تيم : رفضتني بلاك معجبتهاش
تيسلا: ميهرا مش كيما البنات لي تعرفهم في حياتك ابابا هادي من عائلة عابدين مش اي عائلة حاجة باينا مكش غير نت في حياتها
هز راسو بالايجاب وباسها من رقبتها وهي غمزت ميهرا لي كانت وراهم و بعدت عليه راح خرج
ميهرا: يييي سما عجبتو صح و خليتو يشكك في روحو
تيسلا: كتر خيري حبيبتي كون راكي درك مزلتي تبكي على الاطلال
هوما هكدا و ڨارات لوطو حدا الباب خرجت منها قمر كتلة الاغراء تشبه لهيفا وهبي هبطت ولابسا الميني جات سلمت على تيسلا في رقبتها وهدرت: اهلا بتسواهن اغلى حاجة على المرحوم زوجي
تيسلا: اهلا في جحيم عابدين حكمتها ققمر من خسرها و دخلو كانو هوما مزالو على طاولة الفطور
باقيين يشوفو فيها كامل كي دخلو
ناض ليث حضنها و هي تاني مبعد لاحت عليهم سلام ماردوش دورت عند جيمري لاحت جيمري يدها جات حا تلوح قمر يدها بشش تسلم دورت تيسلا يد جيمري بشكل مستقيم و شافت في قمر (قلبت يدها بش قمر تبوسها مش تصافحها)
هزت قمر راسها و باستها مبعد حمحت تيسلا و هدرت : من هنا و جاي قمر كنة كيفكم كيفها وتحتارموها و تعيش و اي حاجة تحبها عندها في الحق
نورس: كيفاش تجيبيها و تزيدي تتباهاي بيها تاني
وتقولي كنة و تجاكري في مك نتي من نيتك
تيسلا: صحيتي انا قلت كنة مشي ضرة يعني منيش نقصد انو مرت بابا ابصر جيمري مزال عندها زوج ولاد راضية ماعندها مدخلها
كريم: نتي وش راكي تخلطي
مؤيد: الزمني حدودك هنا و صاي
طلعت و خلاتهم هكداك كامل و قمر قعدت تفطر كانو مصار شي
بعد ساعتين جات دايزي عند تيسلا لي لقاتها توجد في رحها
تيسلا: وكتاش تعلمي طبطبي
قعدت دايزي و هدرت: اييه حنا ما بنانتاش استأذان
تيسلا: نوضي اخرجي و عودي طبطبي
شافت فيها دايزي و نفضت رحها ودارت كيما قالتلها بعد معرفت بلي تحكي بجدية دقت و دخلت حطت تيسلا الروج فوق الكوافز و رشت البارفان : خير وش تحتاجي مني
دايزي: جيت نقلك على هيام بلي ...
تيسلا: خارجا مع ميران ايه ومن بعد و ش نديرلهم
دايزي: قالتلك؟؟ هي ؟
تيسلا: انا تتنفس وحدة فيكم يوصلني الخبر م ششرط تقولولي
دايزي: ايه ومش راح تنصحيها؟؟
تيسلا: ونا وش همني فيها كي تتربا و ترجع تحط نفسها كيما كانت تحت رجليا لتم نتعامل معاها كيما كنت
دايزي بدهشة: بصح حنا صحاباتك علاش راكي تقولي هكداا
تيسلا: شكون قالك نعتابركم صحاباتي ؟؟ نتوما عادي كيفكم كيف العائلة هادي كامل جست نتوما مطعين ليا برضايتكم لباقي مطعين غصبا عنهم هدا هوا الفرق
دايزي وهي مدمعة وتحكي بدهشة : تحكي صح تيسلا راكي فايقا بروحك ؟؟ تحكي فيها نورمال
تيسلا: نتي لي فيقي مع روحك و متتحلكش بزاف و درك تقدري تخرجي راح نبدل قشي..