روح في بحر الظلام

الحلقة الرابعة والخمسون

____ الكاتبة بحر _____

روح في بحر الظلام

لتنسون التقييم والتعليق على الفقرات +++اضافة للحساب لطفا pahrasoad

البارت تقريبا 3500 كلمة
_______________________

✧”ثُمَّ يأتيكَ اللّٰٰه بأشدِّ ما يتمنّاهُ قلبُكَ‟✧
✧”عِوضًا عن أيامٍ ثقالٍ وجبرًا عن قسوةِ العالم‟✧

ســــــــرى

ششغلت الكاميرا وثبتتهة على الششباك ووخرت اني جانبا حتى مايبين ضلي من البردة
بس اسسمع صوته الهامس بووضوح

:وووينج ولج اناا برا ورا البيت تعاليلي ايي يم المخززن
ثواني وصار بالبيت صوت خطوات وفتح ابواب دلالة تحرك شخص رغم الصوت كان خافت بس انا كنت مركزة

التفت وحجت وياه بصوت هامس كانه فحيح

:هاا اجيت جاا موو خابرتك كتلك لااا تجي ماادبرت

:مووو كلتلج بووكي فلووسهة
:ياا حميد صدك تحجي تريد تورطني الشرطي اجاها وكل اسبوع رراح يجي بية حيل اتمرمط بالحبووس
ماا خاابرت ام ريلهة تطيك مثل ذيج المررة

عقدت حواجبي بأستغراب وقربت اذني اكثر  اتأكد من اللي  سمعته

:مااجااين ومااعدهة تحوولي الفرخة بتهم مسستوية كلش ششلزكتي أنــتِ بريلهة طلكهة وراح

رباب:خطيته برگبتك انت ورطته

:هي فااهية رااحت حركت بيتهم وحركت ابووهة اناا كلتلهة بسس الحديقة وششباج الاستقبال وضلي يم ابوج لوو شبت الناار طلعي

:لاا طبهة طووب مالي غرض بس لا تجيني على فلووس ما عندي

:سليم ماا خلا رجلج يتناازل ششمالة سوواهة طوالة

:ابد ولا يرضى امسس حتى خلا يبلع ليل ونهاار بس يفك منه يكول لاا

:لااا يااااا…….. 

:ديرو بالكم خلا يربطة عدل لا يشرد ويضيع الاكو والماكو

:اي وعلي يكربسنه تكربس

:خلي ابووج يفووخ هااي جبنااهة الة كليلة بس خل تنسى السالفة ونطيها الة

:جاا انت هم ماا مقصر لا تحجي على ابوي ، انت شلوون تاخذ الفلووس گبل لاا تضمنهة

:هاي هي مضمونة رااح اسطرهة سطرة ابووهة اخليهة تصير خرگة

من قوة الصدمة گعدت بلارض رجلية ماحملني

معقوولة اللي سمعتة 
سحبت الكاميرة وگعت من ايدي من قوة اهتزاز ايدي

بسسرعة سحبتهة غلقتهة وركبتهة بالگراب اللي بفخذي
هم حسسو سمعته
: همس هااي شني
بسسرعة ضــربت فرحة بالمخدة وطلعت لغرفة العجوز ختلت بالفراش

هم صار ضنهم فرحة اللي اصدرت الصوت
موقف مرعب حرفيا لو لازميني ماا اعرف شنو مصيري

يعني بابا مووجود لعد ووينه اني متأكدة فتشت البيت وسليم اغلب الوقت موجود بالبيت
يا اما بغرفة الكلاب
كان مربي مجموعة كلاب متوحشة وغالية وهالكلاب ثكاثرو ف بنالهم غرفة قريب على البيت

انتهى اسبوع اخر واني حاالي صار يترادى وتنهار اعصابي بلا العلاج
كنت اذا انقطع مني العلاج فقط صوت الطنين مايفارقني اما الان اني في دمار كلشي بيه يضل يصرخ وضل محارب كلما يروح يجيني يگول من غير شــركة

اجا الشرطي ونفس الاسئلة اشلونج احد تجاوز عليج ما اعرف شنو وطلب منهم يتركونا طلعو اقتربت منه

الشرطي خطية تراجع متفاجأ

:ششبيج
:هاا اسفة بس بااوع ، اني لازم اششوفة للرائد اني ششسمة عرفت منوو حرك بيت خاالو بسس ارريد يفهمني ششسوي مكان بابا مداا اعرفة هم يخاافون مني بعدهم

اتصل بالرائد
حجالة التفاصيل اللي گلتلة بيهم ورا شوية گال
:هااج يحجي وياج

-الوو سيدي

-هلاا بالذيبة شلوونج
-مو زينة كلش مو زينة دا اخاف هوواي بابا ما اعرف مكانة وهذول هواي اشرار

-هممم اشرار لعد انتي من صلبهم اريدج شريرة وذكية اكثر منهم
الشرطي راح ينقطع منج فترة  راح نگول انتهت فترة التعهد والبنية زينة ومعاملتكم تمام ونبدي بالخطة B

-  لااا سيدي لاا تعووفوني فدوة موو حلفت انت وياي
-اكمل لوو لااا
-لا سيدي اخذووني كاافي فدوة

-مااسوينة ششي اسسمعي مجرد ما تحصلين ابووج هااي هي تنتهي مهمتج واحناا نخبزهم

ضل يقنع ويشجع
واني لا اقتنعت ولا تشجعت بس قبلت بالواقع
الشرطي نقل الفيديو من الكاميرا
وگاللهم الكلام اللي وصاه بي الرائد وطلع

اول اسسبوع تعدى بهدوء
اتصلت بشهاب وكلتلة عن خطة الرائد كنت اتصل بي كليوم

بس طاري تغيير العلاج ابد ماحطيتة ابالي
لان اثق بمحارب واشوفة شلون واگف وياي ف گلت يمكن زاد الالتهاب وحالي هيج ديصير لذلك ما تكلمت بهالموضوع
كانت خطتي من اطلع بابا يعالج العصب

عدا اليوم اللي كان مفترض يجي الشرطي وماا اجا
وعدا الاسبوع الثاني بدت معاملتهم تتغير بدأ الضرب ومهدي صار يتردد علينا بس ميقترب مني مجرد نضرات وكنت اصور بالكاميرا حضوره

الاسبوع الثالث ما اجا الشرطي بدا عذاابي
الاكبر من دخل حميد للبيت

نضراته كانت قذرة ..دخيلك ياا الله رحمــتك مو هيــج ماا اگدر

ايام مرعبة اياام صعبة صاار يمشي بالبيت بالشورت هوو وجسمة القذر
كان شورت ابيض وسخ
محد يعترض محد يمــانع

دخلت لغرفة بيبي منقرفة منزعجة خاايفة من جرئته

دخلت رباب ورااي
:گووومي گومي فرريحة مرريضة مكدر خااطرهة ماا تگدر تششتغل المواعين يعد عليج ثلت اوكات

:ترا نضفت البيت وملابسكم كله غسسلتهة تعبت ضضهري راح يطك

:ماا يطكج عررج كلـــشي ماا بيج كوومي

كمت منصاعة للاوامر بخوف لان كانت تريد غذر حتى تفشر علية وتضربني
كمت من يمهة بس تعديت من بيبي ضربتني بعصاته بدون اي سبب

:انووب لوو طبيتي هناا بالنهار اجسرج تجسسر ولي يلااا ولي لا تخووزرين لاا ازززرف عيوونج

رحت غسلت المواعين ودا احط كلشي بمكانه اجت وراي

رباب: ولج الخوثة بيهن زفر طلعين خل الشمس تطكهن

هاي كانت اغرب عادة بهذا البيت يطلعون المواعين النضيفة بالشمس واثناء وجودهة بالشمس عادي الذباب والقطط يمر عليهم كلهم قناعة انهم تعقمو

شلت المواعين بصيني اريد اطلعهم وما احس الا احد حضني من خصري ولزم ايدي

ششمرت الصينية بقووة وصصررخت

:ششدتسسوي
ضحك ورد: عمــج تراا موو حررام اوووف ولج شششهالتررافة

تفلت بوجهة وشلت القدر الالمنيووم وضرربتة بي صررت اضربة بكلشي گدامي واصصرخ

:مااتسستحي كاافر أنــتَ ؟ الله اكبر علييكم ماااتخاافون الله ياا ساافل

هجم علية بسسرعته ضرب كفووف ودفررات اخرر ششي ششالني من ملاابسي للأعلى وششمرني بلارض بقووة

ضليت اصصرخ بكل صصووتي
هوو انخبص خااف وواحد من المنطقة يششوفة لان يجي سااعة  او اقل بالسر وموو دائما حسسن ادي مكسسرة بسس يدفر بية

هجمت علية فرررحة جاابت دششداشة بيبي وصاارت تحططهة بفمي
وامهة مساعدتهة بتقييد اييدي

كنت اعررف بي راح يتجااوز لذلك كنت فاتحة الكاميرا ومخليتهة. بطابوگة صفراء ما مبين منه شي

عاافوني لما اختنگت واختفى حميد اللي لاحضته طلع من السطح بس شلوون منين ينزل معقولة محد يشوفه

اخاف اكوو مكان يختل بي فووك
عاافوني بلارض مختنكة وخرو للباب الجيران صارت تدك الباب يسألون عن سبب الصووت العالي

دخلت مرة سسمينة عبايته تهف وراها
شافتني ضلت تصيح عليهم

:شماالج رباااب ماا تحشششمين احد لا يتيم ولا غريب يووكف بعيينج ششبيج وي المگروودة

:يااا ام عنااد اناا شعلية تحجين صدك هي وعماامهة تغلط يخالة البت لساانهة زفر ويدبوونهة جا تردينهة تضل على حل شعرها

:كذذاابة حممييد المجــرم كاان هناا هوو ضربني خاالة روحي خبرري الششرطة فدوة

:حميد ششمالة حميد مجرم يااا وانا اكولن ليش مااكو ثاريه هاارب

:اطلعي يبعد رووحي انتي ادوورين علووم واحنا مالنا خلكج هذا الكتلهة سلييم موو حميد البت يترااوالهة

طلعت المرة اتدفع
انا كان املي بالمرة وهي كانت مخاوفهة تروح تخبر الششرطة بس مااصار يومين عافوني بحالي خوفا من الششرطة

بعدهة بفتررة اخذت الحبوب وحصلت الطامة
ارريد اناام لان الحبوب تخليني بس نعسسانه

وكان وقت غرروب اششتد الوجع واخذتهم ررغم اني ماا اخذهم بهيج ووقت

تمددت ودخل حسن

:ررراح تمــطر گوومي سسدي باااب السطح لا يدش الماي علينة

:رروح انت سدة راسي يوجعني
:تگوومين لوو اخلي فررحة تررغل بمصارينج

كنت مرتاحة وبس اريدة يسسكت حتى اناام صعدت للسطح اسد الباب  اوول مااكملت الدرج اندفعت للسطح وانسسد الباب من الدااخل

الجو كان غيم اسسود والبرق يخطف الابصار وصوت الرعد يثقل الانفاس من قووته
برجفة البرد ضليت اضضرب بالبااب

:افتتتحوولي الباااب افتحووهااا
ررربااااب فررحة افتحوووهاااا

على هالوقفة وانطت ايد على فمي وانسسحبت
كنت متخرردلة بسسبب العلاج
بس كاان بأوله
بعكس ايدي ضربت اللي وراي بقوة الضربة اجت على خاصرته
وماترركني

ترراجعت بقووتي دعسست على مششط قدمه بقووة
دفع مؤخرة رأسي انضربت بالحاايط هي صررخة هي وگعة التتفتت علي

:عزززااا مهدي

:اايييه مهددي چاا ياااهوو ششنهي متاانية احد غييري
هو يتقدم واني اصرخ كان واضح عمرة بالثلاثينااات

اقرب مني مشدد علية وراسه ذو الرائحة اللي تشبه المجارير كانت ملت انفي انسان مقرف
اكرره حتى المسه لكي ادفعه بس
الشغلة ششرفي والحبوب بدا يشتغل

هدئت ثوواني بصوت نحيب حتى يطمئن ويرخي قبضته
صرت انضر حولي عسى ولعل شي قريب يمي
ومااكان يمي غير كسسرة سسيراميك صغيرة

سحبته ليمي
صار اللي ببالي ورخت ايده وكان يحفر بعنقي بأسنانة القذرة بصرخة غضب وحركة سريعة نبتت اضضافري ببلعوومة بقووة

ابتعد بسسرعة ودفعني
ما أن ابتعد وهو يحاول يسسحب ملابسي
بخطف البصر ضربت عورته رفسسة وسسحبت السسيراميك بسسرعة وقووة

انششخط صدرة ضل محتتاار بين الم العوورة والم الصدر على صوت نبااحة فتحوو البااب

:وووينكم وووينكم ييااا كلاب

محارب :سسس اااا ساا سر ســــــــرى شش بشبيييج

كانت ملابسي متملخة ورقبتي تجري دم وادية من لزماته محمررة وششعري منكووش بسس كنت غااضبة

سسحبت خششبة واحجي مع الخشبة بجدية
يااحقيرة لوويش هالگد كنتي بعييدة عني

ركضت على فررحة وحسسن
كانو واكفين سوة ويضحكوون موسعين عيونهم بفررح  من منضري
واني لازمة الخششبة بأدية نززلت الدرج اعررج
ركضتلهم بسسرعتي
دمييتهم اددمي مااهمني ان مااتو وأن عااشوو
الخششبة بأييدي منوو يصير بووجهي اضضربة حتى رررباااب الحد ماا هبط حييلي من ششفت سليم جاي من نااحييتي
يعني كان فوك بغررفته لييش ماا اجاااني

رركضت مباااشرة بسسرعتي للششااارع
خفت رركضتي والششارع كان فاارغ بسبب المطر
شوارعهم ماكانت معبدة طين

اركض ارركض مسسافة قليلة وتعبت دخت
هااي كاانت نهاية طاقتي
گعدت بالشارع ثوواني واجوو سحبووني

من فتحت عيني مااكنت بالبيت
كنت بمركز الششرطة

صحصحت من رهبة المكان بسس الم برااسي صداع ذاابحني

كنت نايمة على مصطبة ومتغطية بعباية سسودة
بس وعيت اقترب مني شرطي گال

:تعالي خووية

دخلت واششوف عدنان خلف المكتب ويمه ضبااط
بسس شفته ضليت ابچي بأنهياار

:سسسيدي ووينكم بااعوو شسوو بية هذا مهدي اخوو رباب وحتى حمييد حميد مررات يجي لوويش متلززموو

:يمج بابا والله يمج بس ميگدرون يدخلوون
لعد موبايلج ووين لويش متتصلين ضاع مااكو هو والفلووس والعلاج بااگووهم
ماا ارريد ابووية طلعووني مهدي حااول يااخذ ششرفي سسيدي

جبنااه وعمج سسليم هناا.
:سيدي كلهم هنااك ويتفررجوون

غطيت نفسي بالعباية وسسحبت الكاميرا هااك شوف حمييد مووتني ذاك اليووم الززموه

:اسمعي ابووية راح انطيج موبايل ضمي مثل الكاميرا لا تفاارگي ابد
تعال علاوي اخذهة الكاميرة وبدلهة ب…… ..

كان جهاز نسيت اسمه حروف انگليزية نطقهم
اخذته گال خبئي بهذا المكان بس تششوفين حميد اتصلي بهذا الرقم رراح يكون قرريب منج جدا

اخذت الموبايل

شووية ودخلو مهدي كاان مزرق ومدما من كل مكاان
وسسليم كذلك

رجعت للبيت ..الله لا يوفقكم مضحين بيه ليشش يلا ســــــــرى لخااطر نفسسج خل يوولون نعلة على شكلك بابا اششوفك بعدين تخليني فوك النخل فووك

استقبلتني رباب تصرخ وتبجي
ضيعتي اخيي يال………  ام…… .. بت……… .
فشار وكلام سوقي مايخطر على بال احد

:دروحي الله يلعنج ويلعن اخووج انتي موو تردين تزووجيني لبووج اخووج  شعندة ويياااي اني غيير رراح اصير امة

:تخسسسين يال…… .

:شنو تخسسين رباب مووو عيب موو بمثابة امج اني عييب عليج
محارب: عوو عو عود صدك تا تاخذين جد جدي وعلي ريحته تطر الرا اراالرااس

:عييب لك تحجي على زوجي المسستقبلي انوب مززاعلتك وخرر مني

:مصصيووول ال……  ابوي ريحته تطر الررااس

عافتني وضلت تركض ورا ابنه

بعد يوومين گعدت من نوومي لگيت نفسسي بغير ملاابسس
تعوذت من الشيطان اكذب نفسسي مسستحيل اكيد هاي بسبب هالعلاج الغبي صاايرة انسسى

تكررت الحالة
وبليلة تجرعت المرر وعذاب الالم ونمت بلا الحباية
انذذذبحت من الصدمة واني اششوفة حميد خاالع ملابسسة ووراه ربــاب تهمسس

يلااا فضهة لااا تسسويهة طوالة

فتحت عييني وهوو يررفع ملاابسي بخفة  التفت واششوفهة رباب تصوور بيية

بصصرخة وووحدة وسسسد فمي بأيده الكبيييرة
عييني صدت لبيبي كااانت گاااعدة تبااوعلي وتضضحك

اررفس بكل قووني بسس ما گدررتلة اببد من شششدة الم رأســـي

سسحلني سسسسحل  وصصلني للمسسساحة تحت الددرج فتــح باااب ودفعني بكل قووته

من وووگعت التفتت واششووفه

:عزززاااا باااباااا

_________________________________

مشــمش

عفت ماما تصيح وطلعت اركض

وكفت بالباب وهو يمششي ويتلفت الواضح ان احدهم موصف له مكان بيتنا بس مدا يگدر يحدد

صحت بصوت شبه عالي

:مرتضى

بسسرعة التفت واجااني مسسرع خطواته

وصل يمي مقوس حواجبة بتوسل ويحجي بلهفة. وحزن
:مشــمش شلونج خوية ..ءااا ســــــــرى وين فدوة صيحيهة

:هاي شبيك دصبر خل اكولك زينه الحمدلله صخام

:فدوة لعينج صيحيهة

:وين اصيحه ســــــــرى بالناصرية اخذوها عمامه

فتح عيونه بصدمه بلع ريقه ورد علية يتلكأ

:لاااا لاا الله عليج خاف مثل رانـــيــا تكذبين والله مريض مابية حييل

:والنبي صدك شبيك صارت مصيبة شكبرها

بعد لحضة ادراك عقدت حواجبي ورفعت طرف شفتي بغضب ورديت بصوت عالي

:صدك انت مو طلگتها شكوو جاي هااا ششكد بجيتها روح مناا اني نسسيت سسالفتك

دخلت وطبگت الباب بوجهة
ضل يطرق الباب بخفة دخلت لماما متعصبة

:ششكو ولج ششصاير أنــتِ على سساعة تجلطيني وعلي ابو الحسسن

:مرتضـــى ماما ديسأل عن ســــــــرى بس طبكت الباب بوجهة
فزت وصااحت بوجهي تعززيتي وتصخمتي يالمخبلة وولج ششوفي الولد ارركضي صيحي خل ييجي

:وشهااب ماما تردي يتخبل علينة

:خررااا بييج وولج امششي صيحيلة گليلة امي ماا تگدر

ضلت ترتب بشالهة واني رحت امشي بتذمر فتحت الباب لگيته بنفس وگفته عييونه حمر وعروقه بارزة
انقهرت على منضرة
:تفضل فووت ماما متگدر تجي

سمع صوتهة وهي تنادس بأسمه دخل وهو ينضرلي نضرة عتب دنكت خجلانة من تصرفي الاهوج
اصلا اني منو واتدخل واحكم بيناتهم

دخل سلم على ماما وباس رأسها كان بيناتهم علاقة طيبة بسبب تواصل ماما وي خالة جميلة وعمو جميل الله يرحمه بعد كان بيناتهم سلام ودي

ليـــــلى :هلا امي هلااا بيك عيوني تفضل اگعد طاح حظهة هاي المخبلة ماعليك منهة

:حرگ گلبي ماما

:روحي جيبي چاي بسرعة

:لا خالة ما اريد شي والله بس فهميني ســــــــرى وين ادري مذنب وغلطان بسس انــي بششر موو حديد وبوقت كنت راح اتخبل وامي كل صباح تگعد توون انتحر وانتحر رادت تحرگ نفسسهة واني والله لليووم كلما حطيت راسي عالمخدة اذذكر اني السسبب

:شهالحجي مرتضى ماما شد حيلك شنو انت السبب قدر أمي ابوك قدرة مسجل ومكتوب يموت بهالطريقة ربك اختارلة الشهادة ياا عيوني اذكر الله

انمرد گلبي واني اشوفه يمسح دموعة اللي كان رافع راسة. ويتنفس سريع بس حتى متنزل غدرته وخجلته صار يمسح بدموعه بعضدة

:مرتضـــى العن الشيطان وليدي ،

:ماراح تسسامحني ســــــــرى مااراح تسسامحني اني اعرف خسسرتهة بسس اريد اسساعدهة امانة ابووية هاي وخليهة لترجعلي براحتهة

:انت تعرف مكان اهلهة وين

:اي اعرفه

:اي هي هنــاك

ضلت تحجيلة التفاصيل وطلبات الحكومة وهو الحزن والدهشة محتلة وجهة

دخلت بيبي وهو گاعد

:ياااع ياهو هذا

مشــمش :بيبي هذا زوج ســــــــرى
:هذا المصخم التيه اليتيمة…  خييرك ششتريد جاي يمعززة يمصصخم يالماعندك مرجلة ششلون اتضيع عررضك ماا عليك عتب واحد نــاقص

:ضل مدنگ مــارد عليه
انقهرت علي

:بيبي ششسالفة نسسيتي ششنو قابل جان بالمالديف غيير اخته احترركت وامه تخببلت انططي مجال

:يييع ششو دافعين عنه وولج خاافنج حاايفته

:صخاااام الصصخمني اللهي اخذذذني هااي المرة ررااح تخبلني وحقك

طلعت من الغرفة ففشلانه اصيح من فششلتي
وهي تلملم بفمهة تخفي ضحكته وتصيح وراي

اششوية وگابلت الولد وضلت تنعى رثاء الاب

وكفت يم الباب لازمة خصري بأيدي
:حقج حقج اذا ابنج شهاب شيضل بيج

ماما ماگدرت صارت تضحك بصووت وهي شمرت علية المخدة الوراها

طلع مرتضـــى وكان مهموم بشكل ابتسم بوجهي وطلع رحت اسد الباب وراه

من راح تكلمت بهدوء

:عفية روحلهة بسرعة صار فترة ماكو اخبار عنهة كلبي نار عليهة خاابرنا اذا صاير شي مو تنسى

:هسة رايح والله رقم خالة يمي بس اوصل اتصل بس على تحاجيني

سلم وراح واني رجعت اكمل طلايب وي بيبي بعد هي فرصة

تعاركنا وخلصنا وطلعت تضحك ضحكة السنجاب السعيد

انتقلت للمدرسة اللي هنا مدرسة مو بفخامة مدرستي اللي هناك لكن اللي محليها البنات كانو طيبين وياي ويسولفون ويضحكون خصوصا رؤى ورقية

كانو بنات فطيرات وطاقة ايجابية اذا اعطس يدمعون من الضحكة  رغم ايام الدوام حيل قليلة بس صار عندي واهس حلوني استعيد شغفي بالحياة

طلعت من المدرسة لگيت شهاب وجهي
صعدت فرحانة

:هلااو عموو
:عمى العماج وعمى عمـــج

:عزززا ششكو
:موو كلنا البسي كماكة البسسسي صصخااامة رراح تنعدين وتعدين امج يالثوولة سسودنتييني يوومية نفس السسالفة

:خررب حضي ماا تخلون الواحد متوونس

:انجبببي والبسسي الجيير بويهج

طلعتها ولبستها وهو كمامته وكفوفه بس عيونه تلصلص

قبل لا نوصل ششفنة بيبي جاية من بيت عمو شهاب عبايتهة مفتوحة وتعررج عبالك بات ماان
حجيت بصوت خافت بأنززعاج

:والله لوو تخاف على امك وتعووف امي موو احسسن

التفت علية عوود عصبي بسس مبين عيونه بيهن ضحكة

ضحكت ورديت .. والله صدك هاي امك ماتكضها كورونا حرب فايروسسات

غبگني ووكف يمه
:اااصصصعدي ييياا الله اصصعدي ششلون بية اررربطج والعباس سسسودنييني موو حلفتج شششلوون تططلعين كررريمة

:خاايف يمة اخيك مريض اضنه مصييوب

يمه لييش تكفررريني يعني مصصيوووب ششلوون ترحييلة

:يااا جا اخلي وليدي صدك جذب مابك يمة كلبك حجر

:ووهسسة انتي رحتي طيبتي شوو بس مرتك هيج بتك هيج ابووك هييح دسسستقرري لييش تخليني اقفل الباب عليج

نزلنا يم بيتهم خلاني اسبح وابدل ابيتهم ويفتر علينا بمعقماته

طلعت اني معصبة وهو يضحك علية
عمة نهاية اول ما اجينا راحت لبيت اهلها اعتراضا على وجودنا

صارت معركة شكبرهة بين عمو شهاب وماما تگلة عيب مرة جبيرة شتسوالي بين العرب كاعدة عد حماي

تخبل علينة وكسر سسندانة الوردة اللي احبهة بأنفعال

ضلو هم يتعايطون واني گاعدة مگابلة السندانة والوردة وصصافنه

كان يگوللهة حقكم هذا موو بيتي البيت وورث حق عماد من الارض والبيت

من خلصت المعركة باوعتلة مصدومة
:هااي شششسوويت

صصاح بية
:شششيب الخلفج سسوويت ششيب الخلفووج

طلع يهف جنة عاصفة بالليل جابلي وحدة اكبر من الكسرها كان بس يريد يرضيني وانا مو شفتا هيج ززاد دلالي

صار يودي علية ماا ارووح لو اروح اتململ واني جذب طايرة من الفرح بفترة قليلة عمو شهاب صار كلشي بدنيتي
الا موضوع منى شگد حااولت ماخلاني اتواصل ويه بنات عمو فؤاد ولا هم يجوون ابدا

بس يكسر خاطي طول الوقت مهموم
وباقي يتحسسر ششوكت اجيب اخيتج ويبرد ررااسي
:لعد متجيبهة
:صبري علية خلة يعالجهة وهي بعيدة عنا هنا الوادم تنهش لحمهة عربنة  مااترحم انا زلمة وما حملتهم موو هي الترفة

:عمو ترة يخوف شلون ثاق بي
:ماالج حااية يلاا گلاص چاي لعمج ترا سطرتي وحفرتي رراسه

:لاا ما اگدر ماما خطية وحدها روح لمرتك لعد ششكو متززوجها

:بشششيب الخلفج يااابووياااي ششمالج ولج انتي ليش هيج عجوزية

ضليت اقلد كلمات بيبي وهو ييباوعلي مسستغرب فررحان

:تعبانة
:افااا
:نحلانة
:يااويلي
:عيزززانة
:ياابوية
:وللهااانة
باوعلي مووسع عيوونة وسسحب اذني ششنهي ششلون ولج عييديه بلا عيديهة

:لهااانة عموو ارريد لهاانة تقووي المناااعة

مششيتهة علي بالتمضحك والتدلع سويتلة الچااي ورجعت

بعد فتــرة العصر وصل بيبي لبيتنا وگال ممنوع تطلعين حاط وياج العباس كون تطلعين يا يمة لحد ماا اجي

:ولك يمة ششنهي سسساجني انت

:موووت يمة مررض منتششر اسستقري هااي يمج القررقووز ضضحكي وويااهااا لاا تطلعين

سألته بجدية
:عــمو رايح ل رانـــيــا صاير ششي اشوو حتى متتصل بينة ترا تعبت و أنــي انتضر

:رايح لبغداد عندي شغلة وامرر عليهة
:لعد اخذني ويياك

:ايييه هاي هية حتى تمووتين اسستقري يم بيبيتج وامج

سسلم وطلع وماما بعد ماكانت مرتاحة ضلت بس تدعي وتصلي
وضعها صار يتحسسن تگدر تثني ضهرها تطبق ركبها احسسن من قبل بهوواي

كل ضني  الدنيا بدت تحلى  وراح تنتهي سود الليالي

رجع عمو شهاب وصار يطمنا ان ماكو شي وهي بخــير بس الشوق ماايرحم كلما طال الفراق تضيق الدنيا بية

انحجرنا بالبيت وانتهت الدوامات
وشــهاب بطل يرووح لبغداد
لان ممنوع التنقل بين المحافضات
والسبب الاكبر بيبي انصاابت بالمرض

اثرت علينا تأثير موو طبيعي
كلنا كنا خاايفين عليهة والامثر ششهاب تدمر
كان يبچي ويدعي بحسسرة كلما اششوفة

تششدد ويانا اني وماما اكثر من قبل بأضعاف صار يقفل الباب علينا من برا

واي ششي يجيبة ريحتة كلوور ومعقمات
انفــجر گلبي بعــد ما گدرت  لازم اتصل بي بلكي يعرف خبر عنهة

لازمة رقمة بأيدي والموبايل بلأيد الثانية

اكل بشفايفي وگلبي يدگ بقوة ادية ترجف من الارتباك واخيرا

اتصلت رد علية بصوت ناعسس
:همممم

:الووو
اختفى صوته دقيقة ورجع رد
:منو
:سيدي هاي اني اخت رانـــيــا
:رانـــيــا منــو
:سيدي رانـــيــا اختي اني مشمش ءااا نور اني نور
:ياا نور يا رانيا ياا فجل
حجيت بصوت خافت
:عززااا هذا طاافي يمكن سكرران
ضحك بصوت عالي
:يلا خوية اني اعتذر خربطت بالرقم
:تعااي خووية تعااي لوو يمي الا املص اذااناتج

:عززاا
:مو گلت اتصلي علية لويش هيج غلسستي
:مو هالتصلت
:بعد وكت لو مخليتها بعد سنة
لا تبوگ سسوالفي
:ههههههه شلونج مشمش
:زينة بس  عفية ماعندك خبر عن اختي والله راح امووت
:لا ماكو شي جديد بعدهة مخبلة اذا تردين اتصلي باچر لان باچر راح امرلهم واششوف اذا صاير شي

:ميصير اليوم
:بالدوام مشمش باچر نزولي
:شوكت اتصل يعني بيش الساعة
:شوكت ميعجبج
:ديلا لعد مع السلامة
:هههههه ديلا بكيفج

ثاني يوم اتصلت سألته گال زينه شالعة گلبهم مخبلتهم كلهم

بعد ثلاثة ايام اتصل مرتبك

:مشمش امچ شلون صارت صحتهة
:شبي صوتك عبالك مجعوص

:ياا الله يمعوودة موو دناكل خرا
:هاا
:امچ شلون صحتهة
:منين اجالك هالحنان تسأل عن امــي انت شكوو
:اذذااا ماا سحلتج سسحل صبر صبرر

:زينه تحسسنت شكو عفية قلقتني
:يعني تگدر تعتمد على نفسهة
:لا وين بعدهة متمشي

:لعد من أنــتِ مموجودة منو يساعدهة
:خالة نضال
:تمــام
غلقة بوجهي
:حباية بيدك كوون ياا ماعندك احترام للشخص الاخر

بالليل شهاب اتصل علية
وكانت اعصاابة تفوور
:مشــمشش ارريد منج يوومين تلحين وي امچ گلولي مششتاقة لرانيااا راح ارفض واعاارض بس لاازم تصرين حتى لوو طكيتج

:ششسالفة ششبيكم خوو گولو نريد نخبلج وفضووهاا ششكو هالسسوالف

سحبني گعدني

:رانـــيــا مسسوية حــادث مدعوومة خـــوش لازم ترحين يمــهة هالفتررة محد يعااونهة

عززااا عززاا ضــليت ابجي واصصيح

:شششنوو عمــو كلييووم مصصيبة برانيااا رراح تمووت اختي

:لاا تبجين لااا يورم ووجهج لا تبجين ماا اريدهة تحسس توهة صاارت ززينة

نفذت الخطة وضليت الح گلبي وعقلي وررحي صاارت مفرفحة ليل نهاار
من تحجي وياي ماما تكسر خاطري ماتدري ششكو

:ولج ييمة انا منوو اللي مااتششوفين حاالي

:كم يووم واررجع اختنكت رراح انفجرر

حاولت اخرر شي هي تووسلت بششهاب يجي يااخذني
الخبيث سوا مثل ماگال اخذتلي كم كف على الطاير

منا بيبي ومنا رانيــا شهاب صار قمبلة
منو يحجي وياه ينضرب

حتى عــمو فؤاد تعارك وياه لان هو اللي نقل العدوى لبيبي بعدين هو تعالج وبيبي بعدهة بين الحياة والمووت

رحنا والطريق كله كان يطحن جگاير بالگوة وبواسطة عدينا الحدود
وصلنا ما رحنا للبيت مبااشرة للمستشفى

واكفة اباوع لعمو وهو يستفسر من الطبيب

بعدها دخلوني لرنيا
كانت ناايمة صصفح والانابيب الششفافة طالعة من انفها وفمهاا
وما يطلع منها غير صوت الأنين الخــافت
المنضر المرعب

:عزززاااا رانيا  بجيت مصصدومة من حالها
خززرني قــيــصر وسوااا

___________________ يتبع pahrasoad

والباقيات الصالحات
بسم الله الرحمن الرحيم
لا حول ولا قوة الا بالله
سبحان الله وبحمده سبحان الله العظيم

عمري ممنونة من حضوركم..  واعتذر عن الاخطاء الأملائية 🤎🥺

تابعوني بلانستا @pahr.asoad