جـلـباهار" الضل الاسود "
#الكاتبة: ايفا الصابر
الغيرة...
في الحب♡..
كالماء للوردة..
قليله ينعش..
و كثيره يقتل..!!!
********
واحد صار ينلطم بالثاني ما نعرف شنو نسوي انتبهت على ملامح ابوي مبتسم حمدت ربي وشكرته لان الله هداهم،،
جانو ثنينهم قافلين،،
التمينا كلنا منتظرين جيتةة لحد ما كالوا ثابت وصل،،
طلعنا نركض تلكيناه اباوعله حبيب اخته لابس قاط ونظارات طبيه،،
مبين عليه الكبر شعره صاير بي شيب بس مرتاح مبين على وجهه الراحه،،
سلمنا عليه بس سلامنا كله يختلف عن سلامه ويا امي كلها نزلت دموعها على موقفهم،،
نزل يبوس بايديها ورجليها ويشمشم شيلتها ويحجي بغصه وياها ما وخروا لحد ما ابوي كال
حسبان: كافي يلا تعالوا نكعد لزمتوه من الباب
دخلنا لجوه احنا رحنا نحضر الغدة الهم كملنا بسرعه وصبينا صحناهم يمنا كعدنا ناكل على السفره،،
سوادي: خوية عندك اطفال؟
ابتسم
ثابت: اي الحمد لله والشكر
حسبان: صدك بويا ما جبت عايلتك وياك؟
ثابت: طريق طويل خفت عليهم اجيبهم مره ثانيه ان شاء الله
امنيه: اي نريد نشوف انتاج اخوي
احلام: صدك خويا ما عندك صور لعايلتك؟
ثابت: اي عندي
حسبان: كافي خلي اخوكم ياكل لا تضوجونه
ثابت: خليهم بويا
احلام: ورا الغداء شوفني اياهم حباب
ثابت: من عيوني
كملنا غدانا وراحت احلام سوت جاي ورجعت وزعته عليهم وكعدت بصف ثابت،،
احلام: يلا يلا
ثابت: شنو؟
احلام: نسيت بهالسرعه يلا شوفني انتاجك
ابتسم وطلع تليفونه
احلام: شوفني زوجتك اول خلي اشوف الخبلت اخوي وحبها
طلع صوره ورواه اياها شافتها
وشهگت،،
صاحت بيها امي
حسرة: شبيج ولج يمه
احلام: هاي هم بشر مثلنا عود؟
حسرة: يا الچفن كون كولي صلاوات ليش تزهگين
احلام: مو تفلشت مشاعري وانا اشوفها من هسه اعلن نفسي جبار كدامها
حسره: شو بلا شوفيني اياها؟
انطتها التليفون بس باوعت لها ابتسمت
حسرة: اللهم صل على محمد وال محمد اكول ليش تسودن ثويبت
سجود: شو بالله شوفوني انا هم تحمست وياكم على الواهس
سحبت الجهاز منهم باوعت بالصوره لا ارادي ابتسمت،،
ما شاء الله صوره بنيه شابه محجبه سبحان اللي صورها ورسمها باعظم ما يكون تخبل بيضه والوجم مدور والعيون تشوف بيهم السماء زرك يخبلن،،
اجن باقي البنات ونسوان اخوتي يباوعن،،
يبرق: هاي تخبل ثابت
ثابت: كافي تحجون على مرتي اغار ترة
سحب التليفون
احلام: شوفنا كتاكيتك يلي اجو من هل انتاج هاذا
هز راسه وطلع صوره ثانيه
ثابت: هذا جساس
احلام: اللهم صل على محمد وال محمد يخبل تكول اجنبي
حسره: شو ناوشيني ولج حليمان
احلام: اي هاج يمه
سحبت التلفون باوعتله ونزلت دموعها
حسره: يا بعد روحي يا يمه يخبل الله يحفظه الك
ثابت: ويحفظج الي يا بعد روحي يمه
حسبان: واني شو بالله راووني ابن ابني
اخذ الجهاز شافه ابتسم وباوع لابوي
حسبان: ولك بويا هذا تكول اجنبي صدك الله يحفظه الك يا بويا
ثابت: ويحفظك الي يابا امين
احلام: تخبل عائلتك ثابت
ثابت: بعد بنيتي ما شفتوها شتكولون
احلام: صدك عندك بنيه؟
ثابت: اي فراشتي هاي
طلع صورتها سحبتها امنيه منةة باوعت بالتليفون ورفعت راسها النا،،
اباوع على ثابت ابتسم على ملامحها
امنيةة: الطم هسه الطم
حسبان: شبيج ولج
امنية: هاي اضرب من الام بقاطات
سحبت التلفون احلام شافته وكالت بصدمه
احلام: اشهد عليها راح تركض شكو رجال وراها
ثابت: ولج احلام
احلام: لا تسكتني خويا هذا الصدك هي بنتك تموت
حسره: انطني هاذه ولجن انطني خل اشوف
سحبته منهن وانا تقربت عليها كلنا التمينا على التليفون يا ربي شجاي اشوف اني،،
هاي شنو هاي راح اتخبل صوره بنيه كاعده على كرسي وبيدها اله موسيقيه "جيتار" فاتحه الشعر والوجه يضحك والغمازات والعيون التخبل جمال،،
حسره: اللهم صل على محمد وال محمد
حسبان: ولجن كافي لزكتن بالتليفون جيبن خل نشوف وياجن
امنية: اي هاك بوية
انطينا الجهاز بس باوع للجهاز صفن عليه ثواني كل احنا استغربنا باوع ليبرق وكال
حسبان: يا بويا يبرق وين نظاراتي؟
يبرق: هسه اجيبهن بويا
كامت جابت نظاراته واحنا مستغربين شكو ليش هلكد ركز بالصوره شنو الموضوع لبس نظاراته ويباوع لها بتمعن،،
حجه ثابت بعد ما جان مستغرب حاله من حالنا
ثابت: شكو بويا بيها شيء صوره سيسيل؟
حسبان: بويا هلبت هاي راح تصير جحيم بحد ذاته
يتبع😈...
توقعاتكم للقادم؟؟
صوتوا وانتضروا البارت الجاي ♡.
«في امان لله»