#جلباهار الضل الاسود "
#الكاتبة: ايفا الصابر
لن تموت...
لن تموت اذا خسرت من تحب،
لكنك...
لكنك ستعيش كالميت إن خسرت كرامتك♡.
*********
صفنت شوية
هضاب: اعرفها هاي نفسها الشاخطة
اسبر: هاا؟
هزيت راسي
هضاب: اذا تذكر اسبر الدورية الطلعتها اني بمكانك الها نفسها هاي جلباهار
حسبان: بوية متاكدين منها زينة؟
اسبر: والله جدي هاذا صديقي كال ثقة وماتضيع حق احد اذا طاح بيدها
بقيت ساكت واني اشوف جدي محتار
هضاب: عوفه اسبر اذا مامقتنع ختولي هلسالفةة
حسبان: لا بوية بلعكس اذا زينة هايهية بس كون ماتحجي
اسبر: اي نتفق وياها،، تحاجيها انتةة؟؟
حسبان: شوفوها انتم واني هم احاجيها
اسبر: خوش اخذ عنوان مكتبها ونشوف
هضاب: لا اوكف عندي رقمها
باوعلي بمكر
اسبر: شيسوي رقم المحامية يمك؟ هااا؟
ما جاوبته مالي خلك سخافتة طلعت تلفوني اشوف رقمها،،
اتصلت وهمة يمي ماردت رجعت دكيت قبل لاتخلص المكالمة ردت،،
جلباهار: الوو
هسه هاي الشاخطة وينها و وين القضايةة،،
هضاب: احم فارغة
جلباهار: ماعليك
غمضت عيوني بصبر
هضاب: قصدي اذا عندج مجال نريد ناخذ من وقتج شوية بلا زحمة
جلباهار: خيرر؟
هاي مو مال حتة مقدمات زفرت بصبر وحجيت بشكل مباشر،،
هضاب: عدنة قضية تستلمينها؟؟
سكتت شوية ورجعت حجت
جلباهار: قضية شنو؟
هضاب: سرقةة
جلباهار: منو المسروق منة؟
هضاب: محل من محلات جدي رايح منةة ذهب
راح صوتها،،
بعدت التلفون من وجهي مستغرب عبالي نكطع الاتصال حتة صوت نفس ماكو،،
بس لكيت المكالمة مفتوحة
هضاب: الوووو؟؟؟
جلباهار: احم ها وياك
هضاب: اي تستلمينها؟
جلباهار: ماكدر اكلك على الجهاز لازم التقي وية صاحب المحل الي هوه جدك واستفسر عن كم معلومةة يلاا اجاوبك
هضاب: اي زين ماكو اشكال
جلباهار: تجون المكتبي؟
هضاب: لا نريد القضية سريةة اذا ممكن لا مكتبج ولا ببيتنة نكدر
حجت بدون اهتمام
جلباهار: تمام لعد نلتقي خارج الاثنين،، مطعم****اذا تعرفونة
هضاب: اي اندلةة
جلباهار: اي زين باجر بـ 10الصبح هناك الكاكم
هضاب: خوش
سدت الخط بوجهي لا يا
حسبان: ها بوية
هضاب: باجر نلتقي بيها بمطعم
بـ 10الصبح،، من رخصتكم
عفتهم وطلعت مسطور راسي،،
لاكتني افنان بلصالةة
هضاب: افونةة جاي فدوة راسي يوجعني
افنان: هسه يروحي
كامت للمطبخ تسوي جاي،، كعدت بلصالةة انتضرها شوية وطلع وراي اسبر على ما اجت انطتني جاي وطفرت لغرفتها زعلانة من اسبر،،
اسبر: شبيك؟
هضاب: ماكو شي بس راسي يوجعني شوية
سكت على ماشربت جايي هوه راح لـ اهلة واني كمت هم انام،،
لثاني يوم اخذت جدي واسبر هم اجة ويانة وطلعنة للمكان الرادتنة نلتقي بي،،
كعدنة بجهةة منتضرينها تجي بالنص ساعةة وهية ماكو طكت روحي شهل بلوة هاي يا الله،،
ماكو الحد ما باوعت على اسبر فاك عيونة بوسع،،
اني وجدي صايرة ضهورنة على باب الدخول واسبر جدامنة يعني اليدخل من الباب يشوفة بس احنة لا،،
انتبهتلة عيونة متوسعة عكدت حاجبي باستغراب وحاجيتة
هضاب: شبيك اسبر شكو؟؟
جاوبني بدون وعي وعيونة وراي
اسبر: ولک ابصم بالعشرة هاي ملاك على الجمال والبرائةة والرقة الشايلتها
زاد استغرابي اكثر باوعت لجدس هم مستغرب درت وجهي اريد اعرف عليمن يداوع هل خبل هاذا،،
بس طاحت عيوني عليها جلباهار هاي نتبهت للبسها بنطرون وقميص سود وفوكهن جاكيت طويل تقريباً بطولها بس لونة ابيض والنضارات لابستها،،
وايديها ايد شايلة بيها الجنطة والمستندات وايد لازمة مفتاح سيارة تفر بي بثبات،،
تقدمت باتجاهنا وصوت كعبها يضرب بالكاع بقوة تحسها تريد تهز الگاع بمشيتها،،
وصلت يمنة رفعت ايدها البيها سويج سيارة وخرت نضاراتها وهيه تباوعلنةة،،
جلباهار: السلام عليكم
: وعليكم السلام
ردينة السلام،، باوعت باتجاه جدي واردفت وهيه تمد ايدها تصافحة وعيونها بعيونها احلف عليها بلحضتها يمكن مارمشت ابد وهيه بس تعابن لوجهـة،،
جلباهار: شلونك استاذ حسبــان؟
يتبع😈....
توقعاتكم كرزاتي؟؟
صوتوا وانتضروا البارت الجاي ♡.
... في امان لله...