_ الكاتبة : Duha_al amer 🦋
_ صوتو للبارت بنجمة
_ صلو على الحبيب محمد
_ بسم الله الرحمن الرحيم .
احبكم ❤️❤️
تابعوني بالانستا. duu_199 🎶
___________________________________
نزار : لاااا فاررروق لتموووووت لتموووووت
روح : لتحجي سوووي شيييي سوووي شي .. لطمت على رجلي فاقدة واصرخ بكل قوتي حتى حجابي انفتح ما ادري اني وين وشيصير وياي عقلي طار ما ضل بية عقل
الهام : ولجججج حبوبة شكووووو فهميني
روح : من سمعت صوت بيبتي ما ادري منين التفت واشوفها فجأة انحضنت واجه شخص ويا نزار شالو فاروق وخلو بالسيارة اكو مرة شمرت علية عباية صورخت ابجي .. اخذذذني ويااااك
نزار : روحي طبيييييي جوووووة لطلعين
روح : وكفت اترجا والسيارة كلها زلم وفاروق نايم على رجل واحد والدم يسيل على فخذة وكعت بالكاع وحركت السيارة
الهام : يمة سكتيييي وامشييي طبي جوه حبيبة طبي
روح : لاااا ما اطب اررريد فارررروق بيبي خاف يموت اكو شي براسة دم اني سمعت طلقات خاف اجتي براسة
الهام : يمة ماكو واحد يموت ناقص عمر ورجتي العالم عليج
روح : لزمتني من جوه ايدي ترفعني .. شلت روحي ذايبه دخلت للبيت وبس انسدت الباب وكعت على الدرج .. ما اطب اطب اني محضرتلة علاجة منتظرتة من الصبح راح يجيب اوراقة ليش ما رجع ليش سبح بدمة
_ نزل كنان يركض متهستر ويبجي ويصرخ ركض على باب الشارع يريد يطلع لزمتة نرمان بكل الطرق يضربها ويدفعها اخر شي ضربتة راشدي وعاطت بي
نرمان : اكلك طبببب جوووووه
كنان : ارررريد بابا ارررريد بابا ماااات مو راح يم امي احجي
نرمان : حضنته من وجهه ودموعي تنزل .. لا حبيبي بابا مابي شي تعور واخذو للمستشفى شلون انت من اتعورت بالبايسكل
كنان : اني ما اخذوني للمستشفى
نرمان : مو بابا جبير وتعور بالسيارة
كنان : وددديني اشوووفة
نرمان : شوية ونروح اني وياك وروح
روح : اجة يركض والدمعة بعينة راد يصعد بالدرج حضنتة وابجي .. تعال يميييي كنان ريحتة مثل ريحة فاروق احضني كنان اني احبك مثل ما بابا يحبك اني اموت عليك
كنان : اريدة
روح : اني اخذك وياي وعد وعد .. اخذته نرمان يصعد فوك وجسمي صار جنازة صدري يحركني من البجي والصياح وحيلي انهد لزمت راسي ما اريد افكر التفكير اكلني
نجاة : سووووودة بوجهج روح عزا العزاج روح مو هذا التدعين علية مو هذا التريدي يموووووت
روح : من سمعتها هيج كالت روحي فرفحت بجيت بصوت عالي ولزمت كلبي يوجعني
نجاة : سودة بوجهي عليك حبيبي روحي من الدنيا فاروق يتيتم كنان بعدة لاااا لاااا روحة بي ميكدر يعوفة
الهام : ذكري الله وادعيلة
روح : اني اروحلة وحدي عوووفوني .. طلعت من الحديقة فتحت الباب امشي سريع وما اشوف بعيوني فجأة وكفت سيارة ودك هورن
مؤيد : صعدي
روح : شفت خالي فتحت الباب وصعدت ليورا
الهام : يمة اخذني وياك
مؤيد : عينج على نجاة غير وكت اخذج انتِ وياها
روح : صعد الجامة ومشى بسرعة عالية لزمتني الشهكة ونفسي انكطع منها .. طول الطريق يباوعلي بالمراية واتهرب بنضراتي
مؤيد : شلون ضربو
روح : رديت بصوت مبحوح بالكوه طلع مني .. راح يجيب اوراقة من السيارة صار صوت ثلاث طلقات بعدة صداهن بأذني وما ادري ما ادري شلون ساح الدم من راسة ويمكن بطنه هم بيها دم ما اذكر راسي يوجعني
مؤيد : الثار ما يموت واذا ما صفوكم اليوم يصفوكم باجر
روح : منو منو احجي
مؤيد : ما تعرفين !
روح : انعقد الساني وتفكيري مشوش وكف باب المستشفى نزلت من السيارة وكبل مشى .. لفيت عباتي علية وسديتها دخلت للمستشفى ما ادري وين اروح سألت واخذتني ممرضة للطوارئ لكيت امة مال زلم وهوسة وصوت حكيم عالي
حكيم : اجيبة اكسر عينة وعين ابو اذا بقى حي .. اليندك بواحد من اخوتي جنى على روحة وروح ابووو
نزار : لو فاروق صارررر بي شي احرك عشيرت ال**** واجرجرهم واحد واحد
كمال : خوية منو اله ايد يسوي بي هيج
روح : جان حكيم منهار كعد على مسطبة ويتنفس بسرعة غمض عينة وايدة على كلبة
حكيم : عوووفوني اريد اتنفس ما اكدر اتنفس
_ خوية صاي على محمد لا تصير عندك ذبحة ولا تحضى بصحتك ولا بثار اخوك
حكيم : المهم فاروق يكوم مابي شي
نزار : انتتتتِ اجابج هنااااااا
روح : بيدة قلم ضربني بي بجتفي ومشى كدامي مشيت وراه .. وين فاروق اريد اشوفة
نزار : لو يصحى يرضى مرتة واكفة بنص الزلم تقبليها انتِ
روح : لا بس هم ما اعوفة
نزار : صدك انتِ منو جابج اجيتي وحدج !
روح : لا والله جابني خالي
نزار : مؤيد
روح : اي وصلني وراح
نزار : ضلي كاعدة هنا اذا طلع الدكتور اجي اكلج
روح : اريد اطب اشوفة هوه بي نفس يتنفس مو
نزار : روح ما ادري كلشي ما ادري ضلي كاعدة هنا
روح : عافني وراح .. الممر فاروغ والهوسة بالممر البصفي كل شوية اكوم اباوع وارجع
حكيم : غيررر يطلع واحد يفهمنة صارلنة ساعتين ماشفنة واحد طلع مو اطلع من ديني
روح : اتلبسني الخوف سافرت بافكاري المكان بعيد شفت الموت اهون عليه من يوم واحد بدون فاروق .. فزيت على صوتهم كلهم يجون بوكت واحد اقتربت استمع اريد افتهم شي
الدكتور : اكو ضربة براسة وطلقة شاخطة خاصرتة
حكيم : راسة سليم
الدكتور : الحمدلله بهيج قوة من سابع المستحيلات يطلع منها سالم بس ارادت رب العالمين
نزار : يعني مابي. شي عايش
حكيم : انت مطي مو صارلة ساعة يشرح
الدكتور : هسه تحت تأثير المخدر بس يصحى نطمئن عليه
كمال : الله يبشرك بالخير
باقر : عدت سلامات سلامات
نزار : اكل تبن هسه انت شفتهمت
روح : لزمت صدري وجريت نفس انتبهت على ايدي ورجلي يرجفن بشكل مو طبيعي ابتسمت اضحك والدمعة بعيني الف الحمدلله الف الحمدلله
حكيم : انتِ شعدج هنا
روح : ما اعوفة وحدة .. باوع علية واردف بعصبية زمخ باقر
حكيم : تعاااال
باقر : ها يابة كول
حكيم : تبقى يمها ما تتحرك
روح : وكف يحجي ويا ويوصي ميعوفني ويضل كاعد يمي
حكيم : عينك متغفل عنها منا الساعة اذا ما صححى رعها للبيت
روح : ليش يرجعني لو بعد شهر ابقى هنا ما امل
حكيم : كال الصار اهلج الهم ايد بي ومو بعيدة اكو شي اكبر يفكرون بي
روح : لو اعرف اسجن حتى ابوية دم فاروق ميروح .. اتهسترت اصرخ وايدي بيها اثار الدم رفعتها والطم على رجلي .. اذاااا مات امووووت وياااااا امووووت ويااااااا
حكيم : لاتفاولين عليه ادعيلة وانا اخذ حكة من حلك السبع اذا بيهم واحد سبع
روح : كعدت على مسطبه والدمعة بعيني كعد باقر بيني وبينه ثلاث كراسي لزم جهازة يخابر بالي مو يمة
باقر : لتبجين مابي شي مخيطين راسة وصحتة زينة بس يتوازن ضغطة
شمس : حتى ماما تبجي كلنا كلبنة يمة
باقر : هسه اخابر باجي روان وامر عليكم اجيبكم للمستشفى
شمس : خاف ترزلني وتكول انتِ حجيتيلة اذا عرفت احجي وياك تسوك علية بالحزام
باقر : معليج عوفي السالفة يمي
روح : سدة ومشى شوية اشر النزار اجة يمة
نزار : شتريد فضني اريد اروح
باقر : اريد سويج سيارتك اجيب شمس وامها بالهن يم عمي فاروق
نزار : حكييييم
حكيم : ها
روح : اجه يمهم دنك راسة يستمع النزار
نزار : باقر يريد يطلع ويا شمس وحدهم
باقر : لا وال
روح : قبل ليكمل زمخ بي
حكيم : ليش الزكك بالقندرة بس تفض هاي الطلابة اني الك
روح : عافهم وراح وباقر زعل كفخة نزار وراح
باقر : اني اعلمك نزار
روح : تنهدت بحسرة وراسي راح ينفجر حطيت ايدي على خدي دخلت ممرضة وطلعت كالت
_ منو من اهله تكدرون اطبون اشوفو بس اهله رجاءً
روح : اشتعل بكلبي نار اخاف ميدخلوني باوعت عليهم بلهفة تقدم علية حكيم واشرلي اجي طبكت عباتي ومشيت بالممر دنكت راسي والزلم كلها اسولف وهوسه
حكيم : تعال نزار
روح : دخلت للغرفة اول ما شفتة بجيت وركضت عليه كعدت يم رجله سحبت ايدة وبستها راسة ملفوف وملابس شي غير الشاش ملفوف على بطنة وتخطي النص جسمة فتح عينة يرمش بصعوبة
فاروق : منو انتِ
روح : بجيت ولزمت ايدة اشهك بصوت عالي
الدكتور : يعني الكل متعرفهم لو بس البنية
فاروق : لا كلهم .. منو انتو !
الدكتور : دمرنة دمار يله كدرنة نبنجة كلشي مايمض بي اقوى جرعة بنج انطيناها اله يله همد احتمال اثرت علية
روح : حسيت روحي فرفحت اجة اخو كعد على ركبة ولزم وجهه ..
حكيم : لك اني ابو الحكم متذكرني
فاروق : شو بله اقريلي سورة من القران حديث عن الرسول اشوف اعرفك لو لا
روح : ضربة على صدرة وجر نفس براحة وفاروق لزم راسة وميت من الضحك
حكيم : *** بيك وكفت كلبي
روح : مسحت عيوني مجاي افتهم شي صفكة راشدي وكال
حكيم : الحمدلله على سلامتك ابو الفوارق
فاروق : اااخ الله يسلمك
روح : رمش بعيونه وباوعلي .. تذكر بس اخوتك حجيتها ولزمت كلبي ابجي بصوت عالي
فاروق : غبية ما اذكر غيرج
روح : حضنته بكل قوتي وحطيت حنجي على راسة صرخ ودفعني
فاروق : جحشة راسي
روح : يعني تذكرني صدك
نزار : لك فاروق طلعت احبك مو شلون ما جان حب دفين
فاروق : حسيتو بقيمتي كو***د
حكيم : عوف هذا الحجي منو سوه بيك هيج باقر يكول مهشمين كامرات الشارع كلها
روح : بقى ساكت ما حجى لحد ما طلع الدكتور
فاروق : ما اعرفة بس واحد من جماعة عمج محسن
حكيم : شفت وجهه شنو الدار بينكم
فاروق : رادو يكتلوني اجتي طلقة بالقمارة جريت مسدسي الشاجور واكع اجتي طلقة بالتاير وحدة شخطت خاصرتي طلع منتصر من البيت انحصرو وضربوني بالاخمس. على راسي
حكيم : يعني منتصر شافهم بس ليش ما اجه للمستشفى
فاروق : ما اجه !
نزار : اجه بس راح قبل لا فاروق يصحه
فاروق : راسي مفتر
حكيم : منتصر صديق مؤيد
فاروق : وصاحبي هم
روح : بقو ساكتين فترة وبس عيونهم التحجي
حكيم : اجيبه وداعة كل كطرة دم نزلت منك اجيبه
فاروق : ابو الحكم العمر ما يصير عمرين لو اني چتالهم لو همه يتغدون بيه
روح : اسم الله
نزار : بس انت عار حتى الطلقة شخطت بطنك وما طبت
فاروق : غير اخو نزار لازم اصير عار
روح : دخلو باقر وكمال باس راسة وتحمدلة بالسلامة
باقر : خطاك السوء
روح : شوية شوية كلهم دخلو اشرلي بحاجبه اطلع وكفت برا واجه نزار
نزار : يله
روح : وين !
نزار : للبيت حواجبه وكعن وماخله حركة بلغة الاشارة ما سواها
روح : شوكت يطلع
نزار : ساعتين ونطلعة على مسؤليتنه
روح : صدددك .. الدنيا ما وسعتني من الفرحة .. طلعت من المستشفى صعدت ويا بالسيارة انتبهت على روحي لابسة نعال نرمان تك احمر والثاني ما ادري مالتمن اسود وشكبرة
_ رجعني للبيت دخلت شفت نجاة وبيبتي ونرمان هم كاعدة وعيونها وارمة من البجي حضنت كنان وكعدت على رجلي كبالة
_ بابا راح يطلع مابي شي
كنان : اي اي اريدة
نرمان : صدك الطلقة مو براسة
روح : لا لا شاخطة خاصرته وزين بس اكو خياطات براسة مال ضربة
الهام : اني اروحن
روح : اجاهلتني وطلعت صحت وراها فتحت الباب وركعتها
نجاة : نحضرلة فراش هنا بالصالة اني ابقى يمة اداري
نرمان : يرتاح اكثر لو ينام بغرفتك هنا هوسه
نجاة : لا مو هوسة جيبيله فراش
روح : نزلت جوه جابت فراش ثكيل وكطن خلته بالكاع من التعب والخوف الحسيت بي شمرت نفسي على التخم مابيه اتحرك لو اسوي شي حضنت سيدرا اشربها ممة وادم هم نيمته بصفها
_ تقريباً نص الليل صار صوت سيارات برا لبست حجاب وصاية ودخل حكيم ساند فاروق ميدوس على وجلة البيجها اثر الطلقة مال خاصرته صعد بالدرج ومبين الالم على وجهه وياهم شباب هواي اكو راحو واكو بقو دخلت جوه ويا نرمان نسوي جاي
نرمان : حتى ماعندي قوري يكفيهم اسوي بالجدرية جاي
روح : اي شي المهم منخجل وياهم .. حضرت استكانات وصبينه الجاي انطيته النزار اخذة وراح احس فاروق من يحجي صوته يدك بكلبي من الفرحة
فاروق : عمي سويتو الواحب روحو اريد انام
كمال : لا شلون نبات
فراس : فرشولنة بصفة
فاروق : اذا تنام على صدري فرشولة
فراس : اسف ما اخون مرتي
روح : ضلو يسولفون وساعة يضحكون لحد ما فتحو موضوع كرص كلبي
حكيم : اني اعرف شسوي .. انطيهم عطوة وادزلهم كوامة انزعهم حتى جلودهم
نزار : منتصر اهله عدهم كامرات
حكيم : كوم دك الباب عليهم
فراس : باجر الم عمامي ونخصم الموضوع
حكيم : احنى ناس ماعدنه ثار غير وياهم وابوها اخذ من عدنه حكة فلوس واكو شهود
فراس : انتو اهل الحك
نزار : نحجي معلك ونط طك ها وها وها وها
حكيم : وين دزيتك
روح : شوية والكل طلعو كلبي متلهف اطب اشوفة بقى بس كمال وباقر دخلت للهول ونسيت الدنيا وما بيها حضنتة وشميت ركبته بكل قوتي جلبت بي اريد كلبي يرتوي بحنانة
فاروق : تعاي بصفي وجيبي كنان خلي على رجلي
روح : شلت كنان ودمعة واكفة بعيني خليته على رجلة كعدت بصفة الكل مندمجين يسولفون وعيوني ما وكعت منه ما مصدكة اشوفة كبالي عايش
نجاة : خوية الف الحمدلله على. سلامتك شبيكم يومية واحد والله تعبتو كلبي عليكم
روح : حضنها فاروق وباسها دفعتني وكعدت بصفة وخلت راسها على صدرة
فاروق : كعدي بحضني وفضيها
نجاة : والله من خوفي عليك الله يحفظك النه
نزار : يكول عطلانة صارلها اسبوع
حكيم : عوفة
باقر : ولا مرتاحلة من اجة للمستشفى حتى حلكة ما فتحة شوية وراح بدون ميسلم
فاروق : ترا فطير هوا هيج نظامة دثو هوش
روح : وجوهم متتفسر دخت احس شاكين بأهلي وبالجيران وبخالي مؤيد حتى بروحي شككوني .. شوية وسمعنة الياب اندكت
_ نزل نزار وصعد بيدة جنطة سودا دخل للمطبخ فتحها وابتسم يصلي على النبي
نزار : تعب العمر
نرمان : منيلك هاي الفلوس
نزار : سكتيييي ولو عينج اضر بس بعد شفتيهن
روح : فتح خمس اصابيعة بوجه نرمان ويغم بيها
نرمان : ما احسدك قحط مفتاح القاصة عندي
نزار : لتحجين كدام واحد عينكم تكتل بالمكان
روح : شالهن وطب الغرفتة سد الباب ودخلت نرمان قدمتلهم الجاي اخذت منها الستكان اخوط بي وشلت الخاشوكة اشرب فاروق بيها
فاروق : تصاوبت ما صرت غندور
روح : انطيته الستكان بأيدة .. مو صوجك
فاروق : شربيني بس مو تحركيني
روح : حطيت الاستكان يم شفتة شرب وغمزلي .. ماشفت مثلك واحد انت صدك متهتم الاحد كاعد !
كنان : عمو زوز عندة الف دورال
نزار : تعال حبيبي كنان دورال شنو قصدك الف دينار هاك اشتري بيها قنادر واكل
فاروق : ناوشيني النعال .. حاجي كنان هيج حتى اشلع عيونك .. تعال بابا اني انطيك
روح : دز على محفظته طلع منها 10 وانطاها الكنان ..
فاروق : اشبع فلوس دام ابوك عايش
كنان : اريد حمرة
فاروق : مو خسارة بيك فلذة كبدي
روح : انطا حمرة وراح العلاوي كعدو سوة ولزمهن شككهن بالنص
كنان : اشتري انت بهاي واني بهاي
فاروق : مطي وبالثول معروف حاير شرد اوصفنك
روح : نزل كمال يم امة يشوفها وباقر عاف ابو وراح للبيت ونجاة هم راحت وصلها نزار بقينة بس اني ويا بالهول طفيت الضوة نزل جسمة على الدوشك وحط ايدة على كصته
فاروق : تمددي بحضني
روح : خليت سيدرا بفراشها ونزعت حجابي ضليت بملابسي شفته حط ايدة بالكاع ورفع عيدة على شفتة وخرها بلمح البصر
_ شسويت شحطيت بحلكك .. طلع لسانه
فاروق : ماكو
روح : اني شفتك والله شفتك
فاروق : اذا تريدين تتأكدين اخذي حلك وجربي
روح : اذا طلعت جذاب اندمك
فاروق : اوووف كدامج ندميني ولتنسين انتِ مطلوبة دم
روح : تطلب روحي انطيكياها
فاروق : ما ريد روحج اريد هدومج
روح : ياهنه
فاروق : الابستهن
روح : حطيت ايدي على تشيرتي لزمها
فاروق : بالهول هسه نصير بث مباشر بالموقع الازرك
روح : حضنته اشتم ريحته تمددت على صدرة لزمت جهه من شعرة بخفة اغمض عينة ورخه جسمة لحد ما حسيته غفة بسته بخدة وبركبته
كنان : انام يمج
روح : فرشتله بصفي وحضنته وغفيت .. مر يومين اخذ اجازة وكمت اداري بكل خطوة يخطيها واني الممنونه
فاروق : اريد اروح للحمام
روح : سند على جتفي واخذته للحمام فتحت الباب ودخل
فاروق : نزعيني
روح : ايدك مابيها شي .. انداريت اريد اطلع سحلني من ملابسي
فاروق : ااااخ بطني يمكن طك الخياط
روح : انهبطت ونصيت اباوع الخاصرته .. ماكو شي توجعك !
فاروق : ايدي ترجف ما اكدر احركها
روح : شسوي !
فاروق : فتحي السحاب
روح : ثواني وكفت بالباب وصحت .. كنااااان
كنان : ها
روح : تعال حبيبي .. بهمس .. بابا ميكدر ينزع تكدر تفتح السحاب
كنان : اي
فاروق : انعل والديج انتِ وكنان
روح : ضحكت عليه وطلعت بقى وحدة شوية وطلع شعرة مندي .. يا سبحت
فاروق : لا بس غسلت بيه ريحة دم
روح : كعد على التخم بالفانيله .. دفرت الفراش اريد المة شفت نفس شريط الحبوب القديم التفتت عليه فاتحة عيني على وسعها
فاروق : شبيج اجتج الجنونة
روح : جايتك الك .. سكتت وخليتة بملابسي للعصر اجة حكيم انطيته الشريط بدون مايشوفني
حكيم : هم رجع مو خلص كلبي .. نزارررر
نزار : نعلعلا والديه النزار مو جاي احسب
روح : ماادري على شنو ناوي جر كرسي بصف الباب وهمس النزار يحجي اجتفت وكفت على صفحة خايفة
فاروق : ها شبيكم مو بالصالة خلوها بالغرفة
روح : غمزلة وضحك .. دفعة حكيم وخلا على كرسي جتفة نزار وربطو بحبل كعد على ركبة يشدون بي وهوه يسب ويلعن ويفشر
فاروق : خرررب انتو صدك تحجون انعل والديكم اذا ما تهدوني
نزار : انت زلمة افتح الحبل
روح : راح جاب حبل ثاني واجة ربطو رجلة صار مسطرة وكنان وعلي. خربانين من الضحك
حكيم : انت ردتها حتى الجهال يضحكون عليك
فاروق : كنان بابا بس. اكوم انعل والديك
روح : سحلو الكرسي. وخلو بصف الباب بالزاوية وفشر عليهم بحجي ميلبس عليه ثوب
فاروق : اخت الت*** ررررروح تعاي فتحييي الحبل
روح : باوعت عليهم وعليه زمخ بية وتملكني الخوف
فاروق : كلكم حسابكم وياي عسير
نزار : عسير بنانز
فاروق : اي ليششش فهموني لكزجرحي بعدة ينزف اخوة **** انتو
روح : اجاهلو يحجي وحدة .. بقيت كاعدة شلت سيدرا صحتها صايرة احسن وكبرانة جان موعدها اليوم ويا الطبيب بس ما كدرت اخذها .. للعصر وهوه على هاي الحالة
فاروق : جوووووعان منا****
حكيم : جيبولة كيك
فاروق : اريد هبيط
روح : كمت للمطبخ صبيتلة برياني ودجاج وديتلهيا للصالة اخذها مني حكيم وجر كرسي كعد كبالة ويوكلة
فاروق : انتظر ابلع اللكمة راح اغص بيدك خاشوكة لو كرك
حكيم : استعجل شنو ماعندي شغل وعمل
فاروق : يله وكل
حكيم : كافي ما شبعت
فاروق : مي
روح : جبتله مي وكفت اشربة دفع الكلاص نزار وغص بي وكع كلة على ملابسة
نزار : ابو **** ساقط
روح : حسيت سمعي. تلوث من الحجي السمعتة اليوم جبتله علاجة شربه ودك جهازة فتحته اله وخليته على اذنه
فاروق : هاا هلا هلا بيكم تنورون
نزار : انلاصت
فاروق : لا موجود وين اروح قابل بالبيت .. ها 10 دقايق
روح : سدة وياوعلهم مبتسم ..
فاروق : فتحوني اجو جماعتي
حكيم : من تعقل ان شاءلله نفتحك
روح : كعدو يصنفون على الحجاية شوية واندكت الباب نزل نزار ورجع صعد
نزار : كلتلهم طلع
فاروق : انتو اكوووو عقل برررراسكم افتح الحبل
حكيم : استغل وقتك بالنوم
روح : جبتله علاجة وشربتلهيا غصب عنة
فاروق : انتِ ابوج اشعلة بس الزمج
روح : دفعت الحباية البلاعيمة وشربته المي ..
_جان يوم خميس اجتمعو نرمان وحكيم يقرون دعاء كميل جبت كتاب وكعدت اقرأ وياهم
فاروق : ربي رحمتك اطيرني من الجامع
روح : سبقوني وخلصو تقريباً ربع ساعة وكملت جبت الشاش والكطن ابدل جرحة واسمي باسم الله
فاروق : اقري هذا الدعاء وارد وراج
روح : صدددك تريد تقرأ
فاروق : مو تفضحينه بيني وبينج
روح : جبت الكتاب وكعدت كباله اقرأ ويرد وراية وكل كلمة اعيدها اربع مرات ويسأل ع المعاني والمفردات سطر راسي يله خلصت
حكيم : اجيبلك كوشة الزكها بالحايط
روح : ضحكت وهوه جحضت عيونه مصدوم
فاروق : انام هيج
حكيم : ادفع الكرسي جوه السبلت خاف حارة عليك
فاروق : اذا فتحته انام بصفك
حكيم : شبي الكرسي عندي اريح من الجرباية
روح : كعد يلعب على اعصابة وفاروق ما قصر بالحجي .. صدك خلو بالكرسي للصبح حسيته تعلعل وماكدرت انام بس اباوع علية للفجر يله شوية غفيت
_ حسيت انسحلت من شعري وتبلل وجهي قبضني كلبي وخفت افتح عيني كمزت من الفراش مغمضة .. لاااااا لاااااا كلبي راح يوكف كافي لاسون بيه هيج تعبت والله
فاروق : ابوووية شبيج
روح : حضنته من رجلة معدتي مغصتي بألم .. نطاح ميعوفني اني خايفة
فاروق : نطاح اذا اشوفة ا****
روح : اي اي الله يموتة الله كادر علية وعلى حصة حتى بستان يخوف يخوف
فاروق : فتحي الحبل انام بصفج
روح : كلبي يوجعني عليك بس .. تستاهل تبقى هيج
فاروق : كلبج قاسي
روح : مو بكد كسرتي عليك .. دخلت توضيت وفرشت سجادتي صليت وشغلت ضوة خافت وماكدرت انام
_ شفته غافي على الكرسي وركبتة واكعة .. للصبح نزار وصلن نرمان وراح للدوام فتح الحبل حكيم وفرك جسمة
فاروق : لك ايييي هنا هنا يوجعني
حكيم : اخذك للطبيب ونرجع اسويلك زيت زيتون ع البخار
روح : بقى يمرغ بجتفة دك على ظهره وسويتلهم ريوك كعد يحلي لكمة بحلكة ولكمة بحلك فاروق
فاروق : على هذا الدلال خلص واربطني
حكيم : اذا صرت سبع ما اربطك بعد
فاروق : ساكتلك بمزاجي
روح : ما اكلت وياهم وكفت اكوي ملابس الفاروق .. خلصت وجبتلة جواريب كعدت بالكاع اللبسة كملت واخذة حكيم ساندة ونزلو بالدرج ..
_ خلصت شغل البيت للظهر نزار جاب نرمان ودخل نام
نرمان : انأخرو
روح : بس فاروق احسن فرحانة بي
نرمان : اي حتى حكيم كال .. صيحي كنان وعلي لايطلعون بالشارع اخاف عليهم
روح : شوكت طلعو ميجوزون ذولة .. طلعت بالباب زمخت بيهم .. دخل كنان وراه علي بيدة ورقة
كنان : خالة تكول انطيها الابوك
روح : اخذتها منه يا خالة !!!
نرمان : معجبات فاروق ميخلصن
روح : وجيت نار لزمت الورقة فتحتها وقريت محتواها ..
_ تتنازل عن الحجي وجماعتة لو تتنازل عن عرضك
نرمان : هاي شنو منو كاتب هيج .. شمريها خاف مثل ذيج المره ذولة مزعطة لتخافين
روح : لزمت كلبي ما اكدر اتنفس شمرت سيدرا من ايدي على التخم
نرمان : كنان طب وممنوع اشوفك برا وعلاوي اليوم اخلي بابا يموووتك
روح : شلون شكلها هاي المرة
كنان : جبيرة وحلكها جبير
روح : لابسة حجاب شنو كلتلك بالضبط
كنان : انطي هاي الباب .. ولابسة حجاب
نرمان : لتخافين حكيم داز عطوة ما ادري اسمها تهديد يعني هاي الرسالة دليل شبيج جبانه
روح : خاف يخطفوني نرمان اني خايفة بعد ما اكدر جسمي ميتحمل وجع بعد ما اريد افارك فاروق وسيدرا انحرم منها خاف يكتلوني منو يبقى السيدرا منو .. حضنتني تمسح على راسي
نرمان : قل اعوذ برب الناس ملك الناس ..
روح : رددت الاية على راسي كمت من مكاني اروح وارجع بالصالة دك موبايلي .. شلته رقم غريب اجاني صوت مرة ..
يتبع ...