روح في بحر الظلام

الحلقة السادسة والخمسون

____ الكاتبة بحر _____

لتنسون التقييم والتعليق على الفقرات +++اضافة للحساب لطفا

البارت تقريبا 5300 كلمة

اللهم صل على محمــد وال محــمــد 🦋

‏استغفر الله الذي لا إله إلا هو الحي القيوم واتوب إليه
‏استغفر الله الذي لا إله إلا هو الحي القيوم واتوب إليه‏
استغفر الله الذي لا إله إلا هو الحي القيوم واتوب إليه

_________________________

مــشمــش

رحــنا للمسستشفى
اباب المستشفى الحارس تكلم وي عمو شهاب بعذ ماا شافني مختنگة

:شووف اذا فااتت للحجر هــنا تمووت الاسرة قليلة العالم دتمووت بأبواب المستششفى اخذذهة قوي مناعتهة ثوم وفايتمين  c و ال d3  اششتري العلاج من برة احسسن خطية هــنا تنتهي

بس سسمعت كلامه ارتعدت من الخووف وززاد الاختناق عندي  دمووعي صارت تجري شلالات

اجاني يركض
:هاا بووية ششمالج ششجاج انــا ويــاج ماايصيرلج شي

:عــمو ماا ارريد امووت ارريد اضل ويــاك
:ياابعد عمج ورووحة اسسسم الله عليج من طاري المووت

:عــموو صدري يأذيني احسس حجاارة ماا اگدر اتنفسس صاار الوجع يزيد

:يلاا يلاا امشي نرووح للخااص احــسن هم ذولة يمتة صار براسهم حظ اجيهم بية اسهال يسجلولي بندول

ضحكت واني ابجي

:عبالهم راسك بي أسهال يششوفوك دتصلع

:جا حتى وانتي راح تمووتين ناصبة علية

:عمــووو لعد و رانـــيــا هم مريضة ششلون فدوة
:خل اخــذج ل دكتور وشطيني اووديلهة العلاج وعلى الله

رحنا لدكتور
فحصني گال ماشاء الله مناعتهة قوية والفيتامينات تمتم بجسمهة ان شاء تتخطى بس لازم حجر شهر

وهاي الابر وراجيته فيتامينات تقويني اكثر
كاان سعر الابر باااهض الثمن العلاج كان يجيبة الدكتور من دبي

رجعنا للبصرة عمو حجرني بغرفة بيبي
خلا عندي موبايل خابرت ماما وطمنتها ما گلت رانيا مصابة گلتلها انصابيت واجيت قبل ما اعديها

ضليت بالغرفة
لازمة موبايلي اباوع بالتيكتوك واني اخطط وافكر بالله هذني بشنو احسن مني اصلا اني رگصي احلى منهن بالف مرة واني احلى منهن شنوو هااي ارريد اصير مشهورة

لا شغل لا عمل لا دراسة بس اكل وموبايل تحسسنت بعد اسبوع وضلت بس هاي الفكرة براسي اصصور وامسح اخاف من عمــو شــهاب

من اجــا دخل يمي يحضني ولابس كمامة

:هاي الكمامة تريح بيهة ضميرك لو شنو
:ههههههه اناا بسس اريد اعرف هاي السوالف الحلوة شلون تسفطينهة

:غير وراثة ياعمو دباوع سوالفك شلون تنگرُط

:ايابااا السالفة بيهة لوواگة

:هوو موو لواگة بسس اني ارريد انتشر
:اي ليش لا انتشري ياهو كاضج اصلا الشمس زينة الج باچر الصبح اصعدي انتشري

:عززا لا عمو يعني انششهر اصير مشهورة منتشرة

:ياابوية عمت عيني كون اخلي الوادم تشوف حسنج وتحسدج

:بسسس اني دبااوع جماال الاجنبيات والاوربييات ميينحسسدون لعد عموو حبااب زيين ما ارگُص بس انززل معلوومات طببخ افيد المجتمع

:وانتي ششدراج مااينحسسدون
:لعد فد يووم ششفت وحدة اجنبية كالت الحكوني انحسسدت شفت وحدة حااطة خرزاية زركة ششفت وحدة حااطة سبع عيوون

:اولا السسوالف الذكرتيهة كلها جذب وماا تحمي احد
ثانيا انتي شدراج ما ينحسسدن شنهي شاكياتلج

:لاا بس جان گالو ياابة ترة انحسسدنة على جمالنة هييلب هييلب ساائدووناا

ضحك ونزع الكماامة : احنــا مسلمين الله منعم علينة نعرف الحسسد نگدر نتجنبة ونحفظ رويحااتنة هم ماا يگدرون لنهم ما يؤمنون بالحسد ويتجاهلونه

:شنوو هاي عموو

:اسمعي يانضر عين عمج انهم ما يعترفون موش يعني ماينحسدون  يتأثرون بس مايدرون بيهم اليفلس بيهم اليمرض بيهم اليضيع بزرة بيهم اليخسر حلالة
اطفالهم تمررض حالات الطلاگ تارسة البلد عوايل متهدمة

هااي اغلبهة سببهة الحسسد

الا انا اتعجب على ربعنة الينشرون اطفالهم وبيوتهم ودي اطبلة للشاشة امرررد مصارينة
بيتك الماعاجبك اكوو ناس تتحسر علي طفلتك الفرحان بيهة ولون عيونهة اكو ناااس تتحسر على ريحة البزر وانااا منهم
نوبات تهووف روحي على فــرخ بيد ابوو واتلاحگة اگول ماشاء الله
ضمي حاجاتج الحلوة  عن عيون  الناس حتى تروح منج

:ديلا ماا انششر ركص بسس طبخ وسسوالف ودرووس وعبرر هييج يعني وحتى البسس كمامة

:لاا بوية ليش طبخ ارركصي وهزز وهزز وخلي الووادم تتفرج اناا الادگلج چاا شنهي شكو بيهة

:الله عليك؟
:ششوو ووخري عني  صااار سساعة الغي طاح حلگي ولا جنهة تسسمعني المسسمووطة

:عمووو عفيية

:ولكم الله اكبر توهة طلعت من المووت وترريد ترركص هااي ووين صايرة  وووخرري بت ال……

:هااا هااا هاااا دتغللط على بابا

:خااايبة دووولي وحگ هوو علي لوو مابطلتي سسوالفج ل اخلي التلفوون حسسرة عليج

دفعني وططلع واني ضليت اددردم واهووس
دگ المووبايل رقم غريب كليوم يتصل وماا ارد حضرت مرتين وضل يتصل من رقم ثاالث
ماگلت ل شهاب لان ياخذ الموبايل مني عفتة يتصل اخر شي وترني كلما افتح فيديو ينقطع بسبب الالحاح
رانـــيــا وماعندها موبايل ولا ســــــــرى بعد ما اعرف غيرهم

رديت بعصبية

:الووو

:مشمش

:منــوو
:حسام
:شكو تتصل والنبي أگول لعمو ترة

:ماارايــد شي والله بس اطمئن عليج صار اسبوع بالي يمج
:شنو تطمئن انت شعليك بيه

:گال قــيــصر انتي مصابة ضل بالي ، بس من صووتج اليلعلع مبينة زينة

:اي الحمدلله تحسنت ورانيا شصار عليهة عمو گال دزيتلهة علاج

:اي حنين سودة بوجهة
:لتحجي علي تقبل احجي على عمك
:خرا بعمي
:يؤ
:لييش متردين مشمش اني مأذيج بشي سامعة عني شي
:لا والله هيج من الله اكرهك من شفتك وانت تضرب بأخوية واني شوفتك تقهرني انت وذاك صــاحبك

:والله واجب انتي تعرفين تهمته جانت مخدرات وقتل وكل الدلائل ضده

:حتى لو مجرم حتى لو بريء هو اخوية وانتو أذيتو كلما اشوفك اتذكر شسويتو بينه بذاك اليوم

:بس هذا ضلم
:سيدي شتريد مني لويش تتصل لويش تخابر لويش تساعدني
رد بصوت هادئ
: كل شي ما اريد والله
تكلمت بشك
:خاف عبالك انطيك رقمي وحب وسوالف وسخة
رد بعصبية
:انچبي لج طاح حضج على الساالفة دباعي صوتج تگول صوت صرصر  وتگلي حب

:ديلا لعد اني صرصر شكو متصل راح احضرك

:اططيح حضج والله
:ششنو
:اسمعيني ياعيني والله ما اريد شي بس اتصل اسألج شلونج ردي علية والله ماعندي شي وياج بس حتى لا تشغلين بالي

:هم تعرف شي عن رانـــيــا
:فلست الرجال وحق الله الدكاترة مسوين بيتهم سوگ ناس طابة ناس طالعة

:كلة منة كلششي بسسبة واصلا منريد منيته عمو گالة ناخذهة وهو مقــبل

:مشمشة انطيج نصيحة لتتعلقين ب شهاب هوواي

:اي مو امشي بكيفك اني

:اني اروح عندي شغل قبل ما اتصل راح ادز رسالة حتى ليلزمج عمج ومسسحي السجل تمام

:لااا راح احضرك
سديت الموبايل مسسحت كلشي وحضرته

بسس ضليت افكر ..هو ليش كليوم يتصل ليش يخاف علية خااف يحبني
گمت اباوع بالمرايا بوقتها ما جنت افكر بي بس صرت اباوع لنفسسي معقولة صرت بعمر احب وهااي
لا وين باع ششكلي عبالك طفلة

خااف من الرويات الاقراهم صصرت ادبسسز
لا لا لا والله ما اقرا ادبسسزات اني
عيب مشمش عيب
بس هذا حسسام لو يضل بس هو ما اباوع بوجهة ايع ضابط ومأذي اخوية واختي واحبة. لوو امووت
بسس هو حلوو
انجبي حقيرة اتأدبي ششوية

مصاارعة بداخلي كلام هووواي اتذكرت رانـــيــا من تگول حررامي مااخذ ترچيتهة

خرا بيج مشمش بعد وكت لوو متذكرة بااجر
بسس هو صدك شاارم اذذنهة
قششعر بدني ولززمت اذني واني اتذكر من ررفع شعري بااوع وگال هااي متفيد

هذااا مجررم حررامي لوو ضابط والله تعبت

_____________________________

ســــــــرى

مرتضـــى :ســــــــرى

اجا يركض وصل ليمي نهضت مسسرعة ابتعدت ورفعت ادية وصحت بوجهة

:لااااا تتقرب ابــد
قوس حواجبه وهمس بتوسل
:حبيبي
صحت بي واني اضحك بصوت عالي ودموعي تجري من القهر
:ايي ايي حبيبي وعمررري واضضحي برروحي وتااالي ويينك ررحت ل اهلك واااني ووحدي مثل مااكالت اختك رووحي وواجهي مصييرج ووحدج
عفتنيي ووحدي طلقتني واخذذتهم وررحت

:ســــــــرى بسس علكيفج فددوة لكلبج ..افهمج كلشي والله اففهمج جاانت مجبوورة مهددهة والله

:ووخررت الششعر من وجهي المليان ترراب كنت ارجف من صصوت راسسي ومن حااجتي للعلاج ،كنت بوضع ماا يسسمحلي انااقش احد

گعدت على الكررسي
وهو واگف
تكلمت بصوت مرتجف وملامحي كلها امتعاض
:مرتضى ووخرر تعبببانة حييل تعبانة
:الج بـاقي عمـري جووة رجليج
صرخت بي بكل صووتي
:وووخـــر وووخـــر كااافي كــذب ووخــــر ررروح ل امك ررروح ششكو جااايني

تدخلت الشــرطة ومن بينهم فاجأني وجود الملازم حــسام ابن عدنــان هذا ششجابة

تكلم موجه كلامة لمرتضى
:ســالمين يــابة
:زوجــهة اني
:كــذاب طلقني عــافني ابيت عــالم غربة عــافني وحدي لان امــة طلبت منــه تووسلت بي ابقى على ذمته وترركني مــاعندي احــد ولااا اررريد احـــد  رووح ل اهلك ولا تگعد تبيع حجي برااسي

حســام: تووكل بالله اخوي

وخــر من يمي وجان وجهة مليان حزن والوانه متغيــرة

قضيتي المسؤول عنهة قيصر مهران
بقيت بالمركز بالممر منتضرة مصيري نزلت من المصطبة للأرض
ياربي اني اذا طلعت منــا وين اروح منــو اللي

بعد فترة نصف ساعة رجع مرتضـــى اقترب مني گعد مقابلي

حجيت همس
:عفتني
:عساني بالموت
:عفتني وحدي وانت تعرف ما اللي غيرك ردت بس اسمك ومارضيت
:والله ماكنت واعي ابوي الفجعني وحرگ رقية وامي الكانت راح تنتحر ششصير بس فهميني والله انثولت وروحة ل ابوية

:روح لعد شكو جاي يمي خاف عبالك رافعة دعوة على اختك لو شي ترة ما اسويهة بس مسلمتكم بيد الله

:گولي اللي تردي وادعي شگد ماتردين بس لا تبعديني تعب گلبي ســــــــرى اهون عليج حالي

:هنت عليك بااوع حالي ششصار كنت عبالي انت سندي طلعت غبية ولا بعمرك صرتلي سند خالو كان سندي وبسس مات درت وجهك وشمرتني بالشارع ، ما الومك اكيد اهلك اولى

مگابلني ودموعة تنزل وشفايفة صارت بيض سكتت عنه ودنگت حطيت رأسي على رجلية

على گعدتي وجابو جدتي اللي ما اعرف اذا فعلا جدتي او لا هي ورباب

بعبيهن ومقيديهن ويسحلون بيهن

نهضت بسرعة مرتضى فز وراي

هم يمشون واني امشي بمحاذاتهم

:اكلج انتي صدك موو ام ابووية صصدك لو كذب

ردت بصوتهة المليان عجرفة
:ززيحي عن دربي  يااا بنت الزناا
رباب تباوعلي وتبجي
:يــمة ســــــــرى ترة انا ماالي حااية فددوة لاا تششتكين مني انا برگبتي يتااامة لاا اتيهيني حكيد جاان يجبرني

تذكررتها وهي تصورني واني باللبس الفااضح حجييت بصوت نااصي ودمووعي تنزل خاايفة من الفضيحة

:حسسبي الله ونعم الوكيل بييكم الله يااخذ حقي منكم وواحد وواااحد

دنگت خجلانة واني اتذكر وضعي والصار
بعدهة استدعوني
وحوولو اسمي لمركز بغداد
بـابـا بعد ما قابلته

كان المفروض اروح ويه ابوية خالي عمي لكن للأسف بدأت الحيرة من هاللحضة طلعت من المركز
واكفة بالباب محتـارة فجأة انلـزمت ايدي
سحبته بقوة وخوف التفتت كان مرتضــى

:ســــــــرى راح اششرحلج كل شي تعذريني والله ..وعيونج انجبرت الضروف حااصرتني

ابتعدت منة واني احجي بعصبية
:روح لا الم العالم عليك

مــر من يمي حسام بكامل قيافته
:يلا خوية امشي اوصلج طالع لبغداد

مرتضـــى وراي يحجي بأنكسار
:لا بروح امج بروح ابوية لاا تسوويهة تعاالي وياي

وكفت وحسسام كمل طريقة للسيارة.
ومرتضى يمي
:ابووس ايدج فدوة لعينج ارحمي حاالي وروحة ل ابوية ماتوقعت هالگد اخذ ووقت انجبرت اتأخرر موو بيدي

صاح حسسام من مكانه

:هااا ؟

رد علي مرتضــى
:اني اجيبهة سيدي تجس وياي

تمام لاا تتأخرون على موعد التحقيق
:صار

تحرك حسسام واحنا واكفين

باوعتلة عيني بعينه عيوننا كانت تتزاود بأضهار القهر
:اخذني ل رقية اششوفهة دا اسألهة ليشش ..بششنو ضريتهة حتى تنتقم مني بهالقساوة

:انجبررت خاافت رقية صغيرة مراهقة عقلهة مو بأيدهة

:لعد وخالة همات مو بأيدهة رووح روح ششوف التصووير عدهم كااانت تنطي فلوووس المن الفلووس مرتضى اخذني الهة داا اكرهكم اكثر
هيج مثل ما كاررهة رووحي ارريد اكررهكم

:كلشي تريدي يجرالج بس امشي تعالي
مشيت وراه بلا حجاب مليانه تراب من ذاك الجحر المضلم

ماكان عنده سيارة
استأجر سيارة توصلنا لمكان ما اذكره
صعدت بالخلف وهو اجا يمي
بالطريق توقف يم محل عبائات الضاهر متفق وي السائق على هالمكان

اخذت العباية بدون نقاش اريد استر جسمي وقذارتي والتراب والشعر
التراب اللي رافقني من وقت ما انهال على امي بقبرها ذراته انرشت على اياامي

لبستهة واني احسس نفسي بارود اريد انفجر
انطاني بطل مي ششمرتة بعيد
صعدنا الرجال نزلنا بموقف السيارات من هنا استأجرنا سيارة ثانية وبعد كانت خصوصي

طول الطريق ساكتين محد نطق
نص الطريق خلصته ابجي واحك بشعري وهو يهمس هسسة نوصل

:ششوكت مرتضــى صصاار شگد
:لعد مو گلت نأجر فندق ترتااحين مااقبلتي
:كااافي اسسكت ششگد اكره صووتك

هز رأسه ودنگ بدون رد
ما اعرف شگد مر وقت واني الحسسرة بگلبي اتذكر عجزي واني تحت هالقذر احسس التراب ابلعوومي

بابا وين صار حتى ماا سألت عنه
التفتت لمرتضى
:مرتضــى هم شفت بابا

:شفته ســــــــرى سالفتة طويلة هاي ثاني جريمة قتل
:بس هوو كان ديحميني يعني ششلون يووكف يتفررج ابووي صاار اششهر محبووس عدهم صااير مثل الحيووان يقضضي حااجتة جوواه جررييمتييش لعد هم موو واعدووني

:ســــــــرى ابوج مدمن حتى اذا طلع هسة ممكن يقتل علموود جرعة اصصبري خل نششوف تاليتهة اصصبري انطي مجال والله ناارج بگلبي عباالج باارد عباالج ماا مهتم والخلقج رووحي مفجووعة اصصبري

ترركته ومدري ششلون غفيت
من وصلناا السايق كان ناازل وهو بعد ملتف للباب من جهتي ومدنگ يمي يغطيني بالعباية

:تعالي وصلنا
:نزلت وصلنا لشارع بي فناادق  وبنايات هووايه

:هااي وين جايبني ،داا اگولك ودييني ل امك ارريد اففهم لييش كانت تنططي لحمييد فلووس خلييهة تفهمني ليش اني خاايفة تكوو الهة اييد بمووت امييي مثل ماا قتلوو خاالوو ساااعتهاا مااكو ششي بالدنياا يششفعلكم

:باچرر مسستدعينهم بالمرركز  بااچرر اصصبري تفهمين كلشي بسس علكيفج

:هسسسة هسسة اررروح اذاا ماا تووديني الهم والله افضضحكم فضييحة

كاان متردد بششكل خووفني ليش ميرريدني ارروح وياه
بلاخر انصاع لعناادي ورحنا مااكان بيت خاالو رحنا لمنطقة ثانية مستأجرين بيهة بيت صغير

دخلنا للطرمة گال اوكفي ثواني وكان كله يرجف وكفت بعد دقيقة او اثنين رجعلي گال فوتي بعد اول خطوة طلعت امة

:ششترردين المــن ررجعتي شكو رديتي علية

رديت بصووت اعلى من صووتهة
:منــو رد علييج ماا اتششرف اباوع بخلقتكم اصلا ياا قتلة ياا مجرمين..  بــاچرر المحكمة بيناتنة رراح ادفعكم الثمن غاالي بسس اششوف بنتج بسس اسألهاا قتلت ابووهاا بأي ذنب

صــار صرراخ بالبيت وكانت هااي صــرخات رقية

دخلت للبيت وراهم لان ركضضولهة
كانو حاطيها بغرفة على سسرير طبي وريحة المعقمات والديتول مرركزة بششكل

دخــلت وراهم واششوف رقية
كاان المنضرر مفززع رقية مااكان ضــاهر منهة غيير عيينهة وشفايفهة اللي تسسيل الدم وكل الشاش الملفووف عليهة ملياان دم ومعقماات

ماتحملت المنضر
هذاا كثير علية كثير جدا على عقلي ورووحي وگعت بلارض مرتضى سندني كنت مووسعة عيوني اللثم فمي تقييدت الكلمات ببلعومي التفتت ل مرتضى

ارييد اسأله ششصاير
فهم خووفي وسؤالي من دون ان انطق

:هذاا الاخررني عنج سسرى اني موو خااين العششرة انيي من سااعة الششفتج واني انفصصل جزء مني صاار برروحج هذاا الأخررني منج ششووفيهة

گمت من الارض اقتــربت منهة واني اخااف من نسسمات الهوا اللي تلچم جروحهاا

:لييش رقية ششسووويتي برووحج

:هووواااا هووااا والله هوووااا انتم مااا تدروون هووا يخااابررني گااال اددزلج ررراس اخووج هووا السسسبب گال اذاا ماا حرگتيي الططرمة احررگ بييتكم محد يگدرررلي

:لييش ماا سجلتي المكااالماات رررقية جاان صاار دلييل ولزززمناا لييش ررقية

:ماااا ادددررري مااا ادددريي سسسااامحووونيي خلي باااباااا يييسسسااامحنيي

مرتضــى :ششنو سالفة الفلووس يمة ششنوو من فلــوووس ناطيتهم لحمييد

: يمة والله التتف علية لااا تـلوومني ضلييت بسس انت الي گال بسس يعرف اختة حاارگة بييتهم ماايعاالجهة انيي خفت تمووت بنييتي

:اعوووفهة اعووف رررقييية ترردووون تخبلوووني والله عبباالي رااح تنكرررين لوووين اضل محتتاار لييش اني من دوون العااالم لييش ياا الله شلوون رراح اوواجه الناااس بااچرر عليج اسستدعاء ششلون ررااح اررهمهة حااجيني

:لااا ي أبني لااا يماما گول ررجعت حبيبة گلبي وارريد اسسترجل گداامهة لاا حيرة ولاشي   بسس احسسلك اططلعهاا من بييتي وتذذكر انت ششنو وماااخذ منوو  لا تخليني افقد اعصــابي

:بـــسسس اسسسكتي والله خبلتيييني معقوولة انتي امي  معقوولة..  ششلون كنت مخدووع بييج لييش هييج ووصلت بييج تتفقين ووي قااتل ابوووية على شششنوو لييشش

رقيية كانت تبچي ومحــد بحاالهة
مرتضى كان يدافع عن رجولتة اللي مستهة امه بكلمات مثل الخناجر

والام كانت منهارة رافضة وجودي بكل ما اوتيت من قووة

فهييت واني ابااوعلهم ششصاير ســــــــرى الى متى هذا وضعج الــمن اجييت ششأدور
كان داخلي يريد اعتذااار ولو اجيت ادوور اهل
اطلعي ســــــــرى ماا الج اهل هنــاا

نهضت من مكاني واني دماغي نششف ضليت ماا اركز بششي الصوت بررااسي زهگني ردت بسس اطلع اصوواتهم صارت مثل صعقات الكهرباء على رأسي

على صووت بكاء رقية المتألم اجت بنية تركض من المطبخ
من ششدة المرض والتعب ارريد اعررف ملاامحهة منوو مااكو تعدت من يمي ترركض

واني طلعت
سسبقني مررتضى وكان مازال مسستمرر بالصراخ لبسس حذائه. وصاار يمششي اماامي واني وراه غييرت اتجااه طريقي  وگعدت بلاررض

حسست بأدي على زنودي
گوومي امششي اخذذج لفندق اررتااحي

:بصفتك ششنو ومنوو تااخذني اللي اعرفه الفندق يريد عقد انت منو بالنسسبة اللي

كنت بالعبائة فقط لا فلوس لا موبايل لا فكر لا رووح

نهضت لان ارريد ارتاح حتى لو فترة قصيرة واششوف باچر شيصير

رحــنا لبيت مو فندق

:وين جايبني
:بيت صديقي هذا تعالي لتخافين نصعد بالطابق الثاني بين ماا اششوف ششسوي

دخلت البيت كان بي ناس رحبو بمرتضى بحفاوة وحب اني ورا واكفة المرة حسست بخجلي گالت روو يمة رووح اخذ راحتك صعدنا فوك

غرفة نوم ل شخصين سرير منفصل الغرفة بناتية حسسيتهة لبناتهم
گاعدة على السرير ابكي من حالة التشرد اللي وصلتلهة وفااتت المرة

:يااا على شنوو البچي هي الدنيا هيج يووم حلوة يووم مررة

:ششوكت خالة شوكت تصير حلووة تعببت والله رااحت رووحي ارييد بسس الامان بسس بيت اسستقر بي هلكت

:لاا كانت حلوة وياج وهسسة وقت المرارة اجررعيهة ورااح تعيششين الاحلى من الحلوو اصبرري ياا عيني لا تزهقين ربج يختبررج يختبر ايماانج يلاا امي گومي اسسبحي وارتااحي هااي غرفة اخياتكم عيني رضااوي اعذرناا على التقصير

مرتضى كان بس مدنك ويدخن بششراهة
گومتني انطتني ملابس واني بالحمام

:هااج يعمرري اخذيهم والله هذول مملبووسين ابد اخاف تكشين
خجلتني بلطفهة مارديت وهي حسست وردت
:تهوون أمي تهوون شدة وتعدي

سبحت
احسس روحي انتعششت اششوف التراب شلوون ينزل مني واني اصــبر بنفسسي

ســــــــرى لا تتشائمين شووفين وين كنتي وين صررتي تخلصتي من حمييذ تخلصتي من حفرة كانت راح تصير قبر الج

ولبست الملابس كان تراك دخلت لمرتضى
كانت دموعة تنزل تجاهلته ورحت لسريري

:ســــــــرى
:مرتضى اريد علاج رااسي ذبحني من الصصبح اصييح اريد علااج

:صــار هسسة رايح

من طلع جابو اكل اكلت لفة صغيرة لان صرت ارجف من الجوع ما گدرت انتضر
راح جابلي علاج اخذته وهو راح يسبح

طلع واني على حــالي
:انت ششنو من علااج جبتة اششو. بعدني تعباانة
:هو علاجج نفسة شبيج اخذج للمستشفى
:لاااا وخرر لتسووي نفسك حنوون ووحرر هسسة اصيير زينة

لليل واني على حاالي ولا نمت ولا ارتاحيت وهو محتار شيسوي
لحدما قبل الاذان سرقني النووم
گعدت الوقت حيل متأخرر لگيتة گاعد يمي على سريري يباوع بوجهي

بأبتسامة :نوم العوافي
:درت وجهي للجهة الاخرى بعد صمت طويل وحسسرات متعالية تذكرت وسألته

:مــرتضى منو البنية اللي ابيتكم

_______________________

رانـــيــا

بعد مايقارب العشر ايام من الحادث الالام مازالت مستولية على ضهري واقدامي
اكره نفــسي اذا طلبت الحمام هذا كاان اصصعب شي بهالفترة الم لاا تصفهة كلماات لدرجة قــيــصر اللي اكره المسسه صاار لما يحملني اتششبث به بكل قووتي خوفا من السسقوط او يصير خلل

كنت احسس جسمي منقسم نصفين
الطبيب النفسي داوم الحضور

بعد معاناة وياي صرت ارتاح ل حضورة صررت اني انتضرة
وأســراء امرأة الصداقة المجهولة اللي ضهرت فجأة وصارت صديقة
احجي وياها واسسمع منهة لكن ما اثق بيهة عكس الطبيب

اللي كنا واصلين اني ويااه لمرحلة ســــــــرى احجيلة عنهة واني احسس بشوق بداخلي

قاطعنا دخول قــيــصر
سألته
:سيدي
:عيني
:لعد مو كلت حتجي ســــــــرى
:تجي ما اكذب عليج بسس اصبري هالفترة

منزلة حنكي والمحلة بنضراتي كاني اگول  .. كذاب

رفع السبابة والوسطى لعيونة ورفع حواجبه
بمعنى..  نزلي عينج

رجعت نضراتي للطبيب بعد ما انقطعت سلسلة الكلام معي بدخوله صار الدكتور يساعدني يسأل واني اجاوب

طلع الدكتور 
واقترب قــيــصر ينطيني العلاج

مدنگة بس رفعت راسي صارت عيني بعينه
اسمع صوت عياط مشمش وامه المرة تحجي بهدوء وهاي تلعلع
خفت عليهة تذكرت شلون خنگني علمودهة

:شلونج
:زينة
:خدودج حمرر شنو مصخنة
: زينة كل شي مابية بس اختي شبيهة دتصيح
تحسر ورد غضب هاي و الله
:افكهة من الحارس تكافش هناء افكهة من هناء تكافش امي راح تجلط المرة علية ياا الله

:لاا تضربهة طفلة
:خل اخلص رووحي منهة وبعدين افكر اضربهة هاي شلون جارعينهة
 
سكتت وهذيج برا تلعلع طايحة بالمرة احناا بعد مثقفين وداارسسين وششكو تفيكين عليينه
قــيــصر :همممم دتسسمعين موو

باوعتلة حاابس ضحكتة ويحجي بهدوء
انطاني العلب
اخذي من هاي وهااي وخلي هالعرمة تسسويلج عصير

قبل ما ارد دخلت مشمش تدردم

مشمش :حمووت والنبي حموووت

رفع حواجبة يباوعلهة بأستهزاء  هز ايده وطلع
صفگت اديهة وغمتة رد فتح الباب خازرهة
احسس گلبي تفطر
:ششسسوييتي
اجتني ترركض صعدت يمي اهتــز السرير صحت :اااخخخخ
رجع دخل صااح بيهة :انزززلي
نززلت تباوعلي خاايفة علية ومنة

رانـــيــا :تا تاا تررا مااسوت ششي

مشــمش :بگااية كششيتهة ششلوون منكشش البگ

صاح بيهة بقوة: بسسسسس ايااني واياج تتجااوززين

فززت بخووف كسسرت گلبي صرت اتنفس سريع النفسس يأذي ضهري

:بگااية عفيية صدك بگااية ششفتهة عووفهة خلسستهة 
دار وجهة وطلع

اقترربت مني مخطوف لوونهة مدمعة… يمة هاااي شششنو لزمي لززمي گلبي

:اسم الله على گلبج بسس عيفي لاا تتقربين منهم فدوة ششبيج انتي

بعدهاا صاارت حرارتي متنزل

دخل علية شكبرة شگدة والمشكلة كل هالضخامة والمقدم عدنان كان اضخم منه

ارريد اگعد حتى ابــعد روحي ماا اگدر
ومــالي خلك
تكلمت بهداوة
:وخــر عني ماابية ششي

:يا مابيج غيير ناار صايرة
:بااوع أنــتَ بس وخرر عني واني اصيير تماام
:بااوعي انتي بس انجبي لا اطيح حضج حتى تصيرين تماام
صرخت بوجهة بقووة

:ووووخـــر تفـــهم لوو لاا ،لااا تسساعدني تمـــرضني بالزايد ماا ارريد منك
لج لطااام مشــمش تععاالي يمي
:اااسسستقري حيووانة

ضل يسسوي الكمادات على جبهتي ورقبتي وادية واني كل ساعة اشمرهة
لحد ماا همس بأذني خلاني اتجمد غضب وخجل وكره واحتقار لوضعي ومكاني

قــيــصر :اذا شمرتيهة مرة الخ و الله ابوسج وعود گولي لعبت نفسي وانصرعي علية

وسعت عيوني وتجمدت صرت اضهر غضبي بأنفاسي وعض شفتي السفلية ..باوعتلة متعصب

:ززمالة ميت على ششكولج ترروحين تمووتين غيير اني ابتلي
:ارريد اختي صيحهة ويينهة ششسويتلهة

:لج احتماال كورونا واختج طفلة تردين تموتيهة

:شكد اكررهك
:كاافي ترة حلفت

لحد ماا ثاني يوم اجاا دكتور ماا اعرف ششنو وكان لابسس ابيض بدلات كورونا تغطي كاامل سسوا المسسحة ذذبحني تلعب النفسس

قبل ماتضهر النتيجة مطلع مشمش بدون علمي بچيت لحد ماا تعبت
من المرض والالم كنت اختنگ اششوف المووت والمشكلة كلما اكح(اسعل)  او اعطس عملية ضهري تأذيني يعني كل كحة كأنما خنجر بضهري

بالليل ومــا كان يمي احد سعلت بقوة اكثر من مررة بعدهــا اريد اهدأ ماا اگدر بهلاثناء دخــل قــيــصر وكان بلا كمامة من عرف كورونا بية يدخل بكفوف وكمامة هالمرة انفجع بمنضري كنت فاغرة فمي ومووسعة عييوني من شدة الالم والاختناق

صاح بفزع
:ششبيج الله الله ششوية ششوية رانـــيــا جرري نفسس

:رراح امووت
:علكييفج مااكو شي بسس اتنفسسي بقوة

:گعدددنييي فددوة اختتتنگت مااا اگدر

صار امامي
گعدني بأطراف السسرير نزل رجليية وسسحبني حااضني
راسي على كتفه يهمس
:هسسة ترروح فتررة وترروح لاا تصييرين جبانة
مااكان عندي طااقة ابعد ولاا اعارض كنت اعييش لحضات الموت
بدال ما ابعده انا صرت اسستند عليه
سسحب جهاز الاوكسجين قربه لوجهي

:شدتها هلاسبوع وتطيبين لا تخاافين
يمسسح على ضهري اطراف مكان العملية
:رانـــيــا
:همم
:اششتعلتي نــار اششتعلت روحك شهاب
:وديني ل بيتنا
مددني وطلع ما اعرف وين راح بس غفيت فززني
ششالني للحماام  صحت بي
:شششدتسسسوووي اطططلع بررراااا يااا مااتسستحي والقران اموووتك ووخر

ضحك ورد
:لج غسسسسلي بسس غسلي عليمن ماا اسستحي

:ارريد اسسبح اططلع
:انجبي ماايصير تمووتين هاالفترة مااكو سسبح
:لااا فدوة لاا

:اووووهوووه صار يغسسل بأدية ووجهي واني ادفع بي
رجع شالني للغرفة فتح الباب انووب صابتني الرجفة تهزني هز تخليني اصيح من ضهري

:كلششي ماااتعررف ووديني لعموو ررراح تمووتني انت بيش طالبني الله اكبررر

:ههههههههه هاي ليش هيج تحجين عبالك مكبسلة

:ووولج يماااا

خبلني بالعصااير ذبحني ذذبح، مسسويني لعبة
ساعة عصير كرفس وفلفل ساعة عصير ليمون وبرتقال
غصب عني اجرعة بسس حتى مايقترب مني

احسسه يتعمد يلمسسني مثل يريد اعتاد وجووده كان لما يگعد يصير قريب مني
لما يجلسني يسند رأسه على كتفي بحجة راحت رگبتي

متمددة هادئة احسسب بأنحنائات الزغرفة اللي بالسقف وفتح الباب الواضح هسة گاعد من النوم
:كافي مو زين على ضهرج لازم تگعدين

:تمام اني اعرف اگعد لاا تتقرب مني
:متعرفين لتطك الفقرات ومالي خلك

:داا اكلك اعررف
:ششوو تصيييحين
:ماا اصيح أنــتَ مااكاتلتك العملية بسس تريد تلززمني دا اكلك ماا ارريد ممااا اررريد
حجيت وبجيت ..خوف وحزن هالوضع ماكان عاجبني
:ليش تبجين ششمسويلج باااوعيلي بس بااوعي صاار اسبوع عاايف دوامي ومگابلج وحتى بلا كمامة الموت ماهمني كل هذا مايصير بعينج

صرخت بدموع
:أنــتَ ششششترييد مني ششترريد اني ماا اريد تلززمني حدك تااخذني للحمام ومششكور غير هيج لوو امووت لاا تلززمني

:هــممم من باجر نطبق هسة نعسسان واريدج تگعدين

بدون نقاش اقترب مني رفع ضهري ونزل رجلية للارض كان قريب حيل واقف على ركبه

انجبر امسكه لان ما اگدر اثبت احتاج ارفع نفسسي
اني ماسكه اكتافه وهو حط رأسه على كتفي

:خررررب شششدتسسوي لخااطر الله

:نعسسان خلييني شششوية

:سيدي
رفع رأسه من كتفي صار وجهة قريب من وجهي درت بوجهي للجهة الاخرى ارتجف من القهر وعيوني حمرة من الدمع
:كولي قــيــصر رانـــيــا
:ماا أگوول كلششي ما اگول گعدني على الكرسي المتحررك ماا ارريد هييج قرريب ليش تسستغل ضضعفي لييش

سحب ايده من ضهري ودار وجهي لوجهة وتكلم يشدد بلاحرف

:گّــوووولييي قـــييصصررر

:وداعة عييون زياد احسس كررهت نفسسي لييش ماا تفهم دتضغط على اعصصابي والله رااح امووت انت عندك بنت وعندك اخووات متخااف صهري يصير بيهم تددري ششكد اددعي الله يفجعك بيهم لوو لااا

ابتعد مني ملامحة  خاايفة من كلامي الكاذب مسستحيل ادعي على طفلة دعائي كان اريد الله ينتقم منه هو

:أنــتَ موو تگول احب زووجتي ششلون هيج تسسوي موو حررام عليك

رغم كل الكلام اللي بكل مرة اعيده مااكان يبطل صصارت عاادة عندة أگعدج متگدرين تمششطين اسساعدج  لو من يبدل الكانيولا ويحط العلاج يضل يمرر ابدديه على اييدي اسسحبهة ماايقبل

اذا رفضت يصيح بوجهي  لوو يهددني
:رانـــيــا حااالف لاا تجبرريني اسسوي ششي ميعجبج

مررات ما اتحمل اتقيئ  يعوفني فترة ويرجع
لاازك بالبيت ليل ونهار
لان انطو اجازة كورونا شهرر كامل بحكم ان عندة شخص مصاب

هسة توني طلعانة روحي وهو اجاا
جايب عصير اخضر

:ياااارررربيي اخذذذني والله متت الله عليك كااافي عليك الحسسين كااافي

:ههههههه شبيج لج

رديت ابجي من كل كلبي لان كررهت شي اسسمه عصير اصبح وامسسي على العصير وششلون ططعم يلعب النفس
:ماااا ارريد والله مااا اريد
:اللي هذا مو الج ..اسسمعي الطبيب راح يجي ..للطبيب فقط مسموح تحجين كلشي كل شي صار حتى بالسجن حتى اللي صار واني مو بوعيي

فهمته و سكتت ومسحت وجهي ..اجا تقرب كدامي مبتسم
:جذب هذا الج يلاا بسسرعة دفعة وحدة اششربي

:ماااا اررريد ماااا ارريد مااا ارريد وووخررر فدوة

:يلاا يرروحي يلاا

:كااافي كاافي لاا تحجي هييج لاا تسسسوي هيييج والله والله لووو تمووت السسويتوو بأبووية واخووي ماا انسساه لا تحجي وييياي هييج لاا تحرك دمي حررام عليك الله يحررك كلبك مثثل حاارك دددميي

ضضرب كأس العصصير بالحاايط بغضب
واني ضضليت ابجي لاا اكدر انهزم ولا اتمدد

:ماااااا قتلت احد انيي وااااجبي هذذذاااا يااا…… .. ياابنت…… .. واااجبببي الصصااار مووو ذنبي شششلعتي گلبببببييي ششترردين انتي التررردينةةة ششنو

ررفعت اييدي عضضضيتهة بقووة من الخووف

:نززززلي اييدج لاااا اكسسسرهة نزززليهة

نززلتهة وبتدت اسسناني الضضرب ببعضضها مجررد ماا اتووتر او احسس بالخووف تلازمني هااي الحالة

كان الوقت ضهر وكان موعد قدوم الطبيب النفسي حتى بأسوء حالاتي ما انقطع لان يجي لاابس كامل وتعقيم ويگعد بعيد

شكيتله من قــيــصر وانه ديأثر علية سسلبا فاجأني من رد
:اعتاادي وجووده حتى تتعايشين وتتخلصين من الافكار والذكريات المرة ،وضعج في تحسسن ملحووظ من ناحية الوسواس ، والسسبب قرب المسافة  بينكم انه تسمحين اله ولغيره يساعدوج طبعا مدا اگولج حبي او تعلقي او تقبلي ك زوج، لكن تقبلج لواقعج بسرعة  يسساعدج تتخطين اللي صار  تمضين بحياتج تتناسين التعذيب

ضل يحجي ويحجي طلع واني اباوع وراه بغرابة مو مقتنعة بكلامة ابدا

دنگت وجهي اباوع ل ادية احسب خطوط ادية لوو الشامات الموجودة بيهم
اشتت انتباهي افكر بمشمش شنو دتسسوي بس حتى انسى ان اكو فازة الورد بيهة مائل
وفرشة الشعر ماكانت بالمجر
ودواسة الاقدام مائلة
واطراف شرشف السرير مو مرتبة
وبقع صغيرة على المرايا

اذا بقيت انضر بأرجاء الغرفة
ضغط يصير براسي الانسان السليم ماراح يعرف عن شنو اتكلم وممكن يصف تصرفاتي بالتميع والمبالغة لكن انا كنت بحرب

غلقت عيوني وضليت اردد سورة الشرح

بسم الله الرحمن الرحيم

أَلَمۡ نَشۡرَحۡ لَكَ صَدۡرَكَ (1) وَوَضَعۡنَا عَنكَ وِزۡرَكَ (2) ٱلَّذِيٓ أَنقَضَ ظَهۡرَكَ (3) وَرَفَعۡنَا لَكَ ذِكۡرَكَ (4) فَإِنَّ مَعَ ٱلۡعُسۡرِ يُسۡرًا (5) إِنَّ مَعَ ٱلۡعُسۡرِ يُسۡرٗا (6) فَإِذَا فَرَغۡتَ فَٱنصَبۡ (7) وَإِلَىٰ رَبِّكَ فَٱرۡغَب (8)

الى ان دخل هــو
بعد ان اطال النضر في وجهي اقترب جلس على الميز القريب على السرير

:ليش البچي
مارديت
:اسألج جاوبيني

:اريد انضف الغرفة باع شحالهة
:شبيهة شنو الماعاجبج بيهة

:كلششي بااوع بااوع ششحالهة

:ماابيهة شي اشياء مو مهمة لا تركزين بيهة
:ترة احس نفسي دا اتحسن شوكت يطلع زيـاد

نزل صار مقابلي
:خطية ســــــــرى صايرة مشاكل بينهة وبين عمامهة شنو رأيج تجي يمج  هــنا هالفترة

:عزززاا وربي امك وزوجتك يموتوني خوو اني ارووح يمهة كلياتنا نروح لبيتنا

:للبصرة؟
:بلي عمـو شهاب مجهز كلشي مشمش حجتلي

:لاا بعد وكت ماتطلعين من يمي لحد ما تطيبين
سألت بعصبية
:اطيب لوو ترجعلي اخوي

تحسسر ورد: اثنينهم
:ززين احجيلي ششوية هوو زين

:احسسن منج بخير والله ومرتاح بس يمكن خايف عليج اتوقع صيري زينه وهو يصير زين

:وانت شمدريك مو دتكول ماشايفة
:يسسولفولي عنه
اكلج احسس نفسي تعبان يمكن عديتيني

حجيت بداخلي :ووين الله وتمووت انت وقذارتك

:گوومي اطلعي خل ينضفون الغرفة وانتي غيري جوو يلاا

اقتررب مني
صررخت بووجهة
:ماااا اررررريد ماااا اررريد
:موو بكيفج
عبالي يحطني بالكررسي بس كمل طريقة يمشي
:نززززلني للكررسي
:خررا بيج شششگد صووتج مززعج
:باالكررسي اررريد بالكرسسي
رد يضحك
:صاايرة ثگيلة
لززمت التشيرت بقوة :خرررب لك نزززلني
:البر… اگلهة گولي قيصر تتعيقل بسس لك عاادي تگولهة

وهو يمشي صاار بوجهنة أسامة كان داخل من الحديقة  باوعلة شايلني ويمشي ابتسم مستهزأ وكمل طريقة

حجيت بحرگة وغضب
: وحق الله اكررهك وحق محمد اكررهك كليوووم اكررهك اكثثر اگوولك لااا تلزززمني ترريد تضرب ترريد تصيح اكررهك الله يااخذك انت وشهااب ياا مجررمين

:انووب صايرة بيضة شنو تسووين خلطات من ورااي

:اكرررهك والله اكررهك
يصعد الدرج واني اصصيح خفت ووين مااخذني لازمني بقوة ويضحك
صعدنة لسطح البيت كان طابق ثالث
بس مرتبي سندانات كبيرة واقفاص طيور حلووة كعدني على كرسي مصنوع من الخووص

ووگف ينكث بأدي
:هاااي ششنو لج ششگد صااير وززنج
تجاهلته ضليت اباوع للمكان كلش حلوو گعد امامي يدخن ويسسعل

حطيت رأسي على الكرسي
نهض من مكانة جااب بلووكة
فززني وحطهة امامي
:ششدتسسوي
وكف وتخصر ورد بملامح ضجرة
:لعبتيهة لنفسسي كلما اتحرك خططوة صحتي ششدتسسووي
تررة ملاابسي علية وملاابسج عليج عووفييني بحاالي عــاد ترة أنــتِ اللي تتحارشين

:اييع
:اششگة لحلگج اذاا عدتيهة
دنگ عباالي يريد يسووي شي صحت بيي
:ششدتسسسوي
:ررراااح اكفـــرررر

رفع اقدامي مدهم على البلوكة
:موو زين يبقون ناازلين الدم ينزل ويتورمون

:ترة معلييك
:تررة حاالف بعدني على يميني

سسكتت عييني للسماء المنضر كان آسسر شكل الغيوم والطيور وصووت البلابل بلاقفااص
هو كان يتصل لان اسسم صوت اصدار الاتصال

ابتسمت واني انضر لتدرج الوان السماء اني من عشاق السسماء خصوصا اذا تزينت بالغيوم
كنت اباوع مبتسمة بحب واني اردد بداخلي
:سسبحان الله ياارب ششنو هالجماال

بعد فتررة طويلة التفتت لگيته عينه علية بنضرات غريبة 
ماگدرت ابعد عييني منه
ادورر على الندم بعيونه
كانت نضراته بيهة ابتسامة حزن

خانتني تعابيري ورسمت حزني واغرورقت عيناي رجف حنكي وانا اكتم وجعي سألت بهمس

:ليشش

:اخذ حبوب ، بفترة المضاهرات كنت اخذ حبوب حتى تخليني صاحي كنا بأنذار دوام الشوارع ودوام بالقضايا بالسجون  بوقتها كنت اللي اسبووع لو باليوم ساعتين لو ابد ماا انــام مااكنت واعي وصرتي بأدية وفوكاتهة ششربت اني ماا اتأثر بسس تضارب وي الحبوب وخبلني رانـــيــا والله اني موو مثل ما تفكرين

رديت ابجي :مو گلتلك بريئة اني
:اكوو ما اعتررفو ابد رغم التعذيب ..وبعدين جبنا الدلائل طلعو روس كبار

:عمــج مااكو دليل ضده بس اني متأكد هو ضمن العصابة

:عموو اعتررف هوو الورط زياد لان زياد حرك بيته وسياارتة كال ردته اسسبوع ودريد هوو الورط بابا  رراحوو بدوون سبب اهلي ضضااعوو منيي

:لعد ششلون تتفقين وياه ضدي

:ماا اتفقت
:ملاامحج حيل بريئة جميلة بطريقة مختلفة ،ملامحج ماتليق بيج أنــتِ محتالة جسسرة وكذابة
لحضة حتى تبطلين كذب لان اتخبل من الكذب ممكن انهيج والله

كان يحجي بعصبية

نززل وعاافني رجع بعد فترة بأيده لابتوب

شغله صووتي واني اتفق وي شــهاب ششغله صفنت بوجهة واني اتذكر اللي صــار ذاك اليووم

بوقتها شهاب كان يقنعني يااخذ ماما ومشمش مني
واني بنوبة انهيار

شهاب :الج مني يمين ورايــة العبااس يا رانـــيــا هالشهرين انــا اتملطخ بدم قــيــصر مهران بيدي هااي اييدي شـــاهدة علـــية الا اخلي يتبرغث بالتراب الا افجع امــه بي لو اعرف ارووح اعــدام 

ابتسمت بحزن وباوعتله بأهتمام احس حتى الكلام عن أذيتهم يشفيني شهاب و قــيــصر اتمنالكم تتملخون گدامي بوقتها تطيب جراح روحي وانكسار  قلبي ينجبر 

بسس اريد منــج ششغلة وحــدة
بكل جرأة رديت

:اني مسستعدة اسساعدك ماا ارييد اعييش انطيني سم اسسممه اوو حتى اقتله

:مــشمــش صغيرة مو حمل سسجن وخاف التهمة تلوحها وامج مرة مرريضة ارريد اخذهن للبصرة شــهرين ولو مــا وفيت سوي التريدي

:زيــاد ويــن

:يطلــع لاا تخــافين
ابتسمت مستهزأة  ما اعرف هل كان يضن زياد بالســجن أو يموه الحقيقة
وقتها كنت اضن زيااد منهزم ومو بالسجن

بهت من ابتسامتي ورد
:هــاا بوية شگلتي
:ما نــاوي تخليلي احــد ابد .. دا اگولك عووفهم اقتلة واني يمة ماا ارريد يرحوون

:لااا ماا اكدر ماا اخااطر بيج بنيتي أنــتِ  هسسة بسس جــربيني لوو ما وفيت اعتــرفي علية
:انا مخبلة بعيون الناس محد يصدگني اذاا اعتررفت

:مــا عليج من النااس بس گليلي رراضية
هزيت راسي أي

:اسمعي كلامه شيكلج كولي اي وابعدي عن المشاكل يريد ياخذج للطبيب ارضي وروحي لزوم تتعالجين هيج تبعدين الشك عنج وعن اخوانج وتردين رزنة ماتنهزين من سؤال

:تمــام

:عفية بتي

التفتت فازة لقيصر اللي يحجي بأبتسامة واثقة
:هذا دليل ضد شهاب وضدج ومأمنة يم نااس يضيعوكم  لاا يخدعج شــهاب بيووم ترة رگابكم بأيدي خلصي هاالفترة وروحي الله ويااج مناا لحد ماتخلص المهلة اذاا اسمع همسسا متصلة بششهاب اددمرج رانـــيــا تسسمعيني

صررت اتنفسس سسريع بخووف من ملاامحة

نززلنيي سسريع واني سساكتة افكــر هذاا عندة صووتي معقوولة يأذييني بعد

نززلني ورد على الاتصاال

:ششنوو… لجج ششدتحجيين ششلووون ططلعتووو بددون ماا تگلوولي اذذذبحججج زززينة اذذذبحج وووووين وووديييتي بببنتيي

يحججي بكل صصوته ويركض
اني صاافنه بين صصدمة صووتي وبين اتــصااله

دقاايق وررجع يرركض بكل قووته

اقتررب مني لززم ووجهي بأثنين اددي
:ادعيي علية اني رانـــيــا موو بنتيي فدوووة اررووحلج لااا تدعييني عليهة بغلاة زيياد بغلاة  اخووج اذاا تحبي صدك لاا تدعيين علييهة

___________________ يتبع

والباقيات الصالحات
بسم الله الرحمن الرحيم
لا حول ولا قوة الا بالله
سبحان الله وبحمده سبحان الله العظيم

اعتذر عن الاخطاء الأملائية… . وشكرا جزيلا لحضوركم 🦋❤️

حسابي الانستغرام