#جلباهار" الضل الاسود "
#الكاتبة: ايفا الصابر
مجنون هذا الـي "يسمونہَ"
القلب،
يدوّر اللّي ” مستحيـل ”
ويحبّـہَ♡.
********
الايربورت باذني على اكثر اغنيه احبها واني واكفه كدام المرايه وارقص بخطوات مدروسه وابتسم لانعكاسي بالمرايه،،
طفرت على دفره امي للباب ودخولها
ناريمان: لك سيسيل
ابتسمت بوجهه
سيسيل: ها يا حلوتي
ناريمان: لك يا فصعونه انا كم مره حكيت لك ما بتخلي الايربورت باذنك وتسكري الباب؟
سيسيل: ماما ملانه وكلت اتونس شويه اشبيها يعني
ناريمان: لا ما فيها شيء بس صوتي انبح وانا عم ناديكي وحضرتك ما بتسمعيني عم ترقصي هوني
سيسيل: اسفه حبيبتي وهسه كوليلي شعندج؟
ناريمان: انزلي لتحت ابوكي واخوكي عم يستنوكي مشان ناكول
سيسيل: تمام حبيبتي جايه
نزلت ماما وهي ما عاجبها وضعي طفيت الايربورت ونزلت واني الم بشعري شفتهم كلهم ملتمين سويه،،
شافني بابا وصاحني
ثابت: تعاي يمي فراشتي
رحت يمه وماما زعلانةة
ناريمان: وانا ثابت هي فراشتك انا شو؟
ثابت: انتي السبب اللي مخليني عايش بهالحياه انت روحي والواحد بدون روحه يموت
ناريمان: اسم الله على روحك حبيبي
ابتسمت واني اسمع كلامهم مع بعض كله حب ورومانسيه هذول اهلي دائما هيج،،
فزيت على صوت اخوي يتذمر
: هسه انتم ما تعيشون بدون بعض وهاي الثانيه فراشتك واني المگرود شنو وضعي؟؟
ابتسم بابا وسحبه باسه بجبينه
ثابت: انت سندي ورجال البيت من بعدي وسند اختك يا بويا
سيسيل: بابا لا تحجي وياه هيج يصير مغرور
: لج احترمي اخوج اكبر منج اني
سيسيل: واذا اكبر مني كلها خمس سنوات بيناتنا ماكو فرق دادي
باوع على ابوي وحجة
: بويه هاي الفصعونه هم طالعلها لسان
كمت بتهجم
سيسيل: هاي شنو فصعونه مو بعينك عمري راح يصير 12 سنه
: اي واني ما مجذب صدك فصعونه
سيسيل: بابااااا
ثابت: اكعد جساس عوف اختك
عيبت عليه ورجعت كعدت يم بابا نسولف ونضحك ونشاقه،،
اني بنت الدكتور ثابت والسوريه ناريمان البنيه الوحيده عندي بس اخ واحد واللي هو جساس،،
اكبر مني بخمس سنوات وبعده صرت اني ومنعو ماما من الحمل لانها تعبانه وهل شيء ممكن ياثر على حياتها،،
سمع بابا بهالكلام كال لها
ثابت: مستحيل بعد خلاص هذول كافي خير وبركه
وعيت واني عايشه بسوريا الحبيبه البلد يلي احتضنتني من طفولتي ويمي اهل ماما،،
اني مدللني حيل بابا وماما وجساس صح نترادد بس هو حيل مدللني،،
ولهذا اني الدلوعه بيناتهم مثل ما ينكال،،
اباوع كاعده بحضن بابا واخوي يداهرني وامي هم يمنا،،
كعدتنا كلها ضحك وفرفشه وما تخلى من غزل بابا وماما وفصلاتهم عنه وانا وجساس نضحك عليهم،،
لحد ما صار الليل كل شخص راح لغرفته ومرت حياتنا بهدوء،،
بس لاحظت بفتره بابا متوتر والحيره على وجهه وامي لا تقل عنه لذلك سالناهم اني وجساس بس محد بيهم جاوبنا جواب بصراحه ولفو وداروا بالكلام،،
لحد ما بيوم كاعدين على الاكل وانصدمنا من بابا كال
ثابت: حضروا ارواحكم راح نرجع للعراق الاسبوع الجاي
اباوع على اخوي مصدوم بس ماما الواضح تعرف راح يقرر هيج قرار فرده فعلها طبيعيه،،
جساس: شنو بويا اشعدنا بالعراق؟
ثابت: اهلي هناك بويا جدكم يريدني ارجع واني هم اريد اشوف امي
يتبع😈...
توقعاتكم؟؟
شراح يصير برجوع ثابت وناريمان للعراق؟؟
صوتوا وانتضروا البارت الجاي قربت احداث الرواية تبلش♡.
«في امان لله»