_ الكاتبة : Duha_al amer 🦋
_ صوتو للبارت بنجمة
_ صلو على الحبيب محمد
_ بسم الله الرحمن الرحيم .
احبكم ❤️❤️
تابعوني بالانستا. duu_199 🎶
_______________________________
_ سد الباب ورجع وكف كبالي حاط ايده على حزامه دفته من صدره بخوف ورحت افتح الباب واطلع جرني من شالي وصفكني راشدي شمرني ع التخم
فاروق : هذا لان ذليتيني بيج
_ حطيت ايدي على وجهي احمي نفسي سحبها وطبك ثنين اديه سوه ورجع صفكني راشدي ركع راسي صرخت متألمه ودموعي نزلت لازم راسي
فاروق : وهذا راح اجبرطني اعاملج هيج
روح : حطيت ايدي على حلكي لثتي نزفت دم وكفت اريد اسند طولي عطت وبجيت .. انت حيوووان ما اريدك افتتتتح الباب اررريد اطلع جلب واحد جلب
_ عيونه صارت حمر دم واكف كبالي مثل الحجر اجيت اضربه جر شالي من راسي وطبك ايدي الاثنين وربطني بي سحب قراصتي ولف شعري على ايده
فاروق : لان ما كربتلج ذليتي ابويه الك*** هسه اش*** بالنص وروحي اطلكي اني اريدج تطلكين
روح : هزيت راسي بالرفض والله اندمك افضحك اذا سويتلي شي عبالك راح ابقى احبك لو اباوع بوجهك تحلم
فاروق : *** بيج وبحبج
روح : سحلني من شعري يصعدني بالدرج انظربت رجلي بالبايات حسيت اطافيري كلها تكسرت .. ما اطلك اذبحني اذا اعيدهااااا بس هدني ابوووس ايدك اتررركني ابوس رجلك فارررروق عوووفني
_ دخلني للغرفه شكله مو انسان صار مثل الوحش الحيوان المفترس شمرني على الجربايه وكف كبالي حط ايده على حزامه يريد ينزع اكو كلاص بالحافه مال جربايه شلته وركعته بي اجه بصدره وكع وتفلش بالكاع .. شلت نفسي من الجربايه اريد اوكف رجع دفعني ساد حلكي وخشمي بأيده شمر نفسه عليه وصارت عيونه بعيوني وجهه يزخ عرك وعيوني تريد تنط
فاروق : اخذج واسويج فضاله للجلاب
روح : فتح حلكي وحط حبايه ناعمه دفعها باصبعه بلاعيمي حتى ابلعها غصيت وخوعت اكح تفلتها عليه .. اصحى فاررروق اني رررروح تشوووفني لسوووري بيه هيج لدمرررني انت مو كلت بس نحجي موو مجذب عليه باوعلي .. طلع صم مال حبوب جرني من شعري ورجع خلاهن بحلكي
فاروق : بلعييييهن ليش الوصها عليج واخبلج
روح : فوت ايده بحلكي يدفع بالحبوب تفلت ثنين ما ادري ثلاثه ابتعد عني ينزع بملابسه ضل بالداخليات طلع وقفل باب الغرفه عليه كمت وكفت رجليه وحده اطك بالثانيه لزمتي ايدي اريد افتحها بسنوني ما اكدر
_وكفت كبال المرايه اياوع شعري كله ملخ وجهي كله خراميش بجيت على حالي وكمت اصرخ .. افتتتتتتتح الباااااب انت شنطيتني والله بس اطلع اشتكييييي عليك شتريد منييييييي طلعنييييييي طلعنييييييي
_ كعدت ورا الباب ادك بيها ما ادري شكد مر وكت واني اصرخ واوسل بي حسيت الغرفه كامت تفتر بيه وراسي ينزل للكاع وحده ارفعه اوكع يمنى ويسرى لازمته .. صوتي بعد ميطلع .. حجيت بكل مابداخلي قوه
_ رااح امووت ااااخ الحكوووني راسي ف فاروق .. قبل لا اكمل كلامي غميت على وجهي فقدت الحركه بس اسمع صوت رجليه شالني من ضهري وشمرني على السرير واستسلمت بدون حركه غمضت عيني واتمنيت ما افتحها بعد انتهك حرمه جسدي بابشع صوره ممكنه افز بدون ما اكدر افتح عيني جثه هامده
_ فتحت عيني ضرب بوجهي ضوة اصفر غمضت عيني جسمي كله خدران ومندثر بلحاف رفعته عني افتح عيوني تلمست جسمي بدون ملابس شمرت الغطى وخليت رجلي بالكاع الجربايه ورجلي مغطايه بالدم الساني ثكل عصرت راسي اريد استذكر الاحداث
فاروق : دقايق الكاج لابسه
روح : جسمي يختض مثل السعفه ونار مشتعله بيه اريد اوكف ما اكدر سحب اللحاف انشغ بصوت عالي .. لي ليش هيج سويت
فاروق : ما غاضب الله مرتي واخذتج
روح : كاعد على الكرسي كبالي حجاها وبجى مخلي ايده على وجها روحي مبنده من الوجع جريت فستاني استر روحي بي خليته على رجلي تنكع دم شمر عليه علبه مال كلينس وكام طلع
_ سمعت خطواته بالدرج سحبت منديل وغصيت بدموعي وكعت بالكاع وصرخت بكل حيلي لطمت على رجلي وعلى وجهي
_ ليش ليش اني شمسووويه وهذا كله صار بيه اجيت ادرس حاااالي حال البنااااات الله ينتقم منك الله ينتقم منك الله ياخذ حوبتي منك عساك متنام الليل عساك بوجع كلبي
فاروق : كااااافي كااااافي لوووو ميت ولا شايفج ولججج ابتليت هوه الحب غير من الله ليش تكفرونه بس اني حبيت وحده كلبه بت كلب
روح : سديت اذني ما اريد اسمع صوته سحلت روحي للحمام لافه نفسي بالفستان دخلت فتحت الصونده اختلط الدم ويا المي غسلت ولازمتني النشغه اشهك والبس بهدومي طلعت من الحمام اعرج رجعت للغرفه جريت شالي مشكوك شمرته على راسي وكعدت بالكاع لامه نفسي صار صوته قريب من الغرفه
فاروق : دقايق والكاج جوه
روح : بقيت على كعدتي غمضت عيني مجمرات من البجي
فاروق : تسمعين لو طرمه
روح : حجيت وصوتي يكطع من الخوف شلون ثقيت بواحد نكس وماعنده ذره رجوله
فاروق : خلصتي ! كومي
روح : رفعت راسي ما مصدكه .. لو ذبحوني ذنبي بركبتك العمر كله .. كعد كبالي لازم ركبتي دفرته والم بروحي
فاروق : مجربه تعيشين منبوذه العمر كله حتى من حبيت الله بلاني بمره صارتلي موس وبلعته وكام ياكل بروحي
روح : انتَ سرطان
فاروق : ومتخيله اطبيبن مني اضلين عليله
روح : ما اريد اشوف وجهك بعد راح افضحك واخليهم يذبحوك قبلي اكول اغتصبني
فاروق : مغتصب مرتي
روح : كاااافي لتكوووول مرررتي اني مو مررررتك الله ياخذ عمرك وامشي بجنازتك يانذل يا عار .. ضربتي راشدي بظهر ايده اجه على خشمي لزمته وصوتي ميطلع بعد
فاروق : شوفي ساعه بيش
روح : وكفت على رجلي شفت الدنيا ضلمه من الشباج ردت اوكع على وجهي عافني ونزل كمشت بالدرج كمت ابجي بصوت عالي وما اشوف الدموع تجمعت بعيني عاط بصوت رج البيت
فاروق : امشيييييي فضييييها
روح : سرعت مشيتي وطلعت من البيت مشيت خطوتين ما اصعد ويا ارجع وحدي
فاروق : ونور محمد ارجع احبسج واضيع خبرج
روح : ما ارجع وياك
فاروق : انطمي وصعدي لا اكسر رجلج
روح : فتحت باب السياره الورا صعدت بيها ولزمت كلبي وسديت رجلي ارجف ما مصدكه الصار مثل الكابوس حلم وخطف بيه
_ ساق الطريق كله يدك هورن ويتعارك ويا الشارع وصلني مقابيل البيت وكف بكل وقاحه اندار فتح الباب من الداخل وعيونه صارت بعيني
روح : نزلت من السياره كلبي يريد يطلع من صدري وصلت الباب البيت اتمنى اكتل روحي وما اطب .. دكيت الباب مرتين ورجليه وحده اطك بالثاني وكوه واكفه عليهن .. شويه وفتحها خالي وجهه محتقن
مؤيد : بعد وكت من ترحين يم صديقتج غير تكليلي شنو اني بالبيت طابوكه لو حايط يا ويلج اذا بعد اتأخرتي اطيح حظج وابطلج وميهمني
الهام : لا حبابه روح متعيدها يله يمه اني شكلتلك البت توسلت بيه يلا خليتها تروح
مؤيد : هذا شبي وجهج
روح : ما ادري شيكولون راسي يفتر تركتهم وفتت بوجهي للغرفه قبل لا اسد الباب طبت نجاة شافتني وشهكت
نجاة : متعاركه منو ضاربج
روح : ليش .. التفتت للمرايه حلكي مورم بشكل مخيف وازرك وجهي من يم عيني كله مشطب خراميش بلون الدم ارتبكت ولزمت وجهي .. وكعت بالشارع على وجهي
نجاة : ماكو هيج وكعه
روح : والله ما اجذب
نجاة : اجيبلج ثلج خلي على حلكج بلكت يفش الورم
روح : طلعت حسيت بحراره عرفت روحي انزف سديت رجلي ضاغطه عليها دخلت بيبتي وقفلت الباب طلعت من ورا ضهرها صونده
الهام : وين جنتي
روح : يم صديقتي
الهام : هاي اضحكين بيها على امج على صديقاتج بس حبوبتج لا
روح : ضربتني على جتفي بالصونده وكعت بالكاع مستسلمه الها شي بداخلي يريدها يضربني بلكت اكفر عن دنبي
الهام : شبي وجهج سولفيلي اكو واحد مسويلج شي لتخافين اطلع حكج من حلك السبع واذا ما حجيت اكطع الصونده عليج
روح : فليت شالي ولساني ثكل كل جزء بجسمي يرجف .. ما ادري شلون سفطت الكلام بيبي والله محد مسويلي شي تعاركت ويا صديقتي وضربتها وضربتني وصارت المشكله جبيره واتأخرت يله رجعت
الهام : منو هاي صديقتج وليش ماخابرتينه
روح : مو تدرين ما اخذ جهاز وياي
الهام : لا كلبي يكلي جذابه ليش تعاركتو سولفيلي
روح : صرخت ابجي بحركه .. لان عبالها اني بايكه فلوس منها واتهمتني وما اتحملت وضربتها
الهام : شلون
روح : ابوس ايدج الله يخليج عوفيني باجر اسولفلج كلشي واذا رايده اضربيني ضربي اني تعبانه كلبي يوجعني كلبي يأذيني بيبي كلشي ماشفت من الدنيا بس السواد والقساوه
الهام : منو هاي صاحبتج باجر اخذ خالج واشك حلكها
روح : ضربتها بس كلبي ما برد
الهام : ولج حبيبه اذا ضامه عليه شي سولفيلي
روح : ما ضامه بسنو احلفلج عوفيني .. كمت الطم على رجلي وجهي ملخت شعري واجه نصه بيدي
الهام : لاااا ما اسكت الهاي البت كليلي وين اهلها ومن عين باجر اخذ حكج
روح : سندت طولي وكفت فستاني اسود ميبين بي لون اخذت هدوم وطبيت للحمام فتحت الدوم وشمرت ملابسي وكفت جوه المي الحار ارتعش ..
_ صارت المرايه كبالي انصدمت من شفت جسمي كله اثار زرك ومعصم ايدي مخرمش وطالع منه دم يابس وكعته جوه المي وشلت الشامبو سبحت بي مره وثنين وثلاثه واربعه احس روحي ما انظف بعد
_ يمكن ضليت ساعه بالحمام وطلعت بيدي ملابسي القديمه عاصرتهن بيدي كعدت بالغرفه وحدي طبت نجاة بيدها جيس ثلج واكل باقي من الفطور
نجاة : ومسويه كيك اطيب من مالتج برا اذا حبيتي جربي
روح : اخذت الصينيه خليتها بالكاع وشلت جيس الثلج على وجهي
نجاة : عود صدك واكعه !
روح : مابيه افتح حلكي بس طلعت دنيت الصينيه وتمددت بفراشي دعيت من كل كلبي تغمض عيني وانام
_ غفيت مثل جثه هامده اتمنين ما افتح عيني واكعد بذيج ليله لو كل هذا يطلع حلم وافز مرتاحه
_ فزيت الصبح على صوت نجاة لزمت راسي بألم اسمعها تحجي نفضت الغطى مرعوبه لكيت ملابسي متبلله بسرعه بدلت وطلعت للحمام اغسل شلت ملابسي القديمه وخليتهن بعلاكه وشمرتهن بالزباله
نجاة : صدددك كولي والله الف الف مبروك الله يتمم عليج يابعد كلبي
الهام : فرحينه وياج
نجاة : يااا عمه نرمان حامل
الهام : مبروك الله يكومها بالسلامه چا مشدين حيلج وجيبيلنه وليد
نجاة : بناتي صغار خل يكبرن
الهام : الله كريم اذا ما صرتي عاكر لتنسين انتي مزوجه كبل وعندج اسقاطات
نجاة : كلما انسى ذكريني
الهام : لتردين بوجهييي
روح : حطيت ايدي على حلكي اخفي اثار وجهي فتحت الباب طالعه شمس كعدت بالعتبه اباوع على نعناعه شنو ذنبها كمت اكرها طفرت دمعه من عيني فزيت على الايد المسحتها
الهام : حجي الليل يمحيه النهار احنى ولد اليوم ورفيجتج هاي الا الزمها اركع المزهريه براسها
روح : لا ما افكر بعد
الهام : كرفسايه ما جاعت لو مصومتها ويانه
روح : ما انطيها اكل بعد يطبها مرض .. حجيتها وانقهرت كمت طلعت ماعون خليت بي اكل ومي وانطتهيا وسديت باب المطبخ حتى مطب
الهام : ما افتهمنه هسه
روح : كعدت لازمه بطني توجعني شافتني بيبي اتلوى جابتلي مهدء الالم
الهام : عليج العاده مفطرة
روح : لا اي يجوز خربطه صارت عندي
الهام : ناخذج للدكتوره
روح : لااااا مابيه بعد هم علاجات وطلعلي الف عله لاااا ما اريد
نجاة : عادي هاي نرمان هم هيج كل فتره مابيها شي
الهام : شكد بعد وتعطلين
روح : بس سبوع الجاي
الهام : بيها الخير .. كومي ذبي الزباله وتعاي مسحي البيت
روح : ما رفضت لبست عبايه ام الراس وطلعت من الباب خاله ايدي على وجهي مستحيه لكيت اخو الجبير واكف بالباب من شافني ضل مركز عليه لحد ما دخلت للبيت لزمت كلبي ليش هيج يباوعلي
نرمان ..
حكيم : صومي بس ادوخين تفطرين وبالبيت اجيبلج مساعده بين ما الله يسهل عليج وتكومين بالسلامه
نرمان : تحسسني اول مره احمل عادي والله متذكر علاوي شكد تعذبت بي ورب العالمين يحبني خلا حملي ويا الفاينل حتى وراها اعطل
حكيم : خاف ادوخين ومتركزين تركي هاي السنه
نرمان : شهكت .. تريد تعبي مال سنه كامله يروح
حكيم : جذب ولي امتحني
نرمان : لزمت بطني .. لو طلعت بنيه اسميها جلنار
حكيم : شنييي جل ونار
نرمان : ترا معنى حلو وعاجبني
حكيم : اسميها فاطمه
نرمان : شنو اني بس اجيب وانت تسمي بكيفك
حكيم : جهالي
نرمان : واني شنو مو جهالي بو جايبتهم من الشارع
حكيم : هسه نتفق معليج نسميها مركب فطوجلنار
نرمان : باوعتله متخوصره جلنارررر .. فززني من كرصني بظهري
حكيم : بس انت مسموحلك توكف اعوج وتحجي اعوج
نرمان : هذا مدح لو ذم .. لزمني من خصري وكعدتي على رجله رغم هاي السنين كلها ما بطل يصيحني ويكعدني على رجله
حكيم : هسه اصير بطنج بكد الكاونتر
نرمان : شعدنه هيه جلنار وحده
حكيم : قصدج فطومه وحده
نزار : هسه يطلع عبسي ويخرب ام الرومانسيه الحامضه الانتو بيها
نرمان : كمزت من حضنه وكفت اهفي على وجهي
حكيم : انت شوكت يصير عندك اخلاق وتكوم ادك الباب
نزار : اسكت هيه مال ادك الباب حلاتها واحد يعرف شيصير ابيته
حكيم : لا جاهل وتنكتل اطول مني جنك تيل
نزار : اكتولني حكومي فدوه الايدك
حكيم : اخوك التحفه وين
نزار : ما ادري خابرته الصبح كاعد من النوم
حكيم : وين يبات
نزار : وروح ابويه ما ادري
نرمان : ضاج وبقى ساكت للمغرب سويت فطور وكفت اغسل مواعين سمعته دك
فاروق : هااا شو مسوي تحرياتك هل فتره
حكيم : شايفك خانس
فاروق : الخافي اعظم
نرمان : من سع صوته كنان ركض عليه حضنه شاله وطلع من جيبه فلوس انطا
فاروق : روح اشتري انت وعلاوي
نزار : راح يصير عدنه فطيم هم
فاروق : ها منين راح تزوج
نزار : لا تجينه اخت العلاوي
فاروق : ع الخير الله يكومها بالسلامه
حكيم : خير يصيبك يوم الالك والله يهديك وتزوج وتخلف وتعقل
فاروق : اجمعين يارب
نزار : رحم الله والديك ابو الفوارق
نرمان : راح الغرفته طلع ملابس ودخل للحمام سبح وطلع بالفانيله ولابس بجامه كعد لازم جهازه طفر عليه نزار
نزار : شبيها ركبتك
فاروق : وين
نزار : ورا اذنك
نرمان : شال كلينس وخلا على ركبته منورا وبقى لازمها
فاروق : هذا جريدي وكع على ضهري وخرمشني
نزار : ايع خرب يومك
نرمان : اصبلك اكل !
فاروق : لا
نرمان : استغليت فراغي وحطيت ملزمتي وكعدت اقرأ
كنان : يعني اتو نونو بطنج
نرمان : اييي
كنان : وثلون ثار
نرمان : اءءءء صفنت بوجها ما ادري شكله جره نزار
نزار : بلعته
كنان : ماما تاكل چهال
نزار : امك هيه بطله فلم دراكولا بالجزء الثاني
نرمان : كشيت ايييع
حكيم : عوف الجهال لتخبلهم
فاروق : تعال بابا اني اسولفلك
علي : اني هم اسمع
فاروق : چا انت وحد
نرمان : غطيت وجهي بالملزمه دكو على فاروق طلع ونزار هم معزوم وطلع بقينه اني وحكيم لليل قرر يعزمني برا نتسحر رجعنا وجه الصبح نزار نايم وفاروق ما رجع
حكيم : محد راح يجلطني غير فاروق
نرمان : عوفه مو صغير وادرى بالي يسوي
حكيم : ما مرتاحله ابد
نرمان : دك عليه شويه وسده ربع ساعه وطب اذن الصبح نزع حذائه ويترنح
فاروق : لتباوعلي هيج منو كال اني ساقط وشراب بالعكس اني زلمه خير بس الدنيا جارت عليه
حكيم : انت وين لكيت السم برمضان
فاروق : انيييي فاروق خبره 17 سنه الاريده اجيبه من حلك السبع قحط بطل تسألني عليه
حكيم : شلون تخلي راسك مرتاح بالليل
نرمان : حكيم خلى ايده على جتفه يهدي بي ضرب على راسه
فاروق : ما انام مرتاح ابد نيالك تخلي راسك وتغفى
حكيم : سامع بحسد عيشه ما سامع بحد نومه
فاروق : بعد ما اداوم اريد انام
حكيم : يفصلوك
فاروق : شنو خباطه لو جمبر مال جاي مطلعيني من الفجر *** اخت الراتب
حكيم : روح نام لداوم
نرمان : راح الغرفته وكنان وعلي غافين نيمتهم بالغرفه ثاني يوم من الصبح سمعنه صوته يصيح على نزار يكعده
حكيم : كعد الخباطه
روح ..
_ لزمت الجهاز العندي كسرته وشمرته بالزباله طلعت الحلقه وخليتها بعلبتها ما اريد اشوفها بهاي الفتره كلشي ما قريت وبلشت امتحانات وما اجاوب من يوم الصار وراسي بي الم من الصبح لليل الوج منه
الهام : هسه افركلج راسج بالنعناع اصيرين زينه
روح : جايت زيت النعناع وخلته على كصتي وتمرر الابهام عليها من جوه ليفوك لعبت روحي كمت اخوع
الهام : بررره ولج ريحته تخبل مو وجه ريحه نظافه
روح : كمزت من الغرفه للمغسله ما اطيق ريحته استفرغت واحس روحي ماعت لزمت بطني وكعدت ع الدرج
نجاة : خاف ماكله شي ومسممه
روح : لا مماكله شي يمكن الصبح شربت جاي على ريكي بالسنتر
الهام : اصدعتي من جيتي لهنا عين وما صلت ع النبي رجعي الديرتج كبل لا تصكطين
نجاة : على شنو تنحسد يعني
روح : دارت بيه الغرفه لزمت وصله امسح الزيت ريحته موتتني
نجاة : غسلي بالصابون ثوب شهب هذا
روح : جرته مني وكمت ما اكدر اوكف
الهام : انه ادري ليش انسليتي من كبل الفايل ولحد هسه ما تاكلين ولا اشربين وجهج مصفرج
روح : صدك بعشر ايام صرت بس عظام من التفكير والخوف لزمت ايدي بأيد عندي وجع اسفل بطني
نجاة : راح اضلين لازكه بالشتوي اذا ماعندج انطيج مني
روح : عندج دشداشه بس مو كلش مشلحه
نجاة : خل ادور
روح : طبت للغرفه بيبي مارضت عليه كالت اني اشتريلج شويه وطلعت بيدها دشداشه نيليه ربع ردان جديده حتى اليبل بيها
نجاة : خاف تكولين انطتني مالتها القديمه
روح : اخذتها منها نزعت الستوي نار مشتعله بجسمي ماعندي اي شي صيفي
الهام : وين ضامه هذا الجمال كله تخبلين حبوبه
روح : رفعت شعري ذيل حصان نزل طويل على ظهري كارهه كل قطعه بروحي اكو اثر فوك صدري لحد هسه ما راح رفعت الدشداشه اخفي
نجاة : عليج احلى من عليه
روح : ابتسمت بوجها اشكرها كعدت ع الدرج مجتفه ايدي
_ ثاني يوم رحت للجامعه دخلت امتحنت مجاوبه طلعت فرحانه اكو شي كسر وجعي بابتسامه
_ نزلت فرحانه اشتريت بطل مي وكيكه مال ككو طخت بنفسي كعدت ع مصبه اكل كلما يجي على بالي تتنغص لكمتي
مالك : شفت درجاتج تخزي لو تبطلين احسلج
روح : رفعت راسي باوع عليه كمت اريد اروح
مالك : والله قصدي شريف وحبيتج من اول يوم شفتج بي كاعده بهذا المكان كلبي امتلكتي
روح : اخويه اني مقدره احترام وضرفي صعب هل فتره ياريت تبتعد عني والله تعبانه
مالك : خيرج اكدر اساعدج بشي
روح : لا ارجع واكلك اني مخطوبه واتمنى متتعرضلي بعد
مالك : انطيني عنوان اهلج واذا كلولي مخطوبه اوعدج متشوفين وجهي بعد
روح : ردت احجي لعبت نفسي ما لحكت اروح للحمام ابتعدت عنه واستفرغت وكحيت بصوت عالي
مالك : مريضه اخذج للمستشفى
روح : لااااا بس وخرررر عنييييي عوووووفني .. فتحت بطل المي وغسلت بي نفسي ميرد .. عبرته امشي سريع طلعت من الجامعه ما ادري وين اروح وكفت كبال صيدليه خفت من الحبوب الانطانياهن السبب
_ ترددت ادخل واشجعت وفتت اكو بنيه واكفه تحمحمت بتوتر .. سلمت وحجيت .. حبيبتي اني عندي صداع صارلي فتره وهسه اتقيئ من اقل شي
_ متزوجه !
_ لا اي يعني شنو علاقتها
_ يعني خاف اعراض حمل وممكن اعراض الغده مشابهه
_ شلون اعرف
_ سوي تحاليل بالمختبر الفوك
_ صفنت مهبوطه شنو حمل هيه مره وحده ونزفت مستحيل يصير حمل اصلاً اني كلشي ما افتهم بهاي السوالف
_ ها حبيبتي اذا متردده اروح وياج المحلله صديقتي
_ يعني ممكن يصير حمل من علاقه زوجيه مره وحده
_ خارجيه !
_ ما ادري .. ابتسمت بوجهي واحس راح اوكع من طولي طلعت من الصيدليه اريد ابجي والطم على راسي عيوني غوشت
_ انطيج تحليل منزلي
_ اي .. فتحت جنطتي بيها تفاليس من كالت سعره الف دنيا انطيتهيا واخذته عبرت الشارع بدون ما اباوع اتمنيت تضربني سياره واخلص
يتبع