_ الكاتبة : Duha_al amer 🦋
_ صوتو للبارت بنجمة
_ صلو على الحبيب محمد
_ بسم الله الرحمن الرحيم .
احبكم 〰️
تابعوني بالانستا. duu_199 ✔️
البارت هديه و قصير اعتبرو تكمله للبارت القديم وقدمته بيوم العطله مالتي يعني عذروني
____________________________________
فاروق : جتفة وقفل السيارة
حكيم : ما اوصخ ايدي يطبك مرض انت ويا
_ هسة منو يحاسبني
حكيم : هاج انتي تعرفينا !
_ ياااا وين شايفتكم صكد جذب
حكيم : توكلي
_الله يكثر من امثالكم بدربي
مديح : روح الفجرية يحركوها ويخلوك تنوح حتى كبر ما الها
فاروق : صفكته براشدي .. منو يحركها
مديح : لوما غدرك بيه جان هسه النار شابة بيها
حكيم : انطيني رقم ابوك وصعدة بالسيارة
مديح : شتريدون من ابوية انذال
فاروق : جريت جهازة شمرته الحكيم .. تاج راسك وين هسة !
حكيم : دوس بطنه حتى ابو يسمع صوتة
فاروق : اخذة اني اريد احجي .. تبادلنة فتحت جهازة ودكيت ع ابو
محسن : مديح وين رحت بوية جدك منتظرك
فاروق : ابو مديح الك مهلة اربع ساعات ومديح يصير بخبر كان وحسب معلوماتي عبوسي هم مودع يعني مابيك حيل ثنين شباب بعمر المجاري يروحون من ايدك
محسن : انت منووو وشتررريد ابنييي وين
مديح : اااااااخ ولك بوووية الحكلي
محسن : اذا مديتو ايدكم علية الك *** مالتك اكتلها واشمرها بالسكة
فاروق : حتى اكطم **** واجيبلكيا لابس حجاب
حكيم : طيح الله حظك
محسن : انت عبالك ماكو قانون وعشاير اني جتالك
فاروق : انتظرك ويا صلاة الصبح ويا مايكول الله واكبر ماجيت وياك مرتي خدش مابيها اسلمك ابنك مثل ما اخذته لو لعبت بذيلك انسى ابن امة
حكيم : هذا العار وخلصنة منه هسة تكعد تحجيلي سالفتك مو جايبني وراك من البصرة ابوية مشتعل وخاطفيلنه زلمة نساوم بي سجينة مال زلاطة ما شايل اني
فاروق : حيلك حيلك روح مرتي
حكيم : منو مرتك
فاروق : روح اي لتباوعلي هيج احبها
حكيم : شلووون انت تلعب بالنار ومتدري بروحك البنية ماعدها اهل
فاروق : حبيتها وهواي اذيتها وجبرتها تسوي شغلات متريدها
حكيم : عدها اهل وعشيرة مراح يخلوك جر نفس اذا مراحت البنية دوس بالرجلين
فاروق : القانون وياي
حكيم : اذا رموك فديوم خل القانون يفيدك
فاروق : بس اخذها منهم وأمن عليها شيريد يصير خل يصير
حكيم : سهله بحلكك هسه شنو حال البنية ما فكرت
فاروق : چا حالي اقل من حالها حتى كلبي يرجف عليها
حكيم : شتكول نجوي بالسجينه
فاروق : غمزتلة .. لا نكطم رجلة هواي ثنين خلي بس وحدة
حكيم : جيب المنشار من السيارة
مديح : بوووووية الحكنييييييي
حكيم : والله الك خلك تضحك
فاروق : هيه موتة وحدة متصير ثنين
نوال : يمة ابني يمة رررراح ولك محسن كافي عباس اخذو مني وذبحو بسبايكر انووب مددديح اكتل روحي ورااااا
سلوى : شفتييييي شفتييييي ربج ميضرب بحجارة حركتي كلبي ع بتي حرك كلبج ع ابنج
نوال : سكتووووها لو اكوم اكطعهاااا هل بت القندرررة
رونق : سلوى بتج انسيها كلوبهم مترتاح اذا ما كتلوها
ريم : ماما اني خايفة شلون يكتلون بتهم كدامهم خطية
قداحة : اسكتي ماضل شي ويجي ابوج ونرجع
نوال : انطيهم هاي الخايسة ورجعولي ابني عمييي هل وحيد عندك عندة مرة شريفة منتظرته يرجع انطيهم روح واعتبروها ماتت انعل ابوها لابو
عقيل : انطوهم روح ورجع مديح
يعقوب : بتي ما انطيها الهم هيج
عقيل : شكلت تسوووون
سلوى : يمة بتيييييي الله لا ينطيكم ولكم بتي متحرك لا ايد ولا رجل
رونق : خاف انغمى عليها اهدددي هسة تكعد انطيها مي
عقيل : اليكرب عليها ميلوم الا نفسة
روح : انشمر علية مي بارد ثلج شهكت فازة تخيلت هذا كلة حلم شفت عمي محسن شال الربد مال كرك وضربني بي على بطني من حلات روحي طبكت روحي ع رجلي وصرخت بألم
رونق : اذكر حجي الولد خاف توديها هيج حالها ويكتلون ابنك اروحلك فدوة عوفها
عقيل : اشمرها بالحاوية واحركها واجيب ابنك وارجع
يعقوب : ما ارضى اشتكي عليكم والله
عقيل : اذا زلمة سويها
ريم : ماما يعني راح يحركوها مو خطية اووي ما اكدر اباوع
روح : جرني من شعري وفتح باب الشارع واني بلا حجاب صعدني بسيارته وسدها امي تصرخ بكل ماعدها صوت احس روحي تتكطع من الالم
سلوى : اوووف يمة مووودعة بالله حاطة الله ومحمد وعلي وياااج ولج حبيبة مو تنسين الشهادة
رونق : سووودة بوجهي عليج عمة لو ميتة ولا شايفة هذا اليوم رحمتك ربي رحمتك
روح : اخر كلمة سمعتها من امي خلتني جثة هامدة تلمست بطني الحرك يوجع ما اريد اموت هيج لو يكتلوني بسلاح ارحملي بهواي
_ الطريق كله سمعت شتايم وكلام يهز البدن صرت اعيد واكرر بالشهادة دعيت النفسي بالرحمة ويخفف علية
محسن : الووو انت وين
فاروق : ياهلا بهل صوت يا مية هلا
محسن : يله جيب مديح
فاروق : انت وين دليني مكانك اخذ مرتي وابنك تلكا مربوط بالشجرة
محسن : اني يم الحاويات القديمة مال شط مديح يندلهن
فاروق : سمعني صوتها
محسن : كلشي مابيها
فاروق : سمعنييييي لك
محسن : احجيييي
روح : حط الموبايل قريب ع حلكي كفخني ع راسي صحت بصوت ناصي .. ااااخ
فاروق : والسماك محسن امسح ملامحك اخلي وجهك من كفاك مينعرف اذا مسويلها شي
روح : نزل يتلفت طلعني من السيارة يسحول بيه فوتني بغرفة حديد متروسة كراتين دفعني من جتفي وكعت بالكاع وانسدت الباب وكفت وغطى على عيني الظلام كلشي ما اشوف كمت ادك ع الحديد بهستريا
_ عموووو طلعنيييي منااااا ابوووس ايدددك اني خااايفة لتعوووفني وترروح اخاااااف ابقى وحدددي عمووو تسمعنيييي افتح الباااااب انيييي وين ما اشووووف
_ صارت ريحة نفط بالمكان ما اكدر اتنفس شوية وصار صوت طكطكة دخل الدخان وصار الحديد يلسع من الحرارة
_لزمتني نوبة هلع كحيت بهستيريا والدخان غطة ع عيني كعدت بالكاع شاطت روحي من الحرارة حسيت جلدي راح يموع انتبهت وحده من الكراتين اشتعلت غمضت عيني ونطقت الشهادة ..
محسن : يله جبتها انت وين
فاروق : سيارتك برنس مسكربه !
محسن : اي
فاروق : كبالك
محسن : اخذ ابني يصعد بالسياره وانطيك البنيه
فاروق : اعذرني بروحي ما اثق
حكيم : كله اخذ مرتي وانطيك ابنك
فاروق : سمعت لو اطرم
مديح : ابوي حركها
فاروق : شلون ! التفتت شفت النار شاعله بحاوية وجع الجهاز من ايدي وطفرت عليها .. لك كووووو* عرررض السكط
حكيم : اكسرررر البااااب
فاروق : دفرت الباب دفرتين وكعت تايخة من النار سحبتها من جتافها هدومها محروكة عليها
_ اسمعيني رووووح فتحييييي عينج
حكيم : جيب سلاحك وسويلها انعاش للرئة مختنكة
فاروق : شمرت علية المسدس وشلتها من الكاع خليتها بين الحشيش وضغطت ع صدرها مابيها نفس وكلبها واكف .. حكيييييم مابيهاااااا نفس ..
مديح : عوووفنييييي مو اخذتوها بعددد شتريد منيييي
حكيم : شلون ادزك هيج اريد اغلفك واوديك الابوك
فاروق : اخذتها وطلعت اقرب مستشفى من المنطقة دخلوها الطورائ
_هاي البنيه شصاير وياها !!
فاروق : حادث حريق
_ زوجتك !
فاروق : اي وحامل ..
_ اطلع برا من فضلك
فاروق : سدو الباب وكفت اباوعلها من الكزاز .. ملامح وجها مختفيه من الدخان والدم رجلها وايدها غاديات جبده .. خطفت بصفني ممرضة شهكت
_ ايدك مصلوخه
فاروق : باوعت جف ايدي محترك رجعت اباوع للكزاز رجفت دمعتي وفضحتني .. طلعت الدكتورة مستعجلة
_ متعرضة للعنف والطفل يمكن مابي نبض كل عمرة 20 يوم
فاروق : هيه هيه شلونها
_ تبقى ع الاوكسجين الباجر الرئه تعبانه وعدها كدمات ورضوض
فاروق : اكدر افوت اشوفها
_ لا
فاروق : فتحت الباب وطبيت .. روح كافي كعدي ارجعج وياي للبيت كل يوم انتي مو وياي ما محسوب من عمري
_ دك جهازي سويته صامت رجع دك فتحت خط .. حكيم
_ انت شكد واحد عار
_ وين انت شسويت هذا الك*** بعده وياك
_ لك شلون تعوفني وتروح ما كلت اخوية
_ مينخاف عليك ابو علاوي
_ هذا المطي فصخته ودزيته الابو
_ يعني سويت شي يبرد الكلب
_ اكلك فصخته ونزلته ع الجسر ورجعته مشي للبيت
_ هذا هو الباقي عليه
_ انت وين هسه اجيك
_ لا روح للبيت كافي ارتاح
_كلي بيا مستشفى وحسابك من تفض هاي السالفة
_ راح احولها مستشفى بالبصرة هنا الوضعيه تعبانه بس اتأكد اكو نبض بالطفل
_ يا طفل
_ روح حامل .. الووو شبيك
_ وياك وياك
روح : كفختني ريحة ديتول رن صوته بمسمعي دوه صوت طلقات صفرت اذني تتراوالي نار مشتعله شهكت بخوف وفتحت عيني شفته منطيني ظهره وسجد يصلي .. سلم والتفت عليه
فاروق : روحي شتحسين اكو شي يوجعج
روح : اني ووين شلت ايدي بثكل اتلمس جسمي ما انطاني مجال استوعب الاحداث حضني ودفع راسي ع صدرة دفعته وعظامي كلها توجعني بجيت ورجعت راسي ع السرير .. اااااخ عوووفني عوووفني ما اريد اشووف وجهك
فاروق : ادري والله ادري انعل ابويه لابو جهرتي .. وحك عيونج الا اكسر ايدهم ورجليهم النمدت عليج
روح : الخوف متملك كل قطعه بيه ما ادري شنو صار شلون اجيت هنا راسي بي دمام حتى هوا اخاف منه رفعت الغطى ع جسمي وماكدرت اسأل اذا اني مسقطه لو الطفل عايش .. خلى ايده ع ايدي سحبتها ودخلت دكتورة
_ الحمدلله ع سلامتج مبين صرتي احسن بقى البيبي البطنج نعرف شنو وضعه
روح : جابت جهاز وخلته بطني علت صوت نبضاته المتوازنه صار صدى بالغرفة غمرني شعور بالامان
_ الطفل هم عايش الحمدلله هسه راح اكتب تقرير ويجي شخص يسألج شكم سؤال نطمئن ع صحتج
روح : افتهمت يريدون يفتحون محظر ويقدمو للمركز .. طفر فاروق من مكانه واخذ الدكتورة وطلعو برا ما ادري شحجى وياها وراحت مرت دقايق ودخلت ممرضة ضربتني ابره راسي ثكل وغمضت عيني فاقدة
حكيم : صحت البنية !
فاروق : اي كعدت والطفل هم زين صوت كلبه عالي
حكيم : يله الله يعديها سلامات
فاروق : اريد اطلعها ما اخليها هنا
حكيم : وين توديها
فاروق : البيتي
حكيم : قصدك بيتنه
فاروق : لا بيتي بالجزائر
حكيم : عندك بيت !
فاروق : اذا شفته راح يعجبك
حكيم : متأكد انت فاروق اخويه
فاروق : ابو علاوي خل تفض وكلشي تعرف
حكيم : اكو شي بعد ما اعرفه
فاروق : ان شاءلله ماكو .. احمم اريد شي تلبسه منين اجيب
حكيم : ندبرلها عبايه
فاروق : تسوي عليه فضل انتظرك
روح : فزيت جانت دنيا ظهر لكيته ع كعدته نايم ع الكرسي باوعت ع موبايله بصفي خليت ايدي اريد انهض واكعد دفرت الجهاز وكع بالكاع صار صوت عالي وفز
فاروق : تريدين شي اكومج خاف متأذيه
روح : اريد اروح للحمام .. حط ايده ع ظهري يكومني زمخت بي صوتي مطبك .. وخرر ايددك لتقرب عليه
فاروق : اصيحلج وحده تساعدج
روح : اكدر اكوم وحدي بس هذا البيدي شلون اوخره .. شلعه من ايدي وقفل الكانولا خليت رجلي بالكاع ترجف مامتوازنه
فاروق : متكدرين امشيج ما اخلي ايدي عليج انتي لزميني
روح : لا بطلت ما اروح للحمام
فاروق : راح اطلعج من المستشفى
روح : بعدني ما مجاوبه اندكت الباب طلع برا شويه ودخل بيده عبايه وحجاب انطانياهن
فاروق : لبسي
روح : انتبهت اني لابسه ملابس نايلون مال مستشفى لبست العباية فوكاهن وخليت الشال ع راسي .. دخل اخو مدنك مارفع راسة ..
حكيم : الحمدلله ع سلامتج
روح : الله يسلمك
حكيم : ان شاءلله ازمة وتعدي
فاروق : يله كومي لازم تاكلين
روح : جاب كرسي متحرك خلا بصف السديه سحلت روحي منها وكعدت بالكرسي جسمي مكسر دفعني يمشي بطئ واخو راح كدامنه .. وكف يم المحاسب وقع ع اوراق ودفع فلوس وطلعنه وكف الكرسي يم سيارته وفتح الباب .. حجيت بعصبيه
_ وين ما اروح وياك وجهك ما اريد اشوفه سويت العليك وزياده عوفني بحالي
فاروق : وين اعوفج !
روح : ارض الله واسعه بس وجهك ما اشوفه اني ارتاح .. من يوم الشفتك ماشفت الخير .. حط عينه بعيني خازرني
فاروق : امشي وبعدين نتفاهم
روح : شالني من الكرسي وخلاني بالسياره ليورا سد الباب ركعها
حكيم : مو مال حرام
فاروق : نمون عليك
حكيم : اصعد حتى اني وجهك ما اريد اشوفه
روح : صعد اخو يسوق وفاروق كعد بصفه .. حجيت بنتره وبجيت بصوت عالي
_ ما ارجع للبيت عوفوني اني اتمنيت اموت واخلص منك انت واحد نذل
فاروق : الصمي وسدددي حلكج
روح : ما اسد حلكي عمو نزلني اني ما اريد ارجع وياكم للبيت
فاروق : اخذج البيتج
روح : ذاك ذاك البيت اكرها اموت منه ما اطبله ابددد ما اريد اشوفه
فاروق : چا وين اوديج البيت الله
روح : نزلوني هنا وروحو
فاروق : هسه راح انزلج بالتقاطع الجاي
حكيم : لداهر
روح : بقيت ساكته وخايفه ابالي الف سؤال ما اريد اروح البيتهم ولا اواجه بشر واخجل كدام واحد .. ركن السياره ونزلو جابو اكل وصعدو معدتي تموتني من الالم
فاروق : تاكلين لو تعاندين
روح : اكل .. سوالي لفه وانطانياها اكل وارجف مثل المفجوعة
فاروق : اسويلج بعد
روح : خجلت من شفتهم منتبهين عليه هزيت راسي بالرفض .. لا ما اريد
حكيم : عمو امشي ويانه للبيت وهناك اكو احد عينه عليج اتحملينه بس شكم يوم
روح : لا عمو ما اريد ما اريد
فاروق : معليك بيها سوي روحك متسمع
روح : اكو توثيه بصفي اجيت اشيلها واركعها براسه بس ما بيه حيل .. بالصدفه اجتي عيني ع المرايه الاماميه انصدمت وخليت ايدي ع صدري .. منو هاي
_ هذا مو وجهي .. تلمسته مرعوبه مشوه من الدم والاثار انهضمت ع روحي وباوعت للسما ما ادري شلون اتشكر رب العالمين من طلع عليه صبح
فاروق : ما اريد بشر يشوفها حتى نجاة
حكيم : خليها جوه بغرفة اصيله لحد ما تكوم بالسلامه .. انزل افتح الباب ندخل السيارة بالكراج
روح : نزل فاروق فتح الباب دخلو السياره اجه عليه من الباب الورا فتحها وما خليته يلمسني نزلت امشي ع رجلي كلبي يريد يوكف
حكيم : دخلها من باب المطبخ
روح : مشى كدامي فتحلي باب المطبخ وفتت اسحل بروحي فتحلي باب غرفة بيها جرباية ام النفر ومتروسة فراش وفرفوري قديم
فاروق : غمضي عينج مرتاحة ولتخافين من اي بشر بالدنيا دام اني بظهرج محد يكدر يمس شعره من راسج
روح : زمخت بصوت عالي .. اووكف لتروح وتعوفني
فاروق : شبيج
روح : متدري شكد كرهتك انذليت وانهانيت خليتني علج بحلك اليسوه والميسوه تدري شنو سمعت شنو حسيت تدري كل ضربة بطني شلون طلعت روحي سمعت صوت عياط امي تصرخ لان بتها راح يحركوها مجتفة واشوف نهايتي غمضت عيني ونطقت الشهادة ومتمسكه بالدنيا الاخر نفس هسه تكدر تكلي شنو مصيري انحبس بهاي الغرفة بأي ذنب الصار بيه المن الوم .. الوم روحي لو الومك هذا البطني شنو ذنبه ما حاملته لان منك يذكرني بيك حتى مراح يجي يوم انساك ولا انسى شلون ضربتني واعتديت عليه ورضيت نفسك ومافكرت بعد تعرف اني شصار بيه
_ لا عووفك من هذا كله شلون راح اباوع بوجه اختك لو اخوتك شراح يكولون عليه تدري هسه شيشوفوني بيا عين ! فاروق الصار بينه كله غلط واني السبب وميفيد بعد هذا الحجي الاريده منك تعتقني طلكني
_ كمت ارجف وبين عليه .. كعدت ع السرير ايدي ورجلي بيهن ضماد ..
فاروق : انسي ما اطلك
_ عافني وطلع سد الباب عليه وصار اكو صوت برا ما ادري منو عرف بوجودي خفت وقفلت الباب ع نفسي
يتبع ..