روح في بحر الظلام

الحلقة الثانية والستون

____ الكاتبة بحر _____

لتنسون التقييم والتعليق على الفقرات +++اضافة للحساب لطفا pahrasoad

البارت اكثر من تقريبا 5000 كلمة

حيل تعبت بي تفاعلو بشكل صحيح حتى يصيرلي واهس استمر

_________________________

‏استغفر الله الذي لا إله إلا هو الحي القيوم واتوب إليه‏

استغفر الله الذي لا إله إلا هو الحي القيوم واتوب إليه‏

استغفر الله الذي لا إله إلا هو الحي القيوم واتوب إليه

________________________

رانـــيــاا

طلعت الدفتر من الكنتور بأدين مرتجفة افتحه واغلقهة و وكان راح ارجع اواجهها وخايفة من هالمواجهة نفس الصعوبة مريت بيهة واني اشوف خط منتظر بدفاتر الواجبات برسماته بخربشاته

كنت المس الخطوط اتحسس الاماكن واعتذر عن الأذية والمشاكسات اللي حدثت بيني وبينه

الوضع مختلف مع هذا الدفتر حبيبتي انسرقت مني مثل كأس ماء بيد شخص عطشان وقبل ان يبل ريقه ينسرق منه بلحضة سهوة

كنت عطشاانه وجودها محتاجتهة كانت ضحكاتهة وكلماتهة تنافس اقوى المهدئات

المهدئ يرخي اعصابي بس يترك اثار سلبية بداخلي لكن سرى تنسيني تضحكني تطلعني من جو الحزن وهي تاركة بروحي بسمات وأمل

كانت الشخص الصح تماما وخسرتها

طلعت الدفتر بأول صفحة كاتبة تاريخ البداية وهو الوقت اللي داخلة بي شقتها

كاتبة احلام
كاتبة مشاعر
كاتبة عتب ولوم
كاتبة ايام مرة
كاتبة غزل وحب وسماح ولحضات في قمة الخصوصية
كاتبة نصوص لما قريتها تفاجأت بيهة معقولة سرى بهلامكانية الحلوة

صوب گلبي طريقتهة بمديحي وشكري انهاريت من جمال تعلقهة بية ، كانت معتبرتني سند
لعد ليش مااحسيت ومنعتهة ليش ماگلتلها لاتطلعين وحدج

كنت مقررة اخذة اللي للأبد
بس قـــــيــصـر كال الدفتر من حق مرتضى
يبرد قلبة من يقرأ كمية الحب اللي كاتبته رغم القهر والالم لان مرتضى كان كاره نفسه حاس بأستصغار وتأنيب ضمير
ضليت متررددة بين ارجعة وبين يبقى الدفتر عندي

وصلت للمنتصف ماگدرت اكمل غلقت الدفتر وحطيته على صدري ضليت اضرب بمؤخرة رأسي بالجدار ضربات خفيفة تقوى كلما اتذكرت شغلة موجعة اكثر حاضنة الدفتر مثل كأني حاضنتهة الى ان

التف وجهي بقوة وششفت ممشمش حضنتهة بقووة كل ضني مااتعرف

لحد ماا اجا قيصر اللي ماا اعرف كيف يفكر نضراته اختلفت اني خازرته وهو يتبسم

دفع راسي وطلع يهدد بمشمش ..
اول ما انغلق الباب استداريت لمشمش صافنة

:لججج منوو جاابج اجيتي ويااه

:خاالوو خالوو اجااا ويانه موو وحدي

:عمرري شبيج خفتي والله فز كلبي من خووفي عليج

:رانـــيــاا سرى بعد مااكوو والله ماا أگدر بااعي كلبي احسسه راح يووكف

كانت تحجي وتششهك بقووة حاضنتهة ارريد تسكت مااكو كلماتهة غير مفهومة بسبب قوة الشهكات
مشمش مايلوگلهة الحزن منضرهة حرگ اعصابي

: ليش سرى ليش مو اني
صرخت بوجهي بقوة:انجببي رررااانيا شششبيج انــتِ تعااالي ششووفي ماامااا راح تتخبل على زياد ترردين تمووتيهة بعد انــتِ واني موو اختج لويش متفكرين غير بنفسج

:اهدي يروحي هياتني يمج ششبيج

:اططيح حظج هسسة

مديت ايدي اوخر الشعر من وجهة وهي متنرفزة

:مشمش ماما تبچي علية لو بس زياد

:انــتِ وياه والله بسس زياد تكول گلبي ناغزني عليه خايفة ميت والله بالگوة اهديها

ضلت تبچي نايمة على رجلي مابية حيل اتحرك معدتي تفور وهي تعبانة غفت من بعد تعب بملابس السفر
سحبت المخدة حطيتهة جوة راسها وطلعت

لاگاني قـــــيــصـر طالع من الاستقبال درت وجهي منه متوجهة للمطبخ اشرب مي
من خطواته حسيته وراي

:سمسمية

باوعتلة بأستغراب مضيقة حواجبي: عفية شدتسوي

رد مبتسم :شمسوي سمسم

:لتكول هيج ليش هيج دتسميني

:ما اعرف احسس حيل يلولكلج اصلا ضايج لان سمتج قبلي
اقتربت منه مبتسمة احجي بنبرة تهديد
:زوجتك اذا تسمعك هيج تحجي شنو تبررلهة

ضحك وهز برأسة يقرب وجهة مني
:وشكو ابرر سمسم

:لتسميني هيج لا تكرهني بلاسم الطفلة حلو يطلع منهة
:واحد غيرج يحجي وياي بهلاسلوب والله املخ حلگة

صفنت بوجهة وحسيت بوجع بباطن فمي حسيت شعور غريب ..رفعت ايدي لشفايفي
نزلت نضراته ليدي وأكمل

:بس سمسم تمون احجي اللي يعجبج

رديت بداخلي ..كلشي منك كريه حتى كلامك الطيب سم درت وجهي شربت مي كال

:خالج بلأستقبال روحي سلمي علي

:عزززااا لعد غير تحجي من الاول
:اسف يروحي التهيت بيج

باوعتلة بغرابة وهو يتصرف عادي ..استغفر الله هذا يمكن هو هيج اسلوبة خو مو اضل كلساع متفاجأة تجاهلته ورحت خالو كان متمدد على التخم
وكفت قريب على الباب حتى مايبوسني وسلمت بخجل

:هلو خالو

:هلااا خالي هلاا بعد عيني شلوونج
:الحمدلله زينه انت شلونك

:تعالي هنا خالي لا تخافين ماا احبج ادريج تكشين

:لااا عززااا شدعوة بس مستحية
:عليمن بوية غير خالج تعاي خلني اشوفج

كعدت يمة كال
:البقاء لله والله يجعلهة اخر الاحزان ويرحم صويحبتج و أن شـاء الله بالجنة يم رب الرحيم احسن من كل هالودم

دنكت راسي وصارت دموعي تنزل بالتوالي
:خلهة يبوية راحت يم ربهة هسة هو ياهو الضامن عمرة شو الموت طايحلنه اتكطف
هسة انــتِ ضامنة عمرج تعيشين هوواي اناا ضاامن عمري
لااا والله ابن ادم مايدري موتة بيا ساعة بيج خير استثمري باقي ايامج صليلهة اقريلهة تراها ديون حتى لو لاكيتي صويحبتج وجهج ابيض گدامهة ..هااا شتكولين

:صح كلامك خالو بس اشتاقلهة

عزيز :كلما اشتاقيتي رووحي لگبرهاا تسمعج وتشووفج وانتي رراح تحسسين بيهة گليلي شلون

رديت اصغيله بأنتباه وعيون دامعة :شلون

:رااح يطفى من شوگج راح ترتاحين فترة كل اليروح لگبر عزيزة يحس هالشعور مناااا لومن الله ينسيج

:بالي يمهة خالو الدنيا باردة وهي بالتراب كلما الف نفسي بالغطاء اكرره رووحي شلون حالهة هسة

:هااي عود انــتِ الدارسة هيج تحجين يبوية روح البنية بالجنة أن شـاء الله بنية يتيمة وطاهرة ومضلومة شلون ربج يخليهة بالگاع
روح المؤمن ترتفع إلى الله بعدين ترد إلى جسدها للسؤال،

واكو احاديث تگول

الروح في الجنة طائر يعلق في شجر الجنة، روح المؤمن هااي
ويردها الله إلى جسدها إذا شاء

هاي بس روح الكافر تغلق عنها أبواب السماء وتطرح طرحًا إلى الأرض وترجع إلى جسدها للسؤال، وتعذب في قبرها مع الجسد،

يعني البنية بأمان ارتاحي وريحي رويحتج هي واللي ابطنها تتنعم يم رب العالمين أن شـاء الله

: خاالو هذا الكلام اكيد اني مدا اسستوعب ارريد بس شي يطمني والله احسس اريد امووت بس حتى اطمأن عليهة

:والله يا بنيتي العلم عند الله بس اللي دارسه

ان النبي محمد صلى الله عليه وآله وسلم وصف الموت بقوله: "الدنيا سجن المؤمن وجنّة الكافر، والموت جسر هؤلاء إلى جنّاتهم وجسر هؤلاء إلى جحيمهم"

:گلبي يووجعني والله احسس روحي عطشانه معدتي مشتعلة ناار ما ادري شلون اوصف قـهري

:اسم الله عليج بنيتي الله يجزيج على صبرج بالعيشة الهنية بعد هذا امر الله نحمده ونشكره وما نعترض

:ونعم بالله

:جاا ام لسان وينه هدتني وفاتت

:ناامت خطية هسة اسويلك ريوگ واي تحتاج گولي

:تريكنه والله ، بس اريد استكان چاي وحباية وجع راس

:صار

نهضت من يمة شفت قـــــيــصـر گاعد على الدرج لابس عسكري

سويت چاي وطلعت ماخذته لخالو وسعت عيوني متفاجأة من تقدم علية بسرعة

:ششبيج ليش گمزتي

:مااا ما كمزت

فتح الحباية بلعهة وشرب كاس المي واخذ استكان الچاي بأيده واني صافنه

دار وجهة وراح

:مشكورة حبيبي تعبتج

:هااي لخاالوو مو الك

:لااا اللي حسيتي بية دايخ بس خجلانه

كززيت على اسنااني :خررب اأنَّ ..
عزااا لعد غير نروح اشو لابس عسكري

:عندي شغل اخلصة وارجع
:اخاف تكذب علية

:بعد ما اتحمل كل جفصة بعضة هيج يلا اتوبين

:والنبي افضحك

:لعد لزمي لسانج سمسم ترة ضايج وجوعان اريد بس حجة

خزرتة ورحت.. وهو راح وهو يحجي:تخزرني يااا الله

رحت سويت من جديد لكيته نايم عفتهم يمه وطلعت بهدوء
طلع اسامة يأيده منشفة ويمشي مغمض شعرة مكفش مال واحد وخرت عن طريق تكلم وهو يمشي

: رانـــيــاا جوعان

:هلا بيك صباح النور

ابتسم وكال بربج لفة واستكان چاي

:ماا اسوي بيض
:عادي اي شي

رجعت اسويله لفة نزلو زينة واطفالهة وقيصر وراهم

زينه:يلا يروحي تعالي اجهزلك ريوگ

:ما اريد بس لا تأخروني وصوتكم رجال نايم

جهزت اللفة وحطيت گلاص چاي حطيتهم بصينية وقيصر يباوعلي
طلعت لاگاني يمسح بشعره باوعلهم بأنزعاج وكمل طريقه

:لك هااك اخذهم عززاا شنوو اششتغل عندك أسامة والنبي راح احطهم برراسك

يمشي واني وراه ادردم
ماا حسسيت الا انضرربت الصينية اللي بأيدي بكل قووة وكعت من ايدي فززيت بصررخة

سسحبني من اييدي لغررفة امه دخل وغلق الباب بقوة

:ششدتسسسووووين

رديت بصوت باهت من شدة الفزع

:شش شمسووية

:موو گلت ابعدددي عن صصصخاااامة شششعندچ تفترررين ورراااه

:خطية جووعااان

:لچ مووو اخووووج مووو اخوووج هذذذااااا ابعدددي عنه موووتييني انــتِ مااا تفتهمييين

:اددري موو اخووي

:لعدد من تدددرررين ششكووو تحجين ويااه

:انــتَ ششبيك عفية لتفزز اختي والله ماا مسوية شي

:لاااا تتقرربين من أسساامة

:تمام بس وخرر دا اطلع درت وجهي منه اطلع نتر ايدي بقوة وضربني بالحايط راسي مجروح والضربة كانت خفيفة بس لان الجرح جديد تأذيت حيــل

:اااخخخخ
:خرا بحضي ووخرري ايددج لج اششوفهة ووخرري

دفعت ايدة :لااا تلززمني موو كلت اي ماا اتدنالة تضرربني ليشش

:هااي موو اول مررة

:ززين وخر دا اطلع ليشوفنا احد بغرفة امك

مال بوجهة القريب من وجهي وتكلم بنبرة هادئة

:مرتي انــتِ خل يشوفونا رانـــيــاا اتقبلي هالوواقع عاد

:ششقصدك انــتَ ..
وسع عيونه يؤكد كلامه ورد
:اللي فهمتي وماترضين تعترفين بي هو قصدي
رفع ضهره مسح شواربه اباوعلة واسترجع كلام اسامه بعقلي وهو بأبتسامة جانبية فتح الباب وطلع دخل

أسامة كان لابس وطالع صاح وراه
:اووكف لك اااحجي وياااك

:بعدين بعدين مسستعجل عوود من أرجع

:حسسابك يمي اني ارربيك يااا......

باوعت للأكل منتشر بلارض راح هو وكال زيـــنة استعجلي اخرتيني

:يلااا حبيبي جاية
عفت الخراب ورحت لغرفتي واني امشي انجريت من ششعري

:اللي تفكرين بي تشيلي من راسج والا قسما بالله ادمرج لليوم مستخطيتج ودا اعاملج بأنسسانية

بجيت متووجعة وهو تباوعلي بغضب كانت اطول مني ولان لازمتني من منطقة مجروحة سيطرت على حركتي بس احاول التف تقوي قبضتهة
رفعت اددية غرست اضاافري بلحمهة
:لج عوووفي شششعررري عوووفي

دفعتني بقووة صحت بوجهة

:يااا حقيرة يااا تافهة ذااك زوجج وروحيلة الله يلعنج انتي ووويااه

باوعت ل أيدهة بقرف لان بيهة دمي
بهلأثناء طلعت مشمش شافتني انهض واني ابچي والتفتت عليهة بغضب

مشمش بغضب :ششسوويتيلهة لج

:احتررمي نفسج يا بيئة

بااوعت ل أيدهة متفاجأة :عزززااااا هذاااا دم رانـــيــاا

هجمت عليهة بقوة ارريد اسسحبهة منهة خاايفة يدخل قـــــيــصـر على الصوت ويضربهة وخاالو هنااا زينه من شاافتني اسسحبهة ضرربتهة رااشدي بقوة

لو مأذيتني ممكن اتساهل بس مشمش كانت الخط الاحمر بحياتي

:لج لاااااا لاااا موو وووخرررتهة منج تضضربيهة ليييشششش حيووواانه

مشمش:ادددبسسسزززز بر......... والله الااا املخج ارراوويج منوو مشمش

ضربتهة على بطنهة ورفعت ادية لشعرهم ومشمش وياي هي ركزت ضرباتهة على مؤخرة رأسي

ارتفع صوت السب والعراك اشتد وماكان ينتهي رغم احنا اثنين بهذلناها بس همات انكتلناا

دخل قـــــيــصـر ره تضربني ضربات حقد واني خانگتهة ومشمش تجر بشعرهة

صاح بصووت عالي

:هاااي شششنوووو

وخررت مشمش منهزمة وراي اني كان الوجع يسري بكلبي ايده قويه بسس وخرري مني ركضت اضربهة بقوة ضربات متتالية على ووجهة

ماا احسس الاا انحضنت وانرفعت من خصصري

وهي تصيح قـــــيــصـر اذاااا متاخذ حقي منهة الييووم مااراااح ابقى وياك قـــــيــصـر

رانـــيــاا: لك عوووفنييي باااوع بسس باااوع ددمي بأيديهاا الله ياااخذكم كلة بسسسببك ششااافتك واجتني مووو كلتت وووخررر عني

حضني بأيد وكمم فمي بأيده الثانية وعضني بخدي

يحجي وهو عااضني

:اني موو گلت لتجاااوزين علية

صررخت بكل ماااتبقى عندي من من قووة بس الصصررخة مكتووومة بأيده
ضليت اضضرب بي بعكس اييدي فلتني ودفعني بالغرررفة

:يااااا مقرررف ياااااا ماااا تسستحي گلتلككك اكرررهك

اصررخ وامسسح بخدي بكم ايدي
اقتررب مني ورافع اصبعه ل شفايفه

:اشششششش اششششش هالمررة خفيفة مرة الخ اششلع خددج والله

اجت مشمش ترركض حاضنتني صاايرة بيني وبينه

مشمش:والله هيي ضرربتهة الاول كاافي ووخررر مناا

:لكككك روووح منييي

دخلت زيـــنة وراه: اني تمسسكن العوا......... ميعجبني مسسـتـــ

قطع كلمتهة بكف قوي رفعت رأسها لازمة خدهاا

:تتهنى بيهة قـــــيــصـر

مشمش بهمس: حاامض على بووزكم لوو تموتوون

قـــــيــصـر: عيدي ماا سمعت

رديت علي بصووت صارخ: ووووخررررر عنهة

:دكاافي عووفي خدج

:ليش هييج سووويت هي اللي بدت وانت السبب لوويش هييج سسوويت

:لااا تتجاوزين حدج وياااي

عفتهة وطلعت للحمام ومشمش ورراي فركت خدي بالصاابوون بقوة واني ابچي واصيح

:الله يحررك دمك الله ياااخذ حووبتي منك
المشكلة ما كانت ألم المشكلة كانت بشرتي رافضة اي تقارب طفيف منه وقربه بهالحدية احسه طلع روحي

صرت خايفة من تفكيره
طلعت من الحمام اباوع لمشمش تباوع بخوف للطابق الثاني لان صاار بي صوت تكسير

جررتني ترركض بيه
رحت للأستقبال الحمدلله خاالو بعده ناايم

مشمش:بااي صووت شخيرة واني بالطريق سواني نصبة تسسحب بية وتمششي سريع

اطفالة كل واحد بأيده لفه وطلعو من المطبخ يتمشون للحديقة وكانهم مو هامهم اللي ديصير

دخلنا وهي غلقت الباب من راحو سويتلهة اكل ما كدرت تاكل حاولت اجبرهة بس ماكانت تهدئ من البكاء ماردت تصير مثلي تركتها تبچي

من قوة كتم البكاء عندي صار ابسط توتر يسببلي صداع

تمددت حاطة راسي بحضنهة وهي تسرح بشعري

:رانـــيــاا تكرهي لقيصر

:ما اكره شي بالدنيا اكثر منه

:احسه ميكرهج

:هذا مجرم لا تسولفين بي

:عفية شوكت نروح لسرى بعد ما اتحمل والله

نزلت دمعتهة على خدي بقيت متمددة راسي بحضنهة فترة طويلة لحد ما أذن

صلينا وطلعنا
كانت نجاة بالمطبخ سلمت على مشمش
حطت غدا النا ولخالو
كعدت وياهم انقش خاف خالو يتحسس
بعد الغدا اجا قيصر كال تعبان بس اتمدد شوية سلم وصعد وزينة والاطفال وراه

خالو كال اروح وياكم فرحت من كلبي ماكنت اثق بي ابدا
وماكنت خايفة على نفسي اكثر من خوفي على مشمش
العصر طلعنا للنجف
زرنا الامام علي

اكذب اذا اگول صليت بخشوع اوو عررفت اركز بالزيارة او الدعاء
ومشمش كذلك بالنا كان مشدوه

ماخلونا ندخل لشباك قبر الامام كال تضيعون وحدكم اجلوها غير مرة

صلينا وسلمنا وطلعنا للمقبرة كان الوقت صار غروب

واضح كان يعرف الموقع كلما اصد للمراية اشوف عينه عليه ويحجي وخالو ماركزت بكلامة لان منضر القبور كان يسلب العافية

عيني عليهم واتنفس بقوووة
مشمش صاارت تبجي بقوة وعبررة اباوعلهة ارريد ابچي مثلهة ماا أگدر بس اختنكت حتى النفس ضاك علية

:عفية افتح الجاامة اختنكنا

:وحدج اختنكتي رانـــيــاا الجوو بارد
شغل القصيدة اللي شغلهاا الحاارس بالحديقة

نزلت ررااسي مع كلماتهة لزمت الكررسي الامامي خااتلة وراه صاارت دمووعي تنززل بصوت أنيين موووجع

قـــــيــصـر: بيج شي رانـــيــاا
اررفعي راسج اششوووفج لينزف خشمج
موو احجي وياااج

خالو:سيدي على كيفك وياها حگهة

:شرايد منهة بسس ترفع راسهة

رفعت راسي

قـــــيــصـر: هيج ضلي كبال عيني
نزلنا من السيارة
مشمش كانت تتلفت وتشهك

باوعتلة بدموعي.وهو يغلق السيارة

:وينهة

:هاي عيوني تعاالي مدلي ايدة

:اني امشي
:جووة رانـــيــاا متكدرين توكعين ..اخوية انت مشي مشمش لتعثر خاف قبر مفتوح

مد ايده لزم ايدي بثنين ادي

تعاالي تعاالي... بالج لاا لاا لتدعسين هناا موو زين عليج

ماكنت اباوع لمحط اقدامي عيني كانت شابحة على القبور ادوور اسمهة بلهفة

فززتني صرخة مشمش

:هيااااااتهة هيااااتهة سرررى

فلتت من خاالوو وركضت
عييني عليهة عبرررت وعثرررت

:لج الله الله مووو هيييج دفعت ايدة وررركضت

ممششمشش تخبلت اتهسسترت

:عزززاااا عززاااا والله اسسسمهة سرى لاااااا لااااا سرى

وصلت للقبر گعدت الارض كانت مبلولة مي هوواي وقبرهة علي وررد هوواي وورد طبيعي
وعلي عطر طيب وتربة الامام الحسين عليه السلام

حضنت الصخررة حطيت خدي عليهة

:اجيييت اني سرى
اخخخخخ سرى اخخخخخ
وجعتي كلبي مرردتي مرررد مرردتي رووحي سرى
مششتاقتلج مششتاقة لصووتج دتشوووفيني
صررت اصرخ بأسمها من اعماااقي
كنت اتمنى تفتح قبرهة وتررد علية
سكتت حطيت اذني على القبررر اتمنى همسسة منهة

مشمش اختنكت من الصررااخ

اخذهة خالو لحضنه هدأها انطاها موبايله بي قرآن گعدت تقرا وتبجي

:ياااربي فددوة بسس اسسمع صووتهة بسس شووية بس اعرف هية زيينة يااارب والله تعبت من التفكير حتى لوو همسسة بس اطمئن عليهة
لااا حول ولا قوة الا بالله العلي العضين
كلبي انششلع يااربي

عدا وقت طويل وقيصر مبتعد يدخن مشمش مابطلت تبجي خالو مل منهة كال

:ازور امي وابوي وارجعلك

قيصز :ويين تروح تحجي صددك اصبر يخلصون اخذكم سووة

:لااا خووية عليمن هسسة مناك الكة ستوتة تززتني وانا اعرف مكانكم ورقمي يمك لو ردت ترد اطني خبر

اقتربت ممشمش مني
مشمش :هسة هي هنا

:يكول خالو تشوفنا بس احنا منشوفها

وكفت على حيلهة تتلفتت
يااربي شهالحيرة والله عقلي راح يووكف

كعد قـــــيــصـر يمي
:رانـــيــاا كاافي مااشبعتي

:لااا خليناا شويه بعد فدوة

:شووفي صاارت بالتسعة والله مو زين عليج اجيبج الهة والله شوكت متريدين

:اطلب منك طلب
همس:عيوني الج سمسم

:باوع اني اذا رحت هسة بالي يضل يمهة امووت والله ارريد نبقى لحد ميطلع الضوة

:لااا تتخبلين رانـــيــاا علاجج لازم تاخذي لازم تاكلين وترتاحين الصبح ارجعج

:ارررررريد ابقى الليلة هناا فدووة الله يخليك

نروح نتعشا وتاخذين علاجج وترجعين

:اخااف كذب

:طاح حضج ، گومي يلاا يلا باباتي مشمش امشو

مشمش:عفية ترجعنا

:ايباااه هاي منو العاقلة..ارجعكم امشي يلا

:لعد وخالو اتصل بي اكولة طلعنا امشو يلاا

طلعنا وهو اتصل بخالو

دخلنا للمطعم اكلنا بسرعة بس حتى يرجعنا ومشمش كانت ترجف من البرد

قـــــيــصـر: رانـــيــاا شوفيهة للطفلة شلون ترجف خطية شنو رأيج نطلع هسة ونرجع الصبح

مشمش :لاااا لاااا معليكم مني فدوة ارريد اررجع اضل افكر بيهة

:انت وعدتني
:فتهمنا خل يجي الرجال يتزقنب ونولي

مـشمــش: عزززااا بس يجي اكولة

:گوليلة وارجعي وياه للبصرة همات كاتلات مرتي وهم يتشرطن اني ماشايف هيج صلافة

مشمش:والنبي هي بدت لكيتهة ضاربة هاي الفاهية ايدهة كلهة دم

:موو دم هذااا يااا الله المعقم هيج لوونه

ضليت اتلفت على الناس متوترة فضحونة يا الله

رانـــيــاا: مشمش والنبي راح اطيح حضج كاافي

قـــــيــصـر قوس حواجبه بتووسل وقرب يمي عبالي راح يحجي شي مهم اقتربت اسمع منه

قـــــيــصـر: جعلني فدوة للي تدافع عن زوجها.

صحت بصوت عالي:صدك تحجي شبيك ترة لان انفضحنا
غطى وجهة بكف ايده عاض شفته بتحذير

همست:عفية يلا خل نروح موو انفضحناا

اجاا خالو تعشى وشربو چاي رجعنا
نزلنا نمشي قريب مادنوصل
لمحنا سوادات يم قبر سرى

احسس وكأني اشوف شياطين
كلبي من الرعب احس صار ينبض براسي

بهمس:عززااا منوو هذول

قـــــيــصـر: اشششش أگعدوو هنااا بدوون ولااا نفسس

گعدنا مختبئين ابين القبور وهو فتح موبايله وتحرك لزمت بنطلونه وحجيت الهث من الرعب

:لاا تروح

:اششش لا تخافين هناا اني قريب

صار يتحرك بخفة
خالو من لاحظ خوفنه حاوطنه بحضنه مشمش ضمت وجهة بصدرة
ضل يهمس آيات قرئانية

صافنه عليهم يحفرون طلعو مي وشمووع المقبرة كانت مضيئة بضوء القمرر
لوو شفت هالمشهد بفيلم رعب ماكنت راح اصدق بوجود هالشي لكن انا عشت هالشي المرعب بحذافيره وتفاصيله

احنا كنا مختبئين بسقيفة خضراء بداخلهة اشجار ابين القبور

شعلو الشمووع وطلعو قطع قماش واضح انها ملابس كاانو ماخذين راحتهم وحدة صوتها كان خششن موو معقولة هااي مرأة هذا صووت رجل

وهذا الصووت الثاني موو غرريب
تكلمت الثالثة وسعت عيوني بدهششة من صووتهة

ام مرتضى :فدوة اررروحلك دير بالك ابني لينضررر ماا عندي غييره

مشمش بهمس:هذاا صووت خاالة ام مرتضى؟

:مسستحيل لاا مستحيل

سوت المرأة ذات الصوت الخشن دائرة بالشموع وگالت

ام مرتضى انااا رااح ادفن و انــتِ رشي هذاا البيدج على القبر يلااا

قبل ماا يتم كلامهم اسسكتهم صووت رصااصة اثنينا صررخناا بفزع

خالو كال :اشش اشش اقررن قرآن كولو بسم الله الرحمن الرحيم
بسم الله اللذي لا يضر مع اسمه شيء في الارض ولا في السماء وهو السميع العليم

بسم الله اللذي لا يضر مع اسمه شيء في الارض ولا في السماء وهو السميع العليم

بسم الله اللذي لا يضر مع اسمه شيء في الارض ولا في السماء وهو السميع العليم

ضلينااا نرردد
صاح قيصر بصوووت مدوووي بكل صووته

ذبووو العبااايااات بسسسرررعة

ام مرتضى عرفت صوته انهارت بالصررااخ

:يييييييبببببووووووووو سسسيدي ابوووووو الغيييييرررة اني بشاااررربك شششترررررريد انطططيك فددوووة سسسيييديي لااا تخلين عااار على ابنيييييي

ثور رصاصة اخرى وصاااح

:العبااااايااااات ذبوووبهة

ذبن العباااياااات
عزززززااااا هذاااا رررجاال مووو مرررة
مسسستحيل ياا الله هذه حقيقة لووو كاابوووس شتششوفين بحيااتج بعد رانـــيــاا

يلااااا انبططحووو على بطوونكم

:سسسيدي ددخيلك

:على بطططوووونكم

انبطحو على بطونهم

طلع وكف وراهم ويحجي برهااوة

:لووواته الجماااعة هااااا هههههههه عبالج ماااا شششفتج تحوومين على القبر من وصلناااا انهزززمتي ك...... لج انــتِ ششنوو من بشششر مااا كسسر خااطرج ابنج مكابل القبرر وكااعد مااحزت بخااطرج يتيمة بسسببج ما ارتاحت بدنيتهة انووب لحكتيهة للقبر

رفسسهة بكل قووته بخااصررته

بسس شافني وكفت اشرلي بالمسدس
أگعدي طولة ونضراته وغضبة بوسط الظلام بين القبور خلاني انفذ الامر بدون نقاش

ام مرتضى مابطلت تبرر بصراخ ونحيب

:والله مااا اكرهة بسسس ردت ابني يييرررجعلي سسسسيدي فدوووة لااا تگله

:لااا والله كتلة وهسسة هوو جايج متلهف اششوف هم يدفع كفاالتج هالمرة

فتح علبة المي الكبيرة وصااار يررشهة عليهم ثلاثتهم
اقترب للثالثة دعس رأسها
العاا...... . الثالثة منووو

ردت بصوت انثوي

:اسمااء اني طليقته سيدي والله بسسبب هاي المكبورة طلكني هي هماات كانت ساحرتة

دفررهة خلاااها تصرخ والشخص الثالث طلع دجااال

مرتضى اللي كان قـــــيــصـر متصل بي فور وصولنا للمقبرة وطالب منه مايرجع لبغداد
ووصل وصدمتة كانت اضعااف صدمتنه بس يصررخ

:يووووم ليييششش شششمسوويلج يماااااا ليييششش

توجه للقبرر يششمر بالشموووع سحب المللابسس

:هاااي شششنووو يوووووم هذاااا قميصي تدفنييين قمييصي وملاابسي مرررتي ادددفنييني وياااهم وارررتاااحي صاار ياخذ ترراب ويغطي برررأسه

كانت ماخذة ملاابسه وملابسس سرى وصوورته وصوورته وبعد اشياء تخصهم مقنعها الدجال ان راح يمووت حبهم
ويضل يحب اسماء طليقته

نهض من مكانه وهو يحجي

:لااا تخاافين حبيبي سراوي هالمرة لحگتج موو مثل كلمرة حبيبج زلمة

يجمع بأشيائهم ويششمرهة على رووسهم وهي تصررخ

:لاااااا ماااماااا مرررتضى اني اممك انيي الحبلت وجببت وررربيت

:يااااريت ميت ابطنج ياااريت مااشفتج

گال خاالوو اكعدو هناا اروح اقرأ لقبر البنية ترتاح روحهة

رراح خالو وصار يرتل القرآن بصوت واضح وجميل جدا يهدأ النفوس

غمضت عيني ووكعت بحضن مشمش

مـشمــش: عزززااا رانـــيــاا ششبيج

:اشششش مابيه شي ارريد اغمض

ــــــــــــــــــــــــــــــــــــــــــــــــــــــــ

مـشمــش

:سيدي رانـــيــاا مااا اعررف شبيهة فدددوة

اجا وهو يتراجع للوراء وموجه المسدس عليهم

وخر الشال

قـــــيــصـر: هااا حبيبي سمسم هسسة بسسس ثواني صبري موو كلت اسستقررري بسس اخخخ منج اخخخخ

بهلاثناء وصلت الششرطة

اخذذهم واخذو كل وصاااختهم
مرتضى ماقبل يرووح

:سيدي اخذووها مالي علاقة حبيبتي خطية مررعوبة ما أگدر اترركهااا

ام مرتضى:الله لاااا يرررضى عليك تفضل الجسسد الجثة الخاايسة المااكلهة الدوود على امك

حااضن القبر ومااا ادري شنوو يهمسس كنت ابجي على حاالته مسستحيل انسى منضر مرتضى بذيج الليلة

رانـــيــاا انتهت اقترب قـــــيــصـر شالها من بين القبور مثل الجثة

:رانـــيــاا يووولي تسسسمعييني الله.يلعن الششيطااان لج رانـــيــاا ششبيج بسس بااوعي اختتج رررعبتيهة مااكانت تتحرك

شالهة بأثنين ادي حطهة بالكرسي الخلفي وخالو صعد يبجي على حال مرتضى ويهمس الله يصبر گلبك بجاه العزيز الرحيم الله يبررد گلبك

قـــــيــصـر: ششكيت بيه والله من اول ماا اجييناا بسس خفت تگلي اجيت ازورهة وما الزم عليهة شي الاا اصگطهاا للبر......... بسسيطة

دخلها ل احد مستشفيات النجف الاشرف سعفوها وحطولها مغذي وهي نايمة

خالو اطمئن عليها وسلم ورجع للبصرة
رحت گعدت يمه لازمة ايدها اللي بيهة الكانيولا اباوع ل ايدها شلون بيهة اثاار هوواي بس حلووة ناعمة هي حلوة لو من شدة الحب اشوفها حلوة ماا اعرف

قـــــيــصـر: گومي غسلي حتى من تگعد نرجع

:لعد مو گلت الصبح

:وهسسة شنوو عصرر، طلع الضوة كومي عموو يلاا حبابة

رحت اتأفأف كال
:اعووذ بالله من هالوراثة

طلعت غسلت ورجعت لگيته مقرب منهة ويوخر بالشعر من وجهة يكعدهة

:سمسم سمسمية المايعة الفاهية ضغطج فاهي مثلج يريد بس حجة حتى يگب أگعدي

بعد فترة گعدت ضلت تبچي

:يعني هااي البنية متررتاح فووك تعبهة بالدنيا لحگوهة للقبر

:خلااص ارتااحت

:ووين اررتاحت وفررحة بعدهة بالشوارع ياااراحة عززااا اخووهااا وين كاان ويااهم طفل صغير وووينه

:بشقة مرتضى لا تخافين ما اضن يتخلى عنه

رجعنا للبيت بين الصدمة والقهر والحزن والقهر رجعنااا تعبانين سبحنااا ونمنااا بالليل قـــــيــصـر وأسامه صارت مشكلة شكبرهة بينهم ورانيا بسابع نوومة اني بوقتها حتى مالي خلگ حتى اتنصت

بس الجوع طير النوم من عيني
گعدت الساعة بالثنتين تقريبا فتحت الباب الحمدلله الاضواء كانت مفتوحة

دخلت للمطبخ
:بسسسم الله الرحمن الرحيم شششبيك
باوعلي مستهزأ

أسامة:شبية

:ءاااا ءاااا يعني شوو گاعد

:أگوم اوكف

:اوووي شعليه قابل گاعد على راسسي

أسامة:الحمدلله والشكر

التفتتلث يباوعلي مستهزأ
:والله شاايف ررووحك

:شششمسسسوي

:هيج ممسوي بس احسك شايف رووحك انت شگد عمرك

:موو شغلج

:ششفت موو أگولك..ليش اخووك رزلك

تشنجت ملامحة موسع عيونه :حاولي تلزمين حدودج تمام

:ءاا اسفة مو قصدي

اخذ كتبه وقهوته وراح دخل الغرفته وضرب باب الغرفة بكل قوته

عززاا بعينج مشمش دنلصمي زززمالة ززماالة رحت گعدت رانـــيــاا تاكل وهي نايمة
گامت فرشت ورجعت ناامت

الصبح ماگعدنا متكسرين تكسير اني كلساع وهي بس تون من عضامهةو ضهرهة

افرك ضهرهة وارجع انام
اندگت الباب فزينا اثنيا

:يمعووودين ششطلعت هاااي ماااخذكم للحبششة غير هااي هية النجف

رانـــيــاا: اووووف اوووف

:اي والله اوووف

:دكومي افتحي الباب ماا اريد اششوفه

:والله ولا اكوم اخاف

كامت وهي كفشتهةمسويه انتشار

اني غطيت راسي تركت فتحة صغيرة

فتحت الباب
هو متكأ على طرف الباب ومتكتف

:هااا
:كاافي شطلعت هااي من امس ماطالعين
:لاازم تفرح ترة

:دكافي كومو اتغدو حتى بنت نجاة اجت ومشفتيهة

:تمام هسة بس روح

:رايح لا تطولين

رجعت تمددت على بطنهة غفينه وفزينا على صرخته

:لج رانـــيــاااااااا

:ووسسم حتى سسم

نهضت اخذت ملابس وراحت للحمام ..لعد مو تگول صارت زينه بسس زين مرتين باليوم ولا خمسسة غير جانت محرمة علينه الحمام

ضليت أگلب بأشيائها حيل مرتبات عززااا باااع ملااابسسهة

دخلت لابسة ولافة شعرهة

:رانياا هااي شنوو ملابسج يخبلوون عفية ارريد منهم

:شنو اليخبل هو كلهم اسود عبالك ملابسس مشعوذات

:لاا والنبي الموديلات تجنن ارريد منهم منييين هذول

:مااا اعرف والله نجاة تجيبهم اللي يعجبج اخذي هو انــتِ صايرة مثل قياسي

:ايي حيل سمنانه عزا بعينج عمو شهاب

:لااا تجيبيلي سيرته

:رانـــيــاا لا.تكرهينه مااا ارريد اكرهة

اجيت احجيلهة كل شي بس خاف الحجي يوصل لماما هزيت ايدي وسكتت

عفته تمشط ورحت غسلت ورجعت

أسامة فاتح باب الغرفة ويدرس
عضيت شفتي بخوف وتمشيت لغرفته وكفت بالباب

باوعلي واشر برأسه بمعنى شتردين

:هسة انــتَ امس لويش ضجت ترة مو قصدي

:هذا اعتذار لو شنو

:لااا قابل شمسوية اني

:لعد روحي اذا شمسوية

درت وجهي رايحة للغرفة بنص الطريق غيرت رأيي ورجعت وكفت بالباب

:باوع

رفع نضراته من فوق النضارة

:اني اسفة لااا تزعل عفية بعد ما اشاقيك

ابتسم وهز رأسه بالقبول درت وجهي مبتسمة ودخلت احوالي مدري شلونهة

رانـــيــاا: هااا ششصخمتي

:مااكو شي
:لعد شنو هالنضرة
: جوعانة اريد طعام

مرت الايام حزينة هدوء
رانـــيــاا تفتر واني افتر وراها اذا شفنا زينة او ميساء ننهزم لكن الحمدلله تواجدهم قليل

أسامة اذا قـــــيــصـر برا يصير حباب واذا اجا قيصر يختفي

وهسة صارت الساعة تسعة الصبح واني استيقظت من الستة
اخاف اگعد رانـــيــاا لان عادي تذبحني وماتحس على نفسهة اخطر من اي قمبلة ايقاظ رانـــيــاا من الصبح والسبب كان معاناته بالنوم
الالام وكوابيس تگعد كأنما وحش بعد فترة يلا تستعيد وعيهة

طلعت غسلت البيت كانما بيت اشباح ماتسمع ولا صوت
طلعت للحديقة لكيت الحارس ديزرع شتلات
اقتربت منه بهدوء

:صباح الخير
:هلااا بأم اللسان هااا عندج طلابة وياي مثل ذاك اليوم

:لا لاا والله ضايجة ششدتسووي

:ذني الشتلات جذورهم متعفنة تحتاج غسل وتبديل طين
تعالي تساعديني

:خاف اتطين ورانيا تضربني

:الله يشافيها لعد وخري عني خل اشتغل

رفعت رداناتي
:يلا انطيني ششسوي

صار ينطيني سندانات افرغ جذورهم من التراب

أسامة :صباح الخير

:عززززاااا ششسالفة ششنو جني تمشي متطلع صووت

:جني براسج شششدتسوون

:دنزرع لعد مثلك عبالك فايروس كتب

:ماا اتوبين هاا

:قابل مكذبة

:راح ادفررج

:عبالك بس انــتَ عندك رجلين

:كاااافي كااافي سطرتيني طلعت اغير جوو

الحارس:عووفهة بابا خلي الله هاديهة

:شششنووو هاااي عموووو يعني انيي مخبلة

أسامة: خلف الله على المخابيل تخطيتي هااي المرحلة

نهضت زعلانه نكثت ادية والطين طفرر عليهم

:والنبيي زعلت بسسيطة اسااامة ابووو بطن هم تجيني جووعااان اششوف منوو يسوويلك زقنبوووت

:لج حييييووووانه

الحارس:شگلتلك يااابااباا مو كلناا عووفهااا

رحت اغسل وابچي جرح كلبي جديد خلاني متوترة وما اتحمل الكلمة مشاعري صارت هشة حتى من المزاح ابچي جنت ادري بيهم يتشاقون بس ما اعرف فجأة كنت حاسة اريد ابچي
وهذا كان عذر رحت غسلت وجهي وطلعت اسامة كان منتضرني

:شبيج هيوو ترة شقة لتسووين روحج حسساسة ترة كلياتنا نعرفج شنوو

:كافي اساامة وخرر

تخطيته ومشيت تفاجأت من سحبني من زندي
دنك رأسه يباوع بوجهي تكلم بصوت هادئ

:اشاقة ويااج مشمش

ابااوع بعينه ماا اعرف شصاار بيه ضليت انزل نضراتي وارجعهة متوترة

:عاا ادي جريت نفس وهمست مدنكة ..عوفني مزعلانه

:ديلا لعد تعالي نرجع برا لا تدخلين
هزيت رأسي ببلاهة اهزء نفسي بداخلي

مشمش كافي تاكلين نعل ششنو هاي شبيج واذا حلووو حيوانة صيري قووية
الله يلعن الروايات والله كلبي حيل صاير ترف منو اشوفة
طب حبيته اثگلي شوووية اثگلي

رجعت طلعت گعدت يمة طير الخجل والحب والدنيا بالمكافش
احس اسامة موهبتة بالحياة صارت ينرفزني
وكلساع لوو هو زعلان لو اني زعلانة

دخل قيصر للبيت واني واكفة بباب غرفة أسامة

:ووووحق الله بسسسيططة أسسسسسااامة تسسسدهة للباااااب بوووجهيي

صاح من جوووة

:لجججججج روووحي خل ادددررررسسس

:بسسسس شششووووية والله مااا افتتتش بي

:ررراااح اكفررر لج معلووومات مهمة بي مااا أگدر

طفرت من صوت قـــــيــصـر

: هاااي شششكووو

بسس سمع صووته فتح الباب

:عيفهة بحالهة دتريد الابتوب

طلعت رانـــيــاا من غرفتهة باوعلهة قـــــيــصـر بصدمة

: هااي ششنو هسسة گعددتي

ردت بصوت نااعس

:تررة مناايمة بفرااشك

ضحك ورد عليهة: اجفصي بعدد اججفصي

اششرتلي ارروحلهة
رحت ارركض دخلناا هي صارت تجهز ملابسهة واني اسمعهم

قـــــيــصـر: انــتَ تررريد تخبلنييي ششتررريد ششعندك وي الطفلة

:شنوو ششعندك ششبيك شاايفني مثلك متخلي التنوور مسستوور وتكعد وتسسكت

:لااا بلاا ماراح اسكت اششوف ششتسسوي

:مااا اسسوي بسس عوفني عندي دراسسة ومالي خلك مششاكل

:هسسة يطك كلبي وياااك واششمرك بنص الششارع انــتَ وامك لان كلش لعبتوهث لرووحي

:اي عود خووش

فتحت الباب وطلعت متجاهلة عركتهم احسهة اعتادت على هالجو لوو هي من تگعد هيج وضعهة

العصر اجتي نجاة جايبة ملاابس الهة واللي ملاابس سود بسسيطة بس تحسسهم غاليات من خامة القماش وطريقة التفصيل

رانـــيــاا: نجااة كاافي عفية والله ذبحتيني اني.ماا احب هالكد ملااابس

:والله اشتهيتهم الج

كامت رانـــيــاا فتحت الجرارة طلعت مبلغ انطتهة

فتحت الجرارة بيهة فلوس هواية

: رانيا هاااي شنوو بايگتهم عززززاااا

:مشمش شگد تصررفين عززاااا
هاي صرف يخلي بابار عود شريف

نجاة:علكيفج ويااه ماما اني احاول ما اتدخل بسس خطية اشووفة شلوون حباب ويااج

رانـــيــاا: خاالة اذاا شفتي واحد حباب هذااا لو وراه مصيبة لوو راح يسووي مصيبة اتحذذري من الحباابين

:ههههههه نزززول عليج سمسم

:عفييية جييبيهة مششتاقتلهة

:خطية تتوسل بس اشوفج مالج خلك

:لاا لاا عفية جيبيهة .. وهااج هذول اششتريلهة بيهة هدية

ماا قبلت تااخذ منها رغم شكد رانـــيــاا توسلت بيهة

قـــــيــصـر صار ينطينا الموبايل كل يوم ساعة نحجي مع ماما ويرجع ياخذه
حست اكوو شي حست بالحزن بس ماحطت ابالهة سرى كنا نگوللهة
مشتاقيلج

بمرور الوقت

رانـــيــاا صارت تتضايق من مشاكلي ويه اساامة تكول عيب الولد محتررم واني اشووفج ترفسسين ابطن بطنه كااافي
:لعد تقبيلهة يكووول عليية صررصرررر هوو الصررصرر وامه صرررصرر

:لج عوووفي بحااله ررووحي تعااركي وي بابار لوو بيج خيير

:مييزعل معلييج

:مخبببل سااعااته موو سوة يفصل عليج تجيين هنااية تبجين حضج اطيحة

:لااا بالله هذااا يبجينيي امووته والنبي

:حسسبنااا الله

خليتها تطلع ورحتلة
:يلا انت حلفت موو طيررتهم انطيني

:ططيرتي اربعة احناا اتفقنا سستة

:عززااا اسسامة اذاا عرف مطيرتهم يذذبحني هوو ورراانيا حللفت انت انططيني ياااه

:اني كذاااب روحي مناا

:بسسيطة والنبي راايحة الا اكولهة اسسامة كال طيري الططيور قـــــيــصـر ميريدهم وهمات احلف كذب وادخل الناار بسسببك

اسامة :تعااالي مخببلة تعااالي
شغل فلم وكال ممنوع تدوسين اي شي يخلص تررجعي

اخذته وركضت للغرفة
رانـــيــاا كانت طالعة بالحديقة

وقيصر عنده خطار بلاستقبال
بقيت لحد ما خلص الفلم رجعته الة
وطلعت ورا رانـــيــاا اسستوقفني صووت حسسام برا الاستقبال گاعدين على الصبة هوو وقيصر

قـــــيــصـر : ماا ادري ماا اعرف اتصرف

حسام :اني راح اتخبل انــتَ لويش انطيتهم الجثة ليش مخلي لاحگك دليهم على قبره خلي ياخذون ابنهم

:ساعتها راح تكون على يقين انه مات ترروح مني لوو تسوي شي بنفسهة

: وترروح .. قـــــيــصـر صدك تحجي انتبه لنفسك عاد صرت مفضوح

:اريدهة

:ماااترهم

:ماا ادري اريدهة

:ترة مهمااا انضم السسر راح ينكشف شيلهة من راسك والله نضرتهة الك تشلعك شلع كلها حقد وغضب
هاي وهي تعرف اخوها عدل لعد لوو عررفت ميت والله ماا اسستغرب اذاا قتلتك اوو حتى ممكن تأذي اطفاالك

:ررراااححح اتخببل من ششغلة وووحدة ششلون طللعوو شهاب مني
القضية قضيتي ششلون نقلووهااا لرائد

:ماا اسستبعد ششهاب متفق ويه رائد حتى يقتلووه لزيااد

صرررخت صوووت عااااالي بكل قوووتي
احتاااااررريت ششششللووون ابرررد نااااري
من دوووون وووعي صرررررت اررركض بكل سسسرعتي احسسس نااار مشششتعلة بجسسسمي

ررركضت الششرطي اللي بالباااب حااول يلزززمني مااا لحگ

اررركض بسسسرعة واصييح
مييييييت ماااااات ماااااامااااا ميييييت ززززيااااد ميييييت
لااااا لاااااااا زيااااااد لااااااااا

(سَيَجْعَلُ اللَّهُ بَعْدَ عُسْرٍ يُسْرًا).

___________________ يتبع pahrasoad

والباقيات الصالحات
بسم الله الرحمن الرحيم
لا حول ولا قوة الا بالله
سبحان الله وبحمده سبحان الله العظيم

اعتذر عن الاخطاء الأملائية... . وشكرا جزيلا لحضوركم 🦋❤️

التقيكم بعد العيد بأذن الله
لان مداا الحك عيد ولازم اجهز اطفالي وبيتي ولازم اروح للزيارة والا وعيونكم ميهون علية افارقكم

احبكم يروحي🤎🦋

حسابي الانستغرام