Jimin's pov :
Ka mit ka men rual rual chuan ka lu ana hle tih ka hre nghal. Ka lu dawm chung chuan ka tho a.
Ka menchian hnu chuan ka hawichhuak a, hei hi.. Hei chu kha pa room kha anih hi, aw..! Nizan khan engmah hre lo in ka awm leh tawh tak, engvanga helaia va kal kher kher nge maw ka nih le!! Rang takin ka chhukthla vat a.
Choka atang chuan boyfie chu eitur keng chungin a rawn chhuak a, "ilo harh tawh maw Minnie? Dinner hi ei rawh", dawhkanah eitur chu a chhawp a, melh pawh lo melh duh lo in hmundang ka hawisan daih a.
"Ka kal dawn", ka pensawn a, kawngka hawn ka tum chu alo inkalh tlat. "Hawng thuai teh!".
"I phone tello in i kal thei ang maw?", a rawn ti a, alam ka hawi chuan ka phone chu alo keng kang va va.
"Min pe rawh..", lak ka tum chu rang takin a hnungah a dah vat a.
"Nizan thil thleng i hria em?", a tih chuan ka tawp nghal vat.
"E-engthil nge i tih?!", ka tih chuan a nui a.
"Hlauthawng suh Minnie. Nizan zanlaiah ka bulah rawn kalin ka hriatthiam ve hauh loh thu i rawn sawi a, mahse kha thil ah khan ka telloh zia chu i hre mai ang", ka phone chu a ak daih a. Tunah zan ani a, nizan zanlaiah hetah hian ka kal a, nichin mai khan ka harh a, a awmzia chu nilengin engmah hre lo in ka mu amaw!! Engtin nge a nih theih!
"Ka chunga hetiang chet hi bansan rawh!", rum taka melh lah chuan ka ti a.
"A ni kha, Min Yoongi tiraw kha?", ngeiawm deuhah nuih pah chuan a ti a, Yoongi hming thlengin alo hre vek maw?
"A ni chungah khan engthil mah ti tawh suh. I pawi sawi a nei lo!".
"Kan hria ang chu".
Ka phone chu a rawn ri a, "i thianpa hian tuna i awmna hi a hria em?", tiin min en a, Jungkook-a'n a rawn call tih ka hre mai. Chhang duh lo in ka ngawi reng a.
"Ka biak che chu min chhang ta che Jiminie!", min rawn pan hnaia, ka nghawngah chuan na vak lo in a rawn hmer a.
"Min k-khawih suh!".
"Nangmah vangin ka thil tum ka thulh a, nangmah vang bawkin ka chhungte ka kalsan bawk a, engkim kalsana ka chan hnuah ka khawih thei lo che nga maw?! I tana ka tawrhna te hi i hmu thiam miah lo ami Jiminie?", a mitah chuan natna thuk tak ka hmu thei.
"N-nang alawm. Nang zawk hian natna bak min thlen lo, natna bak min pe lo".
"Natna min pek ang hi ka la tawrhtir ve lo che Jiminie", a sawi zawng chuan a mittui a tla a. Tawng ka tum tawh lo.
Rilruna leh thinrim tih hriat tak chuan min thlah sawk a, min thlah veleh a bul hnaia awm apiang chu au tuar tuar pahin chhuatah a paih thla hmiah hmiah a, ngawi rengin ka lo en tawp a, va dan emaw va bendaih emaw ka tum hran lo, ani hi engahmah ka ngai tawh lo ani tih hria se ka duh.
A duhtawka a bungrua a paih darh hnu chuan thinrim vanga thaw kawk kawk chungin ka lam a rawn hawi a, ka phone a ah chu a phawrh a, chhuatah a vawm ta thuai a! Chutah rawn kalpheiin ka hmuiah na zetin a rawn fawp a, a seh tel avangin ka namsawn dawrh a, ka hmui chu tlem a thi nghe nghe. Thinrim takin amah chu ka en a.
SUGA's pov :
Bar ah ka hna ka thawh mawlh mawlh lai chuan Jungkook chuan min lo call a.
"Yoongi hyung, i bulah Jimin a awm mial em?", ka lak veleh chuan a rawn ti nghal a.
"Jungkook-ah, Jimin nen chuan kan la inhmu leh lo hrim hrim a, enge ni ta a?".
"Ka betlang thei miah lo a, nidangah biaktlang theih lohin a awm ngai silo a, chanchin engmah min hriattir silo a".
"Khawiah emaw a leng khawthawng ve lawk anilo maw?".
"Yoongi hyung, Jimin-ssi bulah engmah sawi i neilo tiraw? Tianga ngawi renga a awm chhanah hian?", min ringhlel duh chiah silo hian Jungkook chuan a ti a.
"Huh! Engthu nge maw i sawi leh Jungkook-ah, Jimin nen chuan kan inbe hleinem..", ka ti a, thudik pawh ani reng bawk a.
Jungkook chuan engmah sawi tawh lo in phone a dah a. Jimin chungah thil thleng a awm leh tawh zawk ami aw..? Jungkook chu hmu nghe nghe ila tha ang.
Hna ka ban veleh Jungkook call hmain Jimin chu ka dial leh a, ala tlang thei chuang lo. Jungkook chu ka call a.
"Bar kawtah khan lo awm rawh. Ka lo kal ang", tiin phone a dah a.
Jungkook chu motor chhungah ka lo nghak a, min hmuh awlsam zawk nan motor atang chuan ka chhuak a, motor ngheng chuan ka ding a.
Rei vak lo ka din hnu chuan ka lam pana motor lo tlan headlight chuan min rawn chhun ta va va a, ka hawiphei a, Jungkook alo ni a, ka pan vat a.
Jungkook chuan motor tidingin, "Hyung, i be tlang thei em?", tih chu a sawi hmasa ber a. Ka theih bik loh thu chuan ka chhang a.
"Jimin-ssi hi ka hrechiang a, a chungah thil thleng ho te a awm pawhin ka awm alo nuam lo thin a, tunah kan be tlang thei lo chiah bawk nen, hyung, hmun pakhat va enthlithlai tha in ka hria, min lo zui la", motor chhung atang chuan Jungkook chuan a rawn ti a. Ka motor lam panin ka let leh a, Jungkook chu a tlan hmasa a, a hnungah ka zui a.
Jungkook chuan khawilam nge min panpui dawn ka hre lo a, mahse tun hi a vawikhat tihna chu ani lo ngei ang.
Hmun lun vakloa ka tlanlai chuan mihring leh motor hmuh tur pawh an tlem tan a, building lian ve tak pakhat hmaah chuan an ding a.
"Khawi hmun nge ni a Jungkook?", motor atanga chhuahpah chuan ka ti a.
"Min lo zui phawt rawh", a sawizo chu building chhunglam panin a kal nghal a. Elevator lo awm hmasa ber ah chuan kan lut a.
"Jimin chu kan hmu ngei ang maw Jungkook?", elevator-a kan chuanlai chuan ka ti a. A lu a bu nghat ringawt a.
Elevator a inhawn veleh kan chhuak a, Jungkook chuan hma a hruai a.
Kawngkhar pakhat zawnah chuan kan ding a, Jungkook chuan door bell chu a'n hmet a, mahse chhunglam atang chuan thawm a reh hmak mai.
Jungkook chuan a'n hmetnawn leh thin a, rawn hawngtur reng reng an awm lo, kawngkhar chu ka lo chum ve bawk a.
Vawi engemaw zat ka chum hnu chuan a rawn inhawng ve ta. Chuveleh Jungkook chuan kawngka rawn hawngtu chu a tham nghal bawrh bawrh a, a hmel ka hmu chiah chu ka beisei loh, kha mihringa kha ani tlat mai!
"Khawnge Jimin-ssi a awm sawi nghal rawh!". Jungkook chu a au tuar a, chupa kawrawm chu a tham ran bawk.
"Helaiah i thianpa i rawn zawng amaw?", ngeiawm taka nuih pah chuan alo ti a, Jungkook chuan min rawn en a, chutah rang takin inchhungah chuan ka lut a.
Room-ah chuan tumah hmuh tur an awm lo, mahse bathroom ni ngei tur atang chuan kawngkhar chhanah thawm ka hria a, chulam chu pan vatin kawngkhar chu ka hawng nghal a.
Bathtub-ah chuan tuemaw hi a lu tuam chungin alo mu reng a, a kut chu hnunglamah phuarsak ani a, a ke pawh phuar ani a, a pian (figure) atangin Jimin ani tih ka hre nghal a.
A lu khuhna chu ka lakthlak sak a, a hmui chu kha misualpa khan alo char bawk chu niin, Jimin chuan min hmuh chuan a mengzau deuh kawk a, mahse a rei lo. A kut phuarna chu ka phelh mawlh mawlh a, ka phelh zawh veleh a ka charna chu aman a lathla a. (lathla ti mai teh ang, engtia sawi tur nge pawh ka hre lo, ka hriat hunah ka siamtha mai ang🤣).
Jimin chu hmanhmawh deuhin bathtub atang chuan a tho a, min chhuahsan ta daih a. Ka chunga a lungawilo anih pawn dem theihna reng reng ka nei lo.
Jungkook chuan kan misuala chu alo sawisa mek a, ka inrawlhna chi niin ka hre lo, ngawi rengin ka kalsawn a, Jimin chuan min enzui tih hre mahila biak tumna ka nei lo.
Motor ah chuan ka thulut a, Jimin kha engtin nge kha apartment-ah khan a awm daih theih? Khapa hmuh kha a tum tawh lo ni khan ka hre si a. Jimin khan ka bulah alo sawi ve mai mai zawk ani ngei ang.
Jimin's pov :
Jungkook chuan duhtawkin a khawih a, keichuan ka lo en reng a.
"Kook, kal ang. Hnaih tlak pawh ani lo", Jungkook banah chuan ka vuan a.
"Ka hmuh phakah lo inlan leh vaih teh!", tihpah chuan a chhir leh hrep a, ngawi reng chuan kan kalsan a, Jungkook chu a thinrim takzet.
"Kook, engtin nge hetah ka awm tih i rin theih a?", Jungkook motor kan thleng phei a.
"Ka be tlang thei silo che a, keimahah thil engemaw riau, i chungah thil thalo thleng anga hriatna ka nei a, ka rilruah helai hmun hi a rawn lang hmasa ber a.."
"Anih engtin nge Yoongi hyung nen khan in rawn kalrual theih? Chanchin a hria ami?".
"Hre lo e ka bia a, in lo inbiak a, i awmna chin a hriat takin.."
"Kook, Yoongi'n i hnenah sawi a nei em?", alu chu a thing a.
"Jimin-ssi, theihnghilh rawh. Yoongi nen hian ruatdun inni lo. Tunah pawh buaina i tawk tih a mit ngeiin a hmu vek a, mahse enge a tih hi? A kalbo nghal hmak hi! Yoongi hi thlang suh! Jimin-ssi", Jungkook -a'n a tih chuan ka ngawi reng a.
Jungkook sawi hi dikna chen a awm, keitak hian a sin pangngai deuha en chak chu, mahse ka thei rih silo.
"Lut rawh kal ang", Jungkook chuan lungawi loh hmel tak chuan a ti a, motor-ah a lutzui a.
***
Summer vacation ala zawhloh avangin class kan la chawl a, Jungkook chuan club-a amah zuia lo kal ve turin min la sawm reng a, zanlaia ka room balcony-a zawhte thi ka hmuh atang khan zana mahnia ina awm chu nuam ka ti tawh lo a, tlaiah cafe-ah ka kal mai thin a, dancing class pawh taksa lam insawiselna ka neih avangin ka hriselna lam ka ngaihtuah a, chuvangin midang aiin ka haw hma thin a, hawthim hmain ka haw thin.
Cafe-ah pawh awm mahila Yoongi nen kan inhmuh hmasak berna leh kan inhmelhriat tanna ani a, ka tan chuan Yoongi hriatchhuahna vek ani.
Ani ka hmelhriat hma leh tiang rilru ka put hma hi chuan mahni tawkah ka hlim ve thin hle, mahse thla tlemte liam ta atang khan ka mizia hi a inthlak ta vek ani.
After 3 days
Club-a kal turin ka insiam a, zanin hian Jungkook thawhna club neitupa hian foreign atangin special guest a nei dawn a, an bang har dawn tih Jungkook chuan a sawi a, zanin nanana chu min sawmna tih hlawhtlinsak ve ka tum ani.
Jungkook chu a hna lamah a kal tawh a, keipawh ka insiam zawh veleh ka chhuak a.
Club ka thlen chuan a hmaa ka kal hmasak ang bawkin mi an lo tam leh hle a, Jungkook vang chu nilo se ka kal kher dawn silo, hepa hi chu ka tan a hlu bawk a, ka hnial zo leh thin lo anih hi!
Mahni chauh chuan ka thu leh ran a, phur vanga kal ka nilo tih takah tumah han biak chakna pawh ka nei lo.
Martini ka inlai chuan ka darah tuemaw hian a rawn beng thak a, ka en vat a, ka hriat tawh hnu a ang hle mai. In tur a lam a, ka bulah a rawn thu thla ve a.
"Tinge nangmah chauha i awm thin a, partner i nei lo em ni? Lungngai suh keipawh ka single alawm", tihpahin ka mal a rawn khawih a, ka thutna atangin ka tho nghal vat. He pa hi club ka kal hmasak tuma bathroom-a ka mi hmuh pa kha a ni chiang mai. T-tiang mi ve tho hi ani tihna ani ngem?
"Min khawih hlek suh! K-ka hre ngai lo che! ", kalsawn ka tum chu ka banrekah a rawn vuan chawt a.
"Min hriat kher a ngai hleinem naua. Heta kal te hi inhresa vek kan ni hleinem", a ti a, a lamah chuan min pawhphei a tum a, ka lo tangin ka duh lo hle a, a palianin a tha a chak nasa mai si, ka hneh lo lam chu ani e.
"Thlah rawh!", ka hnunglam atangin 'aw' vawt tak chuan a rawn ti a, tu aw nge tih ka hai lo kher mai!
Ka lehhawi a.
"Thlah nghal rawh ka tih chu! A duhloh kha..!".
"Huh! Naupang dang maw?! Ka buainaah lo inrawlh lo mai rawh!", tihpah chuan a lamah min pawt hnai sawk a, Yoongi chu rang takin a rawn che nghal a, chupa kawrawmah chuan thamin a lamah a pawt hnai zawt a.
"Buaina chu i siam der tawh alawm!"
"Eng a?! Naupang te te si, aia upa biakdan i va hre lo ve!", a kawrawm Yoongi'n a thamna chu a vuanhnan ran a.
"I che mawilo hmasa zawk a, tuna inzah vak hian enge awmzia a neih?", ngeiawm takin Yoongi chu a nui a.
"A khanglang che chuan!", tiin Yoongi chu a tham let ve a, Suga chuan hlau bik lo tih hriat takin a nui suk a, chutah chupa chu a hnunglamah a nemphei ta dawrh a. Stool vel chu chupa chuan delh tlu rum rumin kan bul vela mi ho chu an rawn hawiphei thap a.
Thinrim zetin chupa chu a rawn tho a, Yoongi chu rawn hnek a tum a, mahse a lo thleksawn hman avangin a hnek fuh ta lo a.
"Naupang zawkin tha i thawh hmasa amaw?!", ring zetin a ti a, counter-a a thil inlai, ala inzawh loh chu chhuatah a theh thawt a, Yoongi chu a hui zauh a. "I ngam chuan lo kal hnai leh la".
Yoongi chu a nui suk ringawt! Engtin nge a tih leh dawn tih ka lo enreng lai chuan a kalsawn ta daih a.
"I ngam leh si nange?!", chupa chuan a no kenlai chuan Yoongi hnungzang chu a vawm a, Yoongi chu a rawn lehhawi rang hle!
Yoongi chu a rawn phei nghal fua a, mahse chupa bul a thlenphei hmain mipa pakhat hian Yoongi chu a rawn dawmbet a.
"Yoongi, duhtawk rawh. Buaina a thlen belh mai mai, kalsan ang".
Yoongi chu a insehruh teuh a, mipa pakhatin alo dawmbeh tlatna chu a phelh sawk a. Mi rawn melh zawkin a kalsawn zui a.
Keipawh kan boruak avang chuan ka tui tawh lo, zanin pawh awmtlangna chi niin ka hre lo.
Yoongi te chhuah hnu lawk chuan ka chhuak ve ta daih a.
Pawn ka chhuak chiah chu thawm danglam tak vangin ka hawiphawk hru a, thawm awmna lam ka hawi chuan Yoongi leh tlangval pahnih hi an lo intibuai mek chu niin! Ka en reng a.
"Enge in hriat a hetia in rawn chet rikngawt a???!!!". Yoongi chuan ring takin a ti a. Hetiang em ema Suga thinrim leh awka vin hi ka la hre ngailo.
"Kei aiin sang zawkah i inngai ami a Min Yoongi? I inkhelh thiam vang mai khan min cho reng reng suh, Team atanga thehchhuah che hi ka chak zek zek ania, min nawrlui reng reng suh aw..!, tlangval pakhat chuan a ti a.
Yoongi chuan chetlak a tum a, mahse nichina mi bawk khan alo dang leh a.
Yoongi chu a kamsir a thi tih ka va hmu thei, amah tibuaitute an kalsawn hnu chuan thinrim takin a ding tawp a, ka va kal hnai a.
"Y-yoongi hyung.."
"Kal ang Jae Chang-ah", min hmuh veleh a ti a, mahse pensawn a tum chu a kun a, a pum chu a dawm vat.
"I tha em Yoongi?", va khawih ka tum chu a kut a rawn a pharchhuak a.
"K-ka tha Jimin!". Min rawn enzawk pah chuan a ti a.
"Jimin. Hetah maw?", a thianpa chuan a rawn ti a, a lam hawiin ka kun zauh a.
Yoongi chu kawngah chuan a thingthi a, ka hlauthawng leh tawh kher mai, a pum nat chhan saw ka nih chian em vang ani.
"Yoongiii.. I tha lo, i tho thei em? I kalsawn thei ngem?", a bulah chuan ka thingthi vat a. A thianpa pawh a rawn kalhnai a.
"Yoongi, engtin nge i awm? I englai nge na?".
"J-jae Chang, m-min lo va hawsan m-mai rawh", thei leh theilo chuan Jae Chang chu a en a.
"Enge thil awmzia hi sawi phawt teh u. Jimin, tinge Yoongi hetia a awm a?", Jae Chang chuan min zawt a, mahse chhan mai dan tur ka hre lo.
"Jimin, k-kal ang", Yoongi chuan ka banah a rawn vuan a, ka lo buaipui nghal vat a.
"Jae Chang-ssi, min hrethiam la kan kal phawt ange", a vawihnih nan ka kun leh zauh a. Yoongi chu motor khalh chi ziazang anih loh avangin ka car lam ka panpui a.
Yoongi chuan an in lama tlan lo turin min ti tlat a, zawhna han zawh vak vakna hun ani lo bawk nen, kan inlam panin ka inkhalh a. Kawngtluan chuan kan inbe leh ta lo a.