منقذي سبايا داعش ( الجزء الاول والثاني )

بارت ٦ الجزء الثاني

وردة الشيخ محمد

بعد عني وهو يدحك بعيوني ويتلمس خدودي وينظرلي نظرات اكلت كلبي اكل رفعت رجلي وسحبتو من ياختو وحجيت بهديد :- يول متستحي

- لا

دنك باسني بخدي :- بويه هسه ارتاحيت ,

- وديناج على ملح رجعتي مطكعه متوازيه لو فلفتي  خاله هههه

اندارت خالتي دحكت بيه وابتسمت ..دنكت استحيت :- يستاهل وليدي يطكعها عبنها حليوه وتستاهل

ردتها :- شيستاهل كريمه احنه بيا حال متشوف الوضع مخبوص وشغل وعالم وهي صاعده  ونازله وفاله الحجاب حتى  الاكل ميصير تلزمه يمكن نكسه والله ياربي  لا حيا ولا مستحى  متكول بنات ممتزوجات هنا

- مفهمت شدتقصدين ؟؟؟ اني داالف حجابي وهين محد اكو ممتزوجه  ..التفتت وفعلا محد اكو كلهم كبار بالعمر

خالتي اشرتلي بمعنى اسكتي ,  وهي رتها وتخزر بيها كدامنه :- احترمي شويه كريمه عيب عليج داخلين ببيتج

خالتي :- هسه شحجينه لا اله الا الله

عفتهم وطلعت يستفزون الواحد , لو حجينا يطلعونه منستحي وومربايين كل واحده شكبرها وعقلها عقل جاهل , امشي وادردم صاحتني  خالتي :- ريااام تعاي يمه

رجعت  :- صبي المرك خلي نكف العالم

رحت يمها اخذت الطوس ودحكتني خزرتني :- ضمي ركبتج وايدج  ولاتلبسين  هالذهب بعد عين ماصلت ع النبي

- خاله بس .

نزلت  الردن ورجعت  اشرتلي روحي صبي , وكفت  صبيت واريد انزل الطاسه بالصينية  جان ادفعت دفعه من ايدي  وبدال مااخلي ايدي بالكاع  خليتها  بطاسة المرك وهي حارة نار .. انسلخت ..فرفحت كمت اكمز ميته من الوجع نار نار شاغت روحي ..

خالتي سحبتني وخلت ايدي جوالمي وتصيح :- جيبو ثلج ... واني ابجي ولازمة ايدي وادحك بيها صار حمرة ونار تلسع بيه

- خاله راااح اموت

ركضت مرة حماية ام ضرغام , واخذت ايدي وتخلي  عليها ثلج ,

- يايمه غير تنتبهين

- خاله والله اندفعت والله العظيم , احجي وابجي

حجت وحده :- لعد شكد فكر هالعزيمة

خالتي :- انلصمي يمه مالنا خلكج ..

- شدعواج خالة ..

خلت ايدي بالبرميل الي مخلين بي ثلج وكاسات المي .. واني الوب ..حجت مرة حمايه :- عيب زهره اسكتي

زهرة :- مدااحجي وياج خاله لتتدخلين

مرت حمايه فكت عينها خزرتها  :- طايحة الحظ متستحين  والله اكول الامج تربيج شنو هالاخلاق والصلافه

زهره :- اوي كوليلها

- عرمه مايفيد بيج ....خالتي كضبت ايدها تهدي بيها .. وهي صارت حمرة بس متردها بكد بنته وهي تردها والله بهاليوم تعجبت شكد اكو ناس  بلا تربيه  هاي عمرها بالـ 14 سنه وردت مرة حمايه الي ولدها عبرو ال 25 سنه ..

حجت اخت زهرة :- هسه واحنه ناكل واحد يغص ويموت لتاكلين عيني هاي  عزيمة كشرة ..

بهالاثناء فات رمح  شايل كارتون لبن  حطو ع الميز وكال :- لابويه الموت  مو لامثالكم , صبو يالله العالم تنتظر ....

دحك بيه واجه صوبي :- شبيها ايدك .. لزم ايدي شافها دم صايره محجيت اني

- مابيها شي خل نكف الاكل العالم جاعت

هز راسو رفع ايدي باسها كدامهم وهز راسو :- روحي ارتاحي لاتسوين شي بعد اعزب العالم واخذج للطبيب

صبنا وصارو الولد ياخذون وينقلوب بالاكل اني معد اكدر اشيل شي ايدي كل مابيها تزيد وانتفخت لمت جراحه وكل شويه وحده تعيط ومسويه نفسها المسؤوله وخالتي موتتني فقيرة ومترد احد واني كوه اكضب لساني لا اجفص ببطنهن ..

ماتمر كلمتهم بالبلعوم اذا متجرحو ومليانه سم , وهجي اكو ناس مترتاح وياهم بشي من اصغرهم الجبيرهم مترتاح وياه , ومااعرف ليش هجي , وحتى نسوان حمويني فقيرات ومعافوهم بحالهم , والكلام يحجو بالوجه وشي صفني محد يردعهم , لحد مكالت مرة حماية وهي تشاورني منتجيين اني وياها ع الكاونتر وندحك

- والله مااكل لكمة وحده من ايدهن

- ليش

- لج دباعي عمتي شلون عاكدين لسانها الميخافن الله

- شنو عاكدين لسانها

- ساحرينها  رابطين لسانها .. والله منخلص منهن لو نموت ...وعمتي متنطي بيهن لو يذبحوها

- يعني ماالو علاج متتعالج ميروح

- والله ريام شكلج , ماادري .. هو لايتعالج بيوم ولا يومين وهاي صارلنا شكد اني صارلي متزوجه والله من بداية عرسي حطنلي بفرشة العرس وبثوبي مال العرس موتني تموت رجلي كرهته وصار عندي طفلين يالله تعالجت

- ليش هجي

- هن يشوفن خالتي تدللنا وتحبنا واحنه هم نحبها فيغارن ميريدن احد يحب خالتي الغره تعمي الكلب

- شكد اكو ناس حقودة بدون سبب

- هواية ,  الغريب ارحم من المنج وبيج , المنج وبيج يطعنج ويخذلج ويغدرج ويشوه سمعتج , وميهمه المهم يرتاح ويرضي نفسه  ان اني اذيته  ميريد  ينحب ولا يريد احد يحبه , يغار حتى من محبة الناس

- هو لو صدك زين ونفسيتو طيبه جان الناس حبتو الو بدون ميسوي شي  , اكو ناس تنحب  وطيبتها تنشاف بدون ميسويلج اي موقف بس هجي تحبيه  شي بداخلج بداخل كلبج انجذب الو ..

- اي والله ياريام ...

عفتهم وطلعت شنو مجبورة اسمع حجي يسم البدن لابوهم لابو اليكابلهم , لعبو نفسي ادحك ايدي بططت , الم يموت كمت اتحسب وادعي على الدفعتني وسلخت جلدي ,.. رحت الفهد نايم ويمو بنيه صغيرة تباوعلو  وتضحك وتمسح بخدودو بهداوه ..ومخلية وجهها على سريرو ودحك بي وتسولف وياه ..

رحتلها وفليت حجابي  وضحكتلها :- انت شنو اسمج ؟

- اسمي فطومه , ورجعت تدحك بيه بدون متحجي شي :- تحبين فهودي ؟

- اي اي احبه هو حلو ويضحك يحب الملائكة ..صفنت بيها شنو الملائكة ..

- ههههههههه انت بنت منو ؟

- اني بنت علاوي

- فدوه .. شلتو بيد وحده واني اضحك وياها , ونومتو ومددت ورضعتو واني نايمة وهي ماتركتو جت ورايه تدحك وتلمس خدو ...شوي وكالت

- شوف هاي الطيور

- تحجي وتأشر :- هاي الطيور ملائكة زين فهودي

حجيت :- وينهم الطيور فطومة ...

- خالة هايه الطيور تباوع الفهودي اتحبه ..لزمت كلبي خفت .. :- فطومة ماكو وينهم ...

مدت اصبعها واشرت :- هاي خاله .. لونهم ابيض .. اشوف فهد رغم طفل وصغير وحتى عيونو ميفتحهم , ابتسم الها وفتح حلكو !!

شويه وكامت تركض وتأشر حمامات .. نزيت .. مثل الجنت غفيانه  ونايمة صفح وفهد يرضع وايدي  حمرة دم ولافتها بباندج تحركني

جان امي تكول الملائكة تلاعب الاطفال والهالسبب يضحكون بنومتهم , ادحك فهد يضحك .. ..اندك الباب وفاتت بنت اخو رمح يطلع عمرها بال 12 سنة ..

- باجي تعالي اتغدي

- بعدكم متغديتو

- تغدينا من زمان والعالم راحت وغسلنا المواعين

- ليش بيش الساعه هسه ؟؟

- بالـ 3 الظهر

- عزا صدك تحجين

- اي والله ههههههه

جاوبتها واني مستغربة :- جايه امي .. هسه اجي وراج ..

رحت وشفت ليلى كاعدة ع الميز تاكل .. :- صح النوم يمعوده  شلونها ايدج  انغثيتي سوده عليه

- هههههه حسبالك ماكلة عشاهن وجوه الشياطين ..

- كعدي اكلي ترا خالتي شبعت منهن قبل ليطلعن ومااجه بعينهن شي  ميحبون احد يكرهون الكل

كعدت اكل وياها ونسولف  ، لحد ما فات رمح وقاطعنا بالكلام بجملة :- مجتمعنا داعش بتفكيرة ، احنه نحارب داعش وداعش عايش بنصنا

ريام :- شلون
رمح :- داعش مُسير .. يتبع ناس تغسل عقله ويمشوون وره القادة مثل القطيع لكن المجتمع العايشين بي اتولدت هاي الامور تلقائياً بحيث سيطرت ع العقل بأكمله بدون جهد وبدون تعب ..

ريام :- يعني قصدك بشكل ارادي وغير ارادي
نشف ايدو وهز راسو بـ :- اي ، الاب والام يكضوها مشاكل وعرايك والاطفال كدامهم فالطفل ياخذ نظرة انهُ تصرف الاب تجاه امه صحيح فيمارس هذا الشي ويصير متوحش ..

ريام :- بس انت عصبي
رمح:- عصبي جداً لكن جاي احاول اطرد هلامور من بالي ، حبيبتي بس چا.. طبگ حواجبو ؛- هاي شنو ايدج شو بله ؟؟؟؟

دنكت عليها :- متوجع هوايه
لزم ايدي وبهت وجهو وهو يدحك بيا مصدوم :- كومي لبسي اخذج بسااااااع ...
ريام :- عقمتها مبيها شي
رمح :- ريااااام عبايتج وكداااااامي
ريام:- عود كلنا لتع...
رمح :- لاتكفريناااااا عبااااااااايتج بابااااا بتووول عبايتها بسرررررعه
ردت احجي خزرني خزرة حلكي انلصم من وراها :- رم
- لاتكفريناااااا لاتلحيييييين ...

ركضت جابتلي عباية ذبها عليه وركض بيا ركاض ويسوق سريع طبگ ع مجمع طبي وفوتوني داخل :- فوتي جوه انه رايح للطبيب
- تمام

فتت اني جوه بالغرفه وكعدت الدكتورة تعقم بيها وتشيل الجلد شيل منسلخة سلخ ، وهي مصدومه مني محسيت بشي قوي لدرجة اعيط واصرخ استغربت اني من نفسي ..

وره شوي فات الدكتور وياه رمح قلق ووجهو معبس يدحك بيه ، رفع عبايتي :- ها باباتي
دنكت راسي خجلت حجه الدكتور :- بابا بس ايدج شويه
كضب ايدي ونغز ب ايدي ابره كمزت دحك برمح :- تحس بالجهه اليسرى

رمح :- دكتور يعني مو (CIP)
ريام :- لا رمح شسالفه .. دحك بيه والخوف بعيونو قلقني
الدكتور :- بعض الاحيان يتعرضون المرضى لمثل هيج امور بسبب الحالة النفسية والامراض النفسية او الصدمات او الضغط يفقدهم حاسة الشعور بالالم وتستغرق وقت قصير بعض الاحيان تكون ساعات واقصاها يومين بس اكيد الكلشي سبب

رمح :- دكتور ، اذا الشخص يعاني من اضطرابات نفسية واكتئاب وصدمات يعني تقريبا قبل كم سنه استمر على هالحالة احتمالية حدوث هيچ امور حتى لو مرت سنين

الدكتور :- صحيح ، زين بابا .. شعور العواطف والحب شلونهم يشتغلن عندج .. ضحك ورفع راسو النا

ريام :- اي دكتور بس ..
رفعت راسي الرمح دحك بيا بقلق :- بس ابني من اشيلو ارجف اضطر اخلي يم بيبيته ومرات هو بحضني واني اغفي مااحس اذا يكعد نفس الامهات واذا يبجي مرات مااهتم يعني مدااعرف اوصلك الفكرة بس .. دنكت واطكطك  ب ايدي لزم ايدي رمح يهديني..

الدكتور :- بابا ، انتِ متعرضه الضربات على الرأس ؟ او متعرضه الصدمات قويه ؟

دنكت راسي :- اي

الدكتور حجه ويه رمح :- عرضتها على اطباء نفسيين ؟ اذا اتحب اكتبلك تقارير بس تعرضها عليهم وشوف شنو الوضع

رمح :- دكتور انه حاليا طبيبها النفسي علاجها يمي
الدكتور :- انتَ طبيب
رمح مد ايدو ب احترام :- وياك قائد عمليات ***
مد ايدو الدكتور ويضحك بوجهو :- تشرفنا سيدي لكن متأكد انتَ تعرفلها ؟ ترا الموضوع جداً خطر اذا وصل مرحلة CIP ممكن يعرضها للوفاة اذا تفاقم الموضوع

دحك بيا رمح وكال :- عالجت ٣ امراض نفسيه اصابتها ودخلت دورة علم النفس لمدة ستة اشهر علمود اعالجها بس لا زالت بقى القليل بس هذا الشي خوفني دكتور وياريت توضحلي وتفهمني اكثر ومحلوله .. بسيطة ان شاءالله

الدكتور :- شنو عدها من امراض والي تم معالجتها ؟
رمح :- اضطراب الصدمة (Posttraumatic stress disorder - PTSD)
الدكتور :- تكدر تحجيلي عن حالتها والاعراض الي حست بيها احتمال السبب منه استريح استريح
رمح سحب الكرسي وكعد وكعدت بصفو والدكتور كبالنا
رمح :- الاعراض جانت قويه والله يادكتور منها استرجاع الحدث بشكل متكرر
ذكريات الماضي الي جانت تحس بيها وكأن الحدث يتكرر
كوابيس متكررة تخص الصدمات الي تعرضت الها
عدم الراحة النفسية أو الجسدية  .. الصراحة جداً تعبت مرات الكاها جنت بالحمام تبجي خنگ .. مرات ..

دحك بيا :- مرات تهلوس بالليل .. وتحجي بهالامور الي تعرضت الها ..
الدكتور :- شنو هالصدمات القوية الي تعرضت الها حتى الهالدرجة واصله مرحلة ..
وجهلي السؤال ودنكت .. جاوب رمح :- واجهت داعش بمثابة الف رجال ...

دحكت بيه بسرعه عصر ايدي وكلبي ينبض بقوه دحك بينا الدكتور وكال :- والله وكفو
زين وبعد .. وجهلي الكلام :- عندج هاي الاعراض

صعوبة في التركيز.
استجابة مبالغ فيها للأحداث المروعة.
الشعور بالتوتر أو القلق.
شعور دائم بالحذر.
التهيج.
نوبات من الغضب.
عدم القدرة على النوم أو الاستمرار بالنوم

-  اي ولا زلت
- تمام بنتي فهمت..
رمح :- دكتور يعني قصدك لا زالت مريضة بهذا المرض ؟
هز راسو بالموافقة ، دحكت رمح ذب نفس قوي ودحك بيا بحيرة
رجع كال الدكتور :- المرض الثاني ؟
رمح :- الوسواس القهري - Obsessive compulsive disorder مدمرها جان
الدكتور :- راح ؟
رمح :- تقريبا تعرف الامراض النفسية ماتروح بهالسرعه ..
هز راسو ورجع كال بخوف :- بيها  مجال تتعالج ويروح نهائياً ؟
الدكتور :- ان شاءالله خير .. نكول ان شاءالله ..

كتب بالورقه وانطاها الرمح رمح وجهو ضل ينطي الوان طلعنا وهو لازم ايدي حيل حتى للصيدلية فوتني وياه وهو ميقبل ابد بس هجي بقى لازم ايدي قوي اخذ العلاج وطلعنا لقى كاعد بالسيارة وعيونو ع الورقة

- رمح شكو شبيك
- ماكو شي
دحك الوقت :- راح اجرب اخابرله .. اتصل مرة مرتين فتح الخط وكعد يحجي انكليزي واني ممفتهمه شي وطلع بينا يسوق ويحجي لحد ما ويييين يالله سد الخط وطبگ ع مطعم جاب اكل ورجع صعد وهوساكت

- رمح شنو كال الدكتور والورقة شنوبيها
- ماكو شي باباتي لاتخافين
شغل اغاني وراد يطلع جكارتين سوه دحك بيا ورجع وحده وايدو يريد يخلي الجكارة بحلكو ميكدر :- رمح شبيك ؟ بس فهمني
ورث الجكارة وطلع ايدو من الجامه كضب ايدي وباسها
- اصيرلج قوة ومُحمد .. بس عينيني .. والله ثم والله بس تتعالجين اترس البيت جهال ..

- ياااا شكو
- ان شاءالله خير ام فهد .. ان شاءالله خير حبيبتي ..

- ياع ماحب حبيبتي احب حبيبي

- هههههههه اخ الله اعض لسانك .. سويلج لفه
- مااشتهي ناكل سويه هناك
- براحتج ..
لحد ما وصلنا انتهيت من التعب ونعسانه ..
رمح فتح اللابتوب وفتح كاميرا والي هاي السماعات وكعد يحجي وبصفو كل تقاريري الي سويتها ،
كعدت بصفو وورقة الدكتور موجودة اخذتها وصورتها بالمترجم بدون ميدري رمح
وكات الدكتور الكلام بالانكليزي
كتبتو واني ممرضه افهم الكتابة ، بس مااعرف هاي الامراض مماخذيها
طلعتلي الترجمه (الفصام البارانوى) (الاكتئاب السوداوي) ( اضطرابات القلق ) ( الوسواس القهري ) (الاضطراب ثنائي القطب) ( الوسواس القهري ) ...

مااحس غير رمح جر الورقه مني وخزرني ابتسمت :- لتخاف
يولو
قابل اول مرة  ، خلي اشوف فهد

ردت اكوم سحبني من ايدي :- عوفي بابا مشتاقلج انا ..
- اشتاقيتلو والله وهسَۿ خاله تتعب وحدها تعبت اليوم بالعزيمه يولو

يحبني الو وباسني وهمس :- عوفيه ..
- رمح .
- اششششششش
عضني بركبتي بالجهه اليمنى وهمس بكل حنية :- حسيتي .. حسيتي بيها

بعدتو وهمست :- اي ..اي حسيت
رجع قرب راسو وعضني بالجهه الثانيه وهمس وهو دافن راسو بركبتي : حسيتي
- بشنو ؟
هدأ وسكت واني ايدي ع صدرو واحس صدرو يصعد وينزل حيل
- ميخالف ... ميخالف ..

رفعني وشالني وخلاني بالفراش وغطاني وضل يلعب بشعري ويقرالي قصة مثل كل مرة  حجيت بهدوء
- اريد اشوف فهد
- عوفيه حبيبتي .. عوفي شويه خليني اشبع منج
- ياااا ابنا ابنا شلون بله
- عووووفييييه .... مد ايدو ع شفتي ويمسح بشفايفي ويهمس :- احبهن اعطش وهن يروَني .. 

غفيت بدون مااحس ع نفسي ، كعدت يوم ثاني وركضت  جوه بسرعه الغرفة خالتي شفت فهد نايم بفراشو
رحت بوستو ورتبت غطاه
وطلعت شفت خالتي ورمح  بالمطبخ فتت للحمام غسلت وبطلعتي رمح :- ان شاءالله تصير زينه بس بالدوام من اروح عينج عليها

اعرفو على طول يوصي فـ ماهتميت هلكد
صعدت فوك وكملت نومتي  ، كوابيس داعش ذبح دم رجع كلشي كلشي رجع صريخ حجي براسي لحد ما عيطت وشفت نفسي بحضن رمح وهو يمسد على راسي بـ :- اشششش اهدأي .. اهدأي ..
بجيت .. :- رمح رجعنا .. رجعنا الهالنقطة
- ميخالف بسيطة بس اهدأي .. اشربي ماي هاچ ..
اخذ المي قرا عليه وانطانياه شربت وسحبني الحضنو :- اهدأي ..
حضنتو حيل :- وين فهد
- ريري
- همم
- لاتروحين الفهد هالفترة 
رفعت راسي الو :- شنو
لزمني من حنجي عيونو حمر :- حبيبتي .. لاتروحيله خلي يم امي هي تداريه هي وحنين
- ابني  هو ابني

غمض وهز راسو :- اصارحج ؟
- من اول يوم نحن سوه وعدنا نفسنا حتى لو شي يأذيها نصارح بي ونحلو
هز راسو :- خابرت دكتور بريطاني البارحة وحجيتله عن وضعج وصورتله التقارير
- اي
ذب نفس وغمض عيونو :-لاتخافين ماكو شي
- رمح احجي بداعت حبنا
حضن راسي قوي وباسو واني راسو على صدرو الحار واحس اسمع دكات كلبو حجه بصوت بي تعب
:- قل لن يصيبنا إلا ما كتب الله لنا ..يمچ انه يمج .........

للحكاية بقية ..

وردة الشيخ محمد ( السند ؟؟؟♥️)