روح في بحر الظلام

الحلقة التاسعة والأربعون

____ الكاتبة بحر _____

لتنسون التقييم والتعليق على الفقرات +++اضافة للحساب لطفا pahrasoad

البارت اكثر من 5000 كلمة

يروحي بنات اللي لا تأذوني ولا تسبون اكتبو اشياء تعكس تربية اهاليكم فدوة لعينكم
مايهون علية احضركم لان اعتبركم كنز ووجودكم انجاز رجاءا كونو عند حسن ضني
للأسف ماكو موعد محدد للتنزيل
اللي تحب تقرأ الف هلا بيهة
واللي مستعجلة رجاءا اتركي القصة وارجعي من تكمل
اشو اني لا اخذ منج راتب ولا روايتي زاعجتج رجاءا لا تتجاوزون والله انتو تكتبو كلام عابر اني مثل السم يسمم يومي

--------------------

"قد تراها تتعقد لكنها تترتب بطريقة أخرى

فلطف الله يجري وعبده لا يدري..♡"

ســــــــرى

لازمة الموبايل بأيدي وادگ على وجــهي وصــدري بقــوة عززااا عززاا العززاني

رجعت اباوع بالصور مشــمش تمشي بالشارع واكو صور قريبة الهة حيل

واني اباوع انحذفو الصور من يمي فتحت معرض لصور مااكو عززا هاي شنوو

بعدني لازمة الموبايل واجت رســالة من رقم عمي حمــيد

- هاا عمي مااقررتي تردين لبيت اهلج بوية مو زين على ســمعتج الدياحة والخدمة ببيوت الناس يلا بنيتي ردي لبيتج وصيري خوش بت

فتحت تسجيل المكالمات واتصلت علي
-الوو
-هلا عمي شلونج
-عموو مشمش مالها علاقة فدوة لا تدخلهة بالموضوع موو مثل خاالو من حركتو وحركتو بيته

- ششنهي هالحجي ســــــــريوة موو عيب شنهي حركناه هاي كلهة جي خايفين علــيج

-لااا تجذب ترى اددري كلششي وحتى مرتضى يدري فدوة عوفو مشمش بحالهة

-يا مشــمش يا تين شبيج عمي هاي تردين تضلين ضلي بكيفج بس لا تذبين بلاج علينا ترة البينه مكفينة

فررفح كلبي معقولة يدري بية اسسجل

من الرقم الغريب اللي رسل صور مشمش اجتني بصمة صوت بضحكة طويلة اتصلت رن مرتين والثالثة طلع الرقم غير داخل بالخدمة

شديصير دخيلك يا الله معقولة هاي كلهة علمود ينتقمون مني اذاا رحتلهم يگطعون من لحمي والله وووين ارووح ششسووي

اتصل رقم ثاني عبالي هم بس بجيت من سمعت صووته

مرتضى - ســــــــرى ســــــــرى ششسوويتي بيــة والله غلطت

ســــــــرى بصرخة حزن-ماااا غلططت مـــااااا غلطــت وولك مااا غلـــطت الســويتة صــح همـــزين افتكييت مني ومــن ششــري ابعــدووو عنـــي خلــوووني احيــر برووحــي ابعــد عني لا تخليييني اششيل همكم وتأنيب الضمير والنـــدم خلـــيني اعيــش خووفي خلــيني امووت

كان يقاطعني بتساؤل متوسل مقهور ـ ســــــــرى ششبيج... لحضة بس لحضة بس فهمييني ووين انتي وين ششوفي مااضل شي خمسطعش يووم وراجع والله اخرووني لان رقــية التهبت عيـــنهة والله دمهة كان راح يتســمم انطيني مجاال

ســــــــرى -مــااا ارريد خووش اكررهك اكره امك اكرره الدنــيا بكبرهاا لاا تتصل لوو تمووت لوو اگدي بالشووارع ماا ارجعلك ماا ارريدك ماا ارييـــد

بدون ما اسمعه حضرته وقفلت الموبايل
ششسووي ششنو هم انتضر الصار بخالو وبأمي يصير بمشمش

بس ششلوون ماا اگدر اررجع
أگول ل شهاب هو يحلهة
لا ســــــــرى لا شهاب مشــمش روحة من الدنيا يبيعج ويبيع مليون مثلج اذا صرتي خطر عليهة

رانـــيــا ماكو غير رانـــيــا تساعدني زوجهة ضابط يلزموه
ضحكت وتكلمت بصوت

:ههههههههه زوجهة بااع حضي رانـــيــا بينه وبين الجنون شعرة و ســــــــرى تريد تطلب من زوجهة
بجيت وحجيت وحدي
لعـــد شأسووي أروح للشرطة أگولة ل زوجهة

عزا هذا خاف يستغل ضعفي مثل ماا استــغلهة مـــا أگـــدر
اروح لمركز الشرطة؟
خاف يوصل الحــجي لشــاب ويطردني

ماا ضل احتمال ماا حطيته وووقت طويل واني افكر يمنى ويسرى

حــسيت نفســي وحيدة بهالكون حــسيت مالي احـــد ابد

ياا الله ششوف حاالي لوويــن اضــل محتــارة يااربي دليــني الطرريق الصحيح شــسووي

مسحت وجهي وركضت غســلت
كانت خالة ليـــــلى تناديني

دخلت عليهة لكيتهة زاحفة للبــاب

:عززاااا خالـــة هاي شدســوين

:ســــــــرى ويــنج يماما صار ساعة اصييح والله خفت صاايرلج شــي هبــطتي حيــلي

باوعت بوجهي مورمته من اللطم وجفوني حمر وشفايفي ترجف حيرة وقهر وحزن

تكلمت بخوف
:خية جمييلة... شبيييج ولج ششمالج احد محاجيج

نزلت دموعي الساجنتهم بالغصب من ذكرت اسم امي ورديت بضحكة

:لاا خاالة شبيج اسم الله لتشهكين هيج مو زين عليج

:تعااي يمي تعااي ششصاير

:خــالة ششسولف شگول

:ســــــــرى انا من گلتلج انتي مثل بنياتي انا ماجنت اسوولف انتي وحدة من بنياتي انا وراي گبر لا تورطيني بخطيتج سوولفيلي شصاير يــمة

:واذا گلتلج انـا صرت خطر علــى بناتج

:وانـا عندي ثلاث بنات وما اضحي بوحدة لجــل وحدة سســولفي ي يمة عليتي گلبي

:خالة باعي هسة هسة واحد دزلي صوور لمشمش يهددني بيهة والله  ..ءاااا أني اعررفهم عمـــامي ماكو غيــرهم هسسة ماا ددري شــسووي فدوة ســاعديني ووين ارروح خااف يصــير مثل بيت خــالو

جنت اتكلم واضرب وجهي بأدية واعيط احسس مثل حال الضايع بمتاهة ولگة اللي يســاعدة

تغيــرت الوانهة وابيضت شفايفهة صاارت تحجي ونبلــع ريقهة بصعوبة مددت ايدهة تحاول تخفي رعبتهة

:اسسكتي اسسم الله اسسكتي خاابريلي شــهاب ولج خــابري ررااحت بنييتي خــابري

احجي واتصل بشهاب

:بس فدوة خــالة لتخــلي يــرجعني حتى بوو انهززم
سبمتهة الموبايل وهي تعقج وجهة تحااول تبقى مرركزة

رد عليهة صااحت
:شهاااب شهااب ارركض جييبلي مشمش فدووة. رحتلك…  مااكوو مااصاير ششـي الحك شــهاب بنيتي رراحت
مااابية شششي ششهااب بنيييتي عووفني ييطبني المـــرض

سدته وگع من ايدهة رجعت تمددت خووفتني ياا الله شــسوويت اني لوو منهززمة وناهية  الســالفة

:خــالة فدووة لتخووفيني والله ارووح متششوفوني بعد بسس لا يصــيرلج شي

لززمت ايدي قووي عاجزة عن الكلام بعد فترة طلبت علاج اخذذته
اقل من عششر دقائق ودخلو شــهاب ومشمش
عدتني تركض ل خالــة شــهاب ضل برة يسأل

:شــكو عمي شصاير

ضليت اباوعلــة محتــارة شگول ،
:شء شــسمة خالة مريضة شء شو شوفهة عفييــة

تخطاني وراحلهة وكانت مشــمش حاضنتهة وهي عاصرتهة على گلبهة ويبچن

لاا والله مــا اصير بنت حــرام وناكرة جميــل واللوع گلبهة علــى بنيتهة مثل مـا تلوع مرتضى
اني تربية أمي جميلة تعبت علية وقوت احساسي وضميري مســتحيل افكر بأنانية مســتحيل اخلي مصلحتي فوك مصلحتهم ولا راحتــي على تعاستهم
اذا مالگو حل برجلية راح اروح للعذاب والموت

رحت شربت مي بــارد والباقي غسلت بي وجهي وبليت شعري وگعدت بالمطبخ اخــذ شهيق اتنفس بعمق اريد الاوكسجين يووصل خلايا دماغي بعد كمية شد الاعصاب اللي مريت بيهة خلال هالساعات

وكفت على حيــلي وگلبي صار ثگيل علية بسماع صوت شهاب ينادي بصوت عالي
مرتين بالثالثة رحتلة

شهاب: ووينج بوية مو اصيح علــيج
:هاا عمو
:گعــدي ســولفيلي شصــاير
ضليت مدنگة بخجل واتكلم بكلشي رغم ماعندي ذنب بس كنت خجلانة احس نفسي زدت همهم

ليـــــلى :شهاب ســــــــرى تخصني لوو صاارلهة شي تشوف مني الماشفتة من طشرت بيــتي

شهاب :ماا طشــرت احــد اناا مالي غرض لا تلبسيني تهاايــم لاا تدورين اهذار حتى تغفروون عمايلكم البت انا راح اســاعدهة لنهة يتيمة وبرگبتي
ولن اهلهة مغسوول حضهم ونقضو كلمتهم وگربوو صووبي

مشــمش عمي انتي لا تطلعين هلايام ووحدج لوو ما كدرت اجيج ضلي لاا ترحين

:لا ماا اروح بعد

ضل يتحسر وصافــن وتعابير وجهة تتبدل بين الغضب والتوعد فترة نص ساعة كلنا گاعدين وســاكتين بس مشــمش تهدي بخالة واني خالة لازمة بأيدي تطمني

واخيرا نطق

:ارريدج ترحين لقيصر مهران 

___________________________

مشــمش

فزت ســــــــرى مرعوبة من هلاسم ومـاما واني بوعنة ل شهاب بأستغراب

:قيصر مهران هوو يصفييهة مالج غررض

ســــــــرى :لاا عمو دخيلك شدتحجي
:خليني اكمل كلامي ، هذا الزلمة موو مجرم هذا ضـابط تحقيق راح اروح ويــاج انــا اطلبة بوحدة ثگيلة
نروح لعدنان ويخلي يتولاهم مالج غرض

:لا عمو فدوة هذا واحد مايخاف الله شــلون تورطني وياه

:خايبة جاا انا اخليج بس علي ،  انــا عدنان اعرفة جــان  صــاحبي وعدنان رفيجة بس عدنان سختجي مايفيدج هذاا يحووسهم حوس بس عووفن الفهاوة والتخفي وخليني مطلع على الصغيرة والچبيرة حتى تضيعين خووش
وكومي انطيني تلفوناتج خن العب بيهم شوية على فراغي

:ماا ادري عموو يعني راح ترجعني

:اصــبريلي انتي متوكدة سسمعتي صووت ابوج
:اي عمو والله صووتة گال اششردي لا تجين وهو غلقة بوجهي عمو حميد ومن سألتته عن مشمش ضحك وسوة روحة بريء

:اصــبريلي هسسة عندي شــغل لفوك راسي سحلتني من گعدة صــار سنين متانيه
وگف وصاح
يعثرج الله يمشمش چــانت المرة ســاترة علية بالي مرتاح ترووح وتتعارك وياهة

حضنت مـاما اختل بيهة ورديت وراسي بحضنهة

:لاا والله أنــي شــعلية غــير هي تسب وتغلط علينة

:عوود لابدة يم أمج حسبــالج ماا اجييج

طلعت. عيني من حضنهة وماما لامتني مبتسمة
:والله ولا تجيني ندور عليك ونضربك بعد انت شايب ما بيك حيل

تقرب مسرع يضحك
:ششوو اططينيااهاا اططينيااهاا اريد اراويهة الششايب شلون يجسر ضلووعهة

صاحت ماما
:شهاب عووف البت ماابية اصييح راح حيلي عووف الفرخة

غبگني على راسي واخذ البشت بأيدة  يضحك

:مسواگجن كامل وللدوام امري ل الله اعوف شغلي وازتج وان ما جيت مثل ماوصيتج مااتطلعين

طلع من البيت واحنا شوية ارتخينا بس ســــــــرى صافنة وتفكر

مشــمش :شبيج ترة بشر مو بعبع هو صح بگد الحايط عزا ســــــــرى انووب ايدة هالگدهة يحمسج راشدي يومين ماتگومين

اني اسولف اضحك وفجأة تذكرت ان هو هذا المسؤول عن تعذيب رانيا وفعلا تلقت منه ضربات 
راحت الضحكة وتبدلت بملامح حزن ودمعة وســرى كذلك

بقينا وي شهاب يومين علاتصال بس يطمأن علينه وبكل مرة يسب شلون تعاركت وية بيبي اللي رافضة. ترجع لبغــداد
اني ما انكر مشتاقتلهة واريدهة ترجع بس مليت واني اشوف معاملته لماما دائما تخجلهة لو حتى بصغائر الكلمات

اندگت الباب ركضت عبالي شهاب مو بس مشتاقتلة هم شهاب عندة خوش سالفة. مايجي فارغ دائما بأيدة شي يفرحني

فتحتة بس الصدمة كانت

:عزززاااا اشجاابك
:ههههههه هيج تستقبلو الضيوف

:لعد شلون

استفانوس: اشلونكي يول ويصب اخوكي  ليش مايرد عليني
صافنة علي ..استغفر الله هذا من زمان حلو لو اني صايرة خفيفة

:ءااااا شسمة باوع فانوس
ضحك وضحكتة رنت گلبي الله يرنك بجاه النبي
:فانوس يفلش غاسكي يولوو

:بس افهمك اني البغدادية وازغلط بيهة بالمصلاوي ولا طقة احسك تحجي كردي

:هههههههههه ولا طقة قلتيلي
:اي والله قلتلك
:زياد وينو
عدلت وكفتي ورديت
:زياد بالسجن مافتهمت الموضوع لحد هسة بس هو مضلوم والله

وسع عيونه مصدوم ورد بلهفة
:ناديلي رانـــيــا او امكي عموو عماد بسـغعة يولو

والله من عدد عائلتي
وانتبهت ان احنا صار مستحيل نلتم حطيت ايدي على بطتني لان صار بية لوية
بجيت ورديت علي

:بابا مات ورانيا تزوجت وماما مشلولة جوا ماتگدر تكوم
:اشنوو هالحكي اش تحكي يولو ويصب  رانيا ناديهااا
:والله تزوجت والله تزوجت واحد ضابط
:عتمزحي انتي يولو لاتصيغي متل العجي وردي عليا مشــمش

:ما امزح والله هذا اللي صــار ويلا روح ليشوفك عمو ويطشر راسي بــاي

:لحضة يولو بس خبغيني تهمة زيــاد
:مخدرات

تكلم بهمس وهو يحك راسه
:دريــد العاغ ما غيرو  النذل السسافل

عفته واكف بصدمته وقفلت الباب

بالليل اجــا شــهاب وصار مر على لقائي برانيا تقريبا عشر ايام

رحت بأمر منه اطلب من جارتنا ام زينب تبقى يم ماما هالحچي كل ساعة يرزلني شـلون تعاركت ويه بيبي وازعل ويراضيني وينسى روحه ويرجع يكفخني لو يرزلني لحــد ماصحت
:يبووووووو عمـــوو مووتتني
شمر عليــة المسبحة وتعمد يخطيني بس والله خفت

اجت ام زينب وكانت فرحانة لان مشتاقة ل ماما وابنهة ميخليهة تجي وهسة يلا وافق لان شهاب طالب منه مسبقا

طبعا ماكان موافق ياخذني بس مشــمش وقررت لا شهاب ولا عشيرتة توكف بوجهي و ســــــــرى بعد كانت خايفة الحت اكون وياها

طلعنا بسيارة شهاب وطول الطريق يحرگ بدمي ويضحك عليه واذا رديت يتعصب

وصلنا يم بيت تحولت ملامحة للجدية ممزوجة بشيء من الغضب  بالكامل وعينه على الباب

يكتسي الزي العربي ورائحة العطر الفواح  جماله كان مغطي على كبر سنه اباوعله مبتسمة ضرب طرف خشمي بطرف سبحته وضحك

:كشخة عمج هـااا؟
:اي والنبي عمــو تجنن  
تكلمت سرى بخوف وهي ترتب بطرف شالهة .. واني عود هماتين لابسة شال
: عمو عفية  ترى دمي نشف

شهاب :انشاء الله خير
وهو يتصل طلع رجال من البيت لابس دشداشة بيضاء ومبتسم وجهة ابيض  عزززااا هذا اتذكرتة شفته بالمركزز

عدنان: هلااا هلاا بأبو غايب هلا بابو الشهاايب

:بالمهلي ابو حسام
تسالمو وتباوسو وكانو ضخام الجسد اني وســرى واكفين عبالك سبايا وراهم

اشو هذا الرجال باوعلي ثواني تنهــد ودخلونة للأســتقبال    ضلو يسولفون بالشغل وما اعرف شنو بعدين الرجال وكف ابــاب الصالة وصــاح

:حســــام كهووة يمعوود
شــهاب: يمعوود يا گهووة دحل ســالفتي هــسة

:محلوولة أن شــاء اللّه
صارت ســــــــرى تحجي للرجال وعمو يســاعدهة لان جانت حيل مرتبكة وخايفة

شوية ودخل عزززااا هذا شجابة هناا يمــة رجف كلبي بخوف واباوع لشــهاب دخيلك يا الله والله اذا عرف يذبحني
كان لازم صينية بيهة فناجيل وترمز على شكل دلة ويمهة ماعون تحلية
لازمهة بين ايديه وايده اليسرى كان بيهة جكارة  من صارت عيني بعينه برزة اسنانه بصوت ضحكة خفيفة

حط الصينية على الطاولة وسلم على شهاب كنت گاعدة يم ســــــــرى شهاب من شاف الواني تغيرت حس بخوفي
ناداني وأشر يمة من گعدت گال
:شبيج بابا
:عمو احنا وين
:اششش لا تخافين انــا يمج

صارت گعدتة مقابل اللي
ما انتبهت لكلامهم هالگد ما متوترة وهو كلما ارفع ارفع راسي اشوفه يضحك رغم مــاكو شي يضحك بس يضحك مايباوعلي واذا صارت عيني علي مباشرة يدير عينه

انتهى  الكلام من عدنان نهض كال اصبر ابدل ونمــر على قيــصر هو يحلهة انــا مبتلي بسالفة اكبر واتأخر عليك

ضل حســام گاعد وهو وشهاب واضح واحد ماطايق الثاني شهاب كان يبسمره بالكلام
ضباط اخرر وكت وبالواسطات
وحسام مسستفزز يضحك بقوة ويرد لعد ضباط اول وكت ماحموك من الايرانين

وهذا يكلة انت مافتت الحرب الدخلتهة ويرد حسام
:موو حررنالك نص العراق من الدواعش بيش طالبني وانوب انت شكد كاسر خاطري وانت واثق من نفسك يجيلك يوم لاتخاف

:شكالولك عني معتدي على طفلة وعندي قضية تسترر على قاتل انتم اللي لازم تخافون

جانت حرب باااردة بينهم

همست ســــــــرى :شبيج مشــمش
:ماكوو شي هذا وين رايح من اتجهز العرس ما اخذ هالگد وقت ششنو السالفة

:اي والنبي انوب ذول واحد راح يملخ الخ…  هذا عمج شبي صدك يحجي ترة احنا ابيتهم شنو ماخذ ماخوة

واخيرا اجاا

همست لسرى: كلللوش اجت العروس

ضحك حسام بصووت كلش عالي وشهاب اللي كان كلش قريب سمعني ودار وجهة علية ببطئ انطاني ذيج النضرة المخيفة ونهض

أني ملامحي صارت ما تتفسر من الخوف والفشلة
تكلم حسام
:شنوو الســالفة لو عرووس ماا تطول هيج حجي
عدنان: يلا ابو الشهايب لا اضرب الملازم گدامك واطير  تلت ارباع هيبته

طلعو يضحكون  بالباب من طلعو همس يمي حسام
:عييدوهــا يابة نوورتوناا

التفتت علي رفع حواجبة ونزلهم واني طلعت اركض بلما اربط قيطان حذائي حتى

تعثرت واني اصعد التفتو علية عدنان و ســــــــرى  وعمو شهاب صاح

:الله الله ششمالج بووية
:عمووو تعورت
:ياايابة ياابوية مو گتلج انثثبري وشبالبييت  سكت شوية باوعلي من المراية شافني مدمعة
رد حجة بصوت حنون
هااه بيج شي اجيج

:لا عمو ماكو شي
عدنان بضحكة : هااي اجتلك هدية بوكت الشيب
:بنياتي ذني عدنان اليوجعهن وجع گلبي بس غدرني الوكت

تحركت السيارة وسرى تسأل خايفة
:بيج شي تعورتي هواي
:لاا مابية شي
:بلكي نشوف رانيا
هزيت راسي اي

وصلنا وبيتهم ماكان كلش بعيد عن بيت قيصر
عدنان اتصل وماقبل ننزل لحد ما قيصر فتح الباب وكان قــيــصر من نزل يتلفت يمين ويسار
بداخل البيت يلا سلم عليهم
دخلنا للأستقبال من بابهة الخارجي بعد ما گعدو سأل عمو

شهاب :وينه رانـــيــا اريد اسلم عليهة.
قيـــصر :عوفهة بحالهة نايمة
:گللهة اخياتهة هنا تگعد

:اكلك لا تشلع گلبي ترة روحي طالعة ومحمد سولف شعندك وتوكل

طلبته بخوف وبتردد
: عمو عفية بس شوفهة
تنهد ورد :والله هسة نامت خليها غير مرة

عدنان :اگلك انت ليش ماتعزلهة بشقة بيت لحد ما تنتهي السالفة

:شبيك ابو حسام هو اني مأمن على روحي ابيتي يلا اعزلهة… حااجي هذا يااخذهة يمه

:احجي عدل جناب الرائد هذا ابو غايب شيخ شهاب .. لا تشخبط بالحجي…  البت تضل هنا لان زواجهة لازم يتشهر

ضحك قــيــصر بشكل مخيف ورد : ترا انا اعرف البراسك اكثر منك شهاب هههههه

عدنان: لا تحرفون السالفة هسسة حلي سالفة هاي البنية ابوهة متهم بجريمة قتل غير متعمد ومختفي صار شهور وهسة تگول سمعت صوته هنااك و و و و
خرط السالفة كلهة

سمعنا صوت ضربة قوية
وگفت على حيلي وهو أشــرلي أگعد وتنهد وطلع

شهاب أشــرلي بعيونة اطلع وراه
وصلت للباب دا اطلع وفززني عدنان
:ووين بابا
رديت واني مدمعة من الخوف: عموو عفية 

دار وجهة واني طلعت امشي ابطئ خايفة
امشي مثل الحرامية اني اعرف مكان غرفتهة واني امشي
كمزني صوت وراي
:بشششت

هي التفاته فازة هو كف على وجهة ..انوب ضربتة ولزمت خدي
عفته موسع عيونه ورحت واني امشي للوراء
هو تكلم بهمس
:شسوويتي لج
:ل ل لااا لعد غير فززتتني
:ليش هيج تمشين جنج حرامي
:اني اخت رانـــيــا وين غرفتهة ترا ششسمة عموو هناا والله اذا ضربتني الم الدنيا عليك

كان ينضرلي وهو رافع حواجبه ومبتسم بأستهزاء  تمشا تاركني يصعد الدرج  وهو يتكلم
:غرفتهة بالصالة الثانية ايدج اليسار
وكفت اباب الصالة اباوع ل ادية هي وينهة اليسار
ديلا همزين اعرف مكان غرفتهة
الباب مفتوح

رانـــيــا كانت گاعدة بلارض بصف السرير شعرهة مكفش وتبجي
و قــيــصر مقابلهة مكرفص

: شنو يوجعج هسة بس حدديلي شنو اليوجعج خل افهم

:كلششي يووجعني منك ماا اريد ابقــا هناا اششمرني ابابهم وغصبا علي يااخذني ،ملييت يعيبوون عليه. كلهم امك تكول مخبلة تسسولف وي رووحهة اني شووكت سوولفت وي رووحي هاا شووكت

رفع  فرك بلعومة وهي صرخت عبالهة يضربهة
:لاا تخافين مني ماا أذييج والله 
: انت حلفتلي ماا تدخل لغرفتي
:شلوون ماا ادخل يعني تسدين الباب عشر ساعات وماا ادخل شلوون

:شكد بعد وترجعني
:بعد هوواي علما عمج الگ…..  يسوي اللي يفكر بي والزمة الووي اذانة

جنت اباوع وابجي على منضرهة وجهة كلة خراميش وشعرهة مكفش

التفتت على الباب شافتني ودارت وجهة…  تباوع وتدور عينهة

:سيدي والله مدا اتخيل اني صدك اششوفهم

شهكت هو التفت علية 
وهي صرخت تبجي
:ششفت اني موو مخبلة ششفتهااا والله داا اشووفهم والله

قــيــصر : موو گلت لاا تجين
:عمو بس اسسلم عليهة

گامت على حيلهة واني ركضتلهة حضنتهة
:ماا اتخيل اني ماا اتخيل داا اشووف كلشي حقيقة هياتج انتي هناا
وخرتني من حضنهة تباوع لوجهي وتضحك
وقيصر گاعد بلارض وضهرة ساندة على الكنتور

ثواني ودخلت ســــــــرى كام على حيله رانيا فزت لزمت ســــــــرى باوع بالمراية مسح شواربة وطلع

ســــــــرى :ششبيج عمرري ليش تبجين ليش

رانـــيــا :اخذووني وياكم فدوة نصرة ورسن موجودين هنا داا اشووفهم داا اشووفهم كلهم يگلوولي مخبلة امة تسميني مخبلة رااح امووت طلعووني منــا

_________________________

رانيـــــا

فرحتي بيهم كانت مكسورة ، ما ادري هم حقيقة لو اتخيل

مسحت ســــــــرى على شعري وجروحي ودگمة تراكي الفوك جنت كاطعتهة بسبب معركتي وي نفسي وخيالي

سرى :منو وياج رانـــيــا احد ضربج

هزيت رأسي بالرفض ودموعي تتسابق على وجهي
:لا محد ضربني اني ضربت وجهي امه  ميساء شعوطت گلبي
امس اجت مرت عبدالله اخوو دخلت هنا للغرفهة بحذائهة لج هي المخبلة تكشخ و تفتر بكعبهة بالبيت منا الحد متطلع هي لابسة الكعب ومحد يحجي وياهة ودخلت هنااا بحذائهة

مشــمش :عزا يعني شنو متلبس  تلبس كعب
:لا بس من تريد تروح للدوام بالبيت لا بس قبل لا تروح تفتر وصوت الكعب احسة يمرد راسي ودخلت للغرفة ومرت عبد الله گاعدة طلعته من يمي تگوللهة طلعي هااي مخبلة تحجي وي نفسهة
لج مووتتني

حضنتني ريحتهة نضيفة مدري اني احبهة

ســــــــرى :والله تروحلج فدوة هي وهذا ابنهة عززا هذا شيوكلونه وهيج صار

:ههههه كلة لحم تطبخلهم مرة وتنضف مرة وهم بس يفترون ويجون ياكلون

مشــمش :الله يعني خدم لو شنو
ســــــــرى :طبعا لعد يموتون من الجوع ..لعد اذا كلة لحم أنــتِ شبيج حتنكسرين

:اييع لعد اكل منهم لج هو اني خل اشتهي اباوع بشكلهم يلا اكل منهم كاضيتهة بيض وجبن مرات اطبخ لنفسي

مشــمش :اكلج هذا اكو ولد شاب من دخلت كمزني منو هذا
رديت عليهة بلهفة اتأكد من شكوكي
:مشمش يشبه زياد موو الله عليج غير يشبهة
:لا وين زيود يخبل بس بطولة

بجيت ورديت عليهم واني مدنگة
:راح امووت على شووفتة رااح امووت على ريــحتة گلبي وواجعني حيل احس ماا اگدر اعيش بعد احس رووحي معلگة ووين راح عني وهذا الخبيث كليوم يأجلها كليوم يگولي باجر

ســــــــرى بدموع :گومي گومي غسلي وبدلي وتعالي امشطلج وخل نسوي اكل طيب نضيف  من اللحم مالتهم ما اگدر اشوفج هيج

:ســــــــرى شصاير ليش انتو هناا
:خل ناكل واسولفلج جوعانة هسة

ابتسمت ادري بيهة تجاريني گمت غسلت غرفتي مابيهة حمام لازم اروح للحمام اللي بالصالة الكبيرة يلا اغسل
رحت غسلت وجهي وادية واخذت لبس ثاني بدلت وطلعت وسمعت العيطة گبت بالاستقبال

قــيــصر :ششهاااب لااا تمرررني هاااذ العنددي تمششي بهاي الخطة اهلا وسسسهلا ما عاجبك شووف غيييري

شــهاب :وللك لاا تسسسودني ترريدني اششمر بنيتي بددية بيد هالمايخافوون الله

:شنوو الجديد گبلها شمرت اختهاا…  وهالباليني بيهة بلوووة انت السبب ششكد ماتريد انكر بس ادري بيك  السبب وراح يجي. يوومك

:يجي يوومك يجي يووومك ذذبحتوونا عاااد اعلى مابخيلك اركبة عدنااان انااا شگلتلك

عدنان: اني اشوف خطته ناجحة وهي راح تكون مراقبة مراح نضيعهة

قــيــصر :انا مو خبل واضحي بيهة بس هاي الطريقة الوحيدة حتى نلزمهم ندخلهم تحقيق ولو ما اعترفو البت ترجع لعمامهة وتضل على تواصل بينه الكدرت تعرف وين ابوهة اهلا وسهلا ما كدرت نرد نسحبهة

شــهاب :انت متأكد مهدي طالع

:موو كدامك خاابرت لوو هم جذذاب مهدي طالع لعدم كفاية الادلة والاعتراف تحت التحقيق بس هاي سالفة رشوة مبينه ذيج هيية عوود مطلعينه بكفاالة

:البت تخااف شلون. نرردهة

:ترجع اذا ماحصلنا اعتراف وماعرفنا مكان علي وماعليك يمي اناا اخليهة ترجع

كعدت بلارض وعقلي صصاار بيه اررتجاج ماا اعرف ولات اكدر ارتب السسمعتة كل الافهمة ان اكوو مصيبة جديدة جااي تترتب

حسيت احد اقترب مني التفتت
:زيــاد

:شكيتيني بزيــاد اسسمي أسسامة يمعوودة ..شعندج هنااا گوومي خليناا هادين لا تردين تســوين مشكلة ترة  مســطورين
:أســامة هذ هذول ماادري مادري هسسة اني شــسوي
:شبيج ششكوو

قــيــصر :ششكتلك ششكلت انييي ششكلت موو گلت ماا اششوفك يمهة

هجم علي دفرة وهو گاعد وگع للوراء اني صررخت

گام اسامة هجم علي تلازمو بس اسامة مايگدرلة اصغر واضعف منه بس مايستسلم ولا يستحمله كلشي بي يحسسني كأنه اخوي

گمت على حيلي  بباقي قوتي اصرخ وادفع بقيصر منه بلحضة قوة بلحضة غضب تطلعني من مرضي ومن وسواسي ذكريات زياد تحيي قوتي وتقتلهاا

بقوة ضئيلة اسسحب بأيده منه على اصواتنة دخلو عدنان وششهاب

قبل لا يوصــل شــهاب تفاديا لمضايقاتي بقمة غضبه قــيــصر دفعني بكف ايدة

المنطقة كانت اعلى الصدر والضربة من قوتها انضربت بلارض ضايق علية النفس

ركض علية شهاب بصيحة قوية

:رانـــيــااااااا

هو عاف اخووه بدفعة واقترب مني بســرعة

قــيــصر :هاااه هاااا ولج
ششهاب شمر العقال والغترة وطگ ازاز الثوب  البنات يمي بسس احسس اصوات الكل بعيدة سسرى تنطيني مي ومشمش تبجي بصوت عالي وتفرك بوجهي الصالة تكسسرت بعركة شهاب وقيصر

وأسسامة واكف على الدرج يتفرج بغضب ماتدخل ولا دافع عن اخوه ششصاير شنوو هذا البيت شنو عدهم اسسرار

حطيت راسي بحضن ســــــــرى وغفيت ما ادري فقدت المهم ارتاحيــت بعد أرق مشتمر لثلاثة ايام اناا انام خمس دقائق وافــز خايفة صار فترة طويلة ومازال وجوده يأرقني ويعذبني

نمت بحضنهة
گعدت الاضواء مشتعلة  والباب مغلق واني وحدي
ووينــهم بس لا رااحو عززاا ســرى رراح يودوونهة لعمامهة
گمت على حيــلي بسسرعة فتحت الباب صار بوجهي قيصــر  گدامه حااسبة وأوراق والدخان مالي الصــالة ويمه گلاص مد ايده بخفة شرب اللي بيه رشفة واحدة وحطة تحت الطاولة

ينضرلي نضرة صياد غاضب 

بلعت ريقي وطلعت امشي بصف الحايط
توقفت وباوعتلة بضعف
:س سيدي

:نعــم

:وينهم اهلي ويــنهم
:ابيتهم
:لعد ماا اخذووني
:تعبت شوكت تغيرين هذا السيناريو رانـــيــا

:شنو كنتو تحجون انتو س ســــــــرى وين راح تودونهة وشهاب شنو كان يحجي احسس اختي راح تلحگ زيــاد

:شنو رأيج تحجيلي شنو كنتو تحجون انتي وأســامة
:بسس گالي شبيج وماكو شي لويش ضربته انت خطية ضعيف
حجيته وبجيت

:اششتعلو أهلج يااا بنت… ... لج رانـــيــا هذا واحــد خبيث افهمي لخاطر ديينج هذا موو اخووج لاا تتدنيلنه ولا اششوفج قريبة منة لا تخليني ابتلي بيج فد مرة واخلص
انووب تعاركيني علموودة….  وخري مني رانـــيــا دمي فاير لا تخليني اسوي شي اندم علي

لا اخذت منه لا حق ولا باطل… درت وجهي ارجع للغرفة صارت الساعة. مقابيلي كانت الساعة ٣:٢٣
حييل شگد ناايمة

:روحي سويلج شي واكلي
:ماا اشتهي
:لاا ترراددين ررووحي اكلي واخذي علاجج بسرعة
كمزت وحطيت ايدي على گلبي من قوة الصوت

طلعت امه متعصبة
:ترا موو حاالة هاااي دنرريد انااام اني باجر عندي دووام عندي عملياات حيواة الناس بأيدي وبعدين ووياك ترة موو وحدك سساكن بالبيت
من دخلت هالمخبلة للبيت مااا عرفنا الراااحة

:اسف يووم رجعي نامي
:اصصعد للطابق الثاني هنااك غرفتك ششعنك هناية

ضرب الطاولة اصدر صووت جدا عالي وصرخ بيهة
:اااااسسسسسف يوووم
:يوووووه
دخلت لغرفته
اني متصنمة اباوعلة بخوف وصدمة

باوعلي ونزل رأسه للأوراق تكلم بغضب مبطن بالهدوء المصطنع
:رروحي اكلي خلصيني
رحت سبحت احس ملابسي بيه من ريحته مدري اتخيل شككوني بنفسي

طلعت قشرت بتيتة صغيرة قليتها وسويتهة لفه
خلصت بقيت فترة مادة ايدي على الطاولة وحاطة راسي على زندي

قــيــصر : رانـــيــا

:بسم الله الرحمن الرحيم 

:اسسمعيني الصار خطة حتى ســــــــرى ترتاح اني ما اريد أذيكم مثل ما تتخيلين ولا تعمدت اذيج والله مليت واني اشرحلج كافي تفزين من صوتي

:مشــمش و ســــــــرى شراح تسوون بيهم
:والله ماكو شي لا تخافين عليهم السالفة بيد شــهاب يخاف على اخــتج اكثر من روحة

:شهاب وعدني يطلع زياد ولهسة ماكو خبر عنه اني ما اثق بيكم بس اثق برب العالمين هو اللي راح يحميهم منكم ومن كل شــر

دنك فرك جبهتة وتألم

:اااخخخخ… شفتي وجهي متفلش حتى ماكلفتي نفسج تگولين شبيك

باوعتلة ابرود بداخلي الف نوع من الشماتة حجيت بداخلي…..  والله لو مو ضرب لو اشووفك سابح بدمك مقطع بكفن مايبرد گلبي بيك

ابتسم ونزل عينة مني
:بــاجر راح اجيب اطفالي من امهم
انتضرني ارد ومارديت استرسل كلامه

:قمر طيبة  بس لسانه طويل تجاهليهة… . هناء راح تهتم بيهم بالنهار وبالليل اني
هالفترة راح اكون مشغول اللي اريدة منج بس تهتمين بنفسج وتتجاهلين امي تمام

كان واكف بعيد عني قريب ع الباب راد يطلع
استوقفته بكلامي

:سيدي
طلع جكارة ورثه ورد
:رانـــيــا احنا بالبيت صيحيلي بأسمي قــيــصر

اتذكرت من گلت لعدنان عمو شلوون  دفرني  وشلون مزق داخل فمي بأسناني
بچيت بصوت عالي شفت نضراته صارت مليانة شفقة نزلت عيني منه حطيت ادية على وجهي وزاد نحيبي

:بسس اسألك دريد دريد همات عذبته مثلنة لوو خفت من ابووو ددريد تتذكره ابن ال (……… .)

:البيج مكفيج رانـــيــا لوو اسولفلج شسووينا بي تكرهيني بالززايد دريد استلمتة اني اول شي وبعدين رائد ورائد ماايرحم احد
وهسة بسبب دريد رائد عايش برعب واني اكاابر والله حاير شلون احمي عائلتي موو روحي طز بروحي
انــا موو مجرم ولاا زاني اني غلطت بدون وعي جريمتي بس وياج جريمة ما الهة تبرير ولا يسدهة عذر

مسحت وجهي بقوة ورفعتلة عيني بنضرة قوة
:شسوويتوله مثل زياد يعني احجي
:ماا احجيلج كلشي بس عدنا اربع اسنان لدريد واربع اصابع مكسورة والباقي مااينذكر
وماامتشفيي كلبي منه راح اصيدة صيدة مايطلع منهة

گمت من مكاااني اريد اروح هو قبل ما اوصلة تحرك بسرعة صعد فوگ

رحت للغرفة لگيت  خمس حبايات على منديل ورقي ويمهم بطل ماء

اخذت اللي اعرفهم واللي ما اعرفهم لفيتهم جوة راسسي
تمددت غفييت

قوست حواجبي ورجفت شفايفي بخوف واني اشم ريحتهة واسسمع صوته بوضوح

نصرة: رانـــيــا أگعدي أگعدي نتوونسس باعي منوو ويياي

ماا فتحت عييني حسيت الشعر يتبعد عن وجهي واصاابع خشنه تلمس

صرت ارجف وصوت طرق اسناني ببعضها احتل هدوء الغرفة

رفعت ايدي ل أذني وضليت اقرأ اية الكرسي اخطأ واعيد واخطأ واعيد اقرأ وابجي

:ياااربي ياااربي ماا ارريد اصررخ ياااربي وخررهم منيي اني موو مخبلة رراح يررحوون هذوولة موو حقيقة

مع صووت انطفاء الضوء صرخت بكل قوووتي صرخات يقطعها صووت الششهيق صصررخات تطلع من الرووح مو من الفم صصرخات اسستغاثة بدون ذكر اسسسم

أنفتح الباب بقـــوة  وصصار ضوء قووي بعييني

:زززيييااااد ززززييييااااد تعااال فددووووة شششوووفهم لااا يرحوون ششووفهم

اقترب مني ضوء الموبايل والشخص اللذي لا ينفك عقلي يرسمه لي زياد

نهضت اريد احضنه بس هوو حط الموبايل والانارة لما صارت بالسقف لوونت الغرررفة

قبل لا اقترب منه لززم كفووف اددية

:اششششش اششش محد هناااا ماكو شششي ولج اششش شهرتينا الله ياااخذك كون يا قيصر الص……..

دخلت امه اللي من الله صرت اكره حتى وجهة
ميساء: لاااا هاي السسالفة متصرررف  لااازم يلگي حـــل

عاافتنا وطلعت تمشي منزعجة

:زززيااااااد ززززيااااد

:خررا بيج وبزززياد ولج محدد هناااا اشششش

:ضلمة ضلمة 
:ررااح يشعلوون الموولدة اششش اسسسُكتي
:هنااا چاانو والله هناا لويش متصدكوون والله هنااا لمسسوو وجهي

ادخل قيصر يررركض سسحبة مني بقوووة دفعة لبرا الغرفة ششوفة قيصر كان تكملة لكاابوسي
گعدت بلارض الطم وامششع بششعري واخممش بووجهي كلما حااول يقترب اكثر اززيد بالصراخ الى ان قيدني حاضني
وهاي كانت نهاية الصبر اسستفرغت علي وعلى وملابسه

اششتعلت الكهرباء
گوومني مررغمة للحمااام
فتح الدوش وحطني جووة المي وطلع

بقيت جوة المي افرك بجسمي واني بملابسي ورغوة الشامبو مغطيتني اني وملابسي

اسسمع صراخ امه صراخ مزعج اشبه بصوت العنز
اييااام اييام امر من العلقم
سااعات بطيئة
كلااام مسسموم
شوفتة ترجع علية ايام كنت اضن رراح اتخطاها
ررجعت للصفر ااني اجاهد بسس حتى ما اكون مجنونة بالكااامل
بعد مدة قصيرة طلعت كلي مي لان خفت ابقى اكثر
دخلت للغرفة

تفاجأت من شفته
لگيته منضف الارض وديرش معقم على المكان وبالجو ومغير ملابسة

:ليييش طلعتي كلج مي ناااقصني تصخنييين بعد ليييش هيييج ليييش

:عفية اطلع ارريد ابدل
:لييش ما ماخذة علاجج

:اخذته
:هذااا رانيا هذاااا ليش ما ماخذته
:لان هذاا يمرضني انت ششنو تريد تخبلني حتا يكولون علية كذابة ومخبلة

:لللج حبووب هلوووسة هذااا ييمنع عننج الذذهان
:اني مداا اهلووس هم كااانو هناا ليش هيج دتسسوي لاا تكول عني هيييج والله عييب

:اسمععي مني بس اخلص الشغل اللي عندي نراجع طبيب هسسسة اخذي هالحبوب ترتاحين عليهم والله مابيهم شي لا تخافين مهدئات لا اكثر

:لا عفية ماا اريد اني مو مخبلة

تحسر وطلع

:غيري ونامي
:والكهرباء

:متطفا واصلا طلع الضوة ماكو ضلمة بعد
طلع من يمي  وسد الباب علية
ايااام طوويلة ااني حسسرة علية اغفى

گعدت على صوت الاطفال بعد مدة قصيرة من غفووتي
طلعت وكانت بنتة گاعدة عاقدة حواجبهة وتدردم على هناء
:ياربي ماا اررريد اهناااية دزووني لماااما والله اخبصكم خبص

:عيب حبيبتي لايجي بابا ويضربج
:ميضربني يحبني أگولج هو صدك راح يجيبلي سرسووحة لو ديكذب
:يااا لج قمر اكو وحدة هيج تكول عن ابوهة

شافتني كامت ختلت ورا هناء اللي ملامحة صار بيهم لمحة خوف

:هناء هاي مخبلة طرديها عفية
:اههه لا عيب حبيبتي هاي رناوي وردة
مؤمل: اتي مخبلة

باوعتلة بقهر وهزيت رأسي لا
يمهم طفلة گاعدة طفلة تجنن جمال الدنيا كلة بوجهة  اقتربت اباوعلهة

قهرتني فزة قمر منهزمة بقووة وكان فزعهة موو تمثيل كانت الفزة حقيقية

رجعت بسسرعة للغرفة سسديت الباب ورحت للمراية

ششعري صاير خفيف وما امششط والهالات حول عيني وملابسي العريضة وعقليتي
كلشي يوحي اني تخبلت

گعدت بصف الحايط اضرب راسي بالحايط بخفة ودموعي تنزل مالگيت اللي يواسيني غير نفسي وتخليت عني بذيج اللحضة من ضحكت على رووحي

ضحكات بدموع واني احجي :مخبلة رانيا انتي مخبلة

كثرت جيات حسام وعدنان لبيتنا يجون بلاستقبال
اسسمع حسسام يصيح وما اعرف شنو الموضوع
وعدنان كان يحااول يهديه
طلع قيصر لگاني اباب الصالة اتسسمعلهم

اجااني يركض اني بس شفته انهزمت
دخلت للغرفة قبل لااا اسدهة للباب لززمهة بأيدة ودخل
وسدهة  وكف گبالي عيني بعينه صاافنة اتذكرت كلام ســــــــرى هذا شياكل وهيج صار

دنگ يباوع بوجهي
:موو عيب تتصنتين زلم ومصكطين نفشر نصيح نغلط موو عيب تتسمعين

رجف حنكي ورديت بقهر
:هالكلام كولة لوحدة غييري اني مااضل شي نگس ماا وصخت اذذني بي لوو نسيت

:ما نسيت بس لا تعيدينهة ماايصير خليني محترمج

بقمة توتري هزيت راسي اي اريدة يبعد مني قبل لا اسوي شي اندم علي لان لف شيطان يوزع افكار بعقلي

تكلم بصوت تشبه للهمس
:شاماتج
:ششنو
:شاماتج هم حاسبتهم كم وحدة

احتل الغضب ملامحي واني اتذكر هالسؤال شلون سأله بذيج الليلة

نزلت دمعتي ووجهي تغيرت الوانه من الغضب
:وو ووو وخر مني

:ابقي هنا لا تطلعين

:شوكت ترجع تلفوني
:قريبا صبرر صببررر علية كلشي نريدي راح يصير

طلع من يمي همزين نقذت وجهك المصيبة اللي كنت راح اطشرهة بي

يوم هادء غير عن باقي الايام أسامة وابتساماته المريبة مسافر  وامة هادئة بس متخلي الاطفال يقتربون مني ابد واذا رادت تطلع توصي هناء

اني بعد مو من محبين الاطفال بس الصغيرة مرات كلبي يرفرف عليهة بس عادي ادخل انساها

حل الليل كلمن راح لفراشه ، رغم حالتي تتحسن على الحبوب بس اذا ماجبرني ما اخذهم احسسهم شي مسمووم

صار الفجر طلعت اتوضأ دخلت للحمام توضيت وطلعت وهو دخل
السترة بأيدة والربطة مفتوحة وازاز القميص مفتووحه  ويمشي يترنح

ذاك الششلل والحيرة اللي يصيب الانسان وهو بقمة خوفه
قيييدني سوواني صنم اباااوعلة واتذذكر ذذاك اليوم

لحد ماا التفت علية وتكلم بلكنة السكاارى

:هلاااا يرووووحي
اجااااني يتمشى واني اقرررب شششي اللي كاان المطبخ

اسسمعه وررااي يصييح

:مووو يمججج لااا تخااافين مووو يمججج

فتحت الجرار ططلعت سكين  وجهته علي وواني اصصرخ

:والله والله اذذذذبحك والله اموووتك لااا تتقرب لاااا تتقرب ياااا حقير والله اموووتك

:رانـــيــا عوووفييهة وامممشي نااامي ماااابية شششي صاااحي ووولج صصاااحي اللعن يووومج ووولج عوووفيهة

طلعت امة على صووت الصراخ شششافت بأيدي السكين مبااشرة رركضت جاابت موبيلهة وضلت تصصصور

:لاااا لااا تصصصورررين واللله يررريد يعتدددي علليييية واللله مااالي ذذذنب باللسسسجن سسسواااها هسسسة ديعيييدهة لاااا تصصصورين فدددوة لااااا لاااا تصصصورين والله اخاااف منه سسسكران ششوفي سسسكران

بحركة سسريعة رركض عليية. گدررت اجرحة بسس كان ششخط بسسسيط دفعني تكسرت بالحايط ررركض اخذ الموبايل من عيد امه ضضربه بالحاايط

غصصب عني وتحت صصرخاتي المررتعبة ششالني ددخلني للغرررفة

وراح صصعد فووك  بقييت بمكااني اششهك بدوون دموووع لحد ما طلع الضوة رحت سسبحت من لمسسساته النجسسة وصلييت يلا گدرت اهدأ

طلعت للحديقة بقيت گاعدة هناك صارة فترة قليلة من سمحلي اطلع بالحديقة

واني گاعدة بالحديقة

مر من يمي يركض بدوون مايلااحض وجوودي

بشبشب ولاازمي ملاابسة وبسسطالة بأيدة
ويصيييح بالموووبايل

:هسسسة هووو وييين  ياااا مسسستششفى  خاابرتووو ابوووو لوو لاا عدناان عرررف لوو لااا

___________________ يتبع

والباقيات الصالحات
بسم الله الرحمن الرحيم
لا حول ولا قوة الا بالله
سبحان الله وبحمده سبحان الله العظيم

اكتبو توقعاتكم واشياء تخص الرواية ك دعم وتحفيز
و أحبكم بگد العراق😍

pahrasoad

ربي يحفضكم ويسعدكم
احبكم بكد العراق ترة

حسابي الانستا