ក្រូកៗ
" សម្លេងអីនិង " យី កំពុងតែចូលតួសុខៗមកឮសម្លេងកូរពោះក្រូកៗអីណា សុាំមែន
" កូន ហិហិ កូនឃ្លាន "
" អា៎ ៗ តោះចឹង "
កាត់រំលងមកដល់ថ្ងៃស្អែកពេលព្រឹក ថេយ៉ុងប្រញាប់ទៅក្រុមហ៊ុនដោយសារតែមានការសំខាន់មិនបានជូនអាល្អិតជុងគុកគីទៅសាលារៀន ធ្វើឲ្យអាល្អិតអាក់អន់ស្រពោនចិត្តជាខ្លាំង សូម្បីឡានដែលថេយ៉ុងរៀបចំឲ្យជិះទៅសាលាក៏មិនជិះសុខចិត្តជិះឡានក្រុងទៅវិញ ចំជាចិត្តធំពិតមែនក្មេងនេះ
" អេ៎ អាក្មេងអត់ម៉ែឪ " គ្រាន់តែជំហ៊ានជើងឈានចូលសាលាភ្លាមជុងគុកទទួលបានពាក្យក្រោធក្រៀតចូលត្រចៀកកាត់ត្រចៀកភ្លាមៗតែម្ដង
" ទើសក្បាលឯងមែនកន្ដឿ " ជុងគុកងាកសម្លក់មុខក្មេងដែលថាឲ្យខ្លួនមុននេះមិនដាក់ ក្មេងអីចរិកអាក្រក់រករឿងគេអត់ឈប់ អាងតែគេមិនមាត់ , ក្មេងចរិកឈ្លើយនេះមានឈ្មោះថា ក្វាង ជុងវ៉ូ គេជាកូនអ្នកជំនួញ មានទ្រព្យសម្បត្តិគ្រាន់បើ ប៉ាម៉ាក់ស្រឡាញ់ទម្រើសតាមចិត្តគ្រប់យ៉ាង ដូច្នេះហើយទើបអាល្អិតនេះមានរឹកក្រអឺតក្រទមឈ្លើយកោងកាចមិនខ្លាចអ្នកណា ថែមទាំងដើរធ្វើបាបគេគ្រប់គ្នាទៀតផង , ជុងវ៉ូនិងបក្សពួកគេ តាមរករឿងជុងគុកតាំងពីជុងគុកចូលរៀនដំបូងថ្នាក់ជាមួយគេមកម្ល៉េះ
" កន្ដឿទើសក្បាលហែង "
" អឺ ... ចុះឯងដឹងមកពីណាថាយើងអត់ម៉ែឪ "
" ក៏គ្រាន់តែឃើញ ពេលមានកម្មវិធីក្នុងសាលាម្ដងៗមិនដែលឃើញម៉ែឪឯងមកផង "
" ឯងកន្តឿហើយថែមទាំងខួរក្បាលល្ងង់ទៀត , យើងអត់ម៉ែមែនតែយើងមានឪវើយ ឪយើងគាត់គ្មានពេលទំនេរមកកម្មវិធីក្នុងសាលាអីទេ មួយនាទីៗរបស់គាត់រកលុយបានរាប់លាន "
" អួតណាស់អាអួត " ជុងវ៉ូ
" ឪយើងមានយើងអួតចឹងហើយ ហាសហា " ថារួចជុងគុកក៏ដើរចេញពីជុងវ៉ូនិងគ្នារបស់គេទាំងញញឹមសប្បាយរីករាយព្រោះគេបានឈ្នះជុងវ៉ូ
ពីមួយម៉ោងទៅមួយម៉ោងអាល្អិតជុងគុកគេរៀនមិនចូលឡើយ ដោយសារតែពោះរបស់គេឃ្លាន កាលពីព្រឹកមិញសូម្បីតែបាយមួយគ្រាប់ក៏មិនបានញុាំចូលពោះដែរ រវល់អន់ចិត្តជាមួយថេយ៉ុង ទ្រាំតែចប់ម៉ោងរៀនអាល្អិតស្ទើតែស្រែកយំទៅហើយគេឃ្លានដល់ថ្នាក់អស់កម្លាំងទន់ជើងដើរទៅមុខមិនចង់រួច តែក៏ខំប្រឹងដើរត្រឹកៗទៅវិមានវិញ , មុននេះគេចេញមកយឺតទើបឡានក្រុងចេញចោលមានតែបង្ខំចិត្ដទៅវិមានវិញ
" ប៉ាជាមនុស្សអាក្រក់ ប៉ាទុកកូនចោល "
ធ្មិចបើក10ឆ្នាំទៅមុខទៀតពេលវេលាដើរលឿនណាស់ អាល្អិតជុងគុកធំពេញរូបរាង 18ឆ្នាំ ពេញកម្លោះស្ដូកតែម្ដង កាន់តែធំកាន់តែមានមុនស្នេហ៍ រាងកាយធំមាំ សាច់ដុំធំ 6កង់ កម្ពស់1.79m គួរជាទីប្រាថ្នារបស់ អូមេហ្គានិងស្រីៗ .
ងឺត
" ពូ ឯណាប៉ា " គ្រាន់តែសន្ធឹកឡានឈប់នៅចំពោះមុខភ្លាម ជុងគុកសួររកលោកប៉ាជាទីស្រឡាញ់តែម្ដង មិនឲ្យហារ៉ូគិនាយចុះមកទាន់សោះ
" គឺ ...នែក៎ ..គឺ ថា "
" ប៉ានៅជាមួយស្រីម្នាក់នោះមែនទេ "
" បាទ ... អ្នកប្រុសតូច កុំខឹងអីណាលោកម្ចាស់ទៅពិភាក្សាការងារទេ កុំគិតច្រើន "
" ពេលណាគាត់ត្រឡប់មកវិមានវិញ "
" ប្រហែលជាពាក់កណ្ដាលអាធ្រាត្រទេដឹង ព្រោះម្ដងនេះត្រូវចុះតាមខេត្ត "
" បាទ ... ពូ ... ជូនខ្ញុំទៅហាងនំបានទេ "
" អ្នកប្រុសតូច ទៅធ្វើអ្វី "
" យី ! មើលសួរ ទៅហាងនំ ទិញនំញុាំនិងហើយ "
" ហិហិ ភ្លេច "
" ឆាប់ទៅ ... " ជុងគុកបើកទ្វារទម្លាក់ខ្លួនចូលក្នុងឡានហើយទាញកាសយកមកដាក់ត្រចៀកសងខាងស្ដាប់បទចម្រៀងបន្លំអារម្មណ៍ខឹងង៉ក់ងរនិងថេយ៉ុង
" អ្នកប្រុសតូច ខឹងលោកម្ចាស់មែនទេ "
" ខឹងបានអីមកវិញ ខ្ញុំសុាំហើយ គាត់និយាយលើកណាក៏មិនយកជាការបានដែរ " ជុងគុកដោះកាសពីត្រចៀកម្ខាងហើយតបតទៅកាន់រ៉ូគិវិញ
" តាមការពិតលោកម្ចាស់ក៏ចង់មកតាមសន្យាជាមួយអ្នកប្រុសដែរតែ... "
" ព្រោះស្រីម្នាក់នោះ "
" លោកម្ចាស់ត្រូវជូនម្ចាស់ស្រី ទៅពិភាក្សាការងារនៅខេត្ត "
" ហឹស ... គាត់ធ្វើបែបណាក៏បាន ជារឿងរបស់គាត់ម្យ៉ាងទៀតគាត់និងនាងចុះអេតាសុីវិលពេញច្បាប់ហើយ វាជារឿងធម្មតាទេដែលប្ដីត្រូវតាមមើលថែរ
ប្រពន្ធមិនចឹង " ជុងគុកពោលឡើងទាំងលួចឈឺចាប់តិចតួច , ស៊ូ យ៉ុនហេ នាងជាមនុស្សស្រីដែលម៉ាក់របស់ថេយ៉ុងផ្សំផ្គុំឲ្យរៀបការជាមួយថេយ៉ុង នាងជាមនុស្សស្រីសុភាពរាបសារ ចរិកចរិយារម្យទម នៅចំពោះមុខមនុស្សគ្រប់គ្នានាងប្រៀបដូចជាទេពធីតាអីចឹង សម្រស់ក៏ស្រស់ស្អាតការងារឋានៈក៏ល្អទើបម៉ាក់របស់ថេយ៉ុងផ្សំផ្គុំឲ្យពួកគេទាំងពីររៀបការជាមួយគ្នា មកទល់ពេលនេះពួកគេមិនទាន់បានរៀបការនៅឡើយទេគ្រាន់តែចុះអេតាសុីវិលបាន2ឆ្នាំហើយ
" អ្នកប្រុសតូចកាត់ចិត្តបានហើយឬ "
" ពូថាទៅមើល "
" រឿងគ្រប់យ៉ាងគឺជាព្រហ្មលិខិតចារមកហើយយើងមិនអាចទៅកែប្រែបានទេ មានតែតាមនឹងចុះ "
" អត់ទេ គ្រប់គ្នាបន្ទោសតែព្រហ្មលិខិតម្ដេចមិនបន្ទោសខ្លួនឯងខ្លះ ព្រហ្មលិខិតចារមកយ៉ាងមិច មកពីមិនព្រមកែប្រែវាដោយខ្លួនឯង កុំបន្ទោសព្រហ្មលិខិត "
" អ្នកប្រុសតូច ... " ហារ៉ូគិ អស់ពាក្យតបតនឹងកំពូលមនុស្សដូចជាជុងគុក និយាយកាន់តែយូរកាន់តែវែងឆ្ងាយ
" ហឹស ... ពូតែងតែនិយាយការពារប៉ារហូត ពូនៅខាងប៉ាកុំមកធ្វើជាយល់ចិត្តខ្ញុំ ឆឹស ពូជាបក្សពួកជាមួយលោកយាយនិងស្រីម្នាក់នោះ "
" កាន់តែមិនមែនហើយអ្នកប្រុសតូច "
" មិនបាច់និយាយកែខ្លួនទេ ឈប់ឡានត្រឹមនឹងទៅ " ង៉ក់ងរ ខ្មួលខ្មាញ់ក្នុងចិត្តទៀតហើយទើបឲ្យគេឈប់ឡាន ឃើញមុខស្មើរមាឌមាំៗស្វាហាប់អីចឹងទេតែ
ចរិកbabyមិនប្ដូរ
" មិនឈប់ទេ អ្នកប្រុសតូចចង់ទៅណាទៀតហើយ "
" ខ្ញុំទៅណាក៏បានដែរ ពូឈប់ឬមិនឈប់ មិនចឹងខ្ញុំលោតចុះហើយ "
" ធ្វើតាមចិត្តអ្នកប្រុសចង់ចុះ ហឹសៗ " ហារ៉ូគិ ឆ្លើយតបបញ្ឆេះបញ្ឆួលអ្នកប្រុសតូចកំពូលខូចខ្លួនបន្ថែម ធ្វើអ្វីធ្វើទៅចង់លោតចុះក៏តាមចិត្តគេចុចlockសោអស់ហើយ
" អឹក ពូ .... "
" ពូនិយាយដោយសារចង់ឲ្យអ្នកប្រុសតូចរៀនគ្រប់គ្រងអារម្មណ៍ខ្លួនឯងខ្លះ រឿងមួយចំនួនអ្នកប្រុសកំពុងគិតអីពូបានឃើញបានដឹង ចូលកុំយកកំហឹងទល់កំហល់ ចុងក្រោយអ្នកចាញ់គឺជាអ្នកប្រុសតូចខ្លួនឯងចាញ់ទាំងនាងចាញ់ទាំងចិត្តខ្លួនឯង បើនៅតែប្រើចរិកឆេវឆាវបែបនេះ ពូមើលដឹងណាថាអ្នកប្រុសព្យាយាមផ្ចាញ់ម្ចាស់ស្រី "
" ខ្ញុំមិនបានផ្ចាញ់ នាងជាមនុស្សពុតត្បុតគ្រប់គ្នាឈ្លក់វង្វេងនិងស្រីម្នាក់នោះងើបក្បាលលែងរួចសូម្បីតែប៉ា នាងជាបិសាចពាក់ស្រោមមុខទេពធីតា នាងតែងតែតាមយាយីខ្ញុំជានិច្ច ទោះខ្ញុំនិយាយអ្វីក៏គ្មានអ្នកជឿដែរ "
" អ្នកណាថាពូជឿអ្នកប្រុសតូច ព្រោះពូឃើញដូចអ្នកប្រុសដែរ "
" ហេតុអីកាន់ជើងនាង "
" អត់ទេ ពូមិនបានកាន់ជើង អ្នកប្រុសគិតមើល បើអ្នកប្រុសឆេវឆាវ មិនព្រមរំងាប់អារម្មណ៍ខ្លះអ្នកប្រុសនៅតែចាញ់ក្រោមដៃនាងរហូត យកសម្ដីពូទៅគិត "
------------
To be continued 🩷 🐰
តិចទៀតចេញតួប៉ាពន្ធថេយ៉ុងមោហី ចាំមើលៗ
សរសររួចយូរហើយតែភ្លេចផុស🥹