جلباهار الضل "الاسود "
#الكاتبة ايفا الصابر
شجعونـا بـ نجمـةة وكومنـت حتـى نستمـر وياكـم♡.
***************************
باوعلي جدي باستغراب واني مو احسن منة
حسبــان: ياربي سترك شهل صياح هاذا
ماجاوبتة، طبينة بسرعةة للبيت انباوع كلها بالصالةة وصايرة هوسة وممالخ،،
انتبهت مرة عمي اسعد كاعده على جهه تبچي وامي واكفة يمها لازمتها،،
انريد نفتهم شصاير بس كلها تترابد ماسكتو لحد ماعاط بسهم جدي بعصبية،،،
حسبــان: كاااافيييييي
سكتو شوية صار هدوء يمكن ماجانو منتبهين النةة من اجيةةة،،
حسبــان: شهل بغااااگ هاذاا وين عايشين احنةةة الوادم راح تفزع علينةةة من ورة بغاگكم شبيكممم نجلبتوو خوما انجلبتوو شكوووو
گاطع: بويا اعذرنةة بس كلها من اسعد
اسعد: شعليةة انيي مامشيت غير بلحق ماغلطان بشي لابايك ولا ناهب
مچبس: لا حشاك لابايك ولا ناهب بس جايب وحدة لااصل ولا فصل جايبلك زبالةةةةة وجاينةة
حسبــان: كاااافيييييي، شنو جايب شكووو شمسوي صخاااام
گاطع: بوية مزوج على مرتةة بـ السر
سوادي: وجايبهاا مدري منين مامنين لا اصل ولا فصل بت شواررع يريد يطمس روسنة بـ الطين
بقينة صافنين بوجوههم
هضاب: شمدريكم مزوج؟
مچبس: اجتت مسعدتةة عود ماخذها
بـ السرر تالي مخاملتةة ولاحكتة عارفة اهلة واجتت لهنااا
سكتت ماجاوبت بعد باوعت لجدي الصار كتلة نار
حسبــان: وينهاا؟
گاطع: مچبوبة جوة بغرفة امي
التفت لـ اسعد وحجة بحدة
حسبــان: تعال وراي بسرعة
عافنة وطب غرفتة راح ورا اسعد واني ركضت وراهم اخاف على جدي خلي الدنية تكوم وتكعد بس جدي خط احمر حيل اخاف علي واعزة بروحي،،
انتبهلي جدي وحجة
حسبــان: اطلع هضاب
هضاب: اعتبرني ماموجود جدي ماعليك بية، بس مااطلع
سكت وباوع لـ اسعد
حسبــان: اي يبن ابوك شنهي هل فلم هاذا؟
اسعد: يابة البنية حبيتها واخذتها ومامسوي جريمة مشيت بشرع الله
حسبــان: ها بشرع الله كتلي
اسعد: اي يابة
حسبــان: ومرتك مافكرت بيها؟
اسعد: شبيها مرتي، معززة مكرمة تضل وماكو مرة تاكل مرة،، واني تدرون بية مضلوم بزواجي وانجبرت اخذها لانها دخيلةة عدنة وهسه حبيت واريد اتزوج ما ارتكبت جريمة
حسبــان: ويا ناس تنطي بتها اليوم بدون لاخطوبة ولا عرس جبير كلي حضرتك؟
اسعد: البنية يتيمةة
حسبــان: لاتشوفنييي غشيمم وانة ابوكك، منين هل بلوة الجبتها اصلها شنهييييي؟
بلع ريكة
اسعد: يابة يتيمة والله
حسبــان: اي يتيمة وين عمامها اخوالها خوماطالعة من فطر الكاع
نزل راسة
اسعد: مو هيه يابة
حسبــان: اي ابهرني شنو؟
اسعد: عايشة بـ الميتم
فك عيونة بصدمة
حسبــان: شنيييييي
اسعد: يابة البنية حبيتها ومابيها شي
حسبــان: جايبليي وحدة لقيطة ولكك اسعددد، مامعروف اصلها شني، هاي اذا ماطلعت بت حر*م
اسعد: وشذنبها هيه يابة مادخلها هيه
حسبــان: اسمع ولك تطلكها وتاكل خر* باديك ورجليك وهل لعب هاذا بطلةة
اسعد: ماطلكها يابةة مرتي احبها واريدها وحامل
باوعلة بصدمة
حسبــان: شتحجي انتة
اسعد: هاذا الصدك
هضاب: عمي شجاك ماتكلي شجاك
اسعد: ماغلطان بشي اني وهاذا شرع الله مابايك ولا ناهب
صاح جدي بعصبية
حسبــان: منكونك ماناهب جا شنيي بوكتكك منييي يا ابن ابوكككك؟
باوعلة باندهاش
اسعد: ها
حسبــان: احجييي ليش بايك محلات الذهب كووول
نزل راسة
اسعد: انطلبت يابة وهم احتاجيت شغلات لعرسي
حسبــان: وتنطلب ****مليون هاااا؟
اسعد: مو هوه دخلت برهان وخسرت
فك عيونة جدي بصدمة
حسبــان: رهان شنو
ماجاوب رجع صاح بي
حسبان: رهاااااااااااان شنيييييي؟
اسعد: بوية والله جنت عقل طيش وراهنة بلعبة وخسرت واكلو وجهي
فاك عيوني مامصدك معقولة هاذا عمي اسعد يبين ما الة بهل سوالف بس صدك لوكالو المضاهر خداعةة،،
اول مرة اشوف جدي يرفع ايده على واحد من عمي ويضربة بقيت صافن بصدمة واندهاش ياربي شنو هل مشكلة الكلبتنة كلاب،،
.....
كاعدة واني افرفر باذاني مافاهمة شي وهية مامتتمة مطنشة ومركزة بشغلها والاوراق الكدامها،،
سوزان: هسه على الاقل عوفي هل سالفة،، جدي شلونة؟
جاوبتني وهيه مدنكة باوراقها
جلباهار: زين
سوزان: اريد ازورة
رفعت راسها تباوعلي
جلباهار: لاا
رديت باستغراب
سوزان: ليش؟
جلباهار: اهتمي بهدفج هسه قربنة منة حالياً خطر لا اكثر
تنهدت بتعب
سوزان: جلباهار والله حيرتيني ماجاي افتهم سالفتج شنو هيه
ابتسمت باستهزاء
جلباهار: ليش اني منو اصلا كدر يفهم سالفتي؟
باوعتلها بحيرة ابتسمت وردت بدون مبالاه وبدون مشاعر اكثر الاوقات احسها مجردة من المشاعر نهائياً،،
جلباهار: سوزان اني ابسط مثال الوضعي هوه القصر المسكون كلها تخاف من عندة بس محد يعرف سالفتة الي وصلتة الهل حال شنو هيج اني جلباهار حياتها مثل هل قصر هاذا
يتبع😈...
توقعاتكم للقادم؟
الصدمات راح تتوالةة عليكم بلبارتات الجايةة لاتستغربون😂.
صوتوا وانتضروا البارت الجاي ♡.
... في امان لله...