منقذي سبايا داعش ( الجزء الاول والثاني )

بارت ١٠ الجزء الثاني

منقذي سبايا داعش

وردة الشيخ محمد

من بعد ماسافروا طكيت بجي ..اول مره حيبتعد عني
هلكد ..مابيدي تعلقت بي كثير ومن جهه افكر بحرب
واكل بنفسي اكل كلو بسببنا حرب مايستاهل ابد
حتى البيت صار فاهي واظلم بدونو ... راسلتو عندو نت

- من هسه بديت اشتاق

بعدو عطرك بكل البيت ..احبك رمحي

مارد سديت التلفون وحضنت مخدتو ونمت واني ابجي
نمت ماحسيت اله والاذان يصيح الله اكبر .. بسرعه
فتحت التلفون وشفت دازلي صورتو وهو بالمطار صورة
ثانية بالطياره
وكاتب

رديت بسرعه

- وحشه بدونك الدنيا 

ماعندو نت سديت التلفون ونزلت حنين شايله فهد
وتفتر بي وادحك شعرها صار يطلع
وخالتي تتوضه
وطابخه مكمله كلشي
- اسفه خاله بس والله اخذتني النومه عذريني
- عادي يمه حبيبه هو شيرادله  ماعدنا شي احنه هالنفرين بس ابنج رضعي جوعان ويبجي هسه
كوه نام حته الممه مارادها وماردنه انكعدج عبنج تعبانه
- نايم خاله
اخذتو منها عيونها مورمه .
- شبيج حنين
- تعالي بغرفة امي
- خير ولج  شبيج حنين صاير شي ؟
- راسلني هالكلب ابن الكلب عساه بالحرك هو وامه
وخواته الساقطات اني بس لو ربي يخلصني منهم جان
ارتاحيت
- الهالدرجه كرهتي ؟ وثانيا شنو يريد بعد كل الي سواه
- امشي نصعد
- ماشي صاعده اني
صعدت وكملت فهد رضعتو واخذتو الخالتي نايم ..عفتو
يمها وركضت فوك واشوفها فاير دمها دحكتني ولزمت
ايدي
- تعالي ريام اني والقران راسي حينسطر ومااعرف
شسوي
- ول يابه حدري هين اشوف

اخذتو منها داز رسائل اشكال اشكال وهي ماترد
- عجل ليش مامنطتو حظر؟
- ماريد يحس نفسه فد شي واكبر قيمته وعود مهتمه
خلي لابسته  ماانطي حظر
اريده يممووووت قهر يحترك حرك ورررربي ارزقني فد
واحد معدل افكس عينه وعين اهله بي
فتحت زيجها وتدعي ضحكت .. وكملت اقرا

رسائل حبيات واحبج واموت عليج هزيت ايدي
- يولة هاذ شافج طلعتي بريئه اتندم وجاي يريد يصلح
- عشتو شايفني سهله مااريده لو يبوس رجلي هم مااريده اليغلط مره يغلط الف اليطعن بشرفج وسمعتج يجي يوم يدوس على
راسج ويعيرج وحته يشك بيج ابددد مااسامحه لاعباله
ضعيفه لو كاتله نفسي عليه  قحط زلم لو قلة شوارب

- عجل ماشي ..اشنو المطلوب مني ؟

- مختنكه ريام ماريده واريد اخلص منه وبنفس الوقت
اريد اوجعه ولو جزء من الي شفته  خيب ظني فشلني كدام اخويه
- زين انتي حجيتي وياه ؟
- لا ابد من يوم الطعني مارديت ولا فتحت اتصال منه
- هسه كدامي ردي واحجي كلشي بكلبج واعتبريها
نقطه نهايه وخصم الحجي
- اوك جيبي
- فتحي سبيكر
هزت راسها واخذت التلفون واتصلت ماطول بسرعه
جاوب فتحت سبيكر واسمعو :-
- حنونه حبيبتي اوووف متدرين شكد فرحان
- ها حسن
- اووف يابعد كلب حسن والله مشتاق الصوتج ردتلي
روحي
- اني مجايه احجي وارجع المي المجاريها اني جايه
اختم واخلي نقاط ع الحروف
- لا حنين اترجاج اني مو معصوم من الغلط غلطت
وميت ماكلني الندم مو بيدي تعرفيني احبج وماتحملت
حجيت واني متعصب  لو اي واحد بدالي يسوي نفس السويته واكثر انتِ ليش ماجاي تفهميني
-حجيت وانت معصب ؟! اتكوم اتهين شرفي وسمعتي
وتربية اخوك وصاحبك لك انت تعرف كلش زين اخوك
وصاحبك رمح هو الي رباني شلوووون تطعن بي
وبسمعته وعرضه ماستحيت منه حسن لك اني من الصغر وياك اني فتحت عيني ع الدنيا وياك
اني تقارني ببنات الليل لك حسسسن

- كتلج عصبت وصار الي صار واني مو معصوم يعني جم مره اتخبل عليج مو الف مره  اصيح واكسر كدامج شطت تخبلت صورج حنين ماكدر بدونج قسما
بالله ميت منتهي

- لا حسن البينا انتهى اني سكتت وماحجيت شي وولا
انطيت بيك وولا دافعت حتى عن نفسي احترمت عشرتنا
وايامنه الحلوه وسكتت ع كل كلمه حجيتها
- اعصااابيي
اكبر من هيج واعيد واكرر كتلج اعصاااابي 
- كلنا اعصاب وكلنا انمر بحاله
ننسى حتى نفسنه بس
من توصل للشخص الي انحبه لااا هنا خط احمر هنا من
الدنيا والبيها واحتمي
شخص احبه اروح الحضنه انسى  بي تعبي مو ازيد التعب لان اعتبره درع الي من كل شر مو اخر شخص
ممكن اتوقعه يمس شرفي هو الشخص الحبيته!إإ

- والحل
- ماصيرلك مره ابددد
- تخسين وعَلي!

هو كال هيج وهي وكف منتفضه :- والله محد يخسه غيرك لتغلط واحترم نفسك خوش
- انجبي
- لتغلطططط واحترم
- حنين ابوس ايدج لا تسوين هيج عمري انتي لاتهدمين
البينه والله متعذب بدونج

- مشكلتك هاي .. رجاء ماريد تتصل او تراسل بعد لان
وكتها حنطي التلفون الصديقك وصااااحبك رمح والي
اكلتو انتووياه من نفس الماعون وتالي تحجي على اخته
واضح استاذ حسن
- خوش دستي دوس بالكلام ودستي على رجولتي
بالقندرا
- اليطلع من ايده الله يزيده وخلي ببالك
ماريد اشوفك بطريقي ومسامح اليوم الدين لان ماريد بيوم الحساب نتقابل واشوفك

-ومو تتدللين ست حنين بس شوفي خل اكلج
ماتتزوجين غيري لو ع جثتي وخلي هالحجي ترجيه
بأذنج لو اجوج خطابه احرك الاخضر واليابس مو اني
والاربي واتعب واعشك وتالي يجي واحد ع الحاضر ياخذ
تعبي هيهااااااات
- والله اعلى مابخيلك اركبه وماتهز شعره مني ومو اني الي تمسني بحجايه واسكتلك

- رمح وين اني ماعندي حجي وياج اكسر راسج
- متمس شعره مني والله ولتغشم نفسك
- رمح وين بلا حجي زايد
- مسافر
-وين
- بالهند
- شعنده
- شمدرينيييي استلمتني تحقيق روح خابرله اني شعليه وثانيا امسح رقمي ترا وربي افلش حتى الجهاز لتدز بعد شنو هالملحه مالتك متمل

- يصير خير اذا ماكص لسانج 
-درووووح .....

وسدتو بوجهو واني باقيه ايدي ع خدي وادحك بيها  والله قويه وام لسان  نفس اخوها
ريام :- والله يستاهلون واحد يعاملهم هيج المره الضعيفه تنوكل
رجع اتصل عليها
رفضته يتصل وترفض لحد ما بزعت  صاحت :- ملحااااااااااا... الووو شتريد بزعتني شتريد
- ولج لاتخليني اجي البيتكم هسه وافلش التلفون على راسج
- احترم نفسك ولتتتماده مااشتغل عندك اني وهاك حظر بطعم الملحه

سدت التلفون  :- ذبحني ..تحجي وترجف .. :- شعري شعري راح بسببه الحقير  اخويه فقد الثقه بسببه لو يموت ما اباوعله بعد لو ادري النفس يصيرلي

- معلي بكلامو نافوخي يحجون وماكو فعل عجل ماسوه
شي الزينبو لو بس لسانو يمج
- شنو هاي نفوخي
- يعني بس حجي
- ههه لا يمعوده يسويها مخبل وربي .. تعبت ياربي ساعة السودة الحبيت بيها  ادري بس احنه من انحب ناكل تبن بيدينا اوف حسن
- انشوف بس ليش احسج حنيتي
دحكت بيه وكعدت خلت ايدها ع وجهه ...

- ريام جنت كارهته وداعت امي بس سمعت صوته كلبي
رجف والله كررهت رووحي الله ياخذني ولج والله حبيته احبه تفهمين من الصغر اني العب بحضنه  ليش هيج سوه بيه

- ادبي واخذي حكج مربع دام يحبج انشوف افعالو الشيطان من يفوت بين اثنين يكسر ، واذا افعالو زينه وياج اغفريلو
- ماريده ولا اريد كربه حتى لو احبه لو بس ذرة حب
باقيه هم مااريده
- افعالو شلونها
- كلها ترفع الراس الا هذا صخم وجهو بي
- مرات فعل واحد يبينلج محبة المقابل الج ، ومرات واحد شكد يحجي وسنين انتِ وياه ، يبيعج بلحظة

- تعبت
- لاتتصرفين شي هسه خلي الامور تمشي مثل ماهي
افضل لان من تفكرين وتخططين تالي مايصير غير
الكاتبو الله
- ونعم بالله ..خابرتي ابويه
- اي ماكو لانت ولا تغطيه
- يجوز طارو
- اكيد
مر اليوم عادي .. بالليل اجو اهلي وشذى حامل وامي
فرحانه بيها هي وابويه ماشاءالله امي معدها بس ولد
واحد الي هو سليمان .
بس اخويه صار عندو 3 ولد طفلها الثالث كل سونار جان
يكول الها شكل واحد يكول بنيه وواحد يكول ولد
بالتالي من جابت طلع ولد .. وهسه حامل وهم ولد
واجت مورمه والتعب بعيونها بس بنفس الوكت فرحانه
لان امي اتحب اطفالها وكله يمها ينامون وياكلون
ومهتمه بيهم ..
وفتحوا سيرة خواتي تذكرت كل الي حجو عليه
بيومها دمعت عيني ، واني اشوف امي تحجي وتشكي مقهورة ودمعتها بعينها وهي تحجي عن اختي الكبيرة وتكول :-
بنت اختج راجعه من المدرسه وراكض وراها ابو المحل الي بصف المدرسة يتحرش بيها وكوه مخلصه روحها منه ورايحه شاكيه الامها وهسَۿ صايره كوانه الها اول مالها تالي

- شوكت هاي ؏ـَزا
- صار يومين وناس صايرة تحجي ورجل اختج يكول بعد ماالنا كعدة هناك ، الناس تاكل وجوهنا
- الطفله شعليها ؟ ليش الشرف والسمعه سهله يحجون بيها !!
حجيت هالجملة وامي صفنت بوجهي صفنة مليانه حجي .....

شذى كالت :- فهودي شلونه
- الحمدالله بخير .. الله يساعدج
ضحكتلي وامي حجت :- واختج الثانية ..
- شبيها
دحكت بشذى وكالت وهي تهز راسها :- ابنها الثاني دعمته دراجه وكرشة رجله انشالت كلها تشوهت

بهت وجهي ، حرارة صعدت بجسمي :- صدك تحجين
هزت راسها ودنكت ..
-واختج الثالثه
شذى :- خالة فـَدوۿ كافي
نزلت دمعتي وامي كالت :- لا يمه خليها تعرف ان الله حق ... اختج الثالثه راحت لجيرانها مو تعرفيهم نزحو ، سمعت رجل المره يكلها لازمين دواعش بين النازحين اني مو كتلج لاتفوتينها للبيت ؟؟

ناشغت ونزلت دمعتي وكملت :- صدك لو كالو ، الشراب الشربت بي غيرك ، يجي يوم وتشرب منه ... الحمدالله ..

بقيت هادئة ومحجيت شي واكتفيت بالسكوت وغيرنا الموضوع ، اني معندي اي رقم يخص خواتي ومبتعده عنهم خير شر ..
طلعو والليل اجه وجايب شوق الحبايب ، والليل كلو اصارع شوكي وحبي ..
شكد حنيت واليكتل عطرو بدو بالفرفه عبالك متقصد
يبقى بالفرفه بس حته يزيد نار شوقي ولهفتي . .
هاي عود اول ليله عجل شلون اتحمل .
بقيت اتكلب اتدمرت مابيه انام ولازمه التلفون انتظر
مسج او اتصال منو ،
لل 5 الصبح يالله اتصل والدنيا مو سايعتني
- الوو حبيبي
- عيون ال الو روح ال الو

- اوووف ميته شوق الك ياعمري

- تهون يابه

- وصلتو شلونكم حرب شلونو

- وصلنا اي وحرب زين بس متأذي العصر نطلع

- ليش يمكم شنو هسه

- عصر تقريباً بس متأذي كلش لان وقت طويل بالطيارة وراها قعدنا سيارة ماتحمل حتى كام يتقيأ بالسيارة اخذته وغسلتله وبقينه بالنص ساعه واكفين يرتاح

- اسم الله يروحي

- افتحي كام خلي اشوف وجه العافيه

- ههههههه عادي

كمت بسرعه سويتو كتم ونزلت الثوب ونثرت شعري

واتصلت بسرعه فتح الاتصال

ادحك بي يماااا كلبي يلعب لعب ابتسم من شافني
- شو من اول يوم حنيت نزلي التلفون شوي خنشوف
المضموم ياابه

يدحك ويعض شفايف ويفرك بعيونو
- عيب لا تصير سخيف
- ههه اخ ريام عذاب ومحمد واليحركني ويشعل
ملمسها قبل مااطلع لعبتي بعافيتي
لعب و يكرم الله وطعمهن بقه معلك بيه

- صخاااام

- صخام بخشمج غير زوجج
- ههههههه اممم رمح

- لا تتدلعين ريام يعني شبيج علي اليوم خلي اليوم
يكضي بأمان رحمه الوالديج

- هسه شحجينه عابت

- لاتحجين يابه تسوين فضل

- هيج صااارت يلا شوفلك هنديه مافيدك بعد

- اكو واحد يعوف الشحم ويروح ع الفحم ول يابه
مسودنه لو اغو

- مسودنه بيك ، ادبسزز ، يولي والله اشتاقيتلك
- انه هم حنيت
- صدك والله عجل اني ميشت خصل ههههههههههههههاااااااي

- مقتنعه بهاي ضحكتج ؟
- هيهبهبهبيهيييييي
- اكلج يكرم الله الذيب ..
- الله مع الصابرين لاتكمل
- ههههه كلاوچية بت فليح ...

حجينه ساعتين كامله بدون ملل لحد مانمت واني ع
المكالمه ..الشوق الي صار خلال يوم واحد ثبت انو
اني فعلا اعشقو ومااكدر بدونو لحظه
مرت ايام ورمح صار نادرا يفتح الاتصال ويفتح نت ..من
يراسل او يتصل ينطيني موجز عن اخبار حرب..
كل يومين او 3 اني او خالتي او هاجر انمر الرهف
انشوفه ونبقى يمها ونرجع
رهف ذبلت كثير بس تقوي نفسها لجل حرب ولجل
ماتضعف
حتى ملاكي ..روحها مفرفحه على ابوها لان متعلقه بي
كثيررر
مكابله صورتو 24 ساعه وفيديوهاتو.
مابطلنا دعاء الو والسلامتو ..وكلشي جنه نكدر انسوي
هو الدعاء فقط

اجه يوم الخميس ومتجمعين كلنا العائله بس كل شوي
وكالو مكان رمح فارغ .. فعلا مكانو فارغ وضحكتو
وشقاه وسوالفو وجان يهرجنا بصوتو العالي ولو ضحك
يضحك الكل وياه واول مايفوت للبيت يتلكونو جهال
اخوتو يدرون يجيب حلويات وينطيهم .. متعود ميفوت للبيت بدون علاكة الحلويات وميجي وايدو فارغه .

يوم السبت الصبح تونه خلصنه الريوك ب 9 وجان تندك
الباب
طلعت خالتي صاحت :- منوو
وجان يجيلنه صوت اخر وحده ممكن نتوقعها تجي بعد
كل الي صار ..
- اني ام حسن

دحكت بيه خالتي وراحت فتحت الباب وفاتت ولا كن
اكو شي ووياها بناتها وحتى زينب جايه ومخليه مكياج  صاروخي
..مااعرف هالبشر ماعدهم احساس وولا كرامه
ومايحسون على دمهم ابدد..إ!
هيج انسان ينهان كدام الكل ويرجع ولا كن صاير شي
إإإ عجييييب

ام حسن:- شدعوه لاتسالين لاتكولين

خاله:- اتفضلوا اتفضلوا

بوستهم خالتي وفاتتن للمطبخ وهي فاتت جوه .
رحت سلمت من باب الاحترام واريد ابوسها دفعتني
- بدون بوس حبوبه مو كل واحد اتقبله
متحملت جاوبتها

- اي والله بعد احسن اني هماتين حبيبتي

دحك بيه ورافعه حاجبها ، كامن يسلمن بس زينبو
ماكامت عاد وحده بوحده سويتها من وصلت يمها
عفتها ورحت طلعت كاسات ماي وقدمت الهم
واجت خالتي شايله فهودي وتبتسم وادري هالضحكه
وراها قلق من انو تصير مشكله
عاد طفرت ام حسن :- شو هذا ازرك دبس عليمن طالع
وليش هيج مبهذل ابوه يخبل ومرتب ههههه جيبي اشيله

تباوعلي وتحجي

حجت خالتي :- يمه حفيدي مبهذل جا منو المرتب
وبوسته وتضحك  اخذته وتلعبو

- منيله يمعوده هو المرتب واضح خيه مو ههههه
عود تنكت السخيفه طفرت وحجيتها ع اساس بضحك

- اي والله خاله خصوصا كون يناسق بالالوان مو يختار
قوز قزح هههههههههه  ذوق قرج

وسحبت عيني على زينب الي كضت كعدتها تخزر واني
موتتها بالضحكه استفزيتها

طلعت عصير من الثلاجة وقدمتلهم ووكفت كدام السنك اغسل
محسيت غير فهد ضل يعيط
وام حسن تكول :- اسم الله اسم الله
رحتلو حالتي تسكت بي ميسكت واني بس بجه بجيت وهي تدحك بينه وتحجي :- جيبي جيبي هذا ممتون ...

اخذت فهد ونزعتو ثيابو :- جيبي زيت .. اخذت زيت زيتون وصارت تمرخ جسمو وهو يعيط صار ازرك كالت :- روحي جيبي گماط ..

بسرعه ركضت الغرفة خالتي جبت الكماط دحكت زينب واكفه تشرب مي من البراد شافتني طلعت من غرفة خالتي ،، انطيت الكماط الها وكمطته وهي تطبطب على ظهرو .. فاتت زينب
-لعد ليش فهد ينام بالغرفه يعني انتِ تنامين يم خالتي هههههه شنو متزاعلين الظاهر

مرديت عليها بالي وفكري يم فهد اخذتو خالتي والتهيت وياه وام حسن صارت تحجي :- عادي يمه تصير مشاكل بين الرجال ومرته

ريام :- مبينه شي خاله زوجي سافر واني انام يم خالتي
زينب :- شوكت يرجع
ريام :- منعرف
زينب :- ياعيني الله يرجعه بالسلامة عاد خطيه كضاها من سالفة السالفة ساعه السيارة ساعة الشغل ساعه داعش
التفتنا عليها واني مااعرف شتقصد ، رجعت كالت :- صدك اشتره السيارة لو بعده
- يا سيارة ؟
- هاي شنو متدرين ههههههه
بديت اشيط احتركت حرك عفتها تجاهلت كلامها رجعت كالت :- سيارته الجيب ناوي يشتريها بس الظاهر مفلس ..

خالتي :- اشتراها الله يجفي شرها
زينب :- اي مو اكول راتبه مو شويه غير المحلات والعقارات الجوه ايده شلون ميشتريها فـَدوۿ العمره ابن الخالة

سكتت وبداخلي ميته قهر وخالتي وام حسن يحجون وهي بصفي لحد ماكالت :- هذا السوار الفضه مالته ...
بسرعه عيني صارت عليها وهي تأشر وتحرك بالسوار وتضحك
- منين جبتي ؟؟؟
- اسألي زوجج حياتي ..
- انطينياه
- چؤچؤ
- هههههههه ... رفعت شعري وطلعت ركبتي كلها زركة ، صارت عيونها عليها ... :- الچ سوار قديم ميسوه بوسه ع رگبتي والي گلبوو ههههههااااي ....

وكمت عنها ، واحسها كامت تنطح اخذت فهد غفه بحضن خالتي
للغرفه وطلعت
ليش ماحنين تفوت
- ها يوم منو عدنه
ليش ماحنين تفوت ...
- ها يوم منو عدنه

ودخلت شافت زينب وخالتها وبناتهه وهي شاطت
- هاي الكلبه شتسوي هنااا انتي شنو ماعندج كرامه مو
طردج اخويه شكو لافيه هنا

ام حسن:- لاتطولين لسانج جايه تعتذر منج بس عرمه
وسزز مايفيد بيج شي كومي كومي وطبها مرض

-حنين:- ام حسن لاتتجاوزين احسن والمرض يطك بتج
ويخلصنا من شرها الله ياخذها ولا يشوفني وجهها  انسانه بلا كرامة تقرفين ..
فتحت الثلاجة اخذت مي وهي تدحك رادت تگوم تعتذر حنين كالت:- لتتقربين خطوه وحده

ام حسن :- شكد عرمه وصلفه طايحة الحظ
حنين :- خليني محترمتج لجل شيباتج ولجل امي انتي تجين
البيتنا انخليج بطن عينه بس بتج مالها فوته هنا

خالتي لزمت حنين واتهدي بيها وسكتي واجفي الشر وذيج شلون تحجي هجي كامتلها تريد تضربها وحنين صاحت :- شوفن ترا محمله عليجن هلكد ، حجايه وحده اكلب الدنيا عليجن

وماكو لسانها ماسكت وذيج شلون تحجين هيج
وماتحترمين هجمت على حنين جرتها من ركبتها
خرمشتها وهيج منج وهيج من اهلج وانعل بيتج لا بو
ابو بيتج
وحنين تصرخ وخالتي تدفع بيها
حنين:- تمدين ايدج عليه اكسرها لا خالتي ولا اعرفج  طلعواااا برااااااا
الله ينتقم منكم حقيرات دمرتونا الله لا يوفقكم

فارت شلون تحجين هيج ويردون يهدوها ماكو وشنو
كبالها تشمره وتصيح صوتها يلعلع وعالي وعي ضخمه
صوته خشن
وزينب ماكتفت عبالك باب وانفتحلها انهدت بحنين ركضت
ادفعها شو هجم عليه من الشعر وضربتني وصارن وحده
تكاون الثانيه هي تضرب واني اضرب بس قويات اخذتها وعضيتها قوي واخذت علبة الشكر وضربتها عليها كضبت ايدها وعضيتها بقوتي وهي سحكت ع رجلي شاطت روحي ..

ركضت حنين اخذت الصينيه وهجمت على زينبو ودك
على راسها ووين اليوجعها وام حسن لزمت حنين
وضربتها راشديين وخالتي دفعتهن وطردتهن ومابيها
حته تصيح وحنين شاغت روحها وتعيط :- طلعي براااااا طلعننننن براااااااا
طلعييييي يمه طردييييهم

الحد ما اجه صوت حسن هز البيت هز
- صوووووتج حنيييييين

- اخذ اختك الساقطه وطلعو من بيتنااااا مانريدكم
ماعدكم كراااااامه  سفلللللله

حنين اخذت شكو اغراض ع الميز وضربته عليهن وهو يدفعهم يطلعون ماكو احنه لازمتنا خالتي وهو لازم اهلو واثنينا مفرفحين حنين اخذت الملح وصار براس ام حسن وام حسن عيطت وهو شافها هيج تخبل ركض ع حنين فر وجهه براشدي

وهي تخبلت تريد تروح تضربه دفعت خالتي واخذت الصينية وصارت تضرب حسن وتصيح ؛- لك اكسر راسك وراس اهلك هيج منك ومن اهلك وانعل ابوك لابو امك

واني لزمتني الضحكه شلون تعيط وتضرب بي بالصينية وهو يريد يلزمها ماكو وحابس ضحكتو ام حسن جرت حنين من جوه حسن دفع ايدها وخزرها وحنين مستمره تغلط وهو لازم ايدها صاحت :- دوووووخررررر حيوااااان ...

ام حسن طفرت شلون تغلطين على ابني رجعي لزمي حنين واني رحت اريد اهديها هجمت عليه مد ايدو حسن دفع امو وخواتي وحنين تطفر وتصيح وتغلط عليهم :- طلعوااااا برااااا
منحس غير سحبها الحضنه ظهرها ع صدره وحضنها حيل وهي تفرفح وتبجي موتت روحها :-اتجاوزي بعد وشوفي شسوي بيج

رادت تحجي حط ايدو ع حلكها
- حرف ماريد ، كافي ..

عضت ايدو تركها وهي تفرفح وتبجي كعدت بالباب وتجر الحجي جر ماتت :- يمه .. طلعيهم يمه ..موتوني .. يمه

شافها حسن بهالحالة دنك عليها دفعتو وخالتي كعدت بعد انهد حيلها حضنتها وابجي حجه حسن :- حنتي
- ااخذ اهلك وطلعوا من بيتنا
- لاتبجين كافي اروحلج فدوه
- طلعوا برا

ام حسن شافت الوضع هيج گبت من جديد صارت تغلط ع حسن ويانه :- مسويتك طليييي كتلك خواتك وامك وانت حاير بيها كبر لفك ولف البطن الشالتك
مدت ايدها تريد تضرب حنين وهي شايطة صاااح :- اااااااييييييييي
وسحب زينب من شعرها

ضربها راشدي ودحك امو ودمو
فاير دك على وجهو وهو يدحك بعيونها فرفحت روحو
- اكككتل روووحي حته تخلصيييين هججتيني وههجتي
العالم مننننججج مامليتيييييي بنتج سيرتها على كل
لساااااان ماكفاااااج كون رببببي ربي بجااااااك خلصنييييي 
بجاااااااهك اخذ روحي ماريدهاااالا انعل الساعه
الخلفتيني بيها انعلها من ساعه الصرت بيها ابنج امشي
واني مدنككككك لج شنو من اممم تركضين وره
المشاااااكل تدوريهاااا دواااااره

راحتلو خالتي وتهدي بي وهو ماكو فقد موت روحو
وزينب تبجي وامو تريد تحجي انخرست فد مره دفر
الباب وطلع وصاح
- امشووووو كدااااامي

ماطلعن جرهن جر ويدفع بيهن وهن لازالن يسبن ويتوعدن طلعن كلهن من بعد ماخلو البيت ينكلب كلاب من وره
سوالفهم وصعدت حنين تركض تبجي وخالتي ضغطها
وفهد خبصنا بالبجي مالتو
ركضت جبت حباية الضفط وشعري منكوش وحالتي
حاله
ليش مايتصل رمح بهالوقت
- الو ...
جا صوتو
التلفون بيدي وارجف مااكدر حته احجي انربط لساني
جسمي يرجف مااكدر حته اوكف
صحت بصوت يرجف ودموعي جرت

-خاااااااالة ........

صرخت :- خااااله فدوه لحكيي
اجت خالتي ترضت وبيدها فهد وحنين هم ركضت ع
صوتي ..

خاله: شكوو ريااام احجي

حنين: رياام شبيج اسم الله الرحمن

ادحك بحنين وكل جسمي يرجف ..شلون احجي والله

:- رياام احجي اخويه بي شي احجييي

مااكدر

لزمتني خضتني :- رياام احجي اخويه بي شي احجييي
حرب بي شييييي

ادحك اريد انطق مابيه

- خاله حرب

- شبييييي يمممه احجي جلطتيني ولج يمه

- حرب مات

- شنووو يبوووووووو يممممه وليدي راح

حنين:- شجاي تحجين ريااااام ماصددكك والله رياااام
خالتي ضلت تدك وتلطم حته فهد ساح وكع من ايدها ركض
شلته قبل ليوكع واني رجلي كلها بادت اريد اوكف مابيه

ايدي وجسمي كله انشل وخالتي تصرخ وحنين كعدت

وايدها ع راسها وتبجي وتكول ..مستحيل .. حرب
مايموت ..رهف تموت وراه ..مستحيل ريام مستحيل
شجاااااي تحجيييييين

ضلت تبجي بصوت عالي
واني ابجي وارجف وفهد ضل يبجي يصرخ
وخالتي ملخت روحها وتصيح .
- يمه ويلادي ذول يمه شايل وين يالمنك يهابون

تكطعت روحنا ..شحال رهف ياربي ..
فجأه وجان يرن الجهاز ..مابينه حته انكوم وانرفعه حنين
فقدت وخالتي كطعت روحها كعدت بالكاع وتنحب وتنعي
نومت فهد ع القنفه واسحل بروحي جسمي يهتز وحته
التلفون مابيه اوصله .
لزمت التلفون ويهتز بيدي ...رمح يتصل ..
اخاف ارفعو ويكولي ..شوفي فهد لو خبريها
واخاف ارفعو ويكولي حضرولو كفن اموت والقران
اموت .

فتحت الخط وابجي :- رررمح

اجاني صوتو يصيح ويبجي ..

ري .. ريام حرب عااش ورب الكعبه عاش ماصدك
لاتبجوووووون لحدددد يبجيييييي
يحجي ويبجي ومختنك صوتو ..ويصيح ماعد افهم شي

بس زادت رجفتي كمت اناشغ :- ش شنو رمح شنو

- دخيلك يابو الحسن عينننني مولاي عييييني
استعان بيك سيدي ..ولج ولج ريااااام مااكدر احجي
وحق الحسين بس حرب حررررب عااااش حرب ماماااات
حرب سببببع ريااااام

خالتي تصرخ وحنين تبجي ولازمه راسها .. .ماتحملت
صرخت  الي كاتمتو
خاله
- لاتبجووون يمممه خااااله ولج حرب عاش مامات
حرب رجع للحياة حي يرزق خااااله
تخبلت كمت ابجي واطفر وارجف واهلهل تسودنت
وخالتي سكتت اله شوي تنجلط ..تدحك بيه وحنين تدحك
وعيونها تجري

لزمتني خالتي؛- ولج شبيج يمه تخبلتي ..حنين جيبيلها
ماي حبيبه .. دموعها تجري ولازمتني واني اضحك وابجي وارجف
اجت لزمتني وانا ابجي واضحك اريد اننطق مختنكه
مابيه من الفرحه ع الحزن قسما بالله شعور ماينوصف
مااسمع حت شيحجون ولا شنو يكولون بس دموعي
تجري .. لحد ماحنين غسلت وجهي وتبجي وخالتي تفرك
ب ايدي واسمعها تكول :- يصبرج ربي ياام رائد بنيتي

- خاله

فزت - ها حبيبه سوده عليه
بنيتي ها شون صرتي
فزت :- ها حبيبه سوده عليه بنيتي ها شون صرتي
- خاله خابر رمح

- الله يساعده من حيلي على حيلك وليدي ينطيك ربي
من صبر زينب والزهره الزجيه يمه

دكت على رجلها وصدرها  . راح اخو يمه الله يساعده ويشيل حمله
خاله مامات حرب والله مامات
لزمتها
- مامات

دحكت بيه فتحت عينها ودكت على صدرها :- شني يمه
شمالج تسودتني جا مو كلتي مات سوده عليه

- ههههه يمه خلي احجي فدوه .. بس اخذ نفس

- حنين:- شنو ريام لتخبلينه بداعت امج والله حيل ماضل
عندي ياربي

اخذت نفس :- خابرلي رمح وكلي رمح مات وره شوي
كال عاش ومافتهمت شي بس
كال عاش ومافتهمت شي بس الاكيد عايش الحمدالله
- اوووووف يايمه ماي بارد ونزل بزردومي
حنين:- ياااربي شنو هاي مدااصدكككك وين تلفونج
- هناك
كضت اخذته
- خاله شنو فقدت اني

- اي ييمه فقدتي لاتحركين ايد ولا رجل يمه اكيد
هالحجي عبني راح انجلط واموت هسه وابليكم
- عمرج طويل ياعمري ان شاء الله اكيد وهسه من يهده
رمح يخابرلنه
- إن شاء الله اوف ييمه هيج فرفحت رويحتي وهسه
روحي طير صارت من فرحتي

ضحكتلها اجت حنين :- لج شو ميرد
- التغطيه ضعيفه والنت هم
- غير يطمنه حتى نفتهم شكو
ضلت تتصل حركت التلفون حرك ومارد الظاهر ملتهي

..وخالتي لبست عبايتها وراحت تشتري جليت . حلكي نشف بسبب الخرعه وصار مر
واني من هذا اليوم حليبي جف
والصدمه
اخذت التلفون وخابرت رهف .

- الوو

- هلا ريمه شلونج

استغربت صوتها طبيعي :- الحمدالله كلبي شخبارج

- بخير عمري .شبيج صاير شي

- لا كلبي ماصاير شلونج حرب شلونو ماسمعتي عنو
اخبار

- بله قبل شوي طلع من العمليات خابرنه رمح وكال
هو بخير وطلعو الفدد بقت وحده وهو صحته زينه  بس رمح معنده صوت صوته رايح وكوه يجر النفس خطيه شبي مريض؟

- ها مو اتصل وميرد فضل بالي اي اي مريض فلاونزه

- اي والله اني هم بس هسه قبل شوي اتصل الحمدالله
ريام وهسه اني بعدني ع سجادتي دااصلي قربة لله
تعالى لجل سلامته

- الحمدالله حبيبتي يلا كملي ماعطلج وفهد يبجي بعدين
اخابرج
سديتو منها ..رجعت اتصلت بسرعه رفع الخط

صوتو تعبان هلكان ميت تعب .

- الو

- ههه عيون الالو

- شلونك شلون صرت حرب شلونو
..زين
- شنو صار ليش هيج والله كمنا اندك ونلطم

- هو مات كلش كلبه وكف
بحيث. . رادو يغطو وجان يرجع يدك
كلبه ..سبحان الله دعوه مستجابه سبحان الله والله

ماعرف شحجي

- والله ؟ سبحانك ربي رب العزة عما يصفون

- ثقي بمحمد من شفت دكات كلبه صفرت كلبت الدنيا
- تدري بهالاثناء رهف جانت تصلي ؟
- كلشي بالصلاة و ع السجادة وبي ذكر الله  يستجاب ، لو الدنيا كلها توكف ضدج بس الله وياج .. رجع حرب .. رجع بفضل دعوة رهف بنية صافية وكلب طيب ..
- رمح
- ها بابا
- الله ليش يساعدنا رغم ذنوبنا ويطلع حوبتنا ؟
- ريري ، الانسان الي مايأذي والي يزرع البسمه على وجوه الناس والي يتعامل بنيه حسنه وي الكل  الله يسهله اموره
- طلعت حوبتي ..
- جنت متأكد تطلع لان اول الناس انه طلعت حوبتج بيه ع كل دمعه نزلتها منج
- انت حبيبي واني مسامحتك
- حتى لو انت تسامحيني وتسامحين غيري ، الله عادل مايظلم احد .. كما تدين تدان حتى بجرة النَفس ......

للحكاية بقية ..