(Uni)
" ပဲပြုတ်..! ပဲပြုတ်ပူပူလေး ရမယ်! ပဲပြုတ်..! "
တစ်လမ်းဝင်တစ်လမ်းထွက်လို့ ပဲပြုတ်လိုက်ရောင်းရင်းနဲ့ ဘေးဘယ်ညာက တန်ဖိုးကြီးအိမ်ခြံဝန်းတွေ ရှိရာဘက်ဆီလည်း မမေ့မလျော့ဝေ့ဝဲကာ ငေးမောကြည့်နေမိသည်။
လူမှန်းသိတတ်စအရွယ်တည်းက စားနိုင်သောက်နိုင်ရုံ အနေအထားရှိဖို့တောင် မနည်းခဲယဉ်းခဲ့တဲ့ ခညောင်းဦးတို့မိသားစုမှာ ဆင်းရဲချို့တဲ့မှုဒဏ်ကို အလူးအလဲခံစားခဲ့ရသည်။ ရက်စက်လွန်းလှတဲ့ ကံကြမ္မာကို စာဖွဲ့ပြစ်တင်ဖို့တောင် အချိန်မပေးနိုင်သည်အထိ..၊ ခညောင်းဦးခမျာ စားဝတ်နေရေးအတွက် လက်ပြောင်းလွှဲယူလို့ အရွယ်နဲ့တစ်ပြေးညီစွာပင် တတ်စွမ်းနိုင်သလောက်ကို ရုန်းကန်လာရသည်။
တစ်ရပ်ကွက်လုံးကလည်း သူတို့မိသားစုကိုဆို မဖယ်ကြဉ်ရုံလေးသာရှိကြမည်။ အဲ့ဒီအစား မေးထူးခေါ်ပြောဖို့ မဆိုလေနဲ့..၊ မျက်လုံးတောင်မှ ယောင်လို့ဝေ့ကြည့်မလာချင်ကြပေ။ ကျော်မကောင်း ကြားမကောင်းခဲ့ရတဲ့ မိခင်ဖြစ်သူရဲ့ အတိတ်ကာလကဖြစ်ရပ်ဆိုးကြီးကို တစ်ရပ်ကွက်လုံးအနှံ့ ဟိုးဟိုးကျော်အောင် ဝိုင်းဝန်းအပြစ်တင်ကြတာကလွဲလို့ ကမ်းလင့်လာမယ့်လက်တစ်စုံကို တစ်ကြိမ်တစ်ခါမျှမရရှိခဲ့ဖူးပါလေ။
ကလင်..ကလင်..!
ဘဲလ်သံနှစ်ချက်ကြောင့် ပဲပြုတ်တောင်းကြီးကို ဟန်ချက်ထိန်းထားရတဲ့ ခညောင်းဦးရဲ့လည်တိုင်မှာ သမင်ပျိုလေးကဲ့သို့နှယ် လှစ်ခနဲ..။ ထိုအခါ ဆိုက်ကားတစ်စီးကလည်း အရှိန်အသင့်အတင့်နဲ့အတူ သူ့အနားမှာ လာရပ်တန့်လေသည်။
" ရောင်းကုန်တော့မှာလား ငပြူး "
" ဟင့်အင်း.. ကုန်ဖို့ကကျန်သေးတယ် ငလူးရ.. "
" အာ့ဆို ငါဝယ်လိုက်မယ် "
စကားပြောနေရင်းက ခညောင်းဦးရဲ့ခေါင်းပေါ်က ပဲပြုတ်တောင်းကြီးကို ချက်ချင်းလှမ်းယူလိုက်တဲ့ လူးလွန့်မောင်ရယ်။ ခညောင်းဦးအရပ် ဘယ်လောက်ပုသလဲဆိုရင် ဆိုက်ကားပေါ်ထိုင်နေတဲ့ လူးလွန့်မောင်က လက်အသာဆန့်လိုက်ရုံတင်..။
" အများကြီးကို.. မင်း..ဘယ်လိုစားကုန်မှာလဲ ငလူး.. "
" မပူနဲ့.. ဆီရယ်ကြက်သွန်ရယ်နဲ့ ရှယ်သုပ်ပြီး ဂိတ်ကဦးလေးကြီးတွေကို ကျွေးမှာမို့..။ ဒီနေ့က ငါ့အဖေ ငါးနှစ်ပြည့်သွားပြီလေ ငပြူးရ "
အချိန်တွေက ဘာလိုလိုနဲ့ငါးနှစ်တောင် ရှိသွားခဲ့ရပြီပေါ့။ ထွက်သွားခဲ့သူနဲ့ ကျန်ရစ်ခဲ့သူတွေကြားမှာ ဘယ်အရာတွေများ ကွာခြားသွားနိုင်လေမလဲ။
ဘဝသစ်ဆီ ရောက်ရှိသွားသူတစ်ယောက်က အနှောင်အဖွဲ့အသစ်တွေနဲ့ စတင်ရစ်ပတ်နေမိချိန်..၊ ဘဝဟောင်းမှာ ကျန်ရစ်ခဲ့ရသူတွေကတော့ အတူရှိခဲ့ကြတဲ့အတိတ်ကိုတောင် လက်မလွှတ်နိုင်ကြပေ။ ဖက်တွယ်ထားမိသမျှ လျော့တိလျော့ရဲ သံယောဇဉ်ကြိုးတွေခမျာ အမျှင်မပြတ်နိုင်ကြသေးသလို တမ်းတလွမ်းဆွတ်မှုတွေမှာလည်း ကိုယ်စီ မမှေးမှိန်နိုင်ကြသေးပါ။
" ကြီးမေ.. အဆင်ပြေရဲ့လား ငလူး "
" ပြေမပြေတော့ ငါလည်းမသိဘူး..။ ဆွမ်းကပ်ပြီးတည်းက အဖေ့ဓာတ်ပုံရှေ့ထိုင်နေတာ.. အခု ငါထွက်လာတဲ့အချိန်ထိပဲ "
" အင်းပေါ့.. ဦးကြီးကိုလွမ်းနေရှာမှာ.. "
ကံကြမ္မာရဲ့စီမံရာအောက်မှာ နေနေကြရတဲ့သူတွေဖြစ်လို့ အများသူငှါကဲ့သို့သော ကံတရားကို မလွန်ဆန်နိုင်တဲ့အထဲမှာ လူးလွန့်မောင်တို့မိသားစုလည်း အပါအဝင်ဖြစ်ခဲ့ရသည်။ ညအချိန်ကြီးမှာ တရားလွန်မောင်းလာတဲ့ ကားတစ်စီးက လမ်းဘေးကပ်လို့ အိမ်အပြန်လမ်းဆိုက်ကားနင်းလာတဲ့ ဦးမင်းနောင်ကို အရှိန်ပြင်းစွာဝင်တိုက်မိရာမှ နေရာမှာတင်ပွဲချင်းပြီး ဆုံးပါးသွားခဲ့ရသည်။
ဖခင်ဖြစ်သူကို နေ့မြင်ညပျောက်ဆုံးရှုံးခဲ့ရချိန်မှာ လူးလွန့်မောင်အသက်က ၁၃နှစ်အရွယ်လေး..။ ဒေါ်ဖြူဖြူမောင်ကလည်း ယောကျာ်းဖြစ်သူရဲ့အဖြစ်ဆိုးကို ကြားကြားချင်း လှေကားပေါ်ကပြေးဆင်းရာမှ ချော်လဲကျသွားတာကြောင့် ဗိုက်ထဲရှိဒုတိယကလေးမှာ ပျက်ကျသွားခဲ့ရလေသည်။
မကြာမခင်မှာတင် အသက်တစ်ချောင်းကို တန်ကြေးဖြတ်လာကြပြန်တော့..၊ တစ်ဖက်ကပေးလာတဲ့ လျော်ကြေးငွေတွေကို ဒေါ်ဖြူဖြူမောင်က တစ်ပြားတစ်ကျပ်မှမယူဘဲနဲ့ လူပုံအလယ်မှာတင် ငွေစက္ကူအထပ်လိုက်ကို လူ့အရေခြုံတွေရဲ့မျက်နှာတည့်တည့် အားရပါးရပစ်ပေါက်ကာ ပြန်ပေးလိုက်သည်လေ။ အဲ့ဒီအချိန်တုန်းကဆိုရင် တအားရဲရင့်ပြီး စိတ်ဓာတ်သန်မာလွန်းတဲ့ကြီးမေကို ခညောင်းဦးမယုံနိုင်ဖွယ်ပင် မျက်ဝါးထင်ထင် မြင်တွေ့ခဲ့ရသည်။
အားနွဲ့ပါတယ်ဆိုတဲ့ မိန်းမသားတစ်ယောက်ရဲ့ စိတ်ဓာတ်ခိုင်မာမှုကိုတော့ ဘယ်ယောကျာ်းသားမှ မယှဉ်သာနိုင်လောက်ပေ။
" ငပြူး! "
" ဟင်.. "
" ငါပြောတာကြားလား.. "
" ဘာကို.. "
" လုပ်ပြီ! အဲ့ဦးနှောက်သေးသေးလေးက ဘာတွေတွေးနေပြန်တာလဲကွာ။ အဟမ်း..! အဖေ့အတွက် အမေကဘုရားမှာ ရွှေသင်္ကန်းကပ်ခိုင်းတာမို့.. အဲ့ဒါ ငါနဲ့အတူလိုက်ချင်လား မေးနေတာ.. "
" ဟင်.. ငါလိုက်လို့ရတာလား.. "
" ..... "
အတူတူသွားချင်လို့ ဉာဏ်ဆင်ပါတယ်ဆိုကာမှပဲ လိုက်လို့ရလားပြန်မေးနေသူကြောင့် လူးလွန့်မောင် ဘာပြန်ဖြေရမှန်းမသိ ဖြစ်သွားရလေသည်။
" တက်တက်! အရင်တက်လိုက်တော့.. "
" အင်း.. "
ထိုအခါ လူးလွန့်မောင်လက်ထဲက ပဲပြုတ်တောင်းကြီးကိုလှမ်းယူလျက် ဆိုက်ကားပေါ်မပေါ့မပါးနဲ့ ထိုင်ဖို့လုပ်နေသူကြောင့်..၊ ခညောင်းဦးရင်ခွင်ငယ်ထဲက နှီးတောင်းကြီးကို ချက်ချင်းပြန်ယူလိုက်ပြီး နောက်ခုံမှာသာ ကြိုးနဲ့ပတ်ချည်ထားပေးလိုက်သည်။
" သက်တောင့်သက်သာ ထိုင်စမ်းပါ.. ဥစ္စာခြောက်လေးရ! "
________
လူးလွန့်မောင်နဲ့အတူ ဘုရားသွားဖို့ အကြောင်းဖန်လာပြီဖြစ်လို့ အိမ်ကိုပြန်ရောက်တာနဲ့ ရှိစုမဲ့စုပိုင်ဆိုင်ထားသမျှ အဝတ်အစားခပ်နွမ်းနွမ်းတွေထဲမှာမှ အကောင်းဆုံးဖြစ်မယ့်တစ်ထည်ကို ခညောင်းဦး အလျင်ရှာဖွေနေရသည်။
အသက်သာ ၁၈နှစ်ရှိပြီဆိုပေမယ့် အခုချိန်ထိ ရပ်ကွက်အပြင်ဘက်ဆီကို ကားတစ်တန်လှေတစ်တန်နဲ့ ကျော်မထွက်ဖူးသေးတာကြောင့် တန်ခိုးကြီးဘုရားတွေဆီကိုလည်း သူတစ်ခါမှမရောက်ခဲ့ဖူးပေ။ ဒီအသက်အရွယ်ထိ ရပ်ကွက်တကာ ခြေလျင်ပတ်လျှောက်ပြီး ပဲပြုတ်လိုက်ရောင်းတာကလွဲလို့ အိမ်နဲ့ကျောင်း ကျောင်းနဲ့အိမ်ကိုသာ အသွားအပြန်ရှိခဲ့ပါသည်။
ဆိုက်ကားဆိုတာတောင်မှ လူးလွန့်မောင်တို့သားအဖ အလကားပေးစီးခဲ့လို့သာ..။ မဟုတ်လို့ကတော့ ကိုယ့်ခြေထောက်ကိုယ်သုံးဖို့လောက်ပဲ အားသန်နေခဲ့ကြတဲ့ ခညောင်းဦးတို့မြေးအဘွားနှစ်ယောက်ရယ်။
" အယ်အယ်! တယ်လှနေပါလား..! မုန့်ဝယ်ခဲ့နော် သမီးလေး! ဟီးဟီး! "
" ဟုတ်! မေကြီး.. "
အိမ်ပေါက်ဝလေးမှာ ထမင်းအိုးလေးပိုက်ကာထိုင်နေတဲ့ ဒေါ်ကညောင်းမေက သူ့ပါးစပ်ထဲကို တစ်လုပ်ပြီးတစ်လုပ် ပလုပ်ပလောင်းထည့်စားရင်းက အလျင်လိုနေပုံရတဲ့ခညောင်းဦးကို လေချိုသွေးလို့ မုန့်လှမ်းမှာနေသည်။ ခညောင်းဦးခမျာလည်း ခြံပြင်ရောက်ချိန်မှာတောင် ဆံထုံးထက်ရစ်ပတ်ထားမိတဲ့ ခရေပန်းကုံးကို ဖြုတ်ခဲ့ဖို့မေ့သွားတဲ့အထိ စိတ်လှုပ်ရှားနေခဲ့သည်ဆို ယုံနိုင်ပါ့မလား..။
ယောက်ျားလေးတစ်ယောက်ဆိုပေမယ့် သိတတ်စအရွယ်တည်းက မေကြီးရှေ့မှာ အနေအထိုင်ကိုဆင်ခြင်ပြီး သတိလေးနဲ့ပြုမူ လှုပ်ရှားခဲ့ရတာကြောင့် လမ်းလျှောက်ပုံကအစ ညင်သာတိုးလျသလို စကားအပြောအဆိုမှာလည်း ပုံမှန်ယောကျာ်းတစ်ယောက်လိုတောင် မကျယ်လောင်လှပေ။ နွဲ့နှောင်းမှုထက်စာရင် ခညောင်းဦးအသွင်အပြင်က ပျော့ပျောင်းမှုဘက်ကိုတော့ ပိုအလေးသာသည်ပင်။
လူးလွန့်မောင်တို့ အိမ်ရှေ့ကိုရောက်လာတော့ လည်ကတုံးလက်ရှည်အဖြူနဲ့ ပုဆိုးအနက်ကွက်ကို သန့်ပြန့်ခန့်ညားနေအောင် ဝတ်စားထားသူကြီးကြောင့် ခညောင်းဦးမျက်နှာလေးမှာ ဇီးရွက်လောက်သာရှိချင်တော့သည်။ ဂုတ်ထောက်ဆံပင်ရှည်ကို တစ်ဝက်စည်းနှောင်ထားပြီး တအားမိမိုက်လွန်းနေတဲ့ လူးလွန့်မောင်ကို ဇီးရွက်လေးကစေ့စေ့ပင် မကြည့်ရဲတော့ဘူးထင်ရင်တော့ မှားသွားပါလိမ့်မည်။
" ဖြေးဖြေးကြည့်ပါကွ! မျက်လုံးကြီးလည်း ကျွတ်ထွက်သွားပါဦးမယ် "
" ဘယ်..ဘယ်မှာ ကျွတ်ထွက်နေလို့လဲ.. ဟွန့်! "
" ဟွန့်မနေနဲ့! ပုဆိုးလေးပြင်ဝတ်လိုက်ပါဦး ငပြူးရ "
လူးလွန့်မောင် သတိပေးတော့မှသာ တစ်လမ်းလုံးထဘီပုံကြီးနဲ့ လျှောက်လာမိတဲ့သူ့အဖြစ်သူ လျန့်ဖျန့်ပြီး ခညောင်းဦးအလျင်အမြန် ပုဆိုးဖြန့်ဝတ်လိုက်ရသည်။ ပုဆိုးပုံပြောင်းမဝတ်ရသေးတာကို မမေ့မလျော့ လှမ်းပြောမိပေမယ့် ဆံရစ်ဝိုင်းပေါ်က ခရေပန်းကုံးကိုတော့ မမြင်ချင်ယောင်ဆောင်လိုက်တဲ့ လူးလွန့်မောင်ရယ်..။
ကားမှတ်တိုင်ကိုရောက်လာတော့ စူးစမ်းနေတဲ့ကြောင်သူငယ်က ခေါင်းလေးလည်ကာလည်ကာနဲ့ပေါ့..။ ဘဝမှာ bus ကားဆိုတာကြီးကို ပထမဆုံးစစီးဖူးခြင်းဖြစ်လို့ စီးရမယ့်ကားရောက်လာချိန်မှာ ဘယ်အပေါက်ကနေ တက်လို့တက်ရမှန်းမသိတဲ့ ခညောင်းဦးက သူ့ကိုယ်သူမသိလိုက်ချိန်မှာတောင် ခုန်ဆွခုန်ဆွလေးဖြစ်နေပြီ။
လူးလွန့်မောင်က စိတ်လှုပ်ရှားနေတဲ့ကြောင်သူငယ်ကို အနောက်ကနေ ပခုံးနှစ်ဖက်လှမ်းထိန်းကိုင်လို့ ကားအရှေ့ပေါက်ဆီ ခြေချစေလိုက်ရသည်။ ကားပေါ်တက်တက်ချင်းတင် 'ယဥစီးခထည့်ရန်' ဆိုတဲ့စာတန်းကိုမြင်ပြီး ခညောင်းဦးမျက်လုံးများ ပြူးကျယ်သွားရတော့သည်။
" ဘာလုပ်နေတာ..။ အထဲထိဆက်လျှောက်သွားလေ ငပြူး "
" အင်း "
ဆက်လျှောက်ဆိုလို့သာ သူ့မှာ လျှောက်လာခဲ့ရသည်။ ခညောင်းဦးခမျာ ဟိုကြည့်ဒီကြည့်နဲ့ ဘာလုပ်ရမှန်းလည်းမသိတာကြောင့် လျှောက်လမ်းအလယ်မှာသာ ထီးထီးကြီးရပ်နေလို့..။ အနောက်ကနေလိုက်တက်လာတဲ့ လူးလွန့်မောင်မှာ နှစ်ယောက်စာယာဉ်စီးခကို ပိုက်ဆံပုံးထဲထည့်နေရင်းက လှမ်းအော်ပြောလိုက်သည်။
" ကိုင်ထားဦး ငပြူး! "
အသိပေးတုန်းရှိသေး..၊ ဝူးခနဲနေအောင် နွားသိုးကြိုးလွှတ်ထွက်ချသွားတဲ့ ကားကြီးရဲ့အရှိန်ကြောင့် ကားအနောက်ဘက်ခြမ်းဆီကို ဝှီးခနဲနေအောင် ကျောကလေးကော့ကာ ကားယားကြီးလွှင့်ထွက်သွားရတဲ့ ခညောင်းဦးရယ်။ လန့်ဖျန့်ပြီးအော်မိသွားသည်ကလည်း သူ့ဘဝမှာ ပထမဆုံးငယ်သံပါအောင် အော်ဖူးခြင်းဖြစ်သလို တစ်ကားလုံးကိုပါ မွေ့ပတ်ဆဲမိသွားသယောင်ပင်။
" ငလူး..! "
ကားပေါ်မှာက ခရီးသည်တွေချောင်ပြီး လမ်းမတန်းကြီးကလည်း ဘယ်ညာရှင်းလင်းနေတာကြောင့် ကားဆရာကြီးအစွမ်းပြလိုက်မိတာ ခညောင်းဦးတစ်ယောက် ဟက်ထိုးမလဲရုံတမယ်ပါပဲ။ ခပ်ဝဝ အမျိုးသမီးကြီးတစ်ယောက်က အရှိန်နဲ့လွှင့်လာတဲ့ သူ့ကိုယ်လုံးခပ်ညှက်ညှက်လေးကို အချိန်မီလှမ်းဖမ်းထားနိုင်လို့သာ တော်တော့မည်။
မထင်လိုက်တဲ့ လူးလွန့်မောင်ခမျာလည်း ကြောင်ကြည့်နေရာက ဖွီးခနဲဆိုသလို ကြိတ်ရယ်မိသွားရလေသည်။ အဲ့ဒီ အူယားစရာနောက်ကျောလေးက ပိန်ပိန်ပါးပါး ဖားပျံလေးတစ်ကောင်လိုမျိုး ကားယားကြီးလွှင့်သွားသည်ကိုး။
ကားလုံးကျွတ်အရှက်ကွဲသွားတဲ့ ခညောင်းဦးက တစ်ကိုယ်လုံးပုစွန်တုပ်လေးလို အချိန်အတော်ကြာအောင် နီရဲနေခဲ့ပြီး တစ်လမ်းလုံးလည်း မျက်နှာကြီးကိုစူပုပ်ထားလေသည်။ ချော့ခွင့်ရဖို့နေနေသာသာ..၊ ထိုင်ဖို့နေရာတောင်မှ တစ်နေရာပဲရတာကြောင့် ခညောင်းဦးကိုဝင်ထိုင်ခိုင်းပြီး လူးလွန့်မောင်က ဘေးမှာမတ်တတ်ကြီး ရပ်နေရတာဖြစ်သည်။
အရပ်အမောင်းက ကားခေါင်မိုးနဲ့တစ်ပြေးညီမို့ ကားတစ်ခါခုန်သွားတိုင်းမှာ လူးလွန့်မောင်ငယ်ထိပ်ကလည်း တဒိန်းဒိန်းပဲ။ လမ်းတစ်ဝက်လောက်ရောက်မှ ခညောင်းဦးခမျာ ကားမူးလာတာကြောင့် မူမနေနိုင်တော့ဘဲနဲ့ လူးလွန့်မောင်ရဲ့ဗိုက်နားကို ခေါင်းလေးခိုမှီလိုက်ရရှာသည်။
" ကားမူးနေပြီလား ငပြူး "
" အင်း.. "
ကြားရတဲ့အသံလေးက အားတောင်မရှိချင်တော့တာကြောင့် လူးလွန့်မောင် လွယ်အိတ်ထဲကိုလက်နှိုက်ယူလို့ ခညောင်းဦးပါးစပ်ထဲကို လှမ်းခွံ့ပေးလိုက်သည်။
" ငုံထားလိုက်.. သက်သာသွားလိမ့်မယ် "
ခံတွင်းထဲရောက်လာသည်မှာ ဘာလီသကြားလုံးရဲ့ ချိုချဉ်အရသာလေးမို့ ခညောင်းဦး အရသာတွေ့သွားလေသည်။
" သက်သာလား ငပြူး "
" အွန်း.. "
" ခဏပဲစီးရတော့မှာ..။ နောက် ငါးမိနစ်လောက်ဆို ငါတို့ရောက်တော့မယ် "
ခေါင်းတညိတ်ညိတ်လုပ်ပြနေတဲ့ ခညောင်းဦးရဲ့အထိအတွေ့လေးက သူ့ဗိုက်ကိုပွတ်သပ်ပေးနေသယောင် ဖြစ်စေတာမို့ လက်တစ်ဖက်နဲ့ အသာလှမ်းထိန်းလိုက်ရတဲ့ လူးလွန့်မောင်ရယ်..။
" ခေါင်းမလှုပ်နဲ့.. မင်းပိုမူးလိမ့်မယ်လေ "
" အင်းအင်း.. "
ကားပေါ်ကဆင်းတော့ တစ်ဖက်ကားလမ်းဖြတ်ကူးရမှာ ကြောက်နေတဲ့ခညောင်းဦးကို လူးလွန့်မောင်ခမျာ မချီပိုးမိရုံတမယ်ပင် ကိုးရိုးကားယားကြီး ဆွဲခေါ်လာခဲ့ရသေးသည်။ ရွှေတိဂုံစေတီတော်မြတ်ကြီးဆီ ပထမဆုံးရောက်ဖူးခြင်းဖြစ်လို့ ခညောင်းဦးတစ်ယောက် ဖိနပ်ချွတ်နေရင်းက ခြင်္သေ့ကြီးနှစ်ကောင်ကို အထူးအဆန်းမော့ကြည့်နေမိသည်။
" ငပြူးရေ! ဖိနပ်ပေးဦး "
" ဟင်.. ဘာလုပ်ဖို့.. "
" ဘာလုပ်ရမှာလဲ! ငါစားမလို့ပေါ့! "
" ..... "
ဖိနပ်နှစ်ရံကို အိမ်ကနေယူလာတဲ့ ကြွပ်ကြွပ်အိတ်ထဲထည့်ပြီး လူးလွန့်မောင်သယ်ဖို့လုပ်တော့ ခညောင်းဦးက အတင်းပြန်ဆွဲယူသည်။
" ပေး.. ငါကိုင်မှာ.. "
" ငါကိုင်တာ ဘာဖြစ်လို့လဲ "
" ဘာမှမဖြစ်ဘူး..။ ငါသယ်ချင်လို့.. "
" အေးပါကွာ "
နှစ်ယောက်သား လှေကားထစ်တွေကို ခပ်အေးအေးတက်လာရင်းက ဘေးဘယ်ညာမှာရှိနေတဲ့ စျေးဆိုင်ခန်းတွေဆီကို ခညောင်းဦး ခေါင်းလေးလည်ကာလည်ကာနဲ့ လိုက်ကြည့်နေမိသည်။
" မင်းလိုချင်တာရှိရင်ပြောနော် ငပြူး "
" ဟင့်အင်း.. မလိုချင်ပါဘူး.. "
မလိုချင်ဘူးချည်းပြောနေသူရဲ့ အကြည့်တွေမှာ ဆိုင်ခန်းထဲမှ ပစ္စည်းတချို့ဆီကနေတော့ အမျှင်မပြတ်နိုင်သေးပေ။ ပန်းဆိုင်တွေဆီရောက်လာတော့ လူးလွန့်မောင်က အဖေ့အတွက်ပန်းဝင်ဝယ်ရာမှ တနင်္လာသားလေးအတွက်ပါ နေ့နံပန်းတစ်စည်းဝယ်ပေးလိုက်သည်။
" ရော့! ဟိုဘက်လက်နဲ့ကိုင်ထား ငပြူး "
" အင်း.. "
လူးလွန့်မောင်လှမ်းပေးလာတဲ့ ဘုရားပန်းတွေကို ခညောင်းဦးက သေချာလှမ်းယူထားလေသည်။ ဘုရားရင်ပြင်ပေါ်ရောက်တော့ မနက် ၁၀နာရီတောင်ထိုးပြီးနေပြီ ဖြစ်ပေမယ့် ကံအားလျော်ပြီး မိုးလေးအုံ့နေလို့သာ တော်ရော့မည်။ မဟုတ်လို့ကတော့ ကြွေပြားပူပူကြီးတွေကို နင်းမိကာ ခုန်ဆွခုန်ဆွလုပ်နေမယ့် ကြောင်သူငယ်ကိုမြင်ပြီး လူးလွန့်မောင်လည်းနေရင်းထိုင်ရင်း အသည်းယားနေရဦးမည်လေ။
နေ့နံထောင့်တွေမှာ ရေသပ္ပာယ်ခြင်းအမှုကိုပြုတော့ ခညောင်းဦး တတွတ်တွတ်မေးလာသမျှကို လူးလွန့်မောင်က စိတ်ရှည်လက်ရှည်နဲ့ ပြန်ဖြေပေးနေမိသည်။ သို့ပေမယ့်..၊ အသံကကျယ်တော့ ဘေးကဘုရားဖူးတွေအမြင်မှာ လူးလွန့်မောင်က ညှက်စိလေးခညောင်းဦးကို စိတ်မရှည်တဲ့လူထွားကြီးအဖြစ်သာ..။ တကယ်တမ်းကျ ခညောင်းဦး သေချာမကြားရလို့သာ သူ့ခမျာ အော်ပြောနေရတာပင်။
တဖြေးဖြေးနဲ့ ၁၁နာရီထိုးပြီးလို့ ခွဲပါကျော်သွားသည်အထိ ဘုရားရင်ပြင်ပေါ်ကနေ နှစ်ယောက်သား ဆင်းမလာရသေးပါ။ အကြောင်းမှာ..၊ သူ့ကိုယ်သူအတွက်ရော သူ့မေကြီးနဲ့ သူ့ဘွားမေအတွက်ပါ တနင်္လာထောင့်မှာတင် ရေကိုသက်စေ့လောင်းပေးနေရုံမက ပုဆစ်တုပ်ထိုင်ပြီး နှုတ်ခမ်းစူစူလေးနဲ့တတွတ်တွတ် တောင်းဆုခြွေနေသေးတဲ့ ခညောင်းဦးကို ထိုင်စောင့်နေရတာကြောင့် ဖြစ်သည်။
တနင်္လာနံမိသားစု သုံးယောက်ပေါင်းအသက်နဲ့တင် ဘုရားရေလည်း တစ်ဂါလံလောက်ကုန်သွားပြီမို့ အလှူငွေပုံးတွေထဲမှာ ရေအလှူတော်သီးသန့်အတွက် လူးလွန့်မောင် ထည့်ဝင်လှူဒါန်းလိုက်ရသေးသည်။
ဘုရားစောင်းတန်းလှေကားထစ်မှာ ဆောင့်ကြောင့်ထိုင်ပြီး အသားကုန်သမ်းဝေနေရတဲ့ လူထွားကြီးခမျာ နေရင်းထိုင်ရင်းက မျက်ရည်နဲ့မျက်ခွက်ကိုဖြစ်လို့..။ ထိုင်ဆုတောင်းလို့ပြီးသွားတဲ့ ခညောင်းဦးက ကျဉ်တက်သွားတဲ့ သူ့ခြေထောက်လေးကို လက်သီးဆုပ်လေးနဲ့အသာထုကာ ခေါင်းကိုလက်ကလေးနဲ့ နေကွယ်ထားရင်း လူးလွန့်မောင်အနားကို အပြေးရောက်လာသည်။
" ပြီးသွားပြီလား ငပြူး! "
" အင်း..။ ဟင်..! မင်းငိုထားလား ငလူး.. "
" အဟွန်း! သေချာတာပေါ့။ သွားရအောင်လေ.. ငါတော်တော်ဗိုက်ဆာနေပြီ ငပြူးရ "
နေ့လယ်စာကို ဒံပေါက်အတူစားဖို့ ကြံရွယ်ထားတာဖြစ်လို့ တက်ကြွစွာနဲ့ လွယ်အိတ်ကောက်လွယ်ပြီး မတ်တတ်ထရပ်လိုက်ချိန်မှာပဲ ခညောင်းဦးဆီက မထင်မှတ်တဲ့အပြုအမူတစ်ခုကြောင့် လူးလွန့်မောင် အသက်ရှူရပ်မတတ် ဖြစ်သွားရလေသည်။ သူ့မျက်ခမ်းစပ်နားမှာ တင်ကျန်နေသေးတဲ့ မျက်ရည်စတချို့ကို လက်ချောင်းလေးတွေနဲ့ ခပ်ဖွဖွပွတ်သုတ်ပေးလာတဲ့ ခညောင်းဦးပုံစံလေးက ဘယ်လိုပြောရင်ကောင်းမလဲ။
" ဦးကြီးက အခုချိန်ဆို.. ကောင်းရာမွန်ရာရောက်သွားပါပြီ ငလူးရ..။ နောက်ဆို.. စိတ်မကောင်းဖြစ်အောင် မငိုရဘူးနော် "
သူ့လိုလူထွားကြီးကို လည်ပင်းလေးမော့မော့ပြီး ကြည့်နေရတဲ့ ကြောင်ညှက်စိလေးက အခုလိုလူကြီးဆန်ပြနေတော့ ခံစားချက်မှာ မရိုးမယွတွေကိုဖြစ်လို့ပဲ။
" ဘယ်သူက စိတ်မကောင်းဖြစ်တာ.. "
" ငါလေ..။ မင်းငိုတာမြင်ရင်.. ငါတကယ် စိတ်မကောင်းဖြစ်ရတယ် ငလူး.. "
ထိုအခါ အဖေ့ရဲ့အသုဘတုန်းက ချောင်လေးမှာထိုင်ပြီး ကြိတ်ငိုနေတဲ့လူးလွန့်မောင်ကို ရှာတွေ့သွားတဲ့ခညောင်းဦးက ခေါင်းလေးလာပွတ်ပေးရင်း ချော့မော့နေခဲ့တာကို ပြန်အမှတ်ရမိသွားသည်။ အဲ့ဒီအချိန်တုန်းက တတ်သလောက်မှတ်သလောက်လေးနဲ့ တတွတ်တွတ်နှစ်သိမ့်နေတဲ့ ခညောင်းဦးကို လူးလွန့်မောင် တင်းတင်းကျပ်ကျပ်လှမ်းဖက်လို့ ကျနေဆဲမျက်ရည်တွေကို ကွယ်ဝှက်ထားခဲ့သည်လေ။
ဒါကြောင့်လည်း ခညောင်းဦးဆိုတာက လူးလွန့်မောင်မသိလိုက်ချိန်မှာတင် သူ့ရဲ့နှလုံးသားတစ်နေရာထဲမှာ ပိုင်စိုးပိုင်နင်းနဲ့ အခန်းဖွဲ့ပြီးလာနေခဲ့တာလည်း အချိန်တစ်ခုထိတောင် ကြာသွားရပြီဖြစ်သည်။
မြောက်ဘက်မုခ်ကနေပြန်ဆင်းဖို့ လျှောက်လာကြချိန်မှာပဲ ဘုရားပေါ်ကဓာတ်ပုံဆရာတချို့ကို လူးလွန့်မောင်လှမ်းတွေ့တော့ ခညောင်းဦးနဲ့ နှစ်ယောက်အတူဓာတ်ပုံရိုက်ဖို့ရာ အကြံရသွားလေသည်။ ဒါကြောင့် ဓာတ်ပုံဆရာ ဦးလေးကြီးတစ်ယောက်ကို ပုံရိုက်ပေးဖို့ လှမ်းခေါ်လိုက်တော့သည်။
" ပုံက ချက်ချင်းရမှာမလား ဦးလေး "
" ချက်ချင်းရမှာ ချက်ချင်းရမှာ.. ခဏလေးစောင့်ရုံပဲ "
" ဒါဆို နှစ်ပုံရိုက်မယ်ဗျ "
" ဟုတ်ပါပြီဗျ။ ကဲ! ဒီဘက်နားလေး လာရပ်ပေးကြနော် ငါ့တူတို့.. "
ကျောင်းသားကတ်နဲ့ မှတ်ပုံတင်အတွက် ပုံရိုက်ရတာကလွဲပြီး အခုလိုမျိုးဓာတ်ပုံရိုက်ဖူးတာက ပထမဆုံးဖြစ်လို့ လူးလွန့်မောင်ဘေးမှာရပ်နေတဲ့ ခညောင်းဦးပုံစံလေးက ခပ်တောင့်တောင့်လေးသာ..။
" အဟွန်း! ပြုံးဖို့မမေ့နဲ့ဦး ငပြူး "
" အင်း.. "
မိနစ်ပိုင်းအကြာမှာတင် ပုံလေးနှစ်ပုံရလာတာကြောင့် နှစ်ယောက်သား ခေါင်းချင်းဆိုင်မိတုန်းရှိသေး..။ ဓာတ်ပုံကိုကြည့်ပြီး အတောမသတ်နိုင်အောင် ထရယ်လာတဲ့လူးလွန့်မောင်ကြောင့် ခညောင်းဦးမျက်နှာလေးက ချက်ချင်းစူပုပ်သွားရပြန်သည်။ ဒီနေ့တစ်နေ့တည်းနဲ့တင် ခညောင်းဦးရဲ့ ရှိသမျှအရှက်တွေလည်း ကုန်ချင်သလိုတောင် ဖြစ်သွားရပါပြီ။
သေမလိုတွေရယ်နေတဲ့ လူးလွန့်မောင်ကြောင့် ဓာတ်ပုံကိုလှမ်းဆွဲယူပြီး ကြည့်လိုက်မိချိန်မှာတင် တစ်လောကလုံးကို အပြစ်တင်ဖို့တောင်မေ့သွားရတဲ့ ခညောင်းဦးရယ်။ ပုံကိုကိုယ်တိုင်မြင်တော့မှပဲ လူးလွန့်မောင်အော်ရယ်တာ တကယ်မလွန်ကြောင်း လက်ခံလိုက်ရသည်။
ဘယ်လိုတောင် မျက်လုံးကြီးတွေပြူးထားပြီး သွား ၃၂ချောင်းလုံးကို ပြဲနေအောင်ပြူးပြထားသလိုမျိုး ရယ်နေခဲ့မှန်း သူ့ကိုယ်သူလည်း မစဉ်းစားတတ်တော့ချေ။ ဒါကြီးက ဆံရစ်ဝိုင်းနဲ့ဘီလူးကြီးလားလို့တောင် ပြန်မေးချင်မိတဲ့အထိပါပဲ။
" ရုပ်ဆိုးလိုက်တာ.. "
" ဟားဟား! မဆိုးပါဘူး။ သေချာကြည့်ရင် ချစ်စရာကြီးပါကွ "
" မုန်းလိုက်တာ..။ ပိုရုပ်ဆိုးတဲ့ပုံကို ငါပဲယူထားလိုက်မယ်နော် ငလူး.. "
" အဟွန်း! တကယ်ဆို နှစ်ပုံလုံးရုပ်ဆိုးတာချင်းက အတူတူပဲ ငပြူးရ "
" ဟွန့်! ငလူးပဲ "
" ဟ! ငပြူးက ဆဲတတ်တယ်လား..။ မကြောက်မရွံ့.. ဘုရားပေါ်မှာတောင် လာဆဲရဲတယ်ပေါ့လေ "
" ဟင့်! အာ့မင်းကြောင့်လေလို့..။ ကန်တော့ပါဘုရား.. ဒီအမိုက်အမဲလေးကို ခွင့်လွှတ်ပေးပါဗျ "
" ဟားဟားဟား! "
လက်အုပ်လေးချီကာ ချက်ချင်းထိုင်ကန်တော့နေတဲ့ ခညောင်းဦးကိုကြည့်ပြီး လူးလွန့်မောင်ခမျာ ရယ်မဆုံးပင်ဖြစ်နေရတော့သည်။ ဒီညှက်စိလေးက ဘယ်လိုတွေတောင် လုပ်ပြနေတာလားကွာ။
________
ငပြူးငလူးခမျာ တစ်ကြိမ်တစ်ခါလေး အပြင်အတူသွားမိပါသည်။ နှစ်ယောက်သားကြုံလိုက်ရတဲ့ အလွဲပေါင်းများစွာနဲ့ လူကြားထဲအရှက်ကွဲမှုများမှာ ပြန်ပြောင်းမပြောတတ်လောက်အောင်ပင်..။
ဒံပေါက်စားပြီး ဖာလူဒါဆက်သောက်ကြရင်းက အေးလွန်းလို့ကျဉ်တက်သွားတဲ့ ခေါင်းတစ်ခြမ်းကို ခညောင်းဦးတစ်ယောက် သူ့အရိုးထဲကအားနဲ့ အသားကုန်ရိုက်မိလို့ မူးဝေသွားမတတ် ခံစားလိုက်ရသည်လေ။ ဒါကိုမြင်ပြီး ခွက်ထိုးခွက်လန်ထရယ်လာတဲ့ လူးလွန့်မောင်ကလည်း သာကူစေ့နင်သွားလို့ ကျောပြင်ကျယ်ကြီးကို ညှက်စိအရိုးအားနဲ့ ဗြောတင်ခံရပြန်သေးသည်။
အခုလည်း အိမ်အပြန် air con bus ကားပေါ်မှာ ခုံနေရာမရလို့ လူးလွန့်မောင်ရင်ခွင်ကျယ်ကြီးထဲ ဝင်မြှုပ်နေရတဲ့ ခညောင်းဦးခမျာ ချွေးသီးချွေးပေါက်တွေကို ကျလို့ပဲ။ ကားမူးတာကတစ်မျိုး၊ လူကျပ်တာကနှစ်မျိုးနဲ့ သူ့မှာချာချာလည်ချင်နေပြီ။ အဲ့ဒီနေရာမှာ ခညောင်းဦးတစ်ယောက်တည်း ကမ္ဘာပျက်နေတာတော့ မဟုတ်..။
လူးလွန့်မောင်ခမျာလည်း လူကြားထဲမှာမို့သာ ဟန်ကိုယ့်နေရပေမယ့်..၊ ရင်ခွင်ထဲကခရေပန်းရနံ့ကြောင့် ဘာသာမသိလိုက်ချိန်မှာတောင် သူ့လည်စလုတ်ကြီးက အပေါ်တက်အောက်ဆင်း လေ့ကျင့်ခန်းတွေလုပ်ရလွန်းလို့ ဝိတ်ပင်ကျချင်နေရပြီ။
အခုလိုမျိုး သူငယ်ချင်းဆက်ဆံရေးလေးတစ်ခုက ဘယ်လောက်အချိန်ထိတိုင်အောင် ခံနိုင်ရည်ရှိပါဦးမလဲဆိုတာကို လူးလွန့်မောင်လည်း အတပ်မပြောတတ်တော့ပါ။ သူတို့နှစ်ယောက် ဘယ်လောက်ပဲ ရင်းနှီးကြတယ်ပြောပြော..၊ ခန္ဓာကိုယ်နှစ်ခုက တစ်ခုတည်းဖြစ်သွားအောင် တစ်ထပ်တည်းကျရလောက်တဲ့အထိ တစ်ခါမှမရင်းနှီးခဲ့ဖူးကြပေ။
ဒီနေ့အဖို့တော့ ဘယ်လိုပဲအလွဲတွေနဲ့ ဂယက်ထနေမိပါစေ..၊ ဟန်ဆောင်ပန်ဆောင်နဲ့တောင် ဖြေမဆည်နိုင်ခဲ့တဲ့ အတိတ်နေ့ရက်အတွက် သူ့အမောပြေလေးက အစွမ်းကုန်ကုစားပေးခဲ့ပါပြီ။
(ZawG)
" ပဲျပဳတ္..! ပဲျပဳတ္ပူပူေလး ရမယ္! ပဲျပဳတ္..! "
တစ္လမ္းဝင္တစ္လမ္းထြက္လို႔ ပဲျပဳတ္လိုက္ေရာင္းရင္းနဲ႕ ေဘးဘယ္ညာက တန္ဖိုးႀကီးအိမ္ၿခံဝန္းေတြ ရွိရာဘက္ဆီလည္း မေမ့မေလ်ာ့ေဝ့ဝဲကာ ေငးေမာၾကည့္ေနမိသည္။
လူမွန္းသိတတ္စအ႐ြယ္တည္းက စားနိုင္ေသာက္နိုင္႐ုံ အေနအထားရွိဖို႔ေတာင္ မနည္းခဲယဥ္းခဲ့တဲ့ ခေညာင္းဦးတို႔မိသားစုမွာ ဆင္းရဲခ်ိဳ႕တဲ့မႈဒဏ္ကို အလူးအလဲခံစားခဲ့ရသည္။ ရက္စက္လြန္းလွတဲ့ ကံၾကမၼာကို စာဖြဲ႕ျပစ္တင္ဖို႔ေတာင္ အခ်ိန္မေပးနိုင္သည္အထိ..၊ ခေညာင္းဦးခမ်ာ စားဝတ္ေနေရးအတြက္ လက္ေျပာင္းလႊဲယူလို႔ အ႐ြယ္နဲ႕တစ္ေျပးညီစြာပင္ တတ္စြမ္းနိုင္သေလာက္ကို ႐ုန္းကန္လာရသည္။
တစ္ရပ္ကြက္လုံးကလည္း သူတို႔မိသားစုကိုဆို မဖယ္ၾကဥ္႐ုံေလးသာရွိၾကမည္။ အဲ့ဒီအစား ေမးထူးေခၚေျပာဖို႔ မဆိုေလနဲ႕..၊ မ်က္လုံးေတာင္မွ ေယာင္လို႔ေဝ့ၾကည့္မလာခ်င္ၾကေပ။ ေက်ာ္မေကာင္း ၾကားမေကာင္းခဲ့ရတဲ့ မိခင္ျဖစ္သူရဲ႕ အတိတ္ကာလကျဖစ္ရပ္ဆိုးႀကီးကို တစ္ရပ္ကြက္လုံးအႏွံ႕ ဟိုးဟိုးေက်ာ္ေအာင္ ဝိုင္းဝန္းအျပစ္တင္ၾကတာကလြဲလို႔ ကမ္းလင့္လာမယ့္လက္တစ္စုံကို တစ္ႀကိမ္တစ္ခါမွ်မရရွိခဲ့ဖူးပါေလ။
ကလင္..ကလင္..!
ဘဲလ္သံႏွစ္ခ်က္ေၾကာင့္ ပဲျပဳတ္ေတာင္းႀကီးကို ဟန္ခ်က္ထိန္းထားရတဲ့ ခေညာင္းဦးရဲ႕လည္တိုင္မွာ သမင္ပ်ိဳေလးကဲ့သို႔ႏွယ္ လွစ္ခနဲ..။ ထိုအခါ ဆိုက္ကားတစ္စီးကလည္း အရွိန္အသင့္အတင့္နဲ႕အတူ သူ႕အနားမွာ လာရပ္တန့္ေလသည္။
" ေရာင္းကုန္ေတာ့မွာလား ငျပဴး "
" ဟင့္အင္း.. ကုန္ဖို႔ကက်န္ေသးတယ္ ငလူးရ.. "
" အာ့ဆို ငါဝယ္လိုက္မယ္ "
စကားေျပာေနရင္းက ခေညာင္းဦးရဲ႕ေခါင္းေပၚက ပဲျပဳတ္ေတာင္းႀကီးကို ခ်က္ခ်င္းလွမ္းယူလိုက္တဲ့ လူးလြန့္ေမာင္ရယ္။ ခေညာင္းဦးအရပ္ ဘယ္ေလာက္ပုသလဲဆိုရင္ ဆိုက္ကားေပၚထိုင္ေနတဲ့ လူးလြန့္ေမာင္က လက္အသာဆန့္လိုက္႐ုံတင္..။
" အမ်ားႀကီးကို.. မင္း..ဘယ္လိုစားကုန္မွာလဲ ငလူး.. "
" မပူနဲ႕.. ဆီရယ္ၾကက္သြန္ရယ္နဲ႕ ရွယ္သုပ္ၿပီး ဂိတ္ကဦးေလးႀကီးေတြကို ေကြၽးမွာမို႔..။ ဒီေန႕က ငါ့အေဖ ငါးႏွစ္ျပည့္သြားၿပီေလ ငျပဴးရ "
အခ်ိန္ေတြက ဘာလိုလိုနဲ႕ငါးႏွစ္ေတာင္ ရွိသြားခဲ့ရၿပီေပါ့။ ထြက္သြားခဲ့သူနဲ႕ က်န္ရစ္ခဲ့သူေတြၾကားမွာ ဘယ္အရာေတြမ်ား ကြာျခားသြားနိုင္ေလမလဲ။
ဘဝသစ္ဆီ ေရာက္ရွိသြားသူတစ္ေယာက္က အႏွောင္အဖြဲ႕အသစ္ေတြနဲ႕ စတင္ရစ္ပတ္ေနမိခ်ိန္..၊ ဘဝေဟာင္းမွာ က်န္ရစ္ခဲ့ရသူေတြကေတာ့ အတူရွိခဲ့ၾကတဲ့အတိတ္ကိုေတာင္ လက္မလႊတ္နိုင္ၾကေပ။ ဖက္တြယ္ထားမိသမွ် ေလ်ာ့တိေလ်ာ့ရဲ သံေယာဇဥ္ႀကိဳးေတြခမ်ာ အမွ်င္မျပတ္နိုင္ၾကေသးသလို တမ္းတလြမ္းဆြတ္မႈေတြမွာလည္း ကိုယ္စီ မေမွးမွိန္နိုင္ၾကေသးပါ။
" ႀကီးေမ.. အဆင္ေျပရဲ႕လား ငလူး "
" ေျပမေျပေတာ့ ငါလည္းမသိဘူး..။ ဆြမ္းကပ္ၿပီးတည္းက အေဖ့ဓာတ္ပုံေရွ႕ထိုင္ေနတာ.. အခု ငါထြက္လာတဲ့အခ်ိန္ထိပဲ "
" အင္းေပါ့.. ဦးႀကီးကိုလြမ္းေနရွာမွာ.. "
ကံၾကမၼာရဲ႕စီမံရာေအာက္မွာ ေနေနၾကရတဲ့သူေတြျဖစ္လို႔ အမ်ားသူငွါကဲ့သို႔ေသာ ကံတရားကို မလြန္ဆန္နိုင္တဲ့အထဲမွာ လူးလြန့္ေမာင္တို႔မိသားစုလည္း အပါအဝင္ျဖစ္ခဲ့ရသည္။ ညအခ်ိန္ႀကီးမွာ တရားလြန္ေမာင္းလာတဲ့ ကားတစ္စီးက လမ္းေဘးကပ္လို႔ အိမ္အျပန္လမ္းဆိုက္ကားနင္းလာတဲ့ ဦးမင္းေနာင္ကို အရွိန္ျပင္းစြာဝင္တိုက္မိရာမွ ေနရာမွာတင္ပြဲခ်င္းၿပီး ဆုံးပါးသြားခဲ့ရသည္။
ဖခင္ျဖစ္သူကို ေန႕ျမင္ညေပ်ာက္ဆုံးရႈံးခဲ့ရခ်ိန္မွာ လူးလြန့္ေမာင္အသက္က ၁၃ႏွစ္အ႐ြယ္ေလး..။ ေဒၚျဖဴျဖဴေမာင္ကလည္း ေယာက်ာ္းျဖစ္သူရဲ႕အျဖစ္ဆိုးကို ၾကားၾကားခ်င္း ေလွကားေပၚကေျပးဆင္းရာမွ ေခ်ာ္လဲက်သြားတာေၾကာင့္ ဗိုက္ထဲရွိဒုတိယကေလးမွာ ပ်က္က်သြားခဲ့ရေလသည္။
မၾကာမခင္မွာတင္ အသက္တစ္ေခ်ာင္းကို တန္ေၾကးျဖတ္လာၾကျပန္ေတာ့..၊ တစ္ဖက္ကေပးလာတဲ့ ေလ်ာ္ေၾကးေငြေတြကို ေဒၚျဖဴျဖဴေမာင္က တစ္ျပားတစ္က်ပ္မွမယူဘဲနဲ႕ လူပုံအလယ္မွာတင္ ေငြစကၠဴအထပ္လိုက္ကို လူ႕အေရၿခဳံေတြရဲ႕မ်က္ႏွာတည့္တည့္ အားရပါးရပစ္ေပါက္ကာ ျပန္ေပးလိုက္သည္ေလ။ အဲ့ဒီအခ်ိန္တုန္းကဆိုရင္ တအားရဲရင့္ၿပီး စိတ္ဓာတ္သန္မာလြန္းတဲ့ႀကီးေမကို ခေညာင္းဦးမယုံနိုင္ဖြယ္ပင္ မ်က္ဝါးထင္ထင္ ျမင္ေတြ႕ခဲ့ရသည္။
အားႏြဲ႕ပါတယ္ဆိုတဲ့ မိန္းမသားတစ္ေယာက္ရဲ႕ စိတ္ဓာတ္ခိုင္မာမႈကိုေတာ့ ဘယ္ေယာက်ာ္းသားမွ မယွဥ္သာနိုင္ေလာက္ေပ။
" ငျပဴး! "
" ဟင္.. "
" ငါေျပာတာၾကားလား.. "
" ဘာကို.. "
" လုပ္ၿပီ! အဲ့ဦးႏွောက္ေသးေသးေလးက ဘာေတြေတြးေနျပန္တာလဲကြာ။ အဟမ္း..! အေဖ့အတြက္ အေမကဘုရားမွာ ေ႐ႊသကၤန္းကပ္ခိုင္းတာမို႔.. အဲ့ဒါ ငါနဲ႕အတူလိုက္ခ်င္လား ေမးေနတာ.. "
" ဟင္.. ငါလိုက္လို႔ရတာလား.. "
" ..... "
အတူတူသြားခ်င္လို႔ ဉာဏ္ဆင္ပါတယ္ဆိုကာမွပဲ လိုက္လို႔ရလားျပန္ေမးေနသူေၾကာင့္ လူးလြန့္ေမာင္ ဘာျပန္ေျဖရမွန္းမသိ ျဖစ္သြားရေလသည္။
" တက္တက္! အရင္တက္လိုက္ေတာ့.. "
" အင္း.. "
ထိုအခါ လူးလြန့္ေမာင္လက္ထဲက ပဲျပဳတ္ေတာင္းႀကီးကိုလွမ္းယူလ်က္ ဆိုက္ကားေပၚမေပါ့မပါးနဲ႕ ထိုင္ဖို႔လုပ္ေနသူေၾကာင့္..၊ ခေညာင္းဦးရင္ခြင္ငယ္ထဲက ႏွီးေတာင္းႀကီးကို ခ်က္ခ်င္းျပန္ယူလိုက္ၿပီး ေနာက္ခုံမွာသာ ႀကိဳးနဲ႕ပတ္ခ်ည္ထားေပးလိုက္သည္။
" သက္ေတာင့္သက္သာ ထိုင္စမ္းပါ.. ဥစၥာေျခာက္ေလးရ! "
________
လူးလြန့္ေမာင္နဲ႕အတူ ဘုရားသြားဖို႔ အေၾကာင္းဖန္လာၿပီျဖစ္လို႔ အိမ္ကိုျပန္ေရာက္တာနဲ႕ ရွိစုမဲ့စုပိုင္ဆိုင္ထားသမွ် အဝတ္အစားခပ္ႏြမ္းႏြမ္းေတြထဲမွာမွ အေကာင္းဆုံးျဖစ္မယ့္တစ္ထည္ကို ခေညာင္းဦး အလ်င္ရွာေဖြေနရသည္။
အသက္သာ ၁၈ႏွစ္ရွိၿပီဆိုေပမယ့္ အခုခ်ိန္ထိ ရပ္ကြက္အျပင္ဘက္ဆီကို ကားတစ္တန္ေလွတစ္တန္နဲ႕ ေက်ာ္မထြက္ဖူးေသးတာေၾကာင့္ တန္ခိုးႀကီးဘုရားေတြဆီကိုလည္း သူတစ္ခါမွမေရာက္ခဲ့ဖူးေပ။ ဒီအသက္အ႐ြယ္ထိ ရပ္ကြက္တကာ ေျခလ်င္ပတ္ေလွ်ာက္ၿပီး ပဲျပဳတ္လိုက္ေရာင္းတာကလြဲလို႔ အိမ္နဲ႕ေက်ာင္း ေက်ာင္းနဲ႕အိမ္ကိုသာ အသြားအျပန္ရွိခဲ့ပါသည္။
ဆိုက္ကားဆိုတာေတာင္မွ လူးလြန့္ေမာင္တို႔သားအဖ အလကားေပးစီးခဲ့လို႔သာ..။ မဟုတ္လို႔ကေတာ့ ကိုယ့္ေျခေထာက္ကိုယ္သုံးဖို႔ေလာက္ပဲ အားသန္ေနခဲ့ၾကတဲ့ ခေညာင္းဦးတို႔ေျမးအဘြားႏွစ္ေယာက္ရယ္။
" အယ္အယ္! တယ္လွေနပါလား..! မုန့္ဝယ္ခဲ့ေနာ္ သမီးေလး! ဟီးဟီး! "
" ဟုတ္! ေမႀကီး.. "
အိမ္ေပါက္ဝေလးမွာ ထမင္းအိုးေလးပိုက္ကာထိုင္ေနတဲ့ ေဒၚကေညာင္းေမက သူ႕ပါးစပ္ထဲကို တစ္လုပ္ၿပီးတစ္လုပ္ ပလုပ္ပေလာင္းထည့္စားရင္းက အလ်င္လိုေနပုံရတဲ့ခေညာင္းဦးကို ေလခ်ိဳေသြးလို႔ မုန့္လွမ္းမွာေနသည္။ ခေညာင္းဦးခမ်ာလည္း ၿခံျပင္ေရာက္ခ်ိန္မွာေတာင္ ဆံထုံးထက္ရစ္ပတ္ထားမိတဲ့ ခေရပန္းကုံးကို ျဖဳတ္ခဲ့ဖို႔ေမ့သြားတဲ့အထိ စိတ္လႈပ္ရွားေနခဲ့သည္ဆို ယုံနိုင္ပါ့မလား..။
ေယာက္်ားေလးတစ္ေယာက္ဆိုေပမယ့္ သိတတ္စအ႐ြယ္တည္းက ေမႀကီးေရွ႕မွာ အေနအထိုင္ကိုဆင္ျခင္ၿပီး သတိေလးနဲ႕ျပဳမူ လႈပ္ရွားခဲ့ရတာေၾကာင့္ လမ္းေလွ်ာက္ပုံကအစ ညင္သာတိုးလ်သလို စကားအေျပာအဆိုမွာလည္း ပုံမွန္ေယာက်ာ္းတစ္ေယာက္လိုေတာင္ မက်ယ္ေလာင္လွေပ။ ႏြဲ႕ႏွောင္းမႈထက္စာရင္ ခေညာင္းဦးအသြင္အျပင္က ေပ်ာ့ေပ်ာင္းမႈဘက္ကိုေတာ့ ပိုအေလးသာသည္ပင္။
လူးလြန့္ေမာင္တို႔ အိမ္ေရွ႕ကိုေရာက္လာေတာ့ လည္ကတုံးလက္ရွည္အျဖဴနဲ႕ ပုဆိုးအနက္ကြက္ကို သန့္ျပန့္ခန့္ညားေနေအာင္ ဝတ္စားထားသူႀကီးေၾကာင့္ ခေညာင္းဦးမ်က္ႏွာေလးမွာ ဇီး႐ြက္ေလာက္သာရွိခ်င္ေတာ့သည္။ ဂုတ္ေထာက္ဆံပင္ရွည္ကို တစ္ဝက္စည္းႏွောင္ထားၿပီး တအားမိမိုက္လြန္းေနတဲ့ လူးလြန့္ေမာင္ကို ဇီး႐ြက္ေလးကေစ့ေစ့ပင္ မၾကည့္ရဲေတာ့ဘူးထင္ရင္ေတာ့ မွားသြားပါလိမ့္မည္။
" ေျဖးေျဖးၾကည့္ပါကြ! မ်က္လုံးႀကီးလည္း ကြၽတ္ထြက္သြားပါဦးမယ္ "
" ဘယ္..ဘယ္မွာ ကြၽတ္ထြက္ေနလို႔လဲ.. ဟြန့္! "
" ဟြန့္မေနနဲ႕! ပုဆိုးေလးျပင္ဝတ္လိုက္ပါဦး ငျပဴးရ "
လူးလြန့္ေမာင္ သတိေပးေတာ့မွသာ တစ္လမ္းလုံးထဘီပုံႀကီးနဲ႕ ေလွ်ာက္လာမိတဲ့သူ႕အျဖစ္သူ လ်န့္ဖ်န့္ၿပီး ခေညာင္းဦးအလ်င္အျမန္ ပုဆိုးျဖန့္ဝတ္လိုက္ရသည္။ ပုဆိုးပုံေျပာင္းမဝတ္ရေသးတာကို မေမ့မေလ်ာ့ လွမ္းေျပာမိေပမယ့္ ဆံရစ္ဝိုင္းေပၚက ခေရပန္းကုံးကိုေတာ့ မျမင္ခ်င္ေယာင္ေဆာင္လိုက္တဲ့ လူးလြန့္ေမာင္ရယ္..။
ကားမွတ္တိုင္ကိုေရာက္လာေတာ့ စူးစမ္းေနတဲ့ေၾကာင္သူငယ္က ေခါင္းေလးလည္ကာလည္ကာနဲ႕ေပါ့..။ ဘဝမွာ bus ကားဆိုတာႀကီးကို ပထမဆုံးစစီးဖူးျခင္းျဖစ္လို႔ စီးရမယ့္ကားေရာက္လာခ်ိန္မွာ ဘယ္အေပါက္ကေန တက္လို႔တက္ရမွန္းမသိတဲ့ ခေညာင္းဦးက သူ႕ကိုယ္သူမသိလိုက္ခ်ိန္မွာေတာင္ ခုန္ဆြခုန္ဆြေလးျဖစ္ေနၿပီ။
လူးလြန့္ေမာင္က စိတ္လႈပ္ရွားေနတဲ့ေၾကာင္သူငယ္ကို အေနာက္ကေန ပခုံးႏွစ္ဖက္လွမ္းထိန္းကိုင္လို႔ ကားအေရွ႕ေပါက္ဆီ ေျခခ်ေစလိုက္ရသည္။ ကားေပၚတက္တက္ခ်င္းတင္ 'ယဥစီးခထည့္ရန္' ဆိုတဲ့စာတန္းကိုျမင္ၿပီး ခေညာင္းဦးမ်က္လုံးမ်ား ျပဴးက်ယ္သြားရေတာ့သည္။
" ဘာလုပ္ေနတာ..။ အထဲထိဆက္ေလွ်ာက္သြားေလ ငျပဴး "
" အင္း "
ဆက္ေလွ်ာက္ဆိုလို႔သာ သူ႕မွာ ေလွ်ာက္လာခဲ့ရသည္။ ခေညာင္းဦးခမ်ာ ဟိုၾကည့္ဒီၾကည့္နဲ႕ ဘာလုပ္ရမွန္းလည္းမသိတာေၾကာင့္ ေလွ်ာက္လမ္းအလယ္မွာသာ ထီးထီးႀကီးရပ္ေနလို႔..။ အေနာက္ကေနလိုက္တက္လာတဲ့ လူးလြန့္ေမာင္မွာ ႏွစ္ေယာက္စာယာဥ္စီးခကို ပိုက္ဆံပုံးထဲထည့္ေနရင္းက လွမ္းေအာ္ေျပာလိုက္သည္။
" ကိုင္ထားဦး ငျပဴး! "
အသိေပးတုန္းရွိေသး..၊ ဝူးခနဲေနေအာင္ ႏြားသိုးႀကိဳးလႊတ္ထြက္ခ်သြားတဲ့ ကားႀကီးရဲ႕အရွိန္ေၾကာင့္ ကားအေနာက္ဘက္ျခမ္းဆီကို ဝွီးခနဲေနေအာင္ ေက်ာကေလးေကာ့ကာ ကားယားႀကီးလႊင့္ထြက္သြားရတဲ့ ခေညာင္းဦးရယ္။ လန့္ဖ်န့္ၿပီးေအာ္မိသြားသည္ကလည္း သူ႕ဘဝမွာ ပထမဆုံးငယ္သံပါေအာင္ ေအာ္ဖူးျခင္းျဖစ္သလို တစ္ကားလုံးကိုပါ ေမြ႕ပတ္ဆဲမိသြားသေယာင္ပင္။
" ငလူး..! "
ကားေပၚမွာက ခရီးသည္ေတြေခ်ာင္ၿပီး လမ္းမတန္းႀကီးကလည္း ဘယ္ညာရွင္းလင္းေနတာေၾကာင့္ ကားဆရာႀကီးအစြမ္းျပလိုက္မိတာ ခေညာင္းဦးတစ္ေယာက္ ဟက္ထိုးမလဲ႐ုံတမယ္ပါပဲ။ ခပ္ဝဝ အမ်ိဳးသမီးႀကီးတစ္ေယာက္က အရွိန္နဲ႕လႊင့္လာတဲ့ သူ႕ကိုယ္လုံးခပ္ညွက္ညွက္ေလးကို အခ်ိန္မီလွမ္းဖမ္းထားနိုင္လို႔သာ ေတာ္ေတာ့မည္။
မထင္လိုက္တဲ့ လူးလြန့္ေမာင္ခမ်ာလည္း ေၾကာင္ၾကည့္ေနရာက ဖြီးခနဲဆိုသလို ႀကိတ္ရယ္မိသြားရေလသည္။ အဲ့ဒီ အူယားစရာေနာက္ေက်ာေလးက ပိန္ပိန္ပါးပါး ဖားပ်ံေလးတစ္ေကာင္လိုမ်ိဳး ကားယားႀကီးလႊင့္သြားသည္ကိုး။
ကားလုံးကြၽတ္အရွက္ကြဲသြားတဲ့ ခေညာင္းဦးက တစ္ကိုယ္လုံးပုစြန္တုပ္ေလးလို အခ်ိန္အေတာ္ၾကာေအာင္ နီရဲေနခဲ့ၿပီး တစ္လမ္းလုံးလည္း မ်က္ႏွာႀကီးကိုစူပုပ္ထားေလသည္။ ေခ်ာ့ခြင့္ရဖို႔ေနေနသာသာ..၊ ထိုင္ဖို႔ေနရာေတာင္မွ တစ္ေနရာပဲရတာေၾကာင့္ ခေညာင္းဦးကိုဝင္ထိုင္ခိုင္းၿပီး လူးလြန့္ေမာင္က ေဘးမွာမတ္တတ္ႀကီး ရပ္ေနရတာျဖစ္သည္။
အရပ္အေမာင္းက ကားေခါင္မိုးနဲ႕တစ္ေျပးညီမို႔ ကားတစ္ခါခုန္သြားတိုင္းမွာ လူးလြန့္ေမာင္ငယ္ထိပ္ကလည္း တဒိန္းဒိန္းပဲ။ လမ္းတစ္ဝက္ေလာက္ေရာက္မွ ခေညာင္းဦးခမ်ာ ကားမူးလာတာေၾကာင့္ မူမေနနိုင္ေတာ့ဘဲနဲ႕ လူးလြန့္ေမာင္ရဲ႕ဗိုက္နားကို ေခါင္းေလးခိုမွီလိုက္ရရွာသည္။
" ကားမူးေနၿပီလား ငျပဴး "
" အင္း.. "
ၾကားရတဲ့အသံေလးက အားေတာင္မရွိခ်င္ေတာ့တာေၾကာင့္ လူးလြန့္ေမာင္ လြယ္အိတ္ထဲကိုလက္ႏွိုက္ယူလို႔ ခေညာင္းဦးပါးစပ္ထဲကို လွမ္းခြံ႕ေပးလိုက္သည္။
" ငုံထားလိုက္.. သက္သာသြားလိမ့္မယ္ "
ခံတြင္းထဲေရာက္လာသည္မွာ ဘာလီသၾကားလုံးရဲ႕ ခ်ိဳခ်ဥ္အရသာေလးမို႔ ခေညာင္းဦး အရသာေတြ႕သြားေလသည္။
" သက္သာလား ငျပဴး "
" အြန္း.. "
" ခဏပဲစီးရေတာ့မွာ..။ ေနာက္ ငါးမိနစ္ေလာက္ဆို ငါတို႔ေရာက္ေတာ့မယ္ "
ေခါင္းတညိတ္ညိတ္လုပ္ျပေနတဲ့ ခေညာင္းဦးရဲ႕အထိအေတြ႕ေလးက သူ႕ဗိုက္ကိုပြတ္သပ္ေပးေနသေယာင္ ျဖစ္ေစတာမို႔ လက္တစ္ဖက္နဲ႕ အသာလွမ္းထိန္းလိုက္ရတဲ့ လူးလြန့္ေမာင္ရယ္..။
" ေခါင္းမလႈပ္နဲ႕.. မင္းပိုမူးလိမ့္မယ္ေလ "
" အင္းအင္း.. "
ကားေပၚကဆင္းေတာ့ တစ္ဖက္ကားလမ္းျဖတ္ကူးရမွာ ေၾကာက္ေနတဲ့ခေညာင္းဦးကို လူးလြန့္ေမာင္ခမ်ာ မခ်ီပိုးမိ႐ုံတမယ္ပင္ ကိုးရိုးကားယားႀကီး ဆြဲေခၚလာခဲ့ရေသးသည္။ ေ႐ႊတိဂုံေစတီေတာ္ျမတ္ႀကီးဆီ ပထမဆုံးေရာက္ဖူးျခင္းျဖစ္လို႔ ခေညာင္းဦးတစ္ေယာက္ ဖိနပ္ခြၽတ္ေနရင္းက ျခေသၤ့ႀကီးႏွစ္ေကာင္ကို အထူးအဆန္းေမာ့ၾကည့္ေနမိသည္။
" ငျပဴးေရ! ဖိနပ္ေပးဦး "
" ဟင္.. ဘာလုပ္ဖို႔.. "
" ဘာလုပ္ရမွာလဲ! ငါစားမလို႔ေပါ့! "
" ..... "
ဖိနပ္ႏွစ္ရံကို အိမ္ကေနယူလာတဲ့ ႂကြပ္ႂကြပ္အိတ္ထဲထည့္ၿပီး လူးလြန့္ေမာင္သယ္ဖို႔လုပ္ေတာ့ ခေညာင္းဦးက အတင္းျပန္ဆြဲယူသည္။
" ေပး.. ငါကိုင္မွာ.. "
" ငါကိုင္တာ ဘာျဖစ္လို႔လဲ "
" ဘာမွမျဖစ္ဘူး..။ ငါသယ္ခ်င္လို႔.. "
" ေအးပါကြာ "
ႏွစ္ေယာက္သား ေလွကားထစ္ေတြကို ခပ္ေအးေအးတက္လာရင္းက ေဘးဘယ္ညာမွာရွိေနတဲ့ ေစ်းဆိုင္ခန္းေတြဆီကို ခေညာင္းဦး ေခါင္းေလးလည္ကာလည္ကာနဲ႕ လိုက္ၾကည့္ေနမိသည္။
" မင္းလိုခ်င္တာရွိရင္ေျပာေနာ္ ငျပဴး "
" ဟင့္အင္း.. မလိုခ်င္ပါဘူး.. "
မလိုခ်င္ဘူးခ်ည္းေျပာေနသူရဲ႕ အၾကည့္ေတြမွာ ဆိုင္ခန္းထဲမွ ပစၥည္းတခ်ိဳ႕ဆီကေနေတာ့ အမွ်င္မျပတ္နိုင္ေသးေပ။ ပန္းဆိုင္ေတြဆီေရာက္လာေတာ့ လူးလြန့္ေမာင္က အေဖ့အတြက္ပန္းဝင္ဝယ္ရာမွ တနလၤာသားေလးအတြက္ပါ ေန႕နံပန္းတစ္စည္းဝယ္ေပးလိုက္သည္။
" ေရာ့! ဟိုဘက္လက္နဲ႕ကိုင္ထား ငျပဴး "
" အင္း.. "
လူးလြန့္ေမာင္လွမ္းေပးလာတဲ့ ဘုရားပန္းေတြကို ခေညာင္းဦးက ေသခ်ာလွမ္းယူထားေလသည္။ ဘုရားရင္ျပင္ေပၚေရာက္ေတာ့ မနက္ ၁၀နာရီေတာင္ထိုးၿပီးေနၿပီ ျဖစ္ေပမယ့္ ကံအားေလ်ာ္ၿပီး မိုးေလးအုံ႕ေနလို႔သာ ေတာ္ေရာ့မည္။ မဟုတ္လို႔ကေတာ့ ေႂကြျပားပူပူႀကီးေတြကို နင္းမိကာ ခုန္ဆြခုန္ဆြလုပ္ေနမယ့္ ေၾကာင္သူငယ္ကိုျမင္ၿပီး လူးလြန့္ေမာင္လည္းေနရင္းထိုင္ရင္း အသည္းယားေနရဦးမည္ေလ။
ေန႕နံေထာင့္ေတြမွာ ေရသပၸာယ္ျခင္းအမႈကိုျပဳေတာ့ ခေညာင္းဦး တတြတ္တြတ္ေမးလာသမွ်ကို လူးလြန့္ေမာင္က စိတ္ရွည္လက္ရွည္နဲ႕ ျပန္ေျဖေပးေနမိသည္။ သို႔ေပမယ့္..၊ အသံကက်ယ္ေတာ့ ေဘးကဘုရားဖူးေတြအျမင္မွာ လူးလြန့္ေမာင္က ညွက္စိေလးခေညာင္းဦးကို စိတ္မရွည္တဲ့လူထြားႀကီးအျဖစ္သာ..။ တကယ္တမ္းက် ခေညာင္းဦး ေသခ်ာမၾကားရလို႔သာ သူ႕ခမ်ာ ေအာ္ေျပာေနရတာပင္။
တေျဖးေျဖးနဲ႕ ၁၁နာရီထိုးၿပီးလို႔ ခြဲပါေက်ာ္သြားသည္အထိ ဘုရားရင္ျပင္ေပၚကေန ႏွစ္ေယာက္သား ဆင္းမလာရေသးပါ။ အေၾကာင္းမွာ..၊ သူ႕ကိုယ္သူအတြက္ေရာ သူ႕ေမႀကီးနဲ႕ သူ႕ဘြားေမအတြက္ပါ တနလၤာေထာင့္မွာတင္ ေရကိုသက္ေစ့ေလာင္းေပးေန႐ုံမက ပုဆစ္တုပ္ထိုင္ၿပီး ႏႈတ္ခမ္းစူစူေလးနဲ႕တတြတ္တြတ္ ေတာင္းဆုေႁခြေနေသးတဲ့ ခေညာင္းဦးကို ထိုင္ေစာင့္ေနရတာေၾကာင့္ ျဖစ္သည္။
တနလၤာနံမိသားစု သုံးေယာက္ေပါင္းအသက္နဲ႕တင္ ဘုရားေရလည္း တစ္ဂါလံေလာက္ကုန္သြားၿပီမို႔ အလႉေငြပုံးေတြထဲမွာ ေရအလႉေတာ္သီးသန့္အတြက္ လူးလြန့္ေမာင္ ထည့္ဝင္လႉဒါန္းလိုက္ရေသးသည္။
ဘုရားေစာင္းတန္းေလွကားထစ္မွာ ေဆာင့္ေၾကာင့္ထိုင္ၿပီး အသားကုန္သမ္းေဝေနရတဲ့ လူထြားႀကီးခမ်ာ ေနရင္းထိုင္ရင္းက မ်က္ရည္နဲ႕မ်က္ခြက္ကိုျဖစ္လို႔..။ ထိုင္ဆုေတာင္းလို႔ၿပီးသြားတဲ့ ခေညာင္းဦးက က်ဥ္တက္သြားတဲ့ သူ႕ေျခေထာက္ေလးကို လက္သီးဆုပ္ေလးနဲ႕အသာထုကာ ေခါင္းကိုလက္ကေလးနဲ႕ ေနကြယ္ထားရင္း လူးလြန့္ေမာင္အနားကို အေျပးေရာက္လာသည္။
" ၿပီးသြားၿပီလား ငျပဴး! "
" အင္း..။ ဟင္..! မင္းငိုထားလား ငလူး.. "
" အဟြန္း! ေသခ်ာတာေပါ့။ သြားရေအာင္ေလ.. ငါေတာ္ေတာ္ဗိုက္ဆာေနၿပီ ငျပဴးရ "
ေန႕လယ္စာကို ဒံေပါက္အတူစားဖို႔ ႀကံ႐ြယ္ထားတာျဖစ္လို႔ တက္ႂကြစြာနဲ႕ လြယ္အိတ္ေကာက္လြယ္ၿပီး မတ္တတ္ထရပ္လိုက္ခ်ိန္မွာပဲ ခေညာင္းဦးဆီက မထင္မွတ္တဲ့အျပဳအမူတစ္ခုေၾကာင့္ လူးလြန့္ေမာင္ အသက္ရႉရပ္မတတ္ ျဖစ္သြားရေလသည္။ သူ႕မ်က္ခမ္းစပ္နားမွာ တင္က်န္ေနေသးတဲ့ မ်က္ရည္စတခ်ိဳ႕ကို လက္ေခ်ာင္းေလးေတြနဲ႕ ခပ္ဖြဖြပြတ္သုတ္ေပးလာတဲ့ ခေညာင္းဦးပုံစံေလးက ဘယ္လိုေျပာရင္ေကာင္းမလဲ။
" ဦးႀကီးက အခုခ်ိန္ဆို.. ေကာင္းရာမြန္ရာေရာက္သြားပါၿပီ ငလူးရ..။ ေနာက္ဆို.. စိတ္မေကာင္းျဖစ္ေအာင္ မငိုရဘူးေနာ္ "
သူ႕လိုလူထြားႀကီးကို လည္ပင္းေလးေမာ့ေမာ့ၿပီး ၾကည့္ေနရတဲ့ ေၾကာင္ညွက္စိေလးက အခုလိုလူႀကီးဆန္ျပေနေတာ့ ခံစားခ်က္မွာ မရိုးမယြေတြကိုျဖစ္လို႔ပဲ။
" ဘယ္သူက စိတ္မေကာင္းျဖစ္တာ.. "
" ငါေလ..။ မင္းငိုတာျမင္ရင္.. ငါတကယ္ စိတ္မေကာင္းျဖစ္ရတယ္ ငလူး.. "
ထိုအခါ အေဖ့ရဲ႕အသုဘတုန္းက ေခ်ာင္ေလးမွာထိုင္ၿပီး ႀကိတ္ငိုေနတဲ့လူးလြန့္ေမာင္ကို ရွာေတြ႕သြားတဲ့ခေညာင္းဦးက ေခါင္းေလးလာပြတ္ေပးရင္း ေခ်ာ့ေမာ့ေနခဲ့တာကို ျပန္အမွတ္ရမိသြားသည္။ အဲ့ဒီအခ်ိန္တုန္းက တတ္သေလာက္မွတ္သေလာက္ေလးနဲ႕ တတြတ္တြတ္ႏွစ္သိမ့္ေနတဲ့ ခေညာင္းဦးကို လူးလြန့္ေမာင္ တင္းတင္းက်ပ္က်ပ္လွမ္းဖက္လို႔ က်ေနဆဲမ်က္ရည္ေတြကို ကြယ္ဝွက္ထားခဲ့သည္ေလ။
ဒါေၾကာင့္လည္း ခေညာင္းဦးဆိုတာက လူးလြန့္ေမာင္မသိလိုက္ခ်ိန္မွာတင္ သူ႕ရဲ႕ႏွလုံးသားတစ္ေနရာထဲမွာ ပိုင္စိုးပိုင္နင္းနဲ႕ အခန္းဖြဲ႕ၿပီးလာေနခဲ့တာလည္း အခ်ိန္တစ္ခုထိေတာင္ ၾကာသြားရၿပီျဖစ္သည္။
ေျမာက္ဘက္မုခ္ကေနျပန္ဆင္းဖို႔ ေလွ်ာက္လာၾကခ်ိန္မွာပဲ ဘုရားေပၚကဓာတ္ပုံဆရာတခ်ိဳ႕ကို လူးလြန့္ေမာင္လွမ္းေတြ႕ေတာ့ ခေညာင္းဦးနဲ႕ ႏွစ္ေယာက္အတူဓာတ္ပုံရိုက္ဖို႔ရာ အႀကံရသြားေလသည္။ ဒါေၾကာင့္ ဓာတ္ပုံဆရာ ဦးေလးႀကီးတစ္ေယာက္ကို ပုံရိုက္ေပးဖို႔ လွမ္းေခၚလိုက္ေတာ့သည္။
" ပုံက ခ်က္ခ်င္းရမွာမလား ဦးေလး "
" ခ်က္ခ်င္းရမွာ ခ်က္ခ်င္းရမွာ.. ခဏေလးေစာင့္႐ုံပဲ "
" ဒါဆို ႏွစ္ပုံရိုက္မယ္ဗ် "
" ဟုတ္ပါၿပီဗ်။ ကဲ! ဒီဘက္နားေလး လာရပ္ေပးၾကေနာ္ ငါ့တူတို႔.. "
ေက်ာင္းသားကတ္နဲ႕ မွတ္ပုံတင္အတြက္ ပုံရိုက္ရတာကလြဲၿပီး အခုလိုမ်ိဳးဓာတ္ပုံရိုက္ဖူးတာက ပထမဆုံးျဖစ္လို႔ လူးလြန့္ေမာင္ေဘးမွာရပ္ေနတဲ့ ခေညာင္းဦးပုံစံေလးက ခပ္ေတာင့္ေတာင့္ေလးသာ..။
" အဟြန္း! ၿပဳံးဖို႔မေမ့နဲ႕ဦး ငျပဴး "
" အင္း.. "
မိနစ္ပိုင္းအၾကာမွာတင္ ပုံေလးႏွစ္ပုံရလာတာေၾကာင့္ ႏွစ္ေယာက္သား ေခါင္းခ်င္းဆိုင္မိတုန္းရွိေသး..။ ဓာတ္ပုံကိုၾကည့္ၿပီး အေတာမသတ္နိုင္ေအာင္ ထရယ္လာတဲ့လူးလြန့္ေမာင္ေၾကာင့္ ခေညာင္းဦးမ်က္ႏွာေလးက ခ်က္ခ်င္းစူပုပ္သြားရျပန္သည္။ ဒီေန႕တစ္ေန႕တည္းနဲ႕တင္ ခေညာင္းဦးရဲ႕ ရွိသမွ်အရွက္ေတြလည္း ကုန္ခ်င္သလိုေတာင္ ျဖစ္သြားရပါၿပီ။
ေသမလိုေတြရယ္ေနတဲ့ လူးလြန့္ေမာင္ေၾကာင့္ ဓာတ္ပုံကိုလွမ္းဆြဲယူၿပီး ၾကည့္လိုက္မိခ်ိန္မွာတင္ တစ္ေလာကလုံးကို အျပစ္တင္ဖို႔ေတာင္ေမ့သြားရတဲ့ ခေညာင္းဦးရယ္။ ပုံကိုကိုယ္တိုင္ျမင္ေတာ့မွပဲ လူးလြန့္ေမာင္ေအာ္ရယ္တာ တကယ္မလြန္ေၾကာင္း လက္ခံလိုက္ရသည္။
ဘယ္လိုေတာင္ မ်က္လုံးႀကီးေတြျပဴးထားၿပီး သြား ၃၂ေခ်ာင္းလုံးကို ၿပဲေနေအာင္ျပဴးျပထားသလိုမ်ိဳး ရယ္ေနခဲ့မွန္း သူ႕ကိုယ္သူလည္း မစဥ္းစားတတ္ေတာ့ေခ်။ ဒါႀကီးက ဆံရစ္ဝိုင္းနဲ႕ဘီလူးႀကီးလားလို႔ေတာင္ ျပန္ေမးခ်င္မိတဲ့အထိပါပဲ။
" ႐ုပ္ဆိုးလိုက္တာ.. "
" ဟားဟား! မဆိုးပါဘူး။ ေသခ်ာၾကည့္ရင္ ခ်စ္စရာႀကီးပါကြ "
" မုန္းလိုက္တာ..။ ပို႐ုပ္ဆိုးတဲ့ပုံကို ငါပဲယူထားလိုက္မယ္ေနာ္ ငလူး.. "
" အဟြန္း! တကယ္ဆို ႏွစ္ပုံလုံး႐ုပ္ဆိုးတာခ်င္းက အတူတူပဲ ငျပဴးရ "
" ဟြန့္! ငလူးပဲ "
" ဟ! ငျပဴးက ဆဲတတ္တယ္လား..။ မေၾကာက္မ႐ြံ႕.. ဘုရားေပၚမွာေတာင္ လာဆဲရဲတယ္ေပါ့ေလ "
" ဟင့္! အာ့မင္းေၾကာင့္ေလလို႔..။ ကန္ေတာ့ပါဘုရား.. ဒီအမိုက္အမဲေလးကို ခြင့္လႊတ္ေပးပါဗ် "
" ဟားဟားဟား! "
လက္အုပ္ေလးခ်ီကာ ခ်က္ခ်င္းထိုင္ကန္ေတာ့ေနတဲ့ ခေညာင္းဦးကိုၾကည့္ၿပီး လူးလြန့္ေမာင္ခမ်ာ ရယ္မဆုံးပင္ျဖစ္ေနရေတာ့သည္။ ဒီညွက္စိေလးက ဘယ္လိုေတြေတာင္ လုပ္ျပေနတာလားကြာ။
________
ငျပဴးငလူးခမ်ာ တစ္ႀကိမ္တစ္ခါေလး အျပင္အတူသြားမိပါသည္။ ႏွစ္ေယာက္သားႀကဳံလိုက္ရတဲ့ အလြဲေပါင္းမ်ားစြာနဲ႕ လူၾကားထဲအရွက္ကြဲမႈမ်ားမွာ ျပန္ေျပာင္းမေျပာတတ္ေလာက္ေအာင္ပင္..။
ဒံေပါက္စားၿပီး ဖာလူဒါဆက္ေသာက္ၾကရင္းက ေအးလြန္းလို႔က်ဥ္တက္သြားတဲ့ ေခါင္းတစ္ျခမ္းကို ခေညာင္းဦးတစ္ေယာက္ သူ႕အရိုးထဲကအားနဲ႕ အသားကုန္ရိုက္မိလို႔ မူးေဝသြားမတတ္ ခံစားလိုက္ရသည္ေလ။ ဒါကိုျမင္ၿပီး ခြက္ထိုးခြက္လန္ထရယ္လာတဲ့ လူးလြန့္ေမာင္ကလည္း သာကူေစ့နင္သြားလို႔ ေက်ာျပင္က်ယ္ႀကီးကို ညွက္စိအရိုးအားနဲ႕ ေျဗာတင္ခံရျပန္ေသးသည္။
အခုလည္း အိမ္အျပန္ air con bus ကားေပၚမွာ ခုံေနရာမရလို႔ လူးလြန့္ေမာင္ရင္ခြင္က်ယ္ႀကီးထဲ ဝင္ျမႇုပ္ေနရတဲ့ ခေညာင္းဦးခမ်ာ ေခြၽးသီးေခြၽးေပါက္ေတြကို က်လိဳ႕ပဲ။ ကားမူးတာကတစ္မ်ိဳး၊ လူက်ပ္တာကႏွစ္မ်ိဳးနဲ႕ သူ႕မွာခ်ာခ်ာလည္ခ်င္ေနၿပီ။ အဲ့ဒီေနရာမွာ ခေညာင္းဦးတစ္ေယာက္တည္း ကမၻာပ်က္ေနတာေတာ့ မဟုတ္..။
လူးလြန့္ေမာင္ခမ်ာလည္း လူၾကားထဲမွာမို႔သာ ဟန္ကိုယ့္ေနရေပမယ့္..၊ ရင္ခြင္ထဲကခေရပန္းရနံ႕ေၾကာင့္ ဘာသာမသိလိုက္ခ်ိန္မွာေတာင္ သူ႕လည္စလုတ္ႀကီးက အေပၚတက္ေအာက္ဆင္း ေလ့က်င့္ခန္းေတြလုပ္ရလြန္းလို႔ ဝိတ္ပင္က်ခ်င္ေနရၿပီ။
အခုလိုမ်ိဳး သူငယ္ခ်င္းဆက္ဆံေရးေလးတစ္ခုက ဘယ္ေလာက္အခ်ိန္ထိတိုင္ေအာင္ ခံနိုင္ရည္ရွိပါဦးမလဲဆိုတာကို လူးလြန့္ေမာင္လည္း အတပ္မေျပာတတ္ေတာ့ပါ။ သူတို႔ႏွစ္ေယာက္ ဘယ္ေလာက္ပဲ ရင္းႏွီးၾကတယ္ေျပာေျပာ..၊ ခႏၶာကိုယ္ႏွစ္ခုက တစ္ခုတည္းျဖစ္သြားေအာင္ တစ္ထပ္တည္းက်ရေလာက္တဲ့အထိ တစ္ခါမွမရင္းႏွီးခဲ့ဖူးၾကေပ။
ဒီေန႕အဖို႔ေတာ့ ဘယ္လိုပဲအလြဲေတြနဲ႕ ဂယက္ထေနမိပါေစ..၊ ဟန္ေဆာင္ပန္ေဆာင္နဲ႕ေတာင္ ေျဖမဆည္နိုင္ခဲ့တဲ့ အတိတ္ေန႕ရက္အတြက္ သူ႕အေမာေျပေလးက အစြမ္းကုန္ကုစားေပးခဲ့ပါၿပီ။
2024 / Feb / 9
TomorrowChen (_ _).｡o○
♪───Ｏ（≧∇≦）Ｏ────♪