد : ضلي بالسيارة اروح وارجع
روح : طبكها جوه نخلة ونزل راح ورجع يخابر قلص عينه يباوع ورا السيارة انداريت شفت عمي محسن ونوال نزلت ودكت عليه الجام
نوال : هلاااا هلااا بخطيبة ابني الغالي
روح : كزيت على سنوني ونزلت من السيارة ابتسمت بخبث استجمعت قوتي وما انهزيت
نوال : مندري ملفين ببيوتنه ساقطه
روح : اشرفج
نوال : سممممع محسسسسن تكول اشرررفج ولكم انتم زلممم
محسن : ليش تركعين بالقندرة صعدددي لج
روح : عدلت شيلتها وضحكت صعدت بالسيارة لزم ايد بأيد اطمن نفسي ..
محسن : عندج مستميكات اوراق رسمية الج
روح : لا
نوال : ابو عباس مو انا ضامة غراضها كلهن مستنسخات لا يهمك
محسن : خاف ما يمشن
نوال : يمشن كول يا الله ابخت وليدي الراد يستر على عرضة
روح : اني مو عرضة لجذبون الجذبه وصدكوها ..
_ رادت تحجي دغها بجتفها وسكتو خفت من ردت فعلها جريت نفس اسيطر على نفسي مشو طريق طويل كلش وخالي مؤيد ورانه بالسيارة
محسن : يحجي وياج الضابط صوتج ما اسمعة بس تكولين اريد تنازل عن جدي وابن عمي واني راضية واجيت برجلي
روح : هزيت راسي ونزلت من السيارة اسمع نوال تحجي بصوت ناصي
نوال : مو المحامي كال لازم تتنازل عن واحد بيهم هسه والثاني نمشي بمعاملته
محسن : اول شي اطلع ابوية
نوال : وليدي شباب ابوك رجله بالكبر
محسن : ما عليه شي كدام العالم اكلت وجوهنه اطلع الحجي ومديح شغلته سهلة
روح : اجه بصفي وعصرني من جتفي وكز على سنونه ..
محسن : تنازلي عن جدج بالاول
روح : اي .. مشيت وشفت كرفانات تفتيش اذكرت السلاح الشايلته .. اريد اروح للحمام
نوال : تريد تنهزم
روح : تعالي وياي اوكفيلي بالباب ما انهزم
محسن : روحي وياها
روح : من وافق ما صدكت مشيت مسافة اكو كراج وبي كرفان حمام دخلت وكفتلي بالباب اكو مرحاض ومغسله دنكت على البوري بعلمود المغسله طلعت المسدس وخليته بين كزازتين .. غسلت ايدي وطلعت
نوال : زين ما اتأخرتي
روح : مشيت بسرعة كدامها اجتي ورايه تلحك بيه وتناهت دخلت للمركز واكو تفتيش بالبداية دخلت نوال فتشوها وكفت تنتظرني حطت ايدها عليه المفتشه رجعت ليورا واذكرت الطلقتين
_ شبيج افتشج وروحي
روح : استحي
_ منين
نوال : يااااا تستحي وحبلت بالحرررام والله لو اسولف للعالم اخليج مضحك
_ عيني اجلو نقاشاتكم البعدين تعالي افتشج وروحي
روح : مو كدامها
_ تفضلي طلعي نشوف تاليتها
نوال : شنو راح تنزعج وما ادري
روح : طلعت ادردم وكفت تفتشني واردد بوجها .. وَجَعَلْنَا مِنْ بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لا يُبْصِرُونَ
_ يله امشي طلعي
روح : جريت نفس براحة ودخلت للمركز .. زمخ بيه عمي وكعدت وكف يسولف ويا المحامي مرت ساعة ودخلونه للضابط ..
_ باوعت على المحامي متوتر ويمسح بوجهه كل شوية وبيدة اوراق وملفات يكعد على الكرسي ويرجع يكوم خلص وكال
_ وهاي المدعيه على المتهمين عقيل ومديح وانت تعرف سيدي عائلة وكلشي يصير بيها والكلوب على ساعة تصافه
روح : باوعلي وحجى يأكد على كلامة بالتنازل .. وافقت وما همني يبقون بالسجن المهم امي بخير
_ نقدم البلاغ للقاضي وان شاءلله خير
روح : وقعوني وبصموني على كومة اوراق كلشي ما قريت وما دققت سويت مثل ما كالو ومسحت اصبعي من الحبر وطلعت
نوال : نذر عليه يا محيسن اذبح عجل لو طلع وليدي سالم
روح : عمو امي وين
محسن : مكبورة بالبيت
روح : بعد مسويلها شي وترجعني للبيت
نوال : منو يرجعج يطلع ابني اول
روح : لزمني من جتفي عاصرة مشيت وطلعت من المركز التهو يحجون ويا المحامي وكلبي يم المسدس .. اريد اروح للحمام
نوال : هاي شنو زودتيها عاد
محسن : خليها تروح خلصينه
روح : مشيت اهرول من الخوف اريد اوصل للحمام والكا موجود
نوال : خاف حامل
روح : لا
نوال : عبالي نغل جديد
روح : طنشتها ودخلت لاحمام دنكت وطلعت المسدس موجود تنهدت وابتسمت فرحانه خليته بملابسي وطلعت
نوال : ما تتأخرين شسوين
روح : شكلتي قبل شويه
نوال : شسوين ؟
روح : لا قبل لا اطب .. نغل ؟
نوال : چا شنو
روح : ضربتها بجتفها ودفعتها ولفيت ربطت حجابها على ايدي خانكتها
نوال : طب طب الدنبوس بلعوووومي يبوووووو
روح : السانج الوصخ اكطمة واخليج عبرة
نوال : ررررراح تكتلنييييي لحكووووني
روح : تلفتت اشوف سواق سيارات واكفين من بعيد هديتها وكفت تكح وجها انطعن ازرك فتحت شيلتها الدنبوس فايت بركبتها شلعته وكامت تنوح وتلطم ابتسمت ومشيت
نوال : الله لا يوفقج الله لا يخليج ككلبه بت الكلب بنت الزنا بنت العار
روح : عبالج كل الناس مثل اهلج
نوال : اهلي تاج على راسج روحي شوفي ابوج ابن الفكر باعج بمحل بحي الصناعي حتى امج ما يندلها صارت مكفخة العماتج وجوة ايدي
روح : امي تاج على راسج وراس رجلج .. وصلنه يم السيارة صعدت تبجي وتشكي وكالت حجي صاير وما صاير
محسن : منو مربيها حتى تعرف الادب
روح : فصلت عنهم سافرت بتفكيري سيدرا شلون اضل بدوني يارب اسخر نرمان متعوفها بحق كلمن عندة جاه يمك
.....
نزار : التزمي بدراستج حتى ادخلج حقوق وحطلج مكتب يمي
شمس : لا عمو مفكرة ابطل وافتح صالون احف واشسور خيررر من الله فلوس
نزار : بت اخوووية حفافة بس هاااي ضلت
نرمان : يعني هذا طموحج
شمس : لا اكيد وبالمستقبل اتعلم اسوي فلر وبتوكس
نزار : هسه اذا انزع الجزمة واركعج بيها ما اسويلج فلر رباني
شمس : بس اقتراح اكو احلى من الدراسة
نرمان : فكري ادخلين طب هندسة قانون ادارة تربية اتركي الامور الثانوية
شمس : اي اي ان شاءلله افكر
نرمان : نزلت من السيارة واشرت من الجامة ودخلت البيتهم
نزار : اريد اخابر ابو الخط اشوف ليش ما راح عليها اليوم لو اشوفلها واحد ثاني يلزمها
نرمان : اي احسن خطية ضاله وحدها .. رجعنه للبيت واخذنه اكل ويانه
نزار : ابو الحكم بالبيت مو خابرج وكال عندي شغل
نرمان : اي ليش ما اجه عليه ورجع للبيت ؟
نزار : جايب وحدة للبيت
نرمان : باوعتله صفح ودخلت كلبي خفقان من الخوف شفت الباب الداخلي مال المطبخ مفتوح دخلت للصالة شفت حكيم بيدة موبايله وشكله ميتفسر ونجاة كاعدة تبجي بصوت عالي ..
_ شكووو شكووو واحد من الجهال بي شي .. باوعت علي وكنان كاعدين وسيدرا بكاروكها بس ادم ماكو صرت مثل المخبله اتلفت بالبيت شفته نايم بصف التخم لزمت كلبي
نزار : شبيكم .. يمعوووود
نجاة : روح راحت البيت جدها
نرمان : التفتت على حكيم ما مستوعبه كلامها بدون وعي اجتي عيني على سيدرا مصدومة
نزار : شلون راحت ليش
حكيم : اليوم اذا البنية ما باتت هنا انيم مؤيد بصف ابو
نجاة : مؤيد معليه
نرمان : حجت السالفة وكامت تبجي حطيت ايدي على حلكي مصدومة راح لزمها نزار من ايدها لوها وصفكها براشدي فر وجهه
نزار : فاروق شلون يسمع مرته راحت البنيه امانه لججج امانه عدنه
نجاة : تاليتها اضربوني والله معليه والله
نرمان : اشرلها حكيم تسكت ورفع جهازة يتصل شوية وكال ..
حكيم : انت وين !
مؤيد : ليش تحاسبني
حكيم : انت صديق عمري شكد صار بيناتنه وبقيت محترمك بس توصل العرضي ابوية ما اعرفة اذا زلمة وطالع من ظهر ابوك كلي انت وين
مؤيد : على كيفك انا بالبيت تعال واشوفك الزلمة
نرمان : سدة وطلع راحت نجاة ورا تركض وتبجي ونزار سبقها وطلع ماكدرت ابقى كاعدة وحت وراهم الباب مفتوحة مديت راسي وادعي مصير مذابح
مؤيد : هلاااا جايني برجليك شريد بعد
حكيم : مرت اخوية وين
مؤيد : يم اهلها روحلهم ودك الباب واخذها وارجع
حكيم : خليتوها تتنازل !
مؤيد : اي اتنازلت
نرمان : زنكه من ياخته وضرب راسة بالباب وصرخ بي صوت التمت العالم كلها على البيت
حكيم : رررروحك اخذذذها لو ما رجعت
مؤيد : يرجعوها همه وعدوني يرجعوها لتخاف مايسولها شي
حكيم : لا هاي هيه اذا انتظر وعد محسن
نرمان : ادخلت العالم تفكهم ونزار طردهم وزمخ بيهم دفعو مؤيد للبيت ودخلو وسدو الباب
علي : بابا راح يطركه
كنان : يطركه طرك
نرمان : انتو منين جيبون هذا الحجي .. دخلت جوه عمتي اسب وتلعن بروح وفاروق لت سيدرا خليتها بحضني شربتها ممه ونومتها وبدلت ملابسها وملابس ادم وصعدتهم فوك
حكيم : منو ضرب فاروق اخر مرة
مؤيد : مشاكلكم حلوها بعيد عن بيتي
الهام : يمة والعباس احلفلك ابني ما اله علاقة
حكيم : حجيه ابنج اذا ما اله علاقة يعرف منو ضرب فاروق
الهام : احجي اذا تعرف كول
مؤيد : يمة انتِ لا تدخلين
حكيم : بسيطة اقيم دعوة عليك وهناك تاكلها اربع ايام كفخ وتعترف ما اوصخ ايدي بيك
مؤيد بيناتهم سووها حتى يوكع وياخذون روح تتنازل
حكيم : منو سواها
مؤيد : ما ادري هذا السمعته
حكيم : صير زلمة ولا تخاف
مؤيد : زلمة غصباً ع خشومكم
حكيم : چا راوينه مثال
مؤيد : محسن وجماعتة ويمكن اخو مرته
حكيم : ومنتصر ليش اجه يشم اخبار بالمستشفى
مؤيد : منتصر يا منتصر
حكيم : جار العمر
مؤيد : هاي ما ادري بيها
حكيم : اخر كلام
مؤيد : اي
نزار : سجلت كلشي بجهازي
حكيم : سبع .. نترخص وانتظر مرت اخوية اجيبها كبل الليل
.....
احمد : لك فارروق اخذ دواك ليش اضل ترجف وحلكك يابس شوف روحك خاشوكة متثبت بيدك
فاروق : ايدي مترجف الخاشوكة راخيه .. جرها من ايدي شلت الصينية وشمرتها بالكاع
احمد : ليش هيج سويت
فاروق : اعذرني اعصابي اعصابي تعبانه اطلع احمد ليش تطلع بيك
احمد : اشوف واحد يجي ينضف
فاروق : صيحلهم اريد اطلع راح اموت اختنكت شنو هاي الجرباية شوف الجرجف شوف الحيطان لك مو اني انحبس هنا
احمد : انت ما محبوس كل ما جاي تعاند كل ما اطول المدة مالتك
فاروق : كو***** ووووينكم ارررريد شريف يجينييييي
_ هاا خيركم هم انت
فاروق : خاف ما عاجبك
_ عاجبني
فاروق : اكدر انهزم انتُ منو وتمنعوني بس باقي بمزاجي اضحك عليكم
_ لا حول الله
احمد : شوف واحد ينضف نعمة الله حرام ندوس عليها
_ هسه انتظرني هنا
فاروق : من فتح الباب يريد يطلع جريت كيبل التلفزيون وخنكته بي برهاوة ايدي
احمد : عوووفه عوووفه اذا مات تروح بالرجلين
فاروق : هديته واندار عليه .. فرك ركبته وابتسم باستهزاء
_ ما اختنكت تدري ليش ؟ .. لان متكدر اسويلي شي ضعيف شوف ايدك شلون ترجف باوع وجهك بالمرايه قبل يومين اندورلك وريد ماكو اعصابك خاملة من الحبوب
فاروق : ركعته بالكيبل وضربت الحايط فشرت عليه بكلام محد سامعة .. ابن زنا شوف امك واسألها حليبك طاهر
_لزمني وشمرني ع السرير جتف ايدي شفت احمد جاب ابرة فتح مفصل ايدي وحقنها صارت وشه بأذني وانكلبت على وجهي
احمد : جبتله ابرة **** متأثر هواي عليه وباجر نجيبله ريوك ياكل ونحرمة الغدة نسله سل لليل حتى يبلع علاجة
_ خاف بعدة ما غاب عن الوعي اسكت لا يسمعك
احمد : قوية وجسمة نحيل بسرعة يستجابلها
_ كابلني نرفعة راح يوكع
احمد : يااا علي
.......
سلوى : ماعندي بنية روحي ولي من وجهي انتِ متي بكلبي كبل عيني
روح : ليش هيج يمة سويت المحد سوته علمود اشوفج اني هم عفت بتي وصله من كلبي الخاطرج
سلوى : لتحطين ايدج عليه
روح : نفرت مني وطلعت من المطبخ كعدت على رجلي ركض حمد يبجي ويبوس بيه شبكته بثنين اديه .. حبيب اختتتك انت صاير رجال
حمد : مشتاقلج ليش رحتي مو كلتي ادرس وارجع
روح : صار عندي بنوته شوف تعال اراويكياها .. فتحت جهازي طلعت صورت سيدرا رمش يباوع عليها
حمد : حلوة يعني اني خالها
روح : اي انت خالها
نوال : كرت عينك فرحان
روح : اخذت حمد ودخلت للهول ماكو احد بس امي كاعدة على الدرج وحاطة ايدها على وجهه
نوال : مو هاي العار التنوحين عليها
روح : تقربت يمها على الدرج دفعتني وجتفها يهتز تبجي بحركة حضنتها وبجيت .. يمة كلبي نار على حضنج يمة ما شفت يوم راح بعدج يمة رجعيني البطنج
سلوى : كسرتو ظهري عمتج ماتت شريفة بتي عايشة ويعيروني بيها
روح : بستايدها ونزلت على رجلها ابوسها .. يمة ارضي عليه الدنيا تعبتني
سلوى : اذا ارضى عليج الله ميرضى عليه
روح : عافتني وراحت الغرفتها سمعت صوت فرة المفتاح مسحت وجهي وصعدت فوك اسحل بروحي ودمعتي ما نشفت اباوع الكل ركن بهذا البيت كلشي ما متغير عبالك البارحة عفتة
شمائل : رووووح يمة ولج ما مصدكة خاف جاي احلم انت بسبع ارواح
روح : طلعت من الحمام لافه المنشفة عليها ركضت للغرفة اجتي تبوسني غمتني وكعدت على التخم
شمائل : سجنتي اخوية متستاهلين
روح : انزل النعال على راسج ترا مناقصتج
شمائل : اني لو بمكانج ما اجي ولا اوصل اكو وحدة عدها واحد مثل فاروق وتعوفه وتجي لهنا
روح : انتِ وين شايفتة !
شمائل : خطفني واعترفلي بحبه
روح : كمت عليها مثل الاعصار لزمتها من جتفها وكفختها على راسها .. شنوووو احجيييي لج شوووكت صار هذا الحجي
شمائل : مو هوه جبرني اكله احبك
روح : شووووكت
شمائل : خطفني اني ومديح من باب البيت وجبرنه اني ويا نكله احبك
روح : ضربتها راشدي ورجعت كعدت فتحت شالي اريد اجر نفس
شمائل : عليه رسمة جتاف لو الوشم لو طبرة الحاجب اوووف يا الله ابتليني
روح : صارلج شكد ما مكتولة بالنعال
شمائل : من البارحة
روح : واليوم هم بس ارتاح ..
شمائل : فكرت لو يحبني صدك ويخطبني نصير اني وياج ابيت واحد اللللللللله
روح : اكو نعال باب الحمام كمت شلته واجيت امشي سريع
شمائل : هذا شسوين بي يووووجع
روح : لزمتها ورمتها بي كامت تبجي وتنفض بهدومها
شمائل : ايدج اثكل من ايد امي .. ما ازوجه ايع هوه هم خلقة اسمراني وضحكته تخبل
روح : لزمت كلبي ما بيه بعد اكوم اكتلها .. دخل حمد بيدة كتبه ومبرطم حطهن على الجرباية
حمد : قريني مشتاقلج اريد نتعارك مثل قبل بس ما اريد تلفونج بعد
روح : تعال جيب كتبك اشوف .. كبران ورايح سنة جديدة
حمد : قبل نص السنة بطلوني
روح : حسبي الله ونعم الوكيل
شمائل : هاي عليمن
روح : عليج وعلى ابوج وامج واخوج وجدج
شمائل : هلكد كلبج محمل
روح : اكثررر هذا البطرف الساني البالعته هواي
حمد : سمعي سمعي .. عمي يريدج
روح : سمعت صوته نزلت جوه بسرعة وكفت ع محجر الدرج اشر عليه وكال
محسن : يطلع ابني وترجعين
روح : انت مو كلت ترجعني خالي مو كال يرجعوني بتي هناك ما اكدر ابقى
محسن : ما عليها شي
روح : لا لا ترجعوني ليش ابقى هنا بتي ما اكدر اعوفها .. اقترب مني وزمخ بيه
محسن : عنددددج تلفون
روح : اي
محسن : بابا شمائل جيبي وتعالي
روح : اذكرت خليته على الجرباية سبقتني وصعدت تركض جابته ونزلت انطته الابوها وباوعتلي بنظرة مكر
محسن : ابقي هنا على راحتج
روح : صعدت فوك الدمعة بطرف عيني دخلت للغرفة تخيلت بعد ما اكدر اشوف سيدرا وفاروق لزمت راسي عصرته ارجف انتبهت ماكو احد طلعت المسدس والطلقات خليتهن بنص النضدة مال فراش وغطيته بالجرجف
_ حبست روحي بالغرفة سيدرا ما راحت من بالي اتخيل صوت بجيها ولوعتها من اجوع كنان من يجيني بالليل ينام يمي فاروق لمست ايدة حرارة جسمة ابتسامته
حمد : ابوية اجه وطلع من عرف انتِ هنا
روح : احسن ما اريد اشوفه ما اكدر احط عيني بعينه
حمد : اني احبج بس ما ادري ليش يكولون انتِ عار واصدقائي راح يزاعلوني ويعايروني بيج ومن اكبر محد يقبل يزوجني بنته
روح : منو كلك هذا الكلام
حمد : عمي محسن وابوية ..
روح : حضنته وشمست ريحتة اريد اضمة بكلبي .. لصدكهم اني ماسويت شي غلط ازوجت
حمد : ادري بيج متغلطين روح لتروحين بعد وجيبي سيدرا تعيش ويانه
روح : ابتسمت وبسته براسة اندكت الباب وانفتح
سلوى : نام وراك شغل
حمد : ما اطلع خاف ارجع وروح ماكو
سلوى : لتخاف تلكاها موجودة
روح : يمة .. باوعتلي واجتفت سدت الباب واجتي بصفي على الجرباية كعدت وخليت ايدها عيونها
سلوى : ولج يمة عمت عيني ولا شايفة ذاك اليوم الاكشر
روح : خليت ايدي على جتفها وحضنتني شبكتها بكل قوتي وغمضت عيني ما مصدكة
سلوى : لو رجعتي لا تكطعين بية
روح : ما اكطع بيج مل السويته علمودج كلبي مات انعصر عصر من شفت صورتج
سلوى : عمج يمد ايدة علية كدام مرته منو يرضاها
روح : الله يكسر ايدة الله ياخذ حقج وحقي من ركابهم
سلوى : نامي اريد اروحن ابوج لا يفز وما يلكاني شيخلصني بعد
روح : نزلت وعافتني بقيت كاعدة للصبح ماعندي موبايل لو شي يوصلني بنرمان بس اسأل على سيدرا اجتني تخيلات وكفت عقلي لحد ما طلع الصبح كلبي مشتعل نار
شمائل : امي تكول كومي نضفي البيت وطبخي الغدة
روح : مصارلي نص ساعة من غفيت فزيت على صوت طكطكة الكعب مالتها باوعت عليها من فوك ليجوه
شمائل : مشايفة كشخة قبل
روح : لابسة دشداشة حمرة وكعب سمائي وظافرة شعرها جهتين وتشمر بأيدها
شمائل : يله كومي ليش تكعدت بالصندل
روح : شلت روحي من الفراش ما اكدر احجي جسمي مبند لميت شعري ذيل حصان ونزلت جوه اول ما شفت نوال سألتها
_ شوكت ارجع
نوال : يكولون الاجرائات اطول شهرين اربعة ستة
روح : لا دخيلج لا
شمائل : سويلي فطور صباحي
روح : لزمت روحي وكفت على الطباخ طكيتلها بيضتين وخليتلهن فلفل ابيض حار بالخاشوكة الجبيرة وانطيتهيا شمرتهن على السفرة وطلعت
شمائل : عايت هل شكول
روح : حمددد حمددد .. امي عدها موبايل
حمد : لا
روح : ونوال
حمد : اي ورابطته بخيط بجربايتها حتى شمائل متخابر ابو الفلافل بي
روح : اريد اخابر بي تعرف مفتاح غرفة نوال وين
حمد : بست**** تخلي
روح : روح روح كلشي ما اريد منك ادب سز
سلوى : ابوج يخلي جهازة بالبوفيه الصغيرة
روح : ركضت على البوفيه فتحتها لكيت مواعين قديمة وطوس بنصهن الموبايل طلعتة وما حافظة غير رقم فاروق دكيته واتصلت بي .. ماكو رصيد
_ رجعت ادك حركت الموبايل لحد ما كام ميتصل ويتعذر .. شمرته بالبوفيه وبجيت بقلة حيله
حمد : من تسبح نوال ناخذة
روح : شلون يعني نطبلها للحمام
حمد : ما ادري
روح : كعدت بالكاع وبجيت بحركة اريد كلبي يبرد فاتت من يمي شمائل اتفل بالبيضة بنص بجيتي ضحكت بهستيريا
شمائل : شطه سودانية ما ادري منين جايبتها
روح : لزمت كلبي ما اكدر اسكت من الضحك اتخربطت
نوال : كومي لج حيه طبخي الغدة ونضفي ما اصدك صار عندي خدامة وبدون راتب
روح : كمت للطبخ اشتغل متصنمة حسيت مابيك بعد لا دمعة ولا خوف ولا وجع
_ مر يومين مثل الحبله التطلك وما تكدر اجيب الوج بالبيت بالنهار استغل وبالليل من التفكير يوكف عقلي نسيت النوم نسيت الراحة اريد ارجع للبيت بكل الطرق من حركة روحي كمت ادعي المديح وجدي الله يفك اسرهم
_ باليوم الثالث جسمي نحل وتعبت مابية لا اشتغل بالبيت ولا اسوي شي امي متحاجيني تخاف كدامهن وابوية لمحته مرة وحدة وما خليته يشوفني
نوال : غسلي الجام اريدة يبرررك
روح : جلفته بالسفنجة واشطف بالمي خلصت وكعدت اكنس بالكاشي مال حديقة كبت ترابة عجه
محسن : تحسست عندددي ربووو هيييييي ثولة
روح : بالي مو يمة بقيت اكنس وما اسمع شي لحد ما كفخني على راسي لزمته بألم ودفر المكناسة برجله
محسن : تريدين تموتيني زمالة حيوانه الله لا يبارك بيج ولا بعيالج كووومي كوووومي طبي جوه
روح : وكفت كبالة شي بداخلي يريد يمد ايدة وياخذ حقة وشي يكلي انتِ مو كدهم تنعلي الشيطان .. كلبي صار خفقان لزمت صدري وبالبجية خنكتني
شمائل : شدعوه يكتلني بالقندرة وما اباوعله هيج
روح : انتِ معذورة ماعندج كرامة .. باوعلي بغضب يريد يضربني صار صوت سيارة وشخص يدوس بانزين بصوت عالي رج البيت وكبت ترابة ودخانه عالية ثواني وانشمرت بطالة كزاز مال مشروب
_ كل بطل يطشر يشعل نص البيت نار خليت ايدي على وجهي احمي نفسي البيت صار عبارة عن نار والبطالة مستمرة تتكسر على روسنة
_ كاااافي اطلع
يتبع ...
_ تعالو نحجي بموعد التنزيل .. اريد البارت طويل وتستمتعون بي فترة لهذا السبب قررت اخلي التنزيل كل يومين بارت بدل بين يوم ويوم وراح يكون مثل بارتين سوه ينزلون .. بارت واحد