🐬حلقة 47🐬
وهو يشوف فيها و يتبسم من برائتها مبعد قرب عندها و حكم شعرها ردهولها ورا وذنيها و هي تشوف مع عينه متنكرش بلي تعذبت بلا بيه و كانت حابا تشوفو وحست بالفراغ و بدات تحبو تاهت في ملامحو و عينييهميران وهوا يلعب بشعرها : كش نهار اذيتك ولا درت حاجة ضرك؟
هيام هزت راسها بالنفي: لا جامي
ميران: كاش نهار سمعتي عليا بلي ضالم ولا واكل حق الناس؟
هيام: لا جامي
ميران: علاش بعدتي عليا و خايفااا مني مالا؟؟
هيام :انا خايفة عليك مش منك خايفة نتعلق بيك و نحبك و نفرضوها زوجنا و نت قتلوك ولا قتلوني انا اعدائك كيفاش راح ندير وقتها خممت هكدا انا عمري لا خفت منك
ميران حكم وجها بزوج يديه : محال واحد يقدر ياذيك طول ما نتي معايا مستحييل والله شعرة من راسك ميمسوها ميتجرأوش
هيام حكمت يديه و باستهم: وكون يأذيوك نت انا وش ندير
ميران: نتي مسلمة خي (هزت راسها بالايجاب) تأمني بالقضاء والقدر ....الموت اذا جات وجا وقتي كون يكونو حاميني جيش الارض كامل نموت نموت
هيام: بعيد شر عليك متحكيش هكدا
ميران: خايفا عليا زعما ونتي فنهار تقتليني الف مرة و تعذبيني
هيام: على اساس انا مش نتعذب وحاليتلي بلا بيك كل مرة نقول درك مدام معيطليش راهو نساني ومع وحدة غيري
عنقها ميران و مسح على شعرها و يهدر: متزيديش تبعدي انا راح نسنا حتى تهدأ الامور عندكم فدار ونجي نحكي مع داركم قصدي قصركم و زيد جامي نسيتك كنت ديما نراقب تحركاتك كامل
ضحكت هي بدهشة و شافت فيه : ميراان؟؟ تحكي صح؟؟
ميران: علاش نكذب انا حابك و حاب ديما تكوني معايا و تجيبلي فرصة كيما نتي
هيام ضربتو على دراعو : انا فرصة؟؟ يا كلب
جبدها و ردلها يديرها ورا ضهرها قبل ما يهدر نطقت هي : صاي والله علبالي تجاوزت حدودي انا نحبك والله صوري آخر مرة نعاودها
بااسها ميران من رقبتها و هوا حاكم يديرها ورا ضهرها وهدر بحنانة: نتي الوحيدة لي يحقلها تتجاوز الحدود معيا أصلا نتي هي حدودي وملزم حتى واحد يقرب ليك
جبدت منو و حكمت وجهو بين يديها: مام نحب نبعد عليك متخلينيش نت اوك؟ متزيدش تسمحلي نبعد احكمني بسيف
ميران: انا مش راح نخليك تحبي تبعدي عليا أصلا وعد وباسها من نيفها و كملو يتمشاو و يشوفو فالحيوانات وهي تتصور و فوتو وقت بزاف شباب.......♥️
أنت تقرأ
لعنة عابدين 🔮🪄❤️
Romance#حصريا على marwa كرونيك بعنوان :🔞لعنة عابدين 🔞 بقلم الكاتبة :Ramaa #مافيا_عائلة_دولة_عصابات_هوس_مازوخية_سادية_هوس_انتقام_🔥🔥 حب_التملك_تضحيات_حفلات... الكرونيك راح تبين انو سعات تصرفات الانسان مش هي حقيقتو و انو كاين لي يتصنع الحب و هوا اكبر حا...