روح في بحر الظلام

الحلقة الواحدة والخمسون

روح في بحر الظلام

____ الكاتبة بحر _____

لتنسون التقييم والتعليق على الفقرات +++اضافة للحساب لطفاpahrasoad

البارت تقريبا 6000 كلمة تعويض عن التأخير

------------------------

كلمات  من بحر _____

سأكافئ نفـــسي بعد كل عمل جيد اقوم به سأتعلم ان ادلل نفسي
بكـــوب قهوة  ، بقطعة شوكولا ، بقيلولة في غير وقتها ، بساعة تأمـــل وتسبيح

العمر  يمضي وانت لا تدري
عــش لنفسك فكر بها واشفق عليها وارحمها
ان لم ترحم نفسك
لا تنتضر من الناس ان ترحمك
لا تبخس في ارضــاء روحك

أن لم تكن سعيدا لن تسعد احدا
وأن لم تكن راضيا لن ترضي احدا

________________________

ســــــــرى

تعبت من التفكير بس الى متى اني لاجئة ببيوت النــاس رغم كلشي انا على ثقة بابا يحبني راح يدير بالة علية
بس
هوو ويــن لويش متعطل عني هالگد
صافنة بالرقم اللي انطا اللي قــيصر گال اي شي تقرري انطيني خبر

عيني على خالة ومشمش يمهة تدرس
اذا راحــو للبصرة اروح وياهم بصفتي منو ومنو يرحمني هنــاك
شهاب ما يتأمــن انا ماشفت منه شي بس ما اثق به
ياربي اخــاف اروح ويصير المرض وتنتقل العدوى اللي هناك وهذا المرض يخوف

ليـــــلى :شبيج ماما ســــــــرى وضعج ماعاجبني
:ما اعرف خالة
:شهاب مسمعج حجي
:لاا والله ابد
:لعد

:اني راح اروح ل ابوية
:يا ابــو شبيج يمه احد مضوجج خاف ضجتي مني امر عليج هواي انا

رحت حضنتهة
:لا خالة والله لاا تكولين هيــج والله ابد موو هيــج
:ليشش يمه ويين ررايحة عمامج جلااب وانتي شفتي انتي موو البارحة مانمتي من ورة الوونة اللي بررراسج وووين رايحة

:خاالة ابوووية يمهم ارريد اششوفه
:ولج ابووج حتى لوو مو يمهم ماايفيدج الززلمة محكوم يطلع منا ينحبس منااا انتي شمالج يمه

:صديق عمو شهاب كال اني احاول اخلصة حتى يسفرنة گال ارروح اعرف منو حرگ بيت خاالو وبابا وين يمكن حااجزي خالة اذا ما رحت ماا اخلص منهم ولا راح اعــرف مكان حميد يضلون يأذوني لأخر يووم بعمري

ضلت تبجي تنتحب بقــهر
:ربـــي لطفك بهالبنياات فدوة رحتــلك يمة فدوة ارروحلجن كوون احمل همجن واخلصجن
ضلت تنــوح مردت گلبي

مشــمش :ولاا ترحيين والله اخاابر رانـــيــا تطيح حظ حضج خوووش

يعمري مقهورة ووجهة بعدة بي زراك وايدهة مكسورة تكسر الگلب كلش مايلوگلهة الالم

:لج اصصبري خل اكمل

:ولاا تكملين شبيج انتي ام راس المفطور لوو اربعة وعشرين سساعة تصيحين من راااسج متخاافين يكسسرو هالمرررة

:اكعدي يمة لوو رحتي بعد لاا تعرفيني ولا اعررفج لاا تشلين حاالي يمة كلما  اريد المكم تطشررون مني ولج يمة

:خاالة بس باوعي الشرطي راح يجيني كل اسبوع يسأل عني هالمرة غيــر عن ذيج هالمرة عندي سند وبابا هناك اني ما خايفة راح صير اقوة من قبــل

:رجــلج ماكو خبــر عنه ششصار عنده
:ياا رجل خالة طلقني ماا اريدة بعــد خلي بحاالة

تبجي كانت تبجي بحرگة  ومشمش تطفر من القهر تصيح ودموعهة تنزل

:ولاا ترحيين كاافي ششبيكم بس ترحوون كااافي

ليـــــلى :احسس الزمن ينعااد گدامي جني اعييش اللوعة مرررتين لييش هييج انا مسووية جريمة وجاي اتعاقب بهالقهر لوو شني السالفة

بعدين ضلت تستغفر وتردد لا اعتراض على حكمك
اللهم اني لا اسألك رد القضاء ولكن اسألك اللطف فية

بالليل خابرت قــيــصر

:سيدي
:هلا يابة گولي شنو قررتي

تحسرت ورديت: اني راح اروح هناك بس فدوة باابا متسجنو

اخذ نفس ورد: الله كريم هذا يبقى يم القاضي بس راح نحاول نخفف او نتخذ اجراء ثاني

:سيدي واذا ضربوني
:باجر تجين وافهمج كلششي تمام
:تمام

ثاني يوم الصبح گعدت على صوت مداهر شهاب ومشمش تصيح بصوت عالي  
:ييااااربي عمووو بالقران رراااح ابطل لااا تخنززر لاا تخززر بااوع عــادي ررراحت ايددي

:راح اششعل اهلج ماا مخنزززر لاا تززاكطين يلاا كصي
:يلا راح ادووس بااوعلي مبتسسم

:خررررب هم خنزززر والنببي ولا اخذلك صوور بعد
:رراح افين حضج مششعولة الصفحة سوويتيهة طووالة هي صوورة كصيهة وفضي السسالفة

:يلاا اضحك  عمو صدك تحجي ايدي تووجعني ششسالفة

:اهااا ضحكنا دكصي فضيهاا
:مووو هيج عبالك واحد دايس اصصبعك اضضحك اضضحك ششبيك شلعته لگلبي

:شششو تعااي انتي نااصبة عليية ولج

ضليت ماا اسسمع بس ضحكهة وتعصيبهة تضحك وتصيح يبوووي اييدي اخخخ بلعووومي ييمة متت

خالة متمددة مبتسمة

وهاي حال شهاب كل ما يجي يتحول طفل وي مشمش حتى رانيا شايفته من يجي طاريها يكتئب ويهز رأسه يتوعد بألانتقام

طلعت من الغرفة صبحت عليهم ردو علية مشمش ضايجة غمتني وهو غبگهة من ورا

:عييب يالهاايشة عييب
:ولا ريدهة تريد تعوفني
:يلا عمي تريكي و جهزي روحج صيري ذيبة

هزيت راسي ابتسمت اباوع لمشمش تنكرط وهي معصبة خلصت بسرعة وطلعنا

مالگينا قــيــصر وشهاب گاعد يمي يون براسي مسبة وغلط

شــهاب :وواخد نااقص يتعمد هيج يسسوي انا اعلمك لوو ماندمتك بسس خن اصفاالك دخييلك يا الله خليت حاجتي يم هالثوور
خاايبة انتي ام وجه الفاهي عود ماا وصيج صيري مدمغة لعمامج
لا تششيلين اييدج
سكت راح يتمشى يدخن ورد علية

:اكلج بوية اذا تردين تبطلين انا هم وياج اذا خايفة نرد هاا شتكولين

:لا عمو فكرت هواي والله ..اني اريد بابا لازم اعرفة وين يمكن ديأذو وبعد لازم يتعاقبون على قتل ماما وخالو اذا مارحت وضليت افكر بس بنفسي ماراح يجي يوم انام مرتاحة واخاف اموت شلون اواجهم هناك

:هم يمتة خابروج
:قبل يومين اتصلت فرحة تكول ردي احنا اخوات وما اعرف شنو ولازم ارجع عيب علية

:يمة هييهوو اخووات ، اسسمعي انا الليلة احفضج رقمي ويين ما انضكيتي لو تكتلين كتل انا احمييج كلشي ولا تخاافين اليطكج طكي لا تجبنين

هزيت راسي بحسرة

:هاه اجا منعول الصفحة يتبختر جن الكاع ورث ابوه تغسل هالوجه

مــر من يمنا قيصر بلا سلام ولا كلام فعلا انسان مغرور مستفز
شهاب واكف يعضعض بأصابعة شايطة اعصابه شوية وصاح الشرطي

:ســــــــرى علي قاسم

نهضت لزمت دشداشة شهاب خايفة

باوعلي مكسور خاطره مشى امامي للشرطي
:روح گلة تخاف الا شهاب وياها اجتنا الموافقة
دخلنا
بدون مقدمات گال تفضلو وكان يمه دولاب وهو يدور بي

جر كرسي وكعد يمي نهضت خايفة
:اگعدي خل افهمج

شهاب بهمس
:اذا انت جنك رفش
:رجاءا مالي خلك من الصبح الافضل تطلع لو تخليني اشوف شغلي وراي مخبلة بالبيت فااارة راااسي وراس الخلف عششيرتي

خزرة وسسكت

انطاني كاميرة حجمهة حيل صغير
:هااي تضمينهة بمكان تكون دائما وياج حتى بالحمام ماتفارقينهة ولا لحضه تشحنينهة وقت شحنهة عشر دقائق تكفيج فترة طويلة

بااوعي منااا تشتغل هيج تصورين تخلصين اغلقي هذا الباب تبين جهاز ما اله فايدة تماام وهذا جهاز تسجيل صووت
هذا الگراب تلفيهة بمنطقة الفخذ حتى محد ينتبه اول فترة محد راح يحجي كدامج اي شي بعد العشر ايام او اكثر لما يطمأنون من بقائج راح تبدي الفضايح كلشششي ارريده هنااا

لا تستهينين بمهمتج

:س سييدي

:همممم

:ارريد أششوف رانيا

:تشوفيهة بس مو هسسة اجليهة اني اتصل عليج

:شلون اروح يمهم
:لازم يبين ذهابج بداعي الخوف منهم يعني اريدج تحسسيهم ان انتي خايفة ورايحة انتضري فد تهديد او اي رد فعل انطيني خبر

ضل يجي ويرتب ويوصي على كلشي وهواي تفااصيل

وفعلا بعد فترة طلب مني اروح لرانيا وخفت من ردة فعلهة ما گدرت اكوللها رايحة
تمنيت انهي مهمتي قبل لا تعرف

اتصل بية رقم فتحت خط وهذا صوت حميد عرفته

حميد: اكلج ترة ابوج يريدج راح يموت وهو ماشايفج.

:عززا العززاني ليش عمو فدوة ششسويتلة
:ششسويت كلشي ماسويت هو مرريض
:عموو اخاف تجذب علية ومن اجي تضربوووني

:انااا وين انا شارد موو بالبيت هسسة شنهي شكلة يمتة تيين
:بااجر باااجر اجيي بس والله الا اجييب الشرطة

گلتها وسديت الخط
من كلت القيصر كال عفية بطلة

:لو مكايلة احيب لشرطة يمكن اششوف بابا
:ويمكن لاء وهيج التعهد وموضوع شرطي الاجتماعية ينتهي يلا مع السلامة عندي شغل

ثااني يوم ودعتهم بحسسرة
ومشمش تتوسسل وتبوس بأيدي كانت تصرخ
:كااافي تررروحووون تعببت كلييوم وواحد رررايح ومييرجع كااافي

فرفح گلبهة
ليـــــلى :يمه بنيتي ماا گدرت احميجن عمت عيــن رجلية سسودة علية ســــــــرى يمة رانييا يمة زوويد ياابعد حييلي

:خالة ترة مااميتة هيياتني يممج اذا ما گدرت اررجع والله لاا تخافين

:سسودة بوجهج ي ليلى تعلگتي وي روحي ســــــــريوة شيجرع فراگج اهوون عليج تششوغين رووحي شضلي يخايبة

:اررجع والله اررجع لاا تخافين امي حبيبتي لاا تسسوين هيج اني محتاجة قووة لاا تششغلين باالي عليج يرووحي

:موودعة بالله…  سباعية تربية جميلة ماينخاف عليج اششوفج رادة تضحكين فرحانة بس انا مليت من الفراك جن گلبي مفطوم على الفراك

دخل شــهاب لابس الزي العربي

:يــلا بسسج عندج هااي المخبلة لهي روحج بيهة علماا ارد المهــن الج اططيني عطوة مااتضيگ الا تفرج

مشــمش بشهكة: عززززااا هاي علية

:جا عليمن على امي
:عبالي عليهة شمدريني
:دحسسي خششمج حتى ماا اگدر اكفخج
حطت ايدهة غطت وجهة وركضت للحمام

ضحكنا عليهة مابيهة شي بس فشلها حتى تبطل بچي

ودعتهم وطلعت

بقو بالبيت بس مشمش وخالة وغيمة الهم السودة

رحنا وياي عدنان وشرطة اثنين  وشهاب
طول الطريق دموعي تنزل اتسائل
مرتضى هم عرف بية رايحة الهم
شحالة شخبارة
رقية شلونها هم زعلانة علية
اذا رجع راح يجيني يدور علية
لعد اني غير امانه يمة
الله يرحمك خالو ..فدوة لتزعل منة ترة انجبر ماكو حل ثاني واني بعدني احبة ما اقبل تزعل منه ياااربي وووينكم تعاالووولي خااايفة
شهگت التفتو علية شهاب وگف السيارة

:هااا بووية نرررد
:لاا عموو لاا هيج بس ضجت شوية
:حگج

نزل انطاني مي خلاني انزل بجيت بصوت عالي حتى سيارة الثانية اللي ويانة وكفوو
لحد مااهديت ورديت صعدت اعتذرت منهم بدموع نزلو مطعم بالطريق جبروني اكل گاعدة يم شهاب لا اراديا صرت احتمي بي

وصلنا لبيت الشؤم بيت قاااسم
فتششو البيت ماكو اي شي يدل على وجود بابا ولا حميد

نضراتهم
نضراتهم كانت فاضحة حقدهم ونواياهم
وحسسن كانو ادي اثنينهم مجبسات مكسسرات ماضاهر منهم ششي

ما اسستقبلني بحب غيير محــارب

:س س س رر ي سريووة اي ايت ايتتي
:حبيبي شلونك
كعد يمي
شهاب من شافني اميل الة صاحلة يضحك وياه انوب وصاه
:جني لگيت زلمة بينهم

:ان انااا خو خو خوش زل زلمة
:كفووو والحرمة بششارب الخير اريدك تكض شااربك وتگول برگبتي

:ص صا صار عم عمي

اخذذو تعهد موقع من كل سكان البيت ان محد يتعررضلي
وطلعو

اسستغربت من سألت محارب  عن زينب زوجة سليم
والصدمة كاانت من همسلي  بالرد

_____________________

رانـــيــا

اني احسس اكو شي خطر ، بس رافضة هلاحساس ،  متمسكة ببصيص صغير من الامل
بس واني اسمعة حسسيت بضعف لزمت بطني لان حسيت بشعور غريب حسيت فراغات بأحشائي من سماع كلماته ،  ما اعرف مع من يتكلم ولا الموضوع بس انمست روحي بحرفه

قــيــصر : تحجي صدك غيير تموت ناقصني هم بعد وحق ربك ليلي ما انامة….  ما ادري بس ماراح تتحمل لو تتخبل لو تموت… گلتلة والله حجييت مااقبل ياخذهة اعرف شنو برااسة هالكلب…  لحضة اتصل بيك وافهمك الصوت  مو واضح 

ثلاث ثواني وانخمش گلبي من صار واكف گدامي
النفس ثكل والنبض انخفض وتوسعت عيوني  من الخوف
كنت اباوع بعينه وابلع ريقي واتنفس بقوة
وهو بادلني نضرات ما اعرف افسرهة غضب ولا هدوء ولا برود
نزلت عيني من عينة ل ايدة خايفة من حركته التالية

تكلم بصوت هادئ

:وتــالي ويــاج اني

:دا دا دا شسمة ويــن المــلح
:شــنو
: ءاا هذاا شسمة مو اني جوعانة ماكو ملــح 

لازم الموبايل بأيدة التفت على صوت ضحكة بالموبايل رفعة ورد

:يلا يابه  اني اروح أدور الملح مالتنة مفقود

ضحك وعافني يمشي جريت نفس عميق براحة عدا الموقف اني بمكاني ما متخطية الموقف
وكف اباب المطبخ والتفت علية
:هذا الملح على الطاولة رانيا

مشيت مدنكة تعديت من يمة لزم أيدي من زندي صــرخت بفزة من كل گلبي

:عفيية لااا مااا اسووويهة بعـــد  وووالله
سحب ايدة مني وتراجع دخلت لازمة مكان لززمته ما اذااني والله بس احس روحي انشلعت وردت دخلت بجسمي

دخلت للمطبخ هو دخل حاط اصبعة على فمه ويهمسسس
:هسسس ولج صوووتج فضحتينـــااا

:شششتريد شششترريد

:ماا ارييد شششي داا احجي ويياااج رانـــيــا الف مررة گلت اكرره الصووت العاالي لاتصـــرخين

:لااا تلززمني لااا تطخني ابد لاا تلززمني ماا اگدر امــوت
:اكلج لاا تعيـشيــن الدوور منوو ميت عليج  هو انتي غيــر عبالك زرزور مبلل
اســمعي هالمرة فااتت اذا انعـــااادت ولمحتج تتصنتين املص اذذاناتج وگولي ماگال

مارديت بي واكفة مدنكة  ابجي بصوت عالك  واغلط بداخلي
الحقير النذل الهايشة وااحد قذر  يعيب علية وهو جنه وحش

رفعت وجهي بعدة واكف يباوعلي عاقد حواجبه

:كـــافي لا تبجين
حجيت بشهگة: أي
طلع واني رفعت طرف المكان اللي لزمة اشمه
حجيت بصوت ناصي
:شــگد اكرهك ياقذر هذا هسة لبسته ياربي والله مليت من كلساع مبدلة

رفعت راسي على صــوته
:لا تفكــرين بصــوت عالــي لا والله اشكة ل حلگج اگول خطية ودا اعبر هوواي لاا تختبرين صبري

:مو موو عليك
:انگلعي نــامي

رحت للغرفة سديت الباب وقفلتهة  نمت جوعانة
بالليل سمعت صووت طرقات على شباك غرفتي
تكرر الصوت اكثر من مرة
همست بخوف
:م منوو
:اني
ضحكت بفرح وفتحت الشباك
:زيــاد هذا انت والله عبالي حلـــم
:تــؤ موو وعدتج يلا ديري اطلعي ليمي بس لحد يعرف

طلعت امشي على اطراف اصابعي
باب الصالة الثانية كان مغلق مينفتح 
اعت بي مينفتح
رديت سمعت صوته

:رانـــيــا اطلعي من شباك الاستقبال
ابتسمت ومشيت بسرعة فتحته وكان ضلام بس ضوء من الحديقة خفيف يمر من خلال الستائر

فتحت الشباك مديت رجليه هو شالني ونزلني
سلمت علي وحضنته
زيــاد :تعالي تعالي منــا
رحنا گعدنا ورا الاستقبال 
:وووينك انت طولت علية
:لا تــاخذين العلاجات اللي ينطيهن الج شمرريهم
:ليش موو شسمة باوع اني ما اريد اقهرك بس اذاا ما اخذهم اضل اشوف ناس اكره اشوفهم

:خل يوولون مو زين عليج هذا يريد يحرمج مني الحبوب ينطيهم الج حتى تهدأين وتبقين يمة أنــتِ تريديني اجي لوو لاء

:بلي اصلا اني هذول كلهم محد يفهمني ولا ماما ولا بابا بس انت والله

:اضل اجيج بس لحــد يعرف دتشوفيني
:ليش
:ليش يعني لان اني منهزم اذا لزموني ارجع للسجن
:لا يمة اسم الله .. زياد وين تنام شتاكل شتشرب
:اني موجود ب… ..

ما اذكر المكان لكن هو كال مكان معين

تثائبت مدلي رجله حطيت راسي عليهة
هو ضل يسولف واني اسمع بس ما اذكر اي شي من هاي السووالف

هززة قووية بجسسمي  واحسس. ناگعة ميي واسسمع صوته وهو يصيح

:رانـــيــااااااا تسسسمعييني الله يااخذك يقيـــصر خرا  بعشــيرتج  اشتعلو اهلك شــهاب الناقص الا…… .. صبرك عليه

فتحت عيوني من صوت الرعــد المخيف ، لــزمت قميصة وانــي ما اعرف هــذا منو ولا حتى اني ويــن
حسيت ايد تمررت على رقبتي و واحس بووسة بقوة على جبهتي بعــدهة نمت
وعيت على لمسات ناعــمة على خدي وصوت حنين بهمس وهي تحجي

:رناوي يرووحي شگد روحي مشتاقتلج
فتحت عيني اريد اگوم احضنهة وما اگدر احس روحي بثقل جبل

:ســــــــرى
:حبيبي
مديت ايدي المس وجهة دمعت عيوني… خاف هاي مو انتي اني مخبلة ســــــــرى
:يروحولج فدوة أنــتِ زينه البنات… باوعي تردين تسبحين حتى ترتاحين من الحرارة شوية

:لا اني زينة
:ليش نــايمة برا البارحة الجو صار بارد الدنيا. تمطر عليج  ليلة كاملة ومدورين عليج وماكو شلون هيج خاتلة وربي تعجبت وين كفالج هالمكان الصغير

:يا مكان
:رانـــيــا يعمري كنتي نايمة بين الحايط والمولدة ماحسيتي من امس تمطر عليج لوو مشغليهة وصايرلج شي شلون بيه

ابتسمت ونزلت دمعتي
:اني ما امــوت
:الف اسم الله عليج يا روحي انتي
للوحد الضهر يلا لگوج رانـــيــا خرب عقلج شلوون فتي بهذا المكان

:اني نمت يم الحايط يم يم شسمة
انفتح الباب من شفت وجهة ارتعبت لزمت ســــــــرى

:يم منــو
ســــــــرى بصوت خايف: سيدي مريضة مصخنة

:مابيهة شي اگعدي عدل وفهميني شســوين طالعة ومنو دخلج لهذا المكان
نهضت گعدت على حيلي .. ســــــــرى ترفع بالشعر من وجهي وتعدل بلبسي
:و وحدي دخلت
:رانـــيــا انــي شنو كلت مو گلتلج اخذج ل اخوج اذا اخذتي علاج ورحنا للدكتورة انتي عاجبج تبقين هنا متريدين ترجعين ل اهلج

فرحت نضراتي الكانت خايفة وهزيت رأسي أي
:رجعني عادي معليك ب زياد ما اريد اشوفة من يطلع اشوفة رجعني لبيتنا

وسع عيونه متفاجأ
:ليش متريدين تشوفي مو كنتي ذابحة نفسج علي
:بطلت بعد رجعني لبيتنا
:الله ياخذك يا قــيــصر حيل بيك وابو زااايد..

طلع من الغرفة وضرب الباب بقوة
كومتني ســــــــرى للحمام سبحت بمي دافي احس روحي بيهة نحول مو طبيعي وريقي مرارتة تذبح
ســــــــرى :رناوي اني منتضرتج هنا هاي ملابسج
مديتلهة ايدي بدلت وطلعت وهي ساندتني

هو يتعارك ويه امة بالمطبخ صوته يلعب النفس هارج الدنيا صوت خشن مزعج

دخلنا للصالة الثانية طلع اسامة من غرفته
اقترب من عدنه اني ابتسمت
: شلونج
:زينة شبيه قابل
:لا اشبيج بس ليلة ونص نهار بالمطر 
ضحكت هو ابتسم ورجع للغرفة
ســــــــرى باوعتلي متفاجأة
:بذمتج مو يشبه اخويه زياد
:منين يشبهة رانـــيــا زياد يخبل هذا وجهة مجعمق
:ههههههه لج مو الوجه التسريحة والجسم

:امشي رانـــيــا لا تخبليني شجاب هذا على زويد
:يمن فدوة ل اســمة

تحسرت ومشينه گعدت وهي تمشطلي
:ماما شلونهم مشتاقتلهة وربي
:شدي حيلج حتى ترجعيلهة لا تخلينهة وحدهة يم مشيمش خطية صغيرة متتحمل
:انتي وياها اعرف ثقلنا عليج يروحي بس هالفترة اخلص روحي وارجعلكم

ردت بحسرة :هسة وياكم بس ما اعرف الزمن شضاملي بس مهما يصير ومها بعدت راح يضل مكانج بگلبي وااسع. هيج محتلة كلبي انتي

:اكثر من مرتضى
:عززا ليش احسج تغارين منه
:اي مو فد…… .. هو

:كلش صايرة ادبسسز كلششش  الطمج على وجهج هسسة

:صدك انتي شلون هنا
:الرائد طلب من شهاب اجي ومن عرف شهاب مريضة جابني بس خالة ومشمش ميدرون بيج مريضة جان اجت وياي
:يعمري تعبتج
:ي كلش يلا كومي ناكل متت من الجوع
كمنا للمطبخ الدكتورة كانت نايمة والبيت هدوء

اثنينة محتارين شنسوي
لحد ما دخل أسامة
رانـــيــا : هااا

رفع حواجبة بأستهزاء ومشى للثلاجة هم طكلة صفنه بيهة والتفت علية
:اني جوعان
:لعد مو هذا غداك
:بامية اكرهها

التفتنا لثنينة ل ســــــــرى
:حسويلكم مخلمة

:بس استعجلي فدوة عندي امتحان وعقلي بعد ميستوعب

هزت رأسهة وطلعت المواد واني افتر وراها فرحانة بيهة
مهما بلغت الهموم اذا صرت ويه ســــــــرى يتخللني شعور غريب راحة هي تكون مصدرهة تنخلق عندي ابتسامات في رحم الوجع والالم
هي وابتسامتهة الحلوة
اسامة يقرأ على الطاولة منتضر

ســــــــرى : ترة مصخنة بعدج اگعدي عمري
:لا خليني يمج
:دروحي لعد هسة شفت ببسي بوگيلنة اثنين

ضحك اسامة
واني رحت طلعتهم غسلت العلب وخليهم غسلت فواكه وحطيتهم بصحون والنار تطلع من عيني من الحرارة بس فرحتي ب ســــــــرى كانت اكبر
لحدما دا اقطعهم نزلت دمعتي بسبب ارتفاع الحرارة غمضت عيني ومررت السكين الحاد وصرخت

بس شفت الدم ينزف وكان غزير
شهكت غمضت بضعف وگعدت ، ركضت علية ســــــــرى أسامة شمر السكين اللي كنت بعدني لازمتهة بدون وععي

:خررب صــدك تحجين
:تعبانة ســــــــرى اريد انــام فدوة
:اي موو كلتلج غير انتي تلحيين

أسامة: لحضة
لزم ايدي نترتهة بقوة
:لج هاي تحتاج خياط يمكن بس اشووفهة

التفتت ل ســــــــرى هابطة بأي لحضة افقد الوعي
:وديني وديني للغرفة فدوة
:يا غرفة دباعي الدم تعالي نضمدهة

:بالغرفة فدوة
دخلت قمر تباوع علينة كانت تضل تبكي تريد ابوها ويروح يجيبها تبقة بس الطفلة يم والدتهة

قمر: عزززااا ذبحتكم بالسكين
رانـــيــا : شگد اكرهج واكره ابوج وامج واخوانج كل طابوگة ابيتكم اكرها كل نفس هنــا احسة مليان خبث
غمتني وركضت

أسامة بضحك : ترة مصخنة مو مكبسلة
ســــــــرى :عززا العزززاج لج شبيج
:دباعيها مو عبالك وجه ابوها
:أنــتِ منين تنسقين هلاشباه

سمعنا صوت ربــد على الدرج يعني نــزل فز گلبي لزمت ب ســــــــرى اسامة عاف الششاش  ووكف
دخل هو مخنزر عبالك احنا المجرمين مو هو
توجهت نضراته ل ايدي
صاح بيأس وضجر
:يــااا الله
ششبيها
يابة والقران خبلتيني هااي الطفلة ماتششغل بالي اكثر من يمج شششبيج ششنو هذا الصخام
التفت ل أســامة
وانت ششسوي هنااا شنوو هذا الدم

اسامة ابتسم بأستفزاز ومارد علي راح غسل ايده
حجت ســــــــرى
:تعورت ايدهة وكان ديساعدهة الدم ميرضا يوكف..

اقترب اني وكفت ضميت ايدي وراي وخازرته خايفة
:اشــوف
:ووخــر
:مدي ايدج لااا اسحلج سحل واشوف يااا گ… .. اليطلع وراج مديهة

مديتهة بتردد
:ل ل ل لاا تلمسسهة لااا تلزمهة اكرهك
:لج رانـــيــااااااا
استغفر الله هاي ناوية تخبلني وخــر الشاش يباوع بعصبية
:هاي تتخيط
:والله مااا اخيطهة اني تعوورت اقوة منهة وماا خيطتهة عييفهة فدوة معلييك
:لعــد يراد تنضبط عدل لتتجرثم
:أسامة يعرف
:لاااااااء
جيبيهة اني الفهة
:لااا ما اريدك والله اسامة كان ديلفهة
باوع لساعتة
عندج عشر ثواني تقررين لو الفهة لوو للمستشفى حاالا

بعد الستة گلت لفهة لفهة
گعدت على الكرسي وهو على الكرسي المقابل بس شميت ريحته دفعت كرسيي راجعة للوراء

باوعلي رافع حاجبة مديت ايدي اللي ريحني لبس كفوف بس لزمته اللي قهرتني ضليت مدنكة وابجي بلا صوت انتهى الضماد صار يمرر ايده على الاساور اللي خلقتها الكلبشات والسلاسل بلحمي
رفعت عيني ودموعي تنزل… الندم شفت الندم والقهر بعينه هالشي زاد مراري ادية ورجليهة وجبهتي رقبتي صرت مليانه اثار

حضنتني ســــــــرى وايدي بين ايديه كان عاصر رسغي بهدوء ك نوع من المواساة
حط ايدي بحضني وطلع
:كلبي كلبيي يوووجعني دمـــرني هذذا كلـــهم كلـــهم دمـــروني اررريد امووت الله لااا يوفقك الله يحرك دمك ليششش هيج سسسويت بية

أسـامة :شبيها
:ما بيهة شي
رحت للغرفة عافتني وطلعت بعد نصف ساعة تقريبا جابت صينية
بعد التوسل والاصرار گعدت 
:خطية اسامةجوعان
:دياكل
كملنا بالليل صاح عليهة قــيــصر  طلعتلة انطاها حبوب
:ذبيهم هذا سم دينطي اللي ديريد ينسيني ويخبلني
:رانـــيــا علاج هلوسة اخذذي لحد متتعالجين
جيبيهم اني اخذهم بعدين
انفتحت الباب
اشرلي عاقد حواجبه:  ابلعيهم ع السريع
حطيتهم جوة لساني وشربت مي كذب

شد شفايفة بغضب
:افتحي حلگج
فتحته
ارفعي لسانج
بسرعة سديت حلگي بلعتهة بلا مي وكان طعمهة يشبه رائحة صدأ الحديد
طلع وهو يتكلم
:يلا يابة شــهاب راح يوصل
:جاهزة ماعندي شي
ردت اروح وياها ماقبل ولا اخطي خطوة برا البيت راحت ســــــــرى

لليل وصارت عركة بس الصوت كان فضيع مخيف احتااريت بروحي وين اختــل كان صوت حسام حاضر وقيصر وأسامة وامهم وصوت عبد الله اخوه موجود اعرف صوته

احتاريت شسوي ادخل للكنتور واطلع اتخايل يدفرني واني بي احتاريت وين اروح روحي فرفحت وهم مستمرين فششار وغلط وسب رحت
نزلت من كل عقلي ختلت جوة السرير
ماطلعت لحد ما صار هدوء…  دخل هو شكلة يخوفني صررخت من طبك الباب بقوة اهتزت المرايا وتحركت الستارة من قوة الضربة

:بر……  شحاجية ل أســامة
:مااا مح محجيت ششي محجيت ششي
:لعد منين عرف انتي سجينه يمي
:مااا حجيت والله ماااحجيت ماااحجييييت

تقرب بسسرعة التفت كفوفة على رقبتي وخنگني
:لااا تصرررخين بووجهي عا…..  منييين عرف ووولج شششلعتي گلبي كااافي استقرري كااافي

اختنگت ضااك علية النفس حتى. صوت صرخة كان مسستحيل يطلع مني ضليت اضرب كتفه وكفوفة بعجز
:صيييري عااقلة واللي اكوولة كوولي تـــم لااا تخلييني انسى مرررضج وابتلي بيج والله ابتـــلي بيج
عاافني بدفعة قووية
انشمرت بلارض اششهك بكل قووتي ارريد النفس يووصل للرئة
اششهك واسسحب بنفسسي
باللعااب اللي ينزل مني اررتعبت من ششفت الدم او انقررفت
گمت على حيلي اترنح دخت من قوة الاختناق
وهو واكف بمكانه يصيح ماا اعرف شيحجي ارريد اططلع ما اريد اتقيئ هناا

من ششاف حاالي  سكت وصار يفرك بوجهة مششيت للباب بس مرريت من يمة اختل توازني خووف وقرف واهاانة

قبل لا اصير بلارض صاارت ايدة على بطني والثانية حاوطت كتفي
الله يلعنك شششسووويت يااريتك عاايفني اووگع ولا هالحالة
خوف وقرف وارتفاع الحرارة
استفرغت كلشي ابطني
ومنا بلعومي متجرح تعبت انقهرت ضليت اصرخ من الالم

الامراض اللي تمس الجسد يحددها طبيب ومهما تكون صعوبتها المريض راح يتقبلها ويتعايش وياها
لكن المرض النفسي هذا المصيبة
خصوصا لما يكون المريض ما متقبل فكرة انه مريض ومايعرف يحدد وجعه
انا كنت مستسلمة ل امراضي ومجاريتهة ماكنت احارب كان عاجبني فكرة
كوني منقرفة منه كنت احسة يستحق هالشي
ماكنت اشوف نفسي موسوسة كنت اشوفهم قذرين
عقلي كان محاربني روحي كانت اكبر عدو اللي
اكثر الناس حاجة الى الشفقة والرحمة هم المرضى النفسيين
هذا يحارب نفسة وناسة ومحيطة كاملا

شاالني بدون اي مقاومة دخلت للحمام سسديت الباب ضليت اصررخ واكح اللم وانهييار فتحت المي بارد وكان الجو بارد كعدت والدوش يصب علية اني وملابسي

اسسمع صوت امه برا
ضليت اصرخ بصوت اعلى من صووته اريد اغطي على صوتها احسه ينخر بعقلي اهانات وتنمر لا ينتهي

صاار ضرب قووي على باب الحمام

:رانـــيــا…  افـــتحيييهة للبــاب…  ررراح اكسررهة والله لج تسسسمعيني تجمدت جوة المي ايدي مااكانت حاجز كافي يمني الصوووت

على وضعي وانكسسر الباب
صار گدامي  وكفت بسرعة خطوة وحدة زلكت بعد مادريت شصار
اهتزز كتفي بنتر ماا اهتميت ولا اعرف منوو
انعادت الحركة
رفعت الغطا بغضب
ردت احجي ما گدرت بلعومي متجرح

كــانت زيــنة
متأنقة بشكل مفرط شعرهة قصير وملامحة الحادة حلوة تكلمت بصوتها المخملي بنبرة الامر

:أگعدي ســت رانـــيــا دنشووف تاليهة
گعدت الست رانيا شعرها مكوش وروحها طالعة من المرض
نزلت نضراتي للارض واشووفها بكعبهاا

نزلت من السرير بهمة وكفت بالباب فتحتة واشرتلها برة

:شششـــنو دتطرديني من ويين جايبة هالصلاافة
:وسختي الغرفة اطلعي برا
اقتربت مني بغضب اني كنت واكفة يم الباب ضربتني كف  انضررب طرف راسالاخر بحافة الباب
مديت ايدي انسندت على الحايط وگعدت
الله يلعن هالحرارة حيلي بايد بس وحق الله ما اعديها اصبريلي يا ام كعب

لزمت راسي اون بألم
وكفت يمي تتكلم بغرور :شكلج دتعيشين بعالم الاوهام يا خريجة الســجون عجبج غيابي وعشتي الدور والله اذا ما غادرتي برضاج اخبلج اخليج تمشين وتتلفتتين
بس طلعت طبكت الباب
مابية حيل انضف ولا اسوي شي
رجعت لفرااشي والهضيمة بگلبي
والله اذا شافوني مشمش وزياد يطيحون حضي بالنعال اسناني تطكطك مدري برد مدري قهر مدري خوووف وقلق وسسخت الارض ام كعب ومابية انضفها

ما كدرت انام ضليت لحد ما راح البرد من عضامي نهضت لا عندي رقم واخابر احد اريد علاج راح امووت هذا يركض علية بس بحبوب طعم زنجار

طلعت لگيت هناء تنضف بالمطبخ
:عفية راح امووت الحرارة دمرتني
:تعاالي هنــا مو امس ضربوج ابر شبيج ياا عيني محد ضربني بلي انطوج ابر اني كنت هناية
تعالي تعالي
اكلي حتى تاخذين بندول وأموكسيل تصيرين ورد
كعدت ارجف اخذت الحبوب بلا علاج ورجعت عقمت الارض ونمت 
احس بطني تكرص بية من الجوع فترة ورجعت للمطبخ سويت لفة
من طلعت غرفة اسامة مفتوحة تقدمت واللفة بأيدي دفعت الباب جان كاعد عينة مورمة وشفايفة ورگبته حالها اسوء مني

:عزززا هاي منو هيج مسوي بيك
:ههههههه فووتي ليش واكفة برا
:أسامة
:همممم
:ترا اكو اختراع اسمه مكناسة وسلة زبالة
:قصدج قــيــصر
:ههههههه
:شو تضحكين  لعد شلون حب هذا ،هاي لو زينة جان ساعة تصيح عبالج دجاجة مخنوكة

بجيت ورديت ومنا الخنكة مأذيتني طول الوقت اكح : ضربتني كعدتني من النوم ضربتني
:تستاهلين
تفاجأت :والله ممسوية شي
:لانج جبانه حيــل جبانه ، باعي رجلج خو جنه ثور بس ما استسلم يمه لا هو ولا عشرة منه يكولون السبع يموت مرة والجبان يموت مية مرة والانسان كرامته بأيدة يرفعهة وبأيدة يسويهة مداس

:اخااف منه والله
:وهذهِ المتحذلقة همات خفتي منه
ضحكت ولزمتني كحة
:اطلعي برا مالي خلكج
:لا والله بس غلطكم يضحك شنو متحذلقة
:انا اشير الى القمر والاحمق ينضر الى اصبعي…  اطلعي لج اخرتيني
:هــو لويش ضربك
صفن بوجهي حرك فرك ودنك يگلب بلاوراق
:گلتلة زوجتك خريجة سجون لو منين جايبهة
رديت بصدمة: اني مو خريجة سجون اني مضلومة
:ما اعرف بس ردت استفزه
:لعد بيــة اني ناقــصة ضيم باوع بس باوع شــسوة بية بسببـــك باوع اصابعة شلون شوهت بلعومي

:هههههه انتي خاف صدكتي اني اخووج ، رانيا اني عدو قيصر انتي وغيرج واي شي يقهر قيصر راح اســوي
صررخ بكل صـــوته
:اااااطططــــــلعي منـــي

طلعت من يمه طبك الباب ورااي
:بسســيطة يا حقــراء بسيطة يا انذاال
متت قهر كملت لفتي واني ابجي بالگوة ابلع

بالليل دخل قــيــصر  بدون ميدگ الباب كنت اباوع من الشباك ماكو لا موبايل ولا تلفزيون الشباك كان مطل على الحديقة 
بس شفته سديت الشباك اجا بسرعة فتحة يباوع بشك عاقد

:شنو جنتي تسوين
:والله ماكو شي بس اباوع
هممم حجاها وهو يتلفت
اندار علية واني واكفة بمكاني بينه وبين الشباك
اكلتي
:اي
يحجي ويباوع للشباك…مد ايدة يلمس الضربة براسي ووجنتي
دفعت ايدة ووخرت وجهي بس كلبي دمام مابية حيل اي ضربة
:هاي شنو
:زوجتك ضربتني
:شنووو ، لويش
:دخلت بحذائهة كلتلها اطلعي ضربتني وغلطت علية عادي مو شي جديد انت ووالدتك وزوجتك واخوك وكلواحد ماخذ حصته مني
احجي واكح
:من ضيمي رانـــيــا شووداج يم اساامة جاي اكلج اســمعي الكلام رووحي ما اللي خلگهة ليش ترفسين ابطني
:والله العضيم وروح بـابـا ماگلتلة شي ابد
اختنكت  ما گدرت احجي
اقترب اكثر يتكلم بصوت خافت مدنك علية
:شبيج شنو اليوجعج

:وخخرر عنــي ووخـــر
تمشى للباب
:تعالي وراي بسرعة
كعدت على السرير متجاهلته طلع ورجع صاح بية… مو احاااجيج
رحت وراه دخل للمطبخ طلع بطل زيت زيتون
:اشربي خاشوكة كاملة منة
:اييع مسستحيل لاا عفية
:يلا رانـــيــا لا تخافين طعمة مو كريه بس يروح الالم اني مجربة

همست
:شيخنگك رگبتك جنها ثلاجة
ضحك وقربهم يمي ملعقة وزيت الزيتون
:سيدي فدوة
:يلا بسرعة حتى تاخذين علاج
غسلتها وشربت عقجت وجهي وهو يباوع مستهزأ انطاني العلاج
كسر ابرة و خلطهة بمي
:اشربيهة
:عزاا
صررخ :يااا الله
شربتهة  ورحت بس حطيت راسي غفيت

تكررت الحالة ثاني يوم بس كنت قافلة الباب
فزيت لما انطرقت بقوة..

بكفشتي اگعد من النوم احس كنت بحرب ، كوابيس وصراعات وصرخات زياد وبابا واضافرهم وشعرهم وجروحهم منقووشة بلوحة بأنتضاري اغفى حتى تضهر امامي وتشوه سواد ليلي

فتحتها بنتر
:نعـــم

: ليش سادة الباب
التفتت للباب وللغرفة
:غرفتي ترة

:ما الج غرفة هناا هالغرفة حتسكنهة اختي دتساعدني على الاطفال اني منشغلة هالفترة

:بلا ما توخرين منا ترة ضربة امس واني مريضة بعدهة تاكل بروحي روحي حبابة

ضحكت مستهزأة
:هههههه وتهددين يا ام السجون

شديت شفايفي وكزيت اسناني بقوة تعمدة تدفعني وتدوس على رجلي بكعبهة بس انطتني ضهرهة جريتهة من شعرهة بثنين ادية بكل قووتي من ارتدت اختل توازنهة وگعت على مقعدهة
وجهة مليان صدمة سحلتهة بقوة واني اغلط وهي تدفع بية وكعت على الحايط تفلش ضهري هجمت على وجهة عبالك هجمة قط مفترس هي كانت اضخم مني رشيقة بضخامة
ضلت تصصرخ واني اسب

:انعل ابوووج لبو الخلفج  دمرررتوووني حييااااوبن جاااية تكملييين علية داا اكوولج اكررره الكعب لااا تفوووتين بقوووندددرتج الا احطهة بحلكج يلااا اخلصص

ضرباتهة كانت قوية وين ماتجي ايدهة تأذيني بس ما اسستسلمت وضع مثيرة للشفقة ماا احبة ماايصير الرايح والجاي يدوسني

دخل قيصر للصالة ابتعدت فاازة تلاشت القوة والشجاعة تصنمت بمكاني اتنفس بقوة
شفت اسامة يباوع ويضحك من غرفته
وكفت اباوع لقيصر وحنكي يرجف حاصرتني البجية من الخوف واوخر بشعري من وجهي وعيوني تهل

:ششكوو شششبيكم

:قــيــصر بعدك دتسأل بااع شلون شوهتني هااي كلبة الشششوارع القذرة لوويش متردهة
دنگ كومهة
باوعلي وهز راسه متحسف سأل بهدوء لان حالي كان باقي ثوواني وانفجر بجي

:هاي ليش رانـــيــا وتالي وياااج وچ بابا ششبيج انتي

بجيت خايفة :هية بدت والله هية ششوف داست على رجلي بحذائهة وفاتت للغرفة وگالتلي ام السسجون انييي موو امم السسجوون اسسمي رانـــيــا ماارحتلهة هــي اجتني

التفت عليهة  بأبتسامة تدل على الغضب وتصنع الهدوء مشدد على الحروف
: حااالا لغررفتج
:هييج صارت قــيــصر
:يــــلااا

طلعت بسسرعة

بس تقدم علية گعدت وغطيت وجهي عبالي راح يرجع يضربني
:گوومي رانـــيــا لا تخافين لا تخااافين اششش لا تبچين كسسر برجلهة

:والله هي بدت
:كاافي يلاا گومي رجعي نامي بعــد وكت

رحت دخلت باوعت للساعة كانت قريب السابعة
دخلت وسديت الباب
الززمالة مگعدتني من الصبح المن بت ال………

يمة گلبي هذا ال…… .. ليش ما ضربني
بعد بصدمتي واشتغل العياط بالطابق الفوك

اندگت الباب بخفة
فتحتهة طلعت بس عيوني

يرفع حواجبة وينزلهم ومبتسم
:لك هااي منوو السسبع عااشت ايدج والله هااج
كانت نستلة
اباوعلة متفاجأة اخذتهة منه واني صافنة راح من يمي يضحك سديت الباب

حطيتهة جوة راسي للضهر
امة اجت من دواامهة الدنيــا حرگتهة وكان هوو مو موجوود

تكسسسر بالباب وصياح وغلط
:المششوهة الزرگة لااعبين بيج لحد مااا مالين ويينه قــيــصر المخبل يضرب الدكتورة بنت الاصل لأجل هاااذي
ماا طلعت لحد ماا صاااحت
: اططلعي لااا اطلع ابووج من قبره ام السسجوون 
بفتحت الباب وهجمت وبنفسس الطريقة اللي خنگني بيهة قــيــصر خنگتهة بييهة
كاانت تجــر بششعري وتملخ بوووجهي واني فقدت صااايرة فوكاتهة وخانگتهة

مااا حسسيت الااا انسسحبت وضربة قوووية على حلگي
اقتــرب مني رفــعنيي من ششعري واني اششهك ..

:شششبيج اليييووووم ششششبيج ياااا الله
بكل غضب وبصصرخة ررديت
:الله يااااخذك الله يحرررگك بسسببك كل هذاا بسسببك

سد حلكي ودفرررني بالغرفة وسسد الباااب وصاار يفتح بحــزامة اناااا ششنو گلت موو گلت هذاا المووضوع لاا ينفتح

____________________________

مشمش

بهتت ملامحي بسكون البيت ماما انطاها شخاب علاجهة فترة قصيرة ونامت

بقيت وحدي اول فترة گدرت الهي نفسي بالموبايل لحد مااا اجا الغرووب
اجتاحني شعوور كئيب كان يمر بداخلي مثل مووجة صاار داخلي بحر ظلام
صعدت للسطح ابااوع للشمس وهي تتحول للون البرتقالي والظلام بدأ يحتل السماء ضليت اتلفت وراي

خنگتني العبرة واني افتر هذا مكان زيااد هناا تعاركنة هنا ضربني هنا صالحني وهنا نمت بحضن رانـــيــا
هنا بابا شالني اخذ نبگ من سدرة ابو عبد
هنا كنت اضحك ويا نااادية
ســــــــرى هنا ضربتني هنا گعدنا هنا سولفنا
نززلت جووة المس بملابسسهم
اختنكت قهر

ويينهم وين عاايفيني ليش ليش هيج
گعدت يم المكان اللي يگعد بي بابا شوية وگمت محتارة بروحي شلون اهدي نفسي

اريدهم كلهم ارريدهم

صررت اششهك بدون دموع رقبتي وجعتني من قوة القهر

:زيــااااد ووووينكك بابا رانـــيــا ســــــــرى

تحولت شهكااتي صرخات مكتوومة كتمت وجهي بلمخدة صررخت حيييل
ما يصير ماما تسمع اخاف تنخرع وتنتهي ماا اتحمل بعد

كعدت بعد فترة نوم سألتني
:ششبيج ماما مشمش تعالي تعالي يمي

:اطيني فلوس اريد اشتري
:تبجين على مشترة صدك تحجين مشمش
:ماما دا ارييد اششتري
:لعد والحلويات اليجيبهم عمج

:والله دوختينا من رجعو عمو وبيبي لحد هسة ساعة بغدادي ساعة بصرراوي دسستقري ياا ليالي

:ههههههه تعالي تعالي امششطلج عووفي المشترة
:ماما عفية مختنگة والله عااد للمحل وما اتأخر والنبي

انطتني فلوس بعد ما شلعت باب گلبي وهي تأكد اخذي موبايلج لاا تطولين مشمش ربع ساعة اخاابر عمج لا تأذيني

:خووش والله خووش

اخذت فلوس ومادام شهاب مايدري طلعت بلا شهاب وبتراك البيت

طلعت روحي طالعة اريد بس احد اكمش براسة

قبل لا اوصل  للمحل واسمع صوت همس

:بسسست

التفتت علي

:س سييدي
:هههههه شلونج
:زينة ششجابك عززا العززاك ششنو مرراقب بيتنا
:اممم ماعندي شغل وعمل لحضة عززا العزااا منوو
باوعلي صافن
:شنو اذا غاب شهاب لا حجاب لا صخاام ششكو
:اني مو محجبة هو يجبرني واصلا معليك

عفتة ومشيت
التفتت
:شنو دتلحگني عززا والنبي عيب عليك واذا حجيت تگلي احترمي شواربي ورتبتي

: رايح للمحل يا ملكة جمال المستنقعات
درت وجهي راجعة للبيت
اسمعة وراي يهمس
:العن يوومج الخبلة ام كفششة ام لسسان امشششي لج ماعلية منج  لج نوور

بلحضة ادراك التفتت علي
:شمدريك عمو مو هناا

:قيصر خابرني گال اليوم شهاب مسافر شووف ام لسان راح تسيح بالششوارع وفعلا كلامه بمحلة

ضيقت عيوني اباوعلة وهو يحاول يخفي ابتسامتة
:تعرف شي
:همممم؟
:تروحلي فدوة انت وهو
عفته ومشيت بسرعة للمحل مااسمعتلة صوت
اشتريت ورجعت جان گاعد على صبة يباوعلي طول الطريق واني امشي واتلفت خازرتة وهو مبتسم

دخلت عززا ششبية گلبي يرجف
طاح حضج مشمش كلش خفيفة تتعاركين بالشارع لو  مفشر علية لو حاامسني راشدي وچلاق

دخلت ماما صفنت علية شنو هاي
شنوو مااما
باوعت للي بأيدي مشترية قداحة وفرشتين اسنان وزاهي

:ماما مشامش بيج شي
رديت بأرتباك
:هااي فووكاتهة موو مصرف بيتكم صاار علية لا تضووجيني اخاابر علي عذاب ترة اگولة تعال اخذ امي واخذني اني هم حمووت حتخبل

بالليل اجــاا شهاب ووياه بيبي

ركضت عليهة حضنتهة بلهفة بدوون اي مقددماات هي شافت ايدي مكسسورث وضلت تصررخ

:ييمة مشششمششة ييمة بتي فلك فلللكني شششمالج ييمة يييع ششوف ويه الفرررخة ششبيج يدة ييمة عماااد ييمة سسودة بووية امك

:كلة منج كلة منج ام الفووواين لو مو عاايفتني جان مصصار هيج

:فلك ططرج يكريمة عمت عيني يدة يبعد عيني وحيلي
عمو ششهاب هز ايدة يباوع علينة ويضحك عافنة ودخل

:بيييبيي
:يبعد بيبي
:حباابة لا تضووجين ماما بعد لخااطري
دنكت بسست ايدهة ورااسهة وهي فحططانة

اتكأت على ايدي السليمة وفااتت سلمت على ماما
كعدت يمهة بلسانهة حجي بس مترردة مبينة مستحية واني لطشت عليهة فرحانة بيهة كلساع ابووسهة
:صدك جذذب گييمر هذذاااا گيييمر

صاح شهاب من الصالة
:ولج عووفي خدوود امي

:اكررطها ل امك اني تكتل كتتل الا ازوجها بغدادي واخليك تگمزز بسسيطة

:ولللكم جيييبووهااا الية ووولج البر…….  اعللمج

حجت بيبي مرتبكة مشيمش يدة عوفيني يم امج

:عزززااا بيبي ششسالفة
:لا تخافين خير أن شــاء اللّه
:گومي ولج اششويلي باينذانة مااتعششيت

رحت مريت من يم عموو اجاا يضربني بس فلتت صااح ورراي

:ووولج لااا تطييحين

اجا وراي للمطبخ
:تعاي وراي ارد احاجيج

وجها ماكان بي مجال للمزح لان جدي

طلعت للطرمة كاعد على الصبة
اشرلي يمة
:خوفتني عموو شكو
سحب راسي باسه
تسمعين بالمرض المنتشر هناا
:عزززا اي يگولون جااي ينتششر بالعراق
:عفية وتدرين امج مرة جبيرة ومريضة راعية ضغط وسكر ومناعتهة ضعيفة وامي هم مثلهة

:اي عمو اعرف اسم الله ليش هيج جاي تگول
:جاي اجول هيج لان شغلي وكف ابغداد لزووم ارد للبصرة

وكفت على حيلي
:لااا مسستحييل اعرف ششتقصد دترريد اعووف ررانيا
:اگعدي
رجعت گعدت ابجي
:راانيا مااضالة شعبالج اناا اعووفهة ررانيا راح تردلجن تررحن هنااك احميجن برووحي واداريجن

:لوو ناخذهة لوو منرروح
:عززا وززياد اذا طلع يمة غير يمووت قهر
:مشمش عمي بس اسسمعيني رانيا وزياد شباب هابمرض جااي يلكط الشياب اكثر شي لوو ماتت تندمين كل عمرج جي ماسمعتي كلامي

:لا لا ما اعووفهم ماا اكدر
:والله مانعووفهم راانيا شهرين على الوعد وترد بحضينج وزياد انا اروحلة واگله  بس طاوعني ولا تششلن حاالي يبوية

:ماما مااراح تقبل
:انتي تقنعنيهة ويياي
طفرت من يمة
:عزززااا ييبوووو

:هااا ولج
:احترگت البينذااانه
ركضت وهو يصيح وراي
:المخبلةةة الرررعنةةة ررفعت ضضضغططي

وديت الاكل لبيبي لگيتهم اثنينهم يبجون
:شبيجن
:كل خيير ان شاء الله

اسبوعين من التووسل والاقناع والتعصصيب والصياح ومرات حتى يفشر يلا گدر يقنع ماما

بس شرطت توودع رانـــيــا گالت الا تجيبلي رانـــيــا وترضى يلا ارروح

والصدمة كانت ب رانـــيــا

___________________ يتبع

والباقيات الصالحات
بسم الله الرحمن الرحيم
لا حول ولا قوة الا بالله
سبحان الله وبحمده سبحان الله العظيم

اكتبو توقعاتكم واشياء تخص الرواية ك دعم للرواية 
و أحبكم هوواي يعمري انتو pahrasoad

حسابي الانستا

ضغطي متخربط وايدي ذابحتني ف يعمري انتو اعذروني على الاخطاء الاملائية 🤎🦋