جلباهار الضل "الاسود "
#الكاتبة ايفا الصابر
شجعونـا بـ نجمـةة وكومنـت حتـى نستمـر وياكـم♡.
***************************
حسيت كلبي عصرني مادري شنو هاذا الشعور بس احس بكلبي رجف،،
ركضت للسيارة حتة اهلي ماكلتلهم راح اطلع، صعدت سيارتي وتحركت بسرعة اسوق باتجاه بيتها،،
حتى سيارتي طايره ما اعرف شلون سلمت وما صار وياي حادث بالطريق على هل السرعه،،
استغربت من نفسي ليش هيج مهتم وخايف عليها وهي لا اعرفها ولا تعرفني وحتى بتصرفاتها تنرفزني،،
فزيت من صفنتي على دخولي فرع بيتها بسرعه صفيت السياره ونزلت اركض الباب جان مفتوح بس مردود رد دفعته ودخلت ما فكرت باي شيءغيرها،،،
دخلت لجوا اباوع البيت هوسه ومطشره الغراض،،
هضاب: جلباهااااااار
افتر بـ البيت اريد اشوفها ماكو صوت البيت هدوء ومفلش مكلوب كلاب ما جنت ادري هذا هدوء ما قبل العاصفه،،
فريت الاغرف ماكو وكفت بنص الصاله بحيره وايدي على راسي احس كلبي جاي يعصرني،،
هضاب: جلباهار انتي هنااااا تسمعيني؟
ماكو رد منها صارت عيني على بقع دم عكلت حاجبي واحس بكلبي صار ياذيني رفعت نفسي اباوع للدم من اتجاه الدرج،،،
اتحركت بخطوات شبه سريعه واني اهرول على الدرج واتبع الدم لحد ما وكفت من شفت المنظر كدامي،،
اباوعلها واكعه وايدها تنزف بغزاره عرفت مضروبه طلقه بايدها ركضت كرفصت يمهه
هضاب: جلباهار بويا تسمعيني جولي؟
ما جاوبت بشيء اغنيه شلتها وطلعت اركض صعدتها بالسياره،،
المنطقه بها شي عجيب وغريب ماكو بشر يتدخل بالثاني حتى اذا البيت يحترك،،
هسه سمعتوا صوت رصاص من بيتها تدخلوا وشوفوا شكو لا ابد ولا احد اله دخل اتعجب عليهم هم بالعراق،،
صعدتها بالسياره ودرت صعدت حركت سيارتي وطلعت للمستشفى،،
انتبهت الكاميرات بيتها متكسرات جان عرفت ياهو اللي مسوي هالشي بس ماكو دليل،،
وصلت المستشفى صفيت السيارة وسحبت بطاقتي خاف تصير عراقيل،،
ركضت على بابها فتحتةة وشلتها حاضنهاا الصدري ركضت بيها لجوة واني اصيح بيهم
هضاب: سديةةة جيبولي سديةة بسرعةةةةة
من شافوا حالتها و وضعي اجو 3 ممرضين يركضون بسديةة،،
حطيتها على السديةة دفعتها لجوه وياهم اركض واصيح
هضاب: وين الدكتور الدكتورررر وين
احجي بعدني واجة الدكتور يركض
هضاب: دكتور اسعفها بسرعه دكتور
بس شاف وضعها كال
الدكتور: ما نكدر هاي اصابه رصاص لازم يتحقق بالموضوع
سحبت بطاقتي
هضاب: اني احقق بالموضوع دخلوها يلا بسرعةة
هز راسه وركض يسعفها، كعدت على الكرسي وجسمي يرجف ايدية كلهن دمها رفعتهن اباوع على دمها واني ايدي ترجف،،
شبيك هضاب انته ضابط و شايف اكثر من هيج ليش رجفت عليها كانها احد من عائلتك،،
ليش هزتك هل انسانةة وانته اساسا اذا لاكيتها لا انت ولا هي تطيقون بعضكم انسانه ما عرفتها غير من جم يوم ليش هيج خايف عليها ومهتم لهالدرجه يا ربي دخيلك،،
بلعت ريكي ما اعرف احد من اهلها حتى ادك عليه صفنت شويه اذكر صديقتها سوزان بس ما عندي رقمها لازم ابلغها،،
رفعت جهازي ادك على افنان بسرعه جاوبتني
افنان: ها هضاب وينك انتة؟
هضاب: عندي شغل بنيتي اكلج اريد رقم سوزان
ردت باستغراب
افنان: شتسوي بيه؟
هضاب: شغل مهم بويه بسرعه
افنان: يلا ماشي راح ادزه الك برساله
هضاب: بسرعه
سديته منها صدك ماكو بسرعه وصلني رفعت التليفون ادك عليها ردت بسرعة
سوزان: الو
هضاب: الو سوزان؟
ردت باستغراب
سوزان: اي تفضل منو؟
هضاب: الضابط هضاب تكدرين تجين صديقتج متصوبه بالمستشفى
سوزان: شنو جايه جايه يا مستشفى
هضاب:مستشفى*****
سوزان: جايه يلا
سديته منها وانس اشوف الدكتور طلع كمت
هضاب: ها دكتور بشر؟
الدكتور: الحمد لله الاصابه بس خادشتها وما داخله الطلقه بجسمها بس لان فاقده دمم هواي فـ فقدت الوعي بسبب النزيف هسه عقمتها الها وصحت
هضاب: اكدر اشوفها
الدكتور: اي عادي ماكو اشكال
هضاب: شكرا دكتور
الدكتور: تدلل واجبي هذا من رخصتك
راح الدكتور دخلت يمها لكيتها متمدده وصافنه بالفراغ بهدوء من دخلت دارت وجهها عليه
هضاب: الحمد لله على السلامه
جلباهار: الله يسلمك
ردت وسكتت
هضاب: شلونج هسه؟
جلباهار: الحمد لله اسفه اتصلت عليك بس ما صار كدام عيني غيرك
هضاب: عادي تدللي زين ما سويتي
جلباهار: شكرا
هضاب: العفو، منو سوة هيج بيج؟
جلباهار:تهديد بسبب قصية لاتخاف
صفنت شويه بوجهي ورجعت كالت بابتسامه هادئه
جلباهار: شنو بعدك شاك بية لو راح شكك؟
ضحكت
هضاب: لا راح بس تصرفي طبيعي يروح
هزت راسها
جلباهار: تمام لعد نصير اصدقاء؟
صفنت شويه
هضاب: اصدقاءبوية هاي هية
جلباهار: لا تكول بوية
هضاب: ها بدينا؟
ضحكت
جلباهار: لا خلاص سكتت
بعدنة نسولف ودخلت علينا سوزان مخترعه
سوزان: يمة جلباهار
جلباهار: شبيج ماكو شيء شويه تهديد ولحكني هضاب
بس كالت هيج سكتت سوزان
سوزان: ها الحمد لله على السلامه
جلباهار: الله يسلمج
باوعتلي
سوزان: شكرا لان بلغتني
هضاب: تدللي يلا اني اترخص ارجع للبيت منتظريني الاهل
جلباهار: الله وياك
....
طلع هضاب من المستشفى درت وجهي اباوعلها بعصبيه وهية بدون تعابير
سوزان: سويتيهااا جلباهار سويتيهااا ليش ولج ليش؟
باوعتلي رافعه حاجبها
جلباهار: ما عليج
غمضت عيوني اصبر نفسي من اسلوبها الزفت هاذا، واني اسالها بهدوء
سوزان: شلون تصوبتي؟
ردت بفحيح ومكر
جلباهار: تتوقعين اللي مهووسةة بشي اسمة انتقام وتسوي المستحيل لاجل الانتقام صعب عليها تاذي نفسها بخدش بسيط؟
يتبع😈...
توقعاتكم للقادم؟
شنو غايةة جلباهار من كل هاذا؟
صوتوا وانتضروا البارت الجاي ♡.
... في امان لله...