_ الكاتبة : Duha_al amer 🦋
_ صوتو للبارت بنجمة ✌️
_ صلو على الحبيب محمد
_ بسم الله الرحمن الرحيم .
احبكم ❤️❤️
تابعوني بالانستا. duu_199 🎶🎶🎶
____________________________________
مديح : ادك عليج مجاوبين ظل بالي
روح : جان كاعد بالكاع ورجله ملفوفه وايده معلكه بركبته .. اءءء انت جابك هنا
_ وكف سلم على خالي واجه عليه راد يلزم ايدي اجتفت ورديت السلام ..
مؤيد : شلون كدرت تسوق
مديح : صاحبي جابني بسيارتي وراح البيت خالته ومن ارجع يرجعني
مؤيد : هلا بيك هلا
روح : دخلت للغرفه ابدل .. لبست تراك طويل وشال .. طلعت شفته يباوعلي بنظرات سخيفه
الهام : تعالي حبوبه نصب غده سويه
نجاة : بهمس .. هذا شكله ابد مو راحه
الهام : اشتغلي وسكتي
مديح : حجيه شلون صرتي
الهام : زوينه
مؤيد : مو متجين بالمهر ان شاءلله بحيلج
روح : اتنرفزت وصبيت الاكل خليته كدامهم وما اتغديت طبيت جوه
نجاة : تعالي اكلي چا مو خطيبج جاي تعوفي وتكعدين بالغرفه شلون يصير
روح : عفيه نجاة كولي لكيتها نايمه
نجاة : بكيفج
روح : طلعت وسمعتها تكللهم نايمه .. خلصو الاكل سمعت صوت نجاة تنظف بالمطبخ دخلت بيبي عصبيه
الهام : كومي طلعي كعدي يم رجلج
روح : شلون سويتو رجلي ترا خطيبي
الهام : يصير رجلج بعدين كومي حبوبه تنعلي الشيطان
روح : لبست شالي بضجر .. طلعت للهول لكيته كاعد وحده .. كعدت بعيد عنه سحل نفسه وادنالي
مديح : المن لابسه شال خلي اشوف شعرج
روح : انت متحل عليه هسه عود بعدين
مديح : منو كلج ما احل راوينيا انتي اول وتالي مرتي
روح : شلت البيت مال نعناعه وطلعته حضنتها وشبعتها بوس
مديح : شمالج راح ازوع
روح : هاي اغلى منك
مديح : شني شكلتيييي
روح : ابتعدت عنه وكفت بحجه اسوي جاي طلع خالي من الحمام وكعد بصف مديح
مؤيد : الشمس بدت تغيب لو تخابر صاحبك كبل الليل
روح : فرحت من كلام خالي .. كلت بكلبي يا الله
مديح : عبالي اليوم ابات
مؤيد : اذا تريد تبات هلا بيك
مديح : لا متسوه بعد غير يوم
روح : خابر صديقه .. وصبيتلهم جاي شربه واستأذن من راد يطلع لزم ايدي بأيده السليمه عود يسلم عليه .. سحبتها منه
مديح : حلقتج وين
روح : بالجنطه رادت توكع مني وضميتها
مديح : لبسيها كدامي قبل لا اروح
روح : الجنطه بغرفه خالي عيب ادخل هسه بعدين
مديح : عود خابريني
روح : جهازي احترك
مديح : لاااا واني اكول ليش مجاوبيني .. دخلت بذنبج
روح : اي والله ..
مديح : حاولي اصلحي او جيبي اني اصلحه واجيبه
روح : لا خالي ودا للمصلح
مديح : رحم الله والديه
روح : ما صدكت يطلع .. جريت نفس براحه التفت عليه خالي وحجه بعدم رضى
مؤيد : اني ما احب البنيه الجذب
روح : خجلت من كلامه واستحيت كدام نجاة .. حسيت وجهي صار دم
مؤيد : رجال شكدني شكبرني كمت اجذب وياج
روح : خالو اني ماردته يصلح جهازي لان ما اريد يجي بعد بحجه الموبايل واذا ع الكليه ضايج اتركها
مؤيد : لا خالي روحي روحي
روح : دخلت للغرفه اهفي على وجهي .. كل جذبه صارت بسبب فاروق خلاني اجذب ومحد يصدكني بعد ..
_ لليل خالي ونجاة طلعو تعشو برا .. سويت اكل الي والبيبي واكلنا سوا
الهام : اني رايحه انام من تنعسين طفي اضويه البيت يله تنامين
روح : بقيت كاعده مثل الثوله بدون موبايلي .. شغلت التلفزيون وكعدت اتفرج مسلسل تركي قديم .. سمعت صوت برا
نجاة : مساء الخير هاج هاج شلعن كلبي
روح : اخذت بناتها صدك ثكال الله يساعدج
نجاة : اريد عربانه ثنائيه بس اطلع اشتري
مؤيد : اني اجيبلجياها شكم نجاة عندي
روح : ابتسمت وكامت ترمش بعيونها عافت بناتها يمي وراحت للغرفه شويه وطلعت بملابس النوم اخذت بناتها غافيات
نجاة : عذبنج مو
روح : لا عادي
نجاة : تدرين مناخذ راحتنه بوجودهن
روح : ضحكت ع سوالفها اخذتهن وراحت سدت الباب .. كلبت التلفزيون ماكو شي حلو رحت تمددت وما ادري شلون غفيت
_ فزيت نص الليل عندي ألم بظهري يذبح كزيت ع سنوني متوجعه .. كعدت بالفراش الوج ما ادري شسوي .. اخر شي كمت بالبيت افتر اروح وارجع لا ارادياً دموعي نزلت من الالم وكمت اون بصوت ناصي
الهام : يمه شبيج
روح : بيبي ظهري ما ادري ليش يوجعني
الهام : خاف العاده
روح : لا بيبي مو هسه وكتها اني عندي وجع صارلي فتره وهسه زاد
الهام : خل يطلع الصبح واخذج للطبيب
روح : شوكت يطلع الصبح راح اموت .. كعدت بالكاع اتلوى من الوجع
الهام : شو لبسي خل اكعد خالج
روح : سحلت روحي للغرفه لبست جبه وحجاب اسود سمعت خالي يسولف ويا بيبي شويه واجتي
الهام : كعدي حبوبه خل اشوف دربي
روح : جابت جواريبها لبستهن وخالي بدل ملابسه وطلع كدامنه للسياره .. باوعت الساعه 3 بالليل
الهام : ارتجي عليه
روح : لا بيبي اني امشي .. تمشيت للسياره لازمه ضهري .. صعدت وطلعنه متوجهين المستشفى حكومي قريبه .. اول ما دخلت كالو الدكتور نايم
مؤيد : غير عنده خفاره !
الممرضه : هسه اكعده انتظرو
روح : كعدت على مسطبه انتظرنه ربع ساعه واجه الدكتور لابس الاب كوت ونظاراته الطبيه .. دخلني الردهه الفحص
الدكتور : لازم سونار
روح : تمددت واخذلي سونار .. شويه وكال
الدكتور : عدها حصوه بالكلى والمجرى البولي متملخ لان حجمها جبير وان شاءلله بيها مجال تتفتت
روح : والالم العندي منها
الدكتور : اكيد انتي زين واكفه على رجلج حجم الحصوره جدداً كبير
روح : اخذت سونار ثاني ملون وكتبو حجم الحصوه كتبولي علاج لازم اجيبه من خارج المستشفى والدكتور طلب ما اراجعه بالمستشفى بعد لازم اروحله للعياده
الهام : عود شنو معناها تروحلهه للعياده حتى ياخذ فلوس اكثر
مؤيد : يمه بس يطلع الصبح خابري سلوى لازم البنيه ميعوفوها
روح : انطوني ابره مهدء حتى اكدر انام .. اول ما هود الوجع عليه نمت بالسياره
الهام : كومي يمه كومي نامي جوه بالبيت
روح : فزيت ع صوت بيبي والسياره باب البيت نزلت منها بالصدفه شفته هوه وابنه واخو الصغير جاي يصعدون بسيارتهم تركته ودخلت للبيت بدون ما التفت
نرمان : لزمه حكيم من ياخته الولد صار ازرك بيده
حكيم : اذا شفتك هنا بعد رجلك احشها
باقر : عمي اني غلطان ما كايل شي
حكيم : اطلع برااااا يلا
نزار : شبيكم وياااا متكلولي
فاروق : شمسوي كلي حتى اخلص عليه
حكيم : ما مسوي شي بس هنا ما اله فوته بعد
نرمان : طلع من البيت حتى قميصه انشك رغم كلشي كلبي انمرد عليه
_ باوع عليه وكال
حكيم : بعد ذيج الكلبه بت الكلب حسابها عندي
نرمان : عرفت قصده على شمس ..
نزار : ادري ليش ضربته احنه هم عمتمه خل نفتهم
حكيم : لكيته يدخن
فاروق : واذا دخن
نزار : شنو كفر هوه بكد المطي البعمره حتى شرب يشربون مراهق عوفه يدخن لخه راشديات بس مو هيج سفطته تسفيط ودزيته لهله
فاروق : ومنيه بت الكلب !
نزار : مرته
نرمان : باوعت على نزار وخزرته
نزار : والله شفته يباوع عليج شعليه اني
حكيم : وحده لازم اعيد نظام تربيتها من جديد
ثاني يوم الصبح ..
_ كعدت ما لكيت حكيم وكلهم طالعين الدواماتهم اني ما داومت لان ماعندي شي استغل الوقت انظف واقرا بالبيت
_ سويت ريوك الي وللجهال كعدت اكل شويه وانصدمت من انفتح الباب دخل حكيم ويا شمس عيونها وارمه مبين باچيه .. تركت الاكل وكمت
حكيم : فوتي عمو بعد هذا بيتج
نرمان : البنيه ما حجت بس مبينه ضايجه .. كعد حكيم ع التخم وكال
حكيم : اليوم وكل يوم شموسه تنظف البيت وتطبخ بعد هيه ام بيت معدله ومستحقه زواج
شمس : عمو ومدرستي
حكيم : ليش متدرين بطلتج
شمس : لا باااجي فدوه احجي ويا شنو بطلني اني شاطره بالمدرسه حتى اراويج درجاتي
نرمان : لا حكيم خطيه صك تحجي شنو تبطلها هذا انت المثقف الواعي تحرمها من الدراسه
حكيم : حبيبتي انت لتدخلين بنت اخويه واني اعرف بيها
نرمان : ضجت من تصرفه جانت شايله جنطه بيدها واكفه متخوصره
شمس : وين اودي غراضي
حكيم : اي غرفه من غرفه عمامج خلي ملابسج بغرفه فاروق
شمس : عمي فاروق لا حباب عمو انام بالصاله
حكيم : امشيييي لج تشرطين
نرمان : اخذت جنطتها منها خليتها على صفحه
حكيم : اليوم اريد اكل من ايد شمس ..
شمس : ما اعرف اطبخ
حكيم : باجي توكف وياج وتعلمج .. اوكفي انت عندج موبايل !
شمس : مال ماما القديم
حكيم : جيبي
شمس : مجايبته وياي
حكيم : نرمان فتحي جنطتها وشوفي بيها موبايل
نرمان : تنهدت وشلت الجنطه فتحتها دورت شويه ولكيت شي ملفوف بتشيرت اسود فتحته وطلع جهازها .. شلته وانطيته الحكيم
حكيم : هل مره جذبتي مره صانيه حلكج اشكه .. يلااا ولي
نرمان : البنيه صار وجها احمر طلعت من الهول للمطبخ .. اريد اطلع سمعته صاحني
حكيم : حطي عينج عليها ما اريدها تعتب الباب ولو تموت متخلي اصبعها على جهاز لو ايباد مال جهال نهائياً
نرمان : هاي هيه مثل متريد بس مدريتها حرامات
حكيم : مو حرامات روحي وما اريد اشوفج تشيلين كشايه اريد اتفلها المر .. وجيبي صينيه الاكل جوعان
نرمان : انطيته الصينيه ورحت للمطبخ شفتها تبجي وكفت مجتفه وحجت بصوت ناصي
شمس : اني ما اريد ابقى هنا اني اكرهكم واكره عمامي كلهم وانتي هم وياهم
نرمان : ليش هيج تحجين مو عيب
شمس : لا مو عيب منو سجن بابا مو انتو وحرمتونه منه
نرمان : انتي منو كلج هذا الكلام
شمس : امي دائماً تكول لو منطي حقه جان ما سوالكم هيج بس انتو اكلتو
نرمان : يعني افرضي صحيح الكلام وكلبي بالعكس وعمج حكيم حاول يذبح امج وابوج تقبلين مراح تشوفي يستحق السجن .. عمج حكيم لحد الان اثار الخياط بطنه واني عندي جلطه وجنت طفله ورجلي لحد الان بيها اثر مسامير اشوفجياها !
شمس : يبقى ابويه
نرمان : يبقى ابوج ما كلنا شي
شمس : اني ما اعرف اطبخ سوي الاكل انتي وكولي اني سويته
نرمان : عندي دراسه .. طلعي تمن من الكاونتر واكو بانيه جامده سوي مرك
شمس : شلون اسويها
نرمان : وكفت اشرحلها شلون تسويها تقويباً افتهمت .. رجعت للهول مبتسمه فتحت كتابي وكعدت اقرأ
_ للضهر جه نزار ورا شويه اجه فاروق انصدمو بوجود شمس .. وهيه كلبت وجهه سلمت عليهم وكعدت خايفه
نزار : هاي شنو البيت منور تعاي سلمي عليه وبوسي ايدي خل ارضى عليج
حكيم : ليش منو انت !
نزار : عمها شيال همها
شمس : هلاو عمو
نرمان : بوست نزار وكفت سلمت على فاروق من بعيد
فاروق : امج شلونها
شمس : زينه
نرمان : جانو يحاجوها بهدوء اخذتها ورحنه نصب غده ورجعنه لكيتهم كالبين عليها
فاروق : المركه مو مي ترا ما اكل واخليج اطبخين غيرها
شمس : عمو زينه شوفها
حكيم : يعني تنأكل
نرمان : كعدنه ناكل صدك الاكل مو طيب والمركه مي وبانيه انقهرت عليها هيه ما اكلت ابد
فاروق : شو متاكلين اكليييييي مو كافي الغده جنه علف دجاج
نرمان : باوعت عليها انهضمت
شمس : بعد ما اطبخ
حكيم : شنو
شمس : قصدي بعد ما اطبخ المركه خفيفه
حكيم : عبالي ..
فاروق : هسه انتو اجربون بينه اني راجع من الدوام الغالي مالتي مشتعل
نزار : كاعد بالمكتب واتخيل المقلوبه تنكلب والدجاج دهين والسوب حار ارجع للبيت هيج اسون بيه
نرمان : عفتهم يحجون ولميت الاكل وكفت تغسل مواعين خلصت وفلتت تلعب طوبه ويا الجهال بالحديقه
فاروق : هاي ليش هيج تعاملها !
حكيم : اريدها تعرف قيمه عيشتها ويا امها والمسؤليه شلون صايره
نرمان : بس هيج راح تكرهنه
حكيم : ميهم
نرمان : صارت الدنيا غروب وهيه بالحديقه زمخ بيها حكيم تصعد
شمس : عمو بعدنه نلعب
حكيم : شنووو انتي زعطوطه صعدددي يله
شمس : راح اصعد
نرمان : صعدت فوك كالبه وجها سويت جاي وانطيتهيا تنزله العمتي
نزار : اجتي نجاة وهاي بت حماتها وجها اصفررر يخوف
نرمان : جان فاروق يشرب جاي رجع الستكان وجاوب نزار قبلي
فاروق : منيه !
نزار : ما ادري شسمها نسيتها
نرمان : باوعت من الشباك روح بيدها كانولا وشكلها شاحب وشفايفها بيض .. اشرتلي نجاة بمعنى سلام
نجاة : اكلج اني اتوقع تعرفين اضربين ابر مو !
نرمان : اي اعرف شبيها
نجاة : عدها حصوه بالكلى وانطوها ابر بالوريد
نرمان : بالوريد سهله .. صعدت روح بوستني ودخلت كالت
روح : السلام عليكم
فاروق : احم وعليكم السلام
نجاة : شلونك حبيبي فاروق
فاروق : هلا بيج خوماكو شي
نجاة : لا بت حماتي مريضه
روح : جنت كاعده ع التخم ما رفعت عيني بعينه كسرت الابره نرمان وسحبتها
نرمان : راح اضربها بين سيسي وسيسي خمس دقايق حتى الوريد ميتصلب
روح : اول ما ضربتني شاغت روحي من دخل الدوه ..
نرمان : اجيبلج عصير ليش هيج وجهج مصوفر رحتي طبيب زين ؟
روح : رحت طبيب بمستشفى ال****
نرمان : ليش ما رحتي عياده خاصه افضل الج
نجاة : منيلها فلوس العلاج صار 110 الاف عبالك ذهب مو ابر
نرمان : هوه علاج الكلى غالي
نجاة وامها غلست على الفلوس مال مؤيد تكول رحم الله والديك
روح : التفتت على نجاة ضجت من كلامها .. اكيد امي مراح تترك الفلوس وان شاءلله ترجعهن لتخافين
نجاة : لا حبيبتي مو ع الفلوس اني انتي وخالج اني شعليه
روح : صح انتي كلتيها اني وخالي .. جان كاعد كبالي وبيده سبحه يفرها يمين ويسار بتوتر اخر شي لفها على ايده وحط ايده على وجها
نرمان : شموسه حبيبتي جيبي مي
نجاة : شمس بت نجم !!!!
نرمان : اي
نجاة : شعدها جايه
نرمان : زياره
نجاة : ياااااا زياره
فاروق : نجاة كومي اريد انطيج شغله
روح : كامت راحت ويا اخوها .. شويه ورجعت صايره بارود وجها ميكصه الطبر كالت
نجاة : اني رايحه عود انتي تعالي ما طلعت ابره هاي
روح : صدك عافتني وراحت بقيت كاعده كملت الابره وقررت اكوم اطلع
نرمان : اخذج اني اوصلج
فاروق : لا خليها اني واصلها
روح : حسيت حتى ريكي مينبلع بعد باوعت عليه نرمان وبقت ساكته ما كدرت اقبل كلت
_ لا خليني مابيه شي اكدر امشي .. بوستها وطلعت اتمشى بالحديقه شفت كنان وعلي بوستهم سبقته ومشيت حسيت بي ورايه وضله بين بالكاع
فاروق : اوكفي خل افتهم شبيج مريضه
روح : فاروق رجاً اعتقني ولتوكفني ومن متشوفني وشنو معناها تكول النرمان اني اوصلها
فاروق : انهديتي عاضج جلب
روح : نترت بي احجي وياي باحترام .. تقرب علي وصار وجهه قريب على وجهي صاح بصوت خرسني
فاروق : هييييييي لججج شبيييييج
روح : انداريت اريد اعوفه واروح لزمني من جتفي وعصره بيده حاولت ابعد ايده خاف احد يشوفني عطت بي .. وخررر ايدددك عني لا اصيح وخااالي موجود
فاروق : خالها لا اهتز *****
روح : سافل
فاروق : حضري روحج باجر تروحين للطبيب
روح : رحت اليوم لتدخل بيه
فاروق : جهازج وين
روح : عطل
فاروق : عوفي خيولي
روح : مابيه حيل احجي .. تركته ومشيت فتحت الباب ودخلت نجاة متحجي ويايه وبيبتي هم ضايجه
الهام : ليش كايله النجاة روحي وضاله هناك واخوتها موجودين
روح : باوعت النجاة مصدومه .. اني !
الهام : لا امي
روح : نجاة مو الابره بايدي وعفتيني وطلعتي
نجاة : كلتلج راح اروح بقيتي كاعده
روح : بيبي الابره مو بسرعه اضربها اتأخرت بيها وبس كملت كبل رجعت كدامج ما اتأخرت
الهام : بعد متروحين باجر اخذج اشوفلج مضمده تضربج
روح : مثل متريدين .. ضجت من نجاة لان لفقت عليه .. سوت عشه بس ما اكلت شربت دوايه ونمت من وكت ..
_ كعدت الصبح على صوت المنبه مال جهاز بيبي .. رحت غسلت وجهي وبدلت ملابسي لكيت خالي كاعد .. طلعت ويا للسياره حتى يوصلني
مؤيد : شربي مي هواي ويا علاجج مو تتخربطين مابينه حيل
روح : ماشي .. جنت شايله بطل مي بيدي الطريق كله اشرب حسيت بطني تأذيني لان مماكله شي .. وصلني قريب الجامعه ونزلت اتمشى للبوابه متأخره
_ دخلت لكيت المحاضره باديه والدكتور موكف 4 بنات بالباب من ضمنهم وحده اسمها ريناد
ريناد : وين فايته طردنه
روح : ليش
ريناد : لان متأخرين وهاي دك جهازها وفتحت خط تسولف
روح : عزا وين كاعده بالكافيه
ريناد : شمدريني
روح : احسن ما اتفشل تركتهم وتمشيت قررت اشتري ريوك واكعد اكل من اليارحه على لحم بطني وعندي علاج .. اجتي وياي ريناد وبنيه عرفت اسمها صفا
ريناد : هذا الدكتور لا اطيقه ولا يطيقني
روح : هوه اسلوبه جاف
صفا : خل يولي على شنو شايف روحه
روح : اشترينه لقات وعدنه على مسطبه ناكل حسيت واحد وكف فوك راسي رفعت عيني بطئ ..
فاروق : كومي حتى ندخل اول الناس حاجز من الصبح
روح : بقيت فاكه حلكي .. يا وين
فاروق : للدكتور
روح : اجت عينه على البنات البصفي ورجع يباوع عليه .. انتبهت عليهن يباوعن عليه كمت ويا تمشيت شويه ابعد عنهن
فاروق : يله فضيها ما ضل وكت
روح : اخذ الفه من ايدي وعضها .. حجيت بعصبيه ولزمت نفسي ما اصيح .. انت حالف تفضحني واشوه سمعتي بكل مكان
فاروق : شمسوي
روح : فاروق انت شتريد مني اني بس اكمل هاي السنه بعد شكم شهر راح اتزوج اتركني بحالي تماديت هواي وياي ليش افشلك
فاروق : ليش حاطه طماطه بالفه متدرين بيه ما احبها
روح : اني وين احجي
فاروق : كثري صلصه ببسي ماكو ! اذكرت موزين على كلياتج
روح : اكل اخر كمع باللفه وراح للمسطبه شال جنطتي وملزمتي وبطل المي واجه يتمشى لزمني من الكوت وسحلني ويا .. كااافي عيب تصرف هيج اتركني اني مو لعبه عندك
فاروق : صعدي بعرضي صايره دنكه
روح : باوعتله بعدم رضى صعدت بالسياره مسحت على وجهي بغضب .. اريد اتفاهم وياك
فاروق : لعبتي التفاهم
روح : ليش متعوفني بحالي
فاروق : مشكلتي ما اطخ راس الاحد وما اباوع جوه رجلي
روح : لتحجي بالاغاز
فاروق : من اسكر اندفع
روح : وانت سكران هسه ..
فاروق : زلت روحي على بطلين
روح : بطلين شنو !
فاروق : لتخافين عفت العرك جاي اشرب بيره خفيفه ومتفقد
روح : والبيره مو خمر
فاروق : عصير جزر
روح : لطمت على وجهي .. اني شمسويه بحياتي وعثرت بيك نزلني ما اثق بيك
يتبع ...