منقذي سبايا داعش
وردة الشيخ محمد ( عُذراً ع الالفاظ ) ♥️
أتخَيل بوجهَك يُمر
يخفگ گليبي ( مِن الخَجَل )
وأتلعثم وأبدي أرتبك
لَك چني آنه بجَنه
فَزت عيوني البَحتَك
شتاگيتلك دتدنه!،
_____________
اتصلت عليه مره ومرتين يرفض الاتصال ، بدون مااهتم تركت الجهاز ونزلت جوه واني لابسه محرم الصلاة ، ودااحس نفسي مختنكة وشي على صدري بس اهون من مساع .. وهچي امشي شويه واتعب وبراسي احس هموم الدنيا كلها متجمعه
كلنا نمر بحالات نتعب بيها وهي حالات طبيعيه تصير بكل انسان ، ممكن بسبب التراكمات او بسبب الظروف الروح تتعب وتحتاج راحه
بس اذا هالراحه موجوده والبيت نبي مشاكل بس كلو ومشفنا تحسن ليش وشلون نخلص مااعرف ..
احس حتى جسمي يسخن وشي كاتم نفسي حتى كوه اتنفس
رفعت راسي وشفت فطومه ركضت صحتلها وي صيحتي صرخ الفهد ، مااحس الا واني اركض ع الدرج وفتت الغرفة خالتي فهد يصرخ بقوتو خفت اتقرب شي منعني خفت خفت هوااااي اندفعت فاتت خالتي وهي تكول :- اسم الله .. اسم الله يمه ،. اسم الله الرحمن
المخدة صايره على وجهو رفعت خالتي راسها دحكتني وهي فاتحه عيونها عليه مصدومه :- خاله شبي
- ريام خنكتي الطفل ؟؟؟؟
فتحت عيوني ع وسعها للحظة تخيلت اني دااخنكو بقيت صافنه معقوله اني اخنكو لا اني ماخنكتو هو بجه واني ركضت بس اخاف اني خنكتو واني ماادري
بجيت بدون مااجاوبها التفتت حنين بصفي ايدها ع حلكها تدحك بيا وبخالتي
- والله مو اني اني بس جيت العندو هو جان ديبجي
ضمتني بحضنها وخالتي تسكت بفهد وهو ع فد بجيه ادحكو صار ازرك ، لحد ما اخذتني حنين للمطبخ وتغسل بوجهي واني ابجي اريد اروح اشوفو :- حنون والله اني ركضت عليه هو جان ديبجي
- ريام بس فهميني انت شدتحسين
- والله ماكو شي بس ضيق ودااحس جسمي مكسر والله رمح كال اني اعالجج هو حيجي
- مساع اتصلنا عليج ماكو ليش هيج خوفتينا والله ڪلـَبـʊ̤ شصار بي من ادك الباب ومتردين لحد ما سمعت حركتج عفتج براحتج
- والله مبيه شي دتفهميني اني بس تعبانه
- فاهمتج انام يمج اليوم ؟
- اي تعالي
صعدنا فوك للعشرة طفينا الاضوية ونمت ع السرير بديت اتگلب :- حنون
- ها ريري
-حشغل الموسيقى
- يااا ولج دنامي وكت موسيقى كتلني النعاس
- مو مااكدر انام
- جا تعالي افليچ نفس امي ونامي
- ماريد ههههههه حيجي رمح
-بعده نزوله
- هو كال حجي
- هسه يچفت علينا بالغرفه ويلزمج يبوسج واني الحديقه المحدقه الكاتلني الجفاف اباوع عليكم واتحسر
- ياريت يجي والله كلبي حن الو والحضنو الله يساعدنا نحن الي متزوجات عسكري
-والله ع أبويه لو اموت مااتزوج عسكري
-ماكو احلى منو
-لتحاولين لو اموت مااتزوج عسكري هم اعصاب وهم شغله خطر شبيه الا تخبلت
- جنت من وره خواتي اكول مااتزوج عسكري تالي تزوجت هههههه
-خواتج شلونها علاقتج بيهم
-نفس علاقة خاله بخواتها
-يووه الهالدرجة
- حيصير بالسنتين أو اكثر اني مااحاجيهم
-بلكت امي تصير نفسج دناكل وحل من وراهم تدرين هاي اللبسه إذا اشتريها تكول صوريها اراويها الهم لايزعلون وغير المقارنات رغم اني احسن منهم واجمل منهم بس تقارن تخليني اموت قهر ان
ي ذبحيني ولا تقارنيني ب أحد
-ليش هجي ؟؟؟
-والله ريام ماادري هاي صارلنا بالخمس سنين امي فد نوب مرات تخليني اشيط ودي اخنك روحي تعجبني تصفني اكول الها يوم دشوفيهم شديسوون بيج تكولي معليج وتسكتني مااعرف شبيها وهسه حسبالج من رمح طرد خالتي ام حسن هاي هي تابت ؟؟؟
- يوليو سحلهن هم الها عين ؟؟
-وعيونج ال****تتوب وام حسن ماتتوب ..شايفه بيتهم ؟ شايفه خيستهم ؟
- هي الوصخه والجايفه حظها كاعد محد يحجي وياها
،-اخت حسن الجبيرة كدام الكل تغلط ع رجلها وتفشر عليه وهو منلصم حرف ميحجي وهي تهينه ويكلها صار وتتدللين وغير الذهب والراتب وحتى السيارة والبيت ب اسمها وهي لا خلقة ولا اخلاق
-اوووي ...اني شفت ام حسن الا هجي كعدت بصدري مثل الشوكة
- هاي ولا شي وازيدج من الشعر بيت
- اااااي؟؟؟
-اني عندي ارقامهن بس مخليتهم اغثهم هي هاي متحب حماتها الي هي بنت خالتي الثانيه يعني هاي بنت ام حسن نأخذه ابن خالتها فهمتي ؟
- اييي شبيها
- وحده متحب الثانية ف اني ضايفهم اثنينهم وتعالي شوفي وحدة تذب سمها ع الثانيه ليش ما هاي نشرت زوجها يبوس أيدها وطالعين بالسيارة نشرتها بالحالة
- ااااي
- انتِ كومي نشري بالحالة زوجج شلون يبوس رجلج ومصبغه رجليها لابسه نعال ابو الاصبع ومخليه رجلها ع راسه وكاتبه حتى رجولتك تخضع عند أقدامي
كمت وصحت - عزاااااا مو الهالدرجةةةةةة
يمعوده والله كمت ارجف بيومها اني اتخبل من هيج سوالف والله لو تشوفينه متكولين هو يسوي هالسوالف التلعب النفس وفوك هذا هاي سحر اختها اني وياها نسولف ع طول وهي حبابه افقرهم تكلي خواتي يسولفن بالكروب تكلها شتردن اصورلجن
- شتصوووور لاتكوليهاااا
- عادي دزت صور وتضحك
- صور مال شنو نيتي شطحت يولي
-هي الي ببالج
- لاااااااااا كولي غيرهاااااا يولييييي صخام الصخمني
- والله ومااعرف شكو شبيهم وشنو هالقلة حيا وزوجها والله العظيم من تشوفيه متكولين عنده هيج سوالف ولج لو تخلي النعال بحلكة يأكله وميحجي
- يمه لعبت نفسي
-شايفته ،؟؟ مرتب وأخلاقه تخبل وي الناس وعندة سنتر مواد منزلية وحالته زينه
- شفتو يولي هذا ابو الستره اجه مره وجاب ثواب احسو محترم
- حظوظ والعباس
- قبل اسبوع الصبح وزعوا بس طعم الحشو مر اكلت بس التمن جان طيب اوي جعت
- وينها وين الطبخ الجايفه ام الوسخ
حنين اخذت جهازي وكعدت اتكلب :- أفرغ من جيبي
- رمح ميقبل اصور يحفظ الصور بالابتوب يمول امان
-اني هم ميقبل لو اموت
النوم ميزورني وحنين نامت ، لحد مااذن كمت صليت وحنين كامت راحت الغرفتها رجعت اريد انام وجان اسمع صوت ركضه ع الدرج ، انفتح باب الغرفه فزيت وبقيت ع نومتي مغمضه ، مااحس غير حركة ع الجرباية وايد انمدت شميت عطروا باسني بزندي وهمس :- نايمة البربوك ، بسيطة .. انا اعلمج باجر ..
شم ركبتي حيييل ويشم بشعري ويهمس -اوف اوف يالله اوف يالراحه ...
صارت حركة ع الجرباية وطكطة ع ميز تواليت تكلبت ومااحس غير شي اسود هجم بوجهي عيطت :- رررررررمححححح
محسيت بشي بعد ...كعدت الصبح اني بحضن رمح نايمه التفت عليه وجهو تراب وشعرو تراب وباقي بالفانيلة السوده وبالملابس العسكرية وادحك ايدو خشنه صايرة ع بطني كضبتها وبست رموشو المتربه فز بسرعه مخترع حجه بصوت نعسان :- ها بابا ...وتبتسم وهو يفرك عيونو :-صباح الجمال
- صباح الخير ..ضميت نفسي بحضنو رفعني وبعد الغطا :- هو ليش من اشوفج اهدء أنه ناوي اعلكج بالبنكة واجلدج بالحزام بس بهاي نظرة الجهال التباوعيلي بيها انتهي واصير رماد كدامج
- يعني صدُك انت اجيت ؟؟
- لا حبيبتي بعدني بالطريق محتاجه شي اجيبلج
- مشتهيه كاه...
-بيج خير وادللي تعااااي
- كاهيييييي
مااحسو غير جر خدي وعضني قوي :- شعلتي شيب الخلفوني وتكلي كاهي محد غيرك كاهي ول يااااابببب ...
للعصر طلعني وفرني بالسيارة , ويسولف وياي شصار بيج وشنو حسيتي واني اجاوب لحد مكال :- بالعسكريه اول مايعلمون يعلمون الجنود قوة الصبر والتحمل وأنه اريدج تتعلميهن اول شي
-اني الصبر والتحمل استاذه بي
- رايدج سند النفسج
- انت سندي وسند حنون وفهد وخالتي انت سندنا
- وانه ماريد هيج بويه اريد كل وحده بيكم سند الروحها
يابه انتن مو نسوان ويكولون المره لسانها رشاشه
شو انتن فاهيات خوب انتي لسانج بس يمي ام حسن خوش حاطتج وكاتلتج يطبج طوب عبنج فاهيه
- رمح هههههههههه عجل شتريد انسوي اقاربك
مينجرعون وحته الحجي ميفيد وياهم
- شوكت الله يخلصنا من هالساقطات ماادري
- الموت بس للزين
- ههههه والله احس هاي بسمار الي عبن طلعت من
الموت الف مره وماصار بيه شي حقه حرب من يكلي
انت كو*** مايصير بيك شي
- ههههههههههه اسم الله عليك حبيبي الله لايحرمني منك
- ريام انه مادايملكم اليضربج بورده ركعي ببلوكه
وفلشي راسه وراس الخلفه ونعلي سلفه سلفاه الي
يأذيج ويمسج عبن الناس صايره مو مال واحد يسكتلها
تكوم تتمادى خليج ذيبه لاترضين ع المغثه لاتخلين أحد يمد أيده عليج
- حته انته ؟!
- انه بس بال****لاتفلشين راسي لان تخرب
علومي وحك علي يكرم اسمه
- عجل انت تجفص وتكول يكرم اسمو يولو حته حرام
انته شبيك
- بيه انتي يولو عجل بالله احبنج جا شسوي
- شروكي مطعم بغربيه
فر الستيرن وكضب ايدي باسها وخلها ع خدو وكال :- والنعم ....
وكف السياره ونزل اشتره شاميه وحلويات واجباس .
وصعد اني خليت راسي ع الكشن وادحك بي ..
صعد ودحك بيا ابتسم :- احب نظراتج عَلي ، ومحمد .. تخبليني
- رمح
مشا وكال :- روحه ، سولفي
- اتعالج
- تتعالجين بسيطة ان شاءالله ، هسه هاي طلعتج وجهج ورد وتونستي غيرتي جو ، جم يوم واخذج الاربيل للشمال افرج كل مكان واونسج
- ماريد
- هي الحالة النفسية تحتاج تغيير جو وتتغير من تغيرين الروتين ، خليج مرتاحه واسترخي لاتتعبين نفسج
- اني تدري شنو مشكلتي ؟
- شنو
- معندي احد غيرك ماعندي احد متعلقه بي غيرك
- وحنين وامي وين راحن
- حنين نكعد سويه ونسولف بس ماادري متوالمني رغم اني متعلقه بيها واحبها وعلى طول سوه بس ماادري
- فاهمج وامي مره جبيرة وماتاخذين راحتج وياها جا وهاجر ورهف هاجر
مو عاشرتيها
- كل وحده ملتهيه ب عائلتها واطفالها صحيح نسولف هوايه بس احس اذا بيا شي ليش اروح احجيلهم ؟ دااشوف كل واحد عندو هم وعندو حياتو بيها من الهم يكفي ليش اشكيلهم هسه يكولون شكد ممله وشكد تتشكى
- زين يعني تسولفين وياهم
- اي رمح بس وكت الضحك وارد عليهم هجي بس مااعرف احد محد يفهمني غيرك يعني اذا احجي شي متفهمني خطأ تكعد وتفسرلي حتى لو شي تافه تاخذني ع كد بساطتي ابسط شي موضوع يخص الزواج حجيتوا هل هو حرام لو حلال هاجر من مذهب ورهف من مذهب صار نقاش حاد بينهم واني فتت بالنقاش ووصلوا النقطة زعلوا بيها واني كوه صالحتهم
صرت من وره هالسوالف اتجنب اسأل هالامور ، مرات نوصل مرحلة نكتفي نسكت ولا نحجي حجايه وتالي نعض اصابعنا ندم
- زين ليش ماسألتيني ؟
- خجلت منك لان موضوع حساس استحيت
-لاتستحين حبيبتي ، الخنكة بعدها ؟
- لما نرجع للبيت اختنك مااعرف شبيا
- شرايج نروح الذاك البيت وتسولفين ؟
- ياريت
فعلا رحنه وبالطريق طبك ع مطعم جاب لفات ومقبلات وصعد ،
- اريدج تاكلين وجهج بدا يذبل انه ماريدج تتأثرين
انطاني اللفه حارة وبدينا ناكل ونسولف سوالف تخص شغلوا احد ما وصلنا للبيت نزل فتح الباب وفوت السيارة
اول مفتت رجعت بيا الذكريات وشكد جان يوم حلو ومميز بحياتي كلها ...
كعدنا ع نفس الكعده ونحن ناكل ونسولف :- اليوم حسيتك صديق مو زوج
- خليج مرتاحه واحجي وانت مسترخيه
- طبعا مسترخيه غير دااكل كباب عند البطون تنسى الهموم .. يخسه الهم كدام الاكل
رفعت راسي وضحكت حيل وحلكي مملي اكل دحكتو ضحك وي ضحكتي .. ذبيت الحجاب ورفعت شعري بالقراصة وهو ياكل ويدحك بيا
-شوفي ريري
- افضل سيدي الك المايك
ضحك وهو علامات الاستغراب بملامحو حجه وهو مبتسم:- الاسئلة الي تخص الدين اولها انت بنفسج تبحثين عنها تدورين عنها بالنت بالكتب المهم انتِ بنفسج بدون ماتسألين شخص ان كان متدين او شخص عادي او اهلج
- ليش ؟
- لان اولا مو كل الناس تعرف بالدين وكل واحد راح يفتي شي من جيبة بدون علم او درايه ، ثانياً .. اكو نقاط بالمذاهب مشتركة واكو مختلفه والاختلاف مايفسد بالود قضية ..
- بس اكو ناس تتعصب وتتنرفز
-كل واحد ومذهبه وبكيفه كل واحد يريد يثبت نفسه ويطلع نفسه هو الصح والبقية خطأ ، المهم يحس بشعور الانتصار حتى لو هو جان على خطأ ..
-زين اني شنو اسوي هين ؟
- تدورين ع مصادر و ع كلام و ع روايات موجودة وكتب موثوقه من ناس علماء بحثي بنفسج بعدها الشي الماتعرفينه سألي بي العلماء والمراجع مو ناس عاديين ، حتى تتثبت المعلومة براسج وتتثقفين دينياً ..
- بس الناس متعصبه مانطونا مجال للنقاش
- وعليمن ادخل نفسي بنقاشات الها اول مالها تالي ، كل انسان عنده عقل وعنده ايد هو مقتنع بكلامه وماراح يغيرة وانت مقتنعه بكلامج وما راح تاخذين بكلامه بعد عليمن كل واحد بكيفه خصوصا هذا الزمن الناس هي بنفسه تسلك الطريق الي تريده
- بس لازم واحد يتعلم يناقش ويحجي يجوز هو ميعرف ومن اناقشو يتعلم مني
-هااااا ، هنا لازم شتسوين تقيسين مستوى عقلة ، مستوى فهمه اما اذا هو شيش بيش كلشي ماكو يخوط ويخربط نقطة راس سطر وكطعي النقاش ...
- اني اكثر الاحيان جنت اسأل ماما او بابا او صديقاتي
- هاي من انت صغيرة او مراهقه لكن هسه الامور تغيرت العقل بمرور الزمن ينضج ويدور ع الوعي وبيدج تنمين عقلج لان هو العقل عبارة عن مَعِدة تجوع للمعلومات تريد معلومات اكثر واكثر اذا تبقين ع اهلج فـ ماتستفادين شي ..
- ليش ؟ مو همه اكبر من عدنا
لزم ايدي باسها :- الحمدالله ..ووكف غسل.. وحجه :- لان يا بابا .. اهلج جيل وانتِ جيل .. اهلج تربوا ع جيل وانت تربيتي ع جيل كل واحد بيهم جان اله وقته وزمانه ومعلوماته ع كده ع كولة اهلنا ..
-انت من جيل الثمانين واني من جيل التسعين يعني هم اكو فرق بيناتنا ؟
-العمر مو مقياس يعني انه مرات اتعلم من طفل ومرات من شايب ، فالعمر مااله علاقة العمر مجرد رقم يزيد كل سنة وانتِ طفلتي بنيتي
كعد بالكاع ومد رجل وحده ويدحك بيا :- يعني هسه انه شايب وحبيت طفله
- اني مو طفله عمووو
غسلت وتربعت بالكاع كدامو :- مرتاحه يابه ؟
- كولش داحس بطاقة ونشاط يجنن
- انه هم بيتنه كوه اجرعه هنا فد ارتاح
- ليش منعيش هين ؟
- امي ماترتاح الا هناك وانه ماارتاح الا هنا
- رمح اني هسه مدااحس بتعب يعني ولا هاي الخنكة الدتجيني
- امور نفسيه تتغير بمرور الوقت لاتخافين بسيطة
- ان شاءالله ، شنو متعبك
-الشغل
-نرجع ؟
- لا فد شوي ماتكومين تسويلنا فد استكانة جاي من ايدج الحلوه
- حتى هييييين يمصكووووووع ...
- دكومي يلا جاي كون ثكيل يكعد الراس
-شكد تحبو
-اخرب عليه ....
كمت واني اسوي وهو حجه :- ماريدج تاكلين اي اكله من اي شي يدخل للبيت اي حاجه تدخل للبيت ممنوع تاكلينها
- ان شاءالله بس ليش
- بعد هذا العندي حجايه وحده ماريد تحجين بيها وي اي احد ماعرفه
-شلون بله ؟؟ يعني حتى هاي رمح لاتضغط عليه ..خليت الجاي ع النار ..
-مااضغط عليج بس كطنه وشيليها من اذنج ماريد اي شخص ماتعرفينه تحجين وياه حرف ، الدنيا مو امان ولا الناس امان ، اليضحك بوجهك يجوز يغدرك
- ماشي ..
- شبيج بومتي
-فهمت الي بيا وان شاءالله احاول اعالج نفسي فهمت هسه اني فهمت كلشي
كضبت جهازي ومسحت المحادثة الي بيني وبين الكاتبة الي راسلتها ، فجأة كال رمح :- جيبي التلفون ..
- ليش
- جيبي
انطيتو الجهاز فتش بي وفات ع الصور :- بس هاي خصوصيتي
-ادري بس اتأكد من شغله
فات ع الانستا :- ضايفتج بت الكلب
- منو
- زينب
- وينها .. انطاها حظر وانطاني الجهاز :- اي وحده غريبه ممنوع تحجين وياها واذا ع الضوجه ارجعي للدوام
- لا ماريد اخذت الجهاز وضميتو ..
شرب الجاي ورجعنا للبيت ، اول مادخلنا كضب فهد ويشم ويبوس بي وخالتي مخليته بالكرسي وكاعده وجهه اصفر :- خاله
- ها يمه
جاوبتني وهي نحلانه والتعب واضح عليها ، :- تعبتي منو
- لا يمه شيرادله حبوبه ..
ادحك بيها مالها خلك ، وهجي احس وجهه مغيم والبيت يخنگ خنگ مو طبيعي ، فد نوب انتهيت من الخنكة ، مرات هجي
كاعدين ببيوتنا بس نحس ضيق بس ودنا نطلع ..
رمح نزل بيدو لايت ويفتر ويدور وره الكاونتر ولازم وصله سوده ويمسح ويشم بيها ، صاحلي :- ريام نظفتوا البيت غسلتو المطبخ
- اي
-الخروف الذبحته الباجه وينها والگلب ؟؟
جاوبت خالتي بتعب خالتي :- يمه انطيتهن الخالتك رادتهن جنتها جايبه كاات اسويهن الها
منحس غير رمح صاح صيحه :- شلون بيج يمه شلووووووون
وحجه بصوت متر وعالي :- عااااشت ايدج ابقي بهاي سوالفج يعني ماتتوبين يمه ماتتوبين مو اذا احط راسي براسهن ان***** واشك ك**** كدامج ووعليييي
دفر البراد برجلو وصاح وهو يجر علبة الملح :- يخ*** وانظف وراهن هلكح*********** وانتِ ضلي ورااااااهن ...ضلي علي كلبي عل ضلييي
ضلي امشي وراهن ماوصيج ضلي وره خواتج الساقطات
ريام :- رمح لتحجي ويا خالتي هجييي
رمح :- هي تعرف ... تعرف ليش احجي هيج انا اذا اطلع اهج من هالبيت من وراج وحق ابو فاضل من وراج وأنه باجر طالع للدوام وكون اروح وماارجع رايدها من الله كون ماارجع ساعتها حتى هدومي العَلي حطيهن بك**** ماوصيج
خالتي :- مابيه حيلك اروح انام
رمح :- روحي نامي بس وغلاتج عندي عيني ماحطها بعينج بعد اذا يصير شي .....
طلع وهو موجر نار ، دفر الباب وراه وصاح :- ريااااااااااام .....
كضبت ايد خالتي وبستها :- خاله والله عصبي فـَدوۿ لاتزعلين
خالتي هزت راسها وضايجه شلت فهد كالت :- بقي
هزيت راسي وصعدت ودموعي تجري واني اصعد مااحس غير ضربه قويه بالحمام ركضت ورحت للحمام طلع رمح والمراية متفلشه وصايرة طحين مكسرة تكسر خليت ايدي ع حلكي :- رمح
- جكايري وين القناااادر وين يعني واحد يجي للبيت يرتاح تتراكع المصايب فوك راسه الخ**** ووييييين ....
انطيتو الجكاير
دفر البلازمه تكسرت واني واكفه ع صفحه ايدي ع حلكي كعد ع القنفه وهو يهز برجلو حييييل وعروك ايدو بينت طلع جكاير وكعد يدخن وعيونو ناطة يسحب النفس سحب مد رجلو وهو يطبك بحواجبو
- رمح
رفع ايدو بمعنى سكتي
كصتو تجري عرك طفه اخر جكاره ووكف :- مادري الجاي شنو بس حضري روحج ...
وكف وطبك عيونو متألم :- رمح ؟ بيك شي
- لا
نزل وهو يعرج وكفت اريد الزم ايدو مقبل فات الغرفة خالتي وحجه بجديه :- نمتي كوكو
-طفي الضوه اريد اخمد
- اكلج ترا هن حجايتين شكو زعلتي وتتدلعين شني اول مره
- سد الضوه واطلعو مابيه حيل ظهري يعورني
- باع التبربك باع ....
هو كال هيج واني طكيتها ضحكة قويه هو خزرني :- وچ الفرخ نايم
- عززززا حمووووت
راح وتمدد وراها ادحكها شكدوتها يمو حضنها وهي تدفع بي :- وخر عني شكبرك تصير بعد لسانك تمده على امك
-ماعندي واحد يعض لساني شسوي رجال فقير
يدحك بيا ويغمز اخذت محرم الصلاة وغطيت راسي بي فضحنا
وخالتي دفعتو :- كووووم كوووم الله يطيح حظك بالساقط
- دمشي لج بربوك
يمه كال هجي واني تربعت بالكاع من الضحك اريد اسكت ماكو انتهيت وهو يجر بيها وبثيابو ومكزكز يكلها :- لابسه ازرك يالعروسه وبالجمال مسويه هوسه ولابسه ازرك
ريام :- يالعروسه ههههههه
دفعتو وهي تضحك باسها بوسه :- هاي بوسه ام الصوت جا شتردين ولج انه مرتي مابايسها هالبوسه هنيالج حتى ابوي مابايسج هيج وين لاكيتها
ضحكت وكالت :- والله فد واحد مسربت وماتستحي والله ياحيف ع السنين الضيعتها برباك
-باع التبربك باع .. ولج انتِ لو ما امي جان حطيت طلقه براسج من باجر اجيبلج كارتون حليب بس فكي عني
ريام :- ليش ؟
رمح :- بدال الرضعتنياهن ..
ريام:- يماااااا حمووووت ههههههههههههه
رمح :- وعلي محملتني منية حليبها من حلاته خابصتنه
ريام:- رمح كافي والله فضحتنا شريتنا ع الحبل
رمح :- بربوك تربيع كومي سويلي جاي
ريام : رمح اليوم نام يم خاله
رمح :- ليش يابعد ط**** ليش
ريام:- الناس تكول بعد روحي بعد عمري بعد حيلي انت تكول بعد شيسمونه
رمح :- **** حبيبتي ليش مستحيه
منحس غير خالتي صاحت بينا :- ماتستحووون طايحين الحظ كومووو طلعو براااا
وطردتنا اني ورمح بالنعالات صارت تشمرهم علينه رحمه للمطبخ خليت الجاي ع النار ورجع رمح يمسح ويدور بالكاونتر وجوه الغراض واني ادحك بي
رغم كل اعصابو بس حنييين كثير وعندو مايكول اسف
واعتذر بس يعتذر بطريقتو يهتم ويضحك المقابل مكان
كلمة اسف ب وطبعو مايشيل بكلبو على احد وكل
تصرفاتو بهداوه وذكاء ولما اسالو يكول :-
طبختك خليها على نار هاديه تطلع اطيب وترضيك
وفعلا .. اني كثير متسرعه وكون اخلص كلشي بسرعه
ماحب انتظر اكوم اغلي ..عكسو تماما يكون مرتخي
ومرتاح وواثق من حالو .
رن جهازو كعد ومد رجلو متوجع ،فتح الخط وكال :- الو - ها حرب
سكت ذب نفس قوي وكال :- يامُحمد !!!!! عليك الله ؟؟, شوكت يطلعن ؟؟ أن شاء الله خير عود دزلياهن ، الله وياك
سد الخط وذب التلفون دحك بيا :- اليوم ماناوي يفض على خير
ريام :- شكو فدوه خوفتني
رمح :- حرب مريض والفحص مايبشر بالخير
لطمت خدي وكعدت :- يايمه شبيييي شبيهن التقارير
رمح :-, لو بالهدف لو بالنجف ...........
بهالفترة رمح انضغط بالشغل وعليهم انذارات وشغل كلش هواي رغم علنوا تحرير المناطق من داعش بس مجرد ظاهرياً لان داعش مخلص ، وبهالفترة رمح انشغل مرات تمر اربعة ايام وهو ميحاجينا يادوب يسلم ويسأل ويروح
وحرب حالتو اتأزمت الدرجة نام مستشفى ، وكل الاخبار الي تخصه موزينه وماتبشر بالخير ،
بيومها رمح رجع من الدوام الصبح فات سبح وبدل وطلع بسرعه ومارجع الا بالليل وميرد ع اي اتصال فرفحني
اول موصل وصل وهو يعرج
ورجلو ميكدر حتى يشيلها
- الله يساعدك ..
فات للبيت باس راس خالتي وشال فهد يبوس بي ويشمو ، ودنك باس خدي ؛- يساعدج حبيبتي ..
صعد فوك وهو يشيل رجلو شيل
صعدت وراه
وبيدي الجهاز وصلني مسج ؛- منو ؟ تفضلي !
شفت المسج ومرديت تركت الجهاز ورحت الرمح فايت للحمام وفاتح المي الحار بالبانيو وممدد رجلو ويعصر بوجهو متوجع بس دحك بيا غير ملامحو..
- رمح شبيها رجلك مو كلت صارت زينه
- مابيها شي بويه شوي الم
فتت للحمام وشفتها قطعه زركة صايرة من الاصبع للركبه مثل الواحد من ينضرب ويصير مكانو ازرك ..
صحت :-عزاااا هاي شنو رمح شدتسوي
- متمدد ع البحر بعد شنو
- رجلك شبيها
- مابيها شي هسه تهدا
-رحت للطبيب
-رحت
- شكال يولوو
- انطاني دوه مال كحه ، ردت اكله حطله باء وخل اركص كدامك ع العلم المتعلمه صارلك سنين
- مافهمت وين الربط
- مو شغلج بابا ،
- دوه مال كحه ليش كحه ؟
- مو رجلي كحت كدامه امي ... دكووومي الفاهيه ...
وكف وطحب المنشفه واني اكول :- يول شجاب دوه الكحه ع الرجل يعني لتخبلني والله خايفه عليك
- بووووويه الفاهييييييه * ب **** اليشاقه كال مابيها شي وتشنج وماكو شي ارتاحي فكيني
تمدد وايدو ع وجهو تغيرت ملامحو :- الاسبوع الجاي نسافر للهند
كعدت بصفو وايدي تمسح ع رجلو :- ليش ؟؟؟
- حرب .. حرب ريام مو بس تعبان .. حرب منتهي موات ريام موات .............
للحكاية بقية
وردة الشيخ محمد ( يعيون السند )♥️ خايبين السنددد