_ الكاتبة : Duha_al amer 🦋
_ صوتو للبارت بنجمة
_ صلو على الحبيب محمد
_ بسم الله الرحمن الرحيم .
احبكم ❤️❤️
تابعوني بالانستا. duu_199 🎶
كل بشر يوصل محطة
ويشبگ اهله
وانا اشوبح من شبابيچ الفراگين الحزينة
انطر احد ... مايجيني
انطر الدمعتها چانت
نجمة تتلالى بجبيني
انطر انطر....
وارجع ردود لمچاني
وينزل بگلبي الصگيع
السچچ خلصت... ماوصلت...
____________________________________
روح : بقيت ورا الباب لحد ما سمعت صوته اختفى فتحت الباب وطلعت اركض السلسة تعثر بيه انتبهت ماكو احد .. بقيت باب الغرفة دقايق معدودة ومشيت للحديقة فتحت الباب سمعت صوت وراية رج المطبخ
معاذ : هااااي ووووين بت القندرررة امشيييي لج
روح : تقرب علية يريد يلزمني ركضت قبل لا يطخ بيه طبيت للغرفة وسديت الباب
معاذ : والله لو معاندة جان حبلتج بالثاني
روح : خفت وانقرفت من حجية صفنت مديح هوا الجابني وهاي شلون ويا بغرفة وحدة بدون ملابس انصعقت من التفكير
مديح : ابات يمج اليوم
حرية : تنور المنطقة
مديح : بت عمي وينها
حرية : ليش تسأل عليها الحجي كال ممنوع واحد يشوفها
مديح : ناسيه شتصيرلي
حرية : خاف عدك شي وياها مبينه مو راحة وام زلم
مديح : هيه من ناحية مو راحة مو راحة بس انتي شتعرفيني اكلب هاي الزبايل
حرية : ادري بيك حبيبي يله نام الجهال برا
روح : تمددت بفراشي وسرحت بغير عالم تذكرت فاروق وامي وابوية جامعتي والطلعات والطبات ابتسمت لا ارادياً حسيت صدك الانسان ميعرف باجر شنو ضام اله
_ فززتني فتحة الباب ودخلتها دفرتني بطني وشمرت علية شريط وعاطت
حرية : هذا صاحبج فاروق جهازة مغلق وعنوانة ما اكدر اوصله وهسه يا حليوة خلصيني انطيت كلمة للعالم
روح : شلون مغلق جربتي ادكين اكثر من مرة .. طكت بعلجها وحكت راسها
حرية : ماكو انتي مبينه بت فكر وفلوسج قبضتهن تمددي. على ظهرج اخلص واروحن
روح : وكفت على حيلي وانتفضت بخوف .. اذا قربتي عليى اخلي الموس بكلبج
حرية : معاذ يمة تعال
روح : دخل ابنها مبين كاعد من النوم ميدري شكو رجفت ولزمت راسي وصرخت بعلو صوتي .. عووووووووفووووني طلعووووووني ابوووووس ايددددج خاااالة حبابة بجيت واستسلمت للواقع كعدت بالزاوية مجلبة بملابسي عافتني وطلعت واختفى صوتها
حرية : باجر احطلها منوم بالاكل واشتغل براحة
معاذ : استغل بيها قبل لا تشتغلين انتي
حرية : لتمسلت ابن عمها هنا
معاذ : چا انتي من تباتين ويا وحد واني من اريد وحدة تونسني وحد
حرية : الباجر الله كريم انطم انطم
روح : بقيت كاعدة للصبح ارتجف عيوني ما اشوف بيها من البجي واحس الموت قريب مني بكل لحظة .. طلع الصبح وكلها كعدت مر على وجودي هنا ما ادري شكد بطني شوية برزت وهدومي خاست علية
حرية : ابن الزمال شغل البنكة فرها بالماسحة
روح : حسيت الحر يحرك بظهري وجسمي عركان ومعدتي مشتعلة نار
حرية : طلعي كعدي بالحوش
روح : كيفت طلعت برا كعدتني بداية الحوش خفت مديح يطلع وكفت كبالي نزعت ثوبها وبقت بالاتك فلت شعرها ريحتة طلعت وينكث وصخ
حرية : ازوجت اربع زلام ولا واحد احتواني
روح : من ريحة راسج
حرية : شكلتي بت الكلب
روح : ميفتهمون
حرية : ماتو .. اخذت الاول جبت منه ثنين ورملني اخذت الثاني بليلة عرسي رملني واخذت الثالث هذا ازوج وما مات لان عار والرابع ردت انه اكتله بس الله اخذة
روح : ااااء اريد مي بارد كلبي محترك والله
حرية : شربي من هاي البصفج
روح : باوعت للدولكة كلها اثار اصابع وصخة مال اكل انجبرت اشرب منها طعم المي يكلب المعدة
حرية : اني احف واصبغ واجيب واطرح النسوان
روح : سوي اجر بية وخليني اروح
حرية : ومنو يدفعلي الاجار امج .. تاكلين !
روح : لا
حرية : انتي شلون حبلتي
روح : ازوجت
حرية : ليش يريدون يكتلوج
روح : لان مديح الجان عندج خطيبي واني مارضيت ازوجة
حرية : شنو شنووو مديح جان خاطبج يا ابن الزفرة يا منغولي
روح : هوه يشبهج
حرية : الله ليبارك بالساعة الجبتج بيها طبي جوة لا اللعب النعال على راسج
روح : طبيت جوة وكفت توجهت للقبلة بجيت ونحت وحلفت رب العالمين بالطفل البطني هوه ما اله ذنب يتعذب هل عذاب وبعدة ما طالع وشايف الدنيا
_ حافظته من نرمان اذكرته وقريته حطيت ايدي على خدي للظهر صار صوت اغاني برا وانقفل مفتاح الغرفة علية سمعت حجي وفشار ما سامعتة بحياتي صار باذني كفران يقشعر البدن وصوت ضحكات تتعالى
حرية : نسوان بلا زحمة عليجن جهال مانريد لا يكسرون اثاث البيت
_ شدعوة عليج حرية البيت عكادة وينه وين الاثاث لوما ندري شغلج بالمكياج يخبل منجيج
حرية : لتجين يطبجن مرض منو يخط الحاجب هل خطة
_ مو انكلج انتي وبس
روح : عرفت اكو عروس وجاين وياها نسوان همج .. بقيت محبوسة يومين بالغرفة ما طلعتني ولا فتحت الباب كلما يصير. بيه حيل اوكف ادكها وابجي بطني تكطعت من الجوع
_ خالة حرية فتحي الباب كلبي اتكطع من الجوع .. زين. بس اطب للحمام ما اتحمل بعد
كريم : امي ماكو
روح : حبيبي افتحلي الباب
كريم : امي متقبل
روح : انطيك فلوس تستري من الاسواق
كريم : عندي
روح : سمعت خطواتة ابتعد من الباب لزمت اسفل بطني بوجع اكو ضغط ع المثانة .. حجيت بصوت عالي بدون وعي .. فاررروق ووووينك ليششش عايفني هناااا اني منو. الي بالدنيا بعدك كلها تريد موتي
حرية : هاي نسيتها من ولكم وين المفتاح خليته فوك الثلاجة منو اخذة
كريم : شوفي مريم جانت تلعب بي البارحة
مريم : يمكن يم كوثر
حرية : دورو وطلعو يله بين ما اسويلكم عشى
روح : رجعت ادك بالباب عيوني جفت من الالم .. ربي خلصني من هذا البيت صرت اردد دعاء الفرج بلساني لحد ما بدني خوه
حرية : لكيته
روح : من سمعت مفتاح الباب طك فزت روحي جريتها وما اكدر اوكف .. وديني للحمام
حرية : تتمزعطين متكدرين تلزمين روحج
روح : طلعت للحمام ورجعت وكفت باب الغرفة .. خليني اكعد هنا ابوس ايدج حتى ضوة مابيها الغرفة جسمي طكع من الحر
حرية : كعدي ويا ويلج تتحركين .. كوووم ولك فر البنكة
روح : لزم ابنها الماسحة يفر بيها وتعلك بيها انجرت الريشة وانعوجت لزمتة جنزته كدامي بالصوندة صفنت عليها اخاف احجي بعد
حرية : زقوم تردين
روح : هزيت راسي اي .. راحت جابتلي لفة مال راشي وشكر اكلتها مثل المشايفة وبدني يرجف من الجوع طلعو جهالها كلهم بالشارع بقينه بس اني وياها ..
حرية : خلص الخبز منو يجيبلنه ابوج
روح : شربت مي اروي جسمي من العطش جريت نفس مختنكة .. فتحي رجلي ازركت من الحديد
حرية : ميقبلون
روح : جريتة يمنى يسرى شوية واجتي فتحته بدون متحجي لزمت حجل رجلي حتى دم طالع منه
حرية : لو عتبتي باب الحوش اخلي اهلج ينصبون جادرج
روح : ما اطلع كاعدة كبالج .. فركت رجلي ممصدكة
حرية : هذا شعرج شتحطيله وهيج حلو راسي سيم
روح : ما احط شي
حرية : متكولين فد قندرة انتي
روح : حطيت ايدي على وجهي بهل اثناء فاتو ثنين من ولدها واحد يبجي والثاني مدمة شالت عصى من الكاع وخلت جبه ع جسمها وطلعت تركض صار صوتها عالي يرج رج بالمنطقة اتلفتت البيت فارغ .. تمشيت طلعت وراها مديت راسي من الباب طريق ترابي وكبالة كصب وبزل
حرية : اشك امك وابوك واليطلع وراك اليندك بجهالي الله ما خلقة
روح : التمت المنطقة عليها وصارت بالنص متنشاف دعيت الله يسامحني وطلعت امشي واتعثر بدون حجاب ودموعي اصب الساني ما وكع منه ذكر الرحمن ابتعدت عن البيت والخفقان لزمني واختفت كل البيوت صار الشارع عبارة عن بزل وكصب حرت وين اروح والدنيا ليل شفت مجموعة شباب بيدهم بطالة مشروب مشيت بسرعة
_ النبعة منا ماشايفها قبل
روح : اجاهلته وسرعت مشيتي اكو كشك بي ضوة ركضت باتجاهه حافية فتحت الباب الزجاج وسديتها لزمت كلبي ما اكدر اتنفس
بستان : منو انتي
روح : رفعت راسي شفته رجال جبير لابس دشداشة بيضة وعقال ابيض اريد. ابلع ريكي ما اكدر عمو اني مو منا اريد اروح لهلي تكدر اساعدني
بستان : اهلج وين
روح : بالبصرة جنت جنت محبوسة بيت وحدة اسمها اسمها حرية
بستان : يم حرية .. انتي تشتغلين وياها بالدرب الاعوج
روح : هزيت ايدي بالرفض والساني اربط ما ادري شحجي .. ما اعرفها بس ساعدني اوصل لهلي
بستان : ما اطبب وحدة دربها اعوج بس مبين وراج سالفة كعدي
روح : كعدت على كرسي جلد مد ايدة قدملي بطل مي فتحته وشربت منه
بستان : شبي حالج وين جنتي سولفيلي حتى اكدر اساعدج
روح : اني اني حافظة رقم زوجي تتصل بي !
بستان : اول شي افتهم شوراج
روح : جريت نفس عميق وبديت احجيله من فتحت الباب لحد ما فتحت عيني بيت حرية .. ضرب الميز وانتفض طفى ضوة المكتب وفتحلي الباب
بستان : انتي ضيفة حجي بستان ما اطلعين الا ومسلمج الرجلج بيدي
روح : وحرية اذا لزمتني
بستان : اكطم راسها الزاني الاتية المزنجرة
روح : طلعت ويا امشي والخوف متملك كلبي اباوع للسما واحجي بيني وبين نفسي .. ذبحني الخوف شوكت أمن على روحي واني بين الذيابة
بستان : تندلين اهلج
روح : هزيت راسي اي
بستان : انتي ما محجبة !
روح : لا محجبة بس طلعت هيج اريد اخلص منها .. انبهت شعري منثور على ظهري نزع شماغة وانطانيا خليته على راسي بي ريحة بخور ذكرني بيت جدي
بستان : فوتي هذا بيت الحاجة حصة
روح : دك الباب وفتحتها بنية شابة لابسة حجاب ابيض حجيت ويا الحجي مدنكة وراحو على صفحة شفت ردت فعلها حاطة ايدها على حلكها شوية واجتي
بستان : عمي ضلي هنا لما يطلع الصبح نشوفلج جارة
روح : هزيت راسي دمعتي تلمع بعيني خفت ادخل وكف مبتسم وجهه بشوش
بستان : هذا بيت اختي لتخافين انتي هنا بأمان وهاي مهجة بتها والبيت مابي اخد غيرهم
روح : لا ما خايفة .. اشرتلة بمعنى باي ودخلت للبيت كلت السلام عليكم
مهجة : امي بالمنجم
روح : ها
مهجة : حصيصة عدنا ضيوف
روح : ماكو صوت بس عبالك اكو شي يحترك بالغرفة انطتني حفاية البسها برجلي وبيتهم نظيف كعدت على التخم مرت نص ساعة ماكو صوت حتى البنية اختفت
حصة : منو جابها
مهجة : خالي
حصة : طفي المنجم
روح : طلعت بزونة سودة تقربت تشم برجلي طفلت بصفي على التخم خفت منها دفعتها بالكوشة انجنت كامت ادور حوالية خليت الكوشة على وجهي مرعوبة صرخت .. مهجججججة منوووو هنااااااا
حصة : نطاح
روح : دخلت مرة لابسة اسود من فوك ليجوة خزرت البزون كبل عافني ودخل للممر كعدت كبالي مبحلقة بوجهي ومبتسمة بينت اسنانها الفضة حركت انفها تشتم مكشولة وجها
حصة : انتي حامل لو مجنبة
روح : ح حامل .. رجعت الابتسامتها الطبيعية
حصة : مهجة جيبي شي الروح تاكلة
روح : جسمي كزبر .. شلون عرفتي اسمي
حصة : مهججججة تكول شبون عرفتي اسمي
روح : دخلت بيدها ماعون فاكهة واكل جاهز خلتة كدامي وكعدت عيونهن مبحلقة بشكل مو طبيعي حسيت برعب بس الله يدري بي
حصة : اكلي لتباوعين هيج
روح : اكلت من التفاحة ورجع البزون يحوم حوالية
حصة : قفلي بالباب علية يضوج من الحامل
روح : شالته مهجة وصرخ بصوت مزعج بقيت كاعدة ماكدرت اكل اكثر دفعت الصينية ومن باب الواجب شلتها اوديها للمطبخ دخلت جان فارغ خليتها ورفعت راسي شف مهجة كبالي
مهجة : لتعبين روحج
روح : رجعت للهول اكو شي بداخلي يريد يصرخ طلعوني حسيت بيت حرية أمن من هذا البيت اكو شي غلط
حصة : شنو بيج !
روح : ما اعرف ما اخذت سونار
حصة : تريدين تعرفين
روح : ابتسمت بحزن .. اذا رجعت للبيت اروح للطبيب
حصة : هاج هاي المراية
روح : اخذتها منها باوعت بيها مراية عادية جرتها مني وباوعت عليها وضحكت
حصة : هههههههاي بنية مثل الكمر
روح : عفست وجها وباوعت على رجلي
حصة : عدها 12 اصبع برجلها
روح : اسم الله ليش .. اشرت بيدها فوك
حصة : صنع الخالق
مهجة : وين تحبين تنامين
روح : بلعت ريكي بخوف انام !!! .. اي مكان هنا
حصة : هاج هذا الدنبوس سدي كبل لا تغفين وخلي جوه راسج ونامي
روح : ليش
حصة : تنسرين
روح : اخذته منها وراحت جابتلي غطة ومخدة خليتهن على القنفة جلد اشتغل سبلت وسنحت بس بكلبي خوف انتابني شعور بالقلق انطفت الاضوية ومعدتي مغصتني
_ سديت الدنبوس وخليتة جوة راسي غمضت عيني وفجأة فزيت مفزوعة
فاروق : لتخلين النار تاكلج وتاكلني
روح : فا فا فاروق انت هنا ..
فاروق : لو دك بيّه كل العمر...
ما يطفه عطابي
روح : اشتغلت اغنية براسي ادك حسيت نفسي اهز بلا وعي وياها شهكت فازة وجسمي ينكط مي
نرمان ..
_ نايم فاروق على القنفة وحاط ايدة على وجهه وبيدة المغذي منتظري يخلص فجأة شهك وكمز من مكانه لازم ركبته ويتنفس سريع
حكيم : شبيك بوية
فاروق : شفت روح
حكيم : وين
فاروق : شفتها مو حلم صارت كبالي وراحت
نرمان : باوع علية حكيم برهبة ..
حكيم : ترجع وكل الله ترجع
فاروق : هذا عقاب من الله على اعمالي الله ماراضي علية بس معترض هيه ليش تتحاسب وياي
نرمان : شلع المغذي من ايدة وكعد حاط ايدة على وجهه دخل نزار وجهه ميكصة الطبر شمر غراضة بالكاع وصاح
نزار : انت شلون تخرب شغلنه كله وهذا التعب التعبته وياك وتروح تتنازل بكل برود
فاروق : سويت العليك
نزار : بعدها التحقيقات مفتوحة ليش اصرفت بكيفك
حكيم : شلون تتنازل عن حقك
فاروق : اخذ حقي بيدي
نرمان : صرنه واحد يباوع بوجه الاخ زمخ بي حكيم ..
حكيم : شنووو معنى حجيك فهمنه انت شايف حالك لو يسولفولك عليه
فاروق : ما اريد واحد يدخل بعد روح اذا عايشة ارجعها واذا ميته ادورها وادفنها
نرمان : يعني اكو احتمال ميته !
نزار : ذوله جلاب سعرانه وماعدهم لا شرف ولا دين واخوية محد يكدرلة يسوي البراسة
نرمان : خزرني حكيم وسكتت بقى فاروق كاعد ويدخن خلص وشمرها من الشباج وطلع
حكيم : بس لو اعرف وين يروح يومية
نرمان : من يوم الحادث مينام بالبيت
نزار : يابة صعبة غير مرته
نرمان : مر يومين فاروق مختفي باليوم الثالث حكيم صارت عندة مشكلة بالشغل وسافر البغداد بقيت بس اني ونزار رجع فتح الدعوة مارادها تنسد
_ لميت الملابس من الحبل وحطيت جدر ع النار اسوي غدة العمتي .. سمعت سيارة دخلت للكراج ركض كنان للحديقة عرفت ابو اجة
كنان : بابا حبيبي
فاروق : هلا بوية
نرمان : باس ابنه وباس علاوي شكله متغير وضعفان وجوه عينه اسود فات يمشي بثكل كعد على التخم
اصيلة : چا ما لكيت مرتك الله يعلم شمسوين بيها ولد الحرام هسه
نرمان : خزرت عمتي اريدها تسكت
فاروق : اصيلة من وعيت على الدنيا وشفتج عرفت انتي كح** ترا الكح** مو الا تن** كح** بافعالها
نرمان : صخنت من كلامها بقو الجهال صافنين طلعتهم بالحديقة خفت تصير مشكلة
اصيلة : اسأل عليها بس انتو لد نرجس متستاهلون الكلمة الطيبة دومكم تنكطون سم
فاروق : لاحنة طفار منج
نزار : السلام عليكم .. عمي ما صدكنة نشوفك
فاروق : تريد حركت الجهاز احجي كوه فاتح عيني
نزار : انت مؤمن وتذكر ابوية من مات وامي من راحت محد ضل النه
فاروق : اي !
نزار : الراح مو اكثر من الجاي
فاروق : اختصر شنوووو معنى حجيك
نزار : لاكين بنية نفس مواصفات روح
فاروق : وين احجيييي بسسرررعة
نزار : بالطب العدلي
نرمان : لطمت ع وجهي شنووو الطب العدلي .. حجيت صوتي يكطع .. لا نزار كول غيرها لتحجي هيج بلكت مو هية
فاروق : لا لا مو هيه كل عقلك روح تموت الله ميسويها يريد يتمني ام واب وحتى روح وين العدل
نزار : هذا كفر امشي وياي شوفها
نرمان : ماسكتت دموعي لزمت صدري واتنفس سريع رفعت راسي للسما اتمنى هذا كله حلم .. لزمة نزار من جتفة نتر ايده واجة يريد يضربه
فاروق : لتلح مو هيه اكلك مووو هية
نزار : اني هم اكول مو هيه
فاروق : اروح اشوف شكلها عادي ادري مو هيه
نزار : الجثه محتركة
نرمان : لزم راسة يتنفس سريع خابرت حكيم وانهاريت اصرخ .. يمكن يمكن روح ماتت لاكين جثة مطابقة الها
حكيم : اصبري مجاي افتهمج اكو ناس يمي
نرمان : سكت شوية وعرفت غير مكانه .. شهكت وكلت .. ارجع هسه اخوك خطية راح يموت
حكيم : راح ارجع لتخلو يطلع بين ما اجي
نرمان : سدة وفاروق انهار يفرك براسة صار صوته عالي
فاروق : متمووووت اكووو حجي هوواي بعدها ما سمعته مني بعدني ما نمت بصفها حاضنها حاربت الدنيا واخذوها مني بكلبي لوعة طفل امة ماتت وخرو وخرو عني
نرمان : لحكة نزار واخذ سويج سيارته ضمة وذاك هجم علية بعنف
فاروق : كلكم نكسسسسين وانذاااال حتى انت
كنان : لا بابا لا بابا
نرمان : الجهال يصارخون حضنتهم ونزار مستسلم تفل من حلكة دم وابتعد عنه مثل الرجع الوعية ..
يتبع ..