_ الكاتبة : Duha_al amer 🦋
_ صوتو للبارت بنجمة
_ صلو على الحبيب محمد
_ بسم الله الرحمن الرحيم .
احبكم ❤️❤️
تابعوني بالانستا. duu_199 🎶
الكلام للاغلبية .. اي وحدة تحجي كلام ما اله داعي تنحظر اني مجابرة وحدة تقرأ والي وصلتلة بزودي بتعبي بكسرة ظهري اني ام الاطفال وعندي بيت ومسؤلية والشبكية مال عيني تعبانة واكعد اقل شي 8 ساعات بالبارت ورمضان وصايمة اني اكللكم اتركوها لتقرون الا تكمل ما اريدكم تقروها هسه
_________________________________
نرمان : روح هاي شنو بيدج شمري
فاروق : بيت حجي فاضل صاير ملهى
روح : كمزت والقمجي بيدة طفر صار كبالي شلعة وطبكة طبكتين صرخت .. يا عليييييي لحكووووووني
فاروق : بس الله يخلصج من ايدي
روح : ركضت للغرفة طبيت اريد اسدها صار اسرع مني وحط رجلة دفعها ودخل عيونه بكصته
فاروق : ششربين
روح : اني بداخلي حريق ومن زفرت طلع هذا الدخان
فاروق : واليوم اطفي
روح : تقرب عليه يمشي بطئ كز على سنونه وزفر بغضب ..
فاروق : شسويلج هسه اضربج كلبي مينطيني اعوفج تاليتها مرتك ادخن ابو الفوارق غمة لتغمك
روح : اءء اسفة متنعاد .. كفخني وحصرني بزاوية الكنتور عض شفته بغضب وهز راسة بقى هادي ثواني معدودة وضربني بالقمجي بفخذي .. ااااخ الله يكسر ايدك
فاروق : املص اذاناتج اعلكج بالبنكة رووووح لتستهترين وتستغلين الوضع عبالج ما ضربج
روح : كلشي ينحل بالتفاهم .. ابتسم باستهزاء
فاروق : يله نتفاهم طيبة النركيلة اجيبلج عنب لو نعناع ع الجايات
روح : الله اكو عنب ضربني على جتفي اذاني بيها الدمعة وكفت بطرف عيني شمر القمجي وكعد على السرير كالب وجها لزم الاب توب وحط هيتفون بأذنة
فاروق : تفضل استاذ اسمعك
روح : فركت جتفي وكفت استمعله ساعة يحجي عربي وساعة انكليزي
فاروق : Can we meet tomorrow
روح : ابتسم مجاملة وسد الخط شمر الاب توب ولزم ورقة بيضة ما ادري شيخطط بيها ويكتب بحركة
فاروق : ديري بالج تمدين ايدج على غراضي
روح : ابد .. مشيت ع اطرافي وطلعت برا لكيت نزار يدخن بيها ونرمان تقرأ
نزار : كتلج طيح حضج مو تستاهلين احنى ناس محافظين
روح : ما حجى وياي بس انت اطلع منها
فاروق : نجااااة وين
نرمان : راحت
فاروق : اذا اجتي بعد اجوشكم جوش
نزار : هاي تاليتها سمعتكم بالحضيض
روح : ضرب ايد بأيد وخزرني
فاروق : راحت السمعة راحت سمعتك فاروق
روح : ما اعيدها اختك ادخن
فاروق : خالج اذا الزمة اكسر ظهرة
حكيم : ما طبيت للبيت اذا مو صوتكم السابع جار
نرمان : النركيلة بيد نزار شمرها من ايدة وكتم نفسة
حكيم : شبيك هاي شنو يمك
نزار : مممممم
نرمان : ضحكت وفاروق شالها وداها للمطبخ ركض طب للحمام شوية وطلع
فاروق : اني طالع
روح : وين وين
فاروق : تحاسبيني بس هاي ضلت
روح : ديله احجي
فاروق : اشرب
روح : ما سمعت
فاروق : ا ش ر ب
روح : عتب الباب حتى اكسر رجلك .. تركتة ومشيت شلت سيدرا حضنتها وبستها بكل قوتي اخاف فديوم اكلها .. سويتلها ممة وكعدت اشربها التفتت ما شفتة خلصت ورحت للغرفة فتحتها على كيفي لكيتة نايم تقربت دغيتة بجتفة غافي
_ لتكسر كلبي عليك صدك سمعت كلامي لو خفت اكسر رجلك
_ ما جاوبني .. طلعت من الغرفة شفتهم كاعدين بالهول وباقر موجود .. نزار مسوي اندومي وجايب كباب وكاعد ياكل
كنان : جيييييييبة بس لكمة
علي : بابااااااا
حكيم : انطيهم لا اسبحك بي
نزار : ازقنب اطلعة من خشمك وخشم ابوك
باقر : بهمس .. عمي مو اجيت علمودك
نزار : اممم احجي اسمعك
باقر : احب شمس
نزار : ادري انطيني الملح
باقر : بس ركز وياي اريد اقنع عمي حكيم يزوجنة
نزار : قنعة يزوجني وياك
باقر : لا مو انت التحاجي
نزار : جيب الشطة
باقر : ما اكدر اعيش بدونها احبها اخاف امها ازوجها لو ابوها يطلع من السجن وتتغير عليه
نزار : جنها نجم لابس باروكة
باقر : لا عمي شمس تخبل
نزار : انصحك بفلوس المهر تروح تفك السحر
باقر : شمس رقيقة ونقية مسوي هيج .. لا عمي لتعفط
نزار : تريدها اعلى !
حكيم : شكد ساقط اكوم افرك حلكك
روح : باقر يفرفح ونزار ياكل ويهمس ويا بصوت ناصي ويضحك .. كعد كنان بصفي حضنته ويباوع السيدرا
حكيم : روح ..
روح : فزيت على صوته انتبهتلة ورديت .. ها
حكيم : اعتبريني مثل عمج اخوج الجبير انت شنو تشوفيني وتعالي احجي وياج وحدنة
روح : هزيت راسي اي .. عافني وراح للمطبخ باوعت على نرمان اشرت بأيدها متعرف شكو .. مشيت وراه وفتت للمطبخ كعد على الكرسي وتنهد طلع شريط حبوب من جيبة وخلا على الميز
حكيم : هذا شنو
روح : شلته وركزت بي عاقدة حاجبي .. ما اعرف
حكيم : من نزل فاروق لكيتة واكع بسيارتي
روح : جحضت عيوني بحزن ما اعرف شرد علية .. هاي الفاروق مو
حكيم : اي
روح : ما لزمت دموعي .. والله اني ما اخلي ياخذهن حتى يضربني منوراهن وما انطيهيا يعني رجع يبلعهن رجع على هذا الدرب الاعوج
حكيم : يعني تدرين
روح : اي
حكيم : احجيلي ليش ياخذهن وشيصير ويا من يبلعهن
روح : ما اعرف شي من ياخذهن بس من يشرب اميزة ومرات عيونة تنكلب دم ومرات اشوفة يحك جسمة وايدة ابد متوكف رجفتها
حكيم : انت لتحجين شي وسوي روحج متدرين
روح : اي بس شتكدر اسوي
حكيم : لو اعرف احبسة اربطة هم يتعالج
روح : فركت جتفي بخوف حطهن بجيبة وكام اجتي نرمان تريد تعرف شكو
نرمان : سولفي من طلع حتى وياي ميحجي وراح يخابر
روح : ما ادري شكلج عود سألي
نرمان : تقبلين انام وتفكيري مشغول سولفيلي شبيج نحسة
روح : حبابة نرمان معدتي توجعني وراسي هم باجر كلشي اسولفلج .. عفتها وطلعت سحبت الحضانة فصلتها من الكهرباء وديتها بالغرفة صارت بمكان الكاروك اجة كنان
كنان : انام يم بابا
روح : تعال .. سديت الباب ونزعت حجابي اخذت تراك وبدلت بالحمام وطلعت لكيت كنان مدد ويباوع تلفزيون .. تمددت بصفة صار بيني وبين فاروق
كنان : ما اعرف اكلبة
روح : محول التلفزيون شبكة .. لزمتة اريد اطلع منة شفت البحث كلة نسولن تركص اغاني تافهه وفيديوات ماصخة .. كلبتة وخليتة كارتون
فاروق : تؤ تؤ راسيييي نصيييي
روح : نصيت التلفزيون وانكلب علينة حضن كنان وايدة على بطني
فاروق : كنان بطنك ناعمة شسالفة
روح : ينزل بأيدة شوية شوية ضربتة بكل قوتي على ايدة سحبها واجتي بطني وصرخت .. اااااااااخ حقير نذل
فاروق : شمرضعيج سمج
روح : شدخل !
فاروق : السانج زفر
روح : اضحك كنوني
كنان : ههههاي
روح : كفخة ولزمني من فكي ويحجي ويا كنان
فاروق : شعدك اليوم هنا عمو زوز حضنه فارغ
كنان : اريد انام يمك
فاروق : زوز عندة جلاتين ابو الحية
روح : طفر من الجرباية وطلع يركض
فاروق : سد الباااااب
روح : رجع سد الباب وراح التفت علية وعصر وجهي بيدة باوع بعيوني وحط شفتة على شفتي وباسني بكل قوتة
فاروق : اريد اخذج نسافر
روح : والله وين
فاروق : للشمال هسه ما اكدر اطلع خارج العراق عندي شغل وتعبان
روح : سيدرا بعدها صغيرة مو مال سفر
فاروق : من تصير زينة
روح : هزيت راسي وفليت شعري لميت رجلي وخليتها على رجلة وحطيت راسي على صدرة احب ريحتة وملمس صدرة من يحضني احس بالامان والدفو
فاروق : اشتعلو اهلك ففو .. شو صلخيني بوحدة ففو
روح : ففو
فاروق : اااااخ ويل كلبك ابو الفوارق وين لاكيها
روح : عصرني حاضني ونصى التلفزيون على الاخير توني اريد اغمض بجت سيدرا .. كمت سويتلها ممة وانطيتة ظهري اشربها واغفي ..
صباحاً ..
نرمان : وكفت بالمطبخ اسويلهم ريوك اليوم جمعة وماعندي دوام لزمت كتابي اقرأ وافتر الملم بالبيت
فاروق : صباح الخير
حكيم : هلا
نزار : ابنك البارحة حتى فوك الكنتور صعدتة يتأكد ماعندي جلاتين
روح : طلعت من الغرفة مصدعة غسلت وجهي وصبحت عليهم .. فاروق سحب كنان الحضنة
فاروق : شبيها عينك
نزار : الجلاتين چتال صاحبة
كنان : وكعت من فوك الثلاجة
فاروق : قرد صاعد فوك الثلاجة
كنان : عمو زوز صعدني
فاروق : صوجي خليتك ينام يمك
روح : كمت ويا نرمان سوت الريوك ونقلتا للسفرة .. كعدنة ناكل والكل هادئين لحد ما شلنة السفرة صبو جاي وكعدو ساكتين فجأة اخو حجى ..
حكيم : فاروق شوف شنو لكيت متكلي شنو هاي ..
فاروق : شنو !
حكيم : انت كلي ..
فاروق : وين لكيته
روح : التفت يباوعلي تنهدت اسيطر على خوفي ورجفتي .. فر السويج بأيدة ما مهتم وكعد على التخم رفع رجلة على الثانية لازمها
فاروق : ما اعرفة شنو
حكيم : بس اني اعرفة
فاروق : نورني !
حكيم : Teg***
فاروق : ومنو عدنة ياخذهن
حكيم : ما ادري جاي اسألكم
نزار : خاف واكعات من احد شجابهن هنا
حكيم : هوه الياخذهن لو بي صرع لو مدمن
فاروق : وهسه ادور على صاحبهن !
حكيم : لان صاحبهن محتاج مصحة
روح : باوع علية بنظرة ما اعرف افسرها بطني مغصتني وتمالكت نفسي .. سحبهن من ايد اخو وفتح الشباچ وشمرهن نفض ايدة
فاروق : فضت راحت
حكيم : منسبه الك فضت .. باجر ماكو دوام تروح وياي للطبيب
فاروق : عندي اجتماع مهم يا طبيب
حكيم : حجي يفيدك ..
فاروق : شايفني مراهق كدامك اصحى ابو الحكم اني مو علاوي لو كنان
روح : اجاهلة يريد يطلع دفعة اخو من جتفة وحجى بحدية
حكيم : احبسك فاروق واخليك تبطل وحدك
فاروق : تثبتها علية وخرررر ايدددك
روح : شهكت من شفتهم تلازمو وكف بيناتهم نزار ..
نزار : مو هيج فارروق وخررر نسيت هذا منو
فاروق : لا ما نسيت نبي الله حكيم
حكيم : لتمضرط
روح : دفعة فاروق وضربة بصدرة باوع علية وهز راسة راح للغرفة وصاح علية
حكيم : لتخافين وانكري انت معليج
روح : رحت للغرفة اول ما طبيت جرني من ملابسي وخنكني بالسرير ..
فاروق : انت طعنتيني بظهري وحجيتي عبالج يهمني حكيم بفلسين ما اشتري
روح : هدددني .. اضرب بأيدة اريدة يعوفني شدد قبضتة ونفسي انكطع حسيت روحي راح اموت وشراييني راح تنفجر .. رخى ايدة وغمضت عيني اشهك الهوى فرك صدري
فاروق : روووح اتنفسي
روح : كحيت بصوت عالي وشهكت ابجي .. عبالك اني حجيت لو اموت سرك ميطلع من بطني
فاروق : حكيم شمدري صارلي سنين محد يدري بية
روح : لكة الحبوب بالسيارة من انت نازل
فاروق : ها تدرين
روح : ما اجذب .. واريدك تتعالج
فاروق : ما اتعالج لو تعالجون كبالي
روح : اخذ سيدرا واروح لهلي وارفع عليك دعوة
فاروق : مصدكة عندج اهل تروحيلهم !
روح : انهضمت من حجايتة .. بسببك كلشي صار بسببك ..
فاروق : مغشمة روحج انتِ
روح : اروح والله واخذ بتي وامي تريديني وابوية هم
فاروق : روح اني يمج اختلف لتخليني اعاملج مثلهم
روح : شتكدر اسوي .. هسه تختار لو اني لو الزقنبوت التاخذة
فاروق : تدرين انتِ
روح : يعني تتعالج
فاروق : شبيه واتعالج شفتيني مكطع هدومي بالشارع
روح : اسواء من ترجف وعيونك ينكلبن دم بعد ما اعرفك اخاف من اشوفك حتى روحي ما أمنها يمك .. فجأة انكلب هادي وكعد على السرير حاط ايدة على راسة
فاروق : ليش حجيتي مو جنت ثاق بيج
روح : والله كلشي ما حجيت تريد احلفلك وداعة سيدرا مو اني هوا لكة الحبوب
فاروق : اذا اتعالج مو علمودج علمود سيدرا احبها
روح : ميخالف اتعالج علمودها واني هم احبك
فاروق : طلعي برا بعد ما اثق بيج
روح : رجعت شعري ليورا وما طلعت كعدت بصفة ..
فاروق : لتعالج من الحبوب وابقى اشرب لو تموتين ما ابطل
روح : بكيفك
فاروق : شسمة هذا الدكتور المطي
روح : ما ادري .. انددكت الباب
فاروق : دقيقة
روح : اللبس واطلع
فاروق : لا خلي واكف برا للصبح
روح : تنهدت ولبست شالي فتحت الباب شفت حكيم دخل وسد الباب ..
حكيم : يابة تذكر من جنت تنام هنا انت ونزار ويومية طلابة على اكبر من روسكم
فاروق : ايام خرا
حكيم : انجب احلى ايام تذكر من نزار حطلك طكطاكات جوة الجرباية وشغلهن بالسبعة الصبح يكعدك للدوام ههههههههه
فاروق : وخليته يروح اعرج للمدرسة
حكيم : ها تروح لو. بعدك عاجبك تنحبس وتربط
فاروق : منو يربطني
حكيم : اني
فاروق : يله ما اكسر بخاطرك سويها
حكيم : دكتور نائل صديقي وشاطر جرب روح وياي مرة وحدة
فاروق : عود الله كريم
حكيم : يله بدل موعدنة بعد ساعة
فاروق : يا ساعة انطيني مهلة شهر افكر
روح : فتح الباب وصرب فاروق على فخذة فتح الكنتور وشمر ملابسة على السرير
حكيم : ابدلك
فاروق : هاي عوزها واني منقص حنان
حكيم : سد الباب
روح : ضحكو واني صدك ردت اروح من الفشلة
حكيم : يله انتِ هم ويا
روح : اني وين لا
حكيم : ابدل وانتظركم عمي لاصيرين فاهية لايبطل
فاروق : منا الساعة ابطل ..
روح : سد الباب وبقينة بس اني ويا فتحت الكنتور طلعت ملابس
فاروق : ضيك حصر كصير مايغطي ابطل
روح : بدلت ملابسي ولبست طويل حتى ميطلع علية حجة وكفت انتظرة رش عطر سبح بي لبس سوار فضة قديم شايفة بأيدة تقربت علية سديت دكم القميص حتى يستعجل
فاروق : تتحارشين بية
روح : استعجل عاد .. طلع كدامي وطلعت وراه وصيت نرمان على سيدرا وصعدنة بسيارة اخو
نزار : اخذوني
حكيم : وين للملاهي
نزار : ابو الحكم اني حبيبك
حكيم : امشي ولييي
روح : طلعنة بالسيارة وفاروق يبحوش بسيارة اخو ماكو حاجة ما طلعها
فاروق : هذا العطر طيب اريدة
حكيم : اخذة
روح : وصلنة للطبيب اول ما دخل حجى ويا السكرتيرة وخلتنة ننتظر شوية
حكيم : اجيبلكم شي من الاسواق
روح : اريد مي .. راح شوية ورجع بيدة بطلين مي انطاني واحد ويا كصبة فتحتها وخليتها بالبطل اشرب مي
فاروق : جاي اسحبين بانزين
روح : اشرب مي
فاروق : شحلاتها تكربعي تكربع
روح : سديت البطل وطلع ولد من العيادة صلحت بأسم فاروق ودخلنة احنى الثلاثة .. سلم علية وكعدنة اني واخو على صفحة حط رجل على رجل ويلعب بساعتة
الدكتور : اي فاروق صارلك شكد على هاي الحبوب
فاروق : ما اذكر
الدكتور : هيج راح اتعبنة واتعب نفسك على الاقل بالاشهر بالسنين تذكر
فاروق : سبع سنين
الدكتور : شكدد !
حكيم : تحجي صدك
فاروق : والله شبيكم
الدكتور : والمشروب اذا تركتة هم تحس بحاجتة لو بس الحبوب
فاروق : الاثنين يسلمن على الخاطر بس الحبوب تأذيني اكثر
الدكتور : ودوامك تعب هم عندك خفقان علاقاتك الجنسية شلونها
روح : حطيت ايدي على خدي وسويت نفسي صافنة من الفشلة
فاروق : دوامي تعب من ناحية الجهد وعلاقاتي الجنسية مشهودلها
روح : فتحت حلكي اتمنى اكوم شيل البسطال وادكة بالعيادة
الدكتور : اقصد المدة والاستمرارية
فاروق : اعجبك دكتور بس هسه ابو ياسين اشوفة هيفاء وهبي
الدكتور : استغفرلله
روح : حكيم اشر للدكتور بمعنى يبقى يسايرة
الدكتور : مستعد تدخل مصحة حالتك شوية معقدة بحكم ادمان سنين
فاروق : مصحة انسى حبيبي دكتور شسمك .. نائل
الدكتور : تكدر تتعالج بالبيت باحكام
فاروق : اي اكدر
حكيم : لا ميكدر
فاروق : جربني شخسران
روح : تنهد بضجر وسكت اياوع على فاروق احسة مستهزاء بينة وبالوضع كلة .. كتب راشيتة وانطاها اله اخذها وطبكها وخلاها بجيبة طلعنة كلنا وبقى حكيم جوة شوية وهم اجة
حكيم : ليش متدل مصحة
فاروق : كل عقلك انت سليم لو مصخن
روح : حط ايدة على كصتة يشوف حرارتة دفع ايدة ومشى نزلنة جوة صعدنة بالسيارة وراح يجيب العلاج
فاروق : سمعتي الدكتور يكول كثر علاقة جنسية
روح : استغفرلله سد حلكك
فاروق : تريدين احلفلج اصلاً بدونها ما اتعالج
روح : تنهدت وخليت ايدي على خدي صعد اكو ودغة كال ..
فاروق : شكلك على العلاقة الجنسية مو لازم استمرارية تخفف من ضغط الدم
حكيم : اي
روح : اتمنيت السيارة تبلعني على هذا الحجي بقيت ساكته وهوه يحلف اخو حتى الرجال خجل وسكت
فاروق : ميدري خلفت واني بعدني ما معرس
حكيم : ما جعت لازم تاكل يلة تبلع دواك
فاروق : عمي والله
روح : كفخة على راسة .. وغير الموضوع جريت نفس براحة
فاروق : جيبولي عشة من برا واريد كيكة لا ما اريد كيكة حسى نعمة الله
حكيم : صرت بكد الثور وبعدك ماخذ موقف من الكيكة
فاروق : اضل روحي تلعب منها طول ما اصيلة اشم الهوى
روح : وصلنة للبيت نزلت واخذت علاكة الدوة صعدنة فوك وجابولة اكل من برا وسويتلك عصير طبيعي شربة وانطيتة العلاج ..
_ مر يومين يروح للدوام وياخذ العلاج طبيعي باليوم الثالث جنت بالحمام اسبح اندكت الباب بقوة
فاروق : فتحييييها
روح : ما افتتتتح شتريد .. سمعتة يخوع وفجأة تقيأ باب الحمام صرخ بصوت عالي متألم .. ما ادري شلون لبست ملابسي وحطيت الخاولي على راسي وطلعت من الحمام
حكيم : ميخالف اتحمل الخاطر جهالك
فاروق : هدني .. وانطيني وصلة انضف الكاع
روح : ركضت جبت وصلة واجيت وكعدت انضف بيها نهض دخل للحمام يغسل .. نضفت الكاع وشمرت الوصلة بالزبالة ورجعت للغرفة لكيته يفرك براسة
فاروق : شلون اطلعين هيج من الحمام
روح : ما ادري خفت عليك
فاروق : انعل ابوج لابو خوفج لابو روحج
روح : مستورة مابية شي .. كعدت بصفة لزمت راسة دفعني عنة تمدد حاط المخدة على راسة
فاروق : طلعي سيدرا ما اريد اسمع صوت اكو ريحة بالغرفة زوهرتني
روح : طلعت سيدرا خليتها بالصالة كلهم موجودين يمها
حكيم : شلون صار
روح : ما ادري يكول ميكدر يشتم ريحتها وميكدر يسمع صوت
حكيم : ميخالف خليها احنى كاعدين
روح : طبيت للغرفة لكيتة على نومتة سديت الباب وما ادري شسوي رفعت المنشفة عن شعري شريتها وكفت امشط بي وكل شوية التفت اباوعلة
فاروق : تعالي يمي
روح : ما صدكت من حجى وياي شمرت المشط وكعدت يمة حط راسة على رجلي ولزمني من بطني باسني ورفع راسة شعري يندي
فاروق : شوكت نتبلل سوة
روح : رجف جسمي وقشعر بدني كعد ويحك بجتفة ورجلة نزع فانيلتة
فاروق : احس اكو شي يمشي على جسمي
روح : باوعت على ايدة مابيها شي بس طكع حمر ورجلة هم ..
فاروق : راسي حاررر
روح : عليت السبلت صارت الغرفة ثلج .. باوعلي يروح ويرجع .. اخر شي تعب وكعد سحبني من ايدي وعصر جتفي بأيدة
فاروق : جنج سفنجة اذوبين
روح : اااخ طبعت اصابيعك بجتفي
فاروق : انت تتحاسبين 450 يوم يعلكوج من عطوبج
روح : شمسوية
فاروق : بعد ما اصبرلج بس الليلة راسي راح ينفجر
روح : ما انام ابقى كاعدة وياك للصبح
فاروق : باجر اخونج واكسر خشمج
روح : انت نام اليوم وباجر الله كريم
فاروق : شنو عبالج ما اكدر اقربلج بس اخاف تكرهيني اكثر واني احبج روح
روح : ما اكرهك .. حجيتها بدون تردد كلبي انكسر تهشم على كلامة ومنظرة حسيت بألم بكلبي
فاروق : نزعي
روح : لصير ساقط جاي نسولف مثل الاوادم .. جر تشيرتي يرفعة ومركز ويا ملابسي دفعتة و حجيت وياي بنترة صيحت وهوه مستمر يجر بيهن طبك ايدي ورا ظهري ونزعني التشيرت داس على طرف البجرامة وجرها برجلة دفرته .. شبييييك ترا اكوووم اكرهك لتعيد ذاك اليوم وياي
فاروق : ماكو شي يشبه ذاك اليوم حتى اني اختلف
روح : لزم شعري ولفة على ايدة شمرني على السرير وكلبي صار خفقان احس روحي راح تطلع ..
فاروق : بس ابوسج
روح : صار فوكاية رجفت وانكطع نفسي باسني بوسةغريبة اول مرة احس بهذا الشعور والاحساس جحضت عيني وصدري يصعد وينزل
فاروق : تكرهيني
روح : احبك ما اكرهك
فاروق : واذا سويتلج شي
روح : اكرهك .. ابتعد عني بهدوء وجر ملابسة لبسهن وكف ورا الباب .. نهضت وجريت جرجف الجرباية غطيت نفسي بي اكو شي بداخلي يمنعني اخلي يقتربلي
فاروق : راسي صار احسن
روح : تجي تنام يمي
فاروق : وتبقين على هل حطة
روح : اي بس تغفى
فاروق : صايرين
روح : اجة اقترب على السرير تمدد وحضنتة خجلانة لحد ما حسيتة غفى كمت على كيفي لبست ملابسي وطلت اشوف سيدرا
_ لكيت نزار شايلها وحاط الممة بحلكها ويفتر بالصالة ابتسمت واخذتها منة
نزار : ما اعرفلها سويت العلية
روح : نايمة .. خليتها بالحضانة وشلت كنان حتى ينام بصف ابو ..
ثاني يوم جان عندة دوام مبين التعب علية وجهه اصفر وعندة انذار سابق لازم يداوم .. كعد الصبح بدل واخذ غراضة ونزل
_ طلعت يم الجهال كلهم بالدوام وبس اني بالبيت نزلت جوه اسوي الريوك المرت ابوهم
اصيلة : شلون احب فاروق حتى احب مرتة
روح : خليت الصينية كبالها وكعدت اكل وياها
اصيلة : مشطيلي شعري اليوم بت اخوي مو هنا
روح : خلصت ريوك وكمت امشط بشعرها خلصت ولميتة بقراصة .. شلت الصينية ورحت للمطبخ طخ بعقلي اسويلة كيكة بلكت يتخطى الصر ويا .. خلطتها وخليتها بالفرن .. طلعت بالحديقة للظهر وسمعتهم اجو
نرمان : اليوم متت من الحر وبالي يم ادم
روح : نسيت سيدرا وادم .. صعدت فوك اركض لكيتهم يبجون سويت الممة ونرمان حطيت ايد منا وايد منا اشربهم نزلت جوه لكيت المطبخ كلة دخلن والكيكة معطبة
اصيلة : مو كلتلج ما بيج حض يا دادة
روح : سكتيييي كلة منورا النك مالتج .. طلعتها وفتحت الباب اهوي المطبخ .. سمعت صوت سيارتة حكيت المحروك وطلعت طبقة بيضة خليتها بماعون وطلعتلة للباب
فاروق : الله واكبر مستقبلتني من الباب هيج مفعولي قوي كل يوم من دا
روح : كلب مصري .. انطيتة الكيكة خليتها بحلكة غصب عض منها وهز راسة مبتسم .. طيبة
فاروق : زواع
روح : ليششش .. عضيت منها معدتي كامت تكلب .. حاطة ملح والله مو صوجي نرمان كاتبة على الملح شكر وعلى الشكر ملح
فاروق : طيبة ضميها النزار
روح : عبالك هيج وبس مسويتلك دولمة وعصير حتى العلاج فتحته من العلبة وكاعدة منتظرتك
فاروق : اجيب اوراقي من السيارة واجي
روح : عافني وطلع صعدت فوك ركض صبيت الغدة وسويتلة عصير وطلعت العلاج مر ربع ساعة وهوه ماكو
نزار : صبيلنة ناكل رجلج خاف جاي يخابر صاحبتة
روح : انزل شوفة خاف يرزلني .. رفع حاجبة معاند اخذ ماعون وكعد على التخم ياكل
نرمان : اكو صوت برا
روح : لا ماكو .. وكفت بالباب صح اكو صوت مال صياح بس مجاي اميزة سمعت صوت طلقة باوعت عليهم
نرمان : خاف عركة شعلينة دخلي
روح : صار صوت طلقة ثانية شمر الماعون نزار من ايدة وفتح الباب
_ على اثر صوت الطلقة الثالثة طفر نزار من الدرج سوا بايتين وطلع للشارع يركض رن بأذني صرخت صوته اسم فاروق ما شفت شي كبالي نزلت اركض مثل المخبلة فتحت باب البيت وفت فاروق واكع على وجهه
نزار : فاررررروق خووووية لسووووي هيج تسمعنيييييي ليش كلبك ميدددك
روح : بدون وعي رفعت راسة حضنتة واجت كتلة مال دم بأيدي رفعت ايدي وصرخت .. دمممممم اكو طلقة بررررراااسة مضروووووب براسة
يتبع ..