_ الكاتبة : Duha_al amer 🦋
_ صوتو للبارت بنجمة
_ صلو على الحبيب محمد
_ بسم الله الرحمن الرحيم .
احبكم ❤️❤️
تابعوني بالانستا. duu_199 🎶
قالت: حبيبي.. سوف تنساني وتنسى أنني يوما وهبتك نبض وجداني وتعشق موجة أخرى وتهجر دفء شطآني وتجلس مثلما كنا لتسمع بعض ألحاني ولا تعنيك أحزاني ويسقط كالمنى اسمي وسوف يتوه عنواني ترى.. ستقول يا عمري بأنك كنت تهواني؟!
___________________________________
_ ما احط لكمه بحلكي
روح : فاروق احلف تلتزم بالصيام والصلاة وتترك المعاصي
فاروق : شمسوي
روح : كلشي ممسوي
فاروق : م عندج وجع شلتي الصوندات مو
روح : خجلت رديت .. اي
فاروق : تستحي ام الاصفر
روح : شنوو شنو يا اصفر دقيقه .. التفتت عليه بصدمه حسيت نفسي عركت وهوه مبتسم ويباوع للطريق
فاروق : شبيج هوه اصفر
روح : الفلاش تذكره وينه !
فاروق : كسرته
روح : ليش تكلي ام الاصفر
فاروق : عبالج شايفه ! ليش جنتي لابسه اصفر
روح : اي
فاروق : سبحانه مصدف الاصداف
روح : لجذب اذا شايف الفلاش اشرب من دمك ودم هذيج الساقطه
فاروق : وداعه وليدي ماشايفه
روح : ولو ما مصدكتك بس مسلمتك بيد الله
فاروق : يمحملني اذيه تيررن تيررن
روح : وصلنه البيته نزلني من السياره وفتح الباب
فاروق : اشيلك
روح : لا شبيه اكدر امشي
فاروق : صاير حلو يوميه اسويلك عمليه بعد
روح : ابتسمت ع سوالفه يحجي بحركه .. شغل الاضويه ونور البيت اخذني من ايدي يشوفني شبون مرتبه ومكمل الاثاث ماكو شي مجايبه وصلنه للمطبخ وكف بمكان صدى كال
فاروق : سيداتي وسادتي الله والملائكه يشهدون ما اخلي ركن بالبيت متنباسين بي
روح : يا انباس !!!!
فاروق : بعدج صغيره ردت اكول حجايه اكبر
روح : لا اخلاق ولا تربيه ولا اسلوب بطرك هل كلب الحنين والوجه الحلو
فاروق : خاف ماعاجبج
روح : اريد كرسي اكعد
فاروق : عذريني صخيله بعدني ما جايبلج ميز طعام بس تكدرين تكعدين بحضني
روح : اجه باتجاهي اجيت اركض لزمت خاصرتي ومشيت سريع ردت اتعثر دفعني ويا الدج صار بضهري شالني وكعدني ع بايه الدرج مابي محجر
فاروق : لحم زرورج من خيري
روح : خايب عيب تحاجيني هيج ترا اهفك بوكس اطمس وجهك
فاروق : نجره
روح : والله اضربك .. فر وجهه
فاروق : ضربي
روح : قبضت ايدي وضربته بكل قوتي رجع راسه يضحك
فاروق : ضربي اقوووى
روح : باوعت بصفي درنفيس بي يده جبيره شلتها وكلبته واجتي الضربه براسه رجع ليورا وصاح
فاروق : بت التيس ما متفقين هيج
روح : هاي مو كل قوتي ..
فاروق : نزلي لجج لا البس الدرنفيس براسج المجيم
روح : نزلني من الدرج جاب علاليك مدوي منين طلع كيمر عرب ومربى وجاي وكف ع الطباخ حط جدر يسوي بي جاي
فاروق : اكول ابو الفوارق حبيبي انت شناسي طلعت ناسي القوري
روح : ضحكت من كل كلبي على سوالفه كمل الجاي وصبه نصه وكع بالكاع .. جابه وخلا كبالي كعد يمي
فاروق : اكلي واني احسبلج لكم ماكو غيرها
روح : ما اشتهي .. صفن بوجهي وفتح شالي من الصفحه اجه يجره من راسي لزمته
فاروق : مو حرام ليش تحرميني منه
روح : اني وياك متفقين ليش تخلف بالاتفاق .. لفيت شالي والتهيت اخوط بالجاي بسجينه
فاروق : نسيت اجيب خواشيك
روح : چا اذكرت بس الجاي
فاروق : اني مثل واحد صايم صارله شهر وكباله سفره بكل ما تشتهي الانفس بس ميكدر يمد ايده وياكل لكمه توكفه ع طوله
روح : تدري احس نفسي تعبانه اريد ارجع اتمدد
فاروق : تمددي بالغرفه
روح : لا جوعانه اريد اكل .. اكلت لكمتين وكملت شال المواعين الكزاز والكوب وشمرهن بالزباله .. هاي ليشش
فاروق : چا تريديني اغسلهن
روح : لا حشاك عيني
فاروق : كومي اشوفج غرفتنه
روح : باوعت يمنى يسرى ماعندي حجه كمت ويا للغرفه فتح الباب فتحت عيني ع وسعها ولزمت ايد بأيد
فاروق : عجبتج
روح : تخبل .. شنو تخبل تجنن
فاروق : امشي جربي الجربايه
روح : هيه جربايه شلون اجربها يعني اكمز عليها .. حجيتها وعضيت شفتي عرفت نفسي جبت العيد
فاروق : لخصتيها
روح : سد الباب وحصرني ويا الحايط فتح شالي راد يسحبه اشرلي بمعنى اهداء .. جر شالي ونزله على ظهري دخل ايده بركبتي وطلعه من ملابسي صار خشمه يطخ بأذني قشعرت وجريت نفس اريد اسيطر على رعشه جسمي
فاروق : مثل جمره مضمومه بجريده
روح : استجمعت قوتي ودفعته عني لزم ايدي البيها الكانولا وباسها نغزني بلحيته مشى بشفايفه على ايدي يرفع برداني استوعبت جرائته ونزلت ايدي انسحبت الابره ونزفت دم ماعرف شيسوي رفع قميصه الاسود ومسح الدم بي
فاروق : ثوله
روح : مو اثول منك بعد لتعيدها
فاروق : اششش لتحجين بعد
روح : فتح قميصه اكو سبلت بالحايط شغله صح الجو كلسر بس مو مال سبلت بارده .. نزع القميص وبقى بالفانيله
فاروق : عود هسه اني صايم
روح : اي ليش
فاروق : نزلي ولي من وجهي
روح : ستغليتها وفتح الباب ونزلت جوه لبست شالي عدل ولفيته وبقيت كامشته من ركبتي .. شويه ونزل لابس قميص ابيض ويدكم بالازرار
فاروق : الله ما كاتبلي اكل مفلطح
روح : من يأذن شتريد اكل .. باوعت ع ساعه الهول .. يمه صار العصررر
فاروق : ما ادري شلون تركض الدنيا وياج
روح : وصلني حباب
فاروق : ابو حسين ميعجبني بعد لتجين ويا
روح : بالعكس خوش رجال
فاروق : تؤ تشربين عصير !
روح : لاا لا اريد ارجع .. طلع جكاره ورثها سحبتها منه ميصير انت صايم .. شمرها وطلع ثنين من الباكيت وخلاهن بحلكه وشغلهن
فاروق : واذا اخذتيها اشرب اربعه سوه
روح : طار الصيام الله يهديك
_ رجعني للكليه شفت ابو حسين توه يريد يحرك منتظرني نزلت من السياره اريد اسد الباب سحب الشال طافر ونزله على ركبتي
فاروق : لتركضين امشي على كيف
روح : هزيت راسي ورحت باتجاه السياره شافني وضل يعاتب
ابو حسين : ادري اني ابقى واكف الكليه كلها طلعت متكليلي
روح : اي اني غلطانه اعتذر
ابو حسين : عادي عيني فدوه الج وكتي
روح : وصلني للبيت اول ما طبيت شفت حمد يلعب ويا نعناعه بوسته وهوه حضني
حمد : شلون صرتي
روح : من شفت وجهك الحلو صرت زينه .. طلعت بيبي بالحديقه ضايجه
الهام : اتأخرتي ومارضيت اكول الامج روح يوميه تتأخر
روح : بيبي كملت محاضراتي
الهام : طبي حبوبه اذا راحت امج عندي حجي وياج
روح : كلبي كرصني .. ليش اكو شي كولي
الهام : سلامتج طبي ناميلج شويه وبعدين
روح : معدتي مغصتني بخوف شفت ماما تلكتني مسويتلي شوربه ما قبلت اكل شبعانه
سلوى : طر العصر وانتي ماكو هاي يوميه هيج
نجاة : روح ابد متتأخر بالعاده بس اليوم ما ادري شعجب
روح : حسيتها تقلد فتحت شالي وتمددت جان عندي علاج اخذته وغمضت عيني بتعب
الهام : تغدي حبوبه حتى ندز على نرمان تجي تضربج ابره
روح : اي اي بعد شويه هسه مو جوعانه .. اخذتني امي فارشتلي بالغرفه غيرت ملابسي .. تمددت بحضنها مغمضه عيني من اتذكر فاروق ابتسم لا ارادياً
سلوى : ضحكينه وياج شو فرحانه
روح : اليوم يجون بيت عمي محسن !
سلوى : لا باجر نوال ضغطها صاعد
روح : يطبها مرض
سلوى : ولج مديح فقير تدرين مرته زعلانه يم اهلها تكول امه طلعت من عينه وباله كله يم روح واذا صار رجلج راح تكومين تحبي وتجين تكليلي يمه صدك انتو ادرى بمصلحتي ويجوز يطلك مرته بعد مره ويفرغ بس الج
روح : بلعت ريكي بخوف ترددت احجي
سلوى : بنيتي الرجال اذا حب مرته كلشي يسويلها وتكومين تدللين عليه
روح : اذا كلبي مو يمه واحب واحد ثاني وهذا الواحد مستعد يخطبني
سلوى : يعني تحبين واحد وانتي مخطوبه !
روح : لا ما احبه بس اعجاب وقبل فتره راد يخطبني وسأل عليه سمع مخطوبه
سلوى : هستوج كلتي كلبي يم واحد ثاني
روح : يمه كلتلج اعجاب بس
سلوى : حبيبه احنى ناس مستورين من الله خلقنه وما النه بسوالف الحب والاعجاب جدج كلمته مسموعه واذا كال روح المديح يعني صارت
روح : يمه ما احبه اني عندي طموح اريد ادرس اريد اعيش حياتي ليش اندفن ويا نوال وابنها
سلوى : اندفني وي نوال ولا جوه التربان تريدين تعيدين ماضي عمتج
روح : احجيلي عمتي ويامن انهزمت
سلوى : اششش ولج لتسمع نجاة وتسوينه علج
روح : ماكو احد عليج الله سولفيلي
سلوى : حبت واحد وكفت الجدج كلتله لو هوه لو ما اخذ
روح : وشسوه جدي
سلوى : كسرها تكسير
روح : بس ضربها
سلوى : كومي لج كومي سدي الموضوع يله
روح : ما اسده حتى بطني كامت توجعني احجيلي حبابه يعني قابل المن اسولف شبيج
سلوى : حمود اللعب بالحوش
حمد : اريد اسمع
روح : كامت شالت النعال وهوه ركض طلع .. عدلت كعدي كبالها كالت
سلوى : 2006 جنتي بعدج صغير مذكرين طوعه ..
_________________
طوعه : نوال انتي ليش تدخلين بمكان ما حاشره رويحتج وياي كومي شوفي بتج متلوعه فوك ورضعيها
نوال : مشكه وتبجي مو جوعانه
طوعه : يمه الناس يجون العصر ابوس ايدج رغبي ابوي
شكريه : ولج يمه ذوله ناس فكر وسمعتهم سابقتهم ابو جان معارض بالنظام السابق ويجنو وانهزم ومن رجع يكولون عليه ايده طويله الناس متختلط بيهم
طوعه : يمه الولد شعليه بأبو
شكريه : خل يجون ويصير خير
سلوى : ثاني يوم اجتي ام الولد وطلبت طوعه وكعت دخيله البيبتج وكلتلها يومين واردلج خبر ومن فاتحت جدج بالموضوع رفض وكلب البيت على روسنه انسدت السالفه وطوعه جانت مرتبه وانيقه وحلوه تخبل من تطلع بالمنطقه كلها تضل تباوع عليها
طوعه : نوال اكسسواراتي يوميه اضيعين حاجه منهن بسي ورجعي بمكانه ما اكلج لتلبسين
سلوى : عليش لابسه انتي بالبيت اني الحلقه ما احطها بيدي
نوال : والله اني احب نفسي مرتبه بكل وكت
طوعه : اشتري لتاخذين غراضي
نوال : قحط هنه مزنجرات
سلوى : نزعت تك سوارات من ايدها وشمرتهن على طوعه
شكريه : ولج شو ماعندج احترام اني كاعده
نوال : ما سمعتيها شلون ذالتني بيهن
طوعه : والله بعد متمدين ايدج
سلوى : اجه محسن ونوال ما خلت سالفه ما كالتها صاح الطوغه وتفل عليها كدام الكل وخلاها يومين دمعتها ما نشفت وزاد الطين بله اجه جدج جايب عريس الها
شكريه : ونعم حجي من بيت ابو الدبس بس الولد مو جبير
عقيل : كلما الولد جبير كلما فهيم
سلوى : انطوهم خبر موافقين وطوعه متدري ومن سمعت موتت روحها
طوعه : ولج سلوى حاجي يعقوب ليسون بيه هيج اني اموت اذا ما اخذ جلال
سلوى : واج لتعمين على روحج اقبلي كلمن ياخذ قسمته
طوعه : ما اقبل ما اقبل لو اموت
سلوى : موتت روحها بجت وجرت شعرها اخر شي نزلت بايتين من الدرج وصاحت
طوعه : بويه بيت ابو الدبس لا يجون ولا يوصلون غير جلال ما اخذ واذا تريد تذبحني بعد احسن
سلوى : الكل انصعق صعد عمج محسن وجرها من شعرها للصاله جاب خيزرانه وشطب جسمها بيها ماتت جوه ايده
نوال : حيل وابو زايد ولج البنيه التعاند ابوها مال ذبح
عقيل : اكتبها بعد ما برد كلبي طوعه كبرت وصارت من البين
سلوى : بذيج الليله مبخوها تملخ ونوال جانت كاعده بزودها وتنطي امثال ع البنات ودغشهن
نوال : سترك ربي من بنات هل يومين يدورن رجل وهنه يخارنه شمعنه جلال ابن الحرامي
محسن : جلال اذا اشوفه اكسره
يعقوب : شمسوي ما متعدي ع عرضنه اكعد لا تبلينه
شكريه : اكسر الشر وانطيها ليش البت اجلدوها هل جلده طوعه فقيره وربات اديه متسوي الشينه
عقيل : اذا متسكتين تنجلدين وياها
سلوى : سكتت بيبتج واسبوع واجوي بيت ابو الدبس شافو عمتج وعجبتهم كامت نوال تاخذ طوعه البيت ام جلال بحجه تخيط عد امه وتخليهم يشافون وتجي تكول الجدج طوعه تتبسم بوجه جلال وتخليها يوميه تنجلد مر شهر ودزو خبر يريدون يعقدون الخميس وعمتج نامت جوه رجل جدج تتوسل بي
عقيل : كومي كومي لا بارك الله بيج ولا بالجابتج
طوعه : بويه ابوس رجلك ما اريد ازوج
عقيل : دام اصريتي متريدين الرجال الا انطيج اله واحرك كلبج
سلوى : اباوع ع بيبتج وعمتج يبجن ونوال كاعده بصف جدج فرحانه .. بيوم اجه جلال وابو توسلو وكام محسن طردهم وجابو طوعه وجبروها باجر يجي الشيخ ويعقدون وحلكها متفتحه شكد كتلوها مارضت وكالت ما اعقد لليل اجتي نوال وفتحت موضوع خلتنه اندك ع روسنه
نوال : شبعت كتل ومارضت الا عدها شي
محسن : يعني شعدها
نوال : خاف مسويه مكسوره والبت تخاف تكول
سلوى : كام محسن يريد يروحلها وكفته شكريه وكعت دخيله الهم
شكريه : يمه اتنعل الشيطان
نوال : الا اصخم وجهكم
شكريه : ولج انتي الشيطان بعينه
نوال : ليش لان احجي الحق وحده غيري تفضحكم لو اهلي يدرون حتى محسن ميخلوني عنده
سلوى : راحت شكريه ولزمت نوال وصفكتها راشدي وعضتها من جتفها خلتها تبجي
محسن : يمه عوفيها اني ما ارضى ع مرتي
نوال : واني ما ابقى هنا بعد
سلوى : ثاني يوم رادت تطلع زعلانه وعمج كعد يتوسل بيها وما راحت وريتها راحت وخلصنه منها
_ ثاني يوم كعدت عمتج سبحت وبدلت وتعطرت وكعدت استغربنه وجها البشوش لليل سوينه العشى وهيه نظفت البيت وكالت اريد اعزل كنتور صعدت وراها نوال
طوعه : شعدج جايه خاف تساعديني
نوال : لابس شنو ذني بالجنطه
طوعه : اريد انطيهن
نوال : هذا ثوبج الغالي الجابه الحجي من مكه تريدين تنطي
طوعه : اي عندج مانع
نوال : انطينيا الي
طوعه : لا مواعده بنيه بي روحي نوال اريد اكمل شغلي وانام
نوال : اي براحتج
سلوى : جنه نايمين للفجريه سمعنه صوت صريخ رج البيت رج كمزنه اني وابوج طلعنه وقفلت الباب عليج لان جنتي طفله وصارت بيج خوفه من العياط
يعقوب : هاي شنو محسن شنو بيدددك
سلوى : حاطين طوعه بالكاع والمسدس براسها وجدج لازم الدرج ميكدر يوكف
عقيل : انت معليك خل يغسل عاره
سلوى : صرنه ندك ونلطم وبيبتج ملخت روحها تريد تفلتها من ايد محسن متكدر
محسن : انتي تنهزمين وصخمين وجوهنه ياحيف
طوعه : ردت من بين دموعها وخوفها .. ما انهزم منو كال انهزم
نوال : لا ابد بس جلال مأجر سياره اجره البغداد وراح تلبسيله الثوب البنفسجي وحجاب اسود حتى بوجهكم للمحكمه
سلوى : صفنت طوعه ورجفتها اكدت كلام نوال طلب منهم جدج ينزلون جنطتها ويشوفون شبيها .. صدك جابوها وفتحوها لكو تراجيخا الذهب وكلاده بيبتج ومحبسها وثياب و 100 الف دينار
محسن : شفت بويه نوال مجذب اني عرفت اختي ك ****
سلوى : جدج راد يوكع من طوله اخذو عمتج وطلعو للبساتين شكريه دارت ع روحها نفط رادت تحرك نفسها وباخر لحظه تلاحكناها
شكريه : نوال اذبحج بس بتي تموت اذبحج ما اخليج وراس ابويه
نوال : اني شعليه لزمي بتج الشريفه
سلوى : تخربط وكعت ترجف مثل نوبه الصرع وعمتج ما رجعت بعد
روح : يعني عمتي انهزمت منهم
سلوى : كالو انهزمت وبيبتج كامت لا تاكل ولا تشرب حارو بيها بالاطباء ومديح من ذيج الليله ما ادري شنو شايف وكام يبول على روحه ونوال لا خلت سيد ولا خلت طبيب والولد تسودن
روح : اي وبعدين
سلوى : نوال تعاركت ويا محسن وراحت البيبتج كلتلها بتج كتلوها وذبوها بالمجاري اول ما سمعت وكعت من طولها وصارت شلل رباعي
روح : لزمت بطني بألم حسيت انمغصت ونفسي كامت تكلب من الخوف رجفت واطرافي ثلجت
سلوى : شبيج يمه انقهرتي ع عمتج
روح : هزيت راسي .. اي .. زين الولد جلال ماسوه شي بعدين
سلوى : جلال ثاني يوم العمتج رادت تنهزم بي اختفى هوه واهله وبعد كل اثر ما الهم
روح : يعني عافها تموت وما سأل عليها
سلوى : هذا الصار بعد
روح : لزمت مجرات مال بيبي اسند نفسي بيها وكفت ما اكدر امشي
سلوى : وين رايحه
روح : للحمام .. تركتها ورحت دخلت وقفلت الباب لزمت بطني بألم نوال راح تسوي بيه الما سوته بعمتي ومديح وجدي وعمي محسن كلهم راح يجرمون بيه .. بس فاروق معقوله يعوفني هم يذبحوني وهوه ميدري شيريد يسوي يعني فتحت الدوش مي حار بلكت يهديني .. اندكت الباب
سلوى : يا راح اسبحين مو زين ع عمليتج
روح : بعدني ما فتت جوه الدوش سديته .. لا ماما جاي اغسل
سلوى : يله طلعي خل احميلج شوربه اكلي
روح : اي .. تخربط كل كياني ما ادري شسوي دموعي كامت تسابق اذا عمتي وكفت كبال جدي اني بعيونه اخاف اباوع صار مصيري يشبه مصيرها
_ فتحت باب الحمام وطلعت
نجاة : بتج دوم تطلع من الحمام باجيه شنو فلمها
سلوى : شبيج يوجعج شي
روح : وجهي مبين عليه ماكدرت اجذب واكول ما باجيه .. اي بطني
الهام : اكو حبايه مهدء ويا الدوه هسه انطيج منها
روح : امي وبيبي جابولي العلاج والدوه اكلت وشربته شويه واجتي نرمان بملابس الدوام ضربتني ابره وراحت مسعجله حطيت راسي ونمت ما فزيت غير بالليل امي تكعد بيه
سلوى : بهمس .. اجه خالج مؤيد يريد يسلم عليج
روح : هزيت راسي وفركت عيوني عدلت شعري وكمت انتجيت ع الحايط كاعده انفتح الباب ودخل
مؤيد : حبيبتي خالو الحمدلله على سلامتج
روح : الله يسلمك
مؤيد : لتكومين ابقي كاعده
روح : كمت بوسته ورجعت كعدت راح الغرفته تعبان .. باوعت للساعه 11 امي راحت تمددت ونامت فتحت الكنتور وطلعت موبايلي قررت احاجي فاروق وانهي كلشي بينه اني بعد مابيه لا خوف ولا ألم .. فتحته واتصلت بي جاوب صوته مبحوح
_ نايم اروح !
_ كاعد احجي
_ حرت شلون ابدي بالموضوع لزمتني الغصه بكلبي استصعبت اكولها
_ يوجعج شي اخذج للمستشفى
_ لا مابيه شي بس فاروق طلكني
_ حلمانه !
_ لا صاحيه .. تنهدت وزمخ بيه وكفر رجع يستغفر حجى بعصبيه
_ انتي شتريدين مني بعدددد
_ اني ما اريد شي ما اكدر اكمل وياك جدي يذبحني
_ فهميني .. تكضين وياي وكت لو حاطتني احتياط
_ اتنرفزت من كلامه .. عيب عليك هذا الحجي واحد متستحي
_ شفتيني متعلق بيج تريدين تذليني ادوس عليج وعلى اليطلع وراج
_ انهضمت .. كبل سديته بوجهه رجع دك رفضته دزلي رساله مكتوب ..
_ من تشوفين الورا اذنج
_كتبتله .. اني بعد ما اريدك
الهام : ويامن تحجين
روح : ويا صديقتي
الهام : انطيني التلفون اشوف
روح : طفيت الجهاز وخليته ورايه .. ليش سوالف بنات
الهام : امج نايمه ما اريدها تسمع .. اذا عدج شي كليلي كبل فوات الاوان
روح : ليش تكليلي هيج شنو شفتي عليه
الهام : حبوبه اني عمري 68 سنه موش بت البارحه اعرف اليجذب من عيونه وانتي بنيه يعني شعره بشارب الزلمه وصله بيضه
روح : اني ممسويه شي
الهام : اكلج هل جلمتين خاف تفكرين تسوين امج تموت بحسرتها ارضي بالمقسوم
روح : اي اني راضيه
الهام : انتي سباعيه وتعرفين الصح من الغلط مو
روح : اكيد
الهام : چا طبقي
روح : بقيت ساكته وتباوعلي بنظرات فكرت معقوله عرفت بس مستحيل تكعد كبالي هاي الكعده تذبحني كبل لا افتح حلكي
الهام : محتاجه شي قبل لا انام
روح : لا تصبحين على خير .. راحت نامت وبقيت كاعده للصبح مانمت اجتي براسي الف سالفه للصبح حسيت راح انجن ما ادري شلون غفيت ضليت يومين ما اداوم وانطوها عطله اسبوع وراها دوام يومين بالاسبوع حتى نمتحن فاينل
_ بهل فتره كيفت بعد ما اداوم حتى ميشوفني ولا اشوفه بقيت مخنوكه ودايسه على نفسي جانت شوفته تنسيني حتى روحي جهازي مفتوح بس ابد ميراسلني ولا يسأل عليه .. بنفس الوكت تشافيت على العلاج وصرت احسن صار عندي جرح صغير كلش ومابي اثر خياط لان كبس
سلوى : حمد لصل تعوي هنه اسبوعين ونرجع ناخذ اختك
روح : ابقي بعد شويه لتروحين
سلوى : جدج اليوم لعب بينه لعب ميخالف هنه اسبوعين وترجعين يمي
روح : عصرني كلبي .. الله كريم
مؤيد : شلونه ابو حسين خوش رجال مو
روح : اي خالو حباب
الهام : باجر دوام
روح : خلصت العطله بعد .. بوستني امي واخذت حمد اجه عليها ابويه اخذهم وراحو
الهام : لو راحو يشترولج فستان للمهر من العشار يخبلن حبوبه
روح : ليش المن .. ها الله كريم
نجاة : ولج اني اريد اشتري من هسه وانتي العروس تكولين الله كريم
مؤيد : اشتريلج احلى فستان نجاتي
روح : سبلت بعيونها تباوعله ابتسمت
الهام : كومي كومي بتج تبجي رضعيها
نجاة : كوم حبيبي وياي
روح : اخذته ودخلو للغرفه بيبي ضاجت .. شبيج حجيه تغارين
الهام : انجبي ولج اغار منين من هاي المسلوعه
روح : والله نجاة حلوه منيلها مسلوعه بس كولي انتي طالبه زواج
الهام : ولي من وجهي
روح : رحت حضرت ملابس للدوام وسبحت ونمت .. ثاني يوم كعدت بدلت وطلعت
ابو حسين : متأخره عليه واني خابط روحي وحاط جل من الصبح
روح : باوعت على شعره متروس جل يلمع .. عمو انت حاط جل لو بيض
ابو حسين : ليش ما مبين ماكثرت
روح : لا مبين
ابو حسين : جنت جاهل اذا شعري ما زينو اهلي اسبوع امي تكوم تظفره الي
روح : صلاوات
ابو حسين : وامي الله يرحمها شعرها يسحل وراها
روح : الله يرحمها
ابو حسين : بناتي ميشسورن يشرن شعرهن على الشمس
روح : ما اتحملت ضحكت .. بقى يسولف لحد ما وصلني نزلت واخذت جنطتي دخلت للجامعه شفته بالباب اجاهلته ومشيت اجه ورايه لزمني من زندي
فاروق : بعدج زعلانه
روح : مو زعلانه .. نترت ايدي منه وحجيت بنتره .. كلتلك العندي عفته ومشيت سريع اجه ورايه رجع سحبني من ايدي
فاروق : لتنسين نفسج السانج اكصه
روح : ما ادري شلون دفعته من صدره حسيت الطلاب كلها تباوع علينه انثولت ودنكت راسي صك على سنونه وكال
فاروق : الكاج بالسياره قبل لا اوصل
روح : عافني وراح ما انكر خفت منه بس طنشت كلامه ودخلت للمحاضره خلصت خمس محاضرات عيوني ما اشوف بيها
_ طلعت لكيت ابو حسين بالكراج صعدت اندكت جامه السياره ولد غريب
_ حجي انت تكسي سيارتي بنجر
روح : صعده ابو حسين حتى ياخذ من كروه بقيت صافنه ميصير هيج يسوي واني ويا
_ طول الطريق ضليت ساكته ما حجي يوصلني اني اول وحده والولد شكم شارع عن البيت
_ يعني احنى جيران اذا السياره ضلت مبنجره اسوي خط واخلص من العطلات
روح : يسولف ويا ابو حسين ويضحك .. وصلنه للبيت نزلت من السياره عصى ثوبي بالباب جره الولد وسدها عدل رفعت راسي شفت فاروق ويمه كومه شباب واخو نزار واكفين باب بيتهم
_ كمت ما اعرف امشي لو انضف فستاني صار كله تراب رحت باتجاه الباب فتحتها وطبيت سديت الباب وتنفست براحه ولازمه كلبي اليدك سريع عبالك مسويه فد مصيبه
باقر : عمي تسمعني
فاروق : اي لا
نزار : يمعود شد فيشتك شبيك فلتت
فاروق : شكووو هسه انت تريد تزوج ذاك عمك وروح كله اذا ما قبل اركع راسك بالحايط لان ماكو بربوك ييغزر بعينها الكويه
نزار : وين رايح
فاروق : هسه اجي
باقر : عمي انت اركف وياي الخاطري اريد اصالح عمي حكيم واحاجي
نزار : امشي
نرمان : جنت كاعده بلا حجاب بالهول دك الشباك نزار كمت فتت ولبس حجابي سمعت احد ويا فات وصار صوت سلامهم عالي وراها بدو يسولفون افتهمت هذا باقر جاي علمود شمس
باقر : عمي اني اسف واني غلطان واعتذر منك بس لضل زعلان عليه
حكيم : الاسف ميصلح شي بت عمك طفله تضحك عليها لك باجر عكبه لو كبرت شلون تحط عينك بعينها وهيه تذكر ابن عمها جان يستغلها ولك البس النفاظه براسك وافتحه
باقر : حقك لو شتكول بس اني احبها ورايد اخطبها
نزار : اذا باقر راح يزوج اني اكعد احسبلكم جهال
حكيم : تخطبها شلون تعيشها ابوك يصرف عليك لو تاكلون عاكول عبالك الزواج لعبه لو حبيت وحده يله البس نعالي واروح ازوج
كمال : حجيت وكلتله هذا الحجي يكلي بس اتخرج اتعين وهسه اشتغل بمحل الكصابه
نزار : اذا طلع نجم من السجن يعلك ابنك ويا الخرفان
باقر : عمي خل اخطبها هسه ومن اتخرج اخذها
حكيم : بعدها طفله تريد اضحك العالم علينه
نزار: بالعرس نشغلك هل صيصان شو حلوين
كمال : بت عمه وهوه اولى بيها من الغريب ودام هيه رايدته وهوه رايدها ياخويه سهلها
حكيم : تؤ تؤ هذا الموضوع بعد لتفتحو
كمال : السالفه طلعت من يمي بعد انت وعمك
حكيم : انساها احسلك
باقر : هذا هو عمي مثل متريد
نرمان : احتقن وجهه استأذن وسلم عليهم وطلع شويه ولحكه ابو
حكيم : جاي يخطب عباله هينه بحلكه
نرمان : البنيه هم تحبه انطي احسن ميسون شي اكبر ترا هذا عمر مراهقه واندفاع
حكيم : انطي ويومين ويمل منها ويكوم يدور ك*** اكو سوالف انتي متعرفيها الرجال اذا ازوج زغير وماشايف شي يومين ويمل المره العنده
نرمان : بكيفك بعد انت اعرف
حكيم : خل اشوف تاليتها ويا .. فاروق وين راح
نزار : هذا اجه
نرمان : فات وجهه ميكصه الطبر طب الغرفته وطلع بيده سلاح نزل خلا بصندوك السياره وصعد كعد بالهول ميتحاجه
نزار : راح تنزل بوشنكي لو مستودع
نرمان : كالها وضحك شال طوبه مال علاوي وركع نزار بيها
نزار : ابوك فارغ ليغرك
كنان : انت فالغ
نرمان : ضل نزار يدردم ع فاروق بس وجهه مبين عليه بي شي نام وماقبل نكعده ع الفطور لليل يله كعد اكل مر شكم يوم هوه على هاي الحاله
حكيم : ابو الفوارق مو طبيعي
فاروق : السفن غركانه وامي تريد تعرس
حكيم : شلك بيها هاي .. ذكرتني امي تريد تجي تسوفك
فاروق : يا ام مالتنه !
حكيم : وحده اسمها نرجس
فاروق : لتجي ولتوصل واذا فتحتو الموضوع حتى البيت عمي ما اروح
نزار : لا عليكم الله قنعو يعوفني بحالي
حكيم : يله يادوب نلحك نرجع وكت الفطور
نرمان : طلعو البيت عمهم علمود يردون الهديه مالته
سديت الباب وراهم وكفت اسوي بالفطور ما حسيت من دخلو نجاة وروح فززتني روحي راحت
_ بوستها وشربت مي من الهبطه
نجاة : والله شفت البيت فارغ وطبيت اخرعج
روح : ما قبلت عليها
نرمان : يمعوده اني صارلي اسبوع ما ادري شبيه على ساعه روحي تموع
نجاة : من الصوم شمسويه فطور
نرمان : اي صح .. نزار يريد فاصوليه وتمن وراح اشوي دجاج
روح : اءءء اساعدج بشي
نرمان : ماعندي شي حبيبتي
نجاة : عمتي اختها متخربطه وراحو هيه ومؤيد يشوفوها وست روح حتى بجي بجت متقبل تجي
نرمان : هااا صايره متحبينه متريدين شوفتنه زعلت
روح : لا والله مو هيج بس ما احب اطلع صايره
نرمان : كلشي ولا متحبين تجين يمي والله اضوج وحدي
نجاة : اني يوميه اجي اسد فراغج
روح : كعدت على ميز الطعام ونرمان تروح وتجي ونجاة كا بطلت سوالف
نجاة : وين راحو شو كلهم ماكو
نرمان : عمج زعلان لان نزار ميريد بته
نجاة : هااا خطيه شبيها وينطوها هديه وفوك كل هذا يرفضوها الله يساعد كلبها حتى لو اخويه البنيه تكسر الكلب
نرمان : حتى اني مقهوره عليها الغلط من ابوها
روح : حطيت ايدي على خدي مثل الاطرش بالزفه اجه كنان وركعني صجمه بالمسدس صرخت .. اااااه
نرمان : انطوني النعال
روح : فركت جتفي بألم ركضت ورا نرمان رادت تضربه كام يبجي
علي : ماما تفل
نرمان : اني الطفل مو هوه
روح : شويه وسمعت صار صوت فزيت من سمعت صوته
فاروق : يطبه نعال الزعل والما زعل
نزار : لا ويكلي اذا ماعجبتك فتره وازوج عليها
حكيم : الله يدزلها الاحسن منك
نزار : شبيه ليش
حكيم : مطي
نزار : ها عبالي بيه شي
روح : صار صوت خطوات قريبه اول ما دخل رفعت راسي اشوف منو اجت عيني بعينه فات من يمي وطخ بجتفي راح سد شباج المطبخ
نجاة : صدك صايم !!
فاروق : اي
روح : حجاها وباوع عليه
نجاة : الله يثبتك بجاه الحسين
فاروق : راح يأ ن ترسيلي مي وديري بالك لا الدولكه مزروفه ويتبدى
نجاة : قصدك الفافون لا اترس كزاز
فاروق : اي عفيه
روح :عرفته يقصدني ما درتله بال جان اكو مملحه كبال التهيت ادك بيها بالميز بتوتر
فاروق : انطي السيد مهله 10 دقايق ما اذن افطر
نجاة : مو هيه بكيفه
روح : صاحتلي نرمان اكعد بالهول لان راح تصب دخلت سلمت على اخوانه شكد حلو اخو الجبير يقرأ قران ونزار لازم سبحه بيده ما ادري شيكول وكل شويه يصيح الله واكبر
نرمان : ترا انت جاي اسبح مو اصلي تكدر تحجي
نزار : هم صدك يله جيبيلي مي
روح : كمت اضحك فرشو سفره وجابت مي وبدت تصب وتنقل بالاكل استحيت ابقى كاعده كمت اساعدها خلصو والتمو كاعدين
نرمان : كومي شو كاعده
روح : مو جوعانه
نجاة : الظهر تبجين من الجوع
روح : فشلتني كدامهم .. كمت كعدت بين نجاة وكنان لزمت خاشوكه بيدي انشال كنان من يمي وكعد ابو الخاشوكه كامت ترجف بيدي حسيت الكل عرف بي متعمد
نجاة : اذا ماكو مكان تعالي بيني وبين نرمان
روح : كرصني من حاصرتي اجيت اعيط .. لا اكو
فاروق : سباعيه
روح : حطيت لكمه بحلكي احسها متنبلع بيني وبينه مسافه يمكن ثلاث اشبار .. حطو كدامي اكل هواي سجبت الماعون واكلت من الدجاج والتمن شويه وبدو يرحون يغسلون الا فاروق عبالك مستحل الصاله
نجاة : الحمدلله الله يزيدها
روح : كامت تغسل وياهم شال لكمه بخاشوكتي الاكل بيها واكلها
فاروق : الطعم يختلف من خاشوكه الخاشوكه
روح : ما اشاقه وياك فاروق امرنه منتهي بعد .. كمت جر صايتي دخل اخو هدتها ورجع ياكل بخاشوكتي .. غسلت ونجاة وكفت غسلت المواعين
نرمان : مسويه عصير نومي بصره زين الج
روح : ماكو شي ما جابته نرمان بس ما اكل واشرب الا مجامله شويه واستأذنت منهم ارجع للبيت واضطرت نجاة ترجع وياي لان تخاف من خالي تخليني وحدي
_ اول ما فتت دزلي رساله بيها انواع الغلط والفشار قفلت الجهاز بدون ما اجاوبه وطبيت للحمام سبحت وبجيت لما فوخت كلبي من الوجع
نجاة : روح بيج شي
روح : فتحت باب الحمام وطلعت .. لا مابيه
نجاة : ليش كلما اطبين للحمام تبجين احجيلي
روح : هيج مرات اختنك وغصباً ما عليه ابجي
نجاة : تعاي كعدي تريدين مي اجيبلج
روح : هزيت راسي بالرفض عفتها وفتت للغرفه شغلت الصوبه وكعدت كبالها تذكرت ايام الدرج بيت سندس واول مره اخذني البيته ومن صلح جهازي اجتي هواي ذكريات على بالي .. سمعت صوت بيبي اجتي مسحت وجهي وكفت انشف بشعري
_ دخلت جايبتلي تمر وراشي اخذتهن وكعدت اكل بلعت حبايه تساعدني انام من وكت وحطيت راسي وغفيت
_ ثاني يوم لازم اداوم عندي محاضره مهمه احضرها وارجع .. كعدت الصبح غسلت وبدلت ملابسي ماحطيت بوجهي شي فتحت الباب وصعدت ويا ابو حسين اخذني سوالف الباب الجامعه
ابو حسين : تريدين ابقى منتظرج
روح : لا عمو بس ساعه 11 تعال لان اليوم ما اكمل دوامي ماعندي شي
ابو حسين : تدللين
روح : سلم عليه وراح دخلت اول محاضره بقى 3 ساعات الدكتور يشرح من خلص ردت اتخربط من الكتابه .. كملت وطلعت كبال الكراج انتظر ابو حسين وكفت كبال كرفان الحارس .. حسيت واحد ورايه وهفني عطره عرفته قبل لا التفت
فاروق : بعدج راكبه راسج
روح : انداريت عليه اجتفت وضيقت عيني .. اذا ما طلكتي بالطيب راح تشوف شي ميعجبك
فاروق : غلطانه فاروق ميتهدد
روح : اني مو صغيره اروح ارفع دعوه عليك واتنازل عن كلشي ما اريد منك ويطلكني القاضي بكل بساطه
فاروق : خلصتي !
روح : لا ما خلصت فلوسك وكلشي صرفته بالعمليه وغيرها ارجعلكياهن
فاروق : شلون
روح : ميخصك .. حك حاجبه ومسح شواربه يضحك عليه باستهزاء
فاروق : اطلكج بشرط
روح : شنوه
فاروق : ما الج علاقه تمشين وانتي مغمضه وراها انتي حره
روح : ما امشي مغمضه كلي شنو شرطك
فاروق : تجين وياي نحجي
روح : مستحيل ما اروح وياك اي مكان .. حط ايده على ضهري منبت اصابيعه باللحم مشى واخذني ويا عرصته من جتفه بكل قوتي ميحس
فاروق : مو ضوجين عادي هاي المواضيع لحد ما نطلك حتى صومج ما بطل
روح : صعدت ويا بالسياره جنت مقرره نتفاهم وانزل .. اول ما شغلها قفل البيبان وساق ساكت .. شتريد احجي هنا ونزلني ما اكمل وياك وين ماخذذني
فاروق : حجايه بعد واسفط وجهج
روح : سكتت وصل البيته ما ردت اعاند لان تعبت بس فتح الباب فتت شمرت جنطتي واجتفت صرخت .. يله فضها ماعندي وكت اضيعه وياك احنى انتهينه
فاروق : انتِ جبرتيني
روح : ليش قفلت الباب افتحهااااا
يتبع ..
ولجن البارت 5000 يله كلجن تصوتن بالنجمه وباجر انزل اشباه الابطال الجدد عود اقترحت على نرمان نسوي الصور بالذكاء الاصطناعي كامت تلطم 😂😂😂 راح نشوف اشباه ونزل