Chapter 77
September 20, 2023
Chapter 77
တစ်နေ့တာ အစီအစဥ်များ နှင့် အခြား အကြောင်းအရာများကို ကျင်းစစ်အားပြောပြပြီးသည့်နောက် ကျောက်ဖုန်က ဖြည့်ထားသော ဖောင်ကို ချကာ ပြောလိုက်သည်။
" စာတွေလည်း အရမ်းမဖတ်နဲ့ စာမေးပွဲပြီးမှဖတ်"
သူက အစတည်းက အနည်းငယ် စိတ်လှုပ်ရှားနေသောကျိုးချောင်နှင့် ကျန်းချုံးကို ကြည့်လိုက်ပြီး ဆက်ပြောလိုက်သည်။
"မနက်ဖြန်က ဖွင့်ပွဲနေ့ပဲ ဒါနဲ့ စကားမစပ် မနက်ဖြန်နေ့ခင်းမှာ ငါတို့ စာမေးပွဲဖြေခန်းကိုတွေ့ရလိမ့်မယ်"
ပြောပြီးနောက် ကျောက်ဖုန်က ရပ်တန့်လိုက်ပြီး ကိုယ့်ကိုယ်ကို ရယ်မောကာ ပြောလိုက်မိသည်။
"နေ့လည်မှာတော့ အခမဲ့ နှီးနှောဖလှယ်ပွဲရှိတယ် ဒါပေမဲ့ အဲ့ဒါက ငါတို့နဲ့ မဆိုင်ပါဘူး"
ကျင်းစစ်နှင့် အခြားသူများမှာ ရှုပ်ထွေးသွားကာ ခေါင်းမော့ပြီး သူ့ကို ကြည့်လာကြသည်။
"ပိုပြီး အင်အားတောင့်တဲ့ ပြည်နယ်စုတွေ ကောလိပ်တွေနဲ့ တက္ကသိုလ်တွေကတော့ သူတို့ရဲ့ ပန်းတိုင်အတွက် ရှင်းလင်းတဲ့ အကြံတွေရှိတယ် ငါတို့ တုန်းဟိုင်ပြည်နယ်စု အတွက်တော့ ... မင်းတို့ အဲ့ဒီကိုသွားပြီး စိတ်လှုပ်ရှားစရာတွေ သွားကြည့်လေ ချင်းဟွာနဲ့ ပီကင်း တက္ကသိုလ်တွေရဲ့ သင်ခန်းစာတွေကို နားထောင်ရတာကောင်းပါတယ် ဒါနဲ့ သူတို့ရဲ့ မေဂျာတွေ အကြောင်းလည်း သင်ယူခဲ့ကြလေ"
တုန်းဟိုင် ပြည်နယ်စုသည် တကမ္ဘာလုံးတွင် သာမာန်မျှသာ ဖြစ်ပြီး ဖိုင်နယ်ပွဲတွင် ပဲငံပြာရည် အဖြစ်သာ သဘောထားကြလေသောကြောင့် ကောလိပ်များနှင့် တက္ကသိုလ်များက သူတို့ကို အရေးပေးလိမ့်မည် မဟုတ်ပေ။ အခြားပြည်နယ်စုများကလည်း သူတို့ကိုယ်တိုင်ထက် အင်အားကြီးမားသော ပြည်နယ်များနှင့် ဆက်ဆံပြောဆိုရန် မျှော်လင့်နေကြသဖြင့် သဘာဝကျစွာပင် သူတို့က တုန်းဟိုင်ပြည်နယ်စုမှ လူများဆီသို့ လာမည်မဟုတ်ပေ။
ကျင်းစစ်နှုင့် အခြားသူများသည် ရှုပ်ထွေးနေသော အမူအရာများဖြင့် ခေါင်းငြိမ့်ကာ အိပ်ရန်အတွက် သူတို့၏ အခန်းများဆီသို့ ပြန်သွားလိုက်ကြသည်။
ဆောင်းတွင်း စခန်း ဖွင့်ပွဲသည် ယောင်ချန်း၏ နံပါတ်တစ်ကျောင်းရှိ အခြေစိုက်စခန်းသစ်တွင် ကျင်းပခြင်းဖြစ်သည်။ ဆောင်းတွင်း သင်္ချာ အခြေစိုက်စခန်း ခေါင်းစည်းက ကျောင်းဂိတ်ဝတွင် အစောကြီးတည်းက ဆွဲထားလေသည်။ ကျောင်းဝတ်စုံများ ဝတ်ကာ ပြိုင်ပွဲဝင်များကို လမ်းပြရန် တာဝန်ရှိသော မတ်တပ်ရပ်နေကြသည့် ကျောင်းသားများလည်း ရှိသည်။
ပါဝင်ယှဥ်ပြိုင်သူ သတ်သေခံကတ်ပြားများကို တပ်လိုက်ပြီးနောက် ကျင်းစစ်နှင့် အခြားသူများသည် စည်းရုံးရေးမှုးပြင်ဆင်ပေးထားသော ဘတ်စ် ကားပေါ်သို့တက်သွားလိုက်ကြ၏။
ကျောင်းဂိတ်ပေါက်ဝသည် လူများဖြင့် စည်ကားနေပြီး လမ်းပေါ်တွင် ကျောင်းသား အများအပြားရှိပေမဲ့ သူတို့က အလုပ်ရှုပ်နေကြသည်။ ကျောက်ဖုန်၏ မျက်လုံးများကမူ ထက်ရှနေပြီး ခြေလှမ်းသွက်သွက် လျှောက်နေကြသော ပြိုင်ပွဲဝင်များကို စူးစိုက်ကြည့်နေလေသည်။
ကျင်းစစ်က ထိုနေရာတွင် ရပ်နေရင်းမှ ဘယ်ဘက်တွင် "ယောင်ချန်း နံပါတ်တစ်ကျောင်း"ဟု ကမ္ပည်းထိုးထားသော ကျောက်တန်းကြီးကို ကြည့်နေမိသည်။ အချို့အကြောင်းအရာများကြောင့် သူ့နှလုံးသားထဲတွင် ရင်းနှီးနေသော ခံစားချက်ကို ရလိုက်လေ၏။
အဲ့ဒါက...ငါဒီနေရာကို ရောက်ဖူးနေသလိုပဲ...
"အစ်ကိုစစ် အစ်ကိုစစ်"
ကျိုးချောင်ကသူ့ကို အကြိမ်ပေါင်းများစွာ ခေါ်နေပေမဲ့ တုံ့ပြန်ခြင်းမရှိပေ။ သူက မတတ်သာတော့ဘဲ လက်ကို ဆန့်ထုတ်ပြီး အသာတွန်းလိုက်သည်။
" သွားရအောင် "
ကျင်းစစ်က ရုတ်တရက် အသိပြန်ဝင်လာပြီး " အိုကေ"
သူ ရင်းနှီးနေသော ခံစားချက်ကို ဘေးဖယ်ထားလိုက်ကာ သူ့ရင်ဘတ်ရှိ သတ်သေခံကတ်ပြားကို ဆွဲဆန့်ရန် လက်ကိုဆန့်လိုက်ပြီး ကျောက်ဖုန်ရဲ့ခြေလှမ်းများနောက်သို့ လိုက်သွားတော့သည် ။
"အစ်ကိုလည်း စိတ်လှုပ်ရှားနေမယ်လို့ ကျွန်တော် မထင်ခဲ့ဘူး "
ကျိုးချောင်က သူ့နားနားကပ်ကာ အပြုံးလေးဖြင့်လိုက်သည်။
" အစ်ကို ဘာမှ မခံစားရလောက်ဖူးလို့ ကျွန်တော်ကထင်နေခဲ့တာ"
ကျင်းစစ်က ပြုံးသာပြုံးလိုက်ပြီး မရှင်းပြပေ။
ဤတစ်ကြိမ်တွင် တစ်နိုင်ငံလုံးရှိ လူ 600 ထက်မနည်းသော လူများသည် ဆောင်းတွင် သင်္ချာ စခန်းတွင် ပါဝင်ယှဥ်ပြိုင်ကြလေ၏။
စည်းရုံးရေးမှူးများက သူတို့၏ လုပ်ဆောင်ရမည့်အလုပ်များကို လုပ်ခဲ့ကြပြီး သူတို့ရဲ့ မှာကြားချက်များအတိုင်း သေချာ ထိန်းသိမ်းထားလေသည်။ 8နာရီခွဲတွင် ဖွင့်ပွဲက အချိန်မှန်ကာ စတင်တော့သည်။
ဖွင့်ပွဲ မစတင်ခင်တွင် ပါတီပေါင်းစုံမှ မိန့်ခွန်းများပြောကြပြီး ကြည့်စရာမရှိပေ။ ကျိုးချောင်က အရမ်းအိပ်ချင်နေသဖြင့် သူ မထိန်းနိုင်တော့ဘဲ ကျင်းစစ်၏ ပခုံးပေါ်သို့ မှီထားရသည်။ ပြဇာတ်ဖျော်ဖြေပွဲအစတွင် လှပသော အမျိုးသမီးငယ်လေးပေါ်လာသောအခါ သူ့သားရေများကို သုတ်ကာ မတ်မတ်ပြန်ထိုင်လိုက်တော့သည်။
သို့ရာတွင် ကျင်းစစ်၏ စိတ်အခြေအနေကမူ ထိုပြဇာတ်များကို ကြည့်နိုင်သည့် အချိန်မဟုတ်ပေ။ သူ့ခေါင်းက ထပ်၍ ကိုက်လာပြန်၏။
ဤတစ်ကြိမ်တွင် အရင် အကြိမ်များထက်ပိုဆိုပြီး သူ့ခေါင်းထဲသို့ လျှပ်စစ်ဓါတ်အားများ အသွင်းခံရသလို ဖြစ်နေကာ သူ့နားထင်များက တုန်ခါနေပြီး သူ့ခေါင်းတစ်ခုလုံး ပေါက်ကွဲတော့မလို ခံစားနေရသည်။
သူက ဖြူဖျော့ကာ တဖြေးဖြေးချွေးအေးများစီးကျလာသည်။ သူက ငြီးသံမထွက်သွားစေရန် သူ့ လက်သီးကို တင်းတင်းကျပ်ကျပ် ဆုတ်ကိုင်ထားလိုက်ရသည်။
တခဏတာမိန်းမောပြီးတဲ့နောက် တစ်နေ့က သူယင်းကျောင်းနှင့် သဘောတူညီမှု လုပ်ထားတာကို မှတ်မိသွားသည်။
"အနာဂတ်မှာ ခေါင်းကိုက်တိုင်း ကိုယ့်မင်းဘေးမှာ ရှိသည်ဖြစ်စေ မရှိသည်ဖြစ်စေ မင်းကိုယ့်ကို ပြောရမယ်"
သူက ယင်းကျောင်းကို စိတ်မပူစေချင်ပေမဲ့ သူတို့သဘောတူခဲ့ကြတယ်လေ ...
အချိန် အတော်ကြာသည်အထိ ကျင်းစစ် တုံ့ဆိုင်းနေပြီးတဲ့နောက် သူ့သွားများကိုဖိကာ အံတင်းတင်းကြိတ်လိုက်ပြီး ဖုန်းကို ထုတ်ကာ သူ့ရဲ့တုန်ယင်နေသော လက်ချောင်းများကို တောင့်ခံရင်း ယင်းကျောင်းကို wechat မှတဆင့် မက်ဆေ့ချ် ပို့လိုက်လေသည်။
___
ထိုအချိန်တွင် အတန်းပြီးဆုံးချိန်ဖြစ်ပြီး ကျင်းစစ် အနားတွင် မရှိသောကြောင့် ယင်းကျောင်းသည် ပျင်းရိငြီးငွေ့နေဟန်ဖြင့် ခုံတွင် ထိုင်ရင်း ဖိုရမ်ထဲသို့ ဝင်ကြည့် နေလေသည်။
[စာမေးပွဲ မနက်ဖြန်စတော့မယ် အကိုစစ်ရဲ့ ရလဒ်တွေ ဘယ်လို ဖြစ်မလဲမသိဘူး]
[အလောင်းအစားလုပ်ရအောင် အကိုစစ် နိုင်ငံ့လေ့ကျင့်ရေးအသင်းထဲ ဝင်နိုင်မလားဆိုတာကို]
[မလုပ်ပါနဲ့...အလာင်းအစားမလုပ်ပါနဲ့...ငါရဲ့နတ်ဘုရားကို အေးအေးဆေးဆေး စာမေးပွဲဖြေပါစေ အိုကေ...နောက်ဆုံးတော့ ငါတို့ပြည်နယ်စုရဲ့ ပြိုင်ပွဲလယ်ဗယ်က ဒီလိုပဲလေ ဘယ်သူမှ သူ့ကို အပြစ်မတင်ရပါဘူး သူဝင်နိုင်ရင်တော့လည်း ကောင်းတာပေါ့ ကျေးဇူးပြုပြီး သူ့ကို ဖိအားမပေးကြပါနဲ့]
[အပေါ်က အတိုင်းပဲ]
[ပြောရဦးမယ် နောက်နှစ်ရောငါတို့ ကျောင်းက ပြိုင်ပွဲ ဝင်ပြိုင်ကြမှာလား...ငါအဲ့အကြောင်းကိုပဲ တွေးနေမိတာ သူတို့ သုံးယောက်ကလွဲလို့ အတန်းထဲက ပြိုင်ပွဲဝင်မပြိုင်တာ အတော်ကြာပြီလေ]
[ငါတော့ အဲ့လိုမထင်ဘူး ကောလိပ်ဝင်ခွင့်စာမေးပွဲမှာ အပိုရမှတ်တွေကို ပယ်ဖျက်လိုက်တဲ့ အတွက် ဘယ်သူမှ နိုင်ငံ့ လေ့ကျင့်ရေးအသင်းထဲကို ဝင်နိုင်မှာမဟုတ်ဘူး အဲ့ဒါက အချိန်ကုန် လူပင်ပန်းပဲ ဖြစ်မှာလေ အဲ့လို အလားအလာရှိတဲ့သူတွေက ကိုယ်တိုင် နှစ်ပေါင်းများစွာကြာအောင် သင်ကြားခဲ့ရတာတွေကို အလကားဖြစ်စေမှာမဟုတ်ဘူး]
[ဟားဟားဟား...ရုတ်တရက် ဒီမှာ ပျောက်ကွယ်တော့မယ့် ကံကြမ္မာ တစ်ခုပေါ်လာပြီ]
ထိုသို့ ချဲ့ကားပြောထားသည်များကို မြင်သောအခါ ယင်းကျောင်း စိတ်အခြေအနေက ကောင်းနေပြီး ဆက်ဆွဲကြည့်တော့မည့် အချိန်တွင် ကျင်းစစ်ဆီမှ မက်ဆေ့ချ်ကို ရလိုက်သည်။
ယင်းကျောင်းက သူ့နှုတ်ခမ်းကို တင်းတင်းကျပ်ကျပ် ဖိကိုက်ထားပြီးနောက် လှောင်ပြုံးပြုံးလိုက်ကာ ဖန်ချန်းချန်းကို နောက်လှည့်မေးလိုက်သည်။
"လူအိုကြီးဖန် ချောင်အန်းယန် အခုဘာလုပ်နေလဲ သွားမေးခဲ့"
ချောင်အန်းယန်သည်လည်း ဖိုရမ်ကို ဝင်ကြည့်နေခြင်းဖြစ်ပေမဲ့ သူ့ဖုန်းကို မကြည့်ဘဲ ထိုင်ခုံဖော်၏ဖုန်းကို ကြည့်နေခြင်းဖြစ်သည်။
သူ၏လိင်ပိုင်ဆိုင်ရာ တိမ်းညွှတ်မှုကို သိသွားသောအခါ သူ့မိဘတွေက ပိုမို စည်းကမ်းတင်းကျပ်လာပြီး ဖုန်းကို ကျောင်းသို့ လုံးဝ ယူသွားခွင့် မပြုတော့ပေ။
ဖုန်း စခရင် တစ်ခုလုံးမှာ ကျင်းစစ်၏ အကြောင်းများဖြင့် ပြည့်နေသည်ကို မြင်သောအခါ သူ့မျက်လုံးများက နီရဲတွတ်လာသည်။
သူက ကျင်းစစ်ကို မုန်းလွန်းသဖြင့် ချက်ချင်းသေသွားစေရန်ပင် ဆုတောင်းမိသည်။
လူတိုင်းရဲ့ လေးစားမှု နှင့် အသိအမှတ် ပြုမှုကို ခံနေရပြီး တစ်ကျောင်းလုံးတင်မက ပြည်နယ်တစ်ခုလုံး၏ မျှော်လင့်ချက်ဖြစ်နေသည့်အပြင် ယင်းကျောင်းနှင့်လည်း ရင်းနှီးနေသေး၏။
ထိုယောင်္ကျားက သူစိတ်ကူးယဥ်ထားသော သူမရရှိနိုင်သည့် အရာများကို အလွယ်တကူ ရရှိနေသည်။
တခြားတစ်ဖက်တွင်တော့ သူ့ကိုယ်သူ ကြည့်လျှင် သူက ကောင်းကင်ဘုံရဲ့ သားတော်ဖြစ်မှန်းထင်ရှားပေမဲ့ သူက တစ်နေရာထဲတွင် ရုန်းကန်နေရပြီး ကျင်းစစ်ရဲ့ တောက်ပြောင်အောင်မြင်နေတာကို နာကျင်စွာထိုင်ကြည့်နေရုံသာတတ်နိုင်သည်။
ချောင်အန်းယန်က ဖုန်းကို သူ့ထိုင်ခုံဖော်ဆီ ပစ်ပေးလိုက်ပြီးနောက် သူ့စိတ်ထဲရှိ မကောင်းသော အတွေးများက ပို၍ပို၍သာ များလာသည်။
ကျင်းစစ် သာမရှိခဲ့လျှင် ... ကျင်းစစ်ရဲ့ ပိုင်ဆိုင်မှုတွေက သူ့အပိုင်သာ ဖြစ်လာခဲ့လျှင်...
တန်းခွဲ 7 တွင် ဖန်ချန်းချန်း၏ ဖုန်းသည် တုန်ခါလာပြီး ငုံကြည့်ကာ ယင်းကျောင်းကို ပြောလိုက်သည်။
" ငါ့သူငယ်ချင်းပြောတာတော့ သူက ဖိုရမ်ထဲဝင်ကြည့်ပြီး အခုတော့ စားပွဲပေါ်မှာ အိပ်နေပြီတဲ့ "
ဖိုရမ်ကို ဝင်ကြည့်တယ်...
ယင်းကျောင်းက ဖုန်းကို ငုံ့ကြည့်လိုက်ခါ ကျင်းစစ်ကို ခေါင်းကိုက်စေတဲ့ ကျင်းစစ်ကို မကောင်းပြောထားတဲ့ ပိုစ့်ကို တွေ့လိုက်ရလေသည်။
ယင်းကျောင်းက သရော်ပြုံးပြုံးလိုက်ပြီးနောက် ရုတ်တရက် ထရပ်ကာ အတန်းပြင်သို့ ခြေလှမ်းကြဲများဖြင့် လျှောက်သွားကာ ဘယ်သွားမလို့လဲ ဟုမေးနေသော ကျန့်ချွယ်ကို လျစ်လျူရှုထားလိုက်သည်။
သိပ်မကြာလိုက်... ယင်းကျောင်းသည် တန်းခွဲ 11 သို့ရောက်သွားကာ တစ်စုံတစ်ယောက်ကို ဆွဲပြီး မေးလိုက်သည်။
" ချောင်အန်းယန်ကို အပြင်ခေါ်လိုက်"
ထိုသူက ယိမ်းထိုးသွားသဖြင့် စိတ်တို၍ မော့ကြည့်လိုက်သောအခါ ယင်ကျောင်း ဖြစ်နေတာကို တွေ့လိုက်သည်နှင့်ချက်ချင်းအားနည်းသလို ခံစားလိုက်ရသည် ။ တုန်ယင်စွာ ခေါင်းငြိမ့်ပြလိုက်ပြီးနောက် အတန်းထဲသို့ လျင်မြန်စွာ ပြေးဝင်သွားပြီး ပြောလိုက်သည်။
" ချောင်အန်းယန် အစ်ကိုကျောင်းက မင်းကို ရှာနေတယ်"
ယင်းကျောင်း သူ့ကို ယခင်က လာရှာခဲ့မည်ဆိုပါက ချောင်အန်းယန် ချက်ချင်း အပြင်ထွက်တွေ့မည်ဖြစ်သည်။ သို့သော် ယခု... ချောင်အန်းယန် တံတွေးမြိုချမိသွားကာ ပျာယာခတ်သလို ခံစားလိုက်ရပြီး ယင်းကျောင်းကို ရင်ဆိုင်ရန် အဆင်သင့်မဖြစ်သေးပေ။
ယင်းကျောင်း...အဲ့ဒီနေ့က ယောင်ချန်း အိုလံပစ်အကြောင်း ဘာလို့ သူ့ကို မေးရတာလဲ...
သူ ငါ့ရဲ့ လျို့ဝှက်ချက်ကို သိသွားလို့လား ဒါမှမဟုတ် သူကိုယ်တိုင်ကရော သူ့လိုလား...
ချောင်အန်းယန် အချိန်အကြာကြီး ဆွဲနေပြီး ထွက်မလာပေ။ ယင်းကျောင်းက ထပ်မစောင့်နိုင်တော့သောကြောင့် တန်းခွဲ 11 ထဲသို့လျှောက်ဝင်သွားလိုက်ပြီး သူ့ကို ဆွဲထုတ်လာလိုက်သည်။
အတန်းထဲတွင် ယခုလေးတင် ဆူညံနေရာမှ တိတ်ဆိတ်သွားကာ တန်းခွဲ 11 မှကျောင်းသားများမှာ ကြောက်လန့်ကုန်တာကြောင့် သူတို့မျက်လုံးများ ပြူးကျယ်လာပြီး ယင်းကျောင်းကို ဘယ်သူမှ ထမတားရဲကြပေ။
"မင်း...မင်း ဘာလုပ်တာလဲ"
ချောင်အန်းယန်သည် ကြောက်ရွံ့နေသည့်ကြားကပင် ရှက်နေမိသေး၏။
ယင်းကျောင်းက သူ့ကို ထိလိုက်သောအခါ သူ့ခြေထောက်များက ပျော့ညံ့သွားရသည်။ အစတွင် သူရုန်းခဲ့သော်လည်း ထို့နောက်တွင်တော့ ယင်းကျောင်းကို သူအမြဲကပ်နေနိုင်စေဖို့ သူဆုတောင်းမိပြန်သည်။
ယင်းကျောင်းက သူ့ကို ကော်ရစ်ဒါကို ဆွဲခေါ်သွားပြီနောက် သူ့ရဲ့ ချစ်စိတ်ပြည့်နေသော မျက်ဝန်းများကို တွေ့သောအခါ ရွံရှာစွာဖြင့် မျက်မှောင်ကြုံ့လိုက်မိသည်။
သူက ချောင်အန်းယန်ကို ခဏ စိုက်ကြည့်လိုက်ပြီးနော် သူ့လက်ကို မြောက်ကာ အကြွင်းမဲ့ မျှော်လင့်နေသော အကြည့်များကို မျက်လုံးလှန်ပြလိုက်ပြီးနောက်__
သူ့ဂုတ်ပိုးကို ခပ်ပြင်းပြင်း ရိုက်ချပစ်လိုက်တော့၏။
ယင်းကျောင်း အမေသေပြီးတဲ့နောက် သူ့အဖိုးက သူ့ကို စစ်တပ် အခြေစိုက်စခန်းသို့ ခေါ်သွားကာ အထူးလေ့ကျင့်မှုများ လုပ်စေခဲ့သည်။ ခြောက်လန့်ရုံနှင့် ဒူးထောက်စေလောက်သော အားနည်းသည့် ကြက်ကလေး ချောင်အန်းယန်ကို မဆိုလေနှင့် ဆရာလျိုလိုခန္တာကိုယ်မျိုးကိုပင် သူအမှောက်သိပ်နိုင်သည်။
ချောင်အန်းယန်း ပြန်လည်မတုံ့ပြန်နိုင်ခင်ပင် သတိလစ်သွားတော့သည်။
ခေါင်းကိုက်တာက အားသုံးပြီး ကုပေးလို့များရနိုင်မလား...
ယင်းကျောင်းက သူမြေပြင်ပေါ် ပုံကျသွားသည်ကို ကြည့်ကာ သရော်ဟန်ဖြင့်လှောင်ရယ်လိုက်၏။
ဒီစိတ်ဖောက်ပြန်နေတဲ့အကောင်က အရမ်း စွမ်းအားကြီတယ်ပေါ့ ဟုတ်စ ... သူဆက်ပြီး နတ်ဆိုးလို ပြုမူနေနိုင်ဦးမလားဆိုတာ စောင့်ကြည့်နေဦးမယ်...
ယင်းကျောင်းက ဖုန်းကို ထုတ်ပြီးပြတင်းပေါက်ဘောင်ကိုမှီကာ ကျင်းစစ်ဆီသို့ မက်ဆေ့ချ် ပို့လိုက်သည်။
[ကျောင်း] : မင်းနေလို့ ပိုကောင်းလာပြီလား...
ကျင်းစစ်မှာ ခေါင်ကိုက်ခြင်းကြောင့် ရုန်းကန်နေရချိန်တွင် ထိုနာကျင်မှုသည် ချက်ချင်းပျောက်ကွယ်သွားလိမ့်မယ်လို့ မမျှော်လင့်ထားခဲ့ပေ။ သူဂရုတစိုက် ခံစားကြည့်လိုက်ပြီးနောက် ယင်းကျောင်းကို ချက်ချင်း စာပြန်လိုက်လေသည် __
[ကျင်း] : အဲ့ဒါက မနာတော့ဘူး ပိုကောင်းသွားပြီ စိတ်မပူနဲ့တော့
ကြည့်ရတာ အသုံးဝင်တဲ့ပုံပဲ...
ယင်းကျောင်းက မတ်မတ်ရပ်လိုက်ပြီး မေ့မျောနေသေးတဲ့ ချောင်အန်းယန် ကို လျစ်လျူရှုကာ ကျင်းစစ်ဆီသို့ စာပို့နေရင်း တန်းခွဲ 7 သို့လျှောက်သွားလိုက်၏။
[ကျောင်း] : တော်သေးတာပေါ့
[ကျောင်း] : မင်းစာမေးပွဲကို စိတ်အေးလက်အေး ဖြေလို့ရပြီ
နောက်ကွယ်မှာ လှည့်စားပြီး ကျင်းစစ် ရဲ့ပြိုင်ပွဲကို တားဆီး နှောက်ယှက်ချင်နေတာလား...
ဟားဟား ... အဲ့ခွေးကောင်ကို နောက်ရက်နည်းနည်းလောက် သတိလစ်နေအောင်ထပ်လုပ်ပေးလိုက်မယ်...
___
[အဲ့လိုရည်းစားလေးလိုချင်တယ်လို့ Wu wu wu ]
Translated By IQ-Team.