#បួនថ្ងៃក្រោយ
Jungkook មមាញឹករកដកឃ្លាមិនបាន ព្រោះប្រញាប់រៀបចំការងារអោយរួចរាល់ និងចាត់ការរឿងផ្ទាល់ខ្លួនម្ដង ។
«ការងារដែលយើងដាក់អោយ ដល់ណាទៅហើយ»
«Business ការងារដំណើរការយ៉ាងរលូនណាលោកប្រធាន ដប់ប្រទេស Javin ចាត់ការតែមួយភ្លែតទេ ពេលនេះដណ្ដើមគ្នាដាក់លើទីផ្សារដើម្បីប្រកួតប្រជែងព្រោងព្រាត»នាយ Javin ជាលេខាថ្មីរបស់ Jungkook ដែលគេជ្រើសរើសដោយផ្ទាល់ ដើម្បីមកជំនួសតំណែង Carla ។
«យើងសួរថាការងារយ៉ាងម៉េចហើយ ឆ្លើយតែមួយម៉ាត់មក បូរបាច់ធ្វើស្អី?»បានកូនចៅមួយ កូរកំពូលមិនដឹងគិតត្រូវឬខុសដែលរើសគេមក គ្រាន់តែការងារថ្វីដៃមិនអន់ពិតមែន ។
«រៀបរយហើយលោកប្រធាន ហិហិ សាខាទាំងដប់ប្រទេសកំពុងដាក់បញ្ចេញដំណើរការហ្គេម រង់ចាំតែថ្ងៃចៅហ្វាយដាក់សម្ភោធ Heroes ទាំងនោះ ច្បាស់ជាផ្ទុះហើយបាទ»
នាយមិនមែនល្ងង់ឯណា សាខាដប់ប្រទេស បើមិនរកដៃគូសហការម្ដេចនឹងអាចដាក់ចេញបានលឿនយ៉ាងនេះ ។ កំឡុងពេលដែលហ្គេមកំពុងល្បី នាយក៏ដាក់ចេញដើម្បីរកនូវទីតាំងសាខាដើម្បីចែកចាយ ដោយមានអ្នកជំនួញជាច្រើនចង់រួមសហការ មិនជាបញ្ហាទេ ដាក់មួយប្រទេសមួយកន្លែង កើបលុយមិនចេះតិច 30% ជារបស់អ្នករួមភាគហ៊ុន 50% ជារបស់អនាគតភរិយា ឯ20%ជារបស់នាយ មានអ្វីទៅលំបាក ត្រឹមដប់សាខានេះអាចចិញ្ចឹមប្រពន្ធអោយរស់ស្រួល ។
«ថ្ងៃនេះមានប្រជុំអ្វីឬអត់?»Jungkook ស្រដីសួរបន្ត ខណៈដែលកំពុងផ្ចង់ទៅលើការងារមិនស្រាកស្រាន្ត ។
«គ្មានប្រជុំទេលោកប្រធាន ប៉ុន្តែលោកប្រធានមានណាត់ជាមួយនឹងម្ចាស់អាកាសយានដ្ឋានអន្តរជាតិឯកជននោះបាទ»
«យើងដឹងហើយ ឯងរៀបចំទៅ!!»
«បាទ...»Javin ស្រដីចប់ក៏ចេញទៅធ្វើការវិញ ។
Jungkook មិនបានមានបំណងត្រឹមទិញយន្តហោះជាចំណងឡើយ តែនាយនឹងពង្រីកមុខជំនួញ ដោយឆ្លៀតឱកាសចរចាតម្លៃជាមួយនឹងម្ចាស់អាកាសយានដ្ឋានឯកជនមួយកន្លែងក្បែរជាយក្រុង ដែលរៀបនឹងបិទព្រោះតែមិនអាចបន្តទៅមុខបាន ដោយកន្លែងនោះនឹងប្រគល់ជូនរដ្ឋវិញ តែគួរអោយស្ដាយ Jeon Jungkook ស្កាត់មុខចរចាមុនទៅហើយ ។ អាកាសយានដ្ឋានមួយនេះទទួលសុទ្ធតែអ្នកដំណើរ VIP មានការរៀបចំយ៉ាងប្រណិត និងសេវាកម្មយ៉ាងឥតខ្ចោះលើសពីអាកាសយានដ្ឋានធម្មតា ។
Jungkook បានស្វះស្វែងរៀបចំតាមអ្វីដែល Mr.Kim បានដាក់កំហិតគ្មានអោយខ្វះចន្លោះសូម្បីតែ...ផ្ទះ ឡាន និង ជំនូន ។
ពីមួយថ្ងៃទៅមួយថ្ងៃកាន់តែកន្លងផុត រហូតដល់មួយអាទិត្យបានកន្លងហួស Taehyung ទន្ទឹងរង់ចាំថ្ងៃដែលខ្លួនអាចគ្រងឈុតតាមក្ដីស្រមៃ ។ រាត្រីយប់ស្ងាត់ គ្រប់គ្នាបានចូលនិទ្រាលង់លក់ នៅឡើយតែនាយតូចដែលនៅចរចារនិយាយទូរស័ព្ទជាមួយរាងក្រាស់មិនខ្ចីដេកពួន ។
«មនុស្សបោកប្រាស់ នេះជិតកន្លះខែហើយ ខ្ញុំនៅមិនទាន់ឃើញអ្វីជាផ្លែផ្កាដូចដែលលោកបាននិយាយនៅឡើយទេ»Tae សម្ដែងនូវការអន់ចិត្ត ដែលមិនឃើញសូម្បីស្រមោលប្ដីមកអើតម្ដង ។
«aww កំពុងតែប្រឹងហើយតើ អូនសម្លាញ់ហា៎ បំណងលោកប៉ាក្មេកមិនមែនលេងសើចទេ បងប្រឹងឡើងសក់ស្កូវអស់ទៅហើយ មើលពេលនេះចុះ បងធ្វើការមិនទាន់បានបាយទឹកនៅឡើយទេ»
«កុហកទេដឹង កំពុងអោបស្រីក្នុងក្លឹបក៏ថាទៅ»មនុស្សនៅឆ្ងាយគ្នា មើលមិនឃើញផង ទុកចិត្តមិនបាន ។
«ក្លឹបឯណា អូនលឺសម្លេងបាសហេស៎? ស្រីៗអស់នោះមិនទាក់ទាញដល់ប្រពន្ធបងទេ ក្រៅពី TaeTae ប្ដីលេបមិនចូល»
«អ៊ាក់ សម្ដីប្រុសព្រាន ខ្ញុំចាំតែមើលទេ កុំអោយខ្ញុំតាមទាន់ថាលោកលួចមានស្រី ខ្ញុំនឹងសម្លាប់អ្នកទាំងពីរគ្មានអោយសល់ដានទេប្រាប់អោយដឹង»
«ចឹងហេស៎? មិនខ្លាចបងកាច់ក Tae ទៅជាមួយទេឬ? ព្រោះជីវិតបងត្រូវការរស់នៅមាន Tae»Jungkook លួចសើចទាំងហួសចិត្ត មិនទាន់នឹងការផង គម្រាមប៉ុណ្ណឹងហើយ ប្រុងជើងដេកក្រៅផ្ទះញឹកណាស់ចាំមើលចុះ ។
«ប្រុសរោគចិត្ត ខ្ញុំឈប់និយាយជាមួយលោកហើយ បើគេមកដណ្ដឹងខ្ញុំបាត់ កុំស្ដាយក្រោយអោយសោះ»
«អាឈ្លើងណាវាហ៊ានដណ្ដឹងអូនកាត់មុខបង?»ប្រហើនមិនខ្លាចស្លាប់ក៏សាកទៅ កុំអោយនាយចាប់បាន មិនចឹងឧត្តមសេនីយ៍រូបនេះច្បាស់ជាកាត់អាអូនឯងបោះអោយឆ្កែសុីខានបន្តពូជមិនខាន ។
«មិនដឹង ខ្ញុំបិទហើយ ត្រូវការតបឆាតប្រុសក្មេង គ្មានពេលនិយាយជាមួយលោកទេ Bye!!»
«យ៉ា...Kim Taehyung »Jungkook សង្គ្រឺតជើងធ្មេញរកស្ដីមិនទាន់ បែរជាត្រូវ Tae ចុចបិទបាត់ ។ មកបញ្ឆេះនាយហើយក៏រត់ គិតថារួចខ្លួនហេស៎ គង់តែដឹងគ្នាទេ ។
រាងតូចឯណេះបានធ្វើឱ្យគេខឹង សប្បាយសើចប្រកាច់ពេញពូក មុននឹងនឹកឃើញគំនិតធ្វើអោយអ្នកខ្លះជ្រួលជ្រើម ។ Tae រត់ចុះពីលើពូក សំដៅទៅរកបន្ទប់សម្លៀកបំពាក់ដែលមានកញ្ចក់ធំមួយដាក់បញ្ឈរអាចមើលឃើញមួយតួខ្លួន ។ កាយស្រឡូនសខ្ចីឈរកាច់រាងមុខកញ្ចក់ ដោយអាវត្រូវបានសំយ៉េសធ្លាក់មក បញ្ចេញដងកាំបិត ឯជើងខោខ្លីរលុងៗ ក៏ត្រូវគេទាញឡើងបង្ហាញត្រកៀកមួយចំហៀងខ្លួន ថតយករូបភាពទុកដុតអ្នកខ្លះ ។
«ហិកហិក ប៉ុណ្ណេះលោកចប់របស់ខ្ញុំមិនខាន»Tae សើចយ៉ាងកំហូចបញ្ជូនរូបពីរបីសន្លឹកទៅកាន់គេ ជាមួយនឹងពាក្យរោលរាល កម្ដៅសាច់អ្នកកម្លោះអោយនៅលែងស្ងៀម ។ ពូកែទុកគេចោល ដុតអោយឆេះឆួលម្ដង ។
ទឹង!ទឹង!
សម្លេងសារលោតមកផ្ទួនៗគ្នា ទាញចំណាប់អារម្មណ៍រាងក្រាស់អោយរហ័សយកទូរស័ព្ទមកមើល ត្បិតវាជាសាររបស់ Tae ដែលផ្ញើមក ។
(ស្រមៃថានេះជារូបដែល Tae ផ្ញើអោយ🤧)
«Wtf? នេះ....»Jungkook គាំងសម្ដីទាំងក្ដៅស្លឹកត្រចៀក សម្លឹងមើលរូបដែលផ្ញើមកជាមួយនឹងកែវភ្នែកដែលបើកធំៗដូចឃើញខ្មោច ។ រូបភាពសុិចសុីបញ្ចេញសាច់រលោងស្រិល ទាក់ទាញភ្នែកលោកបងព្រើល អោយចុចទៅលើរូបនោះ zoom មើលចង់រីកគ្រាប់ភ្នែក ។
«អូនចង់លេងស្អី?»Jungkook កាន់តែលែងវាចាជាមួយនឹងសារមួយប្រយោគទៀត ។
"You want Honey or you want h*rny?"
«សឺត...ក្មេងឆ្កួត!!»Jungkook សង្គ្រឺតជើងធ្មេញទាំងខ្នក់ខ្នេញ ប្រហែលជាគេមិនដឹងថានាយបានមកដល់កាណាដាតាំងពីម្សិលមិញម្ល៉េះ ។ ស្របពេលដែលកូនប្រុសរបស់នាយបែរជាឡើងខឹងតាមអារម្មណ៍ដែលកំពុងតែពុះកញ្ជ្រោល ។
«ចិត្តងាយណាស់ឯង»រាងក្រាស់ ស្ដីថាទៅក្មេងតូចដែលក្រោកពីដំណេកកណ្ដាលអាធ្រាត គ្មានអ្នកណាជួយឯងទេ ក្រៅពីដៃដ៏កម្សត់ដោះទុក្ខមួយគ្រា ។
«ថ្ងៃស្អែកអូនច្បាស់ជាមិនរួចខ្លួនទេ Tae»Jungkook ស្រដីដោយគុំទុកក្នុងចិត្ត ហ៊ានណាស់មកលលេងជាមួយនឹងអារម្មណ៍របស់នាយ ចាំមើលថាថ្ងៃផ្សំដំណេកគេក្រោកពីគ្រែរួចឬអត់?
យ៉ាងណាម៉ិញ Jungkook នៅតែជួយខ្លួនឯងដដែល បិទភ្នែកស្រមៃឃើញរាងកាយប្រពន្ធជាមួយនឹងសម្លេងដ៏ក្រលួចតែងថ្ងួចថ្ងូរហៅនាយ ។ ធម្មតា Tae ទាក់ទាញណាស់ទៅហើយ ពេលមកធ្វើចរិតសុិចសុីបែបនេះទៀត កាន់តែគួរអោយចាប់សុី ។
ព្រលឹមថ្ងៃថ្មីបានឈានមកដល់ ដំណក់ទឹកសន្សើមស្រក់ស្រោចស្រពលើស្លឹករុក្ខជាតិអោយលាស់ខ្ចី ឯបក្សាបក្សីក៏នាំគ្នាច្រៀងលេង បង្កើតជាសំនៀងយ៉ាងពិរោះ ដាស់អោយកាយតូចភ្ញាក់ពីនិទ្រា
«អ្ហឹម...»រាងតូចក្រោកពត់ពែនខ្លួន ទាំងមានអារម្មណ៍ថាស្រស់ស្រាយជាងសព្វដង ។ ស្នាមញញឹមប្រៀបបាននឹងពន្លឺព្រះអាទិត្យ សម្លឹងទៅផ្ទៃមេឃដែលស៊ីជម្ពូ បំភ្លឺមេឃាយ៉ាងត្រចះត្រចង់ ។
«ហុើយ...»Tae ដកដង្ហើមធំមួយខ្សាក ទម្លាក់ជើងស្រឡូនចុះពីលើគ្រែ សំដៅទៅបង្ហើបវាំងននអោយកាន់តែធំដើម្បីអោយពន្លឺចេញចូល ។ ភ្លាមនោះប៉េតប៉ោងដែលចងជាបាច់យ៉ាងធំស្រាប់តែបង្ហោះកាត់មុខរបស់គេ អោយនាយតូចរហ័សចេញទៅមើលយ៉ាងប្រញាប់ ។
«Be my honey?»Tae អានក្រដាសដែលចងភ្ជាប់នឹងប៉េងប៉ោងនោះ មុននឹងសម្លឹងតាមខ្សែរទើបដឹងថា Jungfynn ជាអ្នកបង្ហោះសោះ ។
«Jungfynn លេងអ្វីហ្នឹងកូន?»Tae ហួសចិត្តគិតស្មានថាជាអ្នកណាតាមពិតក្មេងកំហូចពីរនាក់បងប្អូននេះតើ កំពុងតែសើចក្អាកក្អាយមកកាន់គេថែមទៀត ។
Tae ត្របាញ់ជើងចុះមកខាងក្រោមទាំងខកចិត្តមិនស្ទើរទេ គិតស្មានថាមាននរណាពិសេសមកស៊ិបប្រាយ ។ តែរំពេចនោះសម្លេងកាំជ្រួចស្រាប់តែបន្លឺឡើងម្ដងទៀត ផ្អើលអស់មនុស្សក្នុងផ្ទះ។
ផាំងៗ
«ស្អីហ្នឹងបង?»Mrs.Kim ភ្ញាក់មិនចេះតិច មុខស្លេកសួរទៅប្ដី ។
«បងមិនដឹងទេ ចេញទៅមើលទៅ»Mr.Kim ជាមួយនឹងភរិយាដឹកដៃគ្នាចេញទៅខាងក្រៅ តាមដោយនាយតូចដែលទើបនឹងចុះពីខាងលើនោះមកដូចគ្នា ។ នរណាមកលេងស្អីម្ដុំនេះ ។ មិនទាន់នឹងចេញមកផុតផងក៏មានសម្លេងបន្លឺពីរបងផ្ទះគាត់មកមុនទៅហើយ ។
«ហេមៗ...ថ្ងៃនេះជាថ្ងៃជ័យ ខ្ញុំបាទចង់មកចូលស្ដីកូនប្រុសលោកប៉ា ថ្ងៃនេះល្អអស្ចារ្យ Jeon Jungkook សង្ហា យកជំនូនមកតាមសំណើរបាទ!!»Jungkook បន្លឺសំឡេងត្រហឹងអឺងកង ស្រដីចប់មិនទាន់ផង ស្គរដែលបន្ទរពីក្រោយគោះចង់ហឹងស្លឹកត្រចៀក អ្នកជិតខាងចេញមកមើលលាន់ ។
«ឯងលេងស្អី Jeon Jungkook?»Mr.Kim ចោទសួរទាំងគាំងនឹងរាងក្រាស់ មនុស្សចាស់ហែហមមិនចេះតិច មានទាំងប្រដាប់ប្រដាកាន់ជាប់នឹងដៃថែមទៀត ទំនងជាគ្រឿងពេជ្រប្រាកដណាស់ ។
«ក៏មកចូលស្ដីអូន Tae នោះអី សូមលោកប៉ាក្មេកមេត្តាបើកទ្វារ ទទួលអនាគតកូនប្រសារម្នាក់នេះផង»Jungkook មិនអោយចាវ តបទៅវិញភ្លាមៗ ។
«ហេតុអីយើងត្រូវបើក? កូនយើងមានតែមួយគួរលើកអោយមនុស្សមិនគួរអោយទុកចិត្តដូចជាឯងបានដែរហេស៎»
«លោកប៉ាក្មេកកំពុងតែលេបសម្ដីខ្លួនឯងហើយ ធ្វើបែបនេះគេហៅថាយកប្រៀបក្មេងណាលោកប៉ា តើនរណាដែលធ្វើមិនបានអោយប្រាកដទៅ?»
«ហឹស បើចឹងឆ្លើយមកថាឯងយកស្អីមកខ្លះដើម្បីសង្កត់ចិត្តយើងអោយស្ងប់?»Mr.Kim ខាំធ្មេញសម្លឹងទៅរាងក្រាស់ Jungkook ដែលហំហានសុទ្ធតែក្រាលព្រំក្រហម ហែហមមនុស្សចាស់ សូម្បីតែលោកតាលោកយាយក៏មកដែរ ។ កាន់តែអស់និយាយគឺអ្នកជិតខាងដែលមកចាំហ៊ោរពីក្រោយ គាំងតែម្ដង ។
«ខ្ញុំគ្មានអ្វីច្រើនទេ ប៉ុន្តែលក្ខខណ្ឌដែលលោកប៉ាក្មេកបានកំណត់ ខ្ញុំមិនខ្លាចនឹងធ្វើ មិនថាទោះជាវាលំបាកប៉ុណ្ណា ក៏ខ្ញុំពុះពារ មិនមែនចង់ឈ្នះតែខ្ញុំចង់បង្ហាញ ថាខ្ញុំមិនមែននិយាយបានត្រឹមសម្ដី ប៉ុន្តែក្នុងនាមជាកូនប្រុសខ្ញុំហ៊ានទទួលខុសត្រូវលើពាក្យដែលបានសន្យា ហើយក៏ដើម្បីឲ្យលោកប៉ានិងអនាគតម៉ាក់ក្មេកបានជឿថា Jeon Jungkook ពិតជាស្រឡាញ់ និងចង់បាន Kim Taehyung មកមើលថែពិតមែន»Jungkook និយាយដោយភាពជឿជាក់មិនស្ទាក់ស្ទើ សម្លឹងទៅរាងតូចដែលកំពុងអឹមអៀននៅពីក្រោយអ្នកទាំងពីរដូចគ្នា ។
«ឯងយកស្អីមកធានា?»
«ជីវិតខ្ញុំអាចនឹងគ្មានន័យគ្រប់គ្រាន់ ប៉ុន្តែកិត្តិយសជាកូនប្រុសដែលខ្ញុំសាងពិតជាសំខាន់ ខ្ញុំដាក់វាជាដើមទន់សម្រាប់ចូលស្ដីដណ្ដឹង Tae បើថ្ងៃណាមួយខ្ញុំហ៊ានប្រហើនធ្វើបាបចិត្តរបស់គេ ខ្ញុំនឹងទទួលខុសត្រូវចំពោះទង្វើខ្លួនឯង ដោយដើរចូលគុក រស់នៅក្រោមឈ្មោះជាទាសករជាតិ»សម្ដីដ៏វែងហាក់ព្យាយាមបន្ទន់ចិត្តលោក Kim. អោយត្រជាក់ ខណៈដែល Mrs.Kim បែរជាញញឹមមើលទៅភាពក្លាហានរបស់ Jungkook ។
«លោកប៉ា...»Tae ឯណេះក៏រៀងភ័យ អង្រួនដៃរាងចំណាស់តិចៗដោយការអង្វរក គេក៏អាយុច្រើនដែរហើយ ទុកយូរខ្លាចហួសដេឡេ សារ៉េអោយគេបកកេសខ្លះទៅ ។
«ចុះបើថ្ងៃណាមួយ ឯងក្បត់នឹងសម្ដីខ្លួនឯង?»
«គ្មានថ្ងៃនោះដាច់ខាត ខ្ញុំគិតថាខ្លួនឯងចាស់ទុំគ្រប់គ្រាន់អាចនឹងស្គាល់ពីនិយមន័យនៃពាក្យថាគ្រួសារនិងដៃគូហើយ ខ្ញុំតស៊ូយ៉ាងនេះទម្រាំនឹងបាន Tae តើខ្ញុំអាចដោះលែងគេដោយងាយដែរឬ?»
«ហឹម ទៅបើកទ្វារទៅ!!»Mr.Kim ដកដង្ហើមធំ អស់ជម្រើសក៏ប្រាប់ទៅកូនអោយបើកទ្វារទទួលភ្ញៀវដែលអញ្ជើញមកជាក្រុម ដង្ហែរដូចមានបុណ្យយ៉ាងអញ្ជឹង ។
«ហិហិ បាទ...»Tae រហ័សរហួនរត់ទៅបើកទ្វារ ធ្វើឲ្យគ្រប់គ្នាហ៊ោឡើង ទាំងក្ដីសង្ឃឹម យកឈ្នះចិត្តលោកប៉ាក្មេកបានមួយតង់ហើយ នៅទឹកទីពីរចាំសារ៉េតាមក្រោយ ។
(សប្ដាហ៍ក្រោយភាគបញ្ចប់ហើយ🤧)
To be continued
Lie Naa