#جلباهار الضل الاسود "
#الكاتبة: ايفا الصابر
أشتقنا لناس كانت سعادتنا ..
كانت حياتنا ..
كانت كل شئ…!!
*******
بقينا صافنين بوجهه
ثابت: شنو جحيم؟
حسبان: هاي البت ما راح تطلع مثل اي احد من عائله ال حسبان هاي راح تصير داهيه اذا تنحط ويا حيايه تطلع هي سمها اكثر منهن
سوادي: شهل حجي بويا؟
حسبان: نظرتي بالبشر ما تخيب وهاي راح يصيرلها بالمستقبل هواي شغلات بس تجتازهن بمكرهه احس راح يصيرلها اسم جبير
ثابت: تحجي صدك يابا
حسبان: ولك اني ليمتةة مجذب هالطفله عيونها رغم براءه بس بيهن قوه احس عيونهة بيهن قوه عجيبه
بقى ثابت صافن بابوي وابوي نفس الشيء استغربت وضعهم كطع صفنته صوت الجهاز يتصل جان شخص من شغله جاوبة وحجة وياه وسده،،
حسبان: المهم بويا انا جمعتكم هنا اريد ابري ذمتي
كاطع: خيرك يابا
حسبان: بويا انتم اخوه واني ما يهون علية اسوي هجي بس اريد احدد من هسه خاف كلشيء يصير بالمستقبل
اسعد: شنو بويا شكو؟
حسبان: يابا انا اريد اعلمكم بحصصكم بالورث ما راح اقسمهن هسه بس اعلمكم بيهن كل شيء يصير بالدنيا اذا متت تتقاسموهن بس هسه اكولكم اللي تاخذونهن شنو
ثابت: الله يطول بعمرك بويا شهالحجي هذا
حسبان: احسن يبني احسن اريد ابري ذمتي وانتة حالك من حال اخوتك الك حك يمي والحجيته كبل جان بساعه عصبيه
بقينا كلنا ساكتين وهو بلش يحدد بالاراضي والمزارع والبيوت
....
كاعده بضوجه منتظره حبيبي بابا اشتاقيت له تكول مو يوم فاركني لا اكثر اجت ماما يمي
ناريمان: فوتي لجوه يا امي لا تمرضي
سيسيل: منتظره بابا ليش تاخر
ناريمان: قبل شوي اتصل حكى لي انه حيوصل شغله ربع ساعه
سيسيل: تمام لعد انتظره
ناريمان: اخ من عنادك يا فصعونه
تركتني ودخلت لجوا بقيت منتظره بابا وصدك اقل الربع ساعه وصل،،
رحت لةة ركض رفعني من الارض وباسني بخدودي،،
ثابت: افففيش فراشتي الحلوه منتظرتني؟
سيسيل:اي بابا اشتاقيتلك
ثابت: يا بعد روح ابوج
نزلني ودخلنا لجو ونمشي ونسولف طلعت ماما وجساس تلكوا وكعدنا كلنا سويه تكول ما شايفين بعض من سنين مو يوم واحد صارلنا مفترقين،،
ظلينا سويه لحد ما تعبت تركتهم وصعدت انام تعبانه من الصبح منتظره جيت بابا وعفتهم جوه وحدهم بس لو ادري بالي راح يصير جان ما عفتهم وحدهم جان بقيت بين احضانهم كل وكتي جان خليتهم بروحي،،
كعدت ثاني يوم نزلت متحمسه مثل كل سنه بعمر جديد الي نزلت بس استغربت هدوء ليش مو مثل كل مره،،
رحت للصاله شفت بابا يتابع اخبار ابتسمت ورحت يمه،،
سيسيل: باباتي
ثابت: ها فراشتي
سيسيل: اليوم ما طالع للشغل شنو المناسبه
ثابت: ماكو مناسبه بس اني تعبان وكلت ارتاح
صفنت بوجهه
سيسيل: ماكو ولا اي مناسبه
ثابت: اي ماكو ليش تسالين
سيسيل: لا هيج انسى
عفته وكمت مستغربه هاي اول مره هيج ينسون،،
رحت لماما لكيتها بالمطبخ
سيسيل: ماماتي
ناريمان: شوفي حبيبتي
سيسيل: شنو تسوين؟
ناريمان: عم حضر بالغدا
سيسيل: بس غدة
ناريمان: لكان؟
سيسيل: يعني ماكو شيء اليوم تحضرينه غير الغدة من ايدج
ناريمان: لا شوفي؟
سيسيل: لا ماكو شي
عفتها وطلعت سالت على جساس كالولي بالشغل خنكتني العبره يعني اليوم ميلادي الـ 12 وهمة ناسيني،،
عفتهم وصعدت لغرفتي خليت السماعات باذني وشغلت اغنيتي وكعدت ارقص كدام المرايه هاي كل ما اضوج اعبر عن زوجتي بالرقص ماجب ابجي،،
مده مو قليله وصعدولي بابا وماما استغربت شكو وهمة حتى ميلادي ناسينه اجوا يبوسون بيه ويضحكون،،
ثابت: يا ابوية العزيزه ضايجه عود ردنا نسوي ميلادج مفاجاه بس ما كدرت اشوف الزعل بعيونج
ناريمان: كل عام وانت بخير يا روحي تؤبريني حبيبتي
حضنتهم فرحانه
سيسيل: احبكم
ثابت: هاي فكره جساس كال لا تكولون وهو راح يجيب كيك بس ما كدرت اعوفج ضايجه اكثر بيوم ميلادج بس حبيبتي سوي نفسج ما تدرين لا يضوج خوش
سيسيل: خوش بابا لاتاكل هم
تركوني وطلعوا كالوا نروح نرتب الصاله وانتي ضلي فوك عود ما تدرين على ما يجي جساس،،
هم طلعوا وانا ركضت طلعت فستان عندي نفش كلش حلو بيبي جايبتة الي من سوريا يجنن ابيض لونةة،،
لبسته طلعني مثل العـروس لان نفش فتحت شعريي وصفنت شويةة على شكلي بالمرايةة،،
: ياربي احسن ناقصني شيء بس شنو؟؟
بقيت صافنةة ثواني وصحت بطفرة
: لكيتةةة
طلعت اتخنس من غرفتي اروح ابوگ من مكياج ماما ماريدها تحس عليةة لان تعصب تكولي بشرتج حساسة لاتخربيها من هسه بس اني روحي بهل سوالف،،
طلعت والضحكةة مالية وجهي بس وكفت وعگدت حاجبي باستغراب واني اسمع صوت شيء قوي من الطابق الارضي،
كل فكري شيء وكع من ماما وبابا وهمةة ديحضرون،، نزلت بهدوء صرت بلوفة الدرج محد ينتبهلي،،
كلت البد خاف اجةة جساس ويضوج اذا عرف بيةة عرفت
مشروعهم المخفي،،
باوعت من الطرف بس توسعت عيوني وبلعت ريگي واني اشوف 3 مسلحيـن واكفين بنص الصالةة لابسين اسود بس وجوهم مبينةة موجهين اسلحتهم على بابا وهوه حاط ماما ورة ضهرة،،،
جمدت بمكاني شنو دا يصير شنو هايي؟؟
ركزت بلزلم اثنين غرب وملامح الشر بعيونهم بس واحد وا واحد هاذا ايي هاذه هاذه اعرفةة،،
بلعت ريكي بصعوبةة اعرفةة هاذه ايي والله اعرفةة هـ
نشغت وحطيت ايدي على حلكي اضيع صوتي واني اشوف طلقةة تخترق راس ابويةة حته تنهي انفاسةة،،،
اباوع وعيوني متوسعةة وهوه يصارع بلگاع حته يسحب نفس بس بلا فائدة لان انتهت انفاسةة ابوي راح،،
صوتي مانسمع لان صار ويةة صراخ ماما،، تصرخ متهسترة على منضر حبيبها ونصها الثاني يلي حاربت سنين على مودة،،
بس هم لثواني قليلةة ورفع سلاحةة انطاها طلقةة بگلبهاا استقرت عن الصياح وسكنت ثواني بس وطاحت بحضن ابويي،،
حته حته هنا هم يرحون سويةة؟؟
الهل درجةة حبهم قوي حتةة يرحون للموت سويةة؟؟؟
يتبع😈...
توقعاتكم للقادم 💔؟
ه
سه يلا راح تبلش الاحداث الصحيحةة
صوتوا وانتضروا البارت الجاي ♡.
في امان لله