🐬لعنة_عابدين🐬
حلقة 1
كانو كامل يجريو و متوترين و الحس فالقصر أقل ما يقال عليه قصر كل واحد يدو في حاجا و داخلين خارجين الخدم وتوتر عند الجميع ...
راضية لي كانت واقفة حاكمة يديها و تحكي مع رئيسة الخدمة : معولة عليك كلش لازم يكون متقون ندير فيك ثقة كبيرة تعرفي بنتي كيفاش طبعها
نادية: تهناي مدام نقصي برك التوتر راكي خايفة كتر من العروس ...تحبي نجيبلك قهوة؟
جيمري لي وقفت وخبطت العصى: بلاك تصاحبيها خير الزمي حدودك...روحي تشوفي خدمتك
نادية هبطت راسها: اسفة مدام مكانش قص..
جيمري : يلاااه عليااااا
تخطفت وراحت دورت عندها راضية : من فضلك هي ما قصرت في والو وزيد حياتهم كامل و هوما معانا راهم من العائلة محسوب
وقفت جيميري مقابلتها: تعرفي علاش مكيش الكنة المحبوبة عندي؟؟ بصك حياتك كامل ضعيفة و حنينة و انا هاد النوع من النساء ما يكلش معايا راضية: انا نعامل فناس كيما لازم نتعامل معاهم و عمرها لا كانت الحنانة ولا حسن النية ضعف بلعكس ڨاع الناس يحبوني و يحتارموني..
هبطت تسيلا فدروج و هي تاكل فتفاحة و تمشي بكل تعجرف و تهدر : كامل حبوك غير راجلك تخلا على املاكو كامل بش ما يشوفش في وجهك و راح.. وصلت حضنت جيمري و باستها تبسمت جيمري و شافت في راضية بمكر
راضية: نتي كيفاش تحكي معايا هكدا المفروض لي تهاجمي باباك جايا تهاجميني انا هوا لي تخلا علينا وراح مش انااا
تيسلا ببرودة اعصاب: والله يعني كون راجل لقا في مرتو وش لازم يلقا و يحب علا يروح و يخليها و يزيد يخونها من فوق ديري في بالك نتي سبة بش راح هوا
جات حا تهز يدها و تضربها
حكمتاها جيميري يدها : منسمحلكش تلمسي حفيذتي
راضية و دموع في عينيها:حفيذتك هي بنتي الوحيدة نحب نذكرك ..
تسيلا تحكي مع جيميري : ماما انا حابا نخرج بلاغوب نوار و ولد بنك حابها بيضة و حطهالي فوق سرير و فرحان بيها وانا منيش حاباا وصيتو
جيمري:العادات تعنا تخرج بيها بيضاء الاسودفال مش مليح و عندو الحق
تيسلا: وانا من وكتاش يهموني عاداتكم ..ماما نتي اكتر وحدة علبالك..
راضية: نناك عندها حق هذا مشي فال مليح
شافت فيها تيسلا: انا حكيت مع ماما نتي متدخليش حم بوك و طلعت و خلاتهم وهي فدروج رايحا لبيتها تخبطت فخادمة
تيسلا: نتي عمياءمتششوفيش؟ عينيك وينهم؟
الخادمة: اسفة مادمزيل تسيلا
تسيلا: راكي مطرودة
الخدمة: والله آخر مرة انا مش قص..
قاطعها كي نطق روحي كملي شغلك عادي مكانش لي يقدر ..