🐬حلقة 46🐬
دايزي: هي مش قصدها هكدا مهما كان ختك غلطت بصك حبتو و هوا لي مش راجل مش ذنبها
ميهرا: انا والله مش قصدي أصلا ندمت كي قتلو هكداك والله
تبسمت معاهم بحزن: علبالي بلي مش قصدك و مام تيم يحبك بزاف متفرطيش فيه والله
ميهرا: مستحيل نفرط فيه منقدرش نخمم حتا
دايزي: اوووووه عشنا و شفنا ميهرا تعشق و خرجت من مود تع الكآبة
ضحكو مع بعضاهم و مبعد صونا تيليفون هيام رفدت
هيام: وي شكون
ميران: اذا مهبطتيش ليا انا راح ندخل للقصر في 5 دقايق و كوبا عليها
شافو فيها مصدومة سقساوها وش بيك
هيام: ميران حدا القصر و قالي كون ما تهبطيش انا راح ندخل
دايزي: اوووووه راه يعشق السيد خلاص هبل
ميهرا: اهبطيلو وش راكي تسناي
هيام: محال نهبط من نيتك مش حابا نششوفو وصلها ميساج من عندو"بقاو 3 دقايق"
نعتتلهم تيليفون قراوه
دايزي: غير اهبطي والله يديرها راهو مافيا يا ختي متنساااايش
تنفست ونفضت رحها و هبطت خرجت من القصر و عيطتلو قاتلو وينك قالها ورا القصر راحتلو لقاتو مڨاري لوطو سبتو في قلبها و راحت ركبت و خبطت الباب
هيام: خير وش تحتاج
ديمارا بلا ميحكي معاها وهي بقات توشف معاها و تحرك في دراعو
هيام: ااااي نت راني نحكي معاك وين رايح
ميران بلا ما يشوف معاها: ضاهر ما وليتيش تخافي من المافيا مدامك تماديتي حدودك و راكي تحكي معايا هكدا
هيام: وشمن حدود مين جيت ديتني من القصر مقلتش حدود و زيد انا نسيتك و منيش حاطتك في حسابي
ميران ضحك باستهزاء: شكون لي تعيط كل ليلة بنوم خلاف و تقعد تتنفس كي الافعة
تبسمت هي و حكمت ضحكتها و دورت وجها للكارو
شافهما ميران: علاش حارمتني من ضحكتك اطلقيها نتمتعو
شافت فيه و تخنزت
ميران: حتى شنوفتك شابة تعجبني معليش
كمل مشا حتى وصل لحديقة حيوانات و حبس شافت فيه
وهدرت : علاش جينا هنا؟!
ميران: جبتك تشوفي خاوتك
قلبت عينيها بملل و هبطت
لحقها هوا و مشا هدر مع العساس و دخلو كانت فاغة تماما غير هوما و الحيوانات راحت تجري هي عند الحصان بصك افضل حيوان عندها بقات تلعب بشعرو و فرحانة ....
YOU ARE READING
لعنة عابدين 🔮🪄❤️
Romance#حصريا على marwa كرونيك بعنوان :🔞لعنة عابدين 🔞 بقلم الكاتبة :Ramaa #مافيا_عائلة_دولة_عصابات_هوس_مازوخية_سادية_هوس_انتقام_🔥🔥 حب_التملك_تضحيات_حفلات... الكرونيك راح تبين انو سعات تصرفات الانسان مش هي حقيقتو و انو كاين لي يتصنع الحب و هوا اكبر حا...
