{ بسم اللّٰه الرحمـٰن الرحيم } ♡ 5555
حُطام _ ارواح
بقلمي _ ريـحانه محمَـد 💚.
تصويت وتعليق بين الفقرات لطفًا 🦋.
''''''''''''''''''''''''''''''''''''''''
أُراقبـهُ لاطمنئن عَـليه فَأعود مطمئناً
"مُتـألم"
''''''''''''''''''''''''''''''''''''''''''
: : بَـيت جدي الي عايشين بي كلش قديم بس بي دفووو مشاكل بس حنين هَل بيت بي ذكريات حلوه لام الدمعه والضحكه اني مااحب احقد على بشر بس اذا اذيتني ااذيك هاذه قانون ابحياتي جنت طفله ماتفهم الهم ولااتفكر ولحلو اخلي راسي على المخده انام ماافكر بشي امي جانت اتنومني من وكت واني اكره النوم بس مجنت اتوقع يجي يوم وتمنه انام نفس هلنومه ببال مرتاح ماكو هموم كلب نضيف ماجنت اتوقع يجي يوم وكلبي يتلوث بحقدهم وضحكتي بسببهم تصير مزيفه
تبدي قصتي من عمري تسع سنوات جنت صف ثالث وشاطره واخر العنقود ومدلله وعيت على مقالت البنيه متكمل دراسه البنيه تتزوج وعمرهه صغير البنيه لازم تتزوج اقارب مننطي بتنه الغربه ليذلوهه مجانو يفهمون انو البنيه تنذل اكثر ابيت اقاربهه بس اني اسمع كلامهم واضحك مافاهمه شي جان جدي ابو ابويه عايش وبيبيتي ميته رجعت من الدوام والدنيه حاره واشوف جدي بلباب تعبان عركان هوه وعكازته وضعه اليرثا له ركضت جوه ذبيت جنطتي واخذت سراحيت ماي بارد وركضت علي جدو هاك شرب السراحيه كله
باوعتله واني ابجي جدو ليش ماكلت الماما انتَ عطشان
جدو :: يتنگسون مني اذا رجعتي السراحيه الامج كليلهه انتِ شربتي الماي
نازك :: جدو ليش هيج ايعاملوك ليش ميحبوك
جدو :: اخ ولج ياروح جدج ياالحنينه هَـل كلام ماتفتهمينه هسه بعدج صغيره
نازك :: جدو اتمنه اكبر واني اساعدك
جدو :: لاياجدو حياة الكبار تعبج وتبجيج وهَـل عيون حرامات تبجي صفنت
علي رجال جبير بل عمر صفنت بكلامه هاذه شبي جدو ليش ابجي من اكبر راح اتخرج وحب وتزوج وحياتي راح اتصير حلوه
نازك :: جدو امانه ليش هيجي هامليك
جدو :: ورث جدو كلهم يريدون ورث خلفت بنيه وسبع ولد وحد مات بسبب حقدهم وضلو سته
نازك :: جدو بس ابويه وعمامي كلش حبابين بس ليش هامليك
جدو :: النسوان بنيتي النسوان تخرب بين الخوان وتسوي بلاوي
نازك :: جدو زين اشلون النسوان هيج ايسون
جدو :: شوفي جان عندج عم وهوه ابني اتمرض وكليته مو زينه رحنه انحلل كلنه ماطابقت وياه اله واحد من عمامج وهوه راد ينطي كليته الاخو بس مرته رفضت وهوه على كلام مرته يمشي ومات عمج وهوه شاب
نازك :: مااعرف
جدو :: ولج اشلون نسيت اني وكفت اصفك اديه واضحك وصار ايغني اغنيته الي احبهه واني اكمز واركص وهوه يضحك على ضحكتي طلع حامض حلوايه ونستله ويغني اركص ونطيك الجكليته اركص ونطيك الجكليته ويمه البنات دمعه واكول اكليلات فحطت ووكفت اجر نفس هوه
جدو :: لا ماركصتيلي زين ويضحك انطانياهم ودخلنه اثنيناتنه هوه يرجف ومتجي على عكازته واني اكل بل نستله هَـل طعم عمري ماراح اضوك نفسه
وصل الغرفته واني اباوعلهَ غرفه مفطره ومابيهه كلوب فارغه بس دوشك ومخده وجرجف وبصفه كواني ايلم بيهن قواطي ماكو بنكه ولا مبرده كعدت وياه
نازك :: جدو ليش تجمع قواطي
جدو :: احسن تريديني اموت جوع
نازك :: بس عمامي وابويه عدهم فلوس ليش كل ماينطوك ترفض وحته ابويه راد ايجيبلك مبرده انتَ رفضت
جدو :: راد ايجيب ماجاب واذا على الكلوب فابويه اذا الغرفه نورت مالهه طعم وحياتي مضلمه والقواطي شغل والشغل موعيب اشتغل بالف الفين اشتريلي لفات ولاالمنيه جدو المني تموت صاحبهه وعزت النفس غاليه
هوه يحجي بس اني ماجنت افهم كلامه مره جنه نتغده وصاحني الرقاصه عفت الكل وامي خزرتني كملي اكل وروحيله كلتلهه ما اريد اروح الجدو رحتله بيده قوطيه ميرنده وبطل ببسي ابو ال500
جدو :: امچ خوما حاجتج
نازك :: لا
جدو :: اعرفج ماتحبين الميرنده فا اشتريت ببسي علمودج روحي جيبي كلاص وتعاي اصبلج ردت ادخل للمطبخ امي صاحتني شيريد منج
نازك :: جدو جايبلي ببسي ويريد اجيب اكلاص ايصبلي
ماما :: اخذي اكلاص سفري عفته ورحت للمطبخ جبت اكلاص كزاز ورحتله صبلي شربته
جدو :: بلعافيه اخذت الكلاص وردت ارجعه للمطبخ قبل لاتجي امي بس هيه شافتني اخذت الكلاص كامشته من الطرف قرفانه وذبته بلكاع اتفلش صرخت واني ابجي جدو اجه كوه يمشي رحت حضنته وخرني من حضنه ورجع الغرفته الي حته باب مابيهه مجرد برده مشككه باوعت البيوت عمامي كلهه افراشاتته من الزينه وحال جدي اخ ياجدي صح جنه بيت واحد بس كل واحد باني بصف غرفته حمام ومطبخ
صح حبابين بس كل واحد حاقد على الثاني جنت اسمع {لايؤمن المرء حتى يحب لاخيه مايحب لنفسه} بس عرفت الناس الي عايشه وياهم كلهم كفره همهم الورث رحت الجدي ونمت بحضنه وحسيته نزلن دموعه مسحتهن وهوه اتفاجأ
جدو :: تدرين من بعد بيبيتج الله يرحمهه انتي الوحيده مسحتي دموعي
نازك :: بس انته رجال لازم متبجي كال نبي الله ادم بجه والنبي محمد بجه اتريديني اني العبد الضعيف ماابجي الرجوله متنقاس بلدموع لاتنقاس بلمواقف شفت امي واكفه بلباب جدي نام عفته ورحت الامي دخلتني للحمام وتجلف بجسمي جانت مكاسره الماي بس بعده حار كلش
صرت ابجي وغلطت عليه وعفتهه ورحت الجدي
جدو :: اتغار منج روحي جيبي مشط وتعاي
نازك :: كلت الامي مقبلت تنطيني المشط رحت،،
ماتقبل
جدو :: تعاي اني عندي مشط بده ايمشطلي وضفرلي ضفيره ولج اخر مره ضفرت العمتج بشرى وانتي هسه اجيتي
نازك :: جدو ادعيلي اكبر ضحك
جدو :: لاجدو لا اتمنه ترتاحين بحياتج الراحه صعب يحصل عليهه بني ادم
مشت الايام وجدي اتمرض ونتكست حالته ويوم بعد يوم. مرضه ايزيد ومات بنص بيتنه ماجنت اعرف معنه الموت جنت واكفه وهمه ايعيطون صارت الفاتحه وعمامي يعيطون يابويه ويابويه اني جنت اعرفهم كلهم جذابين الكل لابس قناع الابن البار بس كذب نمت باجر الثالث مال جدو بس ماجنت زعلانه ماعرف معنه الزعل ولا معنه الموت كعدت ب5الفجر وشفت ابويه لابس دشداشه سوده ويشرب جكاره ومنزل راسه ويبجي
نازك :: بويه ليش تبجي انته مرأه باوعلي مسح دموعه وبتسم. جدو بعد ميرجع
بابا :: لا
نازك :: وليش زعلان هوه جان ايكول ولدي يتمنون اروح للموت ليش من راح للموت زعلتو
ضل ساكت
نازك :: هسه اذا جدو مات بعد منو يغنيلي ويشتريلي حلويات هوه بجه وعافني وبليل جابلي حلويات وغنالي كتله مااركص انته متعرف اتغني مثله عافني وطلع البيت صار بارد مات ويه جدي
وبده الكل ينزع قناع البرائه كلهم نزعو جلدهم وصار حقدهم ؏ مكشوف عمامي طلعو ينقطون حقاره ومااعذرهم حته اهلي الكل ايريد حصته رحت للمدرسه وهلموقف ينخر براسي نخر هلموقف علمني عمري كله مااطلب اهتمام من احد
جنت بلمدرسه وانتهه الدرس الاخير
يااااااا نسيت دانيه ونور ياربي بس لاطلعن اليوم تمطر والجو بارد اروح اشوفهن رحت اركض من صفي الصفهن هنه اول ابتدائي وامهاتهن امننهن يمي رحت لكيتهن ينتضرني ها بنات نروح
البنات اي ناز خلصنه متانينج طلعنه واني كامشه ايديهن مطرت مطر قوي واني كامشتهن واركض بيهن يارب والله بيبيتهن اتسوي مشاكل اذا اتاذن بسببي
شفتهه واكفه هيه مرت عمي ونور ودانيه يصيرن حفيداتهه اجتي بتجاهنه واخذت نور ودانيه ولفتهن بقمصله مطريه جبيره ومشت وعافتني رحت وراهه
نازك :: عمه الطريق طويل ومطر قوي عليج الله خليني ويه البنات عليج الله
ام امير :: لاماكو مكان وانتي جبيره هنه صغار ضليت اركض وصلت للبيت باوعت الملابسي كلهم طين جنطتي انترست ماي واشوف امي مفرفحه
ماما :: ناز ليش اتاخرتي باوعتلهه
گتله :: ماما مطرت وتبللو كتبي المعلمه تكتلني
ماما :: لا يكلبي اخذت الجنطه وفتحتهه شوفي مامبللين بس لايحتهم رطوبه اني فرحت كلتلهه ماما ليش تعبانه
ماما :: مريضه من وره وفات جدج كلتلهه والله تحيرون انتوا كلكم تكرهوا ومن راح مات كلكم اتمرضتوا هيه سكتت ماردت اجتي زوجت اخويه مَـايان تضحك بوجهي وبيدهه بنتهه فاطمه
مَـايان :: ها اليوم الشاطر ماطره عليه الدنيه
نازك :: اي
مَـايان :: اوكفي شويه راحت انطت بنتهه الماما واجتني ياالله يحلو حمام
اخذتني مَـايان ومبين عرفت اني ضايجه كاسرت الماي وكالت ياالله نازك غردي فجري كل طاقاتج
نازك :: ختوي الجلبه الحقيره انعل ايوهه يارب اتموت واني ابجي
مَـايان :: يروحي بس بس منو منو
نازك :: اكو غيره عجوز البين كامت تضحك
مَـايان :: ختولي بس عيب تغلطين
نازك :: خاب دكلي خره انتي هم هيه باوعتلي
مَـايان :: عليمن ولج
نازك :: عليج يعني بدال متغلطين عليهه اتكليلي عيب شوفي شوفي هيه انتبهتلي وبديت اشرحلهه الموقف كلتلهه تدرين شنو اتمنيت
مَـايان :: شنو
نازك :: تمنيت مُعاذ يدري بيهه اله ايكطعهه
مَـايان :: هوه انتي منو مسربتج غير مُعاذ
خلصت اليوم ونمت كعدت ثاني يوم اليوم جمعه زين اليوم ماكو مشاكل ولا صياح طلعت من غرفتنه وباوعت ماشاء الله اليوم كلهن حبايب رحت على مرت ابن عمي ام نور وصبحت عليهه هيه تحبني شفت غرفتهه هوسه
نازك :: عمه اليوم هوسه
عمه :: اي والله تدرين بعد اني خياطه اريد اذب الهوسه الزايده باوعت بلكاع خرز مطشر ابتسمت عمتووو هيه ضحكت نازك المصلحجيه شتريد؟
نازك :: اني
عمه :: لااني كلتله شوفي اليوم شنو صار هيه تصفط الملابس وتباوعلي
عمه :: اي شصار
كلتلهه شفت صاحبتي لابسه كلاده حلوه من خرز وكالت زوجت ابن عمهه مطيتهه الخرز وهيه مسويه الكلاده دارت وجهه عليه
عمه :: واسم صديقتج نازك اني فتحت عيوني شمدريج اجتي كرصت خدودي
عمه :: اعرف اسوالفك ياحلو
انطتني الخرز واني رحت ادور خيط ثخين اسوي كلاده وكعدت اسوي الكلاده واجتي نور كعدت يمي ام امير تتصنط علينه نور :: نازك شنو تسوين كلتله كلاده كالت وهاذه الخرز من وين جبتي كلتلهه من امج كالت لعد سويلي وياج
نازك :: من عيوني ماحس اله نور نطت من البجي ومفرفحه اريد اعرف شكو تكمز موجوعه...
هاي صَـوره لَـ جَـميلتي نازك 💙🌿.
سُكراتي كل مصير عندي فرصه انزل بارت
يتبع. 🦋