#منقذي_سبايا_داعش
٢٣________٢٤
حلقه ٢٣
ﻛﻠﺸﻲ ﻣِﻨّﻚ
ﻋﻴﻮﻧﻲ ﻣِﻦ ﻣﺎ ﺗﻐﻔﺔ ﻣِﻨّﻚ
ﺍﻟﻠﻴﻞ ﻣِﻦ ﻣﺎ ﻳﮕﻀﻲ ﻣِﻨّﻚ
ﻣِﻦ ﺃﺗﻴّﻪ ﺑِـ ﺷﺎﺭﻉ ﻭﻣﺎ ﺃَﺩﺭﻱ ﺍﻟَﻤﻦ
ﻫﺎﻱ ﻣِﻨّﻚ ،
ﻣِﻦ ﻳﺼﻴﺤﻮﻧﻲ ﺍﻟﺒﮕُﺮﺑﻲ
ﻭﻣﺎ ﺃﺭﺩّ ﻟـ ﺃﺻﻮﺍﺗﻬُﻢ
ﻫَﺎﻟﺼﻔﻨّﺔ ﻣِﻨّﻚ
ﻛﻠﺸﻲ ﻣِﻨّﻚ ..
ﻣﺮﺕ ﺳﻨﻪ ﺗﻘﺮﻳﺒﺎً ﻭﺳﻤﻌﺖ ﻭﺷﻔﺖ ﺣﺠﻲ ﻳﺴﻢ ﺍﻟﺒﺪﻥ ﺑﺲ ﺷﺤﺠﻲ ؟؟
ﻣﻤﻜﻦ ﻟﻮ ﺍﻱ ﺍﺣﺪ ﺑﺪﺍﻟﻬﻢ ﻫﻢ ﺭﺍﺡ ﻳﻈﻦ ﻧﻔﺴﻬﻢ ﺍﻱ ﺟﺎﻧﺖ ﻳﻢ ﺩﺍﻋﺶ ﻣﻌﻘﻮﻟﻪ ﻣﺎﺳﺴﻮﻟﻬﻪ ﺷﻲ ؟؟
ﺳﻨﻪ ﺍﻟﻪ ﺷﻮﻱ ﻣﺎﻟﺰﻣﻮ ﻣﻨﻬﺎ ﺷﻲ ؟؟
ﺟﻨﺖ ﺍﺳﻤﻊ ﻫﻮﺍﻱ ﻭﺍﺳﻜﺖ ﻭﺍﺭﻭﺡ ﺍﻟﻐﺮ ﻓﺘﻲ ﺍﻧﺤﺐ ﻭﺍﺑﺠﻲ ﻟﺤﺪ ﻣﺎﺍﺩﻭﺥ ﻭﺍﻧﺎﻡ
.. ﻭﻣﻦ ﻳﻮﻡ ﺍﻟﺮﺟﻌﺖ ﺍﻟﺒﻴﺘﻨﺎ ﺗﺬﻛﺮﺕ ﺍﻻﻣﻲ ﻋﻠﻤﺘﻨﻲ ﻋﻠﻴﻬﻦ -:
ﻋﻴﺐ .. ﺳﻮﺍﻟﻒ ﻣﺘﺰﻭﺟﺎﺕ ﻃﻠﻌﻲ ﺑﺮﺍ ... ﻭﺗﻐﻠﻂ ﻋﻠﻴﻪ ﻭﺗﻄﺮﺩﻧﻲ ...
ﺣﺘﻰ ﻭﺍﻧﻲ ﺟﺒﻴﺮﻩ ﺟﺎﻧﺖ ﺗﻤﻨﻌﻨﻲ ﻣﻦ ﺍﻧﻮ ﺍﻋﺮﻑ ﻫﺎﻻﻣﻮﺭ
ﻻﻥ ﺭﺑﺘﻨﻲ ﻋﻠﻰ ﺟﻴﻠﻬﺎ
ﻭﻋﺎﺋﻠﺘﻲ ﺭﻏﻢ ﺍﻧﻲ ﻣﺎﺍﻟﺒﺲ ﺣﺠﺎﺏ ﺑﺲ ﺟﺎﻧﺖ ﻣﺸﺪﺩﻩ ﺍﻻﺑﻌﺪ ﺣﺪ
ﻛﻠﺸﻲ ﺣﺮﺍﻡ ..
ﻛﻠﺸﻲ ﺟﺎﻥ ﻋﻴﺐ ﻭﻛﻠﺸﻲ ﺟﺎﻥ ﺍﻟﻤﻔﺮﻭﺽ ﻣﺎﺍﺳﻤﻌﻪ ﺑﺲ ﻟﻮ ﻣﺎﺻﺪﻳﻘﺎﺗﻲ ﺑﺎﻟﻤﺪﺭﺳﻪ ﻣﺎﺟﺎﻥ ﻋﺮﻓﺖ ﺍﻧﻮ ﺍﻛﻮ ﺷﻲ ﺑﺎﻻﺑﻨﻴﻪ ﻻﺯﻡ ﺗﺤﺎﻓﻆ ﻋﻠﻴﻪ
ﺣﺘﻪ ﺍﻟﺸﻬﺮﻳﻪ ﺗﻌﻠﻤﺘﻬﺎ ﻣﻦ ﺑﻨﺎﺕ ﺍﻟﻤﺪﺭﺳﻪ ﻻﻥ ﺍﻣﻲ ﻣﺎﺳﻮﻟﻔﺘﻠﻲ ﺍﻱ ﺷﻲ ﻋﻨﻬﺎ ...
ﻣﺎﺗﺠﺮﺃﺕ ﺍﺣﺠﻲ ﻭﺍﻛﻠﻬﺎ ﺍﻧﻮ ﺍﻧﻲ ﻣﺎﺑﻴﻪ ﺷﻲ ﻭﻣﺤﺪ ﻣﺲ ﺷﺮﻓﻲ
ﺧﻔﺖ ﺗﻜﻠﻲ ﻭﻳﻦ ﺗﻌﺮﻓﻴﻦ ﻫﺎﻟﺴﻮﺍﻟﻒ ؟؟ ﻭﻭﻣﻨﻮ ﻋﻠﻤﺞ
ﻣﻤﻜﻦ ﺗﺴﺘﻐﺮﺑﻮﻥ ﺑﺲ ﺟﺎﻥ ﻛﻠﺶ ﺻﻌﺐ ﺑﺎﻟﻨﺴﺒﻪ ﺍﻟﻲ ﻭﻫﻲ ﻣﺎﺣﺠﺖ ﻭﻳﺎﻱ ﺧﻮﻓﺎً ﻋﻠﻴﻪ ﺍﻧﻮ ﺗﺮﺟﻊ ﺍﻟﺬﻛﺮﻳﺎﺕ ﻭﺍﻻﻻﻡ ﺍﻟﻲ
ﺑﺲ ﻣﺎﺗﺪﺭﻱ ﻭﻻ ﻟﺤﻈﻪ ﻧﺴﻴﺖ ﺷﻲ ﻭﺣﺎﻓﻈﻪ ﻛﻞ ﺧﻄﻮﻩ ﻣﺸﻴﺘﻬﺎ ﻭﺍﻧﻲ ﺑﺎﻻﺳﺮ ﻭﻣﺎﻏﺎﺑﺖ ﻋﻨﻲ ﻭﻋﻦ ﺗﻔﻜﻴﺮﻱ ﻟﺤﻈﻪ
ﺑﻬﺎﻟﻤﺪﻩ ﺍﻣﻲ ﺍﺷﺘﺮﺗﻠﻲ ﺯﻳﻮﺕ ﻟﻠﺸﻌﺮ ﻭﺿﻠﺖ ﻛﻞ ﻳﻮﻡ ﺗﺪﻫﻦ ﺷﻌﺮﻱ ﻭﻓﺮﺣﺎﻧﻪ ﺑﺸﻌﺮﻱ ﺑﺪﻩ ﻳﻄﻠﻊ ﻭﺻﺎﺭ ﺷﻌﺮ ﻭﻻﺩﻱ ﻭﺣﺒﻴﺖ ﺷﻜﻠﻪ
ﺟﻨﺖ ﺍﺗﻤﻨﻰ ﻛﻌﺪﺗﻲ ﻭﻳﻪ ﺭﻣﺢ ﺗﻄﻮﻝ ﺍﻛﺜﺮ ﺣﺘﻪ ﺍﻓﻬﻢ ﻫﻮﺍﻱ ﺍﻣﻮﺭ ﻣﻨﻪ
ﻟﻴﺶ ﺳﻮﻩ ﻛﻞ ﻫﺬﺍ ﻭﻟﻴﺶ ﺭﺍﺩ ﻳﻌﺘﺪﻱ ﻋﻠﻴﻪ ﻭﺍﻧﻲ ﺟﻨﺖ ﻋﻨﺪﻩ ﺍﻣﺎﻧﻪ ﻭﺍﻟﻲ ﺍﻟﻤﻔﺮﻭﺽ ﻳﺤﺎﻓﻆ ﻋﻠﻴﻪ ..
ﻳﻌﻨﻲ ﻟﻮ ﻣﺎﺣﺮﺏ ﺟﺎﻥ ﺍﻏﺘﺼﺒﻨﻲ ﻫﻮ .. ﻣﻮ ﺩﺍﻋﺶ !!
ﻭﻟﻴﺶ ﻣﻦ ﺍﺻﻔﻦ ﺑﻌﻴﻮﻧﻪ ﺍﺭﻭﺡ ﺑﺒﺤﺮ ﻋﻤﻴﻖ ﻣﻦ ﺍﻟﺤﻨﻴﻪ ﻭﺍﻟﻐﻴﺮﻩ ﻭﺍﻟﺸﻬﺎﻣﺔ ﺍﻟﻲ ﺷﺎﻳﻠﻬﺎ ؟
ﻫﻮﺍﻱ ﺣﺠﻲ ﻭﻫﻮﺍﻱ ﻙﻻﻡ ﻣﺮﻩ ﺍﺣﻦ ﻭﻣﺮﻩ ﺍﺣﻘﺪ ﻭﺍﺛﻨﻴﻨﻬﻦ ﻳﻮﺟﻌﻦ ﻛﻠﺒﻲ
ﻙﻻﺩﺗﻪ ﺳﺤﺮﺗﻨﻲ ﻭﺧﻠﺘﻨﻲ ﺍﻛﺜﺮ ﺍﺗﻌﻠﻖ ﺑﻲ
ﺍﻣﺎ ﺣﺮﺏ ﻓﻜﺎﻥ ﻣﺠﺮﺩ ﺍﻋﺠﺎﺏ ﺣﺎﻟﻲ ﺣﺎﻝ ﺍﻱ ﺑﻨﻴﻪ ﺗﺸﻮﻑ ﺷﺎﺏ ﺣﻠﻮ ﻭﺗﻨﻌﺠﺐ ﺑﺸﻜﻠﻪ
ﻣﻮ ﺑﻌﺪ ﺷﺎﺏ ﻳﻨﻀﺮﺏ ﺑﻲ ﺍﻟﻤﺜﺎﻝ ﺑﺎﻟﺮﺟﻮﻟﻪ ﻭﺍﻟﻐﻴﺮﻩ ﺷﺎﺏ ﺷﺎﻟﻨﻪ ﺑﺮﻣﺶ ﻋﻴﻨﻪ ﻭﺿﺤﻰ ﺑﺤﻴﺎﺗﻪ ﻋﻠﻤﻮﺩﻧﺎ !!
ﻫﻮﺍﻱ ﺍﻧﻌﺠﺒﺖ ﺑﺤﺮﺏ ﻣﻮ ﺣﺐ ﺑﺲ ﺍﻋﺠﺎﺏ ﺑﻬﻴﺌﺘﻪ ﻭﺍﻟﺪﻡ ﺍﻟﻲ ﺷﺎﻳﻠﻪ ..
ﺟﻨﺖ ﺍﺗﺎﺑﻊ ﻛﻞ ﺍﺧﺒﺎﺭ ﺍﻟﻤﻮﺻﻞ ﻭﺍﺧﺒﺎﺭ ﺩﺍﻋﺶ ﺍﻭﻝ ﺑﺄﻭﻝ ﻭﺟﺎﻥ ﺑﺮﻧﺎﻣﺞ ﻳﻄﻠﻊ ﺑﺎﻟﺘﻠﻔﺰﻳﻮﻥ ﻛﻞ ﺧﻤﻴﺲ
ﺍﺑﻘﻪ ﻣﻜﺎﺑﻠﺘﻪ ﻭﻛﺎﻋﺪﻩ ﻭﻣﺮﻩ ﻣﻦ ﺍﻟﻤﺮﺍﺕ ﻛﺎﻋﺪﻩ ﺍﺑﺎﻭﻉ ﻭﻃﻠﻌﻮ ﺍﻉﻻﻥ ﺍﻟﺤﻠﻘﻪ ﺍﻟﻘﺎﺩﻣﻪ
ﻭﺍﺷﻮﻭﻭﻓﻪ ﻓﺰﺯﺯﻳﺖ ﻭﻋﻀﺎﻱ ﺗﺮﺟﻒ ﺭﺟﻌﺖ ﺑﻴﻪ ﻛﻞ
ﺫﻛﺮﻩ ﻭﻛﻞ ﺩﻣﻌﻪ ﻭﻛﻞ ﻣﻨﻈﺮ ﺷﻔﺘﻪ
ﺗﺬﻛﺮﺕ ﻣﻦ ﺩﻓﻊ ﻫﺎﺟﺮ ﺗﺬﻛﺮﺕ ﻣﻦ ﻋﺮﺿﻨﻲ ﻟﻠﺒﻴﻊ ﺗﺬﻛﺮﺕ ﻣﻦ ﺳﺤﻚ ﻋﻠﻰ ﺭﺍﺳﻲ ﺑﺎﻟﺒﺴﻄﺎﻝ
ﺗﺬﻛﺮﺕ ﻗﺬﺍﺭﺗﻪ ﺗﺬﻛﺮﺕ ﻛﻠﺸﻲ ﻭﻣﺮ ﻣﺜﻞ ﺍﻟﺸﺮﻳﻂ ﺑﺮﺍﺳﻲ ﺻﺤﺖ
ﻳﻤﻤﻤﻪ ﻭﻳﻴﻴﻴﻨﺞ ﻳﺎﺍﺍﺑﻪ
ﺻﺤﺖ ﺍﺟﻮ ﺧﺎﻳﻔﻴﻦ ﻉ ﺻﻮﺗﻲ ﺍﻟﻴﺮﺟﻒ ﻭﺍﻳﺪﻱ ﻭﺟﺴﻤﻲ ﻳﺮﺟﻒ ﻭﺍﺑﺎﻭﻋﻠﻪ ﻧﻔﺲ ﺍﻟﻌﻴﻮﻥ ﺍﻟﺤﻘﻴﺮﻩ ﻧﻔﺲ ﻗﺬﺍﺭﺓ ﺍﻟﻮﺟﻪ ﻧﻔﺲ ﺍﻟﺨﻠﻘﻪ ﻧﻔﺲ ﺍﻟﺼﻮﺕ
ﻳﻤﻪ ﻫﺬﺍ ﺍﻟﺠﻠﺐ ﺍﻋﺮﻓﻪ ﻳﻤﻪ ﻫﺬﺍ ﺍﻟﺠﻠﺐ ﻫﺬﺍﺍﺍﺍﺍﺍ ﺍﻋﺮﺭﺭﺭﻓﻪ ﻫﺬﺍﺍﺍﺍ ﻫﻮﻭﻭ ﻳﻤﻪ
ﺍﺧﻮﻱ ﺭﻛﺾ ﻭﻃﻔﻪ ﺍﻟﺘﻠﻔﺰﻳﻮﻥ ﻛﻌﺪﺕ ﺑﺎﻟﻜﺎﻉ ﻭﺍﺑﺠﻲ ﺑﺼﻮﺕ ﻋﺎﻟﻲ
ﻳﻤﻤﻤﻪ ﻧﻔﺴﺴﺴﺴﻪ ﻟﻴﺶ ﻣﺎﻣﺎﺍﺍﺍﺕ ﻟﻴﺶ ﻣﺎﻓﻄﻄﻄﺴﺴﺴﺲ ﺷﻠﻮﻥ ﻋﺎﻳﺸﻴﻴﻦ ﺣﻴﺎﺍﺍﺗﻬﻢ ﺍﻧﻲ ﺩﺍﺍﺍﻣﻮﺗﺖ ﻳﻮﻭﻭﻭﻡ ﻛﺘﻠﻮﻭ ﻛﻠﺸﻲ ﺑﻴﻪ ﻛﻠﺸﻲ ﻛﺘﻠﻮ ﺑﻴﻪ
ﺍﻣﻲ ﺷﺒﻜﺘﻨﻲ ﻭﺗﺒﺠﻲ ﻭﻳﺎﻱ ﻭﺗﻤﺴﺢ ﺑﺮﺍﺳﻲ
ﻳﻤﻤﻪ ﺍﺧﺬﻭ ﻛﻠﺸﻴﻴﻲ ﻣﻨﻴﻴﻴﻴﻲ ﻳﻮﻭﻭﻭﻭﻡ ﻣﺎﺑﻘﻮﻟﻲ ﻓﺮﺭﺣﻪ
ﻣﺎﺣﺴﻴﺖ ﻏﻴﺮ ﺩﻓﻌﺘﻨﻲ ﻣﻦ ﺣﻀﻨﻬﺎ
ﺷﻨﻮﻭﻭ ﺷﺪﺗﺤﺠﻴﻦ ﺷﻜﻠﺘﻲ ﺭﻳﺎﻡ ؟؟؟؟؟؟
ﻣﺴﺤﺖ ﺩﻣﻮﻋﻲ ﻭﺍﺭﺟﻒ ﻣﺘﻔﺎﺟﺎﻩ ﻣﻦ ﺭﺩﺓ ﻓﻌﻠﻬﺎ
ﻟﺰﻣﺘﻨﻲ ﻣﻦ ﺯﻧﺪﻱ ﻭﺍﺧﻮﻱ ﺻﺎﺡ ﺑﻴﻬﺎ
ﺷﺒﻴﺞ ﻳﻤﻪ
ﻫﺎﻱ ﺍﺧﺘﻚ ﺩﺗﻜﻮﻝ ﺍﺧﺬﻭ ﻛﻠﺸﻲ ﻣﻨﻲ
ﺑﺎﻭﻋﺘﻠﻬﺎ ﺧﺎﺯﺭﺗﻨﻲ ﺭﺟﻔﺖ ﺑﺎﻟﺰﺍﻳﺪ ﻭﺍﻧﺮﺑﻂ ﻟﺴﺎﻧﻲ
ﻳﻌﻨﻲ ﺷﻨﻮ ﺷﺒﻴﺞ ﻳﻮﻡ ﻋﻮﻓﻴﻬﺎ ﻣﺘﺸﻮﻓﻴﻦ ﺣﺎﻟﺘﻬﺎ
ﺍﺑﻮﻙ ﻭﻳﻦ
ﻃﺎﻟﻊ ﻫﺎﻱ ﺷﺒﻴﺠﺠﺞ
ﺗﻌﺎﻟﻲ ﻭﻳﺎﻱ
ﺳﺤﺒﺘﻨﻲ ﺍﻣﻲ ﻭﺗﺠﺮ ﺑﻴﻪ ﻣﺎﺍﻛﺪﺭ ﺣﺘﻪ ﺍﻣﺸﻲ ﻭﻛﻌﺖ ﺑﺎﻟﻜﺎﻉ ﺑﺎﺩﺕ ﺭﻭﺣﻲ
ﻟﺞ ﻛﻮﻭﻭﻭﻣﻲ ﻫﺴﻪ ﺗﺤﺠﻴﻠﻲ ﻛﻠﺸﻲ ﺷﺎﻳﻔﻪ ﻟﻮ ﺑﻴﺞ ﺷﻲ ﻭﺍﺧﻮﺝ ﻋﺮﻑ ﻳﺬﺑﺤﻮﻭﻭﻧﺞ
ﻳﻤﻪ ... ﻳﻤﻪ ﺷﺒﻴﻴﺞ
ﺑﺴﺴﺲ ﺳﺪﻱ ﺣﻠﻜﺞ ﻭﻫﺴﻪ ﻫﻨﺎ ﺗﺤﺠﻴﻠﻲ ﻛﻠﺸﻲ
ﺳﺤﺒﺘﻨﻲ ﻣﻦ ﺍﻳﺪﻱ ﻭﺩﻓﻌﺘﻨﻲ ﻟﻠﻐﺮﻓﻪ ﺩﻓﻊ ﻋﺒﺎﻟﻚ ﻣﺴﻮﻳﻪ ﺟﺮﻳﻤﻪ ﻭﻛﺎﻟﺖ -:
ﺭﻳﺎﻡ ﺑﺎﻋﻴﻠﻲ ﺍﺣﺠﻴﻠﻲ ﻛﻠﺸﻲ ﻻ ﻭﺍﻟﻘﺮﺍﻥ ﺍﺩﻓﻨﺞ ﻫﻨﺎ
ﺷﺤﺠﻴﻴﻲ
ﺻﻮﺗﺠﺠﺠﺠﺞ
ﺳﻜﺘﺖ ﺑﺎﻭﻋﺘﻠﻬﺎ ﻭﺩﻣﻮﻋﻲ ﺗﺠﺮﻱ ﻛﻌﺪﺕ ﻭﺧﺮﻣﺸﺖ ﺧﺪﻭﺩﻫﺎ ﻭﻛﺎﻟﺖ -:
ﺃﺣﺪ ﻧﺎﻡ ﻭﻳﺎﺝ ؟ ﺳﻮﺍﻟﺞ ﺷﻲ ﺑﺎﺳﺞ ﻛﻠﻴﻠﻲ ﻟﻤﺴﺞ ﺷﺎﻑ ﺟﺴﻤﺞ ؟؟
ﺗﺬﻛﺮﺕ ﺭﻣﺢ ﻭﻓﻜﻴﺖ ﻋﻴﻨﻲ ﻋﻠﻰ ﻭﺳﻌﻬﺎ ﺍﻱ ﺭﻣﺢ ﺷﺎﻑ ﺟﺴﻤﻲ ﻭﺑﺎﺳﻨﻲ ﺑﺮﻛﺒﺘﻲ ﺍﻧﺘﻔﺾ ﺟﺴﻤﻲ ﻭﺻﺮﺕ ﺍﺭﺟﻒ ﺑﻘﻮﻩ ﻭﻟﺴﺎﻧﻲ ﺍﻧﺸﻞ ﺷﻨﻮ ﺍﺣﺠﻲ
ﻟﺠﺠﺞ ﺍﺣﺠﻴﻴﻴﻲ
ﺍﺟﻪ ﺍﺧﻮﻱ ﻭﺿﻞ ﻳﺪﻙ ﺍﻟﺒﺎﺏ ﻋﻠﻴﻨﻪ
ﻳﻤﻪ ﻟﺒﻨﻴﻪ ﻣﺮﻳﻀﻪ ﻭﺑﻌﺪﻫﺎ ﻧﻔﺴﻴﺘﻬﺎﺍﺍﺍﺍ
ﺳﻠﻴﻤﺎﻥ ﻋﻮﻓﻨﻴﻴﻲ ﻭﻳﺎﺍﺍﻫﺎﺍﺍ ﻗﺎﺑﻞ ﺭﺍﺡ ﺍﻛﺘﻠﻬﺎ ﻭﺍﻧﺘﻲ ﺍﻟﺦ ﻱﻻ ﺍﺣﺠﻲ ﺭﻳﺎﻡ ﺗﺮﺍ ﺣﻴﻞ ﻣﺎﺑﻘﻪ ﻋﻨﺪﻱ ﺍﺣﺠﻲ ﻭﻓﻀﻴﻬﺎ
ﺑﻘﻴﺖ ﺻﺎﻓﻨﻪ ﻭﺍﺗﺬﻛﺮﺕ ﺭﻣﺢ ﻋﺎﻃﺖ ﺑﻴﻪ
ﻟﺞ ﺍﺣﺠﻴﻴﻴﻲ ﻣﻮﺗﻴﻨﻲ
ﺍﺭﻳﺪ ﺍﻧﻄﻖ ﻣﺎﺑﻴﻪ
ﻛﺎﻣﺖ ﺟﺎﺑﺖ ﺍﻟﻘﺮﺁﻥ
ﺣﻠﻔﻲ ﻳﻼ ﻭﻫﺴﻪ ﺍﺧﺬﺝ ﻟﻠﺪﻛﺘﻮﺭﻩ ﺍﻓﺤﺼﺞ ﺣﻠﻔﻲ ﻱﻻ ﻣﺤﺪ ﻻﺯﻣﺠﺠﺞ
ﺑﻘﻴﺖ ﺍﺑﺎﻭﻉ ﻟﻠﻘﺮﺍﻥ ﺷﻠﻮﻥ ﺍﺣﻠﻒ ﺷﻠﻮﻥ ﺍﺟﺬﺏ ﺑﻠﻌﺖ ﻟﺴﺎﻧﻲ
ﺭﺟﻌﺖ ﺑﻨﻔﺴﻲ ﻟﻠﺰﺍﻭﻳﻪ ﺑﻘﻴﺖ ﺍﻣﻲ ﺗﻚ ﻭﺗﻠﻄﻢ ﻋﻠﻰ ﻭﺟﻬﻪ
ﻟﺰﺯﺯﺯﻣﻮﻭﻭﻭﺟﺞ ﺭﻳﺎﺍﺍﺍﺍﺍﻡ ؟؟؟؟؟ ﺳﻮﺩ ﺍﻟﻠﻪ ﻭﺟﻬﺠﺠﺞ ﺷﻠﻮﻭﻭﻭﻥ ﺑﺒﺒﻴﻪ ﻫﺴﺴﺴﻪ ﺷﻜﻮﻭﻭﻝ
ﺑﻘﻴﺖ ﺍﺑﺎﻭﻉ ﻟﻠﻜﺎﻉ ﻭﺩﻣﻮﻋﻲ ﺗﺠﺮﻱ ﺍﺭﺭﺭﻳﺪ ﺍﻧﻄﻖ ﺷﻲ ﻣﺎﺍﺍﻛﺪﺭ ﺍﺭﻳﺪ ﺍﻛﻠﻬﺎ ﻣﺤﺪ ﺍﻋﺘﺪﻯ ﻋﻠﻴﻪ ﻣﺎﻛﺪﺭﺭﺭﺕ ﻣﺎﻛﺪﺭﺭﺭﺕ
ﺗﺤﺠﻲ ﻭﻋﺎﺿﻪ ﺍﺻﺒﻌﻬﺎ ﺣﺘﻪ ﻻﻳﺴﻤﻊ ﺻﻮﺗﻬﺎ ﺍﺧﻮﻱ
ﺑﻌﺪﺩﺩ ﺍﻟﻤﻦ ﺍﺧﺬﺝ ﻟﻠﺪﻛﺘﻮﺭﻩ ﻣﺒﺒﺒﺒﻴﻨﻪ ﻣﻦ ﺧﻮﻭﻭﻓﺞ ﻣﻠﻌﻮﺏ ﺑﻴﺠﺠﺞ ﺗﺼﺨﻢ ﻭﺟﻬﻴﻴﻴﻲ ﺗﺼﺨﻤﻤﻤﺘﻲ ﻟﻮ ﻣﻤﻴﺘﻪ ﻭﻻ ﺭﺍﺟﻌﺘﻠﻲ ﻟﻮ ﻣﻴﺘﻪ ﻭﻻ ﺟﺎﻳﺒﺘﻠﻲ ﺍﻟﻌﺎﺍﺍﺍﺭ ﻣﻦ ﺍﻧﻌﻞ ﺍﺑﻮﺝ ﻻﺑﻮ ﺍﻟﺨﻠﻔﺞ ﻻﺑﻮ ﺍﻟﺴﺎﻋﻪ ﺍﻟﻠﻔﻴﺘﻲ ﺑﻴﻬﺎ ﻟﻠﺪﻧﻴﺎ
ﻟﺰﻣﺘﻨﻲ ﻣﻦ ﺯﻧﺪﻱ ﻗﻮﻱ ﺷﻬﻜﺖ
ﺗﺮﻭﺣﻴﻦ ﺗﻨﻄﻤﺮﻳﻦ ﺑﻐﺮﻓﺘﺞ ﻭﺻﻮﺗﺞ ﻣﺎﺳﻤﻌﻪ ﺭﺍﻳﺤﻪ ﺍﺩﻭﺭ ﺟﺪﻩ ﺗﻜﺸﻒ ﻋﻠﻴﺞ ﻻﺗﻄﻠﻌﻴﻠﻲ ﺣﺎﺑﻠﻪ ﻭﻃﺎﺭﺣﻪ ﻓﻬﻤﺘﻴﻴﻲ ﻱﻻﺍﺍﺍﺍ ﺍﻧﻜﺒﺮﻱ ﻓﻮﻙ ﺳﺎﻋﺔ ﺍﻟﺴﻮﺩﻩ
ﺍﺧﻮﻱ ﺻﻴﺢ ﺷﻮﻱ ﻭﺳﻜﺖ ﻻﻥ ﺟﺎﻥ ﺍﺑﻨﻪ ﻣﺮﻳﺾ ﻭﻣﺠﺒﻮﺭ ﻳﺎﺧﺬﻩ ﻟﻠﻄﺒﻴﺐ
ﺍﻣﻲ ﻟﺒﺴﺖ ﻋﺒﺎﻳﺘﻬﺎ ﻭﻟﺰﻣﺘﻨﻲ ﻣﻦ ﺍﻳﺪﻱ ﻃﻠﻌﺘﻨﻲ ﺳﺤﻞ ﻭﺷﻤﺮﺗﻨﻲ ﻉ ﺍﻟﺪﺭﺝ
ﻭﻟﻲ ﻓﻮﻙ ﻫﺴﻪ ﺟﺎﻳﺘﺞ
ﺟﺴﻤﻲ ﻛﻠﻪ ﻳﺮﺟﻒ ﺻﻌﺪﺕ ﻛﻮﻩ ﺍﺷﻴﻞ ﺭﺟﻠﻲ ﺍﻧﺘﻬﻴﺖ
ﻃﻠﻌﺖ ﻭﺳﺪﺕ ﺍﻟﺒﺎﺏ ﺑﻜﻞ ﻗﻮﺗﻬﺎ
ﺻﻌﺪﺕ ﻧﻔﺴﻲ ﻟﻠﺴﻄﺢ ﻛﻤﺖ ﺍﺩﻙ ﻭﺍﻟﻄﻢ ﻭﺍﺻﻴﺢ ﺑﻘﻬﺮ ﻭﺑﺼﻮﺕ ﻣﺎﻣﺴﻤﻮﻉ
ﺭﺑﻲ ﺗﻌﺒﺖ ﺍﺭﺣﻤﻨﻲ
ﺑﺠﻴﺖ ﺑﺠﻲ ﻟﺤﺪ ﻣﺎﻃﻠﻌﺖ ﺭﻭﺣﻲ ﻭﺑﻠﻌﻮﻣﻲ ﺗﺠﺮﺡ ﻭﻧﺸﻒ
ﺃﺟﺎﻧﻲ ﺻﻮﺗﻬﺎ ﻓﺰﺯﻧﻲ
ﺭﻳﺎﺍﺍﺍﺍﺍﻣﻢ
ﺭﺟﻊ ﺟﺴﻤﻲ ﻳﺮﺟﻒ
ﺍﺭﻳﺪ ﺍﻧﺰﻝ ﻗﺪﻣﺖ ﺭﺟﻞ ﻭﺭﺟﻌﺖ ﺭﺟﻞ ﺻﺮﺧﺖ
ﺭﻳﺎﺍﺍﺍﺍﻡ ﻫﺎﻱ ﻭﻳﻦ ﻭﻟﻴﺘﻴﻴﻴﻴﻲ
ﻓﺰﻳﺖ ﻉ ﺻﻮﺗﻬﺎ ﻧﺰﻟﺖ ﺭﻛﺾ
ﺳﻤﻌﺖ ﺑﺎﺏ ﺍﻟﺴﻄﺢ ﻭﺍﺑﺎﻭﻋﻠﻬﺎ ﻓﺎﻛﻪ ﻋﻴﻨﻬﺎ
ﻫﺎﻱ ﺷﺠﻨﺘﻲ ﺗﺴﻮﻳﻦ ﺑﺎﻟﺴﻄﺢ ؟؟؟؟؟
ﺷﻨﻮﻭ
ﻭﻋﻴﻮﻧﺞ ﻭﺍﺭﻣﻪ ﺷﺠﻨﺘﻲ ﺗﺴﻮﻳﻦ ﺭﻳﺎﺍﺍﺍﻡ ؟؟؟؟؟ ﻭﻳﺎﻣﻦ ﺟﺎﻱ ﺗﺤﺠﻴﻦ ﺟﻨﺘﻲ
ﺍﻧﺼﺪﻣﺖ ﻣﻦ ﺍﻣﻲ ﻫﻠﻜﺪ ﻣﺎﺗﺜﻖ ﺑﻴﻪ ﻟﻮ ﻣﻦ ﻛﺪ ﻣﺎﺳﻤﻌﺖ ﺣﺠﻲ
ﺷﻨﻮ ﺟﺎﻱ ﺗﺤﺠﻴﻦ ﻣﺎﻣﺎ ؟؟؟ !!!!! ﻫﻠﻜﺪ ﻣﺎﻋﻨﺪﺝ ﺛﻘﻪ
ﺿﺮﺑﺘﻨﻲ ﺭﺍﺷﺪﻱ ﺷﻬﻜﺖ ﻣﺼﺪﻭﻣﻪ
ﺳﻜﺘﺖ ﻭﺩﺍﺭﺕ ﻭﺟﻬﻪ ﺑﻌﺪﻧﻲ ﻉ ﺻﺪﻣﺘﻲ ﺩﺍﺭﺗﻠﻲ ﻭﺣﺠﺖ ﺑﺠﺪﻳﻪ
ﺭﻭﺣﻲ ﺑﺪﻟﻲ ﺩﺍﺍﺧﺬﺝ ﻟﻠﺠﺪﻩ ﺍﻡ ﺣﺴﻦ ﺗﺸﻮﻓﺞ ﺷﺮﻳﻔﻪ ﻟﻮ ﻻ
ﺑﺎﻭﻋﺘﻠﻬﺎ ﻛﻠﺒﻲ ﻳﺤﺠﻲ ﻋﻴﻮﻧﻲ ﺗﺤﺠﻲ ﻛﻠﺒﻲ ﻳﻨﺰﻑ ﻣﺠﺮﻭﺡ ﻳﺎﻋﺎﻟﻢ ﺷﺴﻮﻭﻭﻭﻳﺖ ﺷﺴﻮﻭﻭﻳﺖ ﺣﺘﻪ ﺍﺗﺤﻤﻞ ﻛﻞ ﻫﺬﺍ
ﻣﺎﻛﻮ ﻭﺍﺣﺪ ﻣﺎﺩﺍﺱ ﻉ ﻛﻠﺒﻲ ﺣﺘﻪ ﺍﻣﻲ ﺣﺘﻪ ﺧﻮﺍﺗﻲ
ﻫﺎﺟﺮ ﻭﻳﻨﺞ ﺷﻮﻓﻲ ﺷﺼﺎﺭ ﺑﺤﺎﻟﻲ
ﻫﺎﺟﺮ ﻟﻮ ﻣﻴﺘﻪ ﻭﻳﻪ ﺣﺮﺏ ﻭﻻ ﻫﺎﻱ ﻋﻴﺸﺘﻲ ﻉ ﺍﻗﻞ ﻣﺎﻳﺤﺴﻮﻥ ﺍﻧﻲ ﻋﺎﺭ ﻋﻠﻴﻬﻢ
ﻟﻮ ﻣﻴﺘﻪ ﻭﺣﺘﻪ ﻟﺤﻤﻪ ﻣﺎﺑﺎﻗﻴﻪ ﺑﻴﻪ ﻭﻻ ﻫﺴﻪ ﻳﻨﻬﺸﻮﻥ ﺑﻠﺤﻤﻲ
ﺻﺎﺣﺖ ﺑﻴﻪ
ﻱﻻﺍﺍﺍ ﻓﻀﻴﻬﺎ
ﺭﺣﺖ ﻟﻠﻐﺮﻓﻪ ﺍﺭﻳﺪ ﺍﻟﺰﻡ ﻡﻻﺑﺴﻲ ﺍﻟﺒﺴﻬﻢ ﻣﺎﺑﻴﻪ ﺍﺭﻳﺪ ﻋﻴﻮﻧﻲ ﺗﺴﻜﺖ ﻣﺎﻛﻮ
ﻓﺠﺄﻩ ﺍﺟﻪ ﺣﺮﺏ ﺑﺒﺎﻟﻲ ﺑﺲ ﺍﻧﺖ ﻭﻫﺎﺟﺮ ﻣﺎﺍﺫﻳﺘﻮﺗﻲ ﺻﺮﺗﻮ ﻟﻲ ﺣﻤﺎﻳﻪ ﻭﺳﻨﺪ ﺣﺘﻪ ﺍﻫﻠﻲ ﺩﺍﺳﻮ ﺑﻜﻠﺒﻲ
ﭑﺣﻨﻪ ﻣﺤﺘﺎﺟﻴﻦ
ﺑﺲ ﺍﻧﺸﻢ ﻋُﻄﺮﻛﻢ
ﻟﭑ ﺗﻮﺩﻭﻥ ﺍﻟﺮﺳﺎﻳﻞ
ﻭَﺩﻭ ﻗﻤﺼﺎﻥ ﺑﻈﺮﻓﻜﻢ ،
ﻟﺒﺴﺖ ﻭﻧﺰﻟﺖ ﻣﺴﺤﺖ ﻭﺟﻬﻲ ﻭﻧﺰﻟﺖ ﻭﺍﻧﻲ ﻭﺍﺛﻘﻪ ﻣﻦ ﻧﻔﺴﻲ ﻣﺎﺑﻴﻪ ﺷﻲ
ﻧﺰﻟﺖ ﻭﺍﺷﻮﻑ ﺍﻣﻲ ﻛﺎﻋﺪﻩ ﻭﺣﺎﻃﻪ ﺍﻳﺪﻫﺎ ﻋﻠﻰ ﺧﺪﻫﺎ ﻭﺩﻣﻮﻋﻬﺎ ﺗﺠﺮﻱ
ﺧﻨﻜﺘﻨﻲ ﺍﻟﻌﺒﺮﻩ ﻭﻏﺼﻴﺖ ﺑﻴﻬﺎ
ﺷﺎﻓﺘﻨﻲ ﺩﺍﺭﺕ ﻭﺟﻬﻪ ﻭﻛﺎﻣﺖ ﺍﺧﺬﺗﻨﻲ ﻭﻃﻮﻝ ﺍﻟﻄﺮﻳﻖ ﺍﻟﻢ ﺑﻜﻠﺒﻲ ﻣﺎﻳﻨﻮﺻﻒ
ﺻﻌﺐ ﻭﺍﺣﺪ ﻳﺸﻚ ﺑﺸﺮﻓﺞ ﻭﺳﺘﺮﺝ ﻭﻳﻄﻌﻦ ﺑﻴﺞ ﺏ ﺍﻏﻠﻰ ﻣﺎﻋﻨﺪﺝ
ﺗﺤﻤﻠﺖ ﺍﻟﻮﺟﻊ ﻭﺍﻟﻀﺮﺏ ﻭﺍﻟﻐﻠﻂ ﻭﺍﻟﻄﻌﻦ ﺗﺤﻤﻠﺖ ﻛﻠﺸﻲ ﻭﺍﺟﻬﺖ ﺍﻟﻤﻮﺕ ﻭﺧﺴﺮﺕ ﺍﻏﻠﻰ ﻧﺎﺱ ﺗﻌﺮﻓﺖ ﻋﻠﻴﻬﻢ ﺑﺤﻴﺎﺗﻲ ﻓﻲ ﺳﺒﻴﻞ ﺍﺣﺎﻓﻆ ﻉ ﻧﻔﺴﻲ
ﻭﺗﺎﻟﻲ !!
ﺗﺎﻟﻲ ﺍﻗﺮﺏ ﺍﻟﻨﺎﺱ ﺍﻟﻲ ﻳﻄﻌﻦ ﺑﻴﻪ .. ﺷﺮﻳﻔﻪ ﻟﻮ ﻣﻮ ﺷﺮﻳﻔﻪ !!
ﻣﺎﻓﻜﺮﺗﻮ ﺑﻴﻪ ؟
ﻣﺎﻓﻜﺮﺗﻮ ﺑﺎﻟﻮﺟﻊ ﺍﻟﻲ ﺷﻔﺘﻪ
ﻣﻦ ﻭﺻﻠﻨﺎ ﻧﺰﻟﻨﻪ ﺍﻟﺒﻴﺖ ﺷﻜﻠﻪ ﻋﺎﺩﻱ .. ﺭﺟﻠﻲ ﺛﻜﻴﻠﻪ ﻛﻮﻩ ﺍﺷﻴﻠﻬﺎ ﻭﻛﻠﺒﻲ ﺭﺟﻔﺘﻪ ﻗﻮﻳﻪ ﻟﺪﺭﺟﺔ ﺩﻛﺎﺕ ﻛﻠﺒﻲ ﺗﺪﻙ ﺑﺮﺍﺳﻲ
ﻃﻠﻌﻠﻨﺎ ﻭﻟﺪ ﺻﻐﻴﺮ
ﻫﺎ ﺣﻤﻮﺩﻱ ﻛﻮﻝ ﺍﻻﻣﻚ ﺍﺟﺖ ﺍﻡ ﺳﻠﻴﻤﺎﻥ
ﺭﺍﺣﻠﻬﺎ ﻳﺼﻴﺢ ﻭﺭﺟﻊ ﻳﺮﻛﺾ ﺩﺧﻠﻨﺎ
ﺍﺟﺖ ﻣﺮﻩ ﺟﺒﻴﺮﻩ ﺑﺎﻟﻌﻤﺮ ﻳﻄﻠﻊ ﻋﻤﺮﻫﺎ ﻓﻮﻙ ﺍﻝ 50 ﻭﺍﻛﺜﺮ
ﺑﺲ ﺣﺴﺐ ﻣﺎﺍﻋﺮﻑ ﺍﻧﻮ ﻫﻲ ﻣﻌﺮﻭﻓﻪ ﻛﻠﺶ ﺗﻮﻟﺪ ﻭﺗﻜﺸﻒ
ﻛﻠﺖ ﺑﻜﻠﺒﻲ ﻫﻲ ﺣﺘﻪ ﻋﻴﻮﻧﻬﺎ ﺭﺍﻳﺤﻪ ﺷﻠﻮﻥ ﺗﺸﻮﻓﻨﻲ ﻫﺎﻱ ﺑﺲ ﻻ ﺗﻮﺭﻃﻨﻲ ؟؟
ﺳﻠﻤﺖ ﻋﻠﻰ ﺍﻣﻲ ﻭﺳﻠﻤﺖ ﻋﻠﻴﻬﺎ ﺑﺴﺘﻬﺎ
ﺑﺎﻭﻋﺘﻠﻲ ﻫﺰﺕ ﺭﺍﺳﻬﺎ ﻭﻛﺎﻟﺖ
ﺗﻌﺎﻟﻲ ﻳﻮﻡ ﺗﻌﺎﻟﻲ ﺩﺍﺷﻮﻓﺞ
ﺧﻔﺖ ﻛﻠﺶ ﻃﻤﻨﺘﻨﻲ
ﻻﺗﺨﺎﻓﻴﻦ ﺍﻣﻲ ﻣﺎﻧﻄﻮﻝ ﺑﺲ ﺍﺷﻮﻓﺞ ﺣﺒﻴﺒﺘﻲ
ﺑﺎﻭﻋﺖ ﺍﻻﻣﻲ ﺗﻔﺮﻙ ﻭﺟﻬﻪ ﻭﺍﻳﺪﻫﺎ ﻭﺗﻨﺪﻋﻲ ﺑﻜﻠﺒﻬﺎ ..
ﻧﻤﺖ ﻉ ﺍﻟﺴﺮﻳﺮ ﻭﺳﻮﻳﺖ ﻣﺜﻞ ﻣﺎﻃﻠﺒﺖ ﻣﻨﻲ ﺑﺲ ﻣﺘﺖ ﺧﺠﻞ
ﺭﻓﻌﺖ ﺭﺍﺳﻬﺎ ﻓﺘﺤﺖ ﻋﻴﻨﻲ ﻭﻫﻲ ﺑﺎﻭﻋﺖ ﺍﻻﻣﻲ
ﻭﺍﻟﻠﻪ ﻳﺎﺍﻡ ﺳﻠﻤﺎﻥ ﻣﺎﺩﺭﻱ ﺷﻜﻠﺞ
ﺍﺣﺠﻲ ﺧﻴﻪ ﻓﺪﻭﻩ ﺍﺭﻭﺣﻠﺞ ﻋﻴﻨﻲ ﺑﺘﻲ ﺑﻴﻬﺎ ﺷﻲ
ﺧﻴﻪ ﺑﺘﺞ ﻣﻔﺘﻮﺣﻪ ﺍﺳﺘﻐﻔﺮﺍﻟﻠﻪ ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ
ﺷﻨﻮﻭﻭﻭﻭﻭ
ﺻﺮﺧﺖ ﻭﺍﻣﻲ ﺳﻤﻌﺖ ﻣﻨﺎ ﻭﻭﻛﻌﺖ ﻣﻦ ﻃﻮﻟﻬﺎ ﻣﻨﺎ
ﻭﺍﻟﻘﺮﺍﻥ ﺧﺎﻟﻪ ﻣﺤﺪ ﻻﺯﻣﻨﻲ ﻋﻠﻴﺞ ﺑﺪﺍﻋﺖ ﺍﻟﻨﺒﻲ ﺷﻮﻓﻴﻨﻲ ﻋﺪﻝ
ﻣﺎﻣﺎ ﺍﻫﺪﻱ .. ﻟﺞ ﻋﺒﻴﺮﺭﺭ ﺑﺴﺮﻋﻪ ﻣﻲ ﻭﺑﺎﺭﻓﺎﻥ
ﺻﺎﺣﺖ ﺍﻟﺠﻨﺘﻬﺎ ﻣﺎﺍﻋﺮﻑ ﺑﺘﻬﺎ ﻭﺍﻧﻲ ﺟﺴﻤﻲ ﻳﺮﺟﻒ ﺍﺧﺘﻨﻜﺖ ﻣﺎﺍﻛﺪﺭ ﺍﺗﻨﻔﺲ
ﺷﻨﻮ ﻭﺍﻟﻘﺮﺍﻥ ﻣﺤﺪ ﻣﺴﻮﻳﻠﻲ ﺷﻲ ﻭﺍﻟﻘﺮﺍﻥ ﻭﺩﺍﻋﺖ ﺍﻟﻨﺒﻲ ﻣﺤﻤﺪ ﻣﺤﺪ ﻣﺴﻮﻳﻠﻲ ﺷﻲ
ﺍﻣﻲ ﺿﻐﻄﻬﺎ ﻓﺪ ﻣﺮﻩ ﻭﺳﻜﺮﻫﺎ ﻋﻠﻚ
ﻭﺍﻟﻤﺮﻩ ﺍﺣﺘﺎﺭﺕ ﺑﻴﻬﺎ ﻧﺴﻴﺖ ﺍﻣﻲ ﻧﺴﻴﺖ ﻧﻔﺴﻲ ﻧﺴﻴﺖ ﺍﻧﻲ ﻭﻳﻦ ﻛﻞ ﺍﻟﺒﺎﻟﻲ
ﺣﺠﻴﻬﺎ
ﺭﻛﻀﺖ ﻉ ﺍﻟﻤﺮﻩ ﺍﺑﻮﺱ ﺏ ﺍﻳﺪﻫﺎ
ﺧﺎﻟﻪ ﺧﺎﻟﻪ ﻓﺪﻭﻩ ﺍﺭﻭﺣﻠﺞ ﺑﺎﻋﻲ ﻋﺪﻝ ﺍﻗﺴﻢ ﺑﺮﺏ ﺍﻟﻌﺰﻩ ﻣﺤﺪ ﺳﻮﺍﻟﻲ ﺷﻴﻴﻲ ﺍﺑﻮﺱ ﺍﻳﺪﺝ ﺧﺎﺍﺍﺍﺍﻟﻪ
ﺩﻓﻌﺖ ﺍﻳﺪﻱ ﻻﻥ ﻣﻠﺘﻬﻴﻪ ﺏ ﺍﻣﻲ ﺍﺑﺘﻌﺪﺕ ﻋﻨﻬﺎ ﺍﺑﺎﻭﻉ ﻭﺍﺫﻧﻲ ﻭﺷﺖ ﻛﻤﺖ ﺍﺩﻙ ﻋﻠﻰ ﻭﺟﻬﻲ ﻭﺍﻟﻄﻢ ﻭﺍﺻﻴﺢ
ﻟﻴﺶ ﻟﻴﺸﺸﺸﺶ ﻟﻴﺸﺸﺶ ﺭﺑﻲ ﻣﻮﺗﻨﻲ ﻣﻮﻭﻭﻭﺗﻨﻲ ﻣﺎﺑﺒﺒﻴﻪ ﺍﺗﺤﻤﻤﻤﻤﻞ ﺩﺧﻴﻠﻠﻠﻞ ﺍﺳﻤﻤﻤﻚ ﻣﻮﺗﺘﺘﻨﻲ
ﻟﺰﻣﺘﻨﻲ ﺑﻨﻴﻪ ﻭﺍﻧﻲ ﺍﺻﺮﺥ ﻭﺍﻋﻴﻂ ﺍﻧﺘﻬﻴﺖ ﻓﻘﺪﺕ
ﺍﻭﺧﺮﻫﺎ ﻭﺍﺩﻓﻌﻬﺎ ﺍﺟﻦ ﺍﻟﺘﻤﻦ
ﺷﺘﺤﺠﻮﻭﻭﻥ ﻭﺧﺮﺭﺭﻭ ﻋﻨﻴﻴﻴﻲ ﻭﺍﻟﻘﺮﺭﺭﺍﻥ ﻣﺤﺪ ﺳﻮﻭﻭﺍﻟﻲ ﺷﻴﻴﻴﻴﻴﻴﻲ ﻭﻭﻭﻭﺧﺮﻭﻭﻭﻭﻭ
ﺩﻓﻌﺘﻬﻢ ﻭﺭﻛﻀﺖ ﻟﻠﺸﺎﺭﻉ ﻣﺜﻞ ﺍﻟﻤﺨﺒﻠﻪ ﻭﺟﺎﻥ ﻣﺎﺣﺴﻴﺖ ﻏﻴﺮ ﺻﺮﺧﺔ ﺍﻻﺑﻨﻴﻪ
ﻭﻟﺠﺠﺠﺢ ﺳﻴﺎﺍﺍﺍﺍﺍﺍﺭﻩ
ﻫﻨﺎﺍﺍﺍﺍ ﻓﺮﺣﺘﺘﺖ ﻃﻜﺘﻨﻲ ﺍﻟﺴﻴﺎﺭﻩ ﻃﻴﺮﺗﻨﻲ ﺍﻧﻜﻠﺒﺖ ﻉ ﺍﻟﺴﻴﺎﺭﻩ ﺣﺴﻴﺖ ﺑﺎﻟﻀﺮﺑﻪ ﺍﻧﻀﺮﺏ ﺭﺍﺳﻲ ﺍﻧﺸﻤﺮﺕ ﺑﺎﻟﻜﺎﻉ ﺑﻘﻮﻩ ....
ﺿﺤﻜﺖ ﻭﺍﺧﺮ ﺷﻲ ﻛﻠﺘﻪ ...
ﺍﻟﺤﻤﺪﻟﻠﻪ
ﻭﻏﻤﻀﺖ ﻋﻴﻨﻲ .....
ﻟﻠﺤﻜﺎﻳﻪ ﺑﻘﺎﻳﻪ
ﻭﺭﺩﻩ ﺍﻟﺸﻴﺦ ﻣﺤﻤﺪ
حلقه ٢٤
ﻣﺪﺭﻱ ﻭﻳﻦ؟
ﻭﻣﺪﺭﻱ ﻟﻴﺶ؟
ﺑﻴﻦ ﺍﻣﻮﺕ
ﺑﻴﻦ ﺍﻋﻴﺶ !
ﺷﺎﻳﻞ ﺟﻨﺎﺣﻲ ﺍﺭﺩ ﺍﺑﻴﻌﻪ
ﻭﻃﻠﻊ ﺟﻨﺤﻲ ﺑﻼﻳﻪ ﺭﻳﺶ !
ﻫﻨﺎﻙ ﻳﻢ ﺫﺍﻙ ﺍﻟﻐﺼﻦ ﻋﺼﻔﻮﺭﺓ ﻣﻴﺘﺔ
ﻫﻨﺎﻙ ﻛﻠﻤﻦ ﻣﺎﺭﺟﻊ ﻭﻣﺘﺎﻧﻲ
ﻟﺤﻈﺎﺕ ﺣﺴﻴﺖ ﻧﻔﺴﻲ ﻃﺎﻳﺮﻩ ﺑﻴﻬﺎ ﻃﺎﻳﺮﻩ ﺑﻴﻦ ﺍﻟﻐﻴﻮﻡ ... ﻭﺑﻴﻦ ﺑﺤﻠﻢ ﻟﻮ ﻋﻠﻢ ﺳﺎﻋﻪ ﺍﺭﻛﺾ ﻭﺳﺎﻋﻪ ﺍﻣﺸﻲ ﺷﻔﺖ ﺑﺤﺮ ﻭﺷﻔﺖ ﻃﻴﻮﺭ ﺷﻔﺖ
ﻫﺎﺟﺮ ﻣﻦ ﺑﻌﻴﻴﻴﻴﺪ ﺻﺤﺘﻠﻬﺎ ﻭﺍﺟﺖ ﺗﺮﻛﻀﻨﻔﺲ ﺿﺤﻜﺘﻬﺎ ﻭﻧﻔﺲ ﻋﻴﻮﻧﻬﺎ ﺍﻟﺴﻮﺩ ﺣﻀﻨﺘﻬﺎ ﺣﻴﻴﻴﻴﻴﻞ
ﻟﻴﺶ ﻋﻔﺘﻴﻨﻲ ؟
ﻭﻳﻦ ﻭﻋﺪﻧﺎ ؟
ﻣﻮ ﻛﻠﺘﻲ ﻟﻠﻤﻮﺕ ﺍﺣﻨﻪ ﺳﻮﻩ ؟
ﺯﻳﻦ ﻛﻮﻟﻴﻠﻲ ﺍﻧﺘﻲ ﻋﺎﻳﺸﻪ ﻣﺎﺑﻴﺞ ﺷﻲ ؟
ﺑﺎﻭﻋﺘﻠﻲ ﺭﺟﻌﺖ ﺣﻀﻨﺘﻨﻲ ﺑﻘﻮﻩ ﻭﺷﺎﻭﺭﺗﻨﻲ
ﻛﻮﻭﻣﻲ ﺭﻳﺎﺍﻡ ﻟﻴﺶ ﺻﺎﻳﺮﻩ ﺿﻌﻴﻔﻪ ؟؟؟
ﻣﺎﺍﺩﺭﻱ ﺑﻴﺞ ﻫﻴﺞ ﺿﻌﻴﻔﻪ ﻻ ﻭﺍﻟﻨﻮﺏ ﺗﻨﺘﺤﺮﺭﺭﻳﻦ ﻫﻬﻬﻬﻬﻬﻬﻬﻬﻬﻪ ﺟﺒﺎﺍﺍﻧﻪ ﻟﺞ ﻛﻮﻣﻲ ﻛﻮﻣﻲ ﺑﺎﻋﻲ ﺑﻨﺘﻲ ﺷﻠﻮﻥ ﺗﻠﻌﺐ ﻗﺎﺑﻞ ﻣﺜﻠﺞ
ﺍﻟﺘﻔﺘﺖ ﻋﻴﻨﻲ ﺷﻔﺖ ﺣﺮﺏ ﻻﺯﻡ ﺑﻨﺖ ﻫﺎﺟﺮ ﻭﻳﻠﻌﺒﻮﻥ ﺑﺎﻟﻄﻴﻦ ﻭﻳﻀﺤﻜﻮﻥ ﺻﺤﺖ ﺑﻔﺮﺡ
ﺣﺤﺤﺤﺮﺭﺭﺏ ﻫﺬﺍﺍﺍ ﺍﻧﺘﻪ ﻳﺎﺍﻟﻠﻪ ﺍﺷﺘﺎﻗﻴﻴﻴﻴﺘﻠﻠﻠﻠﻜﻜﻚ
ﺍﺭﻳﺪ ﺍﺭﻛﺾ ﺍﺣﻀﻨﻪ ﺑﺎﻭﻋﻠﻲ ﻭﻟﺰﻣﺘﻨﻲ ﻫﺎﺟﺮ
ﻟﺞ ﻫﺎﺟﺮ ﻋﻮﻓﻴﻨﻲ ﺍﺳﻠﻢ ﻉ ﺣﺮﺏ ﻣﺸﺘﺎﻗﺘﻠﻪ ﺑﺎﻭﻋﺘﻠﻲ ﻫﺰﺕ ﺭﺍﺳﻬﺎ
ﺭﻛﻀﺖ ﺑﺘﻬﺎ ﺗﻠﻌﺐ ﻭﺭﻛﺾ ﻭﺭﺍﻫﺎ ﺣﺮﺏ
ﻟﺠﺞ ﻫﺎﺍﺍﺟﺮ ﺣﺮﺏ ﺭﺍﺡ ﻳﺮﻭﻭﻭﺡ ﻭﺧﺮﻱ ﺩﺍﺳﻠﻤﻢ ﻋﻠﻴﻴﻴﻪ ﻋﻮﻭﻭﻓﻴﻨﻲ
ﺣﺤﺤﺤﺮﺭﺭﺭﺏ ﺣﺮﺭﺭﺭﺭﺭﺏ ﺗﻌﺎﺍﺍﻝ ﻻﺗﻌﻮﻓﻨﻴﻴﻲ ﺍﺭﻳﺪ ﺍﺳﻠﻢ ﻋﻠﻴﻴﻴﻚ ﺣﺤﺤﺮﺭﺭﺏ
ﺷﻬﻜﺖ ﻭﺍﻧﻲ ﺍﺗﻨﻔﺲ ﺑﻘﻮﻩ ﻭﺍﻣﻲ ﻭﺍﻛﻔﻪ ﺗﻨﻔﺦ ﺑﻮﺟﻬﻲ ﻭﺗﺬﺏ ﻣﻲ ﻋﻠﻴﻪ ﻭﺧﺎﻳﻔﻪ ﺑﺎﻋﻮﻋﺘﻠﻬﺎ ﻣﺘﻔﺎﺟﺎﻩ ﺍﻧﻲ ﻭﻳﻦ ؟؟ ﺍﺥ ﺭﺍﺳﻲ
ﺍﺳﻢ ﺍﻟﻠﻪ ﺍﻟﺮﺣﻤﻦ ﺑﻨﻴﺘﻲ ﺳﻮﺩﻩ ﻋﻠﻴﻪ
ﺷﻨﻮ ﺷﺼﺎﺭ
ﺍﺷﺶ ﺍﻫﺪﻱ ﻣﺎﻣﺎ ﻣﺎﻛﻮ ﺷﻲ
ﺍﺟﻪ ﺍﺧﻮﻳﻪ ﺳﻠﻴﻤﺎﻥ ﻭﺑﻴﺪﻩ ﺑﻄﺎﻟﻪ ﻣﻲ ﻣﻦ ﺷﺎﻓﻨﻲ ﺍﺟﻪ ﻋﻠﻴﻪ ﺧﺎﻳﻒ -: ﻫﺎ ﺭﻳﺎﻡ ﺣﺒﻴﺒﺘﻲ ﺷﻠﻮﻥ ﺻﺮﺗﻲ ﺧﻮﻓﺘﻴﻨﺎ ﻋﻠﻴﺞ
ﺍﻧﻲ ﻣﻮ ﺳﻮﻳﺖ ﺣﺎﺩﺙ؟
ﺷﻔﺖ ﺍﻣﻲ ﺣﻄﺖ ﺣﺠﺎﺑﻬﺎ ﻋﻠﻰ ﻭﺟﻬﻪ ﻭﻣﺴﺤﺖ ﺩﻣﻮﻋﻬﺎ ﻭﺩﺍﺭﺕ ﻭﺟﻬﻪ ﻭﺳﻠﻴﻤﺎﻥ ﻛﻌﻌﺪ ﺑﺼﻔﻲ ﻭﺑﺎﺱ ﺍﻳﺪﻱ ﻭﻛﺎﻝ -: ﺍﻟﺤﻤﺪﺍﻟﻠﻪ ﻋﺪﺕ ﻋﻠﻰ ﺧﻴﺮ ﻛﻠﺒﻲ ﺷﻠﻮﻥ ﺗﺤﺴﻴﻦ ﺭﻭﺣﺞ
ﺯﻳﻦ ﺑﺲ ﺭﺍﺳﻲ ﻭﺩﺍﻳﺨﻪ
ﺍﻱ ﻣﺎﻝ ﺍﻟﻀﺮﺑﻪ ﻭﺍﻟﻌﻤﻠﻴﻪ ﻭﺍﻟﻐﻴﺒﻮﺑﻪ ﺣﻘﺞ ﺣﺒﻴﺒﺘﻲ ﺑﺲ ﻫﺴﻪ ﺍﻟﺤﻤﺪﺍﻟﻠﻪ ﻋﺪﺕ ﻭﻛﻤﺘﻲ ﺭﺍﺣﺖ ﺍﻟﻤﻤﺮﺿﻪ ﺗﺼﻴﺢ ﻟﻠﺪﻛﺘﻮﺭ ﺩﻳﺸﻮﻑ ﻭﺿﻌﺞ ﺧﻔﻨﺎ ﻋﻠﻴﺞ ﺣﺒﻴﺒﺘﻲ
ﺑﺎﻭﻋﺘﻠﻪ ﻭﻋﺎﻗﺪﻩ ﺣﻮﺍﺟﺒﻲ -: ﻋﻤﻠﻴﺔ ﺷﻨﻮ؟ ﻭﻏﻴﺒﻮﺑﻪ ﺷﻨﻮ؟
ﻏﻴﺮ ﻣﻮﺗﻴﻨﺎ ﻋﻠﻴﺞ ﺳﻮﻭﻟﺞ ﻋﻤﻠﻴﻪ ﻋﻠﻰ ﺭﺍﺳﺞ ﺻﺎﺭ ﻋﻨﺪﺝ ﻧﺰﻑ ﻭﺻﺎﺭﻟﺞ ﻫﻨﺎ 5 ﺍﻳﺎﻡ ﻓﺎﻳﺘﻪ ﺑﻐﻴﺒﻮﺑﻪ ﺑﺲ ﺍﻟﻲ ﻳﻄﻤﻨﻪ ﺟﻨﺘﻲ ﺗﺒﺠﻴﻦ ﻭﺗﻮﻧﻴﻦ ﻳﻌﻨﻲ ﻫﺬﺍ ﺍﻟﺸﻲ ﻃﻤﻨﺎ ﻋﻠﻴﺞ ﺷﻮﻱ
ﻭﺑﻌﺪ ﺧﻮ ﻣﺎﺟﻔﺼﺖ
ﻻ ﺍﺑﺪ
ﺍﻧﺪﺍﺭﻳﺖ ﺍﻻﻣﻲ ﻣﺎﺗﺒﺎﻭﻋﻠﻲ ﻭﺳﻠﻴﻤﺎﻥ ﻳﺘﺼﺮﻑ ﻃﺒﻴﻌﻲ ﻣﻌﻨﺎﻩ ﻫﻮ ﻣﻴﺪﺭﻱ ﺑﺸﻲ
ﺍﺟﻮﻱ ﻛﻞ ﺍﻫﻠﻲ ﻭﺧﻮﺍﺗﻲ ﻭﺍﺣﺪ ﻳﺮﻭﺡ ﻭﻭﺍﺣﺪ ﻳﺠﻲ ﺑﺲ ﺧﻮﺍﺗﻲ ﻣﺎﺣﻄﻴﺖ ﻋﻴﻨﻲ ﺑﻌﻴﻨﻬﻢ ﻭﻃﻠﻌﺖ ﻧﻔﺴﻲ ﻣﻨﻬﻢ ﻭﺍﺳﺘﻐﺮﺑﻮ ﻭﻳﺎﻣﺎ ﺳﺌﻠﻮﻧﻲ ﺷﺒﻴﺞ ﺍﻛﻮﻝ ﻣﺎﺑﻴﻪ ﺷﻲ ﻣﺮﻳﻀﻪ ﺑﻌﺪ ﺷﺒﻴﻪ
ﻻﻥ ﺧﻮﺍﺗﻲ ﻭﺟﺎﺑﻦ ﺳﻴﺮﺗﻲ ﺑﺎﻟﻤﻮﺯﻳﻦ ﺷﺘﺮﺟﻪ ﻣﻦ ﺍﻟﻐﺮﺑﻪ
ﻋﻤﻲ ﺍﻟﻐﺮﺑﻪ ﻟﻮ ﺣﺠﺖ ﻣﺎﻟﻮﻣﻬﺎ ﻻﻥ ﺍﻟﻤﻨﻚ ﻭﺑﻴﻚ ﺣﺠﻪ ﺷﻀﻠﺖ ﻋﻠﻴﻬﻢ ﻓﻤﻦ ﻭﺭﺍﻫﺎ ﻛﻄﻌﺖ ...
ﺑﻘﻴﺖ ﺍﺳﺒﻮﻉ ﻟﺦ ﺑﺎﻟﻤﺴﺘﺸﻔﻰ ﻭﻃﻠﻌﻮﻧﻲ ﻣﻦ ﺑﻌﺪ ﻣﺎﺗﺤﺴﻨﺖ ﺣﺎﻟﺘﻲ ﻭﻭﺭﺍﻫﺎ ﺑﻌﺪ ﺍﻋﺘﺰﻟﺖ ﻧﻬﺎﺋﻴﺎ ﻋﻦ ﺍﻟﺒﻴﺖ ﻭﺍﻟﻄﻠﻌﻪ ﻭﺣﺘﻪ ﺍﻫﻠﻲ ﻭﻛﻼﻣﻲ ﻳﺎﺩﻭﺏ ﺍﻛﻮﻝ ﺍﻱ ﺍﻭ ﻻ ﻣﻜﺘﻔﻴﻪ ﺑﻬﺎﻟﺤﺮﻓﻴﻦ
ﻻ ﺍﺭﺍﺩﻳﺎ ﻭﺗﺪﺭﻳﺠﻴﺎ ﻣﻦ ﺧﻼﻝ ﺍﻟﺸﻐﻼﺕ ﺍﻟﻤﺮﻳﺖ ﺑﻴﻬﺎ ﺧﻠﺘﻨﻲ ﺍﺻﻴﺮ ﻫﻴﺞ ﺑﺎﺭﺩﻩ ﻭﺟﺎﻣﺪﻩ ﻭﺍﻟﻲ ﻳﺸﻮﻓﻨﻲ ﻳﻜﻮﻝ ﻣﻐﻴﻤﻪ
ﻭﻇﻠﻤﻪ ﻻﻥ ﺣﺘﻪ ﺷﻜﻠﻲ ﺻﺎﺭ ﺑﺎﻫﺖ
ﺑﻘﻴﺖ ﺗﻘﺮﻳﺒﺎ 3 ﺍﺷﻬﺮ ﻟﺤﺪ ﻣﺎﺣﺎﻟﺘﻲ ﺗﺤﺴﻨﺖ ﻭﺭﺟﻊ ﺭﺍﺳﻲ ﻃﺒﻴﻌﻲ ﻭﺍﻟﻜﺴﻮﺭ ﺭﺍﺣﺖ ﻣﻨﻲ ﻭﺗﻌﺎﻟﺠﺖ ﺗﻤﺎﻣﺎ ..
ﻭﻣﻦ ﻭﺭﺍﻫﺎ ﻗﺮﺭﺕ ﺍﺭﺟﻊ ﺍﺩﺭﺱ ﻉ ﺍﻗﻞ ﺍﻟﺘﻬﻲ ﺑﺎﻟﺪﺭﺍﺳﻪ ﻻﻥ ﺟﻨﺖ ﺍﺣﺲ ﺑﻤﻠﻞ ﻣﻮ ﻃﺒﻴﻌﻲ ﻓﻔﺘﺤﺖ ﻫﺎﻟﻤﻮﺿﻮﻉ ﻭﻳﻪ ﺍﻫﻠﻲ ﻭﻣﺎﺍﻋﺘﺮﺿﻮ ﻻﻥ ﺷﺎﻓﻮ ﺣﺎﻟﺘﻲ ﻭﻳﻌﺮﻓﻮﻥ ﺍﻟﻤﺮﻳﺖ ﺑﻲ
ﻓﻄﻠﺒﺖ ﻣﻨﻬﻢ ﺍﻗﺪﻡ ﻋﻠﻰ ﺗﻤﺮﺽ ﺧﺎﺭﺟﻲ ﺑﺎﻟﺒﺪﺍﻳﻪ ﺍﻋﺘﺮﺿﻮ ﺗﺎﻟﻲ ﻣﻦ ﺷﺎﻓﻮﻧﻲ ﻣﺼﺮﻩ ﻉ ﺍﻟﻤﻮﺿﻮﻉ ﻭﺍﻓﻘﻮ
ﺍﺳﺒﻮﻉ ﻭﺍﺧﻮﻱ ﻗﺪﻣﻠﻲ ﻭﻣﺸﻪ ﺑﺸﻐﻠﺘﻲ ﻭﺟﻨﺖ ﻣﺘﺤﻤﺴﻪ ﻭﻓﺮﺣﺎﻧﻪ ﺍﻻﺑﻌﺪ ﺣﺪ ﻭﺑﻨﻔﺲ ﺍﻟﻮﻗﺖ ﺟﻨﺖ ﺧﺎﻳﻔﻪ ﺍﻧﻮ ﻣﺎﺍﻧﺠﺢ ﻭﺍﻓﺸﻞ ﺍﺷﺘﺮﺍﻟﻲ ﺍﺑﻮﻳﻪ
ﻛﺘﺐ ﻭﻗﺮﻃﺎﺳﻴﻪ ﺣﺴﻴﺖ ﻧﻔﺴﻲ ﺍﻭﻝ ﺍﺑﺘﺪﺍﺋﻲ ﻭﻣﻦ ﻫﻨﺎ ﺑﺪﺕ ﺭﺣﻠﺔ ﺍﻟﺪﺭﺍﺳﻪ ...
ﺟﺎﻧﺖ ﺑﻨﺖ ﺟﻴﺮﺍﻧﻪ ﺗﺪﺭﺱ ﺳﺎﺩﺱ ﺗﻤﺮﻳﺾ ﻭﻣﻦ ﺣﺠﻴﺖ ﻭﻳﺎﻫﺎ ﺍﻧﻮ ﺗﻔﻬﻤﻨﻲ ﻣﺎﻋﺘﺮﺿﺖ ﻭﻓﺮﺣﺖ ﻭﺗﻌﺎﻃﻔﺖ ﻭﻳﺎﻱ ﻭﻭﻳﻪ ﺣﻤﺎﺳﻲ ﻭﻫﻲ ﺟﺎﻧﺖ ﻛﻠﺶ ﺷﺎﻃﺮﻩ
ﻑ ﺻﺮﺕ ﺍﺭﻭﺣﻠﻬﺎ ﻛﻞ ﻳﻮﻡ ﻭﺍﺩﺭﺱ ﻳﻤﻬﺎ ﻭﺍﺟﻬﺖ ﺻﻌﻮﺑﻪ ﺑﺲ ﺗﻌﻮﺩﺕ
ﺍﺭﺟﻊ ﻟﻠﺒﻴﺖ ﻭﻫﻢ ﺍﺩﺭﺱ ﻭﺍﺩﺭﺱ ﺍﺑﻘﻪ ﻝ 3 ﺍﻟﻔﺠﺮ ﺑﺲ ﺍﻗﺮﺍ ﻭﺍﺗﺮﺟﻢ ﻭﺍﺣﻞ ﻭﺍﻛﺘﺐ
ﺍﻟﺪﺭﺍﺳﻪ ﻟﻬﺘﻨﻲ ﻫﻮﺍﻱ ﻭﺑﻌﺪﺗﻨﻲ ﻋﻦ ﺍﻟﻤﺎﺿﻲ ﻭﺍﻟﻲ ﻣﺮﻳﺖ ﺑﻲ ﺑﺲ ﻣﺎﻧﺴﻴﺘﻪ ﻟﻜﻦ ﺗﻌﻮﺩﺕ ﻭﺟﺎﻧﺖ ﺍﻟﻬﺎ ﺍﻟﺠﺰﺀ ﺍﻟﻜﺒﻴﺮ ﺑﻌﻼﺝ ﺭﻭﺣﻲ
ﺍﻣﺘﺤﻨﺖ ﺗﻤﻬﻴﺪﻱ ﻭﺑﻜﻞ ﻳﻮﻡ ﺍﻣﺘﺤﻦ ﺫﻛﺮ ﺍﻟﻠﻪ ﻣﺎﻳﻮﻛﻊ ﻣﻦ ﻟﺴﺎﻧﻲ ﻻﻥ ﺗﻌﺒﺖ ﺑﺸﻜﻞ ﻭﺫﺑﻴﺖ ﻃﺎﻗﺘﻲ ﻭﺣﻤﻠﻲ ﻛﻠﻪ ﻉ ﺍﻟﺪﺭﺍﺳﻪ
ﺑﻴﻮﻡ ﺍﻟﻨﺘﺎﺋﺞ ﻭﻛﻌﺖ ﺏ ﺍﺛﻨﻴﻦ ﻭﻓﺮﺣﺖ ﻫﻮﺍﻱ ﻻﻥ ﺗﺤﺪﻳﺖ ﻧﻔﺴﻲ ﻭﻃﻠﻌﺖ ﺑﻬﺎﻟﻨﺘﻴﺠﻪ ﻣﻦ ﺑﻌﺪ ﺍﻟﻈﺮﻭﻑ ﻭﺍﻻﻳﺎﻡ ﺍﻟﻲ ﻧﺴﺘﻨﻲ ﺣﺘﻪ ﺷﻠﻮﻥ ﺍﺩﺭﺱ
ﻓﺠﺎﻧﺖ ﻧﺘﻴﺠﻪ ﻣﻘﻨﻌﻪ ﺑﺎﻟﻨﺴﺒﺔ ﺍﻟﻲ ﻭ ﺍﻟﻲ ﺗﺨﻠﻴﻨﻲ ﺍﺩﺧﻞ ﻭﺯﺍﺭﻱ ﻭﺭﻩ ﻣﺎﺧﻠﺼﺖ ﺟﺎﻧﺖ ﺍﻡ ﺟﻴﺮﺍﻧﻪ ﺍﻟﻲ ﺟﻨﺖ ﺍﺩﺭﺱ ﻋﻨﺪ ﺑﺘﻬﺎ ﺧﻴﺎﻃﻪ ﻭﺟﻨﺖ
ﺍﺑﺎﻭﻉ ﺍﻟﻬﺎ ﻭﺍﺷﻮﻑ ﺧﻴﺎﻃﻬﺎ ﻣﻦ ﺗﺨﻴﻂ ﻭﺑﻮﻗﺖ ﻓﺮﺍﻏﻲ ﺍﺭﻛﺰ ﻭﻳﺎﻫﺎ ﻓﺨﻠﻴﺖ ﺍﻟﻔﻜﺮﻩ ﺑﺮﺍﺳﻲ ﻭﻭﺭﺍ
ﻣﺎﺧﻠﺼﺖ ﺍﻟﺘﻤﻬﻴﺪﻱ ﻃﻠﺒﺖ ﻣﻨﻬﺎ ﺗﻌﻠﻤﻨﻲ ﻭﻣﺎﻛﺎﻟﺖ ﺷﻲ ﻭﺑﻘﺖ ﺗﻌﻠﻤﻨﻲ ﻭﻓﺮﺣﺎﻧﻪ ﺑﻴﻪ ﻻﻥ ﺍﺗﻌﻠﻢ ﺑﺴﺮﻋﻪ ﻭﺻﺎﺭ ﻛﻞ ﻭﻗﺘﻲ ﺍﻛﻌﺪ ﺍﺷﻜﻚ ﺍﻟﻤﻼﺑﺲ
ﻭﺍﺭﺟﻊ ﺍﺧﻴﻄﻬﻢ ﻭﺍﻣﻲ ﻫﻢ ﺷﺠﻌﺘﻨﻲ ﻣﻦ ﺟﺎﻧﺖ ﺗﺮﻭﺡ ﻭﺍﺟﺒﺎﺕ ﺣﺞ ﺍﻭ ﻋﻤﺮﻩ ﻳﻨﻄﻮﻫﺎ ﻗﻄﻌﺔ ﻗﻤﺎﺵ ﻭﺗﻨﻄﻴﻨﻲ ﺍﺧﻴﻄﻬﻢ ﻟﺤﺪ ﻣﺎﺿﺒﻄﺘﻪ ...
ﻭﻃﺒﻌﺎ ﺍﻣﻲ ﻣﺎﺣﺠﺖ ﻭﻻ ﻓﺘﺤﺖ ﻭﻳﺎﻱ ﻫﺬﺍ ﺍﻟﻤﻮﺿﻮﻉ ﻭﻻ ﺣﺎﺳﺒﺘﻨﻲ ﻭﺣﺴﺐ ﻣﺎﻋﺮﻓﺖ ﺑﻌﺪﻳﻦ ﺍﻧﻮ ﺣﺠﺖ ﺍﻻﺑﻮﻳﻪ ﻭﻫﻮ ﻗﺪﺭ ﻭﺿﻌﻲ ﻉ
ﺍﺑﻮ ﺟﺎﻧﺖ ﻣﺨﻄﻮﻓﻪ ﺑﺲ ﺍﻧﻲ ﻣﺘﺎﻛﺪﻩ ﻣﻦ ﻧﻔﺴﻲ ﻣﺎﺑﻴﻪ ﺷﻲ ﺑﺲ ﻻ ﻫﻲ ﻭﻻ ﺍﺑﻮﻳﻪ ﻓﺘﺤﻮ ﻫﺎﻟﻤﻮﺿﻮﻉ ﻭﻳﺎﻱ ﺍﻭ ﺑﻴﻨﻮﻟﻲ ﺷﻲ ﻭﺍﻧﻲ ﻣﺎﻟﺤﻴﺖ ﻭﻻ
ﺍﻫﺘﻤﻴﺖ ﻻﻥ ﺍﻋﺮﻑ ﻧﻔﺴﻲ ....
ﻣﻦ ﺗﻌﻠﻤﺖ ﺍﻟﺨﻴﺎﻁ ﺿﻠﻴﺖ ﺍﺧﻴﻂ ﺍﻟﻤﺮﺕ ﺍﺧﻮﻳﻪ ﻭﺍﺧﻴﻂ ﺍﻻﻣﻲ ﻭﺍﻟﻲ ﺷﻮﻱ ﺷﻮﻱ ﺻﺎﺭ ﺧﻴﺎﻃﻲ ﻳﺨﺒﻞ ﻭﺧﻮﺍﺗﻲ ﺿﻠﻦ ﻳﺠﻴﺒﻦ ﻗﻤﺎﺵ
ﻭﺍﺧﻴﻄﻠﻬﻦ ﻭﺍﻣﻲ ﺍﺷﺘﺮﺗﻠﻲ ﻣﺠﻼﺕ ﻓﺴﺎﺗﻴﻦ ﺧﻴﺎﻁ ﻭﺑﺪﻻﺕ ﻭﺍﺛﻮﺍﺏ ﻭﻣﻼﺑﺲ ﺍﻃﻔﺎﻝ ﻭﺍﻟﻬﺎ ﺍﻟﻔﻀﻞ ﺍﻟﻜﺒﻴﺮ ﺑﺘﺸﺠﻴﻌﻲ ﻭﻣﺎﻋﺎﻓﺘﻨﻲ ﻻﻥ ﻣﻦ
ﺍﻻﺳﺎﺱ ﻫﻲ ﻫﻢ ﻋﺪﻫﺎ ﻣﻬﺎﺭﻩ ﺍﻟﺨﻴﺎﻃﻪ ﺑﺲ ﺗﺮﻛﺘﻬﺎ ﻣﻦ ﺳﻨﻴﻦ ... ﻭﻣﻦ ﻭﺣﺪﻩ ﺍﻟﻮﺣﺪﻩ ﻃﺸﻴﺖ ﺑﺎﻟﻤﻨﻄﻘﻪ ﻭﺻﺎﺭﻭ ﻳﺠﻮﻧﻲ ﻧﺴﻮﺍﻥ ﺍﺧﻴﻂ ﺍﻟﻬﻢ
ﻭﺍﺗﻔﻨﻦ ﺑﺎﻟﺘﺮﺗﻴﺐ ﻭﺻﺮﺕ ﺍﻓﺮﺡ ﻭﺍﻃﻴﺮ ﻣﻦ ﻳﺼﻴﺮ ﻋﻨﺪﻱ ﻓﻠﻮﺱ ﻭﺍﺟﻤﻊ ﻭﺍﺷﺘﺮﻱ ﻣﻦ ﻓﻠﻮﺳﻲ ﻣﻦ ﺻﺎﺭ ﻋﻨﺪﻱ ﻓﺪ ﻣﺒﻠﻎ ﺍﺷﺘﺮﻳﺖ ﻫﺪﻳﻪ
ﻟﻠﻤﺮﻩ ﺍﻟﻲ ﺟﺎﻧﺖ ﺳﺒﺐ ﺑﻨﺠﺎﺣﻲ ( ﺍﻡ ﻏﻴﺚ ) ﻭﺑﻨﺘﻬﺎ ( ﻓﺎﻃﻤﻪ ) ﺑﺴﻴﻄﻪ ﺗﻘﺪﻳﺮﺍ ﺍﻟﻤﺠﻬﻮﺩﻫﻢ ﺍﻟﻲ ﺑﺬﻟﻮ ﻭﻳﺎﻳﻪ ,
ﺍﺳﺘﻤﺮﻳﺖ ﺑﺎﻟﺪﺭﺍﺳﻪ ﻭﺻﺮﺕ ﺍﺷﺘﻐﻞ ﻭﺍﺩﺭﺱ ﺑﻨﻔﺲ ﺍﻟﻮﻗﺖ ﻭﺍﺗﻌﺒﺖ ﻟﺤﺪ ﻣﺎﺍﻧﺎﻡ ﺑﺤﻴﺚ ﻣﻦ ﺍﻧﺎﻡ ﺑﻌﺪ ﻣﺎﺍﺣﺲ ﺑﺸﻲ ﻭﻛﻠﺶ ﺍﺭﺗﺎﺣﻴﺖ ﺍﻟﻬﺬﺍ
ﺍﻟﺮﻭﺗﻴﻦ ﻻﻥ ﺭﺟﻌﻠﻲ ﻧﻮﻣﺘﻲ ﺍﻟﻌﻤﻴﻘﻪ ﺍﻟﻲ ﻓﻌﻼ ﺍﺣﺲ ﺑﻴﻬﺎ ﺍﻧﻲ ﻧﺎﻳﻤﻪ ﻭﺍﻟﻲ ﻗﺒﻠﻬﺎ ﻣﺎﺟﻨﺖ ﺍﻋﺮﻑ ﺍﻟﻨﻮﻡ ...
ﺍﺟﻪ ﺍﻟﻴﻮﻡ ﺍﻟﻲ ﺍﻣﺘﺤﻦ ﺑﻲ ﺑﻜﻠﻮﺭﻳﺎ ﻭﺍﻟﻘﻠﻖ ﻭﺍﻟﺘﻔﻜﻴﺮ ﻳﻘﺮﺍ ﺍﻟﻒ ﻭﺟﻨﺖ ﺭﺍﻳﺪﻩ ﺑﺲ ﺍﻧﺠﺢ ﺣﺘﻪ ﺍﺣﺼﻞ ﺷﻬﺎﺩﻩ ﻭﻓﻌﻼ ﺍﻣﺘﺤﻨﺖ ﻭﻟﻠﻪ ﺍﻟﺤﻤﺪ
ﻧﺠﺤﺖ
ﻭﺟﺎﻥ ﻣﻦ ﺍﺳﻌﺪ ﺍﻻﻳﺎﻡ ﺑﺤﻴﺎﺗﻲ ﻭﺍﻟﻲ ﻣﺴﺘﺤﻴﻞ ﺍﻧﺴﺎﻩ
ﺍﺭﺗﺎﺣﺖ ﻧﻔﺴﻴﺘﻲ ﻫﻮﺍﻱ ﻭﺭﺟﻌﺖ ﻃﻠﺒﺖ ﻣﻦ ﺍﺧﻮﻳﻪ ﻳﺪﻭﺭ ﻉ ﻫﺎﺟﺮ ﻭﺭﺟﻊ ﺩﻭﺭ ﻭﺩﻭﺭ ﻭﻣﺎﻟﻜﺎﻟﻬﺎ ﺍﻱ ﺍﺛﺮ ﻭﻣﺎﺧﻠﻪ ﻣﻜﺎﻥ ﻳﻌﺘﺐ ﻋﻠﻴﻪ ﺍﺧﺮ ﺷﻲ
ﻓﻘﺪﺕ ﺍﻻﻣﻞ ﻭﺍﻳﺴﺖ ..
4 ﺍﺷﻬﺮ ﻭﻃﻠﻊ ﺗﻌﻴﻴﻨﻲ ﺑﻤﺴﺘﺸﻔﻰ ﺍﻟـ ** ﻫﻨﺎ ﻃﺮﺭﺭﺕ ﻣﻦ ﺍﻟﻔﺮﺡ ﻭﺣﺴﻴﺖ ﺻﻌﺪﺕ ﺑﺎﻳﻪ ﺟﺪﻳﺪﻩ ﺑﺤﻴﺎﺗﻲ ﻭﻧﺠﺎﺣﻲ ﻣﻦ ﺩﺍﻭﻣﺖ ﻣﺎﺗﺄﻗﻠﻤﺖ
ﻫﻮﺍﻱ ﺑﺲ ﺗﻌﺮﻓﺖ ﻉ ﺻﺪﻳﻘﺔ ﺟﺪﻳﺪﻩ ( ﺷﻴﻤﺎﺀ )
ﺻﺮﻧﺎ ﻛﻠﻪ ﺳﻮﻩ ﻣﺸﻴﻨﺎ ﻭﺍﻛﻠﻨﺎ ﻭﺳﻮﺍﻟﻔﻨﺎ ﻛﻠﻪ ﺳﻮﻩ ﺗﺄﻗﻠﻤﺖ ﻭﻳﺎﻫﺎ ﻭﺗﻌﻠﻤﻨﺎ ﻉ ﺑﻌﺾ ﻭﺗﺤﻔﻈﺖ ﺑﺤﻴﺎﺗﻲ ﺍﻟﺸﺨﺼﻴﻪ ﺍﻟﻨﻔﺴﻲ ﻧﺮﻛﺾ ﺑﺎﻟﻄﻮﺍﺭﺉ
ﻣﻦ ﺳﺪﻳﻪ ﺍﻟﺴﺪﻳﻪ ﺻﺎﺭﺕ ﺭﻭﺣﻲ ﺑﺎﻟﺸﻐﻞ
ﻭﺍﺣﺲ ﺣﺘﻪ ﺍﻟﺘﻌﺐ ﺑﻲ .... ﻣﺎﻱ ﺑﺎﺭﺩ ﻉ ﻛﻠﺒﻲ
ﺑﻴﻮﻡ ﺟﺎﻥ ﻋﺪﻧﻪ ﺍﺳﺘﺮﺍﺣﻪ ﻭﺑﺎﻟﻐﺮﻓﻪ ﺍﻟﻲ ﻧﺴﺘﺮﺍﺡ ﺑﻴﻬﺎ ﺑﻴﻬﺎ ﺷﺒﺎﻙ ﻭﻣﻄﻠﻪ ﻉ ﺍﻟﺸﺎﺭﻉ ﺩﺍﺋﻤﺎ ﺍﻛﻌﺪ ﺑﻬﺎﻟﻤﻜﺎﻥ ﻭﺍﺷﻐﻞ ﺷﻲ ﺑﺎﻟﻬﻴﺘﻔﻮﻥ ﻭﺍﻛﻌﺪ
ﺍﺳﻤﻊ ﺷﻌﺮ ﺍﻏﺎﻧﻲ ﻭﺍﻻﻛﺜﺮ ﺍﺷﻌﺎﺭ ﻣﻈﻔﺮ ﺍﻟﻨﻮﺍﺏ ﻭﻋﺮﻳﺎﻥ ﺍﻟﺴﻴﺪ ﺧﻠﻒ
ﺍﻛﺜﺮ ﺍﺛﻨﻴﻦ ﻗﺮﻳﺒﻴﻦ ﺍﻟﻘﻠﺒﻲ ﻭﻳﻼﻣﺴﻮﻥ ﻣﺸﺎﻋﺮﻱ ﻭﻳﻮﺻﻔﻮﻧﻲ ﺍﻟﻲ ﺍﻋﻴﺸﻪ ﻓﺒﻴﻮﻣﻬﺎ ﻣﺸﻐﻠﻪ ﻗﺼﻴﺪﻩ ﻣﻈﻔﺮ ﺍﻟﻨﻮﺍﺏ ﻭﻳﻜﻮﻝ -:
ﺭﻭﺣﻲ ﻭﻻ ﺗﻜَﻠﻬﺎ : ﺷﺒﻴﺞ
ﻭﺍﻧﺖ ﺍﻟﻤﺎﻱ
ﻣﻜَﻄﻮﻋﺔ ﻣﺜﻞ ﺧﻴﻂ ﺍﻟﺴﻤﺞ ﺭﻭﺣﻲ
ﺣﻼﻭﺓ ﻟﻴﻞ ﻣﺤﺮﻭﻛَﺔ ﺣﺮﻙ ﺭﻭﺣﻲ
ﺣﻤﺮﻳﺔ ﻛَﺼﺐ ﻣﻬﺰﻭﻣﺔ ﺑﺎﻟﻔﺎﻟﺔ ﻭﻟﻚ ﺭﻭﺣﻲ
ﻭﻋﺘﺒﻬﺎ ﻫﻮﺍﻱ ....
ﻻ ﻣﺮّﻳﺖ ... ﻻﻧﺸﺪﻳﺖ .... ﻻ ﺣﻨﻴﺖ
ﻭﻛَﺎﻟﻮﻟﻲ ﻋﻠﻴﻚ ﻫﻮﺍﻱ
ﻭﻋﻮﺩﺍﻥ ﺍﻟﻌﻤﺮ ﻛﻠﻬﻦ ﻛَﻀﻦ ﻭﻳّﺎﻙ
ﻳﺎ ﺛﻠﺞ ﺍﻟﻲ ﻣﺎﻭﺟﻴﺖ
ﺗﻌﺎﻝ ﺑﺤﻠﻢ ... , ﺃﺣﺴﺒﻬﺎ ﺇﻟﻚ ﺟﻴّﻪ ﻭﺍﻛَﻮﻟﻦ ﺟﻴﺖ
ﻳﻠﻲ ﺷﻮﻓﺘﻚ ﺷﺒّﺎﺝ ﻟﻠﻘﺎﺳﻢ ... ﻭﺩﺧﻮﻝ ﺍﻟﺴﻨﺔ ﻣﻦ ﺍﻟﻜَﺎﻙ
ﻳﺎ ﻓﻲّ ﺍﻟﻨﺒﻊ ﻭﺍﻃﻌﻢ .... ﻋﻄﺶ ﺻﺒّﻴﺮ ﻭﻻ ﻓﺮﻛﺎﻙ
ﻳﻠﺮﻫﻤﻴﺖ ... ﻳﺎ ﻣﻔﺘﺎﺡ ﻓﻀﺔ ﻭﻻ ﺭﻫﻢ ﻏﻴﺮﻙ ﻋﻠﻲّ ﻣﻔﺘﺎﺡ
ﺃﺟﺮﺕ ﻟﻚ ﻣﺨﺪﺗﻲ ﻭﺍﻧﻄﺮ ﺍﻟﺸﺒّﺎﺝ ﺍﻟﻴﺠﻴﺒﻚ
ﻭﺍﻧﺖ ﻋﺮﺱ ﺍﻟﻠﻴﻞ ﻭﺍﻟﻘﺪّﺍﺡ
ﻳﺎ ﻫﻠﺒﺖ ﺗﺠﻲ ﻭﺗﺮﺗﺎﺡ؟؟
ﻃﺮﻛَــ ﺍﻟﻤﺴﺞ ﻭﺍﻟﻨﻮﻡ ...... ﻃﺮﻛَــ ﺍﻟﻤﺴﺞ ﻭﺍﻟﻨﻮﻡ
ﻋﻤﺮ ﻭﺍﺗﻌﺪﻩ ﺍﻟﺘﻼﺛﻴﻦ ... ﻻ ﻳﻔﻼﻥ
ﻋﻤﺮ ﻭﺍﺗﻌﺪّﻩ ﻭﺍﺗﻌﺪﻳﺖ
ﻭﻻ ﻧﻮﺑﺔ ﻋﺬﺭ ﻭﺩّﻳﺖ
ﻭﺍﻧﻪ ﻭﺍﻟﻤﺴﺞ ﻭﺍﻟﻨﻮﻡ ... ﻭﺍﻏﻤّﺾ ﻋﻮﺩ ﺍﺟﻴﺴﻚ ﻳﺎ ﺗﺮﻑ ﺗﺎﺧﺬﻧﻲ ﺯﺧﺔ ﻟﻮﻡ
ﻭﺍﻛَﻠﻚ : ﻟﻴﺶ ﻭﺍﺯﻳﺖ ﺍﻟﻌﻤﺮ ﻳﻔﻼﻥ
ﻳﻔﻼﻥ ﺍﻟﻌﻤﺮ ... ﻳﺸﻜَﺮ ﻭﻟﻚ ﻳﻔﻼﻥ
ﻭﻫﺠﺮﻙ ﺩﻡ ... ﻛﻞ ﻟﻴﻠﺔ ﺍﺷﻮﻓﻚ ﺑﺎﻟﺤﻠﻢ ﻋﺮﻳﺲ
ﺍﻛَﻮﻝ ﺍﻟﻴﻮﻡ ﻳﺠﻴﺒﻪ .... ﺧﻠﺺ ﻛَﻠﺒﻲ ﻭﺍﻛَﻮﻝ ﺍﻟﻴﻮﻡ
ﻭﻻ ﺍﻟﺘﻔﺘﻴﺖ ... ﻭﻻ ﻭﻋﺪﻳﺖ ... ﻭﻻ ﺍﺳﺘﺨﻄﻴﺖ
ﻭﻻ ﻃﺎﺭﺵ ﺟﺬﺏ ﻭﺩّﻳﺖ
ﻭﻻ ﻣﺮّﺓ ﺷﻠﺖ ﻋﻴﻨﻚ ﺗﻌﺮﻑ ﺍﻟﺒﻴﺖ
ﻭﻛَﺎﻟﻮﻟﻲ ﻋﻠﻴﻚ ﻫﻮﺍﻱ .... ﻭﺭﺣﺖ ﺍﺑﺮﺍﻱ ﻭﺟﻴﺖ ﺍﺑﺮﺍﻱ
ﺣﺴﺒﺎﻟﻲ ﺳﻨﺔ ﻭﺳﻨﺘﻴﻦ ﻭﺗﻼﺛﺔ
ﻭﺍﺷﻮﻓﻚ ﺫﺍﻙ ﺍﻟﺒﻜَﻠﺒﻲ .... ﻭﺍﺿﻮﻛَــ ﺍﻟﻤﺎﻱ .. ﻭﺍﺿﻮﻛَﻚ ﻣﺎﻱ
ﺣﺴﺒﺎﻟﻲ ﺍﺷﻮﻓﻚ ﺍﺑﻦ ﺍﻭﺍﺩﻡ .... ﻳﺎ ﺷﻜَﻠﻚ ... ﻣﻮﺵ ﺍﺷﻮﻓﻚ ﻫﺎﻱ
ﻭﻻ ﺣﺴّﻴﺖ ....... ﻭﻻ ﺍﺳﺘﺨﻄﻴﺖ
ﻭﻻ ﺟﻴﺖ ﺍﻋﻠﻪ ﻣﺎﻱ
ﺗﺒﻴﻊ ﺑﻴّﻪ ﻭﺗﺸﺘﺮﻱ ﺑﺎﻟﺴﻮﻛَــ
ﻻ ﻣﺎ ﺟﻴﺖ
ﻭﻛَﺎﻟﻮﻟﻲ ﻋﻠﻴﻚ ﻫﻮﺍﻱ ... ﻛَﺎﻟﻮﻟﻲ ...
ﻛَﺎﻟﻮﻟﻲ ...
ﻛَﺎﻟﻮﻟﻲ ....
ﺣﺴﻴﺖ ﻉ ﻫﺰﺓ ﺷﻴﻤﺎﺀ ﻣﻦ ﺟﺘﻔﻲ
ﻳﻼﺍﺍﺍ ﻭﻭﻭﻳﻦ ﺻﺎﻓﻨﻪ ﻳﺮﺩﻭﻧﻪ ﺑﺎﻟﻄﻮﺍﺭﺉ ﻛﺘﻠﻨﻲ ﺍﻟﺠﻮﻉ ﻋﻮﺩ ﺭﺩﺕ ﺍﻛﻠﻠﻠﻞ ﺧﺮﺏ ﺣﻈﻲ ﺍﻱ ﻭﺍﻟﻠﻪ ﻣﺎﺗﻬﻨﻴﺖ ﺑﺎﻟﻠﻔﻪ
ﺍﺧﺬﺕ ﺳﻤﺎﻋﺘﻲ ﻭﺭﻓﻌﺖ ﺷﻌﺮﻱ ﺍﻟﻲ ﺻﺎﺭ ﻟﺤﺪ ﺟﺘﻔﻲ ﺑﻘﺮﺍﺻﻪ ﻟﻮﻧﻬﺎ ﻭﺭﺩﻱ ﻭﻋﻠﻴﻬﺎ ﻓﻴﻮﻧﻜﻪ ﻧﺎﺯﻛﻪ -: ﻻﺗﺪﺭﺩﻣﻴﻦ ﺍﻟﻤﺮﺿﻰ ﻭﺻﺤﺘﻬﻢ ﺍﻫﻢ ﻣﻦ ﻟﻔﺘﺞ ﻫﻬﻬﻬﻪ
ﺍﻣﺸﻲ ﺍﻣﺸﻲ ﻣﺎﻋﻨﺪﺝ ﺍﺣﺎﺳﻴﺲ ﻃﻌﺎﻣﻴﻪ ﻣﺎﺗﻨﻘﻬﺮﻳﻦ ﻉ ﺍﻻﻛﻞ
ﻫﻬﻬﻬﻬﻬﻬﻬﻬﻬﻬﻪ ﺍﻣﺸﻴﻲ ﻛﺎﻓﻴﻲ ﻓﻀﻴﻬﺎ ﻋﺎﺩﺩ
ﺩﺍﺍﺿﺤﻚ ﻭﺍﻣﺸﻲ ﻭﻳﺎﻫﺎ ﻭﺷﻔﺖ ﺩﻛﺘﻮﺭ ﺳﻴﻒ ﻭﺍﻋﺮﻑ ﻧﻈﺮﺍﺕ ﺍﻻﻋﺠﺎﺏ ﺍﻟﻲ ﺗﻄﻠﻊ ﺑﻌﻴﻮﻧﻪ ﻭﺍﻓﻌﺎﻟﻪ ﺍﻛﺘﻔﻴﺖ ﺏ ﺍﺑﺘﺴﺎﻣﻪ ﺑﺴﻴﻄﻪ ﺭﻥ ﺟﻬﺎﺯ ﺍﻻﻧﺬﺍﺭ ﻉ ﺣﺎﻟﺔ ﻃﻮﺍﺭﺉ
ﺭﻛﻜﻀﻨﺎ ﻭﺭﻛﻀﻮ ﺟﻤﻴﻊ ﺍﻟﻤﻤﺮﺿﻴﻦ
ﺷﻜﻮﻭﻭﻭ ﺍﺣﻤﺪ ﺷﺼﺎﺍﺍﻳﺮ ﻟﻴﺶ ﻫﻴﺞ ﻣﺨﺒﻮﺻﻴﻦ
ﻣﻌﻮﺩﻩ ﺭﻳﺎﻡ ﺣﺎﻻﺍﺕ ﺧﻄﺮﻩ ﻟﺤﻜﻲ
ﻳﺎﺳﺘﺎﺭ ﻳﺎﺭﺏ
ﻭﺻﻠﻨﺎ ﻟﻠﻄﻮﺍﺭﺉ ﺍﻻﻣﻪ ﻣﻜﻠﻮﺑﻪ ﻭﺍﻟﺼﻴﺎﺡ ﻭﺍﻟﺰﻟﻢ ﻭﺍﻟﺠﻴﺶ ﻣﻠﺘﻢ ﻭﺻﺮﻳﺦ ﺍﻟﻤﺮﺿﻰ
ﻫﺎﺍﺍﻱ ﺷﻜﻮﻭﻭ
ﺟﺎﻭﺏ ﺍﻟﺪﻛﺘﻮﺭ ﺭﻳﺎﺍﺍﻡ ﺑﺴﺮﻋﻪ ﺣﻮﻟﻲ ﺍﻟﻤﺮﺿﻰ ﻟﻠﺮﺩﻫﻪ ﺍﻟﺜﺎﻧﻴﻪ ﺟﺎﻳﻴﻦ ﻣﺼﺎﺑﻴﻦ ﻭﺟﺮﺣﻰ ... ﺳﻤﻌﺖ ﻛﻼﻡ ﺍﻟﺪﻛﺘﻮﺭ ﻭﺍﺭﻛﺾ ﺑﺲ ﻛﻠﺒﻲ ﻣﺪﺭﻱ ﺷﺒﻲ ﻳﻠﻌﺐ
ﻧﻘﻠﻨﺎ ﺟﻤﻴﻊ ﺍﻟﻤﺮﺿﻰ ﻟﻠﺮﺩﻫﻪ ﺍﻟﺜﺎﻧﻴﻪ ﻭﺍﺗﺠﻬﺰﻧﺎ ﻟﻠﻮﺿﻊ ﺍﻟﻄﺎﺭﺉ ﻣﻦ ﻣﻌﺪﺍﺕ ﻭﺍﺩﻭﻳﻪ ﻭﺍﺑﺮ
ﺍﺟﺖ 5 ﺳﻴﺎﺭﺍﺕ ﺍﺳﻌﺎﻑ ﻭﺭﻛﻀﻨﺎ ﻋﻠﻴﻬﺎ ﻭﺻﻴﺎﺡ ﻭﺍﻟﻬﻮﺳﻪ ﻭﻛﻠﺒﻲ ﻭﺣﺪﻩ ﻳﺼﻴﺢ ﻭﻳﻨﺒﺾ ﻣﻦ ﺑﻴﻦ ﻛﻞ ﺍﻟﻬﻮﺳﻪ
ﻃﻠﻌﻨﺎ ﺍﻟﺠﺮﺣﻰ
ﻫﻨﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻙ ﻭﺍﺟﺎﻧﻲ ﺻﻮﺕ ﺍﺧﺮ ﺷﺨﺺ ﻣﻤﻜﻦ ﺍﺗﻮﻗﻌﻪ ﺻﻮﺕ ﻓﺰﺯ ﻛﻠﺒﻲ ﻭﻓﺰ ﻛﻠﺸﻲ ﺑﻴﻪ -:
ﺣﺮﻙ ﺣﺮﻙ ﺑﺴﺮﺭﺭﻋﻪ
3 ﻛﻠﻤﺎﺕ 3 ﻛﻠﻤﺎﺕ ﺧﻠﺖ ﻛﻠﺒﻲ ﻳﻨﺪﺍﺭ ﻗﺒﻞ ﻋﻴﻮﻧﻲ ﺍﻟﺘﻔﺘﺖ ﻭﺍﺷﻮﻭﻓﺦ ﻧﻔﺲ ﺍﻟﻠﺤﻴﻪ ﻧﻔﺲ ﺍﻟﻄﻮﻝ ﻧﻔﺲ ﺑﺤﺔ ﺍﻟﺼﻮﺕ ﻧﻔﺲ ﺍﻟﻬﻴﺌﺔ ﺑﺎﻻﻓﻼﻡ ﺍﻻﺟﻨﺒﻴﻪ -:
- ﺭﻣــــــــــــﺢ !!!!!!!!!!!!...
ﻟﻠﺤﻜﺎﻳﺔ ﺑﻘﺎﻳﻪ
ﺍﻟﻜﺎﺗﺒﻪ ﻭﺭﺩﻩ ﺍﻟﺸﻴﺦ ﻣﺤﻤﺪ