#جلباهار الضل الاسود "
#الكاتبة: ايفا الصابر
وتشاء انتةة من البشائر قطرة،
ويشاء ربڪ ان يغيثك بـ المطــر♡.
*******
كاعدة بضوجه بعد كلشي صار تنهدت بتعب واني اشوف اسمها على شاشه تلفوني،
جاوبتها
سوزان: الو
اجاني صوتها الحاد
جلباهار: ها سوزان شلونج
سوزان: الحمد لله انت شخبارج؟
جلباهار: ماشي وضعي
اردفت بتردد
سوزان: جلباهار
جلباهار: ها
سوزان: احم هوه مهمتج الثانيه الي حيل صعبه عليه
سكتت شويه وكالت
جلباهار: اتراجعتي
سوزان: جلباهار انا وياج بكل شي ما اتراجع بس مو بهيج شيء
ردت بجمود
جلباهار: عادي روحي هو منو يتحمل روحي روحي ماكو اشكال
غمضت عيوني بخنكه من نبره صوتها
سوزان: انسي راح اكمل بيها
جلباهار: لا اطلعي ماكو اشكال اشوف غيرج
توسعت عيوني بصدمه
سوزان: جلباهار تشوفين غيري شنو الا بهالموضوع اوكف ضدج وربي اني اكمل واتصرف احسن ما تجيبينلي ما ادري ياهو
ردت بلا مبالاه
جلباهار: جيد يلا روحي
سددت الخط بوجه تنهدت بعمق والله راح تجلطني جاي تمشي بالغلط وتاليها راح توكع وكعه مو سهله،،
شكد احجي بس ولا يفيد بيها راسها يابس اذا الحايط يجاوبني هي تجاوب طلعت روحي وما خايفه بس من التاليه شلون راح تكون،،
رجعت لشغلي او بـ الاثبت المهمةة الصعبة الي كلفتني بيها جلباهار ولا بية اتراجع واعوفها بوسط هلدمار وحدها ولابية اكمل بهل شي لان جاي احس نفسي وحدة حقيرة،،
....
رجعت للبيت مستعجل اباوع كلها ملتمه اليوم خير يا طير شكو شنو هاللمه
هضاب: السلام عليكم
: وعليكم السلام
سلمت عليهم واشرت لجدي انتبهلي وكام
: ها وين
هضاب: هيج شغله صارت ورايد استشار جدي بيها
طلعنا اشر لي اسبر شكو طمنته ماكو شيء وطلعت ورا جدي
حسبان: ها ابويا شكو؟
هضاب: لازم نروح للمحل هسه
حسبان: عرفتوا شيء
هضاب: اي ومنتظرينك هناك
حسبان: يلا نتوكل بويا
هزيت راسي وصعدت صعد جدي وحركت السيارة باتجاه محلاتنة،،
اتصلت بية جلباهار وبلغتني انها عرفت كلشي وطلبت اجيب جدي واجي،،
دايخ بتفكيري لحد ماوصلنة صفيت السيارة ونزلنة باتجاه المحل،،
دخلنة انتبهتلها واكفة على جهة تخابر شافتنة وسدت تلفونها وتقدمت ناحيتنة،،،
جلباهار: السلام عليكم
حسبان: وعليكم السلام بويه
باوعتلي ورجعت حجت وية جدي
جلباهار: رايد تعرف وحدك لو..
انتبه جدي ابتسم واردف
حسبان: لا ابني هاذه كولي؟
حكت طرف حاجبها واردفت
جلباهار: الذهب مايروح هيج جان ينباع واعتقد انتم منتبهين بهل خطوة بس الفلوس ماترجعلكم
حسبان: اي عرفتهن ينباعن
رفعت راسها تباوعلة بنضرات عجزت افسرها
جلباهار: جيد، شكيت بعمالك مو؟
حسبان: اي لان ماكو احد ثانيلازم الشغل غيرهم
رفعت حاجبها
جلباهار: واذا اكلك مو همةة؟
عكدت حاجبي باستغراب بس ماحجيت رد جدي
حسبان: مافهمت بوية
جلباهار:استاذ حسبــان عمالك ما ماخذين شي وماكو احسن منهم ليش شكيت بيهم؟
حسبــان: احجي بوية بدون لف ودوران دوختيني
جلباهار: احد اولاد حضرتك هوه الي جاي يسحب بهل مبالغ المالية الي جاي تنزل اعمالكم واتاكدت من كلشي ساحبة حوالي ****مليون بدون علمك
بقينة ثنينة صافنين بوجها بصدمة مامستوعبين شتكول ابنك؟،، معقولة ياهو من عمامي؟،،
ردت حجت بتفاجأ مصطنع ونبرة ماكدرت اميزها
جلباهار: استاذ حسبــان ابنڪ جاي يبوگڪ؟، ليش؟
جدي ساكت مامستوعب شي حجيت وياها،،
هضاب: منو؟ شلون عرفتي؟
باوعتلي بطرف عينها
جلباهار: شغلي محد اعرف بي غيري
حسبــان: ياهو منهم؟
رجعت نضرها عليه من حجة جاوبتة بلا مبالاه
جلباهار: ابنڪ اسعد عيني استاذ حسبــان
بقة جامد بمكانة،، ابتسمت بطرف شفتها وتقربت باتجاه جدي اكثر،،
جلباهار: خلص انسة الفلوس مو مهمة بس روح اعرف ليش ابنڪ باگ ابو ليش ما اجة وطلب منڪ اذا بعازه فلوس؟
ماجاوبها دار وجهه يريد يطلع صاحت
جلباهار: اوكف جــــدي
يتبع😈...
توقعاتكم للقادم؟
ليش اسعد هوه المخسر ابو شنو السبب؟
وشنو الشي الي جلباهار منطيتة
لـ سوزان وهيه متردده؟
واخيرا وليس آخراً،
شقصدت جلباهار بكلمة(جدي) وشراح تكول من صدمات؟
البارت الجاي اكثر من صدمة ترقبوا😂.
وها بعد نسيت شغلةة،،
قدروا تعبي بنجمة وتعليق ليش تفاعلكم ضعيف هيج بنات المشاهدات توصل الاف والتفاعل مابي 100شخص شجاكم؟ تفاعلوا حتة واحد يتفاعل وياكم،، يعني هسه اني هاي كطعتي عندي ضروف وانتوا تفاعلكم ضعيف مايسوي واهس حتة كلت اوقف القصة حالياً هم ضروف وهم تفاعل ضعيف مايسوي واهس ليش اتعب نفسي بس اتراجعت،، تفاعلو حتة اتفاعل وياكم حبايبي♡.
*بنات: ايضاً بخصوص قصر البارتات هواي بنات كاللي خلي البارتات قصيرة احسن واكو يكولون طوليها ماعندي اني اشكال بس اثبتولي على شي واحد علقولي على هاذا المقطع خلي اشوف شنو التردونة اكثر القصر لو الطول،، لان الطلاب يكوللي خلي قصير حتة منطول نقرا ونرجع ندرس ماياخرنة فكلولي انتم واني وياكم ماعندي اي اعتراض.
صوتوا يلاا لاتنسون😂.
«في امان لله»